"Тракторларды және олардың базасында жасалған өздiгiнен жүретiн шассилер мен механизмдердi, монтаждалған арнаулы жабдығы бар тіркемелердi қоса алғанда, олардың тiркемелерiн, өздiгiнен жүретiн ауылшаруашылық, мелиорациялық және жол-құрылыс машиналары мен механизмдерiн, жүріп өту мүмкіндігі жоғары арнайы машиналарды мемлекеттiк тiркеу қағидаларын бекіту туралы" Қазақстан Республикасы Ауыл шаруашылығы министрінің 2015 жылғы 30 наурыздағы № 4-3/267 бұйрығына өзгерістер енгізу туралы

Қазақстан Республикасы Ауыл шаруашылығы министрінің 2023 жылғы 2 ақпандағы № 49 бұйрығы. Қазақстан Республикасының Әділет министрлігінде 2023 жылғы 4 ақпанда № 31842 болып тіркелді

БҰЙЫРАМЫН:

1. "Тракторларды және олардың базасында жасалған өздiгiнен жүретiн шассилер мен механизмдердi, монтаждалған арнаулы жабдығы бар тіркемелердi қоса алғанда, олардың тiркемелерiн, өздiгiнен жүретiн ауылшаруашылық, мелиорациялық және жол-құрылыс машиналары мен механизмдерiн, жүріп өту мүмкіндігі жоғары арнайы машиналарды мемлекеттiк тiркеу қағидаларын бекіту туралы" Қазақстан Республикасы Ауыл шаруашылығы министрінің 2015 жылғы 30 наурыздағы № 4-3/267 бұйрығына (Нормативтік құқықтық актілерді мемлекеттік тіркеу тізілімінде № 11702 болып тіркелген) мынадай өзгерістер енгізілсін:

кіріспесі мынадай редакцияда жазылсын:

"Агроөнеркәсіптік кешенді және ауылдық аумақтарды дамытуды мемлекеттік реттеу туралы" Қазақстан Республикасы Заңының 6-бабы 1-тармағының 16) тармақшасына, "Мемлекеттік көрсетілетін қызметтер туралы" Қазақстан Республикасы Заңының 10-бабы 1) тармақшасына сәйкес БҰЙЫРАМЫН:";

көрсетілген бұйрықпен бекітілген Тракторларды және олардың базасында жасалған өздiгiнен жүретiн шассилер мен механизмдердi, монтаждалған арнаулы жабдығы бар тіркемелердi қоса алғанда, олардың тiркемелерiн, өздiгiнен жүретiн ауылшаруашылық, мелиорациялық және жол-құрылыс машиналары мен механизмдерiн, жүріп өту мүмкіндігі жоғары арнайы машиналарды мемлекеттiк тiркеу қағидаларында:

1-тармақ мынадай редакцияда жазылсын:

"1. Осы Тракторларды және олардың базасында жасалған өздiгiнен жүретiн шассилер мен механизмдердi, монтаждалған арнаулы жабдығы бар тіркемелердi қоса алғанда, олардың тiркемелерiн, өздiгiнен жүретiн ауылшаруашылық, мелиорациялық және жол-құрылыс машиналары мен механизмдерiн, жүріп өту мүмкіндігі жоғары арнайы машиналарды мемлекеттiк тiркеу қағидалары (бұдан әрі – Қағидалар) "Агроөнеркәсiптік кешендi және ауылдық аумақтарды дамытуды мемлекеттiк реттеу туралы" Қазақстан Республикасы Заңының 6-бабы 1-тармағы 16) тармақшасына және "Мемлекеттік көрсетілетін қызметтер туралы" Қазақстан Республикасы Заңының (бұдан әрі – Заң) 10-бабы 1) тармақшасына сәйкес әзiрленді.";

3-тармақ мынадай редакцияда жазылсын:

"3. Осы Қағидаларда мынадай негiзгi ұғымдар пайдаланылады:

1) ақпараттық жүйе – "Е-Agriculture" агроөнеркәсіптік кешен салаларын басқарудың бірыңғай автоматтандырылған жүйесі" ақпараттық жүйесінің "Ауыл шаруашылығы техникасын мемлекеттік тіркеу" кіші жүйесінде машиналар және оларды иеленушілер туралы мәліметтерді орталықтандырылған есепке алуды қамтамасыз ететін ақпараттық-коммуникациялық технологиялардың ұйымдастырылып, ретке келтірілген жиынтығы;

2) машина иесі – өзіне тиесілі автокөлікті өз қалауы бойынша иеленуге, пайдалануға және оған билік етуге құқығы бар жеке тұлға, оның ішінде дара кәсіпкер немесе заңды тұлға;

3) машиналарды есептен шығару – машиналарды жоғалтуға, басқа адамға иеліктен шығаруға, сондай-ақ кәдеге жаратуға немесе Қазақстан Республикасынан тыс жерлерге тұрақты болуға әкетуге байланысты машиналарды мемлекеттік тіркеуді тоқтатуға байланысты іс-қимылдар;

4) машиналарды иеленушi – өзінің меншік құқығы немесе уақытша иелену және пайдалану құқығы негізінде ағымдағы уақыт кезеңінде машинаны нақты иеленуді жүзеге асыратын жеке тұлға, оның ішінде дара кәсіпкер немесе заңды тұлға;

5) машиналарды қайта тiркеу – тиiстi құқықтық негiздер болған кезде машинаның тiркеу деректеріне және тіркеу құжаттарына өзгерiстер мен толықтырулар енгiзу;

6) машиналарды мемлекеттiк тiркеу – құжаттардың Қазақстан Республикасының заңнамасына сәйкестiгiн тексергеннен кейiн машиналарды тiркеу жөнiндегi тiркеу пункттерi жүзеге асыратын ақпараттық жүйеге машина деректерін енгізу және тіркеу құжаттарын беру (бұдан әрі – машиналарды тіркеу) арқылы машиналарды мемлекеттiк тiркеу және есепке алу тәртiбiнің рәсімі.

Машинаны тіркеу олардың Қазақстан Республикасының аумағында және одан тыс жерлерде пайдалануға болатынын растайды;

7) машиналарды тіркеудің электрондық тізілімі – ақпараттық жүйеде көрініс тапқан машина, меншік иесі, иеленуші, мемлекеттік тіркелетін нөмірлік белгі (бұдан әрі – нөмірлік белгі), техникалық паспорт, машиналарды тіркеу есебінен шығару туралы мәліметтер жиынтығы;

8) нөмiрлiк агрегат – зауыттық тiркеу нөмiрi бар машинаның негiзгi құрамдас торабы (шасси, қаңқа);

9) өтімділігі жоғары арнайы машиналар – ең жоғары конструктивті жылдамдығы сағатына елу және елу километрден аз квадроциклдер және қаршаналар, сондай-ақ Қазақстан Республикасының СТ РК В 1029 "Конверсиялық техника" әскери ұлттық стандартының талаптарына сәйкес жасалған конверсиялық техника;

10) сәйкестік сертификаты – техникалық реттеу объектілерінің техникалық регламенттерде және (немесе) стандарттау құжаттарында белгіленген талаптарға сәйкестігін куәландыратын құжат;

