Көне Отырар қалашығы археологиясы мен сәулетiнiң ескерткiштерiн сақтау және тиiмдi пайдалану және оларды зерделеу әрi көпшiлiкке танымал етудiң пәрмендi жүйесiн құруды қамтамасыз ету мақсатында Қазақстан Pecпубликасының Үкiметi қаулы етеді:
1. Қоса берілiп отырған "Көне Отырарды қалпына келтiру" 2005-2009 жылдарға арналған бағдарламасы (бұдан әрi - Бағдарлама) бекiтiлсiн.
2. Қазақстан Республикасының Мәдениет және ақпарат министрлігі, Қазақстан Республикасының Бiлiм және ғылым министрлiгi, Оңтүстiк Қазақстан облысының әкiмдiгі Бағдарламаны iске асыру жөнiнде шаралар қабылдасын.
Ескерту. 2-тармаққа өзгерту енгізілді - ҚР Үкіметінің 2006.05.17. N 418 қаулысымен.
3. Қазақстан Республикасының Бiлiм және ғылым министрлігі, Оңтүстiк Қазақстан облысының әкiмдiгi жарты жылдықтың және жылдың қорытындылары бойынша 10 шілдеге және 10 қаңтарға Бағдарламаның орындалу барысы туралы Қазақстан Республикасының Мәдениет және ақпарат министрлiгiне ақпарат ұсынсын.
Ескерту. 2-тармаққа өзгерту енгізілді - ҚР Үкіметінің 2006.05.17. N 418 қаулысымен.
4. Қазақстан Республикасының Мәдениет және ақпарат министрлiгi жыл сайын Бағдарламаның орындалу барысы туралы жиынтық ақпаратты 20 шiлдеде және 20 қаңтарда Қазақстан Республикасының Үкiметiне ұсынуды қамтамасыз етсiн.
Ескерту. 4-тармаққа өзгерту енгізілді - ҚР Үкіметінің 2006.05.17. N 418 қаулысымен.
5. <*>
Ескерту. 5-тармақ алынып тасталды - ҚР Үкіметінің 2006.05.17. N 418 қаулысымен.
6. Осы қаулы қол қойылған күнінен бастап күшiне енедi.
Қазақстан Республикасының
Премьер-Министрі
Қазақстан Республикасы
Үкіметінің
2004 жылғы 30 қыркүйектегі
N 1009 қаулысымен
бекітілген
"Көне Отырарды қалпына келтiру"
2005-2009 жылдарға арналған
бағдарламасы
Астана, 2004 жыл
Бағдарламаның паспорты
Атауы
"Көне Отырарды қалпына келтiру" 2005-2009 жылдарға арналған бағдарламасы
Әзiрлеу үшін негiз
2004 жылғы 6 мамырдағы Қазақстан Республикасының Премьер-Министрiндегi "Көне Отырар қалашығындағы қалпына келтiру жұмыстарының барысы туралы" кеңестің N 11-7/007-102 хаттамасы
Негізгi әзiрлеушілер
Қазақстан Республикасының Мәдениет және ақпарат министрлiгi, Қазақстан Республикасының Бiлiм және ғылым министрлiгi, Оңтүстік Қазақстан облысының әкiмдігі
Мақсаты
Көне Отырар қалашығы мен Отырар шұраты қалашықтарын қалпына келтiру үшiн тарих пен мәдениет ескерткіштерiн сақтау әрi тиiмдi пайдалануды қамтамасыз ету
Мiндеттерi
Бағдарламаның міндеттерi мыналар:
Отырар мен Отырар шұраты қалашықтарының ескерткіштерiн ғылыми зерттеу;
тарих пен мәдениет ескерткiштерiнің археологиялық қазбалары, қазылған объектілердi консервациялау;
қалашық сәулет ескерткiштерiн қайта жаңғырту;
Отырар археологиялық мұражай-қорығының аумағын көркейту әрi көгалдандыру;
Отырар шұраты аймағында автожолдар салу;
Мұражай ғимаратын қайта жаңарту және оның жаңа экспозициясын безендiру;
Отырар мұражай-қорығында кiтапхана салу;
ғылыми еңбектер мен ғылыми-көпшілік әдебиет басып шығару;
Отырар қалашығы мен Отырар шұраты ауданында туризм инфрақұрылымын дамыту, мейманханалар, маусымдық киiз үйлер мен басқа да әлеуметтiк-мәдени мақсаттағы құрылыстар салу.
