Қазақстан Республикасының Yкiметi мен Ресей Федерациясының Үкiметi арасында "Байқоңыр" кешенiн Ресей Федерациясының жалға алуы жағдайында оның аумағында экология және табиғатты пайдалану жөнiндегі келiсiм жасасу туралы

Жаңа

Қазақстан Республикасы Үкіметінің 2004 жылғы 24 желтоқсандағы N 1380 Қаулысы

      Қазақстан Республикасының Үкiметi  ҚАУЛЫ ЕТЕДI:
      1. Қоса берiлiп отырған Қазақстан Республикасының Үкiметi мен Ресей Федерациясының Үкiметi арасында "Байқоңыр" кешенiн Ресей Федерациясының жалға алуы жағдайында оның аумағында экология және табиғатты пайдалану жөнiндегі келiсiмнің жобасы мақұлдансын.
      2. Қазақстан Республикасы Қоршаған ортаны қорғау министрi Айткүл Байғазықызы Самақоваға Қазақстан Республикасының Үкiметi атынан Қазақстан Республикасының Үкiметi мен Ресей Федерациясының Үкiметi арасында "Байқоңыр" кешенiн Ресей Федерациясының жалға алуы жағдайында оның аумағында экология және табиғатты пайдалану жөнiндегi келiсiм жасасуға өкілеттiк берілсiн.
      3. Осы қаулы қол қойылған күнiнен бастап күшiне енедi.

       Қазақстан Республикасының
      Премьер-Министрі

Жоба  

Қазақстан Республикасының Yкiметi мен Ресей
Федерациясының Yкiметi арасындағы "Байқоңыр"
кешенiн Ресей Федерациясының жалға алуы
жағдайында оның аумағында экология және
табиғатты пайдалану жөнiндегi
КЕЛIСIМ

      Бұдан әрi Тараптар деп аталатын Қазақстан Республикасының Үкiметi және Ресей Федерациясының Үкiметi,
      1994 жылғы 28 наурыздағы Қазақстан Республикасы мен Ресей Федерациясы арасындағы "Байқоңыр" кешенiн пайдаланудың негiзгi қағидаттары мен шарттары туралы келiсiмдi,
      бұдан әрi Жалға алу шарты деп аталатын 1994 жылғы 10 желтоқсандағы Қазақстан Республикасының Үкiметi мен Ресей Федерациясының Үкiметi арасындағы "Байқоңыр" кешенiн жалға алу  шартын ,
      2004 жылғы 9 қаңтардағы Қазақстан Республикасы мен Ресей Федерациясы арасындағы "Байқоңыр" кешенiн тиiмдi пайдалану жөнiндегi ынтымақтастықты дамыту туралы  келiсiмдi негiзге ала отырып,
      экологиялық қауiпсiздiк талаптарын, табиғат пайдалану, қоршаған ортаны қорғау ережелерiн ескере отырып, "Байқоңыр" кешенiн пайдалану және ұстау қажеттілiгiн мойындай отырып,
      мына төмендегiлер туралы келiстi:

  1-бап

      Осы келiсiмде мынадай терминдер мен айқындамалар пайдаланылады:

Мемлекеттiк      - уәкiлетті мемлекеттік органдардың жоспарлы және
экологиялық        жобалық шешiмдер нұсқаларының экологиялық тиiмдi
сараптама          және олардың қолданыстағы экологиялық нормалар
                   мен ережелерге cәйкестігін бағалау жөнiндегi
                   қызметiнiң түрi.

Иондаушы         - радиациялық қауiпсiздiк нормаларының күші
сәулелену көзi     қолданылатын иондаушы сәулелену шығаратын немесе
                   шығаруға қабiлеттi радиоактивтi зат не құрылғы.

Қалдықтарды      - белгілi бiр мерзімге белгілі бiр тәсiлмен
орналастыру        орналастыруға  рұқсат етілетiн нақты түрдегі
лимитi             қалдықтардың шекті жол бepiлетiн мөлшерi

Ластаушы         - оларды сақтау кез-келген жағдайда, қоршаған орта
заттар шығарын-    сапасының белгіленген өлшемдерiн бұзуға әкеп
дылары мен         соқтырмайтын қоршаған ортаға әсер ету көздерiнiң
төгіндiлерiнiң     шектi сипаттамалары.
шектi жол
берілетiн
нормативтерi

Қоршаған табиғи  - адамға тiкелей немесе жанама әсер ететiн кәдiмгі
орта               (табиғи) абиотикалық (жанама) және биотикалық
                   факторлардың жиынтығы.

