БҰЙЫРАМЫН:
1. "Электр қуатының әзірлігін ұстап тұру бойынша көрсетілетін қызметті сатып алу туралы үлгілік шартты бекіту туралы" Қазақстан Республикасы Энергетика министрінің 2015 жылғы 3 желтоқсандағы № 683 бұйрығына (Нормативтік құқықтық актілерді мемлекеттік тіркеу тізілімінде № 12522 болып тіркелген) мынадай өзгерістер мен толықтырулар енгізілсін:
кіріспе жаңа редакцияда жазылсын:
"Электр энергетикасы туралы" Қазақстан Республикасының Заңы 5-бабының 7) тармақшасына сәйкес БҰЙЫРАМЫН:";
көрсетілген бұйрықпен бекітілген Электр қуатының әзірлігін ұстап тұру бойынша көрсетілетін қызметті сатып алу туралы үлгілік шартты бекіту туралы қағидаларында:
мынадай мазмұндағы 16), 17 және 18) тармақшалармен толықтырылсын:
"16) банк кепілдігі – Қазақстан Республикасының Ұлттық Банкі басқармасының 2017 жылғы 28 қаңтардағы № 21 қаулысымен бекітілген (Нормативтік құқықтық актілерді мемлекеттік тіркеу тізілімінде № 14915 тіркелген) Банк кепілдіктері мен кепілгерлігін беру қағидаларына сәйкес ресімделген және банк клиентке (борышкер тұлғаға) оның өтініші негізінде үшінші тұлғаның (кредитор тұлғаның) пайдасына беретін жазбаша құжат (SWIFT жүйесі бойынша шығарылады), осы құжат негізінде онда көрсетілген шарттарға сәйкес банк шекті соманы үшінші тұлғаға (кредитор тұлғаға) төлеуге міндеттенеді
17) қаржылық қамтамасыз ету – банк кепілдігі немесе резервтік аккредитив түріндегі қаржы ресурстары;
18) резервтік аккредитив – борышкер тұлға бенефициар алдындағы міндеттемелерін орындамаған жағдайдың басталуы кезіндегі соманы аккредитив бойынша бенефициардың пайдасына төлеу жөніндегі банктің міндеттемесі (резервтік аккредитив SWIFT жүйесі бойынша шығарылады).";
2-тармақ жаңа редакцияда жазылсын:
"2. Осы Шартқа және Қазақстан Республикасының электр энергетикасы саласындағы заңнамасының талаптарына сәйкес Субъект электр қуатының әзірлігін ұстап тұру бойынша қызмет көрсетуге (бұдан әрі – әзірлікті ұстап тұру бойынша қызмет көрсету), ал Бірыңғай сатып алушы көрсетілетін қызметті сатып алуға және ол үшін ақы төлеуге міндеттенеді.";
мынадай мазмұндағы 4), 5), 6) және 7) тармақшалармен толықтырылсын:
"4) Cубъект осы Шарттың 11-тармағының 21) тармақшасын тиісінше орындаған кезде осы Шарттың 11-тармағының 23) тармақшасында көрсетілген осы Шарттың талаптарының орындалуын қаржылық қамтамасыз ету сомасын қайтару (босату) туралы хатты Заңға сәйкес Субъектінің өз міндеттемелерін орындауын қамтамасыз ететін генерацияның маневрлік режимі бар жаңадан пайдалануға берілетін генерациялайтын қондырғыларды пайдалануға берген күннен бастап 10 (он) жұмыс күні ішінде банкке (банктерге) жолдауға;
5) Субъект осы Шарттың 12-тармағының 4) тармақшасының талаптарын орындаған кезде, осы Шарттың талаптарының орындалуын қаржылық қамтамасыз етуді үшінші тұлға енгізген күннен бастап 10 (он) жұмыс күні ішінде осы Шарттың 11-тармағының 23) тармақшасына сәйкес банкке (банктерге) осы Шарттың талаптарын орындауды қаржылық қамтамасыз етуді қайтару (босату) туралы хат жолдауға;