Iске асыру мерзімдерi
2005-2009 жылдар
бiрiншi кезең - 2005-2007 жылдар
екiншi кезең - 2008-2009 жылдар
Қажеттi ресурстар мен қаржыландыру көздерi
Бағдарламаны қаржыландыру республикалық және жергiлiктi бюджеттердiң қаражаты есебiнен жүзеге асырылады. Қаржыландырудың жалпы көлемi - 293,8 млн. теңге, оның iшiнде республикалық бюджеттен:
2005 жылы - 53,824 млн. теңге;
2006 жылы - 31,3 млн. теңге;
2007 жылы - 13,5 млн. теңге;
жергілікті бюджеттен:
2005 жылы - 0,6 млн.теңге;
2007 жылы - 194,6 млн.теңге.
Бағдарламаны қаржыландырудың 2006-2007 жылдарға арналған көлемi республикалық және жергілікті бюджеттердiң тиiстi қаржы жылына арналған болжамды көрсеткіштерi шеңберiнде нақтыланатын болады.
Қаржыландыру көлемiн нақтылау және 2006-2007 жылдарға арналған қажеттi қаражатты бөлу мақсатында 2007 жылы объектiлердi қайта жаңарту мен салу жөнiндегi іс-шараларға техникалық-экономикалық негіздемелер (ТЭН) әзiрленедi.
2008 жылы техникалық-экономикалық негiздемелер (TЭH) әзiрленгеннен кейiн "Көне Отырардың тарихи-мәдени, сәулет және археологиялық ескерткiштерiн қалпына келтiру" бағдарламасы іс-шаралар жоспарының II бөлiмiнде көзделген объектілер салудың бiрiншi кезеңi басталады.
Күтілетiн нәтижелер
Бағдарламаны iске асыру көне Отырар қалашығы мен Отырар шұратының ескерткіштерiн қалпына келтiруге, орта ғасырдағы қаланың материалдық әрі рухани мәдениетi туралы жаңа ғылыми деректер алуға, туризм инфрақұрылымын дамытуға жәрдемдеседi.
Бағдарламаны іcкe асыру аяқталғаннан кейiн мынадай нәтижелер күтіледi:
Отырар, Құйрықтөбе, Алтынтөбе, Мардан-Құйық, Көк-Мардан, Бесік қалашықтарында, Талтақай моласында ауқымды археологиялық зерттеулер (қазбалар) жүргiзу және ескi және жаңа қазбалар объектілерiн консервациялау;
Мұражай-қорық аумағын көркейту әрi көгалдандыру, жүргінші жолдары мен коммуникациялар салу;
туризм инфрақұрылымы объектiлерiн: киіз үйлер, ғұрыптық асүйлер салу;
зиярат ету орталығын салу;
этнографиялық сауық-танымдық орталық пен Әл Фараби мұражайын салу;
Отырар шұраты аймағында автожол салу;
Оңтүстік Қазақстанның көне әрi opтa ғасырлық тарихы туралы; Ұлы Жiбек жолындағы қалалардың даму серпіні, Еуразия мәдениетi мен өркениетi диалогы туралы; Қазақстан қалаларының полеоэкономикасы туралы; этногенез туралы жаңа ғылыми ақпарат алу;
Отырар мұражай-қорығының ескерткіштерiн басқару және сақтау жөнiнде менеджмент-жоспар әзiрлеу;
жаңа құжаттама алу: қалашықтың және бүкіл шұратының картасы, ескерткiштер мен оларды қорғау аймақтарының шекараларын айқындау; шұраттың қорғалатын аймағын айқындау;
оларды Ұлы Жiбек жолындағы маңызды туризм орталығына айналдыру мақсатында Отырар мен шұратты мұражайға айналдыру үшiн ұсынымдар дайындау;
9 ғылыми монография, альбом кiтаптар, буклеттер басып шығару.
Ескерту. Бағдарлама паспортына өзгерту енгізілді - ҚР Үкіметінің 2006.05.17. N 418 қаулысымен.
Кiрiспе
"Көне Отырарды қалпына келтiру" бағдарламасы (бұдан әрi - Бағдарлама) 2004 жылғы 6 мамырдағы Қазақстан Республикасының Премьер-Министрiнде өткен "Көне Отырар қалашығындағы қалпына келтiру жұмыстарының барысы туралы" кеңестiң N 11-7/007-102 хаттамасының шешiмiне сәйкес әзiрлендi.
Осы Бағдарламаны әзірлеу Отырар қалашығының тарихи және мәдени ескерткіштерін зерделеуге, археологиялық зерттеуге, консервациялауға және жаңғыртуға байланысты проблемаларды шешумен қалыптасқан жағдайға белсендi түрде сындарлы ықпал жасау қажеттiлiгiнен туындады.
1. Проблеманың қазiргi жай-күйін талдау
Отырар қалашығының тарихи және мәдени ескерткiштерiн зерделеуге, археологиялық зерттеуге, консервациялауға және жаңғыртуға байланысты проблеманың қазiргі жай-күйі оны сақтау әрi қалпына келтiру жөнiндегi шама жетерлік шаралар кешенiн қамтамасыз етумен сипатталады.
