"Қазақстан Республикасының кейбiр заңнамалық актiлерiне Қазақстан Республикасының бюджет заңнамасын жетiлдiру және Қазақстан Республикасы Ұлттық Банкi қызметi мәселелерi бойынша өзгерiстер мен толықтырулар енгiзу туралы" Қазақстан Республикасы Заңының жобасы туралы

Қазақстан Республикасы Үкіметінің 2006 жылғы 15 мамырдағы N 393 Қаулысы

Қазақстан Республикасының Үкiметi ҚАУЛЫ ЕТЕДI:
"Қазақстан Республикасының кейбiр заңнамалық актiлерiне Қазақстан Республикасының бюджет заңнамасын жетiлдiру және Қазақстан Республикасы Ұлттық Банкiнiң қызметi мәселелерi бойынша өзгерiстер мен толықтырулар енгiзу туралы" Қазақстан Республикасы Заңының жобасы Қазақстан Республикасының Парламентi Мәжiлiсiнiң қарауына енгiзiлсiн.

Қазақстан Республикасының
Премьер-Министрі

Жоба

Қазақстан Республикасының Заңы

"Қазақстан Республикасының кейбiр заңнамалық актiлерiне
Қазақстан Республикасының бюджет заңнамасын жетiлдiру және
Қазақстан Республикасы Ұлттық Банкi қызметi мәселелерi
бойынша өзгерiстер мен толықтырулар енгiзу туралы"

1-бап. Қазақстан Республикасының мынадай заңнамалық актiлерiне өзгерiстер мен толықтырулар енгiзiлсiн:
1. 1999 жылғы 13 шiлдедегі Қазақстан Республикасының Азаматтық iс жүргiзу кодексiне (Қазақстан Республикасы Парламентiнiң Жаршысы, 1999 ж., N 18, 644-құжат; 2000 ж., N 3-4, 66-құжат; N 10, 244-құжат; 2001 ж., N 8, 52-құжат; N 15-16, 239-құжат; N 21-22, 281-құжат; N 24, 338-құжат; 2002 ж., N 17, 155-құжат; 2003 ж., N 10, 49-құжат; N 14, 109-құжат; N 15, 138-құжат; 2004 ж., N 5, 25-құжат; N 17, 97-құжат; N 23, 140-құжат; N 24, 153-құжат; 2005 ж., N 5, 5-құжат; N 13, 53-құжат; N 24, 123-құжат; 2006 ж., N 2, 19-құжат):
108-баптың жетiншi бөлiгi мынадай редакцияда жазылсын:
"7. Сот сараптамасы органы сараптама жүргiзгенi үшiн төленуге тиесiлi сомаларды тиiстi өтiнiш жасаған не мұндай мiндеттеменi оған сот жүктеген тарап алдын ала төлеу нысанында тиiстi бюджетке енгiзедi.".
2. Әкiмшiлiк құқық бұзушылық туралы 2001 жылғы 30 қаңтардағы Қазақстан Республикасының Кодексiне (Қазақстан Республикасы Парламентiнiң Жаршысы, 2001 ж., N 5-6, 24-құжат; N 17-18, 241-құжат; N 21-22, 281-құжат; 2002 ж., N 4, 33-құжат; N 17, 155-құжат; 2003 ж., N 1-2, 3-құжат; N 4, 25-құжат; N 5, 30-құжат; N 11, 56, 64, 68-құжаттар; N 14, 109-құжат; N 15, 122, 139-құжаттар; N 18, 142-құжат; N 21-22, 160-құжат; N 23, 171-құжат; 2004 ж., N 6, 42-құжат; N 10, 55-құжат; N 15, 86-құжат; N 17, 97-құжат; N 23, 139, 140-құжаттар, N 24, 153-құжат, 2005 ж., N 5, 5-құжат; N 7-8, 19-құжат; N 9, 26-құжат; N 13, 53-құжат; N 14, 58-құжат; N 17-18, 72-құжат; N 21-22, 86, 87-құжаттар; N 23, 104-құжат; 2006 ж., N 1, 5-құжат; N 2, 20-құжат; N 3, 22-құжат; N 5-6, 31-құжат):
1) 166-бап мынадай редакцияда жазылсын:

"166-бап. Байланысты гранттар қаражатының түсiмдерiн
қоспағанда, бюджетке төленетiн салықтық емес
төлемдердi толық мөлшерде және дер кезiнде төлемеу

Байланысты гранттар қаражатының түсiмдерiн қоспағанда, бюджетке төленетiн салықтық емес төлемдердi толық мөлшерде және дер кезiнде төлемеу, -
азаматтарға - айлық есептiк көрсеткiштiң онға дейiнгi мөлшерiнде, лауазымды адамдарға, жеке кәсіпкерлерге - екi жүзге дейiнгі мөлшерiнде, шағын және орта кәсiпкерлiктiң субъектiлерi немесе коммерциялық емес ұйым болып табылатын заңды тұлғаларға - төрт жүзге дейiнгi мөлшерiнде, iрi кәсiпкерлiктiң субъектiсi болып табылатын заңды тұлғаларға - бiр мыңға дейiнгi мөлшерде айыппұл салуға әкеп соғады.";
2) 177-бап мынадай редакцияда жазылсын:

"177-бап. Республикалық және жергiлiктi бюджеттер қаражатын,
мемлекет кепiлдiк берген қарыздарды, мемлекет
активтерiн уақтылы, толық есепке алмау және
мақсатсыз пайдалану

1. Бюджетке түсетiн қаражатты уақтылы, толық есепке алмау -
лауазымды тұлғаларға елуден төрт жүз айлық есептiк көрсеткiшке дейiнгi мөлшерде айыппұл салуға әкеп соғады.
2. Тиiстi банктерде немесе банк операцияларының жекелеген түрлерiн жүзеге асыратын ұйымдарда бюджет қаражатын алушылардың шотына аударылатын қаражатты уақтылы және толық есепке алмау -
жиырма бестен жетпiс айлық есептiк көрсеткiшке дейiнгi мөлшерде айыппұл салуға әкеп соғады.
3. Республикалық және жергiлiктi бюджеттер қаражатын, мемлекет кепiлдiк берген қарыздарды, мемлекет активтерiн мақсатсыз пайдалану және (немесе) республикалық және жергiлiктi бюджеттер қаражатын мiндеттемелер бойынша қаржыландырудың бекiтiлген жеке жоспарынан тыс жұмсау туралы мiндеттеме қабылдау -
лауазымды тұлғаларға елуден екi жүз айлық есептiк көрсеткiш мөлшерiнде айыппұл салуға әкеп соғады.";
3) мынадай мазмұндағы 177-1, 177-2, 177-3 және 177-4-баптармен толықтырылсын:

"177-1-бап. Республикалық және жергiлiктi бюджеттер
қаражатын, байланысты гранттарды, мемлекет
кепiлдiк берген қарыздарды, мемлекет активтерiн
негiзсiз (заңсыз) пайдалану

Республикалық және жергiлiктi бюджеттер қаражатын, оның iшiнде нысаналы трансферттер мен кредиттердi, сондай-ақ байланысты гранттарды, мемлекет кепiлдiк берген қарыздарды, мемлекет активтерiн негiзсiз (заңсыз) пайдалану
- заңды тұлғаларға елуден үш жүз айлық есептiк көрсеткiшке дейiнгi мөлшерде айыппұл салуға әкеп соғады.

177-2-бап. Республикалық және жергiлiктi бюджеттер қаражатын,
байланысты гранттарды, мемлекет кепiлдiк берген
қарыздарды, мемлекет активтерiн тиiмсiз пайдалану

Республикалық және жергiлiктi бюджеттер қаражатын, оның iшiнде нысаналы трансферттер мен кредиттердi, сондай-ақ байланысты гранттарды, мемлекет кепiлдiк берген қарыздарды, мемлекет активтерiн тиiмсiз пайдалану -
лауазымды тұлғаларға елуден бiр жүз айлық есептiк көрсеткiшке дейiнгi мөлшерде айыппұл салуға әкеп соғады.

177-3-бап. Бюджеттiк есепке алу мен есептiлiктi бұзу

Бюджеттiк есепке алу мен есептiлiктi бұзу -
лауазымды тұлғаларға елуден екi жүз айлық есептiк көрсеткiшке дейiнгi мөлшерде айыппұл салуға әкеп соғады.

177-4-бап. Бюджеттiк кредиттердi, мемлекеттiк кепiлдiктер
мен мемлекет кепiлдемелерiн беру шарттары мен
рәсiмдерiн бұзу

Бюджеттiк кредиттердi, мемлекеттiк кепiлдiктер мен мемлекет кепiлдемелерiн беру шарттары мен рәсiмдерiн бұзу -
лауазымды тұлғаларға елуден төрт жүз айлық есептiк көрсеткiшке дейiнгi мөлшерде айыппұл салуға әкеп соғады.".
4) 571-баптың 1-тармағы "177" деген сандардан кейiн "177-1, 177-2, 177-3 және 177-4" деген сандармен толықтырылсын;
5) 636-баптың бiрiншi бөлiгiнiң 1) тармақшасының жиырма үшiншi, қырық төртiншi абзацтар "177" деген сандардан кейiн "177-1, 177-2, 177-3 және 177-4" деген сандармен толықтырылсын;
3. 2004 жылғы 24 сәуiрдегi Қазақстан Республикасының Бюджет кодексiне (Қазақстан Республикасы Парламентiнiң Жаршысы, 2004 ж., N 8-9, 53-құжат; N 20, 116-құжат, N 23, 140, 142-құжаттар; 2005 ж. N 14, 55-құжат; N 21-22, 87-құжат; 2006 ж., N 1, 5-құжат; N 2, 20-құжат):
1) 2-бапта:
мынадай мазмұндағы 1-1, 5-тармақтармен толықтырылсын:
"1-1. Осы Кодексте көзделген жағдайларды қоспағанда, мемлекеттiк мекемелерге қатысты осы Кодекстiң ережелерi Қазақстан Республикасы Ұлттық Банкiне және Қазақстан Республикасы Ұлттық Банкi бюджетiнен (шығыстар сметасынан) қаржыландырылатын мемлекеттiк мекемелерге қолданылмайды.
5. Бюджет және салық заңнамалық актiлерi жобаларының ережелерi бюджеттiң түсiмдерiне, шығыстары мен құрылымдарына әсер еткен жағдайда осы жобалармен қатар тиiстi бюджеттер немесе қолданыстағы заңдарға өзгерiстер мен толықтырулар енгiзу туралы және тиiстi қаржы жылына арналған жергiлiктi бюджеттердi бекiту туралы мәслихат шешiмiнiң жобалары әзiрленедi.";
2) 4-бапта:
1-тармақта:
мынадай мазмұндағы 12-1) тармақшамен толықтырылсын:
"12-1) кепiлдiк берiлген трансферт - Қазақстан Республикасы Ұлттық қорынан республикалық бюджетке түсетiн қайтарымсыз түсiмдер;";
14) тармақша "дамудың" деген сөзден кейiн "стратегиялық және" деген сөздермен толықтырылсын;
16) және 17) тармақшалар алып тасталсын;
мынадай редакцияда жазылсын:
мынадай мазмұндағы 17-1) және 17-2) тармақшалармен толықтырылсын:
"17-1) көрсеткiштер - алға қойылған мақсаттарға қол жеткiзу үшiн бағдарламаны iске асыру нәтижелерiн көрсететiн сандық көрсеткiштер;
17-2) шоғырландырылған бюджет - республикалық бюджеттен, облыстық бюджеттен, республикалық маңызы бар қаланың, астананың бюджеттерiнен, Қазақстан Республикасының Ұлттық қорына жiберiлетiн және Қазақстан Республикасы Ұлттық Банкiндегi Қазақстан Республикасы Ұлттық қорының шоттарына аударылатын талдамалық ақпарат ретiнде қолданылатын және бекiтiлуге жатпайтын бюджетке түсетiн түсiмдерден тұратын бюджет;";
23) тармақша "(секторларының)" деген сөзден кейiн "стратегиялық және" деген сөздермен толықтырылсын;
25) тармақша мынадай редакцияда жазылсын:
"25) бюджет қаражатын алушылар - азаматтық-құқықтық мәмiлелер негiзiнде қызметтер көрсететiн заңды және жеке тұлғалар және бюджеттiк бағдарламаларды (кiшi бағдарламаларды) iске асыру шеңберiнде Қазақстан Республикасының заңнамасына сәйкес мемлекеттен игiлiктер алатын шаруа (фермерлiк) қожалықтары;";
26) тармақшадағы "дамыту" деген сөз "дамытудың стратегиялық" деген сөздермен ауыстырылсын;
27) тармақшада:
"нақтыланған" деген сөзден кейiн "республикалық немесе жергiлiктi" деген сөздермен толықтырылсын;
"ескере отырып" деген сөздерден кейiн ", сондай-ақ қаржы жылы iшiнде бөлiнетiн бюджеттiк бағдарламаларды бөлудi ескере отырып" деген сөздермен толықтырылсын;
29) тармақша алып тасталсын;
32) тармақша мынадай редакцияда жазылсын:
"32) қаржыландыру - бюджет қаражатын оны алушыларға, оның iшiнде мемлекеттiк әлеуметтiк тапсырыс шеңберiнде үкiметтiк емес ұйымдарға бөлу;
36) тармақша мынадай редакцияда жазылсын:
"36) бюджеттi атқару жөнiндегi орталық уәкiлеттi орган - бюджеттерді атқару, республикалық бюджеттi және өз құзыретi шегiнде жергiлiктi бюджеттердi және Қазақстан Республикасы Ұлттық қорын атқару жөнiндегi бюджеттiк есепке алу мен есептiлiктi жүргiзу саласындағы стратегиялық, әдiснамалық және үйлестiру функцияларын жүзеге асыратын орталық атқарушы орган;";
3) 11-бапта:
2-тармақтағы "шикiзат" деген сөз "мұнай" деген сөзбен ауыстырылсын;
3-тармақ мынадай редакцияда жазылсын:
"3. Қазақстан Республикасының Ұлттық қоры жинақтау және тұрақтандыру функцияларын жүзеге асырады. Жинақтау функциясы қаржылық активтердiң және материалдық емес активтердi қоспағанда, өзге де мүлiктердiң қорлануын және тәуекелдiң бiркелкi деңгейiнде ұзақ мерзiмдi перспективада Қазақстан Республикасы Ұлттық қоры активтерiнiң кiрiстiлiгiн қамтамасыз етедi. Тұрақтандыру функциясы Қазақстан Республикасы Ұлттық қорының активтерi өтiмдiлігінiң жеткiлiктi деңгейiн ұстауға арналған.
Тұрақтандыру функциясын жүзеге асыру үшiн Қазақстан Республикасы Ұлттық қорының пайдаланылатын бiр бөлiгi кепiлдiк берiлген трансферттi қамтамасыз ету үшiн қажеттi мөлшерде айқындалады.";
4) 12-бапта:
тақырыбындағы және мәтiндегi "Бюджеттiң", "бюджеттiң" деген сөздер "Республикалық және жергiлiктi бюджеттердiң", "республикалық және жергiлiктi бюджеттердiң" деген сөздермен ауыстырылсын;
1-тармақ "сатудан," деген сөзден кейiн "алынған трансферттерден" деген сөздермен толықтырылсын;
5) 13-баптың 1-тармағында:
бiрiншi абзацтағы "Бюджеттiң" деген сөз "Республикалық және жергiлiктi бюджеттердiң" деген сөздермен ауыстырылсын;
1) тармақшаның бесiншi абзацындағы "ресми" деген сөз алып тасталсын;
6) мынадай мазмұндағы 13-1-баппен толықтырылсын:

"13-1-бап. Шоғырландырылған бюджеттiң құрылымы

Шоғырландырылған бюджеттiң құрылымы мынадай бөлiмдерден тұрады:
1) республикалық бюджет;
2) облыс бюджетi, республикалық маңызы бар қаланың, астананың бюджет;
3) осы Кодекстiң 49-1-бабына сәйкес Қазақстан Республикасы Ұлттық қорына жiберiлетiн, бюджетке түсетiн түсiмдер және оларды Қазақстан Республикасы Ұлттық Банкiндегi Қазақстан Республикасы Ұлттық қорының шотына аудару.";
7) 14-бап мынадай редакцияда жазылсын:

"14-бап. Республикалық және жергiлiктi бюджеттердiң кiрiстерi

1. Салықтық түсiмдер - Қазақстан Республикасының Салық кодексiнде белгiленген салықтар және республикалық, жергiлiктi бюджеттерге төленетiн басқа да мiндеттi төлемдер және Қазақстан Республикасы Ұлттық қорына жiберiлетiн бюджетке түсетiн түсiмдер.
2. Салықтық емес түсiмдер - Қазақстан Республикасының Салық кодексiнде белгiленген, негiзгi капиталды, байланысты гранттарды сатудан түсетiн түсiмдерге жатпайтындардан басқа, осы Кодексте және Қазақстан Республикасының басқа да заң актiлерiнде белгiленген республикалық, жергiлiктi бюджеттерге төленетiн мiндеттi, қайтарылмайтын төлемдер және Қазақстан Республикасы Ұлттық қорына жiберiлетiн, бюджетке түсетiн түсiмдер, сондай-ақ, ресми трансферттерден басқа, бюджетке өтеусiз негiзде берiлетiн.
3. Мынадай ақшалар негiзгi капиталды сатудан түсетiн түсiмдер болып табылады:
1) мемлекеттiк мекемелерге бекiтiлiп берiлген мемлекеттiк мүлiктi сатудан түсетiн ақша;
2) мемлекеттiк материалдық резервтен тауарларды сатудан түсетiн ақша;
3) мемлекет меншiгiндегi жер учаскелерiн жеке меншiкке сатудан немесе оларды тұрақты немесе уақытша жер пайдалануға беруден не Қазақстан Республикасының заңдарында немесе халықаралық шарттарда көзделген жағдайларда жер учаскелерiн өзге құқықтық нысандарда өткiзуден түсетiн ақша;
4) мемлекетке тиесiлi материалдық емес активтердi сатудан түсетiн ақша.
4. Трансферттер түсiмдерi - Қазақстан Республикасының Ұлттық қорынан басқа, бюджеттiң бiр деңгейiнен екiншiсiне түсетiн түсiмдер.
5. Кiрiстердiң жаңа түрлерiн енгiзу, қолданылып жүргендерiнiң күшiн жою немесе оларды өзгерту осы Кодекске мiндеттi түрде өзгерiстер немесе толықтырулар енгізiле отырып жүзеге асырылады.
6. Нысаналы трансферттердi және мемлекеттiк мекемелердiң бiлiм беру, орман шаруашылығы және ерекше қорғалатын табиғи аумақтар саласындағы негiзгi қызметке жатпайтын тауарларды (жұмыстарды, қызметтердi) өткiзуiнен түсетiн түсiмдердi қоспағанда, кiрiстердiң нысаналы мақсаты болмайды.";
8) 15-бап мынадай редакцияда жазылсын:

"15-бап. Мемлекеттiк мекемелердiң тауарларды (жұмыстарды,
көрсетiлетiн қызметтердi) өткiзуiнен түсетiн ақша

Егер Қазақстан Республикасының заң актiлерiнде мемлекеттiк мекемелердiң өздерiнiң негiзгi қызметiне жатпайтын тауарларды (жұмыстарды, көрсетiлетiн қызметтердi) өткiзу құқығы көзделген болса, оларды өткiзуден түсетiн ақша тиiстi бюджетке есепке алынуға тиiс.
9) 16-бапта:
тақырыбындағы және 1, 2-тармақтарындағы "Бюджет", "бюджет шығындары", деген сөздер "Республикалық және жергiлiктi бюджеттердiң", "республикалық және жергiлiктi бюджеттердiң шығындары" деген сөздермен ауыстырылсын;
1) тармақшадағы "мемлекеттiк" деген сөз "бiлiм беру, орман шаруашылығы және ерекше қорғалатын табиғи аумақтар саласындағы заңнамалық актiлерге сәйкес жүзеге асырылатын бiлiм беру орман шаруашылығы және ерекше қорғалатын табиғи аумақтар саласындағы негiзгi емес қызметтi қоспағанда, мемлекеттiк" деген сөздермен ауыстырылсын;
мынадай мазмұндағы 1-1) тармақшамен толықтырылсын:
"1-1) бiлiм беру, орман шаруашылығы және ерекше қорғалатын табиғи аумақтар саласындағы заңнамалық актiлерге сәйкес мемлекеттiк мекемелердiң негiзгi емес қызметiн қамтамасыз ететiн шығындар;";
3) тармақша мынадай редакцияда жазылсын:
"3) мемлекеттiк тапсырысқа арналған шығындар - жеке, заңды тұлғалар және шаруа (фермер) қожалықтары көрсететiн қызметтерге мемлекеттiк мекемелердiң ақы төлеуi;";
5), 6) тармақшалар алып тасталсын;
3-тармақ мынадай редакцияда жазылсын:
"3. Бюджеттiк субсидиялар мемлекеттiк функцияларды орындаудың басқа барынша тиiмдi тәсiлi болмағанда және республиканы немесе осы аумақтағы өңiрдi дамытудың әлеуметтiк-экономикалық мiндеттерiн iске асыру кезiнде және Қазақстан Республикасының заңнамалық актілерiнде көзделген жағдайларда жеке, заңды тұлғаларға және шаруа (фермер) қожалықтарына берiлуi мүмкiн.
Басым мемлекеттiк функциялар және республиканы немесе осы аумақтағы өңiрдi дамытудың субсидиялануы тиiс әлеуметтiк-экономикалық мiндеттерiн iске асыру жөнiндегi бағыттар орта мерзiмдi фискалдық саясатта айқындалады.";
4-тармақтағы "Ресми трансферттердiң" деген сөздер "Трансферттердiң" деген сөздермен ауыстырылсын, "ресми" деген сөз алып тасталсын;
мынадай мазмұндағы 5-тармақпен толықтырылсын:
"5. Бiлiм беру, орман шаруашылығы және ерекше қорғалатын табиғи аумақтар саласындағы заңнамалық актiлерге сәйкес мемлекеттiк мекемелердiң негiзгi емес қызметiн қамтамасыз ететiн шығындары өздерiнiң негiзгi емес қызметiнен республикалық және жергiлiктi бюджеттерге түсетiн түсiмдерiнiң сомалары шегiнде ғана қаржыландырылады.";
10) 17-бапта:
2-тармақ мынадай редакцияда жазылсын:
"2. Қазақстан Республикасы Yкiметiнiң резервi:
1) төтенше резервтi;
2) шұғыл шығындарға арналған резервтi;
3) соттардың шешiмдерi бойынша мiндеттемелердi орындауға арналған резервтi;
4) облыстық бюджеттердiң, республикалық маңызы бар қала, астана бюджеттерiнiң ағымдағы жылғы қолма-қол ақшаның тапшылығы болжамы жағдайында оны жабуға арналған резервтi қамтиды.";
мынадай мазмұндағы 2-1-тармақпен толықтырылсын:
"2-1. Облыстық деңгейдегi атқарушы органдардың резервi:
1) төтенше резервтi:
2) шұғыл шығындарға арналған резервтi;
3) соттардың шешiмдерi бойынша мiндеттемелердi орындауға арналған резервтi;
4) аудандардың (облыстық маңызы бар қалалардың) бюджеттерi бойынша ағымдағы жылы қолма-қол ақшаның тапшылығын болжамы жағдайында оны жабуға арналған резервтi қамтиды.";
4-тармақтағы ", соттардың шешiмдерi бойынша Қазақстан Республикасы Үкiметiнiң, орталық мемлекеттiк органдардың, жергiлiктi атқарушы органдардың мiндеттемелерiн орындау" деген сөздер алып тасталсын;
мынадай мазмұндағы 4-1-тармақпен толықтырылсын:
"4-1. Соттардың шешiмдерi бойынша мiндеттемелердi орындауға арналған резерв соттардың шешiмдерi бойынша Қазақстан Республикасы Үкiметiнiң, орталық мемлекеттiк органдардың, олардың ведомстволарының және аумақтық бөлiмшелерiнiң, жергiлiктi атқарушы органдардың мiндеттемелерiн орындауға пайдаланылады";
5 және 6-тармақтар мынадай редакцияда жазылсын:
"5. Облыстық бюджетке, республикалық маңызы бар қала, астана бюджетiне олардың бюджеттерiнде ағымдағы қаржы жылы қолма-қол ақша тапшылығының болжамы жағдайында кредит беру үшiн тиiстi қаржы жылына арналған республикалық бюджетте резерв көзделедi.
6. Аудандардың (облыстық маңызы бар қалалардың) бюджеттерiне ағымдағы олардың бюджеттерiнде қаржы жылы қолма қол ақша тапшылығының болжамы жағдайында кредит беру үшiн тиiстi қаржы жылына арналған облыстық бюджетте резерв көзделедi";
7-тармақтағы "кассалық алшақтықты жабуға" деген сөздер "ағымдағы жылы қолма-қол ақша тапшылығы жағдайында" деген сөздермен ауыстырылсын;
11) 18-бапта:
4-тармақта:
бiрiншi бөлiк "бағдарламалары болған" деген сөздерден кейiн "және бюджет қаражатының бос қалдықтары осы Кодекстiң 91-бабы 6-тармағының 1) тармақшасында айқындалған мақсаттарға бюджет қаражатының бос қалдықтары пайдаланылған" деген сөздермен толықтырылсын;
5-тармақтағы "орта мерзiмдi фискалдық саясатпен" деген сөздер "әлеуметтiк-экономикалық дамудың орта мерзiмдi жоспарында" деген сөздермен ауыстырылсын;
12) 21, 23-баптар мынадай редакцияда жазылсын:

"21-бап. Бюджет тапшылығы (профицитi)

1. Бекiтiлген, нақтыланған және түзетiлген республикалық және жергiлiктi бюджеттердiң тапшылығы (профицитi) олардың борышының негiзгi сомасын өтеу сомасын шегерiп тастағандағы қарыз алу сомасына тең.
Оң белгiмен алынған шама бекiтiлген, нақтыланған, және түзетiлген республикалық және жергiлiктi бюджеттердiң тапшылығы, терiс белгi - бюджеттiң профицитi болып табылады.
2. Бекiтiлген, нақтыланған және түзетiлген республикалық бюджеттiң мұнай емес тапшылығы (профицитi) Қазақстан Республикасы Ұлттық қорының түсiмдерiнен басқа, республикалық бюджет шығыстарын шегерiп тастағандағы республикалық бюджет түсiмдерiнiң сомасына тең.";
3. Республикалық бюджеттiң тапшылығы соңғы бес жыл iшiндегi кепiлдiк берiлген трансферттi ескермей, Қазақстан Республикасының Ұлттық қорына түсетiн жалпы түсiмдер ретiнде есептелетiн Қазақстан Республикасы Ұлттық қорының орташа жылдық өсiмiнен аспауға тиiс.

23-бап. Қазақстан Республикасының Ұлттық қорын
қалыптастыру көздерi

1. Қазақстан Республикасының Ұлттық қорын қалыптастырудың көздерi:
1) осы Кодекстiң 49-1-бабына сәйкес Қазақстан Республикасы Ұлттық қорына жiберiлетiн, бюджетке түсетiн түсiмдер;
2) Қазақстан Республикасы Ұлттық қорын басқарудан түсетiн инвестициялық кiрiстер;
3) Қазақстан Республикасының заңнамасында тыйым салынбаған өзге де түсiмдер мен кiрiстер.
2. Мұнай секторы кәсiпорындарына шикi мұнайды және газ конденсатын өндiрумен және (немесе) өткiзумен айналысатын заңды тұлғалар жатады.
Мұнай секторы кәсiпорындарының тiзбесi тиiстi қаржы жылына арналған республикалық бюджет туралы Заңын iске асыру туралы Қазақстан Республикасы Үкiметiнiң қаулысымен бекiтiледi.
3. Қазақстан Республикасының Ұлттық қорын басқарудан түсетiн инвестициялық кiрiстер Қазақстан Республикасының Ұлттық қорын материалдық емес активтерді қоспағанда, шетелдiк қаржы құралдарына орналастырудан құрылады.";
13) 24-бапта:
1-тармақта:
1) тармақша мынадай редакцияда жазылсын:
"1) Қазақстан Республикасы Ұлттық қорынан кепiлдiк берiлген трансферт түрiнде республикалық бюджетке тиiстi қаржы жылына арналған бюджеттiк даму бағдарламаларды (кiшi бағдарламаларды) iске асыруға;";
2-тармақта:
"қаржылық активтерге және" деген сөздер алып тасталсын;
"өзге де мүлiктерге" деген сөздер "шетелдiк қаржы құралдарына" деген сөздермен ауыстырылсын;
5-тармақ алып тасталсын;
6-тармақ мынадай редакцияда жазылсын:
"6. Қазақстан Республикасы Ұлттық қорының кепiлдiк берiлген трансфертiнiң мөлшерi республикалық бюджеттi әзiрлейтiн жыл алдындағы қаржы жылының соңындағы жағдай бойынша Қазақстан Республикасының Ұлттық қоры активтерiнiң үштен бiр бөлiгiнен аспауға тиiс.
Қазақстан Республикасы Ұлттық қорының үш жылдық кезеңге арналған кепiлдiк берiлген трансфертiнiң мөлшерi Қазақстан Республикасының Үкiметi белгiлейтiн тәртiппен айқындалады және Қазақстан Республикасының заңнамалық актiсiмен бекiтiледi.";
мынадай мазмұндағы 8-тармақпен толықтырылсын:
"8. Қазақстан Республикасы Ұлттық қорына түсетiн немесе Қазақстан Республикасы Ұлттық қорынан алынатын активтер Қазақстан Республикасы Ұлттық Банкi белгiлейтiн тәртiппен айырбастауға немесе қайта айырбастауға жатады.";
14) 26-баптың 3-тармағы мынадай редакцияда жазылсын:
"3. Бiрыңғай бюджеттiк сыныптама шоғырландырылған бюджеттiң барлық деңгейлерi үшiн бiрыңғай және мiндеттi әрi республиканың және республикалық және жергiлiктi бюджеттердiң стратегиялық, орта мерзiмдi, жылдық бағдарламалары мен даму жоспарлары теңгерiмдiлiгiне қол жеткiзу мақсатында олардың көрсеткiштер жүйесiн үйлестiру құралдарының бiрi болып табылады.";
15) 29-бапта:
1-тармақтағы "республикада мемлекеттiк саясатты" деген сөздер "республиканың стратегиялық және орта мерзiмдi бағдарламалары даму жоспарларын" деген сөздермен ауыстырылсын;
3-тармақ мынадай редакцияда жазылсын:
"3. функционалдық топ - елдiң стратегиялық даму басымдықтарына сай келетiн және әрқайсысының нақты мақсатын көрсететiн елдiң негiзгi даму бағыттарын көрсетедi.
Функционалдық iшкi топ елдi дамытудың әрбiр стратегиялық басымдығы жөнiндегi мiндеттер топтарын функционалдық топ iшiнде нақтылайды.";
16) 30-бапта:
2-тармақта:
"әкiмшiсi" деген сөзден кейiн "егер ол бiр мезгiлде бюджеттiк бағдарламаның әкiмшiсi әрi мемлекеттiк мекеме болып табылған және тиiстi мемлекеттiк мекемелердiң бюджеттiк бағдарламаларды (кiшi бағдарламаларды) iске асыруы жөнiндегi және олардың бюджет қаражатын пайдалануы жөнiндегi жұмысын үйлестiрген жағдайда" деген сөздермен толықтырылсын;
"пайдаланылуына" деген сөз "iске асырылуына" деген сөзбен ауыстырылсын;
3-тармақ "Мемлекеттiк" деген сөзден кейiн "облыстық бюджеттiк бағдарламалардың, республикалық маңызы бар қалалардың, астананың бюджеттiк бағдарламаларының әкiмшiлерi болып табылатын облыстық, республикалық маңызы бар қаланың, астананың iшкi iстер органдарын қоспағанда, мемлекеттiк" деген сөздермен толықтырылсын;
17) 31-бап "мемлекеттiк органдар" деген сөздерден кейiн "өздерiнiң Қазақстан Республикасының заңнамалық актiлерiнде белгiленген функцияларына сәйкес" деген сөздермен толықтырылсын;
18) 32-баптың 2 және 3-тармақтары мынадай редакцияда жазылсын:
"2. Облыс, республикалық маңызы бар қалалар, астана әкiмдерi мен мәслихаттарының аппараттары, облыстардың, республикалық маңызы бар қалалардың, астананың әкiмдiктерi уәкiлеттiк берген атқарушы органдар және облыстардың, республикалық маңызы бар қалалардың, астананың iшкi iстер органдары өздерiнiң Қазақстан Республикасының заңнамалық актiлерiнде белгiленген функцияларына сәйкес облыстық бюджеттiк бағдарламалардың, республикалық маңызы бар қалалардың, астананың бюджеттiк бағдарламаларының әкiмшiлерi болып табылады.
3. Аудан (облыстық маңызы бар қала) әкiмi мен мәслихатының аппараттары, ауданның (облыстық маңызы бар қаланың) әкiмдiгi уәкiлеттiк берген атқарушы органдар өздерiнiң Қазақстан Республикасының заңнамалық актiлерiнде белгiленген функцияларына сәйкес аудандық (қалалық) бюджеттiк бағдарламалардың әкiмшiлерi болып табылады.";
19) 33-бапта:
1-тармақ мынадай редакцияда жазылсын:
"1. Бюджеттiк бағдарлама - мемлекеттiк басқару функцияларын, республиканы немесе өңiрдi дамытудың стратегиялық, орта мерзiмдi бағдарламалары мен даму жоспарларын iске асыру үшiн қабылданған бюджет қаражатымен қамтамасыз етiлетiн iс-шаралар кешенi.";
2-тармақтағы "бюджет шығыстарының" деген сөздер "мемлекеттiк қызметтердiң" деген сөздермен ауыстырылсын;
3-тармақтың бiрiншi бөлiгі мынадай редакцияда жазылсын:
"Бюджеттiк бағдарламаның iске асырылу нәтижелерiн көрсететiн мақсаты, мiндеттерi және көрсеткiштерi болуға тиiс.";
мынадай мазмұндағы бөлiкпен толықтырылсын:
"Көрсеткiштер мақсатқа нақты сай келуге және оңай есептелуге тиiс.";
4-тармақ мынадай редакцияда жазылсын:
"4. Бюджеттiк бағдарламаның атауы мемлекеттiк функциялардың мақсаттарын, Қазақстан Республикасының заңнамасымен қабылданған стратегиялық және орта мерзiмдi бағдарламалар мен даму жоспарларының мiндеттерiн айқын көрсетуге тиiс.
Бюджеттiк бағдарламаның мазмұны мемлекеттiк функцияларға, Қазақстан Республикасының заңнамасымен қабылданған, тиiстi мемлекеттiк қызметтердi көрсететiн республиканың стратегиялық және орта мерзiмдi бағдарламалары мен даму жоспарлары мiндеттерiнiң iс-шараларына сәйкес болуға тиiс.";
20) 34-бапта:
1-тармақ мынадай редакцияда жазылсын:
"1. Бюджеттiк бағдарламалардың мақсаты бойынша олардың iске асырылу нәтижелерiне байланысты ағымдағы бюджеттiк бағдарламаларға және бюджеттiк даму бағдарламаларына бөлiнедi.
Ағымдағы бюджеттiк бағдарламалар - нәтижелерi мемлекеттiк басқару функцияларын және мемлекеттiң мiндеттемелерiн орындау бойынша Қазақстан Республикасының заңнамалық актiлерiне сәйкес бюджеттiк бағдарламалар әкiмшiлерiнiң қызметiн қамтамасыз етуге және республиканың немесе өңiрдiң стратегиялық және орта мерзiмдi бағдарламалары мен даму жоспарларының мақсатына қол жеткiзуге және мiндеттерi мен iс-шараларын шешуге бағытталған бюджеттiк бағдарламалар.
Бюджеттiк даму бағдарламалары - нәтижелерi экономикалық пайда алуға немесе әлеуметтiк-экономикалық тиiмдiлiкке қол жеткiзуге жiберiлген республиканың немесе өңiрдiң стратегиялық және орта мерзiмдi бағдарламаларының және даму жоспарларының мақсатына қол жеткiзу және мiндеттерi мен iс-шараларын шешуге тiкелей ықпал ететiн бюджеттiк бағдарламалар.";
3-тармақтың 2) тармақшасындағы "Қазақстан Республикасы Yкiметiнiң қаулысымен немесе жергiлiктi атқарушы органның нормативтiк құқықтық актiсiмен белгiленедi" деген сөздер "Қазақстан Республикасының Үкiметi айқындайтын тәртiппен жүзеге асырылады" деген сөздермен ауыстырылсын;
21) 35-бап мынадай редакцияда жазылсын:

"35-бап. Бюджеттiк бағдарламалардың тиiмдiлiгiн бағалау

1. Бюджеттiк бағдарламалардың тиiмдiлiгiн бағалау оларды әзiрлеу, iске асыру, iске асырылуын бақылауды жүзеге асыру, республикалық және жергiлiктi бюджеттi жоспарлау сатыларында жүзеге асырылады.
2. Бюджеттiк бағдарламаның тиiмдiлiгiн бюджеттiк бағдарламаны әзiрлеу сатысында бағалауды бюджеттiк бағдарламаның әкiмшiсi бюджеттiк бағдарламаны қалыптастыру және жоспарлау сапасын айқындау арқылы жүзеге асырады.
Бюджеттiк бағдарламаны қалыптастыру сапасын айқындау мыналардың талдауын қамтиды:
1) қойылған мақсаттар, мiндеттер мен iс-шаралардың қазiргi проблемаларға сәйкес келуi;
2) бюджеттiк бағдарламаның мақсаттарын, мiндеттерiн және iс-шараларын айқын әрi нақты жазылуы;
3) қазiргi проблемаларды ықтимал баламалы шешу жолдарының болуы және олар ұсынатын шешу жолдарын дұрыс таңдауын және шешу жолдары тиiмдiлiгiнiң өлшемдерiн айқындауы;
4) күтiлетiн нәтижелердiң бюджеттiк бағдарламаның қойылған мақсаттарына, мемлекеттiк қызметтердi тұтынушылардың мүдделерi мен қажеттiлiктерiне келуi;
5) көрсеткiштердiң стратегиялық мақсаттарға, бюджеттiк бағдарламаның мақсаттары мен мiндеттерiне және мемлекеттiк қызметтердi тұтынушылардың қажеттiлiктерiне сәйкес келу тұрғыдан оларды дұрыс таңдауы.
Бюджеттiк бағдарламаны жоспарлау сапасын айқындау мыналардың талдауын қамтиды:
1) бюджеттiк бағдарламаның мақсаттарына қол жеткiзу және мiндеттерiн орындау үшiн мемлекеттiк мекемелердiң ресурстарға қажеттiлiгi;
2) заттай нормаларды ескере отырып айқындалатын бюджеттiк бағдарламаның экономикалық құрылымы бойынша нормативтiк, сандық және құндық көрсеткiштерге сәйкес мемлекеттiк мекемелердiң қажеттiлiк құнын жоспарлау.
3. Тиiмдiлiктi бюджеттiк бағдарламаларды iске асыру сатысында бағалау бюджеттiк бағдарламаны iске асыруды басқару сапасын және оны iске асыру нәтижелiлiгiн айқындау арқылы жүзеге асырылады:
Бюджеттiк бағдарламаны iске асыруды басқарудың сапасын айқындау мыналардың талдауын қамтиды:
1) бюджеттiк бағдарламаның әкiмшiсiнде бюджеттiк бағдарламаны iске асырудың тиiмдiлiгiн бағалау нәтижелерiнiң болуы;
2) бюджеттiк бағдарламаның тиiмдiлiгiн бағалауды жүргiзудiң уақтылығы;
3) бюджеттiк бағдарламаның iс-шараларын оның паспортына сәйкес iске асырудың уақтылығы;
4) бюджеттiк бағдарлама әкiмшiсiнiң бюджеттiк бағдарламаны одан әрi iске асыру жөнiндегi шешiм қабылдауының және оны iске асырудан бас тартуының уақтылығы;
5) бюджеттiк бағдарламаның тиiмдiлiгiн арттыру және мақсаттарға, мiндеттерге және күтiлетiн нәтижелерiне, көрсеткiштерге қол жеткiзу жөнiндегi уақтылы iс-қимылдары;
6) бюджеттiк бағдарламаны iске асыруға қатысатын адамдардың есептiлiгi.
Бюджеттiк бағдарламаны iске асыру нәтижелiлiгiн айқындау мыналардың талдауын қамтиды:
1) алынған нәтижелер мен көрсеткiштерге қол жеткiзу деңгейi;
2) алынған нәтижелердiң тиiстi стратегиялық мақсаттар мен мiндеттерге және бюджеттiк бағдарламаның өз мақсаттары мен мiндеттерiне сәйкестiгi;
3) алынған нәтижелердiң мемлекеттiк қызметтердi тұтынушылардың мүдделерi мен қажеттiлiктерiне сәйкестiгi;
4) бюджеттiк бағдарламаның нәтижелерiне қойылатын жоғарыда келтiрiлген талаптарды растайтын құжаттардың болуы.
Бюджеттiк бағдарламалар тиiмдiлiгiн бағалауды жүргiзу кезiнде үкiметтiк емес ұйымдар (қоғамдық бiрлестiктер) мемлекеттiк қызметтердi алушыларға сауал жүргiзу негiзiнде алынған оларды ұсыну сапасы туралы ақпаратты пайдалануы мүмкiн.
4. Бюджеттiк бағдарламалардың тиiмдiлiгiн жоспарлау сатысында бағалауды бюджеттiк жоспарлау жөнiндегi орталық және жергiлiктi уәкiлеттi органдар мыналардың негiзiнде жүргiзедi:
1) болжанатын қаржы жылына арналған паспорттар, қаржыландыру жоспарларының жылдық сомалары, жеке қаржыландыру жоспарларының, бюджеттiк бағдарлама бойынша шығыстар есебi жобалары;
2) бюджеттiк бағдарламаның әкiмшiсi жүргiзген бюджеттiк бағдарламаның тиiмдiлiгiн бағалау нәтижелерi.
Бюджеттiк бағдарламалардың тиiмдiлiгiн бағалау мыналарға сәйкес жүзеге асырылады:
1) қабылданған тиiстi болжамды жылдарға арналған республиканың немесе өңiрдiң стратегиялық, орта мерзiмдi бағдарламалары мен әлеуметтiк-экономикалық дамуы жоспарлары;
2) егер осы бағдарламаны алдағы жылға iске асыру көзделсе өткен және ағымдағы жылдың бюджеттiк бағдарламаларын iске асыруды талдау.
Бюджеттi жоспарлау сатысында тиiмдiлiгiн бағалау нәтижелерi негiзiнде бюджеттiк жоспарлау жөнiндегi орталық және жергiлiктi уәкiлеттi органдар ағымдағы қаржы жылының 1 маусымына дейiнгі мерзiмде үш жылдық кезеңге арналған басымды бюджеттiк бағдарламалардың (кiшi бағдарламалардың) тiзбесiн қалыптастырады.
5. Бюджеттiк бағдарламалардың iске асырылуын сыртқы бақылау кезiнде бюджеттiк бағдарламалардың тиiмдiлiгiн бағалауды жүргiзу тәртiбiн Республикалық бюджеттiң атқарылуын бақылайтын есеп комитетi айқындайды.
6. Бюджеттiк бағдарламалардың iске асырылуын iшкi бақылау кезiнде бюджеттiк бағдарламалардың тиiмдiлiгiн бағалауды жүргiзу тәртiбiн Қазақстан Республикасының Үкiметi айқындайды.";
22) 38-бапта:
1-тармақ мынадай редакцияда жазылсын:
"1. Бюджетаралық қатынастар бюджет процесiндегi республикалық, облыстық бюджеттер, республикалық маңызы бар қалалардың, астананың, аудандардың (облыстық маңызы бар қалалардың) бюджеттерi арасындағы және республикалық бюджет пен Қазақстан Республикасының Ұлттық қоры арасындағы қатынастар болып табылады.";
5-тармақтағы "бюджеттер деңгейлерi" деген сөздер "республикалық, облыстық бюджеттер, республикалық маңызы бар қалалардың, астананың, аудандардың (облыстық маңызы бар қалалардың) бюджеттерi" деген сөздермен ауыстырылсын;
мынадай мазмұндағы 8-тармақпен толықтырылсын:
"8. төмен тұрған бюджеттердiң жоғары тұрған органдардың жалпы сипаттағы трансферттердiң үш жылдық көлемiнiң қолданылу кезеңiнде шығыстардың ұлғаюына және (немесе) табыстардың азаюына әкелген нормативтiк құқықтық актiлер қабылдауынан туындаған шығасылары өтеу мiндеттi түрде жоғары тұрған бюджеттен ағымдағы нысаналы трансферттер бөлу арқылы жүргiзiледi.";
23) 39-бапта:
7) тармақша мынадай редакцияда жазылсын:
"7) республикалық бюджеттiк бағдарлама әкiмшiсiнiң нысаналы республикалық бюджеттен алынатын трансферттер мен кредиттер есебiнен қаржыландырылатын облыстық бюджеттiк бағдарламалардың күтiлетiн нәтижелерi мен көрсеткiштерiне қол жеткiзу үшiн жауаптылығы;";
мынадай мазмұндағы 8), 9) және 10) тармақшалармен толықтырылсын:
"8) облыстың, республикалық маңызы бар қаланың, астананың жергiлiктi атқарушы органдарының республикалық бюджеттен алынған нысаналы трансферттер мен кредиттердi тиiмдi әрi нысаналы пайдалануы үшiн жауаптылығы;
9) облыстық бюджеттiк бағдарлама әкiмшiсiнiң облыстық бюджеттен алынатын нысаналы трансферттер мен кредиттер есебiнен қаржыландырылатын аудандық бюджеттiк бағдарламалардың күтiлетiн нәтижелерi мен көрсеткiштерiне қол жеткiзу үшiн жауаптылығы;
10) ауданның (облыстық маңызы бар қаланың) жергiлiктi атқарушы органдарының облыстық бюджеттен алынған нысаналы трансферттер мен кредиттердi тиiмдi және нысаналы пайдалану үшiн жауаптылығы;";
24) 40-бапта:
1-тармақтағы "ресми" деген сөз алып тасталсын;
2-тармақтағы "Ресми трансферттер" деген сөздер "Трансферттер" деген сөздермен ауыстырылсын;
6-тармақта:
екiншi бөлiкте:
"мен кредиттердiң" және "мен кредиттердi" деген сөздер алып тасталсын;
"он күн" деген сөздер "бiр ай" деген сөздермен ауыстырылсын;
"бюджетке" деген сөзден кейiн "бюджет қаражатының бос қалдықтары есебiнен" деген сөздермен толықтырылсын;
мынадай мазмұндағы бөлiкпен толықтырылсын:
"Нысаналы трансферттердiң қаржы жылы iшiнде пайдаланылмаған (толық пайдаланылмаған) сомаларын оларды бөлген жоғары тұрған бюджетке ағымдағы қаржы жылының желтоқсан айында қайтаруға рұқсат етiледi.";
мынадай мазмұндағы 7-тармақпен толықтырылсын:
"7. Қазақстан Республикасы Ұлттық қорынан республикалық бюджетке өткен қаржы жылы үшiн аударылмаған кепiлдiк берiлген трансферттiң сомасын Қазақстан Республикасының Yкiметi республикалық бюджет комиссиясының шешiмi бойынша Қазақстан Республикасының Yкiметi айқындаған тәртiппен ағымдағы қаржы жыл басындағы оның толық пайдаланылмаған сомаларынан артық емес көлемде алдыңғы жылдың республикалық бюджеттiк даму бағдарламаларын қаржыландыру үшiн ағымдағы қаржы жылында пайдалануға құқылы.";
25) 41-баптың тақырыбындағы және мәтiн бойынша "ресми" деген сөз алып тасталсын;
26) 42-баптың тақырыбындағы және мәтiн бойынша "ресми" деген сөз алып тасталсын;
27) 43-баптың 1, 2-тармақтарындағы "ресми" деген сөз алып тасталсын;
28) 44-бап мынадай редакцияда жазылсын:

"44-бап. Нысаналы даму трансферттерi

Жоғары тұрған бюджеттер төмен тұрған бюджеттерге республикалық немесе жергiлiктi бюджеттерде бекiтiлген сомалар шегiнде:
1) мемлекеттік және салалық (секторалдық) бағдарламалар немесе өңiрлiк бағдарламалар негiзiнде жергіліктi атқарушы органдар ұсынатын жергiлiктi бюджеттiк инвестициялық жобаларды (бағдарламаларды) iске асыру;
2) мемлекеттiк басқарудың төмен тұрған органдарының жоғары тұрған мемлекеттiк басқару органдарының құзыретiне жататын экономикалық пайда немесе әлеуметтiк-экономикалық тиiмдiлiк алуға бағытталған республиканың стратегиялық және орта мерзiмдi бағдарламалары мен даму жоспарларын орындауы үшiн берiлетiн ресми трансферттер нысаналы даму трансферттер болып табылады.";
29) 45-баптың 1-тармағында:
"асыруға және" деген сөздерден кейiн "қолма-қол ақша тапшылығы болған жағдайда" деген сөздермен толықтырылсын;
"кассалық алшақтықты" деген сөздер "қолма-қол ақшаның болжамды тапшылығын" деген сөздермен ауыстырылсын;
30) 7-тараудың тақырыбы мынадай редакцияда жазылсын:
"7-тарау. Бюджетке түсетiн түсiмдердi республикалық, облыстық бюджеттер, республикалық маңызы бар қаланың, астананың, ауданның (облыстық маңызы бар қаланың) бюджеттерi мен Қазақстан Республикасы Ұлттық қоры арасында бөлу";
31) 46-бапта:
1-тармақта:
1) тармақшадағы "корпорациялық" деген сөз "мұнай секторы кәсiпорындарынан түсетiн түсiмдердi қоспағанда, корпорациялық" деген сөздермен ауыстырылсын;
5) тармақша мынадай редакцияда жазылсын:
"5) мұнай секторы кәсiпорындарынан түсетiн түсiмдердi қоспағанда, үстеме пайдаға салынатын салық;";
6) тармақша алып тасталсын;
7) және 8) тармақшалар мынадай редакцияда жазылсын:
"7) мұнай секторы кәсiпорындарынан түсетiн түсiмдердi қоспағанда, бонустар;
8) мұнай секторы кәсiпорындарынан түсетiн түсiмдердi қоспағанда, роялти;";
9) тармақшадағы "Қазақстан Республикасының" деген сөздер "мұнай секторы кәсiпорындарынан түсетiн түсiмдердi қоспағанда, Қазақстан Республикасының" деген сөздермен ауыстырылсын;
4-тармақта:
мәтiн бойынша "ресми" деген сөз алып тасталсын;
2) тармақшадағы "нысаналы" деген сөз "кепiлдiк берiлген" деген сөздермен ауыстырылсын;
32) 47-баптың 4-тармағындағы "ресми" деген сөз алып тасталсын;
33) 48-бапта:
3-тармақтың 2) тармақшасындағы "жер учаскелерiн" деген сөздер "ауыл шаруашылығы мақсатындағы жер учаскелерiн қоспағанда, жер учаскелерiн" деген сөздермен ауыстырылсын;
4-тармақтағы "ресми" деген сөз алып тасталсын;
34) 49-бапта:
3-тармақтың 2) тармақшасындағы "жер учаскелерiн" деген сөздер "ауыл шаруашылығы мақсатындағы жер учаскелерiн қоспағанда, жер учаскелерiн" деген сөздермен ауыстырылсын;
4-тармақтағы "ресми" деген сөз алып тасталсын;
35) мынадай мазмұндағы 49-1-баппен толықтырылсын:

"49-1-бап. Қазақстан Республикасы Ұлттық қорына
жiберiлетiн, бюджетке түсетiн түсiмдер