11) сәйкестік туралы декларация – өндіруші, импорттаушы, өндіруші немесе сатушы уәкілеттік берген тұлға айналысқа шығарылатын өнімнің, процестер мен қызметтердің техникалық регламенттер мен стандарттау құжаттарының талаптарына сәйкестігін куәландыратын құжат;

12) тiркеу құжаты – көрсетілетін қызметті беруші беретін, машинаға арналған ресми құжат болып табылатын, машинаның жол қозғалысына қатысуына және пайдаланылуына рұқсат етілгенін растайтын осы Қағидаларға 1-қосымшаға сәйкес нысан бойынша техникалық паспорт;

13) тіркеу іс-қимылдары – тіркеу пунктерінің ақпараттық жүйеге өзгерістер енгізе отырып, машиналарды тіркеуді, уақытша тіркеуді, қайта тіркеуді, есептен шығаруды жүзеге асыруға байланысты қызметі;

14) электрондық цифрлық қолтаңба – электрондық цифрлық қолтаңба арқылы жасалған және электрондық құжаттың түпнұсқалығын, оның меншік құқығын және мазмұнының өзгермейтіндігін растайтын электрондық цифрлық нышандар жиынтығы.";

5-тармақ мынадай редакцияда жазылсын:

"5. "Тракторларды және олардың базасында жасалған өздігінен жүретін шассилер мен механизмдерді, монтаждалған арнайы жабдығы бар тіркемелерді қоса алғанда, олардың тіркемелерін, өздігінен жүретін ауыл шаруашылығы, мелиорациялық және жол-құрылыс машиналарын, сондай-ақ өтімділігі жоғары арнайы машиналарды мемлекеттік тіркеу (қайта тіркеу), тіркеу есебінен алу және олар үшін тіркеу құжатын (телнұсқасын) және мемлекеттік нөмірлік белгі беру" мемлекеттік қызметін көрсетуге қойылатын негізгі талаптардың тізбесі (бұдан әрі – Тізбе) осы Қағидаларға 2-қосымшада жазылған.";

11-тармақ мынадай редакцияда жазылсын:

"11. Көрсетілетін қызметті алушылар мемлекеттік көрсетілетін қызметті алу үшін тіркеу орнына (көрсетілетін қызметті берушіге) "электрондық үкіметтің" веб-порталы (бұдан әрі – портал) арқылы электрондық нысанда не тіркеу пунктінің (көрсетілетін қызметті берушінің) кеңсесіне қағаз түрінде Тізбенің 8-тармағында көрсетілген құжаттарды ұсынады.";

12-тармақ алып тасталсын;

14 және 15-тармақтар мынадай редакцияда жазылсын:

"14. Мемлекеттік қызметті көрсетуден бас тарту Тізбенің 9-тармағында көрсетілген негіздер бойынша жүзеге асырылады.

15. Тіркеу пункті (көрсетілетін қызметті беруші) Қазақстан Республикасы Көлік және коммуникация министрінің міндетін атқарушының 2013 жылғы 14 маусымдағы № 452 бұйрығымен (Нормативтік құқықтық актілерді мемлекеттік тіркеу тізілімінде № 8555 болып тіркелген) бекітілген Мемлекеттік көрсетілетін қызметтерді көрсету мониторингінің ақпараттық жүйесіне мемлекеттік көрсетілетін қызметі көрсету сатысы туралы деректер енгізу қағидаларына сәйкес мемлекеттік қызметтер көрсету мониторингінің ақпараттық жүйесіне мемлекеттік қызмет көрсету сатысы туралы мәліметтердің енгізілуін қамтамасыз етеді.

Портал мен ақпараттық жүйенің ақпараттық өзара іс-қимылы "Ақпараттандыру туралы" Қазақстан Республикасы Заңының 43-бабына сәйкес жүзеге асырылады.

Тіркеу іс-қимылы және тіркеу құжатын (телнұсқасын) және машиналарға арналған нөмірлік белгіні беру үшін қажетті мәліметтерді қамтитын ақпараттық жүйе істен шыққан жағдайда, тіркеу пункті (көрсетілетін қызметті беруші) ақпараттық жүйе операторын (бұдан әрі – оператор) дереу хабардар етеді.

Бұл жағдайда оператор еркін нысанда техникалық проблема туралы хаттама жасайды және оған тіркеу пунктіне (көрсетілетін қызметті берушіге) қол қойдырады.

Қазақстан Республикасы Ауыл шаруашылығы министрлігі (бұдан әрі ‒ Министрлік) мемлекеттік көрсетілетін қызметтер туралы ақпаратты Бірыңғай байланыс орталығына жібереді.

Министрлік және тіркеу пункті (көрсетілетін қызметті беруші) осы Қағидалар бекітілген немесе өзгертілген күннен бастап үш жұмыс күні ішінде мемлекеттік қызмет көрсету тәртібі туралы ақпаратты өзектендіреді және Бірыңғай байланыс орталығына жібереді.";

17-тармақ мынадай редакцияда жазылсын:

"17. Тіркеу пунктінің (көрсетілетін қызметті берушінің) нөмірлік белгіні бермей берген тіркеу құжаты машинаны жол қозғалысына қатысуға рұқсатсыз пайдалануға рұқсат етілгенін растайды.

Машинаның техникалық көрсеткіштері Қазақстан Республикасының жол жүрісі саласындағы заңнамасының талаптарына сәйкес келген кезде, машинаны тіркеу машинаға нөмірлік белгіні және тіркеу құжатын бере отырып жүзеге асырылады.

Машинаға арналған тіркеу құжаты және нөмірлік белгі машинаның жол қозғалысына қатысуына рұқсат етілгенін растайды. Мемлекеттік тіркеу тек Қазақстан Республикасының аумағында жүрген машиналарға қатысты жүзеге асырылады.

Бұл ретте тіркеу пункті (көрсетілген қызметті беруші) беретін тіркеу құжаты инженер-инспектордың қолымен және мөрмен куәландырылады, көрсетілетін қызметті алушының тіркеу құжатын, сондай-ақ нөмірлік белгіні алғаны туралы ақпарат ақпараттық жүйеге енгізіледі.";

30-тармақ мынадай редакцияда жазылсын:

"30. Тіркеу пунктінің (көрсетілген қызметті берушінің) қызметкерлерi тiркеу iс-қимылдарын жүргізген кезде жеке басын куәландыратын құжаттар негiзiнде жеке тұлғалардың жеке басын анықтайды.

Жеке тұлға өкілінің өкілеттіктері нотариалды куәландырылған сенімхатпен, заңды тұлға өкілінің өкілеттіктері басшының қолымен және заңды тұлғаның (дара кәсіпкерлік субъектілері болып табылатын тұлғаларды қоспағанда) мөрімен куәландырылған сенімхатпен расталады. 14 пен 18 жас аралығындағы азаматтардың жеке басын анықтау олардың заңды өкілдерінің қатысуымен кәмелетке толмаған баланың туу туралы куәлігін электрондық не қағаз түрінде ұсынған кезде жүзеге асырылады.";

33-тармақ мынадай редакцияда жазылсын:

"33. Қазақстан Республикасының басқа өңірлерінен немесе республикадан тыс жерлерден 2 (екі айдан) астам мерзімге келген, сондай-ақ сенімгерлік басқаруға, шаруашылық жүргізуге, жалдау, қосалқы жалдау, өтеусіз пайдалану, лизинг, қосалқы лизинг, сенімгерлікпен басқару, қарыз шарттарына немесе машиналарды иелену және (немесе) пайдалану құқығын растайтын өзге де құжатқа сәйкес берілген машиналарды уақытша тіркеуді жүзеге асыру үшін көрсетілетін қызметті алушы Тізбенің 8-тармағында көрсетілген құжаттарды тіркеу орнына (көрсетілетін қызметті берушіге) ұсынады.

Машиналарды уақытша тіркеудің қолданылу мерзімдері Қазақстан Республикасының аумағына машиналарды уақытша әкелгенде мемлекеттік кірістер органдары беретін шарттарда не құжаттарда көрсетілген мерзімдерге сәйкес белгіленеді.";

36-тармақ мынадай редакцияда жазылсын:

"36. Машиналарды қайта тіркеуді жүзеге асыру үшін көрсетілетін қызметті алушы тіркеу орнына (көрсетілетін қызметті берушіге) Тізбенің 8-тармағында көрсетілген құжаттарды ұсынады.";

40-тармақ мынадай редакцияда жазылсын:

"40. Кәдеге жаратуға (жөндеуге, есептен шығаруға) жататын машиналар көрсетілетін қызметті алушы Тізбенің 8-тармағында көрсетілген құжаттарды тіркеу орнына (көрсетілетін қызметті берушіге) ұсынған кезде тіркеуден алынады.";

48, 49, 50 және 51-тармақтар мынадай редакцияда жазылсын:

"48. Мемлекеттік қызметтерді көрсету мәселелері бойынша тіркеу пунктінің (көрсетілетін қызметті берушінің) шешіміне, әрекетіне (әрекетсіздігіне) шағым тіркеу пункттері (көрсетілетін қызметті беруші) басшысының атына, мемлекеттік қызмет көрсету сапасын бағалау және бақылау жөніндегі уәкілетті органға беріледі.

Шағым Қазақстан Республикасы Әкімшілік рәсімдік-процестік кодексінің (бұдан әрі – ҚР ӘРПК) 91-бабы 4-тармағына сәйкес келіп түскен жағдайда тіркеу пункті (көрсетілетін қызметті беруші) оны келіп түскен күннен бастап 3 (үш) жұмыс күні ішінде шағымды қарайтын органға (жоғары тұрған әкімшілік орган және (немесе) лауазымды адам) жібереді. Қолайлы акт қабылданған, шағымда көрсетілген талаптарды толық қанағаттандыратын әкімшілік іс-қимыл жасалған жағдайда, тіркеу пункті (көрсетілетін қызметті беруші) шағымды 3 (үш) жұмыс күні ішінде шағымды қарайтын органға (жоғары тұрған әкімшілік органға және (немесе) лауазымды тұлғаға) жібермейді.

49. Көрсетілетін қызметті алушының шағымын Заңның 25-бабы 2-тармағына сәйкес:

тіркеу пункті (көрсетілетін қызметті беруші) – тіркелген күнінен бастап 5 (бес) жұмыс күні ішінде;

мемлекеттік қызметтер көрсету сапасын бағалау және бақылау жөніндегі уәкілетті орган – тіркелген күнінен бастап 15 (он бес) жұмыс күні ішінде қарауы тиіс.

50. Тіркеу пунктінің (көрсетілетін қызметті берушінің), мемлекеттік қызметтер көрсету сапасын бағалау және бақылау жөніндегі уәкілетті органның шағымды қарау мерзімі Заңның 25-бабы 4-тармағына сәйкес:

1) шағым бойынша қосымша зерделеу немесе тексеру не жергілікті жерге барып тексеру жүргізу;

2) қосымша ақпаратты алу қажет болған жағдайда, 10 (он) жұмыс күнінен аспайтын мерзімге ұзартылады.

Шағымды қарау мерзімі ұзартылған жағдайда, шағымдарды қарау бойынша өкілеттіктер берілген лауазымды адам шағымды қарау мерзімі ұзартылған сәттен бастап 3 (үш) жұмыс күні ішінде шағым берген көрсетілетін қызметті алушыға ұзарту себептерін көрсете отырып, шағымды қарау мерзімінің ұзартылғаны туралы жазбаша нысанда (шағым қағаз жеткізгіште берілген кезде) немесе электрондық нысанда (шағым электрондық түрде берілген кезде) хабарлайды.

51. Егер заңда өзгеше көзделмесе, ҚР ӘРПК 91-бабы 5-тармағына сәйкес сотқа дейінгі тәртіппен шағым жасалғаннан кейін сотқа жүгінуге жол беріледі.";

көрсетілген Қағидаларға 2-қосымша осы бұйрыққа 1-қосымшаға сәйкес жаңа редакцияда жазылсын;

4, 5 және 6-қосымшалар алып тасталсын;

көрсетілген Қағидаларға 7-қосымша осы бұйрыққа 2-қосымшаға сәйкес жаңа редакцияда жазылсын;

көрсетілген Қағидаларға 9-қосымша осы бұйрыққа 3-қосымшаға сәйкес жаңа редакцияда жазылсын.

2. Қазақстан Республикасы Ауыл шаруашылығы министрлігінің Егіншілік департаменті заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық ресми жарияланғаннан кейін оның Қазақстан Республикасы Ауыл шаруашылығы министрлігінің интернет-ресурсында орналастырылуын;

3) осы бұйрық "Азаматтарға арналған үкімет" мемлекеттік корпорациясы" коммерциялық емес акционерлік қоғамына, облыстардың, республикалық маңызы бар қалалардың, астананың, аудандардың және облыстық маңызы бар қалалардың жергілікті атқарушы органдарына жіберілуін қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының ауыл шаруашылығы вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Ауыл шаруашылығы министрі

Е. Карашукеев

"КЕЛІСІЛДІ"

Қазақстан Республикасы

Индустрия және инфрақұрылымдық

даму министрлігі

"КЕЛІСІЛДІ"

Қазақстан Республикасы

Қаржы министрлігі

"КЕЛІСІЛДІ"

Қазақстан Республикасы

Цифрлық даму, инновациялар және

аэроғарыш өнеркәсібі министрлігі

"КЕЛІСІЛДІ"

Қазақстан Республикасы

Ішкі істер министрлігі

"КЕЛІСІЛДІ"

Қазақстан Республикасы

Экология және табиғи

ресурстар министрлігі

	Қазақстан Республикасының Ауыл шаруашылығы министрі 2023 жылғы 2 ақпандағы № 49 бұйрығына 1-қосымша
	Тракторларды және олардың базасында жасалған өздігінен жүретін шассилер мен механизмдерді, өздігінен жүретін ауылшаруашылық, мелиорациялық және жол-құрылыс машиналарын, сондай-ақ жүріп өту мүмкіндігі жоғары арнайы машиналарды мемлекеттiк тiркеу қағидаларына 2-қосымша
	Нысан

"Тракторларды және олардың базасында жасалған өздiгiнен жүретiн шассилер мен механизмдердi, монтаждалған арнаулы жабдығы бар тіркемелердi қоса алғанда, олардың тiркемелерiн, өздiгiнен жүретiн ауыл шаруашылығы, мелиорациялық және жол-құрылыс машиналары мен механизмдерiн, сондай-ақ өтімділігі жоғары арнайы машиналарды мемлекеттік тіркеу (қайта тіркеу), тіркеу есебінен алу және олар үшін тіркеу құжатын (телнұсқасын) және мемлекеттік нөмірлік белгі беру" мемлекеттік қызметін көрсетуге қойылатын негізгі талаптардың тізбесі

Мемлекеттік көрсетілетін қызметтің атауы: "Тракторларды және олардың базасында жасалған өздiгiнен жүретiн шассилер мен механизмдердi, монтаждалған арнаулы жабдығы бар тіркемелердi қоса алғанда, олардың тiркемелерiн, өздiгiнен жүретiн ауыл шаруашылығы, мелиорациялық және жол-құрылыс машиналары мен механизмдерiн, сондай-ақ өтімділігі жоғары арнайы машиналарды мемлекеттік тіркеу (қайта тіркеу), тіркеу есебінен алу және олар үшін тіркеу құжатын (телнұсқасын) және мемлекеттік нөмірлік белгі беру" Мемлекеттік көрсетілетін қызметтің кіші түрлері: 1. Машиналарды тіркеу. 2. Машиналарды қайта тіркеу. 3. Машиналарды тіркеу есебінен шығару. 4. Тіркеу құжатының телнұсқасын және (немесе) жаңа нөмірлік белгіні алу.
1	Көрсетілетін қызметті берушінің атауы	Облыстардың, Астана, Алматы және Шымкент қалаларының, аудандардың және облыстық маңызы бар қалалардың жергілікті атқарушы органы (бұдан әрі – көрсетілетін қызметті беруші).
2	Мемлекеттік көрсетілетін қызметті ұсыну тәсілдері	Жеке және заңды тұлғалардың (бұдан әрі – көрсетілетін қызметті алушы) өтінімдерін қабылдау: 1) "электрондық үкіметтің" www.egov.kz веб-порталы (бұдан әрі – портал); 2) көрсетілетін қызметті берушінің кеңсесі арқылы жүзеге асырылады. Мемлекеттік қызметті көрсету нәтижелерін беру көрсетілетін қызметті берушінің кеңсесі арқылы жүзеге асырылады.
3	Мемлекеттік қызметті көрсету мерзімі	1) портал арқылы – 1 жұмыс күні; 2) көрсетілетін қызметті берушінің кеңсесі арқылы – 2 жұмыс күні.
4	Мемлекеттік қызметті көрсету нысаны	Мемлекеттік көрсетілетін қызметтердің барлық кіші түрлері бойынша: электрондық (ішінара автоматтандырылған)/ қағаз түрінде
5	Мемлекеттік қызметті көрсету нәтижесі	Машиналарға арналған тіркеу құжатын (телнұсқасын) және (немесе) мемлекеттік тіркеу нөмірлік белгісін (бұдан әрі – нөмірлік белгі) немесе машиналарды тіркеуден шығару туралы тіркеу құжатындағы белгі немесе машинаны уақытша тіркеу туралы анықтама беру не мемлекеттік қызметті көрсетуден бас тарту туралы уәжді жауап.
6	Мемлекеттік қызметті көрсету кезінде көрсетілетін қызметті алушыдан алынатын төлемақы мөлшері және Қазақстан Республикасының заңнамасында көзделген жағдайларда оны алу тәсілдері	Мемлекеттік баждар мен алымдар мөлшері: 1) тракторларды, олардың базасында жасалған өздігінен жүретін шассилер мен механизмдерді, олардың тіркемелерін (арнайы жабдықпен монтаждалған тіркемелерді қоса алғанда), өздігінен жүретін ауыл шаруашылығы, мелиоративтік және жол-құрылыс машиналары мен механизмдерін мемлекеттік тіркеу үшін техникалық паспорт бергені үшін – 0,5 айлық есептік көрсеткішін (бұдан әрі – АЕК); 2) тракторларға, олардың базасында жасалған өздігінен жүретін шассилер мен механизмдерге, олардың тіркемелеріне (арнайы жабдықпен монтаждалған тіркемелерді қоса алғанда), өздігінен жүретін ауыл шаруашылығы, мелиоративтік және жол-құрылыс машиналары мен механизмдеріне мемлекеттік тіркеу нөмір белгісін бергені үшін – 1 АЕК-ні; 3) механикалық көлік құралын (бастапқы мемлекеттік тіркеу жүргізілетін көлік құралынан басқа) немесе тіркемені мемлекеттік тіркегені үшін – 0,25 АЕК-ні; 4) механикалық көлік құралын немесе тіркемені қайта тіркегені үшін – 0,25 АЕК-ні; 5) механикалық көлік құралын немесе тіркемені мемлекеттік тіркелгенін куәландыратын құжаттың телнұсқасын бергені үшін – 0,25 АЕК-ні құрайды. Порталда мемлекеттік баждар мен алымдарды төлеу "электрондық үкімет" порталының төлем шлюзі (бұдан әрі – ЭҮТШ) арқылы жүргізіледі.
7	Мемлекеттік қызметті берушінің және ақпарат объектілерінің жұмыс графигі	1) көрсетілетін қызметті берушінің – Қазақстан Республикасының Еңбек кодексіне (бұдан әрі – Кодекс) сәйкес демалыс және мереке күндерін қоспағанда, дүйсенбіден бастап жұманы қоса алғанда, белгіленген жұмыс графигіне сәйкес сағат 13.00-ден 14.30-ға дейінгі түскі үзіліспен сағат 9.00-ден 18.30-ға дейін; Өтінішті қабылдау және мемлекеттік қызметті көрсету нәтижесін беру сағат 13.00-ден 14.30-ға дейін түскі үзіліспен – сағат 9.00-ден 17.30-ға дейін. Мемлекеттік қызмет алдын ала жазылусыз және жеделдетілген қызмет көрсетусіз кезек тәртібімен көрсетіледі. 2) порталдың – жөндеу жұмыстарын жүргізуге байланысты техникалық үзілістерді қоспағанда, тәулік бойы (көрсетілетін қызметті алушы Кодеске сәйкес жұмыс уақыты аяқталғаннан кейін, демалыс және мереке күндері жүгінген кезде өтініштерді қабылдау және мемлекеттік қызмет көрсету нәтижелерін беру келесі жұмыс күні жүзеге асырылады). Мемлекеттік қызметті көрсету орындарының мекенжайлары: 1) көрсетілетін қызметті берушінің интернет-ресурсында; 2) мемлекеттік органдардың www.gov.kz интернет-ресурстарының бірыңғай платформасында орналастырылған.
8	Мемлекеттік қызметті көрсету үшін көрсетілетін қызметті алушыдан талап етілетін құжаттар мен мәліметтердің тізбесі	1. Көрсетілетін қызметті берушінің кеңсесіне жүгінген кезде: машиналарды тіркеу кезінде: 1) осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 1, 2-нысандар бойынша өтініш; 2) жеке тұлғалар үшін – жеке басын куәландыратын құжат не цифрлық құжаттар сервисінен цифрлық құжат (сәйкестендіру үшін); 3) заңды тұлғалар үшін – заңды тұлғаны мемлекеттік тіркеу (қайта тіркеу) туралы куәлік немесе цифрлық құжаттар сервисінен цифрлық құжат; 4) "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) (бұдан әрі – Салық кодексі) 553 және 615-баптарында белгіленген баждар мен алымдардың бюджетке төленгенін растайтын құжат; 5) Қазақстан Республикасы Экологиялық кодексінің 386-бабына сәйкес машиналарды бастапқы тіркеу кезінде өндірушілердің (импорттаушылардың) кеңейтілген міндеттемелерді орындауын растайтын құжат; 6) машинаға меншік құқығын растайтын құжаттар: оларға мыналар жатады: азаматтық заңнама талаптарына сәйкес жасалған шарттар, мәмілелер, куәліктер, мүлікті