Көне Отырар қалашығы Қазақстан Республикасының Оңтүстік Қазақстан облысы қазiргi Отырар ауданының аумағындағы Отырар шұратының құрамына енедi.
Қалашықтың сақталуы қанағаттандырарлық күйде. Оңтүстік бөлігін қоспағанда, оның аумағында егiстiк жоқ.
Отырар - оқшаулау даусыз деп саналатын Қазақстанның орта ғасырлардағы аз ғана қалаларының бiрi.
Отырар алғаш рет Орта Азия облыстарын арабтардың жаулап алуына байланысты IX ғасырда аталып өтедi. 1218 жылы мұнда Шығыс тарихында "Отырар ойраны" деген атпен белгiлi оқиға орын алды.
1947 жылы Оңтүстiк Қазақстан археологиялық экспедициясы (ОҚАЭ) ұйымдастырылған кезде Отырар шұратын қарқынды археологиялық зерттеулер басталды. Экспедиция шұраттың Пышақшы төбе, Алтынтөбе, Құйрықтөбе және Көк Мардан қалашықтарында зерттеулер жүргізіп, археологиялық қазбалар қазды.
Отырар мен шұрат ескерткіштерi туралы 50-жылдардың аяғына қарай жинақталған бүкiл археологиялық ақпарат "Қазақстанның археологиялық картасында" жарияланды.
1969-1970 жылдары ҚазКСР Ғылым академиясы Ш.Ш.Уәлиханов атындағы Тарих, археология және этнография институтының Отырар археологиялық экспедициясы көне Отырарды ауқымды түрде қазуды қайтадан бастады.
1971 жылдан бастап Отырар қалашығында 1993-1996 жылдары ғана үзiлген Оңтүстік Қазақстан кешендi экспедициясының зерттеулері басталды, ол күні бүгiнге дейiн жұмыс iстеуде.
Осы жылдары Отырарда XVI-XVIII ғасырлар деңгейi бойынша алаңы 7 га қалашық аумағы ашылды, сондай-ақ қаланың жекелеген аудандарында тимуридтер, қараханидтер дәуiрінiң объектілерi зерттелдi.
Қалашықты зерттеудің неғұрлым қызықты объектiлерi арасында мыналар: XI-XV ғасырлардағы моншалар, XIII-XV ғасырлардағы қыш құюшылар орамы, XIII-XV ғасырлардағы кiрпiш күйдiру шеберханасы, XIV ғасырдың аяғы-XVIII ғасырдың басындағы күмбездi мешіттер, қараханидтер, тимуридтер дәуiрінің және қазақ хандығының бекiнiстерi.
Құйрықтөбе қалашығында ҮII-ІХ ғасырларға жататын сарай кешенi, VII-VIII ғасырлардағы бай атақоныс, IX-XI және XI-XII ғасырлардағы тұрғын үй орамдары, XIII-XIY ғасырлардағы темiр жасау шеберханалары қазып ашылды.
Мардан Құйықта VII-VIII ғасырлардағы үй құрылысы, IV-VI ғасырлардағы храм, IV-VI ғасырлардағы қорым зерттелдi.
Көк Мардан қалашығында IV-VI ғасырлардағы қорғандағы храм кешенi, IV-VIII ғасырлар деңгейiндегі құрылыстар, IV-VI ғасырлардағы некрополь қазып аршылды.
Жоғарыда аталған қалашықтар маңында сақталған Отырар шұратының ирригациясы зерттелдi. Қазу кезiнде қыш пен металл бұйымдарының, монеталардың мол коллекциялары жиналды, оларды зерттеуге монографиялар, альбомдар, мақалалар арналды.
Компьютерлік технологиялар пайдаланылған жаңа деңгейде шұрат ескерткiштерiн құжаттау жүргізiлуде, топырақтанушылармен, геоморфологтармен, палеогеографтармен ынтымақтастықта аэро және ғарыш түсiрілімдерi пайдаланылып, оның ирригациясы зерттелуде.
Қолда бар барлық материалдарды жариялау мен өңдеу, деректер банкiн жасау зерттеулердің маңызды бағыты болып табылады.
1979 жылы Қазақ КСР Министрлер Советiнің өкiмiне сәйкес Отырар мемлекеттік археологиялық мұражай-қорығы құрылды, ол ғылыми-зерттеу және мәдени-ағарту мекеме - Отырар шұраты археология ескерткiштерінің негiзгi қоймасы болып табылады. Мұражай қорында 20 мыңнан астам экспонат сақталуда. Отырар ауданы археологиялық ескерткiштерінің көпшiлiгiн күзету жолға қойылған.
2001 жылғы 27 тамызда Қазақстан Республикасының Үкiметi мен Бiрiккен Ұлттар Ұйымының Бiлiм беру, ғылым және мәдениет мәселелерi бойынша ұйымы (ЮНЕСКО) арасында көне Отырар қалашығын сақтау әрi консервациялау жобасы бойынша келiсiмге қол қойылды.
Төрт жылға (2001-2004 жылдар) есептелген жоғарыда көрсетiлген жоба ескерткіштi сақтау әрi консервациялаудың бiрегей әдiстерiн әзiрлеуге бағытталған.
Жоба шеңберiнде Отырартөбе қалашығында қазылған бiрқатар объектілердi консервациялаудың, сондай-ақ Құйрықтөбе қалашығындағы шұғыл консервациялық жұмыстардың ұзақ мерзiмдi бағдарламасы орындалды.
2002 жылғы сәуiрде Отырар мұражай-қорығында Эксприментальдық корпус салынды, онда әртүрлi ғылыми эксперименттер жүргiзу үшiн компьютерлер, қазiргi заманғы жабдықтар мен зертхана орнатылды.
Жобаны iске асыру барысында консервациялаудың жаңа әдiстерi, сондай-ақ археологиялық жұмыстарды кейiн консервациялаумен қоса атқаруды ұйғаратын инновациялық тәсіл әзiрлендi әрi сынақтан өткiзiлдi. Отырар қалашығына арналып әзiрленген консервациялау әдiстерi өңiрдегі басқа ұқсас ескерткіштерге де қолданылуы мүмкiн. Жоба ғылыми түрде тексерілген консервациялаудың үлгiсi, сондай-ақ болашақ жұмыстар үшін эталон бола алады.
ЮНЕСКО-Қазақстан-Жапония жобасы аяқталғаннан кейiн қайта жаңғырту және консервациялау жөнiндегi жұмыстар, әлбетте жалғастыруды талап етедi.
Сонымен бiрге, көне Отырар қалашығын сақтау әрi қалпына келтiру саласында қалыптасқан жағдай осы бағыттағы қызметтi одан әрi дамыту мен жандандыру жөнiндегi кiдiрiссiз шаралар кешенiн талап етеді.
Көне қалашықты зерделеудiң аса маңызды проблемаларының бiрi - шұрат қалашығының қазылған объектілерiн, бәрiнен бұрын, лай кiрпiштен салынған құрылыстарды сақтаумен байланысты мәселе болып табылады.
Отырар шұратының лай кiрпiштi ескерткiштерiн сақтау бiрқатар техникалық проблемаларды шешуге бағытталған. Өңiрдегi күрт континентальдық климат күрделі факторлардың бiрi болып табылады: температура жаздағы +40-тан қыста -20-ға дейiн төмендейдi. Климат, сондай-ақ жауынның мол болуымен сипатталады. Мұның өзі шұрат аумағындағы ескерткіштердің тез бұзылуы қаупiн туғызады, қазiргі уақытта тап солай болуда. Осы факторлардың салдарынан басқа өңiрлерде сынақтан өткiзiлген консервациялаудың стандартты әдiстерi Отырар қалашығына қолданылмайды. Басқа проблема Отырар шұраты көлемiнiң және ескерткіштерді қазу ауқымының зор болуымен байланысты.
Объектiлердi консервациялау белгiлi бiр қиындықтар туғызуда. 40 жылдан астам уақыт бұрын қазылған лай кiрпішті ескерткіштер iшiнара бұзылуда, ал таяуда ашылған объектілер жай-күйі жылдам нашарлауда. Осал сәулет құрылыстарына келушi адамдар санының көбеюi де қауiп туғызуда.
1980 жылы салынған мұражай-қорық ғимараты күрделi жөндеуге мұқтаж, мұражайдың экспозициялары да қайта безендiрудi талап етеді. Мұражай-қорықтың қорғау аймағы күні бүгінге дейiн қоршалмаған. Сапалы жолдар мен қонақ үй сервисінің жоқтығынан туризм инфрақұрылымы дамымаған. Мұражай-қорықтың материалдық-техникалық базасының нашарлығы толыққанды ғылыми-зерттеу, мәдени-ағарту және шаруашылық қызметiн жүргiзуге мүмкiндiк бермейдi.
Осы Бағдарлама шеңберiнде жоғарыда айтылған проблемаларды кешендi түрде шешу көне Отырар қалашығын зерттеу, сақтау әрі көпшілікке танымал ету жүйесiн одан әрi дамытуға жәрдемдеседi.
Оны халықаралық және ішкi туризм орталығына айналдырып, археологиялық кешен құру жөнiндегі осындай жобалар бiрқатар шет елдерде бар.
Өзбекстанда, Самарқант аумағындағы Афрасиаб қалашығында оларды кейiннен консервациялай отырып, археологиялық қазбалар 100 жылдан астам уақыт бойы жүргiзiлуде. Нәтижесiнде Афрасиаб Самарқанттың ең адам көп келетiн орындарының біріне айналды.
