БҰЙЫРАМЫН:
1. "Жер қойнауын пайдаланушылардың жер қойнауын пайдалануға арналған келісімшарт бойынша міндеттемелерін орындауына мониторинг жүргізу қағидаларын бекіту туралы" Қазақстан Республикасы Энергетика министрінің 2018 жылғы 5 мамырдағы № 160 бұйрығына (Нормативтік құқықтық актілерді мемлекеттік тіркеу тізілімінде № 16948 болып тіркелген) мынадай өзгеріс енгізілсін:
көрсетілген бұйрықпен бекітілген Жер қойнауын пайдаланушылардың жер қойнауын пайдалануға арналған келісімшарт бойынша міндеттемелерін орындауына мониторинг жүргізу қағидалары осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Энергетика министрлігінің Жер қойнауын пайдалану департаменті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Энергетика министрлігінің ресми интернет-ресурсында орналастыруды;
3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Энергетика министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалғаны туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының энергетика вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі.
|
Қазақстан Республикасы Энергетика министрі |
А. Саткалиев |
| Қазақстан Республикасы Энергетика министрі 2024 жылғы 31 шілдедегі № 271 Бұйрыққа қосымша |
|
| Қазақстан Республикасының Энергетика министрінің 2018 жылғы 5 мамырдағы № 160 бұйрығымен бекітілген |
Жер қойнауын пайдаланушылардың жер қойнауын пайдалануға арналған келісімшарт бойынша міндеттемелерін орындауына мониторинг жүргізу қағидалары
1-тарау. Жалпы ережелер
1. Осы Жер қойнауын пайдаланушылардың жер қойнауын пайдалануға арналған келісімшарт бойынша міндеттемелерін орындауына мониторинг жүргізу қағидалары (бұдан әрі – Қағидалар) "Жер қойнауы және жер қойнауын пайдалану туралы" Қазақстан Республикасының Кодексі (бұдан әрі – Кодекс) 66-бабының 2-тармағына сәйкес әзірленді және жер қойнауын пайдаланушылардың көмірсутектерді барлауға және өндіруге немесе өндіруге, сондай-ақ уран өндіруге арналған келісімшарт (бұдан әрі – келісімшарт) бойынша міндеттемелерін орындауына мониторинг жүргізу тәртібін айқындайды.
2. Жер қойнауын пайдаланушылардың келiсiмшарт бойынша мiндеттемелердi орындауының мониторингiн (бұдан әрi – мониторинг) жер қойнауын пайдаланушылар Кодекстің 132-бабының 2) – 7) тармақшаларына, 180-бабының 3) – 11) тармақшаларына, Қазақстан Республикасы заңнамасын бұзушылық белгілерін қамтитын ғарыштық мониторинг деректеріне және Қазақстан Республикасының заңнамасына сәйкес өзге де көздерден алынған мәліметтерге сәйкес ұсынатын есептерге талдау жасау арқылы құзыреттi орган жүзеге асырады.
3. Жер қойнауын пайдаланушы ұсынған есептерді талдауды құзыретті орган жер қойнауын пайдаланушы жыл қорытындылары бойынша есептерді ұсынған күнінен бастап күнтізбелік 6 (алты) ай ішінде, сондай-ақ жер қойнауын пайдаланушы келісімшарт аяқталған тоқсанның қорытындылары бойынша есептерді ұсынған күннен бастап 30 (отыз) жұмыс күні ішінде жүзеге асырады.
Есептерге талдау жүргізу мерзімінің өтуі құзыретті органның сұрау салуын жіберу және осы Қағидалардың 5-тармағында көрсетілген жер қойнауын пайдаланушыдан жауап алу кезеңіне тоқтатыла тұрады.
4. Есептерді талдау нәтижелері бойынша жауапты құрылымдық бөлімше оның нәтижелері туралы есеп қалыптастырады, онда мынадай мәліметтер көрсетіледі:
1) мониторингке жататын жер қойнауын пайдаланушылардың саны;
2) белгіленген мерзімде есептілікті ұсынған және ұсынбаған жер қойнауын пайдаланушылар туралы мәліметтер;
3) келісімшарттық міндеттемелерді бұзушылық анықталған жер қойнауын пайдаланушылар туралы мәліметтер.
5. Жер қойнауын пайдаланушы есептілікте толық емес мәліметтерді ұсынған кезде, сондай-ақ жер қойнауын пайдаланушы ұсынған мәліметтерден өзгеше ақпарат болған кезде осы Қағидалардың 2-тармағында көзделген мониторинг жүргізу мерзімі қосымша мәліметтерді сұрату үшін тоқтатыла тұрады. Қосымша мәліметтерді ұсыну мерзімі құзыретті органның сұрау салуын алған күннен бастап 10 (он) жұмыс күнін құрайды.
Сұрау салу қорытындылары бойынша есепте көрсетілген мәліметтердің нақты деректерге сәйкестігі расталған кезде есеп осы Қағидалардың 6-тарауында көзделген тәртіппен түзетілуге жатады.
Қосымша мәліметтерді сұрату қорытындылары бойынша келісімшарттық міндеттемелерді бұзушылық фактісі анықталған кезде құзыретті орган сұрау салу бойынша мәліметтерді алған күннен бастап 10 (он) жұмыс күнінен кешіктірілмейтін мерзімде осы Қағидалардың 14-тармағында көзделген тиісті хабарламаны жібереді.
6. Жер қойнауын пайдаланушы келісімшарт бойынша міндеттемелерді орындау бойынша есептілікті ұсынбаған кезде, сол сияқты жер қойнауын пайдаланушы міндеттемелердің қандай да бір түрінің орындалуы туралы мәліметтерді толтырмаған кезде жер қойнауын пайдаланушының мониторинг мақсаттары үшін тиісті міндеттеме орындалмаған ретінде ескеріледі.
Осы Қағидалардың 13-тармағына сәйкес жер қойнауын пайдалануға арналған келісімшарт талаптарының жол берілген бұзушылығы туралы хабарламаны жіберу белгіленген мерзім өткеннен кейін есептілікті ұсынуға кедергі келтірмейді.
7. Жұмыстардың физикалық көлемін орындау жөніндегі міндеттемелер бойынша орындалған жұмыстардың актілерімен, шот-фактуралармен және төлем тапсырмаларымен расталған нақты орындалған (аяқталған) жұмыстар ғана орындалды деп танылады.
Мониторинг жүргізу мақсатында жұмыстардың физикалық көлемі деп геофизикалық жұмыстар, бұрғылау жөніндегі жұмыстар, көмірсутектерді немесе уранды өндіру көлемі түсініледі.
8. Өңірдің әлеуметтік-экономикалық дамуын және оның инфрақұрылымын дамытуды пайыздық мәнде көрсетілген қаржыландыру жөніндегі міндеттемелер бойынша келісімшарт талаптарына сәйкес есепті кезеңде жұмыс бағдарламасында немесе базалық жобалау құжатында көрсетілген көрсеткіштерді ескере отырып, олардың орындалуының толықтығы тұрғысынан талдау жүргізіледі.
Өңірдің әлеуметтік-экономикалық дамуын және оның инфрақұрылымын дамытуды нақты ақшалай мәнде көрсетілген қаржыландыру жөніндегі міндеттемелер бойынша келісімшарт талаптарына сәйкес есепті кезең үшін келісімшартта бекітілген міндеттемелерге сәйкес олардың орындалуының толықтығы тұрғысынан талдау жүргізіледі.
Өңірдің әлеуметтік-экономикалық дамуын және оның инфрақұрылымын дамытуды қаржыландыру жөніндегі міндеттемелер бойынша:
1) көрсетілген мақсаттарға жергілікті бюджетке аударылған ақша;
2) егер көрсетілген шығыстар бойынша растайтын мәліметтер (төлем құжатының күні мен нөмірі, шығыстардың сипаттамасы, қолдау алушы туралы мәліметтер және шығыстардың нысаналы сипатта екенін растайтын өзге де мәліметтер) ұсынылса, өңірдің әлеуметтік инфрақұрылым объектілерін дамытуға және қолдауға, әлеуметтік кәсіпкерлік субъектілерін қолдауға арналған шығыстар ескеріледі. Мәлімделген шығыстар бойынша көрсетілген мәліметтер болмаған жағдайда, мұндай сомалар тиісті міндеттемені орындау ретінде мәлімделген жалпы сомадан шегеріледі.
Осы тармақтың үшінші бөлігінің 2) тармақшасы шарттары өңірдің әлеуметтік-экономикалық дамуын және оның инфрақұрылымын дамытуды қаржыландыру жөніндегі міндеттемені мемлекеттік (жергілікті) бюджетке ақша қаражатын аудару жолымен орындауды көздейтін келісімшарттарға қолданылмайды.
9. Қазақстандық кадрларды оқытуды қаржыландыру жөніндегі міндеттемелер бойынша келісімшарт талаптарына, Кодекстің 132-бабының 5) тармақшасына және 180-бабының 7) тармақшасына сәйкес берілген қазақстандық кадрларды оқытуды қаржыландыру жөніндегі шығыстар туралы есептің мәліметтеріне сәйкес есепті кезеңде жұмыс бағдарламасында немесе базалық жобалау құжатында көрсетілген сомалардың сәйкестігіне талдау жүргізіледі.
10. Ғылыми-зерттеу, ғылыми-техникалық және (немесе) тәжірибелік-конструкторлық жұмыстарды қаржыландыру жөніндегі міндеттемелер бойынша келісімшарт талаптарына, Кодекстің 132-бабының 6) тармақшасына және 180-бабының 8) тармақшасына сәйкес берілген ғылыми-зерттеу, ғылыми-техникалық және тәжірибелік-конструкторлық жұмыстарға арналған шығыстар туралы есептің мәліметтеріне сәйкес есепті кезеңде жұмыс бағдарламасында немесе базалық жобалау құжатында көрсетілген сомалардың сәйкестігіне талдау жүргізіледі.
11. Осы Қағидалардың 8, 9 және 10-тармақтарында көзделген және пайыздық қатынаста көрсетілген қаржылық міндеттемелер жоспарлы немесе нақты базалық көрсеткіштің ең үлкен мәнінен (инвестициялар мөлшері, өндіруге арналған шығындар, жылдық жиынтық табыс және т. б.) айқындалады.
12. Барлау кезеңінде келісімшарттың ең аз жұмыс бағдарламасында немесе жұмыс бағдарламасында көзделген жұмыстың қандай да бір түрі орындалмаған жағдайда, тиісті жұмыс түрінің физикалық көлемі бойынша орындалмаған міндеттеменің құны физикалық көріністегі міндеттеменің жоспарлы көлемінен физикалық көріністегі нақты орындалмаған жұмыстардың үлесіне мөлшерлес тиісті жұмыс түрінің физикалық көлемінің жалпы құнына пропорционалды әдіспен айқындалады.
13. Келісімшарттық міндеттемелерді орындамауға жол берген жер қойнауын пайдаланушы анықталған кезде мұндай жер қойнауын пайдаланушыға тұрақсыздық айыбын төлеу және (немесе) жол берілген бұзушылықты жою жөніндегі міндеті мен мерзімдері көрсетіле отырып, келісімшарт талаптарының жол берілген бұзушылығы туралы хабарлама жіберіледі.
14. Кодекстің 133-бабы 2-тармағының 1) тармақшасына сәйкес есепті жыл ішінде келісімшартта белгіленген қаржылық міндеттемелер отыз пайыздан кем орындалған жағдайда, келісімшарт талаптарының жол берілген бұзушылығы туралы хабарламалар есепті кезеңнен кейінгі жылдың 1 (бірінші) сәуіріне дейінгі мерзімде жіберілуге жатады.
Мониторинг нәтижелері бойынша анықталған осы Қағидалардың 18, 21, 25 және 28-тармақтарында көзделген міндеттемелердің орындалмағаны туралы хабарламалар есепті кезеңнен кейінгі жылдың 1 (бірінші) қыркүйегіне дейінгі мерзімде жіберіледі.
15. Оларға қатысты келісімшарттық міндеттемелердің анықталған бұзушылықтарын жою туралы хабарламалар жіберілген жер қойнауын пайдаланушылар бойынша тиісті хабарламада көрсетілген мерзімдер өткеннен кейін оларды жою мониторингі жүргізіледі.
16. Осы тарауда көзделген хабарламалар, хабарлар мен ұсыныстар Қазақстан Республикасы Энергетика министрінің 2018 жылғы 11 мамырдағы № 170 (Нормативтік құқықтық актілерді мемлекеттік тіркеу тізілімінде № 17012 болып тіркелген) бұйрығымен бекітілген Ақпараттық жүйелерді пайдалана отырып хабарлау қағидаларына сәйкес жер қойнауын пайдалануды басқарудың бірыңғай мемлекеттік жүйесі арқылы жіберіледі және беріледі.
17. Жер қойнауын пайдалануды басқарудың бірыңғай мемлекеттік жүйесі арқылы жіберілетін хабарлама жер қойнауын пайдаланушыға хабарлама жеткізілген күні алынды деп есептеледі.
2-тарау. Жер қойнауын пайдаланушылардың Кодекс қолданысқа енгізілгенге дейін жасалған және көмірсутектерді барлауға және өндіруге, өндіруге немесе уран өндіруге арналған үлгілік келісімшарттарға сәйкес келмейтін келісімшарттар бойынша міндеттемелерді орындауына мониторинг жүргізу тәртібі
18. Кодекс қолданысқа енгізілгенге дейін жасалған және көмірсутектерді барлауға және өндіруге, өндіруге немесе уран өндіруге арналған үлгілік келісімшарттарға сәйкес келмейтін келісімшарттар бойынша жер қойнауын пайдаланушының мынадай міндеттемелерді орындауы тұрғысынан есептерге талдау жүргізіледі:
1) жұмыс бағдарламасының талаптарына сәйкес келісімшарт бойынша жалпы қаржылық міндеттемелер.
Осы тармақшаның мақсаттары үшін келісімшарт бойынша жалпы қаржылық міндеттемелер деп "Көмірсутектерді барлауды және өндіруді жүргізу, мұнай және (немесе) шикі газ, уран, көмір өндіру және олардың айналымы саласындағы операцияларды жүзеге асыру, тәжірибелік-өнеркәсіптік өндіруді және уран өндіруді жүргізу кезінде есептердің нысандарын және оларды ұсыну Қағидаларын бекіту туралы" Қазақстан Республикасы Энергетика министрінiң 2018 жылғы 23 мамырдағы № 203 (Нормативтік құқықтық актілерді мемлекеттік тіркеу тізілімінде № 17036 болып тіркелген) бұйрығына 5-қосымшада белгіленген лицензиялық-келісімшарттық талаптардың орындалуы туралы есеп нысанының 500-жолында жер қойнауын пайдаланушы көрсеткен көрсеткіштер түсініледі. Келісімшарт талаптары бойынша міндеттемелердің жекелеген түрі болып табылмайтын салықтарды және бюджетке төленетін басқа да міндетті төлемдерді төлеу жөніндегі көрсеткіштер жалпы қаржылық міндеттемелерге кірмейді;
2) егер келісімшарт бойынша барлау жөніндегі операциялар жүргізілсе, жұмыс бағдарламасында және келісімшарт талаптарында көзделген барлау жұмыстарының физикалық көлемі бойынша міндеттемелер;
3) егер келісімшарт бойынша өндіру жөніндегі операциялар жүргізілсе, жұмыс бағдарламасында және келісімшарт талаптарында көзделген өндіру жөніндегі жұмыстардың физикалық көлемі бойынша міндеттемелер;
4) өңірдің әлеуметтік-экономикалық дамуын және оның инфрақұрылымын дамытуды қаржыландыру жөніндегі міндеттемелер;
5) қазақстандық кадрларды оқытуды қаржыландыру жөніндегі міндеттемелер;
6) ғылыми-зерттеу, ғылыми-техникалық және (немесе) тәжірибелік-конструкторлық жұмыстарды қаржыландыру жөніндегі міндеттемелер;
7) келісімшарт талаптарында көзделген инвестициялық және (немесе) өзге де міндеттемелер;
8) кадрлардағы елішілік құндылықты қамтамасыз ету жөніндегі міндеттемелер;
9) тауарлардағы, жұмыстардағы және көрсетілетін қызметтердегі елішілік құндылықты қамтамасыз ету жөніндегі міндеттемелер.
19. Есепті кезеңнің келісімшарттық міндеттемелерін орындау жөніндегі деректер алдыңғы кезеңдердің орындалмаған көлеміне қатысты міндеттемелердің болуы тұрғысынан алдыңғы кезеңдердің келісімшарттық міндеттемелерін орындау жөніндегі деректермен салыстырылады. Есепті кезеңде орындалған өтпелі міндеттемелер анықталған кезде бұл көлемдер (сомалар) ағымдағы есепті кезеңнің деректерінен алып тасталады.
20. Орындалу мониторингі жұмыс бағдарламасы және (немесе) келісімшарт бойынша қаржылық міндеттемелердің жалпы көлемінің орындалуына қарамастан, осы Қағидалардың 18-тармағында көзделген міндеттемелердің әрбір түрі бойынша жүзеге асырылады.
3-тарау. Жер қойнауын пайдаланушылардың күрделі жобалар бойынша келісімшарттарды қоса алғанда, көмірсутектерді барлауға және өндіруге арналған үлгілік келісімшартқа сәйкес келетін барлау мен өндіруге арналған келісімшарттар бойынша барлау кезеңінде міндеттемелерді орындауына мониторинг жүргізу тәртібі
21. Үлгілік келісімшартқа сәйкес келетін барлауға және өндіруге арналған келісімшарттар бойынша барлау кезеңінде жер қойнауын пайдаланушының мынадай міндеттемелерді орындауы тұрғысынан есептерге талдау жүргізіледі:
1) барлау кезеңінде келісімшарттың жұмыс бағдарламасында көзделген жұмыстардың физикалық көлемі бойынша міндеттемелер;
2) кадрлардағы елішілік құндылықты қамтамасыз ету бойынша;
3) тауарлардағы, жұмыстардағы және көрсетілетін қызметтердегі елішілік құндылықты қамтамасыз ету бойынша;
4) келісімшарт талаптарында көзделген инвестициялық және (немесе) өзге де міндеттемелер.
22. Жұмыс бағдарламасында тиісті жылы орындалатын жұмыстардың физикалық көлемі бойынша міндеттемелер бойынша жыл сайынғы көрсеткіштер болған кезде есепті кезеңге жататын жұмыстардың физикалық көлемдерінің нақты орындалуына талдау жүргізіледі. Бұл ретте нақты орындалған (аяқталған) жұмыстар ғана орындалды деп танылады.
23. Жұмыс бағдарламасында жұмыстардың физикалық көлемі бойынша жыл сайынғы міндеттемелер болмаған кезде талдау осындай міндеттеме орындалуға жататын тиісті барлау кезеңіне (барлаудың бастапқы кезеңі, бағалау үшін барлау кезеңі, сынамалық пайдалану үшін барлау кезеңі) жүргізіледі.
24. Жұмыс бағдарламасында жүргізілетін жұмыстың физикалық көлемінің сипаттамаларына қатысты талаптар болған кезде нақты орындалған жұмыстың физикалық көлемінің көрсетілген талаптарға сәйкестігіне де талдау жүргізіледі. Егер қандай да бір жұмыс түрі жұмыс бағдарламасының шарттарына сәйкес келмесе, тиісті міндеттеме орындалмаған болып есептеледі.
