Кредиттiк серiктестiктердiң қызметiн реттейтiн нормативтiк базаны жетiлдiру мақсатында Қазақстан Республикасы Ұлттық Банкiнiң Басқармасы қаулы етеді:
1. Қазақстан Республикасы Ұлттық Банкi Басқармасының 1999 жылғы 16 тамыздағы N 256
қаулысымен
бекiтiлген Қазақстан Республикасының кредиттiк серiктестiктерiне арналған пруденциалдық нормативтер және сақталуға мiндеттi басқа нормалар мен лимиттер туралы ережеге өзгерiстер мен толықтырулар бекiтiлсiн және Қазақстан Республикасының Әдiлет министрлiгiнде мемлекеттiк тiркеуден өткiзiлген күннен бастап күшiне енгiзiлсiн.
2. Банктердi қадағалау департаментi (Жұмағұлов Б.Қ.):
1) Заң департаментiмен (Шәрiпов С.Б.) бiрлесiп осы қаулыны және кредиттiк серiктестiктерге арналған пруденциалдық нормативтер және сақталуға мiндеттi басқа нормалар мен лимиттер туралы ережеге өзгерiстер мен толықтыруларды Қазақстан Республикасының Әдiлет министрлiгiнде мемлекеттiк тiркеуден өткiзу шараларын қабылдасын.
2) Қазақстан Республикасының Әдiлет министрлiгінде мемлекеттiк тiркеуден өткiзiлген күннен бастап екi апта мерзiмде осы қаулыны және кредиттiк серiктестiктерге арналған пруденциалдық нормативтер және сақталуға мiндеттi басқа нормалар мен лимиттер туралы ережеге өзгерiстер мен толықтыруларды Қазақстан Республикасы Ұлттық Банкiнiң облыстық филиалдарына және кредиттiк серiктестiктерге жiберсiн.
3. Осы қаулының орындалуына бақылау жасау Қазақстан Республикасының Ұлттық Банкі Төрағасының орынбасары М.Т. Құдышевке жүктелсін.
Ұлттық Банк
Төрағасы
Қазақстан Республикасының
Ұлттық Банкі Басқармасының
1999 жылғы 25 желтоқсандағы
N 435 қаулысымен
Бекітілген
Қазақстан Республикасының Ұлттық Банкi Басқармасының
1999 жылғы 16 тамыздағы N 256 қаулысымен бекiтiлген
Кредиттi серiктестiкке арналған пруденциалдық нормативтер және сақталуға мiндеттi басқа да нормалар мен лимиттер
туралы ережеге өзгерiстер мен толықтырулар
1. 4-тармақ "ай сайын" сөздерден кейiн "есеп берiлiп отырған айдан кейiнгi айдың бесiнен кешiктiрмей" деген сөздермен толықтырылсын.
2. 8-тармақтың:
- 1) тармақшасындағы "плюс 3205 есепшоты "деген сөздерден кейiн "(минус 3002, 3003, 3026, 3027);" деген сөздермен толықтырылсын;
- 3) тармақшасындағы "3599" саны алынып тасталсын;
- 4) тармақшасы "(3599 есепшоты);" деген сөздермен толықтырылсын;
- 5) тармақшасы мынадай редакцияда жазылсын:
"5) Қайта бағалау бойынша резервтер (3540, 3561, 3581, 3585
есепшоттары);",
- 7) тармақшасындағы "3599" саны "3580" санымен ауыстырылсын;
- 8) тармақша "(3599 есепшоты);" деген сөздермен толықтырылсын;
- 9) тармақша алынып тасталсын.
3. 9-тармақтың соңғы азатжолы мынадай редакцияда жазылсын:
"Кредиттiк серiктестiктiң таза активтерi (ТА) есептелген сыйақыларды (мүдделердi) (1705 және 1715 есепшоттарын алып тастағанда 1700 тобының есепшоттары) және төлемдер бойынша есеп айырысу сомаларын шегерiп тастағандағы баланстық есепке сәйкес кредиттiк серiктестiктiң барлық активтерiнiң сомасы ретiнде есептеледi".
4. 14-тармақтың үшінші, төртінші азат жолдары мынадай редакцияда жазылсын:
"мұндағы: ӨА - өтімділік активтері: (1001, 1002, 1003, 1050, 1051, 1151, 1152, 1153, 1154, 1155 есепшоттары);
М - талап ету міндеттемелері (2203, 2211 есепшоттары), сондай-ақ 2229, 2552, 2870 есепшоттары, талап ету сомасына қатысты 2850 есепшоттары тобы."
Ұлттық Банктің
Төрағасы