6) газ электр станциялары үшін осы Шартқа қол қойылған күннен бастап 18 (он сегіз) ай ішінде, ал гидроэлектр станциялары үшін осы Шартқа қол қойылған күннен бастап 24 (жиырма төрт) ай ішінде мемлекеттік сәулет-құрылыс бақылауын жүзеге асыратын мемлекеттік органға жіберілген, генерацияның маневрлік режимі бар (осы Шарттың орындалуын қамтамасыз ететін) жаңадан пайдалануға берілетін генерациялайтын қондырғылардың құрылыс-монтаждау жұмыстарының басталғаны туралы хабарламаның көшірмесі берілмеген кезде – осы Шарттың талаптарының орындалуын қаржылық қамтамасыз ету сомасынан 30 % мөлшерінде тиісті банк кепілдігі немесе резервтік аккредитив бойынша төлемге талап қоюға;
7) газ электр станциялары үшін осы Шартқа қол қойылған күннен бастап 36 (отыз алты) ай ішінде, ал гидроэлектр станциялары үшін - осы Шартқа қол қойылған күннен бастап 60 (алпыс) ай ішінде "Қазақстан Республикасындағы сәулет, қала құрылысы және құрылыс қызметі туралы" Қазақстан Республикасы Заңы 74-бабының 4-тармағына сәйкес (бұдан әрі – Құрылыс қызметі туралы заң) айқындалған тәртіппен бекітілген генерацияның маневрлік режимі бар (осы Шарттың орындалуын қамтамасыз ететін) жаңадан пайдалануға берілетін генерациялайтын қондырғыларды пайдалануға қабылдау актісінің көшірмесі берілмеген кезде – осы Шарттың талаптарының орындалуын қаржылық қаматамасыз ету сомасынан 100 %, ал осы тармақтың 6) тармақшасына сәйкес осы Шарттың талаптарынын орындалуын қаржылық қамтамасыз етудің бір бөлігін ұстап қалған жағдайда – осы Шарттың талаптарының орындалуын қаржылық қамтамасыз етудің 70 % сомасы мөлшерінде тиісті банк кепілдігі немесе резервтік аккредитив бойынша төлемге талап қоюға міндетті.";
5) тармақша жаңа редакцияда жазылсын:
"5) күн сайын, ағымдағы тәуліктегі сағат 11:00-ге дейін (Астана қаласының уақыты бойынша) жүйелік операторға алдағы жоспарлау тәуліктеріне энергия өндіруші ұйымның құрамына кіретін электр станцияларының генерациядағы жұмыс электр қуаттарының, технологиялық және техникалық минимумдарының мәндері туралы ақпарат беруге, бұл ретте жүйелік оператордан ағымдағы тәуліктегі сағат 16:00-ге дейін (Астана қаласының уақыты бойынша) тесттік команданы берудің жоспарланған күні туралы хабарлама түспеген кезде, алдағы тәулік ішінде генерациялайтын жабдықты жөндеуден шығарғанда (жабдықты жөндеуден шығаруға жүйелік операторға тиісті өтінім берген жағдайда) осы ақпаратты бір рет (тәулігіне бір рет) түзетуге, сондай-ақ су шығыстарының су ресурстарын пайдалануды реттеу және қорғау жөніндегі бассейндік инспекциялардан тиісті тәуліктер ішінде келіп түскен су режимін өзгерту туралы өкімнің көшірмесін жүйелік операторға ұсынғанда осы ақпаратты қосымша түзетуге жол беріледі.";
мынадай мазмұндағы 18), 19), 20), 21), 22), 23), 24) және 25) тармақшалармен толықтырылсын:
"18) Қазақстан Республикасы Энергетика министрінің 2020 жылғы 30 сәуірдегі № 169 (Нормативтік құқықтық актілерді мемлекеттік тіркеу тізілімінде № 20554 болып тіркелген) бұйрығымен бекітілген Тұтынушыларды электр станцияларының тізбесіне енгізу қағидаларына сәйкес айқындалатын тәртіппен жыл сайын жүйелік оператормен реттеу шартын жасасуға;
