"Қазақстан Республикасының әкімшілік-аумақтық құрылысы туралы" Қазақстан Республикасының Заңының 11-бабының 3) тармақшасына сәйкес, Түркістан облысы Созақ ауданының өкілді және атқарушы органдарының пікірін ескере отырып, Түркістан облысының әкімдігі ҚАУЛЫ ЕТЕДІ және Түркістан облыстық мәслихаты ШЕШІМ ҚАБЫЛДАДЫ:
1. Түркістан облысы Созақ ауданы Құмкент ауылдық округінің Қызылқанат елді мекені, Созақ ауылдық округінің Шақырық елді мекені, Шолаққорған ауылдық округінің Теріскей және Жеткіншек елді мекендері таратылсын.
2. Осы бірлескен Түркістан облысының әкімдігінің қаулысының және Түркістан облыстық мәслихаты шешімінің орындалуын бақылау Түркістан облысы әкімінің жетекшілік ететін орынбасарына жүктелсін.
3. Осы бірлескен қаулы мен шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Түркістан облысының әкімі | Д. Сатыбалды |
| Түркістан облыстық мәслихатының төрағасы | Н. Абишов |
