"Бұқаралық ақпарат құралдары туралы" Қазақстан Республикасы Заңының 4-4-бабы 4-1) тармақшасына, "Өңірлік деңгейде бұқаралық ақпарат құралдарында мемлекеттік ақпараттық саясатты жүргізу үшін сатып алынатын көрсетілетін қызметтердің құнын айқындаудың үлгілік әдістемесін бекіту туралы" Қазақстан Республикасы Ақпарат және қоғамдық даму министрінің міндетін атқарушының 2021 жылғы 19 мамырдағы № 173 (Нормативтік құқықтық актілерді мемлекеттік тіркеу тізілімінде № 22807 болып тіркелген) бұйрығына сәйкес, Шымкент қаласының әкімдігі ҚАУЛЫ ЕТЕДІ:
1. Шымкент қаласының аумағындағы бұқаралық ақпарат құралдарында мемлекеттік ақпараттық саясатты жүргізу үшін сатып алынатын көрсетілетін қызметтердің құнын айқындаудың әдістемесі бекітілсін.
2. "Шымкент қаласының ішкі саясат және жастар істері жөніндегі басқармасы" мемлекеттік мекемесі Қазақстан Республикасының заңнамасында белгіленген тәртіпте:
1) осы қаулының Қазақстан Республикасы Әділет министрлігінде мемлекеттік тіркелуін;
2) осы қаулы оның ресми жарияланғаннан кейін Шымкент қаласы әкімдігінің интернет-ресурсында орналастыруды қамтамасыз етсін.
3. Осы қаулының орындалуын бақылау қала әкімінің бірінші орынбасары Ш.Мұқанға жүктелсiн.
4. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Шымкент қаласының әкімі | М. Айтенов |
| Шымкент қаласы әкімдігінің 2022 жылғы 14 ақпандағы № 262 қаулысымен бекітілген |
Шымкент қаласының аумағындағы бұқаралық ақпарат құралдарында мемлекеттік ақпараттық саясатты жүргізу үшін сатып алынатын, көрсетілетін қызметтердің құнын айқындаудың әдістемесі
1. Шымкент қаласының аумағындағы бұқаралық ақпарат құралдарында мемлекеттік ақпараттық саясатты жүргізу үшін сатып алынатын көрсетілетін қызметтердің құнын айқындаудың осы әдістемесі (бұдан әрі – Әдістеме) "Бұқаралық ақпарат құралдары туралы" Қазақстан Республикасы Заңының 4-4 бабының 4-1) тармақшасына сәйкес әзірленді және Шымкент қаласының аумағындағы бұқаралық ақпарат құралдарында мемлекеттік ақпараттық саясатты жүргізу үшін сатып алынатын көрсетілетін қызметтердің құнын айқындау алгоритмін белгілейді.
2. Өңірлік деңгейде бұқаралық ақпарат құралдарында мемлекеттік ақпараттық саясатты жүргізу үшін сатып алынатын қызметтердің құны (бұдан әрі – көрсетілетін қызмет) бұқаралық ақпарат құралдары қызметінің әрбір жеке түрі үшін осы Әдістеменің қосымшасына сәйкес жергілікті бюджет қаражаты есебінен бұқаралық ақпарат құралдарында мемлекеттік ақпараттық саясатты жүргізу үшін сатып алынатын көрсетілетін қызметтердің базалық бағасына байланысты айқындалады.
3. Мерзімді баспасөз басылымдарында көрсетілетін қызметтің құны мынадай формула бойынша айқындалады:
1) газеттер үшін Pn=Bn x V x Kq формуласы бойынша, онда:
Pn (price) – қосылған құн салығын ескере отырып, газеттердегі көрсетілетін қызмет құны;
Bn – газетте орналастырылатын бір шаршы сантиметрмен көрсетілетін қызметтің базалық бағасы;
V – газетте орналастырылатын, шаршы сантиметрмен есептелетін көрсетілетін қызмет көлемі;
Kq – газет таралымына түзету коэффициенті:
200 000 данаға дейін – 1,3;
100 000 данаға дейін – 1,15;
50 000 данаға дейін – 1;
30 000 данаға дейін – 0,9;
20 000 данаға дейін – 0,8;
10 000 данаға дейін – 0,65;
5 000 данаға дейін – 0,5;
2) журналдар үшін Pm=Bm x V x Kq формуласы бойынша, онда:
Pm (price) – қосылған құн салығын ескере отырып, журналдардағы көрсетілетін қызмет құны;
Bm – журналда орналастырылатын бір шаршы сантиметрмен көрсетілетін қызмет үшін базалық баға;
V – шаршы сантиметрмен есептелетін журналда орналастырылатын көрсетілетін қызмет көлемі;
Kq – журнал таралымына түзету коэффициенті:
15 000 данаға дейін – 1,2;
10 000 данаға дейін – 1,1;
8 000 данаға дейін – 1;
5 000 данаға дейін – 0,9;
3 000 данаға дейін – 0,8;
1 000 данаға дейін – 0,7.
4. Интернет-ресурстағы көрсетілетін қызметтің құны Pi=Bi x V x Kq формуласы бойынша айқындалады, онда:
Pi (price) – қосылған құн салығын ескере отырып, интернет-ресурстағы көрсетілетін қызметтің құны;
Bi – интернет-ресурста орналастырылатын көрсетілетін қызметтің бір таңбасының, секундінің, минутының, данасының базалық бағасы;
V – интернет-ресурста орналастырылатын көрсетілетін қызметтің таңбасымен, секундтармен, минуттармен, даналармен есептелетін көлемі;
Kq – бірегей пайдаланушылардың интернет-ресурсқа кіруінің орташа айлық санын есепке алуға арналған түзету коэффиценті:
айына 500 000 кірушіге дейін – 1;
айына 1 000 000 кірушіге дейін – 1,1;
айына 2 000 000 кірушіге дейін – 1,2;
айына 5 000 000 кірушіге дейін – 1,3;
айына 5 000 000 кірушіден астам болса – 1,4.
5. Телевизияда көрсетілетін қызметтің құны Ptv=Btv x V формуласы бойынша айқындалады, онда:
Ptv (price) – қосылған құн салығын ескере отырып, теледидардағы көрсетілетін қызметтің құны;
Btv – телевизияда орналастырылатын көрсетілетін қызметтердің бір секундінің, минутының, сериясының базалық бағасы;
V – телевизияда орналастырылатын көрсетілетін қызметтің секундтармен, минуттармен, сериялармен есептелетін көлемі.
Егер мемлекеттік ақпараттық тапсырысты қалыптастыру кезінде көрсетілетін қызметте телевизиялық жанрлары бойынша бөлінулер ескерілмеген жағдайда, телевизиялық көрсетілетін қызметтердің құны базалық баға (Btv) бойынша есептеледі.
6. Радиоарнадағы көрсетілетін қызметтің құны Pr=Br x V формуласы бойынша айқындалады, онда:
Pr (price) – қосылған құн салығын ескере отырып, радиоарнадағы көрсетілетін қызметтің құны;
Br – радиоарнада орналастырылатын көрсетілетін қызметтердің бір секундінің, минутының базалық бағасы;
V – радиоарнада орналастырылатын көрсетілетін қызметтің секундтармен, минуттармен есептелетін көлемі.
| Шымкент қаласының аумағындағы бұқаралық ақпарат құралдарында мемлекеттік ақпараттық саясатты жүргізу үшін сатып алынатын көрсетілетін қызметтердің құнын айқындау Әдістемесіне қосымша |
Шымкент қаласының аумағындағы бұқаралық ақпарат құралдарында мемлекеттік ақпараттық саясатты жүргізу үшін сатып алынатын көрсетілген қызметтердің базалық бағалары
№ | Қызметтің атауы | Өлшем бірлігі | 2022 жыл (теңге) | 2023 жыл (теңге) | 2024 және кейінгі жылдар (теңге) |
1. | Қазақстан Республикасының аумағында таратылатын мерзімді баспасөз басылымдарында (газет) көрсетілетін қызмет (ақпараттық материалды дайындау және орналастыру) (Bn) | шаршы сантиметр | 385 | 389 | 405 |
2. | Шымкент қаласының аумағында таратылатын мерзімді баспасөз басылымдарында (газет) көрсетілетін қызмет (ақпараттық материалды дайындау және орналастыру) (Bn) | шаршы сантиметр | 200 | 208 | 216 |
3. | Қазақстан Республикасының аумағында таратылатын мерзімді баспасөз басылымдарында (журнал) көрсетілетін қызмет (ақпараттық материалды дайындау және орналастыру) (Bm) | шаршы сантиметр | 1350 | 1404 | 1460 |
4. | Шымкент қаласының аумағында таратылатын мерзімді баспасөз басылымдарда (журнал) көрсетілетін қызмет (ақпараттық материалды дайындау және орналастыру) (Bm) | шаршы сантиметр | 182 | 189 | 197 |
5. | Республикалық маңызы бар мәселелерді жария ететін интернет-ресурста көрсетілетін қызмет (ақпараттық материалды дайындау және орналастыру) (Bi) | таңба | 92 | 96 | 100 |
6. | Өңірлік маңызы бар мәселелерді жария ететін интернет-ресурста көрсетілетін қызмет (ақпараттық материалды дайындау және орналастыру) (Bi) | таңба | 6 | 6,2 | 6,5 |