1. Қазақстан Республикасы Ұлттық қорына жiберiлетiн, бюджетке түсетiн түсiмдер мыналардан тұрады:
1) мұнай секторы кәсiпорындарынан түсетiн тiкелей салықтар (жергiлiктi бюджеттерге есепке алынатын салықтарды қоспағанда), оларға мыналар жатады:
корпорациялық табыс салығы, үстеме пайдаға салынатын салық;
роялти, бонустар, өнiмдi бөлу бойынша үлес;
экспортталатын шикi мұнайға, газ конденсатына рента салығы;
2) тау-кен өндiру және өңдеушi салаларға жататын республикалық меншiктегi мемлекеттiк мүлiктi жекешелендiруден түсетiн түсiмдер;
3) ауыл шаруашылығы мақсатындағы жер учаскелерiн сатудан түсетiн түсiмдер.";
36) 50-бапта:
1-тармақта:
1) тармақша мынадай мазмұндағы абзацпен толықтырылсын:
"өңiрлiк қаржы орталығының қызметiн реттеу.";
4) тармақша мынадай мазмұндағы абзацпен толықтырылсын:
"республикалық деңгейде бiлiм беру саласындағы заңнамалық актiлерге және осы Кодекске сәйкес тауарларды (жұмыстарды, қызметтердi) өткiзуiнен түсетiн ақша есебiнен бiлiм беру саласындағы тиiстi негiзгi емес қызметтi жүргiзу;";
8) тармақша мынадай мазмұндағы абзацпен толықтырылсын:
"республикалық деңгейде орман шаруашылығы және ерекше қорғалатын табиғи аумақтар саласындағы заңнамалық актiлерге және осы Кодекске сәйкес тауарларды (жұмыстарды, қызметтердi) өткiзуден түсетiн ақша есебiнен орман шаруашылығы және ерекше қорғалатын табиғи аумақтар саласындағы тиiстi негізгi емес қызметтi жүргiзу;";
12) тармақшада:
екiншi абзацтағы "ресми" деген сөз алып тасталсын;
үшiншi абзац алып тасталсын;
мынадай мазмұндағы абзацпен толықтырылсын:
"мемлекет кепiлдемелерi бойынша мiндеттемелердi орындау;";
37) 51-баптың 1-тармағында:
3) тармақша мынадай мазмұндағы абзацпен толықтырылсын:
"облыстық деңгейде бiлiм беру саласындағы заңнамалық актiге және осы Кодекске сәйкес тауарларды (жұмыстарды, қызметтердi) өткiзуден түсетiн ақша есебiнен бiлiм беру саласында негiзгi емес қызметтi жүргiзу;";
8) тармақша мынадай мазмұндағы абзацпен толықтырылсын:
"облыстық деңгейде орман шаруашылығы және ерекше қорғалатын табиғи аумақтар саласындағы заңнамалық актiлерге және осы Кодекске сәйкес тауарларды (жұмыстарды, қызметтердi) өткiзуден түсетiн ақша есебiнен орман шаруашылығы және ерекше қорғалатын табиғи аумақтар саласында негiзгi емес қызметтi жүргiзу;";
12) тармақшадағы "ресми" деген сөз алып тасталсын;
38) 52-баптың 1-тармағында:
3) тармақша мынадай мазмұндағы абзацпен толықтырылсын:
"республикалық маңызы бар қала, астана деңгейiнде бiлiм беру саласындағы заңнамалық актiге және осы Кодекске сәйкес тауарларды (жұмыстарды, қызметтердi) өткiзуден түсетiн ақша есебiнен бiлiм беру саласында негiзгi емес қызметтi жүргiзу;";
8) тармақша мынадай мазмұндағы абзацпен толықтырылсын:
"республикалық маңызы бар қала, астана деңгейiнде орман шаруашылығы және ерекше қорғалатын табиғи аумақтар саласындағы заңнамалық актiлерге және осы Кодекске сәйкес тауарларды (жұмыстарды, қызметтердi) өткiзуден түсетiн ақша есебiнен орман шаруашылығы және ерекше қорғалатын табиғи аумақтар саласында негізгi емес қызметтi жүргiзу;";
12) тармақшада:
екiншi абзацтағы "ресми" деген сөз алып тасталсын;
төртiншi абзац алып тасталсын;
39) 53-баптың 1-тармағында:
3) тармақша мынадай мазмұндағы абзацпен толықтырылсын:
"аудандық (облыстық маңызы бар қала) деңгейде бiлiм беру саласындағы заңнамалық актiге және осы Кодекске сәйкес тауарларды (жұмыстарды, қызметтердi) өткiзуден түсетiн ақша есебiнен бiлiм беру саласында негiзгi емес қызметi жүргiзу;";
7) тармақша мынадай мазмұндағы абзацпен толықтырылсын:
"аудандық (облыстық маңызы бар қала) деңгейде орман шаруашылығы және ерекше қорғалатын табиғи аумақтар саласындағы заңнамалық актiлерге және осы Кодекске сәйкес тауарларды (жұмыстарды, қызметтердi) өткiзуден түсетiн ақша есебiнен орман шаруашылығы және ерекше қорғалатын табиғи аумақтар саласында негiзгi емес қызметтi жүргiзу;";
9) тармақшада:
екiншi абзац алып тасталсын;
үшiншi абзацтағы "ресми" деген сөз алып тасталсын;
4-тармақта:
4) тармақша мынадай редакцияда жазылсын:
"4) мектепке дейiнгi тәрбие мен бiлiм беру ұйымдарын қолдау";
13) тармақша мынадай редакцияда жазылсын:
"13) жергілiктi деңгейде мәдени-демалыс жұмысын қолдау;";
40) 55-бап мынадай мазмұндағы 8-1) тармақшамен толықтырылсын:
"8-1) мемлекеттiк бағдарламаларды әзiрлеу, iске асыру және олардың тиiмдiлiгін бағалау тәртiбiн айқындайды;";
41) 58-бапта:
7) тармақша мынадай редакцияда жазылсын:
"7) мұнай секторы кәсiпорындарының тiзбесiне өзгерiстер мен толықтырулар енгізедi;";
мынадай мазмұндағы 7-1) тармақшамен толықтырылсын:
"7-1) салалық (секторалдық), өңiрлiк және бюджеттiк бағдарламаларды әзiрлеу, iске асыру және олардың тиiмдiлiгiн бағалау тәртiбiн айқындайды;";
9) тармақша "бюджеттiк" деген сөздiң алдынан "жергiлiктi" деген сөзбен толықтырылсын;
мынадай мазмұндағы 12-1) тармақшамен толықтырылсын:
"12-1) Қазақстан Республикасы Үкiметiнiң мемлекеттiк емес қарыздар бойынша мемлекет кепiлдемесiн ұсынуы тәртiбiн, мемлекет кепiлдемесiмен тартылатын қарыздарды алу, пайдалану, өтеу, оларды тiркеу мен есепке алу, мониторингi және кепiлдеме бойынша борышты басқару тәртiбiн айқындайды;";
13) тармақша алып тасталсын;
мынадай мазмұндағы 14-1) тармақшамен толықтырылсын:
"14-1) республикалық және жергiлiктi бюджеттерден алынатын субсидияларды төлеу тәртiбiн айқындайды;";
19) тармақшадағы "ресми" деген сөз алып тасталсын;
23) тармақша алып тасталсын;
26) тармақшадағы "және жергiлiктi атқарушы органдардың штат саны лимитiн" деген сөздер ", жергiлiктi атқарушы органдардың штат саны лимиттерi мен нормативтерiн" деген сөздермен ауыстырылсын;
42) 59-бапта:
мынадай мазмұндағы 1-1) тармақшамен толықтырылсын:
"1-1) басым бюджеттiк бағдарламаларды (кiшi бағдарламаларды) бөле отырып, мемлекеттiк функцияларға, мемлекеттiк, салалық (секторалдық) және өңiрлiк бағдарламаларға, Мемлекет басшысының Қазақстан халқына жыл сайынғы жолдауына және мемлекеттiк мекемелердiң, Қазақстан Республикасының Yкiметi мен жергілiктi атқарушы органдардың ақысы төленбеген мiндеттемелерiне сәйкес алдағы қаржы жылы iске асырылатын бюджеттiк бағдарламалар (кiшi бағдарламалар) тiзбесiнiң жобасын қалыптастырады;";
5) тармақшадағы "өз иелiгiнде қалатын" деген сөздер алып тасталсын;
мынадай мазмұндағы 7-1) тармақшамен толықтырылсын:
"7-1) мұнай секторы кәсiпорындарының тiзбесiне өзгерiстер мен толықтырулар енгiзу жөнiнде ұсыныстар әзiрлейдi және Қазақстан Республикасының Үкiметiне енгiзедi;";
10) тармақшадағы "бюджеттiк бағдарламалардың" деген сөздер "бағдарламаларды әзiрлеу және iске асыру" деген сөздермен ауыстырылсын;
11) тармақша "борышты" деген сөзден кейiн ", сондай-ақ мемлекет кепiлдемелерi жөнiндегi борышты" деген сөздермен толықтырылсын;
мынадай мазмұндағы 12-1) - 12-2) тармақшалармен толықтырылсын:
"12-1) республикалық бюджеттен қаржыландырылатын мемлекеттiк органдары аппараттарының штат кестесiн әзiрлеу жөнiнде әдiснамалық басшылық әзiрлейдi;
12-2) бюджеттiк жоспарлау бойынша әдiстемелiк басшылықты жүзеге асырады;";
43) 60-бапта:
мынадай мазмұндағы 1-1) және 1-2) тармақшалармен толықтырылсын:
"1-1) экономикалық жоспарлау жүйесiн жетiлдiру жөнiндегi ұсыныстарды тұжырымдайды;
1-2) республиканың әлеуметтiк-экономикалық дамуының орта мерзiмдi жоспарларын әзiрлеу және iске асыру әдiстемесiн айқындайды;";
мынадай мазмұндағы 4-1) тармақшамен толықтырылсын:
"4-1) бюджеттi нақтылау жөнiндегi ұсыныстарды тұжырымдайды;";
44) 61-бапта:
16) тармақша "кепiлдiктерi" деген сөзден кейiн "мемлекет кепiлдемелерi" деген сөздермен толықтырылсын;
мынадай мазмұндағы 22-1) және 22-2) тармақшалармен толықтырылсын:
"22-1) Осы кодекске сәйкес Қазақстан Республикасының республикалық, жергiлiктi бюджеттер мен Ұлттық қордың арасындағы түсiмдер сомасын кейiннен оларды қолма-қол ақшаның тиiстi бақылау шоттарына аудара отырып бөлудi жүзеге асырады;
22-2) Қазақстан Республикасының Ұлттық қорына жiберiлетiн бюджетке, оның Қазақстан Республикасы Ұлттық Банкiнiң шоттарына түсетiн түсiмдер сомаларының аударуын жүзеге асырады;";
45) 64-бапта:
тақырыбындағы және бiрiншi абзацтағы ", аудан (облыстық маңызы бар қала)" деген сөздер алып тасталсын;
1) тармақша мынадай редакцияда жазылсын:
"1) бюджеттi жоспарлау және атқару жөнiндегi облыстың, республикалық маңызы бар қаланың, астананың, ауданның (облыстық маңызы бар қаланың) жергiлiктi уәкiлеттi органының жұмысын үйлестiредi;";
мынадай мазмұндағы 1-1) тармақшамен толықтырылсын:
"1-1) тиiстi қаржы жылына арналған облыстық бюджеттiң, республикалық маңызы бар қала, астана бюджетiнiң жобасын жылдық есептi тиiстi мәслихатқа табыс етедi;";
2), 3), 4), 5), 6) және 7) тармақшалар мынадай редакцияда жазылсын:
"2) облыстық бюджеттiң, республикалық маңызы бар қала, астана бюджетiнiң атқарылуы туралы жылдық есептi тиiстi мәслихатқа табыс етедi;
3) тиiстi қаржы жылына арналған тиiстi бюджеттер туралы облыстық өкiлдi органның және республикалық маңызы бар қаланың, астананың өкiлдi органның шешiмiн iске асыру туралы қаулы қабылдайды;
4) облыстық атқарушы органның және республикалық маңызы бар қаланың, астананың атқарушы органының орта мерзiмдi фискалдық саясатын бекiтедi;
5) экономикалық, бюджеттiк жоспарлау, бюджеттi атқару жөнiндегi облыстың, республикалық маңызы бар қаланың, астананың уәкiлеттi органдарын құрады;
6) облыстың, республикалық маңызы бар қаланың, астананың бюджет комиссиясын құрады, ол туралы ереженi бекiтедi, оның құрамын айқындайды;
7) осы Кодексте көзделген жағдайларда тиiстi қаржы жылының бiрiншi тоқсанына арналған облыстық қаржы жоспарын және республикалық маңызы бар қаланың, астананың қаржы жоспарын бекiтедi;";
46) мынадай мазмұндағы 64-1, 64-2, 64-3 және 64-4-баптармен толықтырылсын:

"64-1-бап. Аудан (облыстық маңызы бар қала)
әкiмдiгiнiң құзыретi

Аудан (облыстық маңызы бар қала) әкiмдiгi:
1) аудан (облыстық маңызы бар қала) бюджетiнiң атқарылуын қамтамасыз етедi және бюджеттi атқару жөнiндегi ауданның (облыстық маңызы бар қаланың) уәкiлеттi органдарының жұмысын үйлестiредi;
2) аудан (облыстық маңызы бар қала) бюджетiнiң атқарылуы туралы жылдық есептi тиiстi мәслихатқа табыс етедi;
3) тиiстi қаржы жылына арналған тиiстi бюджеттер туралы ауданның (облыстық маңызы бар қаланың) өкiлдi органының шешiмiн iске асыру туралы қаулы қабылдайды;
4) ауданның (облыстық маңызы бар қаланың) атқарушы органының орта мерзiмдi фискалдық саясатын бекiтедi;
5) экономикалық, бюджеттiк жоспарлау, бюджеттi атқару жөнiндегi аудан (облыстық маңызы бар қала) бюджетiн атқару жөнiндегi уәкiлеттi органдарды құрады;
6) ауданның (облыстық маңызы бар қаланың) бюджет комиссиясын құрады, ол туралы ереженi бекiтедi, оның құрамын айқындайды;
7) осы Кодексте көзделген жағдайларда тиiстi қаржы жылының бiрiншi тоқсанына арналған ауданның облыстық қаржы жоспарын бекiтедi.

64-2-бап. Бюджеттiк жоспарлау жөнiндегi облыстың,
республикалық маңызы бар қаланың, астананың,
ауданның (облыстық маңызы бар қаланың) уәкiлеттi
органының құзыретi

Бюджеттiк жоспарлау жөнiндегi облыстың, республикалық маңызы бар қаланың, астананың, ауданның (облыстық маңызы бар қаланың) уәкiлеттi органы:
1) тиiстi қаржы жылына арналған облыстың, республикалық маңызы бар қаланың, астананың, ауданның (облыстық маңызы бар қаланың) атқарушы органының орта мерзiмдi фискалдық саясатының жобасын әзiрлейдi;
2) тиiстi қаржы жылына арналған облыстың, республикалық маңызы бар қаланың, астананың, ауданның (облыстық маңызы бар қаланың) бюджетiн бекiту туралы өкiлдi органы шешiмiнiң жобасын әзiрлейдi және оларды облыс, республикалық маңызы бар қала, астана, аудан (облыстық маңызы бар қала) әкiмiнiң аппаратына қарауға бередi;
3) тиiстi қаржы жылына арналған облыстың, республикалық маңызы бар қаланың, астананың, ауданның (облыстық маңызы бар қаланың) бюджетiн бекiту туралы өкiлдi органы шешiмiн iске асыру туралы облыстың, республикалық маңызы бар қаланың, астананың, ауданның (облыстық маңызы бар қаланың) әкiмi шешiмiнiң жобасын әзiрлейдi;
4) тиiстi қаржы жылына арналған облыстың, республикалық маңызы бар қаланың, астананың, ауданның (облыстық маңызы бар қаланың) бюджетiн қаржыландырудың жылдық жоспарын әзiрлейдi және бекiтедi;
5) тиiстi қаржы жылына арналған облыстың, республикалық маңызы бар қаланың, астананың, ауданның (облыстық маңызы бар қаланың) бюджетiн нақтылау (түзету) жөнiнде ұсыныстар енгiзедi;
6) тиiстi қаржы жылына арналған облыстың, республикалық маңызы бар қаланың, астананың, ауданның (облыстық маңызы бар қаланың) бюджеттiк бағдарламаларының тиiмдiлiгiн бағалауды жүзеге асырады.

64-3-бап. Облыстың, республикалық маңызы бар қаланың,
астананың бюджеттi атқару жөнiндегi жергiлiктi
уәкiлеттi органының құзыретi

Облыстың, республикалық маңызы бар қаланың, астананың бюджеттi атқару жөнiндегi жергiлiктi уәкiлеттi органы:
1) облыстық бюджеттi, республикалық маңызы бар қаланың, астананың бюджетiн атқару жөнiндегi жұмысты ұйымдастырады;
2) ауданның (облыстық маңызы бар қаланың) бюджеттi атқару жөнiндегi жергiлiктi уәкiлеттi органдарының жұмысын үйлестiредi;
3) облыстық бюджетке, республикалық маңызы бар қаланың, астананың бюджетiне түсетiн түсiмдердi болжамдауға қатысады;
4) облыстық бюджетке, республикалық маңызы бар қаланың, астананың бюджетiне түсетiн түсiмдердiң және оларды қаржыландырудың жиынтық жоспарларына өзгерiстердi әзiрлейдi, бекiтедi және енгiзедi;
5) мiндеттемелер бойынша қаржыландырудың жиынтық жоспарларына сәйкес облыстық бюджеттiк бағдарламалардың (кiшi бағдарламалардың), республикалық маңызы бар қалалардың, астананың бюджеттiк бағдарламаларының (кiшi бағдарламаларының) әкiмшiлерiне рұқсат бередi;
6) мiндеттемелер бойынша өздерiнiң жеке қаржыландыру жоспарларына сәйкес облыстық бюджеттен, республикалық маңызы бар қаланың, астананың бюджетiнен қаржыландырылатын мемлекеттiк мекемелерге рұқсат бередi;
7) облыстық бюджеттiң, республикалық маңызы бар қала, астана бюджетiнiң қаражаты есебiнен берiлетiн бюджеттiк кредиттердiң берiлуiн, оларға қызмет көрсетiлуiн және нысаналы пайдаланылуын бақылауды жүзеге асырады, олардың есепке алынуын, мониторингiн және қайтарылуын қамтамасыз етедi;
8) облыстың, республикалық маңызы бар қала, астана бюджетiнiң атқарылуына мониторингiн жүзеге асырады;
9) облыстық бюджеттi, республикалық маңызы бар қаланың, астананың бюджетiн және облыс бюджетiн атқару жөнiндегi ұсыныстарды тұжырымдайды.

64-4-бап. Ауданның (облыстық маңызы бар қаланың)
бюджеттi атқару жөнiндегi жергiлiктi уәкiлеттi
органдарының құзыретi

Ауданның (облыстық маңызы бар қаланың) бюджеттi атқару жөнiндегi жергiлiктi уәкiлеттi органдары:
1) ауданның (облыстық маңызы бар қаланың) бюджетiн атқару жөнiндегi жұмысты ұйымдастырады;
2) ауданның (облыстық маңызы бар қаланың) бюджетiне түсетiн түсiмдердi болжамдауға қатысады
3) ауданның (облыстық маңызы бар қаланың) бюджетiне түсетiн түсiмдердiң және оларды қаржыландырудың жиынтық жоспарларына өзгерiстердi әзiрлейдi, бекiтедi және енгiзедi;
4) мiндеттемелер бойынша қаржыландырудың жиынтық жоспарларына сәйкес аудандық (қалалық) бюджеттiк бағдарламалардың (кiшi бағдарламалардың) әкiмшiлерiне рұқсат бередi;
5) мiндеттемелер бойынша өздерiнiң жеке қаржыландыру жоспарларына сәйкес аудан (облыстық маңызы бар қала) бюджетiнен қаржыландырылатын мемлекеттiк мекемелерге рұқсат бередi;
6) аудан (облыстық маңызы бар қала) бюджетiнiң қаражаты есебiнен берiлетiн бюджеттiк кредиттердiң берiлуiн, оларға қызмет көрсетiлуiн және мақсатты пайдаланылуын бақылауды жүзеге асырады, олардың есепке алынуын, мониторингiн және қайтарылуын қамтамасыз етедi;
7) аудан (облыстық маңызы бар қала) бюджетiнiң атқарылуына мониторингiн жүзеге асырады;
8) аудан (облыстық маңызы бар қала) бюджетiн атқару жөнiндегi ұсыныстарды тұжырымдайды;
9) өткен қаржы жылы үшiн аудан (облыстық маңызы бар қала) бюджетiн атқару жөнiндегі есептiлiктi құрады.";
47) 66-баптың 3) тармақшасы мынадай редакцияда жазылсын:
"3) алдағы үш жылдық кезеңде және жоспарланып отырған қаржы жылында қаржыландыру үшiн бюджеттiк бағдарламалардың (кiшi бағдарламалардың) тiзбесiн айқындау, мемлекеттiк емес секторға берiлетiн функцияларды және бюджеттiк бағдарламалар паспорттарының жобаларын ескере отырып, орта мерзiмдi фискалдық саясатқа, мемлекеттiк функцияларды талдау нәтижелерiне негiзделе отырып, оларды iске асыру тетiктерiн айқындау жөнiнде ұсыныстар әзiрлеу;";
48) 68-баптың 1-тармағы мынадай редакцияда жазылсын:
"Республикалық және жергiлiктi бюджеттердi және Қазақстан Республикасы Ұлттық қорына жiберiлетiн, бюджетке түсетiн түсiмдердi жоспарлау жоспарланып отырған кезеңге арналған республикалық және жергiлiктi бюджет түсiмдерiнiң көлемiн және стратегиялық мiндеттерiмен және басымдықты ескере отырып, мемлекеттiң әлеуметтiк-экономикалық даму мiндеттерiне сәйкес оларды пайдалану бағыттарын айқындау жөнiндегi ұсыныстарды әзiрлеу процесi болып табылады.";
49) 69-баптың 1) тармақшасы мынадай редакцияда жазылсын:
"1) сабақтастық принципi - республикалық және жергiлiктi бюджеттердi, Қазақстан Республикасы Ұлттық қорына жiберiлетiн, бюджетке түсетiн түсiмдердi алдыңғы кезеңде негiзге алынған республиканың әлеуметтiк-экономикалық даму, орта мерзiмдi фискалдық саясат бағыттарын сақтап, бағдарламаларды iске асыру тиiмдiлiгiн бағалау мен өткен және ағымдағы қаржы жылдары бюджетiнiң атқарылу нәтижелерiн ескере отырып жоспарлау;
2) тармақшада:
"бюджеттi" деген сөз "республикалық және жергiлiктi бюджеттердi" деген сөздермен ауыстырылсын;
"арналған" деген сөзден кейiн "стратегиялық және" деген сөздермен толықтырылсын;
"алдағы" деген сөздiң алдынан "республиканың немесе өңiрдiң" деген сөздермен толықтырылсын;
мынадай мазмұндағы 4) тармақшамен толықтырылсын:
"4) шығыстардың мұнай түсiмдерiне тәуелдiлiгiн азайту қағидаты - мұнай емес сектордың мақсатты дамуы есебiнен мұнай емес тапшылықтың мөлшерiн азайту.";
50) 70-бапта:
1-тармақта:
үшiншi абзац алып тасталсын;
төртiншi абзац мынадай редакцияда жазылсын:
"республиканың немесе өңiрдiң стратегиялық және әлеуметтiк-экономикалық дамуының орта мерзiмдi кезеңге арналған басым бағыттарын ескере отырып, бюджет қаражатын жұмсаудың басым бағыттарын;";
бесiншi абзац алып тасталсын;
2-тармақта:
"орта мерзiмдi әлеуметтiк-экономикалық даму жоспары" деген сөздер "стратегиялық және орта мерзiмдi әлеуметтiк-экономикалық және даму жоспарлары" деген сөздермен ауыстырылсын;
"мен бағалау" деген сөздер алып тасталсын;
"талдау" деген сөзден кейiн "және бағдарламаларды бағалау" деген сөздермен толықтырылсын;
"жоспары" деген сөзден кейiн "және бюджеттiк бағдарламаларды әзiрлеу мен iске асыруды бағалау" деген сөздермен толықтырылсын;
мынадай мазмұндағы абзацпен толықтырылсын:
"Бюджеттi әзiрлеу немесе нақтылау кезiнде орта мерзiмдi фискалдық саясаттың негізгi бағыттары түзетiлетiн жағдайларда оған өзгерiстер мен толықтырулар енгiзiлуi мүмкiн.";
3-тармақта:
бiрiншi бөлiктегi "1 маусымына" деген сөздер "1 қыркүйегiне" деген сөздермен ауыстырылсын;
екiншi бөлiктегi "Жергілiктi атқарушы органның", "жергiлiктi атқарушы органдар" деген сөздер "Облыстың, республикалық маңызы бар қаланың, астананың жергiлiктi атқарушы органының", "облыстың, республикалық маңызы бар қаланың, астананың жергiлiктi атқарушы органдарының" деген сөздермен ауыстырылсын;
екiншi абзацтағы "1 шiлдесiне" деген сөздер "1 қазанына" деген сөздермен ауыстырылсын;
51) 73-бапта:
1-тармақ мынадай редакцияда жазылсын:
"1. Бюджеттiк жоспарлау жөнiндегi уәкiлеттi орган орта мерзiмдi фискалдық саясат негiзiнде:
1) басым бюджеттiк инвестициялық жобаларды (бағдарламаларды) қамтитын басым бюджеттiк бағдарламалардың (кiшi бағдарламалардың) тiзбесiн;
2) ағымдағы бюджеттiк бағдарламалар мен бюджеттiк даму бағдарламалары үшiн бюджет шығыстарының лимитiн қалыптастырады:
Басым бюджеттiк бағдарламалардың тiзбесi бюджеттiк жоспарлау жөнiндегi уәкiлеттi орган белгiлеген нысанда өткен жылғы есептiк деректердi және ағымдағы жылға арналған жоспарлы көрсеткiштердi көрсете отырып бюджеттiк бағдарламаларды айқындайды.
Басым бюджеттiк инвестициялық жобаларды (бағдарламаларды) қалыптастыру бюджеттiк инвестициялық жобаларды (бағдарламаларды) қамтитын бюджеттiк бағдарламалардың (кiшi бағдарламалардың) тiзбесi негізiнде жүзеге асырылады.
Бұл ретте, жоспарланатын кезеңнiң бiрiншi жылында iске асырылуы басталатын басым бюджеттiк инвестициялық жобалардың (бағдарламалардың) тiзбелерiне енгiзiлетiн бюджеттiк инвестициялық жобаларды (бағдарламаларды) қоса алғанда, бюджеттiк бағдарламалар мынадай талаптарға жауап беруi тиiс:
1) мемлекеттiк функцияларға сәйкестiгi;
2) мемлекеттiк, салалық (секторалдық), өңiрлiк бағдарламаларға сәйкестiгi;
3) орта мерзiмдi фискалдық саясаттың негiзгi бағыттары;
4) бюджеттiк инвестициялық жобалар (бағдарламалар) үшiн - техникалық-экономикалық негiздемесi экономикалық сараптамасының оң қорытындысының болуы мiндеттi.";
3-тармақтағы "Бюджет" деген сөз "Бюджеттiк инвестициялық жобаларды (бағдарламаларды) қоса алғанда, бюджеттiк бағдарламалардың (кiшi бағдарламалардың) тiзбесiн және бюджет" деген сөздермен ауыстырылсын;
52) 74-бапта:
2-тармақта:
алтыншы абзац мынадай редакцияда жазылсын:
"бюджеттiк жоспарлау жөнiндегi уәкiлеттi орган жеткiзген басым бюджеттiк бағдарламаларды қоса алғанда, бюджеттiк бағдарламалардың (кiшi бағдарламалардың) тiзбесi;
мынадай мазмұндағы жетiншi абзацпен толықтырылсын:
"бюджеттiк бағдарламалар паспорттарының жобасы;
бюджеттiк бағдарламалар әкiмшiсi жүргiзген бюджеттiк бағдарламалардың тиiмдiлiгiн бағалау нәтижелерi.";
3-тармақ мынадай мазмұндағы бөлiктермен толықтырылсын:
"Бюджеттiк бағдарламаның әкiмшiсi:
1) бюджет шығыстарының жеткiзiлген лимитi шеңберiнде бюджеттiк бағдарлама паспорты жобасының мақсаттарын, мiндеттерiн, iс-шараларын, күтiлетiн нәтижелерiн, көрсеткiштерiн нақтылайды;
2) қатаң түрде бюджет шығыстарының жеткiзiлген лимиттерi шеңберiнде алдағы үш жылдық кезеңге арналған болжамдық көрсеткiштердi көрсете отырып, олар бойынша шығыстар сомасын айқындайды.";
4-тармақта:
1) тармақша мынадай редакцияда жазылсын:
"1) басым бюджеттiк инвестициялық жобаларды (бағдарламаларды) қамтитын басым бюджеттiк бағдарламалардың (кiшi бағдарламалардың) тiзбесi;";
3), 4) тармақшалар мынадай редакцияда жазылсын:
"3) бюджеттiк бағдарламаны iске асыру кезеңiне байланысты үш жылдық кезеңге арналған нақтыланған мақсаттарымен, мiндеттерiмен, iс-шараларымен, орындау мерзiмiмен, күтiлетiн нәтижелерiмен, көрсеткiштермен бюджеттiк бағдарлама паспортының жобасы;
4) бюджеттiк бағдарлама әкiмшiсi жүргiзген бюджеттiк бағдарламалардың тиiмдiлiгiн бағалау нәтижелерi;";
5) тармақша алып тасталсын;
екiншi бөлiктегi "өздерiнiң иелiгiнде қалатын ақша түсiмдерi мен шығыстарының" деген сөздер "ақша түсiмдерiнiң" деген сөздермен ауыстырылсын;
мынадай мазмұндағы бөлiктермен толықтырылсын:
"Бiлiм беру, орман шаруашылығы және ерекше қорғалатын табиғи аумақтар саласындағы мемлекеттiк мекемелердiң негiзгi емес қызметiне байланысты бюджеттiк бағдарламалар бойынша шығыстар көлемi олар өткiзетiн тауарлардан (жұмыстардан, қызметтерден) түсетiн ақша түсiмдерiнiң болжамынан аспауы тиiс.
Бюджеттiк бағдарламалар әкiмшiсi алдағы қаржы жылына арналған өтiнiмдi бюджеттiк жоспарлау жөнiндегi орталық уәкiлеттi органға мiндеттi түрде ағымдағы қаржы жылының 1 маусымына дейiн бередi.";
5-тармақ алып тасталсын;
7, 8-тармақтар мынадай редакцияда жазылсын:
"7. Бюджеттiк бағдарлама паспортының жобасы мақсаттарды, нормативтiк-құқықтық негiздеменi, мiндеттердi, iс-шараларды, жауапты орындаушыларды, орындау мерзiмдерiн, ұлттық валютадағы құнын, бюджеттiк бағдарламаны қаржыландыру көздерiн, күтiлетiн нәтижелердi, көрсеткiштердi айқындайтын құжат болып табылады.
Бюджеттiк бағдарламалардың әкiмшiсi бюджеттiк бағдарламаның паспорты жобасын құрудың дұрыстығына үшiн жауапты болады.
8. Субсидиялауға жiберiлетiн шығындарды қоспағанда, бюджеттiк бағдарламалар (кiшi бағдарламалар) бойынша шығыстарды есептеу бюджеттiк бағдарламалардың нормативтiк, сандық, құндық көрсеткiштерi және бекiтiлген заттай нормалар негiзiнде жүзеге асырылады.
Бюджеттiк субсидиялар мөлшерi өз қаражаты есебiнен заңды тұлғалар мен және шаруа (фермер) қожалықтары жабатын құнды шегерiп тастағанда, заңды, жеке тұлғалардың және шаруа (фермер) қожалықтарының қызмет құнын жабуға жiберiлетiн сома ретiнде айқындалды.
Бюджеттiк бағдарламалар әкiмшiсi бюджеттiк өтiнiмнiң есептерi негiзiнде жасалуына және олардың сенiмдiлiгiне жауапты болады.";
мынадай мазмұндағы 8-1-тармақпен толықтырылсын:
"8-1. Бюджеттiк бағдарламаның әкiмшiсi бюджеттiк өтiнiмдi шығыстар лимитi шегiнде енгiзуге мiндеттi.
Бюджеттiк бағдарламалар әкiмшiсiнiң бюджеттiк бағдарламаларының (кiшi бағдарламаларының) жалпы құны шығыстар лимиттерiнен асып түскен жағдайда бюджеттiк бағдарламалар әкiмшiлерi бюджеттiк жоспарлау жөнiндегi орталық уәкiлеттi органға бюджеттiк өтiнiмнiң құрамында:
бекiтiлген мемлекеттiк, салалық (секторалды), өңiрлiк бағдарламаларды, оның iшiнде олардың iс-шаралар жоспарларын;
заттай нормаларды;
бюджеттiк бағдарламалардың (кiшi бағдарламалардың) сандық және құндық көрсеткiштерiн;
ұсынылатын шаралар негiздемесiн өзгерту жөнiндегi ұсынысты табыс етедi.";
53) 75-баптың 1-тармағы мынадай редакцияда жазылсын:
"1. Бюджеттiк өтiнiмдердi бюджеттiк жоспарлау жөнiндегi уәкiлеттi орган қарап, осы Кодекстiң 35-бабының 4-тармағына сәйкес оларға бағалау жүргiзедi және солар бойынша тиiстi қорытынды дайындайды.
Бюджеттiк бағдарлама әкiмшiсi бюджеттiк өтiнiмдi қағаз тасығышта және бюджеттiк жоспарлау жөнiндегi орталық уәкiлеттi органның ақпараттық жүйесiн пайдалану арқылы электрондық құжат түрiнде енгiзуге мiндетті.
Бюджеттiк өтiнiм бюджеттiк заңнаманың оны жасау және табыс ету жөнiндегi талаптарына сәйкес болмаған жағдайда, бюджеттiк жоспарлау жөнiндегi уәкiлеттi орган бюджеттiк өтiнiмдi бюджеттiк бағдарламаның әкiмшiсiне қайтарады.
Бюджеттiк өтiнiм бюджеттiк жоспарлау жөнiндегі орталық уәкiлеттi органның ақпараттық жүйесiнде болмаса және бюджеттiк өтiнiм қағаз тасығышта берiлгенмен сәйкес келмеген жағдайда, бюджеттiк жоспарлау жөнiндегi уәкiлеттi орган оны қарамай бюджеттiк бағдарламаның әкiмшiсiне қайтарады.
Ағымдағы жылғы 1 шiлдеден кейiн және республикалық және жергiлiктi бюджеттердiң жобаларын Қазақстан Республикасының Парламентiнде және тиiстi мәслихаттарда қарау, бекiту сатысында, бюджеттiк бағдарламалар әкiмшiсiнiң бюджеттiк өтiнiмiн бюджеттiк жоспарлау жөнiндегi уәкiлеттi орган қарағаннан және ол бойынша бюджеттiк комиссия шешiм қабылдағаннан кейiн басым бюджеттiк инвестициялық жобаларды (бағдарламаларды) қамтитын басым бюджеттiк бағдарламалардың (кiшi бағдарламалардың) тiзбесiн толықтыруға рұқсат етiлмейдi.";
54) 76-бапта:
3-тармақта:
2) тармақша "төменгi мөлшерi" деген сөздерден кейiн ", ең төменгi күнкөрiс деңгейi" деген сөздермен толықтырылсын;
мынадай мазмұндағы 7-1) тармақшамен толықтырылсын:
"7-1) мемлекет кепiлдемесiн беру лимитi;";
4-тармақта:
2), 3) тармақшалар мынадай редакцияда жазылсын:
"2) Қазақстан Республикасы Ұлттық қорына жiберiлетiн, бюджетке түсетiн түсiмдердiң көлемi;
3) тiкелей салықтары (жергiлiктi бюджеттерге есепке алынатын салықтарды қоспағанда), Қазақстан Республикасы Ұлттық қорына есепке алынатын шикi мұнайды және газ конденсатын өндiрумен және (немесе) өткiзумен айналысатын мұнай секторы кәсiпорындарының тiзбесi;";
55) 86-бапта:
3-тармақтағы "Осы Кодексте көзделген жағдайларды қоспағанда, бюджеттiң" деген сөздер "Бюджеттiң" деген сөзбен ауыстырылсын;
5-тармақтағы "атқарылуына қызмет көрсетудi" деген сөздер "атқарылуы бойынша рәсiмдердi" деген сөздермен ауыстырылсын;
56) 87-бапта:
1-тармақтағы "iс-шараларға бюджет қаражатын пайдалану" деген сөздерден кейiн ", күтiлетiн нәтижелер мен көрсеткiштерге қол жеткiзу" деген сөздермен толықтырылсын;
2, 4-тармақтар мынадай редакцияда жазылсын:
"2. Уақтылылық принципi - белгіленген мерзiмдерде барлық түсiмдердi есепке алу, және жеке қаржыландыру жоспарлары мен төлемдер бойынша қаржыландыру жоспарларына сәйкес бюджет қаражатын пайдалану және Қазақстан Республикасының Yкiметi белгiлеген мерзiмде және тәртiппен оларды алушылардың шотына бюджет қаражатын есепке алу.
4. Кассаның бiрыңғайлық принципi - бюджетке түсетiн түсiмдердiң барлығын бiрыңғай қазынашылық шотқа есепке алу және көзделген шығыстардың барлығын бiрыңғай қазынашылық шоттан ұлттық валютамен жүзеге асыру.
Шетелдiк валюта түрлерi бойынша Қазақстан Республикасы Ұлттық Банкiнде ашылған банк шоттарынан бюджетке түсетiн түсiмдер бюджеттi атқару жөнiндегi уәкiлеттi орган Қазақстан Республикасы Ұлттық Банкiне қайта айырбастауға өтiнiм берген күннен бастап үш жұмыс күнiнен кешiктiрiлмей бiрыңғай қазынашылық шотқа қайта айырбасталуы және есепке алынуға тиiс.
Бюджет жүйесiнiң барлық деңгейiндегi бюджеттерi кассаның бiрыңғайлығы принципi негiзiнде атқарылады.";
57) 88-бапта:
1-тармақ "шот -" деген сөзден кейiн "кассаның бiрыңғайлығы принциптерiнде" деген сөздермен толықтырылсын;
2-тармақтың екiншi бөлiгi мынадай редакцияда жазылсын:
"Қолма-қол ақшаның бақылау шоттары бiрыңғай бюджеттiк сыныптамаға және мемлекеттiк мекемелердiң кодтарына сәйкес: мынадай операцияларды есепке алуға арналған:
1) республикалық және жергiлiктi бюджеттерге түсетiн түсiмдер және бiлiм беру, орман шаруашылығы, ерекше қорғалатын табиғи аумақтар саласындағы тауарларды (жұмыстарды, қызметтердi) өткiзуден түсетiн ақшаны және олардың есебiнен төлемдердi қоспағанда, республикалық және жергiлiктi бюджеттерден жүргiзiлген төлемдер;
2) бiлiм беру, орман шаруашылығы, ерекше қорғалатын табиғи аумақтар саласындағы тауарларды (жұмыстарды, қызметтердi) өткiзуден республикалық және жергiлiктi бюджеттерге түсетiн түсiмдер мен олар бойынша жүргізiлген төлемдер;
3) Осы Кодекстiң 23-бабының 1-тармағына сәйкес Қазақстан Республикасының Ұлттық қорына жiберiлетiн, бюджетке түсетiн түсiмдер және Қазақстан Республикасы Ұлттық Банкiндегi Қазақстан Республикасы Ұлттық қорының шоттарына жүргiзiлген аударымдар;
4) мемлекеттiк мекемелерге демеушiлiк, қайырымдылық көмектен түсетiн түсiмдер және олардың есебiнен жүргiзiлген төлемдер;
5) жеке немесе заңды тұлғаның мемлекеттiк мекемеге олар номиналды түрде қайтарылатын шартпен, алғашқы талап етуi бойынша немесе қандай да бiр мерзiмнен кейiн толық немесе бөлiп-бөлiп, алдын ала келiсiлген үстемесiмен не онсыз, жеке немесе заңды тұлғаларға тiкелей не тиiстi республикалық немесе жергiлiктi бюджеттерге берiлетiнiне қарамастан, беретiн ақша;
Сайлауларды қаржыландыру үшiн шоттар - жергiлiктi бюджеттердiң қолма-қол ақшасының бақылау шотынан басқа және Қазақстан Республикасының Президентiн, Парламентi депутаттарын, мәслихаттарын, сондай-ақ жергiлiктi өзiн-өзi басқару органдарының мүшелерiн сайлаған кезде сайлау iс-шараларын өткiзуге арналған шығыстар бойынша операцияларды есепке алуға арналған жергiлiктi атқарушы органның қолма-қол ақшасының бақылау шоты.
Республикалық бюджеттен сайлауларды қаржыландыру үшiн шоттарына қаражатты аудару Қазақстан Республикасының Орталық сайлау комиссиясы жүзеге асырады.
Сайлауларды басқару үшiн шоттарындағы қаражатты жұмсауға аумақтық сайлау комиссияларының төрағалары ғана құқылы.";
58) 89-бап мынадай редакцияда жазылсын:

"89-бап. Бюджеттiк бағдарламаларды (кiшi бағдарламаларды)
iске асыруды қаржыландыру

1. Мемлекеттiк органдардың бюджеттiк бағдарламаларды (кiшi бағдарламаларды) iске асыруы республикалық немесе жергiлiктi бюджеттер қаражаты есебiнен қаржыландырылады.
2. Ішкi iстер органдарының бюджеттiк бағдарламаларын (кiшi бағдарламаларын) қоспағанда, жергiлiктi бюджеттен қаржыландырылатын бюджеттiк бағдарламаларды (кiшi бағдарламаларды) iске асыру республикалық бюджеттен қаржыландыруға рұқсат етiлмейдi.
Ішкi iстер органдарының бюджеттiк бағдарламаларын (кiшi бағдарламаларын) қоспағанда, республикалық бюджеттен қаржыландырылатын бюджеттiк бағдарламаларды (кiшi бағдарламаларды) iске асыру жергiлiктi бюджеттен қаржыландыруға рұқсат етiлмейдi.
Бюджеттiк бағдарламаларды (кiшi бағдарламаларды) iске асыруды қаржыландыру екi және одан көп жергiлiктi бюджеттерден қаржыландыруға рұқсат етiлмейдi.";
59) 90-бапта:
1-тармақта:
1) тармақша мынадай редакцияда жазылсын:
"1) бюджеттiк шот - бюджет қаражаты есебiнен жүзеге асырылатын шығыстар бойынша операцияларды есепке алуды жүзеге асыратын, бiрыңғай бюджеттiк сыныптамасы кодтары мен мемлекеттiк мекемелердiң кодтарының құрамдастырылуы;";
2), 3) және 4) тармақшалар алып тасталсын;
6) тармақша "шотына" деген сөзден кейiн "екiншi деңгейдегi банктердегi" деген сөздермен толықтырылсын;
7) тармақшадағы "бюджеттi атқару жөнiндегi орталық атқарушы органға" деген сөздер "екiншi деңгейдегi банктерде" деген сөздермен ауыстырылсын;
2-тармақтағы "бюджеттi атқару жөнiндегi орталық уәкiлеттi органда" деген сөздер "қазынашылық органында" деген сөздермен ауыстырылсын;
60) 91-бапта:
3-тармақтағы "бюджеттi атқару жөнiндегi орталық уәкiлеттi" деген сөздер "қазынашылық" деген сөзбен ауыстырылсын; салымдарға (депозиттерге)" деген сөздер "депозиттерге" деген сөзбен ауыстырылсын;
6-тармақта:
1) тармақша мынадай редакцияда жазылсын:
"1) жоғары тұрған бюджет бөлген пайдаланылмаған нысаналы трансферттер мен бюджеттiк кредиттер сомаларын ағымдағы жылдың бюджетiн мәслихатта түзету арқылы жоғары тұрған бюджетке мiндеттi қайтаруға;";
мынадай мазмұндағы 1-1) тармақшамен толықтырылсын:
"1-1) өткен жылғы бюджетте бекiтiлген бюджеттiк инвестициялық жобаны оның бекiтiлген жылдық көлемiнiң он процентiнен аспайтын сомаға ағымдағы жылдың бюджетiн Қазақстан Республикасының Парламентiнде немесе мәслихатта нақтыламай-ақ, ағымдағы қаржы жылына арналған республикалық немесе жергiлiктi бюджеттi түзету арқылы қаржыландыруды аяқтауға жұмсалуы мүмкiн. Мұндай шығыстар ағымдағы жылдың шығыстары болып табылады;";
2) тармақшадағы "Қазақстан Республикасы Үкiметiнiң немесе жергiлiктi атқарушы органның қаулысы негiзiнде" деген сөздер "республикалық немесе жергiлiктi бюджеттi түзету арқылы" деген сөздермен ауыстырылсын;
3) және 4) тармақшалар алып тасталсын;
61) 92-бап мынадай мазмұндағы 7-1) тармақшамен толықтырылсын:
"7-1) жеке қаржыландыру жоспарлары;";
62) 93-бапта:
2-тармақта:
1) тармақшадағы "толық" деген сөз "жалпы сомада" деген сөздермен ауыстырылсын;
мынадай мазмұндағы 1-1) тармақшамен толықтырылсын:
"1-1) төмен тұрған бюджеттерге нысаналы трансферттер мен кредиттердi бөлу;";
мынадай мазмұндағы 2-1-тармақпен толықтырылсын:
"2-1. Республикалық бюджеттi нақтылаған жағдайда тиiстi қаржы жылына арналған республикалық бюджет туралы заңды iске асыру туралы Қазақстан Республикасы Yкiметiнiң қаулысына өзгерiстер мен толықтырулар енгiзу туралы Қазақстан Республикасы Yкiметiнiң қаулысы тиiстi қаржы жылына арналған республикалық бюджет туралы заңға өзгерiстер мен толықтырулар енгiзу туралы заңға Қазақстан Республикасының Президентi қол қойған күннен бастап он күн iшiнде бекiтiледi.
Жергiлiктi бюджеттi нақтылаған жағдайда тиiстi қаржы жылына арналған жергiлiктi бюджет туралы мәслихаттың шешiмiн iске асыру туралы жергiлiктi атқарушы органның қаулысына өзгерiстер мен толықтырулар енгiзу туралы жергiлiктi атқарушы органның қаулысы тиiстi қаржы жылына арналған жергiлiктi бюджет туралы жергiлiктi мәслихат шешiмiне өзгерiстер мен толықтырулар енгiзу туралы мәслихат шешiмi бекiтiлгеннен кейiн екi апта мерзiмде бекiтiледi.";
63) 94-бапта:
2-тармақ "отырып жасалады" деген сөздерден кейiн "және бюджеттiк бағдарламалардың тиiмдiлiгiн бағалау yшiн негiз болып табылады" деген сөздермен толықтырылсын;
3-тармақта:
мынадай мазмұндағы 1-1) тармақшамен толықтырылсын:
"1-1) мемлекеттiк функциялар мемлекеттiк басқару органының бiр деңгейiнен екiншiсiне, бiр мемлекеттiк органнан екiншiсiне немесе мемлекеттiк емес секторға берiлген;";
2) тармақша "Қазақстан Республикасы" деген сөздердiң алдынан ", мақсаттар, мiндеттер, iс-шаралар, жауапты орындаушылар, iске асыру мерзiмдерi, күтiлетiн нәтижелер мен көрсеткiштер өзгерген жағдайда" деген сөздермен толықтырылсын;
3) тармақшадағы "қажет болған" деген сөздерден кейiн ";" белгiсi қойылып, мынадай мазмұндағы 4) тармақшамен толықтырылсын:
"4) осы Кодекстiң 108-бабының 5-тармағында көзделген";
64) 96-бапта:
1-тармақтағы "бюджеттi атқару жөнiндегi уәкiлеттi" деген сөздер "қазынашылық" деген сөзбен ауыстырылсын;
2-тармақтың 2) тармақшасы "бюджет деңгейлерi" деген сөздер "республикалық, жергiлiктi бюджеттер мен Қазақстан Республикасы Ұлттық қор" деген сөздермен ауыстырылсын;
65) 98-бап мынадай редакцияда жазылсын:

"98-бап. Түсiмдердi республикалық, жергiлiктi бюджеттер мен
Қазақстан Республикасының Ұлттық қоры арасында бөлу

