Шығыс Қазақстан облысының Самар ауданы және Тарбағатай ауданы шекараларын белгілеу туралы

Шығыс Қазақстан облысы әкімдігінің 2022 жылғы 4 қарашадағы № 273 бірлескен қаулысы және Шығыс Қазақстан облыстық мәслихатының 2022 жылғы 4 қарашадағы № 20/183-VII шешімі. Қазақстан Республикасының Әділет министрлігінде 2022 жылғы 7 қарашада № 30429 болып тіркелді

"Қазақстан Республикасының әкімшілік-аумақтық құрылысы туралы" Қазақстан Республикасы Заңының 11-бабы 2) тармақшасына сәйкес Шығыс Қазақстан облысының әкімдігі ҚАУЛЫ ЕТЕДІ және Шығыс Қазақстан облыстық мәслихаты ШЕШТІ:

1. Шығыс Қазақстан облысы Самар ауданының шекарасы жалпы ауданы 547 600 гектар болып белгіленсін.

2. Шығыс Қазақстан облысы Тарбағатай ауданының шекарасы жалпы ауданы 1 017 000 гектар болып белгіленсін.

3. Осы бірлескен қаулы және шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Шығыс Қазақстан облысы әкімі	Д. Ахметов
Шығыс Қазақстан облыстық мәслихатының хатшысы	Д. Рыпаков