Пакістанда, Мохенджо-Даро қалашығында археологиялық және консервациялау жұмыстары 100 жылдан астам уақыт бойы жүргiзiлуде. Қазiргі уақытта қаланың жанында археологиялық база - тұрақты ғылыми және консервациялау жұмыстары орталығы салынған. Туризм инфрақұрылымы жолға қойылған - қонақ үйлер, мұражай салынған, соның нәтижесiнде қала Пакiстандағы халықаралық туризм орталықтарының біріне айналды.
2. Бағдарламаның мақсаты мен міндеттерi
Бағдарламаның мақсаты - көне Отырар қалашығы мен Отырар шұраты қалашықтарын қалпына келтiру үшін тарих пен мәдениет ескерткiштерінің сақталуын әрi оларды тиiмдi пайдалануды қамтамасыз ету болып табылады.
Қойылған мақсатқа жету мынадай міндеттерді шешу арқылы жүзеге асырылады:
Отырар қалашығы мен Отырар шұраты қалашықтарының ескерткіштерін ғылыми зерттеу;
тарих пен мәдениет ескерткiштерінің археологиялық қазбалары, қазылған объектілердi консервациялау және мұражайға айналдыру;
қалашық сәулет ескерткіштерін қайта жаңғырту;
ғылыми еңбектер мен ғылыми-көпшілiкке танымал әдебиетті басып шығару;
Отырар қалашығы мен Отырар шұратында туризм инфрақұрылымын дамыту.
3. Бағдарламаны iске асырудың негiзгі
бағыттары мен тетiгi
Бағдарлама 2005-2009 жылдар кезеңiнде iске асырылады: бiрiншi кезең - 2005-2007 жылдар, екiншi кезең - 2008-2009 жылдар.
Бағдарламада көне Отырар қалашығын сақтау әрi қалпына келтiрудiң мынадай бағыттары көзделедi:
көне Отырар қалашығын зерделеудiң тұтас жүйесiн қалыптастыру, оны археологиялық зерттеудi жүзеге асыру, оларды туризм инфрақұрылымы жүйесiне енгiзу;
Отырар қалашығы мен Отырар шұратындағы ескерткіштердi қайта жаңғырту, консервациялау әрi пайдалану;
тарих ғылымының ғылыми бiлiмiн көпшiлiкке таныту, теориялық проблемаларын әзiрлеу, ғылыми және энциклопедиялық әдебиет басып шығару.
Қойылған мақсаттар мен мiндеттерге қол жеткiзу тетіктерi мынадай жолдармен жүзеге асырылады:
Отырар мемлекеттiк археологиялық мұражай-қорығының ескерткіштерiн басқару әрi сақтау жөніндегi менеджмент-жоспарды әзірлеу;
Отырар қалашығы мен Отырар шұратында кең ауқымды археологиялық қазбаларды қолмен және техниканы қолданып жүргізу;
археологиялық қазбалардан кейiн археологиялық объектілерді консервациялау;
Отыраp қалашығы мен Отырар шұратының аумағындағы тарихи және мәдениет ескерткiштердi көркейту әрi көгалдандыру;
қонақ үй кешенiн, зиярат ету орталығын, кiтапхана, мұражай, этнографиялық ойын-сауық - танымдық орталық, Отырар қалашығы мен мұражай-қорық аралығында толық жайластырылған жүргінші-көлiк байланысы жолдарын салу;
Отырар қалашығы ауданында қыш көзе шеберханаларын қалпына келтiру және Отырар қалашығы мен Отырар шұраты қалашықтарындағы қазбалар үстiнде жабынды құрастырмалар құрылысын салу;
Отырар қалашығы мен Отырар шұраты қалашықтарының тарихи-мәдени ескерткiштерiн насихаттау жөнiндегi монографиялар, альбом-кiтаптар, буклеттер, ғылыми әдебиет басып шығару.
4. Қажеттi ресурстар мен бағдарламаны
қаржыландыру көздерi
Бағдарламаны қаржыландыру республикалық және жергiлікті бюджеттердің қаражаты есебiнен жүзеге асырылады. Қаржыландырудың жалпы көлемi - 293,8 млн. теңге, оның iшiнде республикалық бюджеттен: 2005 жылы - 53,824 млн. теңге; 2006 жылы - 31,3 млн. теңге; 2007 жылы - 13,5 млн. теңге; жергiлiктi бюджеттен: 2005 жылы - 0,6 млн.теңге; 2007 жылы - 194,6 млн.теңге. Бағдарламаны қаржыландырудың 2006-2007 жылдарға арналған көлемі тиiстi қаржы жылына арналған республикалық және жергiлiктi бюджеттердiң болжамды көрсеткіштерi шеңберiнде нақтыланатын болады.