Өндiрiстік       - кәсiпорындардың, ұйымдардың қоршаған табиғи
экологиялық        ортаның сапа нормативтерiнiң сақталуын тексеру,
бақылау            табиғатты қорғау және қоршаған ортаны сауықтыру
                   жөнiндегі экологиялық заңнама талаптарын,
                   жоспарлар мен iс-шараларды орындау жөнiндегi
                   тiкелей қызметі.

Радиоактивтiк    - құрамына радионуклидтер кiретiн зат.
зат

Экологиялық      - табиғи ортаға және халықтың денсаулығына
қауiпсiздiк        келтiретiн залал қатерi болмайтын немесе жол
                   берілетiн деңгейдегі жағдай.

Ядролық          - ядролық реакторлар, оның iшiнде, атом
қондырғылар        станцияларының, ғарыш және ұшу аппараттарының
                   реакторлары: өнеркәсiптiк, эксперименттік
                   зерттеу реакторлары, ядролық стендiлер;
                   кез-келген құрылыстар, кешендер, қондырғылар,
                   ядролық материалдарды өндiруге, пайдалануға қайта
                   өңдеуге, тасымалдауға және орналастыруға арналған
                   жабдық және техникалық құралдар.

  2-бап

      Осы Келiсiм Тараптардың өзара iс-қимылының "Байқоңыр" кешенiн Ресей Федерациясының жалға алуы жағдайында экология және табиғатты пайдалану мәселелерi бойынша негізгi бағыттары мен шарттарын айқындайды.

  3-бап

      Қоршаған ортаны қорғау мәселелерiнде Жалға алу шартын iске асыру шеңберiнде "Байқоңыр" кешенiнiң аумағында кәсiпорындар мен ұйымдардың әскери бөлiмдердiң басқа да заңды және жеке тұлғалар қызметінiң тәртiбi өздерiнiң мемлекеттерiнiң заңнамаларына сәйкес Тараптар арасындағы жеке хаттамамен айқындалады.

