"Қазақстан Республикасы Ұлттық қорының қалыптастырылуы мен пайдаланылуы туралы 2004 жылғы есептi бекiту туралы" Қазақстан Республикасының Президентi Жарлығының жобасы туралы

Қазақстан Республикасы Үкіметінің 2005 жылғы 15 шілдедегі N 731 Қаулысы

Қазақстан Республикасының Үкiметi ҚАУЛЫ ЕТЕДI:
"Қазақстан Республикасы Ұлттық қорының қалыптастырылуы мен пайдаланылуы туралы 2004 жылғы есептi бекiту туралы" Қазақстан Республикасының Президентi Жарлығының жобасы Қазақстан Республикасы Президентiнiң қарауына енгізілсін.

Қазақстан Республикасының
Премьер-Министрі

Қазақстан Республикасы Президентінің
ЖАРЛЫҒЫ Қазақстан Республикасы Ұлттық қорының қалыптастырылуы
мен пайдаланылуы туралы 2004 жылғы есептi бекiту туралы

Қазақстан Республикасы Бюджет кодексінің 130-бабына сәйкес ҚАУЛЫ ЕТЕМIН:
1. Қоса беріліп отырған Қазақстан Республикасы Ұлттық қорының қалыптастырылуы мен пайдаланылуы туралы 2004 жылғы есеп бекiтiлсiн.
2. Қазақстан Республикасының Үкiметi 2005 жылғы 1 тамызға дейiн Қазақстан Республикасы Ұлттық қорының қалыптастырылуы мен пайдаланылуы туралы 2004 жылғы есеп пен сыртқы аудиттi жүргiзу нәтижелерi туралы ақпараттың бұқаралық ақпарат құралдарында жариялануын қамтамасыз етсiн.
3. Осы Жарлық қол қойылған күнiнен бастап қолданысқа енгiзiледi.

Қазақстан Республикасының
Президентi

Қазақстан Республикасы
Президентінің
2005 жылғы
N Жарлығымен
бекітілген

Қазақстан Республикасы Ұлттық қорының қалыптастырылуы
мен пайдаланылуы туралы 2004 жылғы есеп Мазмұны

1-бөлiм Қазақстан Республикасы Ұлттық қорының түсiмдерi
және оны пайдалану туралы 2004 жылғы есеп

2-бөлiм Қазақстан Республикасы Ұлттық қорын сенiмгерлiк басқару
жөнiндегi Қазақстан Республикасы Ұлттық Банкiнiң қызметі
туралы 2004 жылғы есеп

3-бөлiм Қазақстан Республикасы Ұлттық қорын басқару жөнiндегi
2004 жылғы өзге де деректер

1-бөлiм. Қазақстан Республикасы Ұлттық
қорының түсiмдерi және оны
пайдалану туралы 2004 жылғы есеп

мың теңге

р/с N	Атауы	Сомасы
1	Қордың есептi кезеңнiң басындағы қаражаты барлығы:	528 233 521*
2	Түсiмдер, барлығы:	139 312 971
	оның iшiнде: заңды тұлғалардан алынатын корпоративтiк табыс салығы үстеме пайдаға салынатын салық бонустар роялтилер жасалған келiсiм-шарттар бойынша өнiмдi бөлу жөнiндегi Қазақстан Республикасының үлесi ресми трансферттер Қорды басқарудан алынатын инвестициялық кiрiстер Қазақстан Республикасының заңнамасында тыйым салынбаған өзге де түсiмдер мен кiрiстер мемлекеттің ауыл шаруашылығы мақсатындағы жер учаскелерін жеке меншiкке сатуынан түсетiн қаражат	104 360 247 - - 13 527 000 2 905 678 9 309 670 (-) 13 526 459 21 321 075 1 415 760
3	Пайдаланылуы, барлығы:	524 247
	оның iшiнде: Қорды басқаруға және жыл сайынғы сыртқы аудиттi жүргiзуге байланысты шығыстарды жабу	524 247
4	Қордың есептi кезеңнiң аяғындағы қаражаты, барлығы:	667 022 245**