Қаржыландыру көлемiн нақтылау және 2006-2007 жылдарға арналған қажеттi қаражатты бөлу мақсатында 2007 жылы объектілердi қайта жаңарту мен салу жөнiндегi iс-шараларға техникалық-экономикалық негiздемелер (ТЭН) әзiрленедi.
2008 жылы техникалық-экономикалық негіздемелер (TЭH) әзiрленгеннен кейiн "Көне Отырардың тарихи-мәдени, сәулет және археологиялық ескерткіштерін қалпына келтiру" Бағдарламасы iс-шаралар жоспарының II бөлiмiнде көзделген объектілердi салудың бiрiншi кезеңі басталады.
Ескерту. 4-бөлімге өзгерту енгізілді - ҚР Үкіметінің 2006.05.17. N 418 қаулысымен.
5. Бағдарламаны iске асырудан күтiлетін нәтижелер
Бағдарламаны iске асыру көне Отырар қалашығы мен Отырар шұратының ескерткiштерiн қалпына келтiруге, орта ғасырдағы қаланың материалдық әрi рухани мәдениетi туралы жаңа ғылыми деректер алуға, туризм инфрақұрылымын дамытуға жәрдемдеседi.
Бағдарламаны iске асыру аяқталғаннан кейiн мынадай нәтижелер күтіледi:
Отырар, Құйрықтөбе, Алтынтөбе, Мардан-Құйық, Көк Мардан, Весидж қалашықтарында, Талтақай моласында ауқымды археологиялық зерттеулер (қазбалар) жүргiзу әрi ескi және жаңа қазбалар объектілерiн консервациялау;
мұражай-қорық аумағын көркейту әрi көгалдандыру: жүргінші жолдары мен коммуникациялар салу;
туризм инфрақұрылымы объектiлерін: қонақ үйлер, киiз үйлер, ғұрыптық асүйлер салу;
зиярат ету орталығын салу;
этнографиялық ойын-сауық-танымдық орталық пен Әл Фараби мұражайын салу;
Отырар шұраты аймағында автожол салу;
Қазақстанның көне әрi орта ғасырлық тарихы туралы; Ұлы Жiбек жолындағы қалалардың даму серпіні, Еуразия мәдениеттерi мен өркениеттерінің диалогы туралы; Қазақстан қалаларының полеоэкономикасы туралы; этногенезi туралы жаңа ғылыми ақпарат алу;
Отырар мұражай-қорығының ескерткіштерiн басқару және сақтау жөнiнде менеджмент-жоспар әзiрлеу;
жаңа құжаттама алу: қалашықтың және бүкiл шұраттың картасы, ескерткiштер мен оларды қорғау аймақтарының шекараларын айқындау; шұраттың қорғалатын аумағын айқындау;
оны Ұлы Жiбек жолындағы маңызды туризм орталығына айналдыру мақсатында Отырар мен шұратты мұражайға айналдыру үшiн ұсынымдар дайындау;
9 ғылыми монография, альбом-кiтаптар, буклеттер басып шығару.
6. "Көне Отырарды қалпына келтiру" 2005-2009 жылдарға арналған бағдарламасының iс-шаралар жоспары
Ескерту. 6-бөлімге өзгерту енгізілді - ҚР Үкіметінің 2006.05.17. N 418 қаулысымен.
____________________________________________________________________
N | Iс-шаралар | Аяқтау |Орындалуы |Орындау|Болжам.| Қаржы.
| | нысаны | (iске | (iске |ды шы. |ландыру
| | |асырылуы) | асыру)|ғыстар,| көзі
| | | үшін |мерзiмi| млн. |
| | |жауаптылар| |теңге |
___|___________________|_________|__________|_______|_______|_______
1 | 2 | 3 | 4 | 5 | 6 | 7
____________________________________________________________________
I. Археологиялық ескерткiштердi ғылыми зерттеу
____________________________________________________________________
1 Отырар мемлекеттік Қазақстан МАМ 2005 8,0 Республи.
археологиялық Республика. жыл калық
мұражай-қорығының сының бюджет
ескерткiштерiн Үкiметiне
басқару және сақтау ақпарат
жөнiнде менеджмент-
жоспар әзiрлеу
2 Отырар қалашығында МАМ БҒМ 2005 1,0 Республи.
оны ішінара ақпарат жыл калық
консервациялап, бюджет
10 м учаскесiнде
батыс және оңтүстiк
бұрылмалардағы
қабырғаны тазалау.
Ғылыми құжаттаманы
дайындау
3 Отырар қалашығында МАМ БҒМ 2005 1,0 Республи.
оны iшiнара ақпарат жыл калық
консервациялап, бюджет
оңтүстiк қақпасына
iргелес бекiнiстік
қабырғаны қазу әрi
тазалaу
4 Объектiлердi iшiн- МАМ МАМ, 2005 1,0 Республи.