  4-бап

      Ресей тарабы:
      Осы Келiсiмнiң 3-бабына сәйкес белгіленетiн, экологиялық қауiпсiздiк нормаларын сақтай отырып, табиғатты пайдалануды;
      зымыран-тасығыштардың бөлінетін бөлшектерiнiң құлау аудандарын қоса алғанда, "Байқоңыр" кешенiн ведомстволық экологиялық бақылау және оның мониторингi қызметтерiнің жұмыс iстеуiн;
      зымыран-тасығыштардың бөлiнетiн бөлшектерiнiң құлау аудандарын қоса алғанда, "Байқоңыр" кешенiн өндiрiстiк экологиялық бақылауды және оның мониторингiн жүргiзудi, бұл ретте, Ресей Тарабының уәкілеттi органдары бекiткен мониторингтің жылдық жоспарлары Қазақстан Республикасының қоршаған табиғи ортаны қорғау саласындағы орталық атқарушы органына жiберiледi;
      зымыран-тасығыштардың бөлiнетiн бөлшектерінің құлау аудандарын тазарту жөнiнде iс-шаралар жүргiзудi;
      белгiленген тәртiппен "Байқоңыр" кешенiнiң объектілерi (объектілер топтары) үшiн қоршаған ортаға ластаушы заттардың шекті жол берілетiн шығарындыларының, төгiнділерiнiң нормативтерiн және пайдалану мен жобалау-конструкторлық құжаттамалардың негiзiнде қалдықтарды орналастыру лимиттерiн әзiрлеудi және белгіленген тәртiппен жаңадан салынатын объектілер үшiн табиғатты пайдалануға рұқсат алу үшiн қажеттi материалдарды ұсынуды;
      кәсiпорындар мен ұйымдардың, әскери бөлiмдердiң, басқа да заңды және жеке тұлғалардың ластаушы заттардың нормативтен тыс шығарындылары, төгінділерi үшiн төлемдерiн уақтылы енгiзудi және өндiрiстік әрi тұрмыстық қалдықтарды орналастыруды;
      "Байқоңыр" ғарыш айлағын, оның iшiнде зымыран-тасығыштардың бөлiнетiн бөлшектерiнiң құлау аудандарын экологиялық паспорттауды;
      Ресей федерациясының аумағынан йондық сәулелену көздерiн және ядролық қондырғыларды "Байқоңыр" кешенiне әкелуге (әкетуге), оның iшiнде Қазақстан Республикасының уәкілеттi органына әкелудің (әкетудiң) жоспарланған мерзiмiне дейін екі ай бұрын берілетiн өтiнiм бойынша жүзеге асырылатын, ғарышқа қайтарусыз жөнелту үшiн Қазақстан Республикасының уәкілеттi органы берген лицензияның (бip жолғы рұқсат) болуын. Өтінiмде радиоактивтi заттардың, ядролық қондырғылардың түрi (тұрпаты), оларды жеткiзудiң тәсілi мен бағыты, "Байқоңыр" кешенiнде болу мерзiмi көрсетіледi;
      Қазақстан Республикасының қоршаған табиғи ортаны қорғау саласындағы өкiлеттi мемлекеттiк органдары өкілдерiнiң тиiсті екi жақты келiсiмдерде (ережелерде) айқындалған тәртiппен бақылау жүргiзу үшiн "Байқоңыр" кешенi объектілерiне енуiн;
      Тараптардың уәкілеттi органдары бекiткен нормативтiк құжатты ескере отырып, Ресей Федерациясының қолданыстағы заңнамасына сәйкес зымырандар мен зымыран-тасығыштардың перспективаны үлгілерiне арналған жобалау материалдарына мемлекеттік экологиялық сараптаманы және Қазақстан Республикасының уәкілеттi органына қоршаған табиғи ортаға әсер ету бөлiгiне сараптаманың нәтижелерiн ұсынуды;
      Қазақстан Республикасының заңнамасына сәйкес "Байқоңыр" кешенiнiң жаңа объектілерiн салу және жұмыс iстеп тұрғандарын қайта жөндеу жобаларын Қазақстан Республикасының мемлекеттiк экологиялық сараптамасына ұсынуды;
      терiс экологиялық зардаптарымен байланысты авариялар туралы атқарушы биліктің мемлекеттік органдарын уақытылы және толық хабардар етуді;
      Қазақстан Тарабының өкiлдерiн жiберуiмен, "Байқоңыр" кешенiнiң қызметiмен байланысты авариялардың зардаптарын, зымыран отыны құрамдас бөліктерiнiң ағуын, радиоактивтiк ластануларды жою жөнiндегi iс-шараларды жүргізудi қамтамасыз етедi.

  5-бап

      Қазақстан тарабы:
      Тараптардың уәкілетті органдары бекiткен нормативтiк құжаттарды ескере отырып, Қазақстан Республикасының заңнамасына сәйкес жаңа объектілер мен құрылыстарды салу және жұмыс iстеп тұрғандарын қайта жөндеу жобаларына мемлекеттiк экологиялық сараптама жүргiзудi, Ресей Тарабының уәкілетті органдары берген материалдардың негiзiнде қоршаған ортаға ластаушы заттар шығарындыларының, төгiнділерiнiң шекті жол берілетiн нормативтерiн және кешеннiң объектілерi қалдықтарын орналастыру лимиттерiн бекiтудi және "Байқоңыр кешенiнде жаңадан салынатын объектiлер үшiн табиғатты пайдалануға рұқсаттар берудi;
      Ресей тарабының сұрау салуы бойынша авариялардың терiс экологиялық зардаптарын және зымыран отының құрамдас бөлiктерiнiң ағуын жою жөнiндегі жұмысқа өз өкiлдерiнiң қатысуын;
      "Байқоңыр" кешенiнiң аумағында жұмыс iстейтін Қазақстан Республикасы заңды тұлғаларының ластаушы заттардың нормативтен тыс шығарындылары, төгiнділерi үшiн төлемдердi уақтылы енгiзуiн және қалдықтарды орналастыруын;
      Қазақстан Тарабы қарамағында орналасқан "Байқоңыр" кешенiнiң аумағындағы объектілердi экологиялық паспорттауды;
      "Байқоңыр" ғарыш айлағының Қазақстан тарабының қарауындағы кәсiпорындары мен объектiлерiнiң қалдықтарын орналастыру бойынша Ресей Тарабының уәкілетті органына "Байқоңыр" ғарыш айлағы экологиялық паспортын толтыру және қоршаған ортаның мониторингi бойынша статистикалық есеп жүргiзу үшін қажетті, келiсiлген көлемде деректер ұсынуды;
      Тараптардың уәкілеттi органдарымен бекiтiлген ережеде белгіленген тәртiппен "Байқоңыр" кешенiнiң объектілерiне мемлекеттік экологиялық бақылау жүргiзудi;
      Ресей және Қазақстан Тараптары дайындаған бiрлескен материалдардың негiзiнде бұқаралық ақпарат құралдары арқылы "Байқоңыр" кешенiндегi экологиялық жағдайдың жай-күйi туралы халықты хабарландыруды қамтамасыз етедi.