7. | Қазақстан Республикасының аумағында таратылатын теле- радиоарналардың міндетті тізбесіне енгізілген телевизияда көрсетілетін қызмет (ақпараттық материалдарды өндіру және орналастыру) (Btv) | минут | 373 457 | 388 395 | 403 931 |
8. | Міндетті теле-радиоарналардың тізбесіне кіретін арналарды қоспағанда, Шымкент қаласының аумағында телерадио хабарларын таратудың ұлттық операторы тарататын еркін қолжетімді теле- радиоарналардың тізбесіне кіретін телевизияда көрсетілетін қызмет (жаңалық сюжеттер өндіру және орналастыру) (Btv) | минут | 8 750 | 9 100 | 9 464 |
9. | Міндетті теле-радиоарналардың тізбесіне кіретін арналарды қоспағанда, Шымкент қаласының аумағында телерадио хабарларын таратудың ұлттық операторы тарататын еркін қолжетімді теле- радиоарналардың тізбесіне кіретін телевизияда көрсетілетін қызмет (ақпараттық-талдамалық, танымдық бағдарламалар өндіру және орналастыру) (Btv) | минут | 17 250 | 17 940 | 18 658 |
10. | Міндетті теле-радиоарналардың тізбесіне кіретін арналарды қоспағанда, Шымкент қаласының аумағында телерадио хабарларын таратудың ұлттық операторы тарататын еркін қолжетімді теле- радиоарналардың тізбесіне кіретін телевизияда көрсетілетін қызмет (білім беру бағдарламалар өндіру және орналастыру) (Btv) | минут | 16 750 | 17 420 | 18 117 |
11. | Міндетті теле-радиоарналардың тізбесіне кіретін арналарды қоспағанда, Шымкент қаласының аумағында телерадио хабарларын таратудың ұлттық операторы тарататын еркін қолжетімді теле- радиоарналардың тізбесіне кіретін телевизияда көрсетілетін қызмет (телевизиялық бағдарламар өндіру және орналастыру) (Btv) | минут | 17 700 | 18 408 | 19 144 |
12. | Міндетті теле-радиоарналардың тізбесіне кіретін арналарды қоспағанда, Шымкент қаласының аумағында телерадио хабарларын таратудың ұлттық операторы тарататын еркін қолжетімді теле- радиоарналардың тізбесіне кіретін телевизияда көрсетілетін қызмет (ток шоу өндіру және орналастыру) (Btv) | минут | 25 167 | 26 173 | 27 220 |
13. | Міндетті теле-радиоарналардың тізбесіне кіретін арналарды қоспағанда, Шымкент қаласының аумағында телерадио хабарларын таратудың ұлттық операторы тарататын еркін қолжетімді теле- радиоарналардың тізбесіне кіретін телевизияда көрсетілетін қызмет (реалити-шоу өндіру және орналастыру) (Btv) | минут | 23 917 | 24 873 | 25 868 |
14. | Міндетті теле-радиоарналардың тізбесіне кіретін арналарды қоспағанда, Шымкент қаласының аумағында телерадио хабарларын таратудың ұлттық операторы тарататын еркін қолжетімді теле- радиоарналардың тізбесіне кіретін телевизияда көрсетілетін қызмет (деректі фильм өндіру және орналастыру) (Btv) | минут | 40 000 | 41 600 | 43 264 |
15. | Міндетті теле-радиоарналардың тізбесіне кіретін арналарды қоспағанда, Шымкент қаласының аумағында телерадио хабарларын таратудың ұлттық операторы тарататын еркін қолжетімді теле- радиоарналардың тізбесіне кіретін телевизияда көрсетілетін қызмет (бейнеролик өндіру және орналастыру) (Btv) | секунд | 6 104 | 6 348 | 6 602 |
16. | Шымкент қаласының аумағында таратылатын радиоарнада көрсетілетін қызмет (ақпараттық бағдарламарды дайындау және орналастыру) (Br) | минут | 11 564 | 12 027 | 12 508 |
17. | Шымкент қаласының аумағында таратылатын радиоарнада көрсетілетін қызмет (аудиоролик дайындау және орналастыру) (Br) | секунд | 539 | 561 | 583 |