ара консервациялап, ақпарат БҒМ жыл 0,5 калық
Әл Фарабидiң Отаны 2006 бюджет
- Весидж қалашығын жыл
қазу
5 Оны iшiнара консер. МАМ МАМ, 2006 2,0 Республи.
вациялау әрi ақпарат БҒМ жыл калық
көркейту мақсатында бюджет
Отырар қалашығының
орталығында XI-XII
ғасырлар деңгейiн.
дегi қазбаларды
тазалау. Ғылыми
құжаттаманы
дайындау
6 Отырар қалашығында МАМ БҒМ 2007 2,0 Республи.
оны iшiнара консер. ақпарат жыл калық
вациялап, 10 м бюджет
учаскесiнде
"Дарбаза және сопы"
қақпасының қабырға.
сын қазу әрi
тазалау. Ғылыми
құжаттаманы
дайындау
7 "Дарбаза және сопы" МАМ БҒМ 2007 2,0 Республи.
қақпасында XI-XII ақпарат жыл калық
ғасырлардағы Отырар бюджет
моншасын қазу әрi
тазалау. Қайта
жаңарту элемент-
терiмен моншаны
iшiнара консерва.
циялау. Ғылыми
құжаттаманы
дайындау
8 Отырар, Алтынтөбе МАМ МАМ, 2005 2,0 Республи.
және Құйрықтөбе ақпарат БҒМ жыл калық
қалашықтарынан 2006 2,0 бюджет
қалдықтарды шығару жыл
2007 2,0
жыл
9 Көк Мардан қалашы. МАМ БҒМ 2005 1,0 Республи.
ғындағы қазбалар, ақпарат жыл калық
iшiнара консерва. бюджет
циялау үшiн объек.
тiлердi дайындау
және ғылыми
құжаттаманы
дайындау
10 Талтақай некрополiн МАМ БҒМ 2005 2,0 Республи.
және Жуантөбе ақпарат жыл калық
қалашығын қазу. бюджет
Ғылыми құжаттаманы
дайындау
11 Оны iшiнара МАМ БҒМ 2005 1,0 Республи.
консервациялау ақпарат жыл калық
мақсатында Мардан- бюджет
Құйық некрополiн
қазу. Ғылыми құжат.
таманы дайындау
12 Алтынтөбе қалашығын МАМ МАМ, 2006 3,0 Республи.
қазу әрі көне ақпарат БҒМ жыл калық
қазбаларды тазалау, бюджет
оларды iшiнара
консервациялау.
Ғылыми құжаттаманы
дайындау
13 Құйрықтөбе қалашы. МАМ МАМ, 2006 2,5 Республи.
ғындағы сарайдың ақпарат БҒМ жыл калық
үлкен залын тазалау бюджет
әрі оны iшiнара
консервациялау,
Құйрықтөбе және
Жуантөбе қалашықта.
рындағы көне
қазбаларды қазу
әрі тазалау
14 Мардан-Құйық қала. МАМ БҒМ 2007 3,0 Республи.
шығындағы көне ақпарат жыл калық
қазбаларды тазалау бюджет
әрі қала орамы
(жылжымалы монша,
10 м учаскедегi
қабырға) объектiле.
рiн iшiнара
консервациялау.
Ғылыми құжаттаманы
дайындау
____________________________________________________________________
Жиыны: 36,0 2005 17,0
жыл
2006 10,0
жыл
2007 9,0
жыл
____________________________________________________________________
ІI. Көне Отырардың тарихи-мәдени, сәулет жәнe археологиялық
ескерткiштерін қалпына келтіру
____________________________________________________________________
15 Отырар археология. Қазақстан МАМ 2005 29,924 Республи.
лық мұражай-қорығын Республика. жыл 20,3 калық
ұстау және оның сының 2006 бюджет
экспозициясын Үкiметiне жыл
безендіру ақпарат
16 Арыстан-баб кесе. МАМ Оңтүстiк 2005 0,6 Жергілікті
несi жанында ақпарат Қазақстан жыл бюджет
маусымдық киiз үй облысының
орнатуды ұйымдас. әкімдігі
тыру 2007 0,6
жыл
17 Арыстан-баб кесене. МАМ Оңтүстiк Жергілікті
сi жанындағы ақпарат Қазақстан бюджет
аумақты көркейту облысының 2007 60,0
әрi көгалдандыру: әкімдігі жыл
жүргiншi жолдар 2008 *
салу, кесене аума. жыл
ғын жарықтандыру,
қоршау
18 Арыстан-баб кесене. МАМ Оңтүстiк Жергілікті
сi жанында ақпарат Қазақстан бюджет
кiтапхана салу облысының 2007 50,0
әкімдігі жыл
2008 *
жыл
19 Арыстан-бaб МАМ Оңтүстiк Республи.