Түсiмдердi республикалық, жергiлiктi бюджеттер мен Қазақстан Республикасы Ұлттық қор арасында бөлудi осы Кодекске сәйкес әрбiр жұмыс күнi бюджеттi атқару жөнiндегi орталық уәкiлеттi орган жүзеге асырады.";
66) 100-бапта:
1-тармақ "уәкiлеттi органның," деген сөздерден кейiн "қазынашылық органдарының," деген сөздермен толықтырылсын;
"толық және уақтылы орындауға" деген сөздер "мақсатқа уақтылы қол жеткiзуге" деген сөздермен ауыстырылсын;
2-тармақта:
1) тармақша мынадай редакцияда жазылсын:
"1) мiндеттемелер мен төлемдер бойынша жеке қаржыландыру жоспарларын, мiндеттемелер мен төлемдер бойынша бюджеттiк бағдарламаларды (кiшi бағдарламаларды) қаржыландыру жоспарларын жасау және бекiту;";
6) тармақшасы алып тасталсын;
67) 101-бапта:
2-тармақта:
"әкiмшiлерi" деген сөзден кейiн "жеке қаржыландыру жоспарларын ескере отырып," деген сөздермен толықтырылсын;
мынадай мазмұндағы 2-1) тармақшамен толықтырылсын:
"2-1) Мемлекеттiк мекемелер жеке қаржыландыру жоспарларын әзiрлейдi және оларды бекiту үшiн және бюджеттiк бағдарламаларды (кiшi бағдарламаларды) қаржыландыру жоспарларын әзiрлеу үшiн бюджеттiк бағдарламалар әкiмшiлерiне бередi.";
6-тармақ "мен қаржыландырудың" деген сөздерден кейiн "және жеке қаржыландыру жоспарының" деген сөздермен толықтырылсын;
7-тармақ мынадай редакцияда жазылсын:
"7. Бюджеттiк бағдарламалардың әкiмшiлерi жеке қаржыландыру жоспарларын бекiтудi қамтамасыз етедi және оларды бюджеттi атқару жөнiндегi орталық уәкiлеттi органға табыс етедi.
Бюджет шығыстарының экономикалық жiктемесiне сәйкес мiндеттемелер бойынша бюджеттiк бағдарламаларды (кiшi бағдарламаларды) қаржыландыру жоспарлары мен жеке қаржыландыру жоспарлары, ал төлемдер бойынша айларға бөле отырып, бюджеттiк бағдарламалар (кiшi бағдарламалар) бөлiнiсiнде бюджеттi атқару жөнiндегi орталық уәкiлеттi органға табыс етедi.";
8-тармақта:
екiншi бөлiктегi 1), 2), 3) және 4) тармақшалар мынадай редакцияда жазылсын:
"1) бюджеттiк бағдарламалар әкiмшiлерiне:
бюджеттiк бағдарламаның паспортына сәйкес келу;
бюджеттiк бағдарламаның паспортында көзделген iс-шараларды уақтылы әрi сапалы орындауды және бюджет қаражатын тиiмдi пайдалануды қамтамасыз ету;
2) мемлекеттiк мекемелерге:
мiндеттемелер мен төлемдер бойынша жеке қаржыландыру жоспарына сәйкес мемлекеттiк мекемелер қабылдайтын мiндеттемелердi орындауды қамтамасыз ету;
жеке қаржыландыру жоспарларының бюджеттiк бағдарламаларды (кiшi бағдарламаларды) қаржыландыру жоспарларына сәйкес келуi;";
68) 102-бапта:
1-тармақтағы "Түсiмдер" деген сөз "Жоғары тұрған бюджеттен алынған пайдаланылмаған нысаналы трансферттердi шегерiп тастағандағы бюджет қаражатының бос қалдықтарын ескере отырып, бюджеттiк бағдарлама (кiшi бағдарлама) деңгейiндегi" деген сөздермен ауыстырылсын;
3-тармақ "қаржыландырудың" деген сөзден кейiн "төлемдер бойынша" деген сөздермен толықтырылсын;
"қаржыландыру" деген сөз "қаржыландырудың төлемдер бойынша" деген сөздермен ауыстырылсын;
"сәйкес" деген сөзден кейiн "мемлекеттiк мекемелердiң мiндеттемелер қабылдауы және" деген сөздермен толықтырылсын;
5-тармақ "орталық" деген сөзден кейiн "қазынашылық орган" деген сөздермен толықтырылсын;
"жергiлiктi уәкiлеттi органдар" деген сөздер "облыстың, республикалық маңызы бар қаланың, астананың, ауданның (облыстық маңызы бар қаланың) уәкiлеттi органдары" деген сөздермен ауыстырылсын;
6-тармақ мынадай редакцияда жазылсын:
"6. Жылдық сомаларды қоса алғанда, түсiмдер мен қаржыландырудың жиынтық жоспарына, мiндеттемелер бойынша қаржыландырудың жиынтық жоспарына өзгерiстер мен толықтырулар енгiзудi орталық қазынашылық органы, жергiлiктi бюджеттер бойынша - бюджеттi атқару жөнiндегi облыстың, республикалық маңызы бар қаланың, астананың, ауданның (облыстық маңызы бар қаланың) уәкiлеттi органдары Қазақстан Республикасының Үкiметi айқындайтын тәртiппен жүзеге асырады.";
7-тармақ мынадай редакцияда жазылсын:
"7. Бюджеттi атқару жөнiндегi облыстың, республикалық маңызы бар қаланың, астананың, ауданның (облыстық маңызы бар қаланың) уәкiлеттi органдары түсiмдер мен қаржыландырудың жиынтық жоспарын, мiндеттемелер бойынша қаржыландырудың жиынтық жоспарын аумақтық қазынашылық органдарға табыс етедi.";
69) 103-баптың 2-тармағы мынадай редакцияда жазылсын:
"2. Мiндеттемелер бойынша бюджеттiк бағдарламалардың (кiшi бағдарламалардың) қаржыландыру жоспарларына және жеке қаржыландыру жоспарларына сәйкес рұқсаттар берiледi.";
70) 104-бапта:
1-тармақтағы "қаржыландыру жоспарларында бекiтiлген сомалар" деген сөздер "жеке қаржыландыру жоспарларында бекiтiлген соммаларға сәйкес берiлген сомалар, рұқсаттар" деген сөзбен ауыстырылсын;
2-тармақ мынадай мазмұндағы бөлiктермен толықтырылсын:
"Мемлекеттiк мекемелердiң азаматтық-құқықтық мәмiлелерiн тiркеуді жүзеге асырған кезде бюджеттi атқару жөнiндегi орталық уәкiлеттi орган оларды берiлген рұқсаттар сомаларына сәйкестiгiн тексередi.
Бюджеттi атқару жөнiндегi орталық уәкiлеттi органның және мемлекеттiк мекемелердiң бiрiншi басшысының қолы және мөрi қойылған азаматтық-құқықтық мәмiлелердi (мiндеттемелердi) тiркеу туралы хабарлама бюджеттi атқару жөнiндегi орталық уәкiлеттi органда азаматтық-құқықтық мәмiлелердi (мiндеттемелердi) тiркеу туралы растайтын құжат болып табылады.
Хабарламаның нысанын, оны ресiмдеу тәртiбiн, ұсынуды Қазақстан Республикасының Үкiметi айқындайды.";
3-тармақтағы "мемлекеттiк мекемелердiң азаматтық-құқықтық мәмiлелер жасасуына" деген сөздер "мемлекеттiк мекемелер жасасқан азаматтық-құқықтық мәмілелер тiркеуге" деген сөздермен ауыстырылсын;
71) 105-бапта:
1-тармақ "орталық" деген сөзден кейiн "қазынашылық органы" деген сөздермен толықтырылсын;
2, 3-тармақтар мынадай редакцияда жазылсын:
"2. Растайтын құжаттар - бюджеттi атқару жөнiндегi орталық уәкiлеттi органның бiрiншi басшылары тiркелген азаматтық-құқықтық мәмiленiң шарттарына немесе Қазақстан Республикасының заңнамалық актiсiне сәйкес келетiн тауарларды жеткiзу, жұмыстарды орындау немесе қызметтердi көрсету бойынша қызметтер көрсететiн заңды тұлғалар мемлекеттiк мекеменiң бiрiншi басшысы мен бас бухгалтерi қол қойған және олардың мөрi және төлеушоттары бар мемлекеттiк мекемелердiң азаматтық-құқықтық мәмiлелерiн (мiндеттемелерiн) тiркеу туралы хабарлама.
Мемлекеттiк мекемелердiң заңды тұлғалар тауарларды жеткiзу, жұмыстарды орындау немесе қызметтердi көрсету жөнiнде көрсеткен қызметтердi бюджеттi атқару жөнiндегi орталық уәкiлеттi органда тiркелгендерге сәйкес алғанын растаудың дұрыстығы үшiн мемлекеттiк мекеме жауапты болады.
3. Төлеуге берiлетiн шот - мемлекеттiк мекемелердiң мiндеттемелердi орындағанын растайтын құжат және бюджеттi атқару жөнiндегi орталық уәкiлеттi орган үшiн бюджет қаражатын алушының пайдасына төлемдер мен аударымдарды жүзеге асыру үшiн негiз болып табылады.
Бюджеттен төленетiн төлемдер мен аударымдар оларды жүргiзу уақытында тиiстi бюджеттегi қолма-қол ақшаның бақылау шотындағы бюджет қаражатының қалдығы шегiнде жүзеге асырылады.
Төлеуге берiлетiн шоттарды ресiмдеу, ұсыну, пайдалану нысанын, тәртiбiн Қазақстан Республикасының Yкiметi айқындайды.
Төлем құжаттарын ресiмдеу, ұсыну және пайдалану тәртiбi Қазақстан Республикасының төлемдер және ақша аударымдары туралы заңдарында белгiленедi.";
4-тармақтың 2) тармақшасы мынадай редакцияда жазылсын:
"2) экономикалық сыныптама бойынша мiндеттемелер жөнiндегi қаржыландыру жоспарлары мен жеке қаржыландыру жоспарларына және бюджеттiк бағдарлама (кiшi бағдарлама) деңгейiнде төлемдер мен мемлекеттiк мекемелердiң тiркелген мiндеттемелерiнiң сомалары бойынша қаржыландыру жоспарлары мен жеке қаржыландыру жоспарларына;";
5-тармақ мынадай мазмұндағы бөлiкпен толықтырылсын:
"Бюджеттi атқару жөнiндегi орталық уәкiлеттi орган бюджет қаражатын алушы тарапынан мiндеттемелердi толық орындаған кезде төлемдер мен аударымдарды жүзеге асыруды растау үшiн жүргiзiлген төлемдер туралы деректермен бiрге Азаматтық-құқықтық мәмiлелердi (мiндеттемелердi) тiркеу туралы хабарлама береді.";
6-тармақ мынадай редакцияда жазылсын:
"6. Бюджеттi атқару жөнiндегі орталық уәкiлеттi органның инкассалық өкiмдердi орындауы Қазақстан Республикасының Үкiметi белгiлейтiн тәртiппен жүзеге асырылады.";
72) 106-бапта:
3-тармақ мынадай редакцияда жазылсын:
"3. Бюджеттi атқару жөнiндегі уәкiлетті орган төлемдердiң уақтылылығы мен толықтығын қамтамасыз ету үшiн бюджеттiк бағдарламалар (кiшi бағдарламалар) деңгейiндегi ағымдағы жылдың тиiстi кезеңiне арналған төлемдер бойынша қаржыландыру жоспарларына сәйкес республикалық және жергіліктi бюджеттерге түсетiн түсiмдер мен бюджет қаражатының бос қалдықтарын және жүргiзiлетiн төлемдердi ескере отырып, бюджет қаражатының (қолма-қол ақшаның) күтiлетiн көлемiн айқындайды.
Мемлекеттiк мекемелердiң орындалған мiндеттемелерiн бюджет қаражатымен (қолма-қол ақшамен) уақтылы қамтамасыз ету бюджеттi атқару жөнiндегi уәкiлеттi органның жауапкершiлiгi болып табылады.
Бюджеттi атқару жөнiндегi уәкiлеттi орган бюджет қаражатын (қолма-қол ақшаны) уақтылы басқарудың тиiмдi әдiсiн пайдаланады.
Қолма-қол ақша профицитi - өндiрiлетiн төлемдердiң болжамды көлемiнiң республикалық және жергiлiктi бюджеттерге түсетiн нақты түсiмдер мен ағымдағы қаржы жылынан бастап бюджет қаражатының бос қалдықтарының көлемiнен артуы.
Қолма-қол ақша тапшылығы - өндiрiлетiн төлемдердiң болжамды көлемiнiң республикалық және жергiлiктi бюджеттерге түсетiн түсімдер болжамы мен ағымдағы қаржы жылынан бастап бюджет қаражатының бос қалдықтарының көлемiнен артуы.
Тиiстi бюджеттiң ағымдағы қаржы жылының тиiстi кезеңiне арналған қолма-қол ақша тапшылығының жол берiлетiн шектi мөлшерi бекiтiлген, нақтыланған және түзетiлген республикалық және жергiлiктi бюджеттер тапшылығының тиiстi қаржы жылына арналған бекiтiлген сомасынан аспауға тиiс.
Ағымдағы жылдың тиiстi кезеңiнде республикалық бюджеттiң қолма-қол ақша тапшылығы болжамы жағдайында бюджеттi атқару жөнiндегi орталық уәкiлеттi орган мемлекеттiк бағалы қағаздар шығарады.
Ағымдағы қаржы жылының тиiстi кезеңiнде тиiстi жергiлiктi бюджеттен қолма-қол ақша тапшылығы күтiлетiн жағдайда жергiлiктi атқарушы орган жоғары тұрған бюджеттен қарыз алуды жүзеге асырады.";
73) 107, 108-баптар мынадай редакцияда жазылсын:

"107-бап. Қазақстан Республикасының Ұлттық қорынан берiлетiн
кепiлдiк берiлген трансферттi пайдалану

1. Бюджеттi атқару жөнiндегi орталық уәкiлеттi орган ай сайын Қазақстан Республикасының Үкiметi айқындайтын тәртiппен, Қазақстан Республикасы Ұлттық Банкiмен келiсiм бойынша:
1) республикалық бюджетке түсетiн түсiмдер жөнiндегi және бюджет қаражатының қалдықтарын болжау негiзiнде тиiстi қаржы жылына арналған бекiтiлген республикалық бюджет туралы заң шеңберiнде бюджеттiк даму бағдарламалары (кiшi бағдарламалары) бойынша төлемдердi жүзеге асыру үшiн Қазақстан Республикасының Ұлттық қорынан республикалық бюджетке берiлетiн кепiлдiк берiлген трансферттiң қажеттi сомасын айқындайды;
2) Қазақстан Республикасы Ұлттық Банкiне айлар бойынша соманы көрсете отырып, Қазақстан Республикасының Ұлттық қорынан республикалық бюджетке кепiлдiк берiлген трансферттi аудару туралы тиiстi өтiнiм жiбередi;
3) қажеттi сома Қазақстан Республикасы Ұлттық қорының ағымдағы қаржы жылының басындағы активтерiнiң үштен бiр бөлiгiнен асып түскен жағдайда бюджеттiк даму бағдарламаларын (кiшi бағдарламаларын) асып түсу сомасына тең мөлшерде бюджет қаражатымен қамтамасыз етедi.";

108-бап. Бюджеттi атқару мониторингi

1. Бюджеттi атқару мониторингiн бюджеттi атқару жөнiндегi орталық және жергiлiктi уәкiлеттi органдар, бюджеттiк бағдарламалардың әкiмшiлерi қаржыландыру жоспарларының жылдық сомаларының ай бойынша бөлiнуiн, қаржыландыру жоспарларына бюджеттiк бағдарламалар әкiмшiлерi енгiзетiн өзгерiстердiң негiздiлiгiн талдау және бағалау, қаржыландыру жоспарларының орындалмау себептерiн анықтау, бюджеттiк бағдарламалардың орындалуы туралы есеп жасау арқылы жүзеге асырады.
2. Бюджеттi атқару мониторингiнiң барысында бюджеттi атқару жөнiндегі орталық және жергiлiктi уәкiлеттi органдар:
1) Қазақстан Республикасының Yкiметiне және әкiмдiктерге - бюджеттiң уақтылы және тиiмдi атқарылмау себептерiн көрсете отырып және тиiстi бюджеттi одан әрi атқару жөнiндегi ұстанымдар туралы ұсынымдармен бюджеттiң атқарылуы туралы ақпаратты;
2) республикалық және жергiлiктi бюджеттiк бағдарламалардың әкiмшiлерiне бюджеттiң атқарылуы бюджеттiк бағдарламаларды (кiшi бағдарламаларды) қаржыландыру жоспарларынан кешеуiлдеп жүрiп жатқан бюджеттiк бағдарламалар жөнiндегi ақпаратты;
3) тиiстi бюджет комиссияларына ағымдағы, сол сияқты алдағы жоспарланып отырған қаржы жылында жекелеген бюджеттiк бағдарламалар (кiшi бағдарламалар) бойынша жылдық жоспарлы мақсаттарды қайта қарау қажеттiгi туралы ақпаратты;
4) алдағы қаржы жылына арналған бюджеттi жоспарлау кезiнде есепке алу үшiн бюджет комиссияларының жұмыс органдарына жiбередi.
3. Мемлекеттiк мекеменiң өткен жылдардағы дебиторлық берешегiнiң сомасы азаматтық-құқықтық мәмiле шарттарында көзделген тауарларды (жұмыстарды, қызметтердi) жеткiзу арқылы өтеуге, не шартқа (бекiтiлген келiсiмге) сәйкес тиiстi бюджеттiң кiрiсiне қайтарылуға тиiс.
4. Бюджеттiк және экономикалық жоспарлау жөнiндегi уәкiлеттi органдар бюджеттiң атқарылуын талдау негiзiнде Қазақстан Республикасының Yкiметiне немесе жергiлiктi атқарушы органға бюджеттi нақтылау (түзету) туралы ұсыныс беруге құқылы.
5. Мемлекеттiк мекемелер бюджеттiк бағдарламаның жоспарланған iс-шараларын тиiстi тауарлардың (жұмыстың, қызметтердiң) нақты бағасының болжамды бағаларға қарағанда төмендеуi әсерiнен аз көлемдегi бюджет қаражатына орындаған жағдайда, пайдаланылмаған жоспарлы сомалардың қалдығы мақсаттарға табысты қол жеткiзу және бюджеттiк бағдарламаның мiндеттерi мен iс-шаралары тiзбесiн кеңейту үшiн қажеттi қосымша iс-шараларды орындауға жiберiлуi мүмкiн.
Осы мақсаттарда бюджеттiк бағдарламаның паспортына өзгерiстер мен толықтырулар енгiзiледi, бұларды тиiстi негiздемелерiмен және есептерiмен бiрге бюджет комиссиясы қарайды.
Бұл ретте, бюджет комиссиясы осы Кодекске сәйкес бюджеттiк жоспарлау және бюджеттi атқару жөнiндегi орталық уәкiлетті органдар табыс ететiн тиiстi бюджеттiк бағдарламалар әкiмшiсi бойынша тиiстi бюджеттiк бағдарламаларды iске асыру тиiмдiлiгiн бағалау және бюджет қаражатын игеру мониторингiнiң бюджеттiк жоспарлау және бюджеттi атқару жөнiндегi уәкiлеттi органдар табыс ететiн нәтижелерiн қарайды.
6. Болжамды бағалармен салыстырғанда тиiстi тауарларға (жұмыстарға, қызметтерге) нақты бағалардың төмендеуi жағдайларын қоспағанда, аталған бюджеттiк бағдарламалар әкiмшiсi бойынша бюджеттiк бағдарламалар (кiшi бағдарламалар) бойынша қаржыландыру жоспарларының сомаларын атқармаған жағдайда пайдаланылмаған жоспарлы сомалардың қалдықтары мөлшерiнде бюджет қаражатын пайдалану мақсатында бюджеттiк бағдарламалар паспорттарына өзгерiстер енгiзуге рұқсат етiлмейдi.
7. Бюджеттiк бағдарламалар (кiшi бағдарламалар) бойынша бюджет қаражатының ағымдағы қаржы жылының 31 желтоқсанындағы жағдай бойынша қалыптасқан қалдықтарын бюджеттен тыс аккредитивтiк немесе басқа да шоттарға аударуға рұқсат етiлмейдi.";
74) 109-бап алып тасталсын;
75) 110-баптың 3-тармағындағы "Осы Кодексте көзделген жағдайларды қоспағанда," деген сөздер алып тасталсын;
76) 19-тараудың тақырыбы мынадай редакцияда жазылсын:
"19-тарау. Республикалық және жергiлiктi бюджеттердi нақтылау және түзету процесiнiң негiзгi ережелерi";
77) 111-бапта:
тақырыбы мынадай редакцияда жазылсын:
"111-бап. Республикалық және жергiлiктi бюджеттердi нақтылау";
1, 2 және 3-тармақтардағы "Бюджеттi", "бюджеттi", "бюджет" деген сөздер "Республикалық және жергiлiктi бюджеттердi", "республикалық және жергiлiктi бюджеттердi", "республикалық және жергiлiктi бюджеттер" деген сөздермен ауыстырылсын;
4-тармақтағы "бюджеттiң кiрiстерi" деген сөздер "жоғары тұрған бюджеттен берiлетiн трансферттердi, пәтерлердi және ауыл шаруашылық мақсаттағы жер учаскелерiн сатудан түсетiн түсiмдердi қоспағанда, республикалық және жергiлiктi бюджеттер кiрiстерi" деген сөздермен ауыстырылсын;
78) 112-бапта:
тақырыбы мынадай редакцияда жазылсын:

"112-бап. Республикалық және жергiлiктi бюджеттердi нақтылау
қағидаттары"