19) Қазақстан Республикасы Энергетика министрінің 2015 жылғы 20 ақпандағы № 112 (Нормативтік құқықтық актілерді мемлекеттік тіркеу тізілімінде № 10532 болып тіркелген) бұйрығымен бекітілген Электр энергиясының теңгерімдеуші нарығының жұмыс істеу қағидаларына сәйкес айқындалатын тәртіппен электр энергиясының теңгерімдеуші нарығына қатысуға;
20) газ электр станциялары үшін осы Шартқа қол қойылған күннен бастап 18 (он сегіз) ай ішінде, гидроэлектростанциялар үшін осы Шартқа қол қойылған күннен бастап 24 (жиырма төрт) ішінде мемлекеттік сәулет-құрылыс бақылауын жүзеге асыратын мемлекеттік органға жіберілген, генерацияның маневрлік режимі бар (осы Шарттың орындалуын қамтамасыз ететін) жаңадан пайдалануға берілетін генерациялайтын қондырғылардың құрылыс-монтаждау жұмыстарының басталғаны туралы хабарламаның көшірмесін ұсынуға;
21) газ электр станциялары үшін осы Шартқа қол қойылған күннен бастап 36 (отыз алты) ай ішінде, гидроэлектростанциялар үшін осы Шартқа қол қойылған күннен бастап 60 (алпыс ай) ішінде Құрылыс қызметі туралы заңда айқындалған тәртіппен бекітілген генерацияның маневрлік режимі бар (осы Шарттың орындалуын қамтамасыз ететін) жаңадан пайдалануға берілетін генерациялайтын қондырғыларды пайдалануға қабылдау актісінің көшірмесін ұсынуға;
22) Бірыңғай сатып алушының сұрау салуы бойынша генерацияның маневрлік режимі бар (осы Шарттың орындалуын қамтамасыз ететін) жаңадан пайдалануға берілетін генерациялайтын қондырғыларды салудың барысы туралы ақпаратты жіберуге;
23) осы Шартқа қол қойылғаннан кейін күнтізбелік 30 (отыз) күн ішінде Бірыңғай сатып алушыға Банк кепілдіктері мен кепілгерлігін беру қағидаларына сәйкес ресімделген, SWIFT жүйесі арқылы шығарылған банк кепілдігін немесе резервтік аккредитивті ұсыну арқылы осы Шарт талаптарының орындалуын қаржылық қамтамасыз етуді ұсынуға міндетті.
Жеңімпаз банк кепілдігін немесе резервтік аккредитивті шетел валютасындағы ұзақ мерзімді кредиттік рейтингі Standard&Poor's бойынша "В" немесе Fitch бойынша "В-" немесе Moody'sInvestorsService бойынша "В3" төмен емес немесе (Қазақстан Республикасының резидент банкінің 50 % астам акциялары тиесілі) бас ұйымның рейтингі Standard&Poor ' s бойынша "ВВВ" немесе Fitch бойынша "ВВВ" немесе Moody’sInvestorsService бойынша "Ваа2" деңгейінен төмен емес Қазақстан Республикасының резидент банктерінен береді.
Бұл ретте Қазақстан Республикасының резидент емес банктерінің банктік кепілдігін немесе резервтік аккредитивін резидент емес банктер резидент еместердің қарсы міндеттемелері бойынша кепілдік шығару жолымен растайды.
Шетел валютасындағы ұзақ мерзімді кредиттік рейтингі Standard&Poor's бойынша "ВВВ"-ден, Fitch бойынша "ВВВ", Moody'sInvestorsService бойынша "Ваа2" төмен емес Қазақстан Республикасының резидент емес банктері тиісті қарсы міндеттемелерді шығармастан банк кепілдігін немесе резервтік аккредитивті шығара алады.
Осы Шарттың талаптарын орындау үшін қаржылық қамтамасыз етудің қажетті мөлшері _____________ теңгені құрайды және осы Шарттың талаптарын орындауды қаржылық қамтамасыз етудің үлестік құнының (теңге/МВт) және оның қолдау қызметі көлемінің көбейтіндісі ретінде айқындалады (МВт).
Электр қуатын сатып алу шартының талаптарын орындауды қаржылық қамтамасыз етудің үлестік құны 1 000 000 (бір миллион ) теңге/МВт құрайды.