* 315 682 мың теңге мөлшерiндегi есептелген және мерзiмi ұзартылған шығыстардың сомасын ескере отырып
** 480 894 мың теңге мөлшерiндегi есептелген және мерзiмi ұзартылған шығыстардың сомасын ескере отырып

2-бөлiм. Қазақстан Республикасы Ұлттық қорын
сенiмгерлiк басқару жөнiндегi Қазақстан
Республикасы Ұлттық Банкiнiң қызметi туралы есеп

1-нысан

Қазақстан Республикасы Ұлттық қорының активтерiн
сенiмгерлiк басқару жөнiндегі Қазақстан Республикасы
Ұлттық Банкiнiң балансы

мың теңге

	2004 жыл	2003 жыл
Активтер Ақша және оның баламалары	24 927 708	26 265 200
Сауда бағалы қағаздары	654 915 582	520 234 429
Туынды қаржы құралдары	1 810 557	1 966 678
Дебиторлық берешек	111 505	1 694 617
	681 765 352	550 160 924
Мiндеттемелер Туынды қаржы құралдары	6 098 200	7 859 114
Кредиторлық берешек және есептелген шығыстар	9 126 228	14 384 398
	15 224 428	22 243 512
Таза активтер Таза активтер мыналардан тұрады:	666 540 924	527 917 412
Үкiметтің шоты	666 540 924	527 917 412

2-нысан

Қазақстан Республикасы Ұлттық қорының активтерiн
сенiмгерлiк басқару жөнiндегi Қазақстан Республикасы
Ұлттық Банкiнiң кiрiстерi мен шығыстары туралы есеп

мың теңге

	2004 жылғы	2003 жылғы
Кiрiстер Сыйақы бойынша кiрiстер	13 903 145	9 482 288
Дивидендтер бойынша кiрiстер	2 481 520	1 071 767
Сауда бағалы қағаздары бойынша дилингтiк кiрiстер	33 420 409	483 556
Туынды қаржы құралдары бойынша түскен таза жұмсалған кiрiстер (шығындар)	(13 070 650)	(14 854 731)
Шетел валюталарын қайта бағалаудан түсетiн таза жұмсалған кiрiстер (шығындар)	(135 432)	7 049 611
Сауда бағалы қағаздардан өткiзiлмеген кiрiстер (шығындар)	5 929 624	30 061 845
Өлшем валютасынан ұсыну валютасына қайта есептеу кезiнде туындайтын бағам айырмашылығының шығыны	-	(29 250 689)
	42 528 616	4 043 647
Шығыстар Активтердi басқарғаны үшін комиссия	556 808	476 094
Кастодиан қызметтерiн төлеу шығыстары	101 418	70 335
Кәсiби қызметтердi төлеу жөніндегi шығыстар	12 595	11 455
Бағдарламалық өнiмдердi және ақпараттық деректер базасын пайдаланғаны үшiн ақы төлеу бойынша шығыстар	18 638	20 117
	689 459	578 001
Таза кiрiс	41 839 157	3 465 646

3-нысан

Қазақстан Республикасы Ұлттық қорының активтерiн
сенiмгерлiк басқару жөнiндегі Қазақстан
Республикасы Ұлттық Банкiнiң ақша қозғалысы
туралы есептер

мың теңге

	2004 жылғы	2003 жылғы
Операциялық қызметтен түскен ақша қозғалысы Таза кiрiс	41 839 157	3 465 646
Түзетулер:
сауда бағалы қағаздарынан түскен	(5 929 624)	(30 061 845)
өткізілмеген кiрiс
өлшем валютасынан есеп беру валютасына қайта есептеу кезінде туындайтын бағам айырмашылығынан болған шығын	-	29 250 689
Операциялық активтер мен мiндеттемелердегi өзгерiстерге дейiнгi операциялық қызметтен түскен ақша қозғалысы	35 909 533	2 654 490
Операциялық активтердегi азаю (ұлғаю):
сауда бағалы қағаздары;	(184 806 604)	(221 817 336)
туынды қаржы құралдары;	156 121	(1 030 562)
дебиторлық берешек	1 583 112	2 447 079
Операциялық мiндеттемелердегi ұлғаю (азаю):
туынды қаржы құралдары	(1 760 914)	3 084 174
кредиторлық берешек және есептелген шығыстар	(5 258 170)	13 246 738
Операциялық қызметтегі ақшаның таза пайдаланылуы	(154 176 922)	(201 415 417)
Қаржы қызметiнен түскен ақша қозғалысы
Қазақстан Республикасы Қаржы министрлігінен түскен түсiмдер	152 839 430	225 507 652
Ақша мен оның баламаларындағы таза ұлғаю (азаю)	(1 337 492)	24 092 235
Жылдың басындағы ақша мен оның баламалары	26 265 200	2 172 965
Жылдың соңындағы ақша мен оның баламалары	24 927 708	26 265 200