кесенесi жанында ақпарат Қазақстан калық
220 орындық қонақ облысының 2007 * бюджет
үй кешенiн салу әкімдігі жыл
2008 *
жыл
20 Отырар мұражай- МАМ Оңтүстiк Республи.
қорығы қалашықтары ақпарат Қазақстан калық
(12 қалашық) облысының 2007 * бюджет
арасында толық әкімдігі жыл
жайластырылған 2008 *
жүргiншi-көлiк жыл
байланысын орнату
21 Отырар шұраты МАМ Оңтүстiк Республи.
аумағында автожол. ақпарат Қазақстан калық
дар салу облысының 2007 * бюджет
әкімдігі жыл
2008 *
жыл
22 Отырар қалашығы МАМ Оңтүстiк 2007 30,0 Жергілікті
ауданындағы қыш ақпарат Қазақстан жыл бюджет
көзе шеберханала. облысының
рын қалпына әкімдігі
келтіру
23 Отырар қалашығы МАМ БҒМ 2007 54,0 Жергілікті
мен Отырар шұратын. ақпарат жыл бюджет
дағы қазбалар
үстiне жабынды
құрастырма салу
24 Этнографиялық ойын- МАМ Оңтүстiк Республи.
сауық-танымдық ақпарат Қазақстан калық
орталық салу облысының 2007 * бюджет
әкімдігі жыл
2008 *
жыл
25 Арыстан-бaб МАМ Оңтүстiк Республи.
кесенесi жанында ақпарат Қазақстан калық
зиярат ету облысының 2007 * бюджет
орталығын салу әкімдігі жыл
2008 *
жыл
26 Әл Фараби мұражайын МАМ Оңтүстiк Республи.
салу ақпарат Қазақстан калық
облысының 2007 * бюджет
әкімдігі жыл
2008 *
жыл
____________________________________________________________________
Жиыны: 245,4 2005 30,524
оның iшiнде, жыл
республикалық 2006 20,3
бюджет: жыл
2005 жыл - 29,924; 2007 194,6
2006 жыл - 20,3 жыл
2007 жыл - *
жергiлiктi бюджет:
2005 жыл - 0,6
2007 жыл - 194,6
____________________________________________________________________
ІII. Отырар қалашығы мен Отырар шұратының тарихи-мәдени
ескерткіштерін насихаттау жөніндегі ғылыми жәнe
ғылыми-көпшілік әдебиеттi басып шығару
____________________________________________________________________
27 "Отырар шұраты" - МАМ БҒМ 2005 1,5 Республи.
альбом-кітап ақпарат жыл калық
бюджет
28 "Құйрықтөбе қалашы. МАМ БҒМ 2005 2,4 Республи.
ғы - Кедар қаласы" ақпарат жыл калық
- альбом-кітап бюджет
29 "Мардан-Құйық МАМ МАМ, 2005 0,5 Республи.
қалашығы" - буклет ақпарат БҒМ жыл калық
бюджет
30 "Көк Мардан қалашы. МАМ МАМ, 2006 0,5 Республи.
ғы" - буклет ақпарат БҒМ жыл калық
бюджет
31 "Орта ғасырлардағы МАМ БҒМ 2005 1,5 Республи.
Қазақстанның дiн. ақпарат жыл калық
дерi мен ғұрыптары" бюджет
- монография
32 "Ерте орта ғасыр. МАМ БҒМ 2005 1,5 Республи.
лардағы Оңтүстiк ақпарат жыл калық
Қазақстанның бюджет
некропольдерi" -
монография
33 "Отырардың және МАМ БҒМ 2007 1,5 Республи.
Оңтүстiк Қазақстан ақпарат жыл калық
қалаларының бюджет
бекiнiстерi" -
монография
34 "Отырар және Отырар МАМ БҒМ 2007 1,5 Республи.
шұраты" - моногра. ақпарат жыл калық
фия бюджет
35 "Отырардың және МАМ БҒМ 2007 1,5 Республи.
Отырар шұратының ақпарат жыл калық
құжаттамасы" - бюджет
монография
____________________________________________________________________
Жиыны: 12,4 2005 6,9
жыл
2006 1,0
жыл
2007 4,5*
жыл
____________________________________________________________________
Барлығы: 293,8 2005 54,424
оның ішінде жыл
республикалық 2006 31,3
бюджет: жыл
2005 жыл - 53,824; 2007 208,1
2006 жыл - 31,3; жыл
2007 жыл - 13,5;
жергiлiктi бюджет:
2005 жыл - 0,6;
2007 жыл - 194,6.
____________________________________________________________________
*2006-2007-2008-жылдарға арналған шығыстар көлемi тиiстi қаржы жылына арналған "Республикалық бюджет туралы" Қазақстан Республикасының Заңына сәйкес анықталады (нақтыланады).