мұраға алу құқығы туралы құжаттар; сот куәландырған сот шешімінің, қаулысының, сот орындаушысының мемлекеттік органның орындалуы тиіс іс-қимылдары туралы хабарламасының көшірмесі қоса берілген атқару парағы; кедендік ресімдеуден өткенін растайтын құжаттар (Еуразиялық экономикалық одақ (бұдан әрі – ЕАЭО) елдерінен әкелу жағдайларын қоспағанда, кедендік декларация, кедендік кіріс ордері, уақытша әкелу жағдайларында кері әкету туралы міндеттеме; 7) машиналарды бастапқы тіркеу кезінде ‒ сәйкестік сертификатының немесе сәйкестік туралы декларацияның көшірмесі ("Ауыл шаруашылығы және орман шаруашылығы тракторларының және оларға арналған тіркемелердің қауіпсіздігі туралы" Кеден одағының техникалық регламентінің (КО ТР 031/2012) талаптарына сәйкестікті бағалау туралы құжатты ұсына отырып кедендік декларация берілетін өнім тізбесін бекіту туралы" Еуразиялық экономикалық комиссия Кеңесінің 2016 жылғы 12 сәуірдегі № 30 (бұдан әрі – № 30 Шешім) және "Машиналар мен жабдықтардың қауіпсіздігі туралы" Кеден одағының техникалық регламентінің (КО ТР 010/2011) талаптарына сәйкестікті бағалау туралы құжатты ұсына отырып кедендік декларация берілетін өнім тізбесін бекіту туралы" Еуразиялық экономикалық комиссия Кеңесінің 2018 жылғы 16 қаңтардағы № 6 (бұдан әрі – № 6 шешім) шешімдеріне сәйкес); Қазақстан Республикасының басқа өңірлерінен немесе республикадан тыс жерлерден келетін машиналарды уақытша тіркеуді жүргізгенде: 1) осы мемлекеттік қызметті көрсетуге қойылатын негізгі талаптар тізбесіне қосымшаға сәйкес 1, 2-нысандар бойынша өтініш; 2) техникалық паспорттың түпнұсқасы; 3) жалға беру, қосалқы жалдау, өтеусіз пайдалану, лизинг, қосалқы лизинг, сенімгерлік басқару, шаруашылық жүргізу, қарыз шарты немесе машиналарды иелену және (немесе) пайдалану құқығын растайтын өзге де құжат, ал уақытша әкелінген машиналар үшін ‒ машина уақытша тіркеуге қойылатын учаскенің немесе аумақтың иесінің (иеленушінің) келісімі; 4) машиналарды республикадан тыс жерлерден әкелген кезде - кедендік ресімдеуден өткенін растайтын құжаттар (ЕАЭО елдерінен әкелу жағдайларын қоспағанда, кедендік декларация, кедендік кіріс ордері, уақытша әкелу жағдайларында кері экспорттау міндеттемесі); машиналарды қайта тіркеген кезде: меншік құқығы өзгерген немесе ортақ меншік пайда болған, тоқтатылған және машиналардың ортақ иелерінің құрамы өзгерген немесе машина иелерінің (иеленушінің) тұрғылықты жері (заңды мекенжайы) өзгерген жағдайларды, машина иесінің (иеленушінің) қалауы бойынша немесе машина тіркелген адамның аты, әкесінің аты (бар болса), тегі өзгерген жағдайларда: 1) осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 1, 2-нысандар бойынша өтініш; 2) жеке тұлғалар үшін – жеке басын куәландыратын құжат не цифрлық құжаттар сервисінен цифрлық құжат (сәйкестендіру үшін); 3) заңды тұлғалар үшін – заңды тұлғаны мемлекеттік тіркеу (қайта тіркеу) туралы анықтама не цифрлық құжаттар сервисінен цифрлық құжат; 4) Салық кодексінің 553 және 615-баптарында белгіленген бюджетке баждар мен алымдардың төленгенін растайтын құжат; 5) машинаға меншік құқығын растайтын құжаттар, оларға мыналар жатады: азаматтық заңнама талаптарына сәйкес жасалған шарттар, мәмілелер, куәліктер, мүлікті мұраға алу құқығы туралы құжаттар; сот куәландырған сот шешімінің, қаулысының, сот орындаушысының мемлекеттік органның орындауы тиіс іс-қимылдары туралы хабарламасының көшірмесі қоса берілген атқару парағы; Қайта жабдықтау немесе ондағы нөмірленген агрегаттарды ауыстыру, арнайы жабдықты орнату және басқа да осыған ұқсас өзгерістерге байланысты машинаның түрі өзгерген жағдайда: 1) осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 1, 2-нысандар бойынша өтініш; 2) жеке тұлғалар үшін – жеке басын куәландыратын құжат не цифрлық құжаттар сервисінен цифрлық құжат (сәйкестендіру үшін); 3) заңды тұлғалар үшін – заңды тұлғаны мемлекеттік тіркеу (қайта тіркеу) туралы анықтама не цифрлық құжаттар сервисінен цифрлық құжат; 4) Салық кодексінің 553 және 615-баптарында белгіленген бюджетке баждар мен алымдардың төленгенін растайтын құжат; 5) машинаға меншік құқығын растайтын құжаттар, оларға мыналар жатады: азаматтық заңнама талаптарына сәйкес жасалған шарттар, мәмілелер, куәліктер, мүлікті мұраға алу құқығы туралы құжаттар; сот куәландырған сот шешімінің, қаулысының, сот орындаушысының мемлекеттік органның орындауы тиіс іс-қимылдары туралы хабарламасының көшірмесі қоса берілген атқару парағы; машиналарды есептен шығару кезінде (кәдеге жаратудан, қоқыстарды жоюдан, есептен шығарудан, машинаны қызмет көрсету аймағынан тыс жерге ауыстырудан басқа, сондай-ақ машинаны иеліктен шығару бойынша мәміленің алдындағы әрекеттер болған жағдайда): 1) осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 1, 2-нысандар бойынша өтініш; 2) жеке тұлғалар үшін – жеке басын куәландыратын құжат не цифрлық құжаттар сервисінен цифрлық құжат (сәйкестендіру үшін); 3) заңды тұлғалар үшін – заңды тұлғаны мемлекеттік тіркеу (қайта тіркеу) туралы анықтама не цифрлық құжаттар сервисінен цифрлық құжат; 4) машинаға меншік құқығын растайтын құжаттар, оларға мыналар жатады: азаматтық заңнама талаптарына сәйкес жасалған шарттар, мәмілелер, куәліктер, мүлікті мұраға алу құқығы туралы құжаттар; сот куәландырған сот шешімінің, қаулысының, сот орындаушысының мемлекеттік органның орындауы тиіс іс-қимылдары туралы хабарламасының көшірмесі қоса берілген атқару парағы; тіркеу құжатының телнұсқасын және (немесе) жаңа нөмірлік белгі алған кезде: 1) осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 1, 2-нысандар бойынша өтініш; 2) жеке тұлғалар үшін – жеке басын куәландыратын құжат не цифрлық құжаттар сервисінен цифрлық құжат (сәйкестендіру үшін); 3) заңды тұлғалар үшін – заңды тұлғаны мемлекеттік тіркеу (қайта тіркеу) туралы анықтама не цифрлық құжаттар сервисінен цифрлық құжат; 4) Салық кодексінің 553 және 615-баптарында белгіленген бюджетке баждар мен алымдардың төленгенін растайтын құжат; кәдеге жаратуға жататын машиналарды есептен шығару (шығарып тастау, есептен шығару) кезінде: жеке тұлғалар үшін: 1) осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 1-нысан бойынша өтініш; 2) тіркеу құжаты, нөмірлік белгі; заңды тұлғалар үшін: 1) осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 2-нысан бойынша өтініш; 2) тіркеу құжаты, нөмірлік белгі; 3) есептен шығару актісі (тіркеу құжаттары немесе сынған машиналардың мемлекеттік нөмірлік белгісі болмаған жағдайда, өтініштерде олардың жоғалу жағдайлары, орны мен уақыты көрсетіледі). 