------------------Бұйрықтан үзінді------------
"Инвестициялар туралы" 2003 жылғы 8 қаңтардағы Қазақстан Республикасы
Заңының
, "Инвестициялар туралы" Қазақстан Республикасының Заңын іске асырудың кейбір мәселелері туралы" Қазақстан Республикасы Үкіметінің 2003 жылғы 8 мамырдағы N 436
қаулысының
қабылдануымен байланысты, "Нормативтік құқықтық актілер туралы" Қазақстан Республикасының 1998 жылғы 24 наурыздағы
Заңының
27-бабының 1-тармағына сәйкес бұйырамын:
1. Инвестициялар мәселелері жөніндегі мынадай нормативтік құқықтық актілердің күші жойылды деп танылсын:
5) "Инвестициялық өтiнiмге сараптама ұйымдастыру мен оны жүргiзудiң тәртiбi туралы" ереженi бекiту туралы" Қазақстан Республикасының Инвестициялар жөнiндегi мемлекеттiк комитетiнiң 1997 жылғы 17 сәуiрдегi N 12 қаулысы (1997 жылғы 15 қазан N 392)....
Төраға
--------------------------------------------
"Тiкелей инвестицияларды мемлекеттiк қолдау туралы" Қазақстан Республикасы
Заңының
12-бабына сәйкес Қазақстан Республикасының Инвестициялар жөнiндегi мемлекеттiк комитетi қаулы етедi:
Қоса берiлiп отырған Инвестициялық өтiнiмге сараптама ұйымдастыру мен оны жүргiзудiң тәртiбi туралы ереже бекiтiлсiн.
Төраға
Қазақстан Республикасы
Инвестициялар жөнiндегi
мемлекеттiк комитетiнiң
1997 жылғы 8 сәуiрдегi
N 12 қаулысымен бекiтiлген
Инвестициялық өтiнiмге сараптама ұйымдастыру мен
оны жүргiзудiң тәртiбi туралы
ЕРЕЖЕ
1. Жалпы ереже
Осы Ереже "Тiкелей инвестицияларды мемлекеттiк қолдау туралы" Қазақстан Республикасының 1997 жылғы 28 ақпандағы Заңының 12-бабының негiзiнде әзiрлендi және инвестициялық өтiнiмге сараптама ұйымдастыру мен оны жүргiзудiң тәртiбiн (бұдан әрi - өтiнiм) айқындайды.
2. Өтiнiмге сараптаманың негiзгi мiндеттерi
Сараптаманың негiзгi мiндеттерi мыналар болып табылады:
- өтiнiмнiң тiкелей инвестицияларды мемлекеттiк қолдау туралы Қазақстан Республикасының Заңына сәйкестiгiн айқындау;
- инвестордың қаржылық, техникалық және ұйымдық мүмкiндiгiн тексеру;
- жобаның жеңiлдіктер мен преференцияларды берудiң негiзгi өлшемдерiне сәйкестiгiн айқындау;
- өтiнiмдi сұралатын жеңiлдiктер мен преференциялардың құрамы мен мөлшерiнде талдау.
3. Өтiнiмге сараптама ұйымдастыру мен
оны жүргiзудiң тәртiбi
3.1. Әкiмшiлiк, тексеру және бақылау дирекциясы тiркеу күнiнен бастап 30 күннен аспайтын мерзiмде өтiнiмнiң Қазақстан Республикасының қолданылып жүрген заңдарына сәйкестiгiне сараптама жүргiзедi және инвестордың қаржылық, техникалық және ұйымдық мүмкiндiгiн айқындайды.
3.2. Әкiмшiлiк, тiркеу және бақылау дирекциясы инвестордың таңдап алған инвестициялық қызметi түрiнiң экономиканың басым секторларының тiзбесiне және 2000 жылға дейiнгi кезеңге арналған тiкелей отандық және шетелдiк инвестицияларды тарту үшiн мейлiнше маңызды өндiрiстердiң тiзiмiне сәйкестiгiн айқындайды.
3.3. Инвестицияларды көлемiне қарай инвестор аталған әкiмшiлiк, тiркеу және бақылау дирекциясына, "Қазақстан Республикасы Инвестициялар жөнiндегi мемлекеттiк комитетiнiң инвестициялық өтiнiм мен келiсiм-шартқа сараптама ұйымдастыру және оны жүргiзуi бойынша шығындарын өтеудiң тәртiбi туралы" нұсқаулыққа сәйкес өтiнiмге және инвестициялық келiсiм-шартқа сараптама жүргiзгенi үшiн Комитеттiң арнаулы шотына кепiл сома төлейдi.
3.4. Әкiмшiлiк, тiркеу және бақылау дирекциясы қажет болғанда "Өтiнiмдерге сараптама жүргiзу және келiсiм-шарттарды әзiрлеу үшiн мемлекеттiк органдардың мамандарын, кеңесшiлердi, консультанттар мен сарапшыларды тартудың тәртiбi туралы" ережеге сәйкес Қазақстан Республикасының және өзге де мемлекеттердiң жеке адамдарының арасынан тиiстi мамандарды тартады.
3.5. Инвестордың қаржылық мүмкiндiгiн тексеру соңғы үш жылдағы баланстың тапсырылған аудиттелген қаржылық көрсеткiштерiн талдау жолымен не инвестордың қаржылық мүмкiндiгiн растайтын басқа да құжаттарымен жүргiзiледi.
3.6. Әкiмшiлiк, тiркеу және бақылау дирекциясы қажеттi келiсушi және рұқсат етушi құжаттардың, лицензиялардың, визалар мен басқа да құжаттардың тiзбесiн айқындайды, кейiн ол жарнама және үйлестiру дирекциясына берiледi.
3.7. Зерттеу, жоспарлау және ақпарат дирекциясы дәл сол мерзiмдерде нысананың ынталандыру шарасының негiзгi өлшемдерiне сәйкестiгiне талдау мен сұралатын жеңiлдiктер мен преференциялардың құрылымы мен мөлшерiне арналған өтiнiмге талдау жүргiзедi. Талдаудың нәтижесi Әкiмшiлiк, тiркеу және бақылау дирекциясына берiледi.
3.8. Әкiмшiлiк, тiркеу және бақылау дирекциясы өтiнiмнiң сараптамасы оң нәтижелi болған жағдайда қорытынды әзiрлейдi және өтiнiмдi барлық берiлген құжаттарымен Жобаларды бағалау және келiссөздер жүргiзу дирекциясына жiбередi.
3.9. Өтiнiмнiң сараптамасы терiс нәтижелi болған жағдайда Комитет бас тартудың себептерiн көрсете отырып инвесторға бұл туралы жазбаша түрде хабарлайды, сөйтiп инвестициялық келiсiм-шартты сараптауға көзделген кепiл соманың пайдаланылмаған бөлiгiн қайтарады.