  6-бап

      "Байқоңыр" кешенiнiң аумағында, оның ішінде зымыран-тасығыштардың бөлiнетiн бөлшектерінiң құлау аудандарында терiс экологиялық зардаптарды жою жөнiндегі жұмыстардың жүргiзiлуiн бақылау үшін Тараптар, қажет болған жағдайда Қазақстан Республикасы мен Ресей Федерациясы арасындағы ынтымақтастық жөнiндегі үкіметаралық комиссияның "Байқоңыр" кешенi бойынша кiшi комиссиясы шеңберiнде жұмыс комиссияларын (топтарын) құрады.

  7-бап

      "Байқоңыр" кешенiн пайдалану кезiнде экологиялық қауiпсiздiктi қамтамасыз ету үшiн Тараптар қоршаған ортаны қорғау саласында, оның iшiнде, бiрлескен бағдарламалар бойынша ғылымы-зерттеу және тәжiрибелiк-конструкторлық жұмыстарды жүргiзедi.
      Бiрлескен бағдарламаларды iске асыру кезiнде осы бағдарламалар бойынша үйлестірушi болып табылатын бiрлескен ғылыми-техникалық кеңес қалыптастырылады.
      Тараптар белгіленген тәртіппен жоғарыда белгіленген тақырып бойынша өздерiнiң қарауындағы ақпаратқа қол жеткiзудi қамтамасыз етедi.

  8-бап

      Тараптар "Байқоңыр" кешенi аумағына көму, кәдеге жарату, жою және сақтау мақсатында радиоактивтi, уытты, оның iшiнде, улы заттарды әкелуге тыйым салынатыны туралы уағдаласты.

  9-бап

      Осы Келiсiмнiң орындалуын бақылау:
      Қазақстан Тарабынан - Қазақстан Республикасының қоршаған ортаны қорғау саласындағы орталық атқарушы органына, Қазақстан Республикасы Білiм және ғылым министрлiгінің Аэроғарыш комитетiне;
      Ресей Тарабынан - Ресей Федерациясының Федералдық ғарыш агенттігiне, Қорғаныс министрлiгiне және Байқоңыр қаласының әкiмшілiгiне жүктеледi.

  10-бап

      Осы Келiсiмiнiң ережелерін түсiндiру немесе қолдану кезiнде даулар мен келiспеушiліктер туындаған жағдайда, Тараптар оларды Қазақстан Республикасы мен Ресей Федерациясы арасындағы ынтымақтастық жөнiндегi үкiметаралық комиссияның "Байқоңыр" кешенi бойынша кiшi комиссиясының қарауына бередi.

  11-бап

      Осы Келiсiм Тараптардың оның күшіне ену үшiн қажеттi мемлекетiшілік ресiмдердi орындағаны туралы соңғы жазбаша хабарламаны алған күннен бастап күшiне енедi.
      Осы Келiсiмнiң және аталған Келiсiмнiң 3-бабында көрсетілген Хаттаманың күшiне енген сәтiнен бастап 1997 жылғы 4 қазандағы Қазақстан Республикасының Үкiметi мен Ресей Федерациясының Үкiметi арасындағы "Байқоңыр" кешенiн Ресей Федерациясының жалға алуы жағдайында оның аумағында экология және табиғатты пайдалану жөнiндегi келiсiм күшiн жояды.

  12-бап

      Тараптардың өзара келiсiмiмен Келiсiмнiң мәтiнiне осы Келiсiмнiң ажырамас бөлiгi болып табылатын жеке хаттамаларды жасау жолымен өзгерiстер және толықтырулар енгiзілуi мүмкiн.

      2004 жылғы "___" ________ __________, әрқайсысы қазақ және орыс тілдерiндегi екi данада жасалды, әрi екi мәтiннiң де бiрдей заңды күшi бар.

       Қазақстан Республикасының        Ресей Федерациясының
      Yкiметi үшін                     Yкiметi үшін

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады