Ескерту. Күші жойылды - Абай облысы Аягөз аудандық мәслихатының 20.09.2024 № 15/290-VIII шешімімен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
Аягөз аудандық мәслихаты ШЕШТІ:
1. Аягөз аудандық мәслихатының 2020 жылғы 2 шілдедегі №49/413-VI "Аягөз ауданы бойынша тұрғын үй сертификаттарының мөлшері мен оларды алушылар санатының тізбесін айқындау туралы" (Нормативтік құқықтық актілерді мемлекеттік тіркеу тізілімінде №7333 болып тіркелген) шешіміне келесі өзгерістер енгізілсін:
1-тармақ жаңа редакцияда жазылсын:
"1. Аягөз ауданы бойынша тұрғын үй сертификатының мөлшері әлеуметтік көмек түрінде қарыз сомасынан 10 %, бірақ 1,5 миллион (бір миллион бес жүз мың) теңгеден аспайтын мөлшерде айқындалсын.";
2-тармақтың 2) тармақшасы жаңа редакцияда жазылсын:
"2) халықтың әлеуметтік жағынан осал топтары:
"мүгедектігі бар балалары бар немесе оларды тәрбиелеп отырған отбасылар";
"Алтын алқа", "Күміс алқа" алқалармен награтталған немесе бұрын "Батыр ана" атағын алған, сондай-ақ І және ІІ дәрежелі "Ана даңқы" ордендерімен награтталған көпбалалы аналар, көпбалалы отбасылар;
толық емес отбасылар.".
2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Аягөз аудандық мәслихат хатшысы | К. Досиханов |