4-нысан

Қазақстан Республикасы Ұлттық қорының активтерiн
сенiмгерлiк басқару жөнiндегі Қазақстан Республикасы
Ұлттық Банкiнiң таза активтерiндегі
өзгерiстер туралы есептер

мың теңге

	Сомасы
2003 жылғы 1 қаңтардағы сальдо	298 944 114
Қазақстан Республикасы Қаржы министрлiгiнен түскен түсiмдер	225 507 652
Таза кiрiстер	3 465 646
2003 жылғы 31 желтоқсандағы сальдо	527 917 412*
Қазақстан Республикасы Қаржы министрлiгiнен түскен түсiмдер	152 839 430
Кезең басындағы таза активтер сомасына айырбас бағамдарындағы өзгерiстер әсерi	(52 052 320)
Валютаны қайта бағалаудан болған айырмашылықтар	(4 002 755)
Таза кiрiстер	41 839 157
2004 жылғы 31 желтоқсандағы сальдо	666 540 924**

* 315 682 мың теңге мөлшерiндегi 2003 жылғы есептелген және мерзiмi ұзартылған шығыстардың сомасын ескерусiз
** 480 894 мың теңге мөлшерiндегi 2004 жылғы есептелген және мерзiмi ұзартылған шығыстардың сомасын ескерусiз

Ескерту: 2004 жылдың басындағы және соңындағы сальдо сенiмгерлiк басқару бойынша операциялық шығыстар болып табылатын және Ұлттық қорға өтелуi тиiс 427 мың теңге мөлшерiндегi сома есепке алынбай көрсетiлген.

2004 жылғы инвестициялық қызметтен түскен табыс 42 528 616 мың теңгенi немесе
313 млн.долларын құрады (табыстылығы - 7,61 %). Бұл ретте бағандық қайта бағалау (-)56 055 075 мың теңгенi құрады (52 052 320 мың теңге + 4 002 755 мың теңге). Осылайша, табыс сомасы бағамдық қайта бағалауды есепке ала отырып (-)13 526 459 мың теңгенi құрады.

