ЗҚАИ-ның ескертпесі!
Осы бұйрық 22.06.2024 бастап қолданысқа енгізіледі
БҰЙЫРАМЫН:
1. Қазақстан Республикасы Цифрлық даму, инновациялар және аэроғарыш өнеркәсібі министрінің және Қазақстан Республикасы Инвестициялар және даму министрінің міндетін атқарушының кейбір бұйрықтарына мынадай өзгерістер енгізілсін:
1) "Бірыңғай кезекшілік-диспетчерлік "112" қызметіне қоңырау шалушы абоненттің орналасқан жерін анықтау және әлеуметтік, табиғи және техногендік сипаттағы төтенше жағдайлар қатері төнген немесе қатер туындаған және жойылған, төтенше жағдай енгізілген кезде, қорғаныс, қауіпсіздік және құқық тәртібі мүддесінде халықтың ұялы байланыс телефондарына қысқа мәтіндік хабарлар жіберу жөнінде қызметтер көрсету мақсатында байланыс операторларының желілерін пайдалану қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 30 желтоқсандағы № 1274 бұйрығында (Нормативтік құқықтық актілерді мемлекеттік тіркеу тізілімінде № 12802 болып тіркелген):
Бірыңғай кезекшілік-диспетчерлік "112" қызметіне қоңырау шалушы абоненттің орналасқан жерін анықтау және төтенше жағдайлар қатері төнген немесе туындаған және әлеуметтік, табиғи және техногендік сипаттағы төтенше жағдайлар қатерін болдырмау, төтенше жағдайды енгізу кезінде қорғаныс, қауіпсіздік және құқық тәртібі мүддесінде халықтың ұялы байланыс телефондарына қысқаша мәтіндік хабарламалар жіберу жөнінде қызметтер көрсету мақсатында байланыс операторларының желілерін пайдалану қағидаларында, көрсетілген бұйрықпен бекітілген:
2-тармақтың 6) тармақшасы мынадай редакцияда жазылсын:
Осы Қағидаларда мынадай анықтамалар пайдаланылады:
"6) хабарламаларды тарату технологиясы (бұдан әрі – Cell Broadcast) – белгілі бір географиялық аймақта ақпараттық хабарламаларды дереу жеткізуге арналған ұялы байланыс желілерінде мәтіндік хабарламаларды жаппай тарату.";
6 тармақ мынадай редакцияда жазылсын:
"6. Жаппай жіберу үшін абоненттік базаны алдын ала таңдауды байланыс операторлары Астана, Алматы, Шымкент қалаларындағы және Қазақстан Республикасының облыстарындағы абоненттер жасаған қоңыраулардың мониторингін жүргізудің қолда бар техникалық мүмкіндіктерін пайдалана отырып, ағымдағы айдың біріне және он бесіне екі рет жүзеге асырады.";
19 тармақ мынадай редакцияда жазылсын:
"19. "112" БКДҚ орындаушылары техникалық мүмкіндік болған жағдайда байланыс операторымен бірлесіп төтенше жағдайлар қатері төнген немесе туындаған және әлеуметтік, табиғи және техногендік сипаттағы төтенше жағдайлар қатерін болдырмау, төтенше жағдайды енгізу кезінде қорғаныс, қауіпсіздік және құқық тәртібі мүддесінде халықтың ұялы байланыс телефондарына Cell Broadcast жүйесі арқылы мәтіндік хабарламалар жіберуді жүзеге асырады.";
22 тармақ мынадай редакцияда жазылсын:
"22. "112" БДҚБ ведомстволық желісі мен байланыс операторы желісінің техникалық өзара іс-қимылы Трафикті өткізуді қоса алғанда, телекоммуникация желілерінің қосылу және өзара іс-қимыл жасау қағидаларын және өзара есеп айырысу тәртібін бекіту туралы Қазақстан Республикасы Инвестициялар және даму министрінің міндетін атқарушының 2016 жылғы 28 қаңтардағы № 119 бұйрығымен бекітілген қағидаларымен реттеледі (Нормативтік құқықтық актілерді мемлекеттік тіркеу тізілімінде № 13340 болып тіркелген).".
мынадай мазмұндағы реттік нөмірімен 16-7, жолымен толықтырылсын:
"
16-7 |
Каз яз: |
Gaz tutynýshy. |
";
2-қосымша осы бұйрыққа 2-қосымшаға сәйкес жаңа редакцияда жазылсын.
2) "Қос мақсаттағы тіректерде телекоммуникация құралдарын орналастыру қағидаларын бекіту туралы" Қазақстан Республикасы Цифрлық даму, инновациялар және аэроғарыш өнеркәсібі министрінің 2023 жылғы 31 мамырдағы № 129/НҚ бұйрығында (Нормативтік құқықтық актілерді мемлекеттік тіркеу тізілімінде № 32660 болып тіркелген):
тақырып мынадай редакцияда жазылсын:
"Телекоммуникация құралдарын бірлесіп пайдалану тіректеріне орналастыру қағидаларын бекіту туралы";
1-тармақ мынадай редакцияда жазылсын:
"1. Қоса беріліп отырған телекоммуникация құралдарын бірлесіп пайдалану тіректеріне орналастыру қағидалары бекітілсін";
"Көрсетілген бұйрықпен бекітілген қос мақсаттағы тіректерге телекоммуникация құралдарын орналастыру қағидалары осы бұйрыққа 1-қосымшаға сәйкес жаңа редакцияда жазылсын.";
тақырып мынадай редакцияда жазылсын:
"Телекоммуникация құралдарын бірлесіп пайдалану тіректеріне орналастыру қағидалары";
2. Қазақстан Республикасы Цифрлық даму, инновациялар және аэроғарыш өнеркәсібі министрлігінің Телекоммуникациялар комитеті:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрық ресми жарияланғаннан кейін оны Қазақстан Республикасы Цифрлық даму, инновациялар және аэроғарыш өнеркәсібі министрлігінің интернет-ресурсында орналастыруды;
3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Цифрлық даму, инновациялар және аэроғарыш өнеркәсібі министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтер ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Цифрлық даму, инновациялар және аэроғарыш өнеркәсібі вице-министріне жүктелсін.
4. Осы бұйрық 2024 жылғы 22 маусымнан бастап қолданысқа енгізіледі және ресми жариялануға тиіс.
|
Қазақстан Республикасының Цифрлық даму, инновациялар және аэроғарыш өнеркәсібі министрі |
Ж. Мадиев |
КЕЛІСІЛДІ
Қазақстан Республикасының
Бәсекелестікті қорғау және
дамыту агенттігі
КЕЛІСІЛДІ
Қазақстан Республикасының
Қорғаныс министрлігі
КЕЛІСІЛДІ
Қазақстан Республикасының
Өнеркәсіп және құрылыс министрлігі
КЕЛІСІЛДІ
Қазақстан Республикасының
Төтенше жағдайлар министрлігі
КЕЛІСІЛДІ
Қазақстан Республикасының
Ұлттық қауіпсіздік комитеті
КЕЛІСІЛДІ
Қазақстан Республикасының
Ішкі істер министрлігі
КЕЛІСІЛДІ
Қазақстан Республикасының
Энергетика министрлігі
Телекоммуникация құралдарын бірлесіп пайдалану тіректеріне орналастыру қағидаларын бекіту туралы
1-тарау. Жалпы ережелер
1. Осы Телекоммуникация құралдарын бірлесіп пайдалану тіреуіштерге орналастыру қағидалары (бұдан әрі – Қағидалар) "Байланыс туралы" Қазақстан Республикасы Заңының (бұдан әрі – Заң) 8-бабының 1-тармағының 19-21) тармақшасына сәйкес әзірленді және телекоммуникация құралдарын бірлесіп пайдалану тіреуіштерге орналастыру тәртібін айқындайды.
2. Осы Қағидалардың күші телекоммуникация құралдарын бірлесіп пайдалану тіреуіштерге орналастыратын байланыс операторларына қолданылады.
3. Осы Қағидаларда пайдаланылатын негізгі ұғымдар:
1) байланыс операторы – байланыс қызметтерін көрсететін және (немесе) байланыс желілерін пайдаланатын, Қазақстан Республикасының аумағында тіркелген жеке немесе заңды тұлға;
2) бірлесіп пайдалану тіреуіштер – телекоммуникация құралдарын және (немесе) өзге де инженерлік инфрақұрылым объектілерін, ақпараттық мақсаттағы құрылғыларды бір мезгілде орналастыруға арналған байланыс құрылысжайлары;
3) ғимарат – табиғи немесе жасанды кеңiстiк шекаралары бар және өндiрiстiк процестердi орындауға, материалдық құндылықтарды орналастыруға және сақтауға немесе адамдарды, жүктердi уақытша орналастыруға (орын ауыстыруға), сондай-ақ жабдықтарды немесе коммуникацияларды орналастыруға (төсеуге, жүргiзуге) арналған жасанды жасалған ауқымды, тегiстiктi немесе желiлiк объект (жер үстi, су бетi және (немесе) жер асты, су асты). Ғимарат көркемдiк-эстетикалық, әшекей-қолданбалы не мемориалдық мақсатта да болуы мүмкiн;
4) телекоммуникация құралдары (байланыс құралдары) – электр магниттік немесе оптикалық сигналдарды қалыптастыруға, беруге, қабылдауға, сақтауға, өңдеуге, коммутациялауға немесе оларды басқаруға мүмкіндік беретін техникалық құрылғы, жабдық, жүйелер және бағдарламалық құралдар.
4. Байланыс операторлары телекоммуникация құралдарын қолданыстағы құрылыстарда, сондай-ақ қолданыстағы құрылысты бірлесіп пайдалану тіреуіштерге ауыстыру арқылы орнатады.
2-тарау. Телекоммуникация құралдарын бірлесіп пайдалану тіреуіштерді орналастыру тәртібі
5. Байланыс операторлары телекоммуникация құралдарын бірлесіп пайдалану тіректеріне орналастыру үшін құрылыстың меншік иесіне жазбаша өтінішпен жүгінеді.
Құрылыстың меншік иесі осындай өтініш келіп түскеннен кейін жазбаша жауап жіберуге құқылы.
6. Телекоммуникация құралдарын бірлесіп пайдалану тіректеріне орналастыруға келіскен кезде құрылыстың меншік иесі шарт талаптары мен техникалық талаптарды ұсынады.
7. Телекоммуникация құралдарын орналастырудан бас тартқан кезде, құрылыстың меншік иесі техникалық мүмкіндігі болған кезде телекоммуникация құралдарын бірлесіп пайдалану тіреуіштерді орналастыру үшін балама ұсыныс ұсынуға құқылы.
8. Телекоммуникация құралдарын бірлесіп пайдалану тіреуіштерді орналастырудың техникалық талаптары мен талаптары, оның ішінде бірлесіп пайдалану, жөндеу-қалпына келтіру жұмыстарының талаптары шартта көзделеді.
9. Телекоммуникация құралдарын бірлесіп пайдалану тіреуіштерді жерге орналастыру кезінде байланыс операторы және (немесе) мердігер жергілікті жердің техникалық параметрлерін, климаттық және табиғи жағдайларын, сондай-ақ құрылғыны жерге тұйықтауды және құрылыстарды найзағайдан қорғауды қоса алғанда, қауіпсіздік техникасы жөніндегі талаптарды ескереді.
Байланыс операторлары шарт негізінде Қазақстан Республикасы "Байланыс туралы" Заңының 29-бабының 4-3-тармағына сәйкес инженерлік инфрақұрылым объектілерін, бірлесіп пайдалану тіреуіштерін, өзге де телекоммуникация құралдары мен байланыс желілерін бірлесіп пайдалана алады.
10. Электр беру желілерін, радиостанцияларды және электромагниттік энергия шығаратын басқа да объектілерді салу және реконструкциялау кезінде телекоммуникация құралдарына теріс әсер ескеріледі және "Қазақстан Республикасында телекоммуникация желілерін қорғау қағидаларын бекіту туралы" Қазақстан Республикасы Инвестициялар және даму министрінің 2014 жылғы 24 желтоқсандағы № 281 бұйрығында көзделген талаптар сақталады (Нормативтік құқықтық актілерді мемлекеттік тіркеу тізілімінде № 10483 тіркелген).
11. Әуе желілерінің тіректерінде талшықты-оптикалық байланыс желілерін (бұдан әрі – ТОБЖ – ӘЖ) бірлесіп ілу Қазақстан Республикасы Энергетика министрінің 2015 жылғы 20 наурыздағы № 230 бұйрығымен бекітілген, Электр қондырғыларын орнату қағидаларына 5-қосымшада көзделген ТОБЖ-ӘЖ жалпы техникалық сипаттамаларына сәйкес жүзеге асырылады (Нормативтік құқықтық актілерді мемлекеттік тіркеу тізілімінде № 10851 тіркелген).
Байланыс операторлары мен "112" БКДҚ орындаушыларының тізбесі
р/н № |
Тегі Аты Әкесінің аты | лауазымы | телефон | факсі | Электрондық пошта |
Байланыс операторлары орындаушыларының тізбесі | |||||
1 | |||||
2 | |||||
"112" БКДҚ орындаушыларының тізбесі | |||||
Астана қаласының "112" БКДҚ | |||||
Алматы қаласының "112" БКДҚ | |||||
Алматы облысының "112" БКДҚ | |||||
Ақмола облысының "112" БКДҚ | |||||
Ақтөбе облысының "112" БКДҚ | |||||
Атырау облысының "112" БКДҚ | |||||
Абай облысының БКДҚ "112" | |||||
Шығыс-Казақстан облысының "112" БКДҚ | |||||
Жамбыл облысының "112" БКДҚ | |||||
Жетісу облысының "112" БКДҚ | |||||
Батыс-Казақстан облысының "112" БКДҚ | |||||
Қарағанды облысының "112" БКДҚ | |||||
Қызылорда облысының "112"БКДҚ | |||||
Қостанай облысының "112" БКДҚ | |||||
Маңғыстау облысының "112" БКДҚ | |||||
Павлодар облысының "112" БКДҚ | |||||
Солтүстік-Казақстан облысының "112" БКДҚ | |||||
Ұлытау облысының "112" БКДҚ | |||||
Түркістан облысының "112" БКДҚ | |||||
Шымкент қаласының "112" БКДҚ | |||||