Осы тармақшада көрсетілген банктік кепілдік немесе резервтік аккредитив қайтарылмайтын болып табылады, оларды алушының (бенефициардың) нұсқауы бойынша толық немесе ішінара орындалуын қамтамасыз етеді, қолданылу мерзімі – осы Шартқа қол қойған күннен бастап кемінде 38 (отыз сегіз) ай;
24) алушының (бенефициардың) банкін қоса алғанда, осы Шарттың талаптарын орындауды қаржылық қамтамасыз етуге байланысты барлық банктік комиссияларды және шығыстарды төлеуге;
25) Субъект құқықтар мен міндеттерді басқаға беру шартын жасасқанға дейін Бірыңғай сатып алушыны хабардар етуге міндетті.";
мынадай мазмұндағы 3), 4) және 5) тармақшалармен толықтырылсын:
"3) Заңға сәйкес осы Шарт бойынша оның міндеттемелерінің орындалуын қамтамасыз ететін, маневрлік генерациялау режимі бар жаңадан пайдалануға берілетін генерациялайтын қондырғылар уақтылы пайдалануға берілген кезде осы Шарттың немесе оның бір бөлігінің талаптарының орындалуын қаржылық қамтамасыз ету сомасын қайтаруды (босатуды) талап етуге;
4) өзінің құқықтары мен талаптарын осы Шарт бойынша үшінші тұлғаға және осы Шарт бойынша құқықтар мен талаптарды қабылдайтын үшінші тұлғаға беру.
Осы Шарт бойынша құқықтар мен міндеттерді басқаға беру осы Шарт бойынша құқықтар мен міндеттерді қабылдайтын үшінші тұлға осы Шарттың 11-тармағының 23) тармақшасына сәйкес осы Шарттың талаптарының орындалуын қаржылық қамтамасыз етуді бергеннен кейін жүзеге асырылады.
Осы тармақтың барлық талаптары жүзеге асырылғаннан кейін үшінші тұлға генерацияның маневрлік режимі бар жаңадан пайдалануға берілетін генерациялайтын қондырғыларды салуға арналған аукциондық сауда-саттықтардың жеңімпазы болып танылады;
5) осы тармақтың 4) тармақшасының үшінші бөлігінде көрсетілген талаптар орындалғаннан кейін Бірыңғай сатып алушыдан Шарттың орындалуын қаржылық қамтамасыз етуді қайтаруды (босатуды) талап етуге құқылы.";
15-тармақ жаңа редакцияда жазылсын:
"15. Егер Бірыңғай сатып алушы ұсынылған шот-фактураның дұрыстығын дауласа, ол Қазақстан Республикасында электр энергиясын өндіру-тұтынудың нақты теңгерімі бекітілгеннен кейін субъектіні 10 жұмыс күні ішінде хабардар етеді және Субъектіге қарсылықтары баяндалған жазбаша өтініш береді. Бұл ретте Бірыңғай сатып алушы осы Шарттың 13-тармағының бірінші бөлігіне сәйкес шот-фактураның даулы емес бөлігін төлеуге міндетті.
Бұл ретте Жүйелік оператор айқындайтын өлшемсіз коэффициенттердің мәндері өзгерген жағдайда, бірінші бөлігінде көрсетілген мерзім жүйелік оператордан хабарлама алған күннен бастап есептелсін.";
26-тармақ жаңа редакцияда жазылсын:
"26. Егер осы Шарттан туындайтын даулар мен келіспеушіліктер келіссөздер арқылы шешілмесе, онда мұндай даулар мен келіспеушіліктер Қазақстан Республикасы Азаматтық процестік кодексінің 29-бабына сәйкес Бірыңғай сатып алушының орналасқан жері бойынша соттарда шешілуге тиіс.";
мынадай мазмұндағы 33-1-тармақпен толықтырылсын:
"33-1. Көрсетілген 1-тармақтың 16), 17), 18) тармақшалары, 9-тармақтың 4), 5), 6), 7) тармақшалары, 11-тармақтың 18), 19), 20), 21), 22), 23), 24), 25) тармақшалары, 12-тармақтың 3), 4), 5) тармақшалары осы Шартта "Электр энергетикасы туралы" Қазақстан Республикасы Заңының 15-3-бабы 3-1-тармағының 1, 1-1) тармақшаларына сәйкес осы Шартты жасасқан энергия өндіруші ұйымдар үшін ғана қолданылады және солар үшін жарамды.";
Электр қуатының әзірлігін ұстап тұру бойынша көрсетілетін қызметті сатып алу туралы үлгілік шартқа 1 және 3-қосымшалар осы бұйрыққа 1 және 2-қосымшаларға сәйкес жаңа редакцияда жазылсын.