3-бөлiм. Қазақстан Республикасы Ұлттық қорын басқару
жөнiндегi өзге де деректер

1. Қазақстан Республикасы Ұлттық қорының қалыптастырылу көздерi

Қазақстан Республикасы Ұлттық қорының (бұдан әрi - Қор) қаражаты 2004 жылғы 1 қаңтарға 528233521 мың теңгенi құрады.
Қорға түскен түсiмдердiң едәуiр үлесi 2004 жылы сомасы 120792925 мың теңгенi құраған шикiзат секторы ұйымдарынан (Қазақстан Республикасының Үкiметi белгiлеген тiзбе бойынша заңды тұлғалардан) бюджетке түсетiн жоспардан тыс түсiмдердің есебiнен қалыптасты. Бұдан басқа, 2004 жылы Қордың шотына 21321075 мың теңге (оның iшiнде республикалық меншiктегі және экономиканың тау-кен өндiру және өңдеу салаларына жататын мемлекеттiк мүлiктi жекешелендiруден түскен қаражат - 1513575 мың теңге және "Аджип Қарашығанақ Б.В.", "БР Интернэшнл Лимитед", "Тексако Интернэшнл Петролаум Компании" компаниялары, "ЛУКойл" мұнай компаниясы" ашық акционерлiк қоғамы, "Қазақойл" ұлттық мұнайгаз компаниясы жабық үлгiдегі акционерлiк қоғамы мен Қазақстан Республикасының Үкiметi арасында жасалған 1997 жылғы 18 қарашадағы Қарашығанақ мұнайгазконденсаты кен орынының мердiгер учаскесiнiң өнiмiн бөлу туралы келiсiм бойынша төлем - 19807500 мың теңге), мемлекеттiң ауыл шаруашылығы мақсатындағы жер учаскелерiн жеке меншiкке сатуынан түскен қаражат - 1415760 мың теңге және республикалық бюджеттен берiлген ресми трансферттер - 9309670 мың теңге сомасында өзге де түсiмдер есептелдi.
"Жоспардан тыс салықтық және бюджетке төленетін өзге де мiндеттi төлемдерi Қазақстан Республикасының Ұлттық қорына есепке алынатын шикiзат секторы ұйымдарының тiзбелерiн бекiту туралы" Қазақстан Республикасы Үкiметiнiң 2001 жылғы 19 наурыздағы N 369А қаулысына "Қазмырыш" ААҚ, "Қазақмыс" ААҚ, "Харикейн Құмкөл Мұнай" ААҚ, "ТорғайПетролеум" ЖАҚ, "Қазақстан Лимитед БК" мен "Статойл Қазақстан А.С." компаниялары, "Дөң кен байыту комбинаты" ААҚ, "Ембiмұнайгаз" ААҚ, "Өзенмұнайгаз" ААҚ тiзбеден шығару және "ҚазМұнайГаз", Барлау Өндiру" АҚ-ын тiзбеге енгiзу бөлiгiнде өзгерiстер мен толықтырулар енгізілдi.
Қазақстан Республикасының Ұлттық Банкi Қордың шотына шетел валютасында есептелген түсетін теңгенi АҚШ долларына айырбастауды кезең-кезеңмен жүргiзiп отырды.
Басқарудың қол жеткiзiлген қаржылық нәтижелерi мен сапасын ескере отырып, сенiмгерлiк басқару үшiн қызметтерге ақы төлеудiң өзгеруiне байланысты "Қазақстан Республикасының Ұлттық қорын сенiмгерлiк басқарудың кейбiр мәселелерi туралы" Қазақстан Республикасы Үкiметiнiң 2004 жылғы 26 шiлдедегi N 792 қаулысымен мақұлданған Қазақстан Республикасының Ұлттық қорын сенiмгерлiк басқару туралы шартқа өзгерiстер мен толықтырулар енгiзу туралы қосымша келiсiмге қол қойылды.
Қазақстан Республикасы Ұлттық қорының орта мерзiмдi тұжырымдамасының жобасы әзiрлендi, онда тұжырымдаманы iске асырудың нақты мерзiмi белгiлендi, мұнай секторына айқын анықтама берiлдi, ұйымдастыру нысаны - заңды тұлға немесе шот белгiлендi, Қорды пайдаланудың мақсаты мен бағыты көрсетiлдi, қор жинау шегi (немесе оның болмауы) және активтердi таратудың мүмкiндiктi салдары көрсетіледi, айқындылығы атап көрсетілдi, борышқа қызмет көрсету және қарыз алу саясаты анықталды, Қордан трансфертке даму бюджетiнiң неғұрлым нақты байланысы және теңдестiрілген бюджет әдiсiнiң сипаты белгiлендi.
Ұлттық қордың мақсаттары мен мiндеттерiн халық арасында түсiндiру жөнiнде жүйелi түрде жұмыс жүргiзу шеңберiнде "Панорама" газетiне "Ұлттық қор экономиканы дамытуға оң фактор ретiнде" атты тақырыпта мақала жiберiлдi, "Казахстанская правда" газетiнде "Ұлттық қор: жинайды немесе рәсуа етедi..." атты материал жарияланды, "Қазақстан 1" арнасында "Мезгiл" ақпараттық-талдамалы бағдарламада "Қазақстан Республикасы Ұлттық Қорының қызметi" атты тақырыпта әңгiме жүргiзiлдi. Бұдан басқа, Қордың қызметi туралы қажеттi ақпарат, Қордың қызметiн реттейтiн есептер, нормативтік құқықтық актiлер Қаржы министрлiгiнiң web-сайтына (www.minfin.kz) орналастырылды.
Қазақстан Республикасы Бюджет кодексiнiң 25-бабымен анықталған тәртiппен "Қазақстан Республикасының Ұлттық қорын басқару кеңесiнiң кейбiр мәселелерi туралы" Қазақстан Республикасы Президентiнiң 2004 жылғы 28 желтоқсандағы N 1509 Жарлығымен Қазақстан Республикасының Ұлттық қорын басқару жөнiндегi кеңестің құрамы мен ол туралы ереже бекiтiлдi.
Бұдан басқа, Қазақстан Республикасы Үкiметiнiң 2004 жылғы 13 қыркүйектегi N 953 қаулысымен бекiтiлген конкурстарды өткiзудiң тәртiбi мен мерзiмiн нақтылау бөлiмiнде Қазақстан Республикасы Ұлттық қорының жыл сайынғы сыртқы аудитiн жүргiзу үшiн тәуелсiз аудиторын сайлау ережесiне өзгерiстер мен толықтырулар енгiзiлдi.
1-бөлiмдегi кесте туындаған бағамдық айырма ескерілетiн инвестициялық табысты алып тастағанда қаржы қаражатының нақты қозғалысының деректерi бойынша құрылған.