2. Порталға жүгінген кезде: машиналарды тіркеген кезде: 1) көрсетілетін қызметті алушының электрондық цифрлық қолтаңбасы (бұдан әрі ‒ ЭЦҚ) қойылған осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 1, 2-нысандар бойынша электрондық құжат нысанындағы өтініш; 2) Қазақстан Республикасы Экологиялық кодексінің 386-бабына сәйкес машиналарды бастапқы тіркеу кезінде өндірушілердің (импорттаушылардың) кеңейтілген міндеттемелерді орындауын растайтын электрондық құжат; 3) ЭҮТШ арқылы төлеу жағдайларын қоспағанда, Салық кодексінің 553 және 615-баптарында белгіленген бюджетке баждар мен алымдардың төленгенін растайтын құжаттың электрондық көшірмесі; 4) машиналарға меншік құқығын растайтын құжаттар, оларға мыналар жатады: азаматтық заңнама талаптарына сәйкес ресімделген шарттар, мәмілелер, куәліктер, мүлікті мұраға алу құқығы туралы құжаттар; сот шешiмiнiң, қаулының, сот орындаушысының мемлекеттiк органның орындауы тиіс іс-әрекеттерi туралы хабарламасының сот куәландырған көшiрмесi бар атқару парағы; кедендік ресімдеуден өткенін растайтын құжаттар (ЕАЭО елдерінен әкелу жағдайларын қоспағанда, кедендік декларация, кедендік кіріс ордері, уақытша әкелу жағдайларында кері экспорттау міндеттемесі); 5) машиналарды бастапқы тіркеген кезде ‒ сәйкестік сертификатының немесе сәйкестік туралы декларацияның көшірмесі (№ 30 шешімге және № 6 шешімге сәйкес); Қазақстан Республикасының басқа облыстарынан немесе республикадан тыс жерлерден келген машиналарды уақытша тіркеуді жүзеге асыру кезінде: 1) көрсетілетін қызметті алушының ЭЦҚ-сы қойылған осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 1, 2-нысандар бойынша электрондық құжат нысанындағы өтініш; 2) техникалық төлқұжаттың түпнұсқасы; 3) жалға беру, қосалқы жалдау, өтеусіз пайдалану, лизинг, қосалқы лизинг, сенімгерлік басқару, шаруашылық жүргізу, қарыз немесе машиналарды иелену және (немесе) пайдалану құқығын растайтын өзге де құжат, ал уақытша әкелінген машиналар үшін ‒ машина уақытша тіркеуге қойылатын учаскенің немесе аумақтың иесінің (иесінің) келісімі; 4) республикадан тыс жерден машиналарды әкелген кезде ‒ кедендік ресімдеуден өткенін растайтын құжаттар (ЕАЭО елдерінен әкелу жағдайларын қоспағанда, кедендік декларация, кедендік кіріс ордері, уақытша әкелу жағдайларында кері экспорттау міндеттемесі); машиналарды қайта тіркеу кезінде: меншік құқығы өзгерген, ортақ меншік пайда болған, тоқтатылған және машиналардың ортақ меншік иелерінің құрамы өзгерген, машина иеленушінің (меншік иесінің) тұрғылықты жері (заңды мекенжайы) өзгерген жағдайларда, машина иеленушінің (меншік иесінің) қалауы бойынша, машина тіркелген адамның аты, әкесінің аты (бар болса), тегі өзгерген жағдайларда: 1) көрсетілетін қызметті алушының ЭЦҚ-сы қойылған осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 1, 2-нысандар бойынша электрондық құжат нысанындағы өтініш; 2) ЭҮТШ арқылы төлеу жағдайларын қоспағанда, Салық кодексінің 553 және 615-баптарында белгіленген бюджетке баждар мен алымдардың төленгенін растайтын құжаттың электрондық көшірмесі; 3) машиналарға меншік құқығын растайтын құжаттар, оларға мыналар жатады: азаматтық заңнама талаптарына сәйкес ресімделген шарттар, мәмілелер, куәліктер, мүлікті мұраға алу құқығы туралы құжаттар; сот шешiмiнiң, қаулысының, сот орындаушысының мемлекеттiк органның орындауы тиіс іс-әрекеттерi туралы хабарламасының сот куәландырған көшiрмесi бар атқару парағы; Қайта жабдықтау немесе ондағы нөмірленген агрегаттарды ауыстыру, арнайы жабдықты орнату және басқа да осыған ұқсас өзгерістерге байланысты машинаның типі өзгерген жағдайда: 1) көрсетілетін қызметті алушының ЭЦҚ-сы қойылған осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 1, 2-нысандар бойынша электрондық құжат нысанындағы өтініш; 2) ЭҮТШ арқылы төлеу жағдайларын қоспағанда, Салық кодексінің 553 және 615-баптарында белгіленген бюджетке баждар мен алымдардың төленгенін растайтын құжаттың электрондық көшірмесі; 3) машиналарға меншік құқығын растайтын құжаттар, оларға мыналар жатады: азаматтық заңнама талаптарына сәйкес ресімделген шарттар, мәмілелер, куәліктер, мүлікті мұраға алу құқығы туралы құжаттар; сот шешiмiнiң, қаулысының, сот орындаушысының мемлекеттiк органның орындауы тиіс іс-әрекеттерi туралы хабарламасының сот куәландырған көшiрмесi бар атқару парағы; машиналарды тіркеу есебінен шығару кезінде: (кәдеге жаратуды, қоқыстарды жоюды, есептен шығаруды, машинаны қызмет көрсету аймағынан тыс жерге ауыстыруды қоспағанда, сондай-ақ машинаны иеліктен шығару бойынша мәміленің алдындағы әрекеттер болған жағдайда): 1) көрсетілетін қызметті алушының ЭЦҚ-сы қойылған осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 1, 2-нысандар бойынша электрондық құжат нысанындағы өтініш; 2) машиналарға меншік құқығын растайтын құжаттар, оларға мыналар жатады: азаматтық заңнама талаптарына сәйкес ресімделген шарттар, мәмілелер, куәліктер, мүлікті мұраға алу құқығы туралы құжаттар; сот шешiмiнiң, қаулысының, сот орындаушысының мемлекеттiк органның орындауы тиіс іс-әрекеттерi туралы хабарламасының сот куәландырған көшiрмесi бар атқару парағы; тіркеу құжатының телнұсқасын және (немесе) жаңа нөмірлік белгі алған кезде: 1) көрсетілетін қызметті алушының ЭЦҚ-сы қойылған осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 1, 2-нысандар бойынша электрондық құжат нысанындағы өтініш; 2) ЭҮТШ арқылы төлеу жағдайларын қоспағанда, Салық кодексінің 553 және 615-баптарында белгіленген бюджетке баждар мен алымдардың төленгенін растайтын құжаттың электрондық көшірмесі. Жеке басын куәландыратын құжат туралы, заңды тұлғаны тіркеу (қайта тіркеу) туралы, дара кәсiпкердi тiркеу туралы немесе дара кәсiпкер ретiнде қызметінiң басталғаны туралы, сондай-ақ бюджетке машиналарды тіркегені үшін баждар мен алымдардың төленгені туралы мәліметтер, ЭҮТШ арқылы төленген жағдайда, тіркеу пунктінің қызметкері "электрондық үкіметтің" шлюзі арқылы тиісті мемлекеттік ақпараттық жүйелерден алады. Көрсетілетін қызметті алушылардан тиісті мемлекеттік ақпараттық жүйелерден алуға болатын құжаттарды талап етуге жол берілмейді. Өкілдер тіркеу іс-қимылдарын меншік иесінің немесе иеленушінің атынан жүзеге асырған жағдайда, осы тармақта белгіленген құжаттардан басқа көрсетілген қызметті берушіге меншік иесінің немесе иеленушінің мүдделерін білдіру өкілеттігін куәландыратын құжаттарды ұсынады. Егер, бұрын Қазақстан Республикасында мемлекеттік тіркеуде болған машина мемлекеттік тіркеуге жататын болса, онда осы тармақта белгіленген құжаттардан басқа, көрсетілген қызметті берушіге бұрынғы тіркеу құжаты ұсынылады, алайда аталған құжатты ұсынбау мемлекеттік тіркеуді жүргізуден бас тарту үшін негіз болып табылмайды. меншік иелері болып табылмайтын адамдарға машиналарды тіркеуді қоса алғанда, тіркеу іс-қимылдары жүзеге асырылған жағдайда, мынадай иелік ету құқығын растайтын құжаттар ұсынылады: шарттар (жалдау, қосалқы жалдау, лизинг, қосалқы лизинг, кепілзат) және машинаны қабылдау-тапсыру актісі; машинаның меншік иесі қол қойған (жеке тұлғалар үшін), заңды тұлғаның бірінші басшысы қол қойған (заңды тұлғалар үшін) машина иесінің тиісті тіркеу іс-қимылдарын жасауға жазбаша келісуі. Егер тіркеу іс-қимылдары жасалатын машина ортақ меншікте болса, онда тіркеу құжаттарында барлық меншік иелері көрсетіледі және барлық құжаттар машинаның барлық иелерінің атынан беріледі. Нотариат куәландырған мәміле жеке тұлғалардың ортақ меншігін иеліктен шығару үшін негіз болып табылады. Меншік иелері 14 жасқа жетпеген кәмелетке толмаған азаматтар болып табылған жағдайда, олардың атынан тіркеу іс-қимылдарын заңды өкілдер электрондық немесе қағаз түріндегі туу туралы куәлікті ұсына отырып жүзеге асырады. Меншік иелері 14 жастан 18 жасқа дейінгі адамдар болып табылған жағдайда, тіркеу іс-қимылдары осы адамдардың заңды өкілдерінің жазбаша келісуімен туу туралы куәлікті электрондық немесе қағаз түрінде ұсына отырып жасайды. Заңды және жеке тұлғалар машиналарды аукциондар мен сауда биржалары арқылы сатып алған жағдайда: уәкілетті адамдардың қолдары қойылған аукцион хаттамалары мен сатып алу-сату шарттары ұсынылады. кәдеге жаратуға (жарамсыз деп тану, есептен шығару) жататын машиналарды есептен шығару кезінде: жеке тұлғалар үшін: 1) көрсетілетін қызметті алушының ЭЦҚ-сы қойылған осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 1-нысан бойынша электрондық құжат нысанындағы өтініш; 2) тіркеу құжаты, мемлекеттік нөмірлік белгі (көрсетілетін қызметті берушіге мемлекеттік қызмет көрсету нәтижесін алу үшін жүгінген кезде көрсетіледі); заңды тұлғалар үшін: 1) көрсетілетін қызметті алушының ЭЦҚ-сы қойылған осы мемлекеттік қызмет көрсетуге қойылатын негізгі талаптар тізбесіне қосымшаға сәйкес 2-нысан бойынша электрондық құжат нысанындағы өтініш; 2) тіркеу құжаты, мемлекеттік нөмірлік белгі (көрсетілетін қызметті берушіге мемлекеттік қызметті көрсету нәтижесін алу үшін жүгінген кезде көрсетіледі); 3) есептен шығару актінің электрондық көшірмесі (тiркеу құжаттары немесе кәдеге жарату машиналарының мемлекеттiк белгiлерi болмаған жағдайда, мәлімдемелерде олардың жоғалу жағдайлары, орны мен уақыты көрсетіледі).
9	Мемлекеттік қызметті көрсетуден бас тарту үшін Қазақстан Республикасының заңдарында белгіленген негіздер	1) мемлекеттік көрсетілетін қызметті алу үшін көрсетілетін қызметті алушы ұсынған құжаттардың және (немесе) оларда қамтылған деректердің (мәліметтердің) дұрыс еместігінің анықталуы; 2) көрсетілетін қызметті алушының және (немесе) мемлекеттік қызмет көрсетуге қажетті материалдардың, объектілердің, деректер мен мәліметтердің осы Қағидаларда белгіленген талаптарға сәйкес келмеуі; 3) көрсетілетін қызметті алушыға қатысты белгілі бір мемлекеттік қызметті алуды талап ететін қызметке немесе қызметтің жекелеген түрлеріне тыйым салу туралы заңды күшіне енген сот шешімінің (өкімінің) болуы; 4) көрсетілетін қызметті алушыға қатысты заңды күшіне енген сот шешімінің болуы, оның негізінде көрсетілетін қызметті алушы мемлекеттік қызметті алуға байланысты арнайы құқығынан айрылған болуы.
10	Мемлекеттік қызметті көрсету, оның ішінде электрондық нысанда көрсетілетін қызметтің ерекшеліктерін ескере отырып қойылатын өзге де талаптар	Көрсетілетін қызметті алушының электрондық цифрлық қолтаңбасы болған жағдайда, портал арқылы электрондық нысанда мемлекеттік көрсетілетін қызметті алуға мүмкіндігі бар. Көрсетілетін қызметті алушының мемлекеттік қызметті көрсету тәртібі мен мәртебесі туралы ақпаратты қашықтықтан қол жеткізу режимінде порталдағы "жеке кабинеті", көрсетілетін қызметті берушінің анықтамалық қызметтері, сондай-ақ бірыңғай байланыс орталығы (1414), 8 800 080 7777. арқылы алуға мүмкіндігі бар.

Тракторларды және олардың базасында жасалған өздiгiнен жүретiн шассилер мен механизмдердi, монтаждалған арнаулы жабдығы бар тіркемелердi қоса алғанда, олардың тiркемелерiн, өздiгiнен жүретiн ауылшаруашылық, мелиорациялық және жол-құрылыс машиналары мен механизмдерiн, жүріп өту мүмкіндігі жоғары арнайы машиналарды мемлекеттiк тiркеу қағидаларына мемлекеттік қызметті көрсетудің негізгі талаптарының тізбесіне қосымша

1-нысан (жеке тұлғалар үшін)

(кімге)____________________________________________________________

(облыстың, республикалық маңызы бар қаланың, астананың, аудандардың және

облыстық маңызы бар қаланың жергілікті атқарушы органы)

(кімнен) азамат _____________________________________________________
(аты, әкесінің аты (бар болса), тегі)

туған жылы ________________________________________________________

Мекенжайы ________________________________________________________
(тұрғылықты жерінің мекенжайы көрсетіледі)

төлқұжат (жеке куәлік) № ____________________________________________

Жеке сәйкестендіру нөмірі ___________________________________________

Өтініш

__________________________________________________________________

________________________________________________________сұраймын.

Машинаның типі ______________________ маркасы _____________________

шығарылған жылы ________________________________

зауыттың нөмірі__________________ қозғалтқыштың маркасы ____________

нөмірлік белгісі ____________, техникалық паспорт нөмірі _______________

Өтінішке мынадай құжаттарды қоса ұсынамын:

1._________________________________________________________________

2._________________________________________________________________

3._________________________________________________________________

20___ жылғы " " ____________

___________________________________________________________________
(меншік иесінің (иеленушінің) қолы/электрондық цифрлық қолтаңбасы)

Инженер-инспектордың қызметтік белгілері:

Берілді: нөмірлік белгі ________________________________________________

техникалық паспорт сериясы ________ ______ № _________________________

20___ жылғы " " ____________

____________________________________________________________________
(инженер-инспектордың қолы/электрондық цифрлық қолтаңбасы)

2-нысан (заңды тұлғалар үшін)

Кімге ____________________________________________________________

(облыстың, республикалық маңызы бар қаланың, астананың, аудандардың

және облыстық маңызы бар қаланың жергілікті атқарушы органы)

___________________________________________________________________
(заңды тұлғаның атауы)

___________________________________________________________________
(заңды тұлғаның мекенжайы)

бизнес-сәйкестендіру нөмірі __________________________________________

Өтініш

___________________________________________________________________

__________________________________________________________сұраймын.

Машинаның типі __________________ маркасы _________________________

шығарылған жылы ______________________________

зауыттың нөмірі_______________ қозғалтқыштың маркасы _______________

нөмірлік белгісі _________, техникалық паспорт нөмірі __________________

Өтінішке мынадай құжаттарды қоса ұсынамын:

1. ________________________________________________________________

2. ________________________________________________________________

3. ________________________________________________________________

20___ жылғы " " ____________

__________________________________________________________________

(меншік иесінің (иеленушінің) қолы/электрондық цифрлық қолтаңбасы)

Инженер-инспектордың қызметтік белгілері:

Берілді: нөмірлік белгі ______________________________________________

техникалық паспорт сериясы ________ ______ _________________________

20___ жылғы " " ____________

_________________________________________________________________
(инженер-инспектордың қолы/электрондық цифрлық қолтаңбасы)

	Қазақстан Республикасының Ауыл шаруашылығы министрі 2023 жылғы 2 ақпандағы № 49 бұйрығына 2-қосымша
	Тракторларды және олардың базасында жасалған өздiгiнен жүретiн шассилер мен механизмдердi, монтаждалған арнаулы жабдығы бар тіркемелердi қоса алғанда, олардың тiркемелерiн, өздiгiнен жүретiн ауылшаруашылық, мелиорациялық және жол-құрылыс машиналары мен механизмдерiн, жүріп өту мүмкіндігі жоғары арнайы машиналарды мемлекеттiк тiркеу қағидаларына 7-қосымша
	Нысан

_____________________________________________________________________
(көрсетілетін қызметті алушының атауы және мекенжайы)

Мемлекеттік қызметті көрсетуден бас тарту туралы уәжді жауап

"Мемлекеттік көрсетілетін қызметтер туралы" Қазақстан Республикасы

Заңының 5-бабы 2-тармағының 14) тармақшасына сәйкес

___________________________________________________________________

___________________________________________________________________

(көрсетілетін қызметті берушінің атауы мен мекенжайын көрсету)

Сіздің машиналарды тіркеу шарттары туралы мәліметтерді, сондай-ақ осы Қағидаларға

2-қосымшаға сәйкес көзделген мәліметтерді/құжаттар тізбесін, атап айтқанда:

1. ________________________________________;

2. ________________________________________;

3. ________________________________________

өтініште толық көрсетпеуіңізге/ұсынбауыңызға байланысты ________________

____________________________________________________________________

(мемлекеттік көрсетілетін қызметтің атауы көрсетіледі) мемлекеттік қызметін

көрсетуден бас тартады. Осы бас тарту әрбір тарап үшін бір-бірден 2 данада жасалды.

__________________________________________________________________
(тіркеуші орган қызметкерінің аты, әкесінің аты (бар болса), тегі (қолы))

Алдым____________________________________________________________

(көрсетілетін қызметті алушының аты, әкесінің аты (бар болса), тегі, қолы)

20__ жылғы "___" _______

	Қазақстан Республикасының Ауыл шаруашылығы министрі 2023 жылғы 2 ақпандағы № 49 бұйрығына 3-қосымша
	Тракторларды және олардың базасында жасалған өздiгiнен жүретiн шассилер мен механизмдердi, монтаждалған арнаулы жабдығы бар тіркемелердi қоса алғанда, олардың тiркемелерiн, өздiгiнен жүретiн ауылшаруашылық, мелиорациялық және жол-құрылыс машиналары мен механизмдерiн, жүріп өту мүмкіндігі жоғары арнайы машиналарды мемлекеттiк тiркеу қағидаларына 9-қосымша

Техникалық паспорттар бланкілерінің сериясында және мемлекеттік нөмірлік белгілерде қолданылатын Қазақстан Республикасының облыстары мен қалаларының латын транскрипциясындағы әріптік белгілері тізбесі

р/с	Өңірдің атауы	Әріптік белгі
1.	Астана қаласы	Z
2.	Алматы қаласы	A
3.	Ақмола облысы	C
4.	Ақтөбе облысы	D
5.	Алматы облысы	B
6.	Атырау облысы	E
7.	Батыс Қазақстан облысы	L
8.	Жамбыл облысы	H
9.	Қарағанды облысы	M
10.	Қостанай облысы	P
11.	Қызылорда облысы	N
12.	Маңғыстау облысы	R
13.	Түркістан облысы	X
14.	Павлодар облысы	S
15.	Солтүстік Қазақстан облысы	T
16.	Шығыс Қазақстан	F
17.	Шымкент қаласы	Y
18.	Абай облысы	G
19.	Жетісу облысы	Q
20.	Ұлытау облысы	W