2. Қазақстан Республикасы Энергетика министрлігінің Электр энергетикасын дамыту департаменті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты Қазақстан Республикасы Энергетика министрлігінің интернет-ресурсында орналастыруды;
3) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Энергетика министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалғаны туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының энергетика вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Энергетика министрі |
А. Саткалиев |
| Қазақстан Республикасы Энергетика министрі 2023 жылғы 2 маусымдағы № 208 Бұйрығына 1-қосымша |
|
| Электр қуатының әзірлігін ұстап тұру бойынша көрсетілетін қызметті сатып алу туралы үлгілік шартқа 1-қосымша |
Субъектінің жылдар бойынша электр қуатының әзірлігін ұстап тұру бойынша көрсетілетіні қызметті сатып алуының шарттық бағасы (жеке тариф), көлемі және мерзімі*
№ р/с | Кезең, жыл** | ҚҚС есебінсіз электр қуатының әзірлігін ұстап тұру бойынша көрсетілетін қызметтің бағасы, (жеке тариф), мың теңге/(МВт*айына) | Электр қуатының әзірлігін ұстап тұру бойынша көрсетілетін қызметтің көлемі, МВт*ай | Оның ішінде: технологиялық тұрғыдан тек жылуды пайдалану арқылы жұмыс істеуге арналған, осы көлемде ескерілген генерациялайтын қондырғылардың (олардың жылу жүктемесінің берілген деңгейі кезінде) электр қуатының әзірлігін ұстап тұру бойынша көрсетілетін қызмет көлемінің бір бөлігі, МВт*** | Электр қуатының әзірлігін ұстап тұру бойынша көрсетілетін қызметтің мерзімі, жылдар**** |
Ескертпе:
* - кесте параметрлерінің сандық мәні ондыққа дейінгі дәлдікпен көрсетіледі;
** - Субъектінің электр қуатының әзірлігін ұстап тұру бойынша көрсетілетін қызметті сатып алу мерзімінің әр кезеңі мына форматта көрсетіледі: 20___ ж.
*** - егер электр қуатының әзірлігін ұстап тұру бойынша көрсетілетін қызметті сатып алу туралы шарт Қуат нарығы қағидаларының 11-тармағының 1), 2), 3), 4), 5) және 7) тармақшаларына сәйкес жасалатын электр қуатының әзірлігін ұстап тұру бойынша көрсетілетін қызметті сатып алу туралы шартқа қатысты болған жағдайда бұл баған толтырылмайды.
**** - Субъектінің электр қуатының әзірлігін ұстап тұру бойынша көрсетілетін қызметті сатып алу мерзімі оның әр кезеңі үшін бірдей форматта көрсетіледі: 20___ - 20___ жж.
| Қазақстан Республикасы Энергетика министрі 2023 жылғы 2 маусымдағы № 208 Бұйрығына 2-қосымша |
|
| Электр қуатының әзірлігін ұстап тұру бойынша көрсетілетін қызметті сатып алу туралы үлгілік шартқа 3-қосымша |
Субъектінің өзі тұтынатын электр қуатының максималды мәні, бөлшек сауда нарығының субъектілеріне жеткізудің максималды электр қуаты және жылдар бойынша экспортының максималды электр қуаты*
№ р/с | Кезең, жыл** | өзі тұтынатын электр қуатының максималды мәні, МВт | оның ішінде: | Бөлшек сауда нарығының субъектілеріне жеткізілетін максималды электр қуаты, МВт | Экспорттың максималды электр қуаты, МВт |
Электр станцияларының өз қажеттіліктеріне арналған электр қуатының максималды мәні, МВт*** | |||||
1 | 2 | 3 | 4 | 5 | 6 |
1 | |||||
2 | |||||
3 |
Ескертпе:
* - кесте параметрлерінің сандық мәндері ондыққа дейінгі дәлдікпен көрсетіледі;
** - кезеңдер осы Шартқа 1-қосымшада көрсетілген кезеңдерге сәйкес келуі тиіс және мына форматта көрсетіледі: 20___ ж.
*** - Субъектінің электр станцияларының барлық жеке қажеттіліктеріне жұмсалатын электр қуатының максималды мәнінен, сондай-ақ Субъектінің осы электр станцияларының барлық шаруашылық және өндірістік қажеттіліктеріне жұмсалатын электр қуатының тиісті максималды мәнінен тұратын Субъектінің электр станцияларының жеке қажеттіліктеріне жұмсалатын электр қуатының ең максималды мәні.
Шарттар "Электр энергетикасы туралы" Заңның 15-3-бабы 3-1-тармағының 1), 1-1) және 2-1) тармақшаларына сәйкес жасалған жағдайда, осы қосымша электр қуатын аттестаттау жүргізілгеннен кейін толтырылады.