Шикiзат секторы ұйымдарынан мемлекеттiк бюджетке
түсетiн түсiмдер және Қорға 2004 жылғы
түсетiн аударымдар

(мың теңге)

Атауы	2004 жылғы жоспар	Кассалық атқару
		Барлығы	оның ішінде
			Бюджет- ке есептел- генi	Ұлттық қорға аударыл- ғаны
Қазақстан Республикасының Yкiметi белгілейтiн тiзбе бойынша шикiзат секторы ұйымдары- заңды тұлғалардан алынатын корпора- тивтiк табыс салығы	53 283 956	156 920 336	53 283 956	103 636 380
Қазақстан Республикасының Үкiметi белгiлейтiн тiзбе бойынша шикiзат секторының ұйымдары резидент заңды тұлғалардан алатын, төлем көзiнен ұсталатын корпоративтiк табыс салығы	383 000	1 106 867	383 000	723 867
Қазақстан Республикасының Үкiметi белгiлейтiн тiзбе бойынша шикiзат секторының ұйымдары резидент емес заңды тұлғалардан алатын, төлем көзiнен ұсталатын корпоративтiк табыс салығы	18 759 000	5 150 428	5 150 428	0
Қазақстан Республикасының Үкiметі белгi- лейтiн тiзбе бойынша шикізат секторының ұйымдарынан өндiрiлген тауарларға, көрсетiлген қызметтерге қосылған құн салығы	0	0	0	0
Шикiзат секторы ұйымдарынан (Қазақстан Республикасының Үкiметi белгiлейтін тiзбе бойынша заңды тұлғалардан) алынатын бонустар	0	0	0	0
Шикiзат секторы ұйымдарынан (Қазақстан Республикасының Үкiметi белгiлейтiн тiзбе бойынша заңды тұлғалардан) алынатын роялтилер	12 900 906	26 427 906	12 900 906	13 527 000
Жасалған келiсiм - шарттар бойынша шикiзат секторы ұйымдарынан (Қазақстан Республикасының Үкiметi белгілейтiн тiзбе бойынша заңды тұлғалардан) алынатын өнiмдердi бөлу бойынша Қазақстан Республикасының үлесi	7 769 824	10 675 502	7 769 824	2 905 678
Мемлекеттiк бюджет бойынша жиыны	93 096 686	200 281 039	79 488 114	120 792 925

"2004 жылға арналған республикалық бюджет туралы" Қазақстан Республикасының Заңымен шикiзат секторы ұйымдарынан алынатын салық және республикалық бюджетке төленетiн басқа да мiндетті төлемдердiң жылдық көлемi 93096686 мың теңге сомасында бекiтiлдi. 2005 жылғы 1 қаңтардағы жағдай бойынша шикiзат секторы ұйымдарынан iс жүзiнде 200281039 мың теңге түсті, оның iшiнде қолданылып жүрген заңнамаға сәйкес республикалық бюджетке - 79488114 мың теңге есепке алынды. Нәтижесiнде шикiзат секторы ұйымдарынан Қорға түсетiн жоспардан тыс түсiмдердiң сомасы 120792925 мың теңгенi құрады.
Қордың ақшалай қаражаты 2005 жылғы 1 қаңтарға 667022245 мың теңгенi құрады.

Салықтардың түрлерi бойынша Қорға түсетiн қаражаттың жоспардан тыс түсiмдерінің құрылымы тұтастай алғанда 2004 жыл үшiн мынадай көрсеткiштермен сипатталады:

Салық төлемдерiнiң түрлерi	Сомасы (мың теңге)	Жалпы көлемдегi үлес (%)
Заңды тұлғалардан алынатын корпоративтік табыс салығы	103 636 380	85,80
Резидент заңды тұлғалардан алынатын, төлем көзiнен ұсталатын корпоративтік табыс салығы	723 867	0,60
Резидент емес заңды тұлғалардан алынатын, төлем көзiнен ұсталатын корпоративтік табыс салығы	0	0
Заңды тұлғалардан алынатын табыс салығының барлығы	104 360 247	86,40
Қосылған құн салығы	0	0
Бонустар	0	0
Роялтилер	13 527 000	11,20
Шикiзат секторы ұйымдарынан алынатын өнiмдердi бөлу бойынша Қазақстан Республикасының үлесi	2 905 678	2,40
БАРЛЫҒЫ	120 792 925	100,0

Шикiзат секторы ұйымдарынан Қорға түсетiн жоспардан тыс түсiмдерде негiзгi бөлiктi - 85,80 %-ын заңды тұлғалардан алынатын, төлем көзiнен ұсталатын корпоративтiк табыс салығы, одан кейiн үлесi түсiмдердің жалпы сомасының 11,20 %-ын құрайтын роялтилер құрайды. Өнiмдердi бөлу бойынша Қазақстан Республикасының үлесi түсiмдердiң жалпы сомасында 2,40 % және сомасы 723867 мың теңге немесе түсiмдердiң жалпы сомасынан 60 % резидент заңды тұлғалардан алынатын корпоративтік табыс салығын құрады.

2. Қордың шығыстары

Қордың есебiнен есептi кезеңде жалпы сомасы 524247 мың теңге Қорды басқаруға байланысты мынадай шығыстар жүргiзiлдi:
Қазақстан Республикасы Үкiметінiң 2001 жылғы 18 мамырдағы
N 655 қаулысымен мақұлданған Сенiмгерлiк басқару туралы шартқа сәйкес Қорды басқарғаны үшін сыйақы түрiнде Қазақстан Республикасы Ұлттық Банкiне 136326 мың теңге аударылды;
кастодианның қызмет көрсетулерi үшiн 60393 мың теңге аударылды;
сыртқы басқарушыларға 297731 мың теңге комиссиялық сыйақы ретінде аударылды;
сыртқы аудиттің 2003 жылғы қызмет көрсетулерi үшiн 11159 мың теңге аударылды;
"Ваrrа International, Ltd" компаниясының ақпараттық қызметтерi үшiн 8702 мың теңге аударылды;
"Morgan Stanley Capital International" компаниясының ақпараттық қызметтерi үшін 2034 мың теңге төлендi;
"Тhе Үiеld Вook Inс" компаниясы көрсеткен қызметтер үшiн 7902 мың теңге аударылды
2004 жылғы төртiншi тоқсанда жалпы сомасы 480894 мың теңге мынадай шығыстар төлеуге есептелдi:
Қорды сенiмгерлiк басқарғаны үшiн Қазақстан Республикасының Ұлттық Банкiне комиссиялық сыйақы - 26206 мың теңге;
кастодианның қызмет көрсетулерiне - 57662 мың теңге;
сыртқы басқарушыларға қызмет көрсетулерiне - 384431 мың теңге;
Қордың 2004 жылғы қызметiнiң аудит қызмет көрсетулерiне - 12595 мың теңге.