"Автомобиль көлігі туралы" Қазақстан Республикасының Заңының 19-бабына сәйкес, Бейнеу ауданының әкімдігі ҚАУЛЫ ЕТЕДІ:
1. Бейнеу ауылында жолаушылар мен багажды автомобильмен тұрақты тасымалдауға сараланатын тариф келесідей мөлшерлерде белгіленсін:
интернет желісі және ұялы байланыс құрылғыларын қоса алғанда, электрондық төлеу жүйесі арқылы жол ақысын төлеу кезінде – 60 (алпыс) теңге, қолма-қол ақшамен төлеу кезінде – 120 (жүз жиырма) теңге.
2. Осы қаулының орындалуын бақылау Бейнеу ауданы әкімінің жетекшілік ететін орынбасарына жүктелсін.
3. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
"КЕЛІСІЛДІ"
Бейнеу аудандық мәслихаты
| Бейнеу ауданы әкімінің | |
| міндетін уақытша атқарушы | Р. Шалбаев |