4-тарау. Жер қойнауын пайдаланушылардың көмірсутектерді барлауға және өндіруге арналған үлгілік келісімшарттарға, көмірсутектерді өндіруге арналған келісімшарттарға сәйкес келетін күрделі жобаларды қоса алғанда, барлауға және өндіруге, өндіруге арналған келісімшарттар бойынша өндіру кезеңінде міндеттемелерді орындауына мониторинг жүргізу тәртібі
25. Күрделі жобаларды қоса алғанда, үлгілік келісімшартқа сәйкес келетін өндіру кезеңінде барлауға және өндіруге, өндіруге арналған келісімшарттар бойынша жер қойнауын пайдаланушының мынадай міндеттемелерді орындауы тұрғысынан есептерге талдау жүргізіледі:
1) кен орнын игеру жобасында (игеруді талдауда) көзделген жұмыстардың физикалық көлемі бойынша міндеттемелер;
2) өңірдің әлеуметтік-экономикалық дамуын және оның инфрақұрылымын дамытуды қаржыландыру жөніндегі міндеттемелер;
3) қазақстандық кадрларды оқытуды қаржыландыру жөніндегі міндеттемелер;
4) ғылыми-зерттеу, ғылыми-техникалық және (немесе) тәжірибелік-конструкторлық жұмыстарды қаржыландыру жөніндегі міндеттемелерді;
5) келісімшарт талаптарында көзделген инвестициялық және (немесе) өзге де міндеттемелер;
6) кадрлардағы елішілік құндылықты қамтамасыз ету жөніндегі міндеттемелер;
7) тауарлардағы, жұмыстардағы және көрсетілетін қызметтердегі елішілік құндылықты қамтамасыз ету жөніндегі міндеттемелер.
26. Осы Қағидалардың 25-тармағының 1) тармақшасында көзделген міндеттемелерді талдау орындалған жұмыстардың физикалық көлемін Қазақстан Республикасы Энергетика министрінің 2018 жылғы 15 маусымдағы № 239 (Нормативтік құқықтық актілерді мемлекеттік тіркеу тізілімінде № 17131 болып тіркелген) бұйрығымен бекітілген Жер қойнауын ұтымды және кешенді пайдалану жөніндегі бірыңғай қағидаларда (бұдан әрі – Жер қойнауын ұтымды және кешенді пайдалану қағидалары) көзделген рұқсат етілген ауытқуларды ескере отырып, келісімшарт бойынша өндіру жүзеге асырылатын жобалау құжатының (игеру жобасы, игеруді талдау) тиісті көрсеткіштерімен салыстыру арқылы жүзеге асырылады.
27. Жұмыстардың физикалық көлемі бойынша міндеттемелерді орындамаған кезде жобалық көрсеткіштерді сақтамағаны үшін (пайдалану ұңғымаларын енгізу, көмірсутектерді өндіру көлемі) әрбір орындалмаған көрсеткіш бойынша бөлек тұрақсыздық айыбы салынады.
Жер қойнауын пайдаланушы бірнеше кен орындарында көмірсутектер өндіруді жүзеге асырған кезде жұмыстардың физикалық көлемі бойынша міндеттемелердің орындалуына мониторинг әрбір кен орны бойынша жеке жүргізіледі.
5-тарау. Жер қойнауын пайдаланушылардың уран өндіруге арналған үлгілік келісімшартқа сәйкес келетін уран өндіруге арналған келісімшарттар бойынша міндеттемелерді орындауына мониторинг жүргізу тәртібі
28. Уран өндіруге арналған үлгілік келісімшартқа сәйкес келетін уран өндіруге арналған келісімшарттар бойынша жер қойнауын пайдаланушының мынадай міндеттемелерді орындауы тұрғысынан есептерге талдау жүргізіледі:
1) уранды тәжірибелік-өнеркәсіптік өндіру жобасында, уран кен орнын игеру жобасында, уран кен орнын игеруді талдауда көзделген жұмыстардың физикалық көлемі бойынша міндеттемелер;
2) өңірдің әлеуметтік-экономикалық дамуын және оның инфрақұрылымын дамытуды қаржыландыру жөніндегі міндеттемелер;
3) қазақстандық кадрларды оқытуды қаржыландыру жөніндегі міндеттемелер;
4) ғылыми-зерттеу, ғылыми-техникалық және (немесе) тәжірибелік-конструкторлық жұмыстарды қаржыландыру жөніндегі міндеттемелерді;
5) келісімшарт талаптарында көзделген инвестициялық және (немесе) өзге де міндеттемелер;
6) кадрлардағы елішілік құндылықты қамтамасыз ету жөніндегі міндеттемелер;
7) тауарлардағы, жұмыстардағы және көрсетілетін қызметтердегі елішілік құндылықты қамтамасыз ету жөніндегі міндеттемелер.
29. Осы Қағидалардың 28-тармағының 1) тармақшасында көзделген міндеттемелерді талдау орындалған жұмыстардың физикалық көлемін Жер қойнауын ұтымды және кешенді пайдалану қағидаларында көзделген рұқсат етілген ауытқуларды ескере отырып, келісімшарт бойынша өндіру жүзеге асырылатын жобалау құжатының (уран өндірудің тәжірибелік-өнеркәсіптік жобасы, уран кен орнын игеру жобасы, уран кен орнын игеруді талдау) тиісті көрсеткіштерімен салыстыру арқылы жүзеге асырылады.
30. Жұмыстардың физикалық көлемі орындалмаған кезде жобалық көрсеткіштерді сақтамағаны үшін (пайдалану ұңғымаларын іске қосу, уран өндіру көлемі) әрбір орындалмаған көрсеткіш бойынша бөлек тұрақсыздық айыбы салынады.
Жер қойнауын пайдаланушы бірнеше кен орындарында уран өндіруді жүзеге асырған кезде жұмыстардың физикалық көлемінің орындалуына мониторинг әрбір кен орны бойынша жеке жүргізіледі.
6-тарау. Жер қойнауын пайдаланушылардың есептерін түзету
31. Жер қойнауын пайдаланушылар белгіленген мерзімде ұсынған есептерді түзетуге жер қойнауын пайдаланушының бастамасы бойынша осындай түзетудің қажеттілігін негіздейтін растайтын құжаттар болған кезде не мониторинг аяқталғаннан кейін жол беріледі.
32. Мониторинг нәтижелері бойынша хабарламада көрсетілген бұзушылықтармен келіспеген жағдайда жер қойнауын пайдаланушы келіспеу себептерін негіздей отырып және растайтын құжаттарды қоса бере отырып, құзыретті органға жазбаша қарсылықтар жібереді. Көрсетілген қарсылықтар хабарламаны алған күннен бастап 30 (отыз) күннен аспайтын мерзімде жіберіледі.
33. Жер қойнауын пайдаланушының қарсылықтары оларды қарау нәтижелері бойынша негізді деп танылған кезде, егер тиісті көрсеткіштер есептілікте көрсетілмеген жағдайда, жер қойнауын пайдаланушы есепті түзету қажеттігі туралы 10 (он) жұмыс күні ішінде хабардар етіледі.
34. Мониторинг нәтижелері бойынша жер қойнауын пайдаланушының келісімшарттық міндеттемелердің орындалуы туралы анық емес мәліметтерді ұсынуы анықталған кезде құзыретті орган жер қойнауын пайдаланушыға бұрын ұсынылған есептілікті 10 (он) жұмыс күні ішінде түзету қажеттігі туралы хабарлайды. Жер қойнауын пайдаланушы мұндай өзгерістерді енгізбеген кезде құзыретті орган келісімшарттық міндеттемелердің бұзущылық туралы хабарлама жібереді.