мәтiн бойынша "Бюджеттердi", "бюджеттi", "бюджет" деген сөздер "Республикалық және жергiлiктi бюджеттердi", "республикалық және жергiлiктi бюджеттердi", "республикалық және жергiлiктi бюджеттер" деген сөздермен ауыстырылсын;
79) 113-бапта:
1-тармақ мынадай редакцияда жазылсын:
"Секвестр - бюджет қаражатының шығыстарын белгiлi бiр шектерде қысқартуды көздейтiн арнайы тетiк, ол республикалық және жергiлiктi бюджеттердi атқару кезiнде бекiтiлген республикалық және жергiлiктi бюджеттерге түсетiн түсiмдер толық түспейтiн, соның нәтижесiнде бекiтiлген бюджеттiк бағдарламаларды толық көлемде қаржыландыру мүмкiн болмайтын жағдайда енгiзiледi.";
5 және 6-тармақтардағы "бюджеттi" деген сөз "республикалық және жергiлiктi бюджеттердi" деген сөздермен ауыстырылсын;
80) 116-бап мынадай мазмұндағы 6-тармақпен толықтырылсын:
"6. Тиiстi қаржы жылына арналған жергiлiктi бюджет туралы мәслихаттың шешiмiне өзгерiстер мен толықтырулар енгiзу туралы және жергiлiктi бюджеттiк бағдарламалардың паспорттарына өзгерiстер мен толықтырулар енгiзу туралы мәслихаттың шешiмiн iске асыру туралы жергiлiктi атқарушы органның шешiмi мәслихаттың көрсетiлген шешiмiн бекiткеннен кейiн бес жұмыс күнi iшiнде қабылданады.";
81) 117-бапта:
1-тармақ мынадай редакцияда жазылсын:
"1. Бюджеттердi түзету - тиiстi қаржы жылына арналған республикалық бюджет туралы заңды немесе тиiстi қаржы жылына арналған жергiлiктi бюджет туралы мәслихаттың шешiмiн iске асыру туралы Қазақстан Республикасы Yкiметiнiң немесе жергiлiктi атқарушы органның қаулысына Қазақстан Республикасының Парламентiнде немесе мәслихатта нақтыламай өзгерiстер мен толықтырулар енгiзу, сондай-ақ бөлiнетiн бюджеттiк бағдарламаларды Қазақстан Республикасы Үкiметiнiң қаулысымен немесе жергiлiктi атқарушы органның шешiмiмен қаржы жыл iшiнде бюджеттiк бағдарламалардың әртүрлi әкiмшiлерi арасында бөлу арқылы бюджет көрсеткiштерiн өзгерту.";
мынадай мазмұндағы 1-1-тармақпен толықтырылсын:
"1-1. Егер түзету жүргiзiлгеннен кейiн бюджеттi нақтылау жүргiзiлген жағдайда бюджеттiң түзетiлген көрсеткiштерi бөлiнетiн бюджеттiк бағдарламаларды бөлудi қоспағанда, нақтыланған бюджетте көрсетiледi.";
2-тармақта:
1) тармақша "жағдайларда" деген сөзден кейiн "және бюджеттiң атқарылуын талдау және бюджеттiк бағдарламаларды (кiшi бағдарламаларды) iске асырудың тиiмдiлiгiн бағалау нәтижелерi бойынша" деген сөздермен толықтырылсын;
2) тармақша мынадай редакцияда жазылсын:
"2) осы Кодекстiң 91-бабының 6-тармағының 1), 2) тармақшаларында көзделген;";
мынадай мазмұндағы 2-1) тармақшамен толықтырылсын:
"2-1) бюджеттiк бағдарламалардың түрлi әкiмшiлерi арасында бюджетте бюджеттiк бағдарламалардың бiр әкiмшiсi бойынша бекiтiлген бюджеттiк бағдарламалар қаражатын бөлген;";
3-тармақта:
1) және 2) тармақшалар мынадай редакцияда жазылсын:
"1) қаржы жылы iшiнде Қазақстан Республикасы Үкiметiнiң немесе жергiлiктi атқарушы органның резервiнен төмен тұрған бюджетке қаражат бөлiнген;
"2) жергiлiктi бюджеттен қаржыландырылатын атқарушы органдар және оларға ведомстволық бағыныстағы мемлекеттiк мекемелер құрылған, таратылған, қайта ұйымдастырылған, олардың функциялары өзгерген жағдайларда жол берiледi. Түзету көрсетiлген жағдайларға байланысты тиiстi бюджеттiк бағдарламаларды тиiстi қаржы жылына арналған жергiлiктi бюджет туралы мәслихат шешiмiмен бекiтiлген (нақтыланған) осы бюджеттiк бағдарламалардың жалпы сомасы шегiнде қосу, бөлу, беру болып табылады;";
мынадай мазмұндағы 2-1) және 2-2) тармақшалармен толықтырылсын:
"2-1) бiрыңғай бюджеттiк сыныптамаға өзгерiстер мен толықтырулар енгiзiлген;
2-2) бюджеттiк бағдарламалардың түрлi әкiмшiлерi арасында бюджетте бюджеттiк бағдарламалардың бiр әкiмшiсi бойынша бекiтiлген бюджеттiк бағдарламалар қаражатын бөлген";
3) тармақшадағы "жағдайларда" деген сөзден кейiн ";" белгiсi қойылып мынадай мазмұндағы 4-тармақпен толықтырылсын:
"4. Кiшi сыныпқа өзгерiстер енгiзбей ерекшелiктер бойынша республикалық бюджеттi түзету жылдық жоспарды орындаған кезде қаржы жылы iшiнде, тұтастай кiшi сынып бойынша мына жағдайларда:
1) бюджетке түсетiн түсiмдердiң қысқаруын немесе ұлғаюын көздейтiн Қазақстан Республикасының заңнамалық актiлерiнiң қабылдануы жағдайларын қоспағанда, салық базасы өзгерген;
2) салықтық бақылау нәтижелерi бойынша жоспарланбаған түсiмдер (қайтарымдар);
3) нөлдiк ставкалар бойынша салық салынатын айналымдар бойынша қосылған құн салығын өтеудiң жоспарланбаған сомалары ұсынылған;
4) Қазақстан Республикасының заңнамасында белгiленген өзге де жағдайларда жол берiледi.";
82) 118-бап "жүргiзу" деген сөзден кейiн "және мемлекеттiк мекемелердiң материалдық активтерiн есепке алу" деген сөздермен толықтырылсын;
83) 121-бапта:
1) тармақшада:
бiрiншi абзац мынадай редакцияда жазылсын:
"1) Қазақстан Республикасының Yкiметi белгiлеген тәртiппен мемлекеттiк мекемелер қалыптастыратын есептерiн:";
төртiншi және алтыншы абзацтар алып тасталсын;
2) тармақшадағы бiрiншi абзац мынадай редакцияда жазылсын:
"2) Қазақстан Республикасының Үкiметi белгiлеген тәртiппен бюджеттiк бағдарламалардың әкiмшiлерi қалыптастыратын есептерiн:";
төртiншi абзац мынадай мазмұндағы абзацпен ауыстырылсын:
"бюджеттiк бағдарламаларды (кiшi бағдарламаларды) iске асыру тиiмдiлiгін бағалау туралы есептi";
бесiншi абзац алып тасталсын;
3) тармақшада:
екiншi абзацтағы "мемлекеттiк" деген сөз "шоғырландырылған" деген сөзбен ауыстырылсын;
кейiн мынадай мазмұндағы үшiншi абзацпен толықтырылсын:
"Осы кодекстiң 23-бабының 1-тармағына сәйкес Қазақстан Республикасының Ұлттық қорына түсетiн түсiмдер және Қазақстан Республикасы Ұлттық Банкiне Қазақстан Республикасы Ұлттық қорының шоттарына аударымдар туралы есептi;";
төртiншi абзац "бюджеттiк" деген сөздiң алдынан "осы Кодекстiң 108-бабына сәйкес" деген сөздермен толықтырылсын;
сегiзiншi абзац алып тасталсын;
мынадай мазмұндағы абзацтармен толықтырылсын:
"қолма-қол ақшаның тиiстi бақылау шоттарының ахуалы туралы есептi;
мемлекеттiк мекемелердiң мiндеттемелердi орындау ахуалы туралы есептi.";
84) 123-бапта:
3-тармақта:
"орындалмаған" деген сөз "төленбеген" деген сөзбен ауыстырылсын;
"кассалық атқарылуын" деген сөздер "бюджеттiк бағдарлама (кiшi бағдарлама) бойынша төленген мiндеттемелердi" деген сөздермен ауыстырылсын.
4-тармақтың 2) тармақшасындағы "тиiмдiлiгiн бағалауды қоса алғанда, олардың" деген сөздер алып тасталсын;
85) 124-баптың 1-тармағы "алғаннан кейiн" деген сөздерден кейiн "ғана" деген сөздермен ауыстырылсын;
86) 125-баптың 3-тармағы мынадай редакцияда жазылсын:
"3. Жергiлiктi бюджеттi атқару туралы жылдық есеп бекiтiлген, нақтыланған, түзетiлген жергiлiктi бюджеттi, жергiлiктi бюджеттiң бюджеттiк бағдарламасы (кiшi бағдарламасы) бойынша тiркелген, төленбеген және төленген мiндеттемелердi көрсетедi.";
87) 127-баптың 3-тармағы мынадай редакцияда жазылсын:
"3. Ауданның (облыстық маңызы бар қаланың) бюджетiн атқару туралы жылдық есеп бекiтiлген, нақтыланған, түзетiлген ауданның (облыстық маңызы бар қаланың) бюджетiн, аудан (облыстық маңызы бар қала) бюджетiнiң бюджеттiк бағдарламасы (кiшi бағдарламасы) бойынша тiркелген, төленбеген және төленген мiндеттемелердi көрсетедi.";
88) 130-баптың 1-тармағындағы "1 сәуiрiнен" деген сөздер "1 мамырынан" деген сөздермен ауыстырылсын;
89) 131-баптағы "мемлекеттiк мекемелердiң тауарларды (жұмыстар мен көрсетiлетiн қызметтердi) өткiзуден түсетiн өз иелiгiнде қалатын ақшаны" деген сөздер алып тасталсын;
90) 132-бапта:
3) тармақша мынадай редакцияда жазылсын:
"3) мақсатсыз пайдалану - нәтижесiнде бюджеттiк бағдарламаның паспортында көзделген мақсаттарға қол жеткiзiлмеген бюджет қаражатын және байланысты гранттарды, мемлекет кепiлдiк берген қарыздарды, мемлекет активтерiн Қазақстан Республикасының нормативтiк құқықтық актiлерiнде көзделген мақсаттарға пайдалану;";
4) тармақшада:
"негiзсiз" деген сөзден кейiн "(заңсыз)" деген сөзбен толықтырылсын;
"өз иелiгiнде қалатын" деген сөздер алып тасталсын;
6) тармақша мынадай редакцияда жазылсын:
"6) бюджет процесiне қатысушылар, банк жүйесiнiң субъектiлерiн қоспағанда, мемлекеттiң қатысуымен субъектiлер, байланысты гранттарды, мемлекет активтерiн, мемлекет кепiлдiк берген қарыздарды пайдаланатын бюджет қаражатын алушылар, қаржы және заңды тұлғалар мемлекеттiк қаржылық бақылау объектiлерi болып табылады.";
8) тармақшадағы "өз иелiгiнде қалатын" деген сөздер алып тасталсын;
мынадай мазмұндағы 10) тармақшамен толықтырылсын:
"10) қаржылық тәртiп бұзушылық - бюджет қаражатын және мемлекет активтерiн, байланысты гранттарды пайдалануға байланысты қатынастарды реттейтiн нормативтiк құқықтық актiлердiң ережелерiн бұзуға әкеп соғатын құқыққа қайшы әрекет (әрекет немесе әрекетсiздiк).";
91) 28-тараудың тақырыбы мынадай редакцияда жазылсын:
"28-тарау. Мемлекеттiк қаржылық бақылау";
92) 133-баптың 3) тармақшасы мынадай редакцияда жазылсын:
"3) тиiмдiлiктi бақылау - тексерудi iске асыру мерзiмдерi және бюджеттiк бағдарламаны iске асыру сатысында бюджет қаражатын пайдалану бөлiгiндегi бюджеттiк бағдарламаны, байланысты гранттарды, мемлекет кепiлдiк берген қарыздарды, мемлекет активтерiн тиiмдi iске асыру арқылы нәтижелерге қол жеткiзудi және көрсеткiштердi тексеру.
Тиiмдiлiктi бақылау тиiстi iс-шараларды iске асыру аяқталғаннан кейiн жүргiзiледi, олардан кейiн салынған қаражаттан нәтижелер алу мерзiмi басталады.";
93) 134-бапта:
"жаппай әдiспен" деген сөздер алып тасталсын;
1) тармақша "қызметiн" деген сөзден кейiн "барлық мәселелер бойынша" деген сөздермен толықтырылсын;
94) 136-бапта:
1) тармақша "актiлерi" деген сөзден кейiн "және (немесе) аудиторлық есептер" деген сөздермен толықтырылсын;
2) тармақша "бақылау нәтижелерi бойынша" деген сөздер ", сондай-ақ Республикалық бюджеттiк атқарылуын бақылайтын есеп комитетi қабылдаған шешiмдер бойынша" деген сөздермен толықтырылсын;
95) 138-бапта:
3-тармақта:
2) тармақша "бюджет қаражатының" деген сөздерден кейiн "байланысты гранттардың, мемлекет кепiлдiк берген қарыздардың, мемлекет активтерiнiң" деген сөздермен толықтырылсын;
5) тармақша "қаражаттарын" деген сөзден кейiн ", байланысты гранттарды, мемлекет кепiлдiк берген қарыздарды, мемлекет активтерiн" деген сөздермен толықтырылсын;
13) тармақша "атқарылу" деген сөзден кейiн "және мемлекеттiк мекемелердiң активтерiн пайдалану" деген сөздермен толықтырылсын;
17) тармақшада:
"уәкiлеттi органнан" деген сөздерден кейiн "бақылау объектiсiне қатысты ақпаратты иеленген басқа да ақпаратты Қазақстан Республикасының заңнамасында белгiленген тәртiппен" деген сөздермен толықтырылсын;
"бюджет қаражаттарының" деген сөздерден кейiн "байланысты гранттардың, мемлекеттiк мекемелер активтерiнiң, сондай-ақ салық құпиясын құрайтындарының" деген сөздермен толықтырылсын;
19) тармақша "атқарылуы" деген сөзден кейiн "және мемлекет активтерiн пайдалану" деген сөздермен толықтырылсын;
20) тармақша "республикалық бюджеттiң" деген сөздерден кейiн ", байланысты гранттардың, мемлекеттiк мекемелер активтерiнiң" деген сөздермен толықтырылсын;
21) тармақша "бюджет қаражатының" деген сөздерден кейiн ", байланысты гранттардың, мемлекеттiк мекемелер активтерiнiң" деген сөздермен толықтырылсын;
22) тармақшада:
"танысады" деген сөзден кейiн "және алады" деген сөздермен толықтырылсын;
"гранттарды" деген сөзден кейiн ", мемлекеттiк мекемелердiң активтерiн" деген сөздермен толықтырылсын;
23) тармақшада:
"республикалық бюджеттің атқарылуына" деген сөздерден кейiн ", байланысты гранттардың, мемлекет кепiлдiк берген қарыздардың, мемлекет активтерiнiң пайдаланылуына" деген сөздермен толықтырылсын;
"мемлекеттiк органдардың тиiстi мамандарын" деген сөздер "тиiстi мемлекеттiк органдарды" деген сөздермен ауыстырылсын;
мынадай мазмұндағы 23-1) тармақшамен толықтырылсын:
"23-1) бақылау объектiсiнен бақылау қорытындысын растайтын және белгiленген заңнамалық тәртiппен құжаттауға және сақталуға тиiс тиiстi материалдарды алады;";
96) 145-бап мынадай мазмұндағы 3-тармақпен толықтырылсын:
"3. Мемлекеттiк қаржылық бақылау объектiлерi лауазымды тұлғаларының Қазақстан Республикасының заңнамасын бұзғаны үшiн жауапкершiлiгi олардың түрлерiне қарай, Қазақстан Республикасының заңнамасында белгiленедi.";
97) мынадай мазмұндағы 145-1 - 145-2- баптармен толықтырылсын:

"145-1-бап. Қаржылық тәртiп бұзушылықтардың түрлерi

Қаржылық тәртiп бұзушылықтарға тәртiп бұзушылықтардың мынадай түрлерi жатады:
1) республикалық және жергіліктi бюджеттердiң қаражатын, байланысты гранттарды, мемлекет кепiлдiк берген қарыздарды, мемлекет активтерiн мақсатсыз пайдалану;
2) республикалық және жергiлiктi бюджеттердiң қаражатын, байланысты гранттарды, мемлекет кепiлдiк берген қарыздарды, мемлекет активтерiн негiзсiз (заңсыз) пайдалану;
3) республикалық және жергiлiктi бюджеттердiң қаражатын, байланысты гранттарды, мемлекет кепiлдiк берген қарыздарды, мемлекет активтерiн тиiмсiз пайдалану;
4) бюджетке түсетiн түсiмдердi уақтылы, толық есепке алмау, аудармау;
5) бюджеттiк бағдарламалар (кiшi бағдарламалар) iс-шараларын уақтылы iске асырмау;
6) бюджет қаражатын нәтижесiз пайдалану;
7) бюджеттiк есепке алу мен есептiлiктi бұзу;
8) бюджеттiк кредиттер, мемлекеттiк кепiлдiктер мен мемлекеттiң кепiлдемелерiн беру шарттары мен рәсiмдерiн бұзу.

145-2-бап. Бақылау iс-шараларының нәтижелерi туралы есептiлiк

1. Мемлекеттiк қаржылық бақылаудың нәтижелерi туралы бiрыңғай есептiлiктiң құрылымы осы Кодекстiң 145-1-бабында көрсетiлген анықталған қаржылық бұзушылықтардың түрлерiне сәйкес қалыптастырылады.
2. Бiрнеше мемлекеттiк қаржылық бақылау органдарының есептiлiгiнде қаржылық тәртiп бұзушылықтардың белгiлi бiр түрiн көрсетуге жол берiлмейдi.
Осы мақсаттарда мемлекеттiк қаржылық бақылау органдары жүргiзген сыртқы және iшкi бақылау нәтижелерi бiрыңғай ақпараттық жүйеге есепке алынады.
3. Статистика жөнiндегі орталық уәкiлеттi органмен келiсiлген есептiлiк нысандарын Республикалық бюджеттiң атқарылуын бақылайтын есеп комитетi және iшкi бақылау жөнiндегi орталық уәкiлеттi орган бекiтедi.
4. Мемлекеттiк қаржылық бақылау объектiсiнiң белгiленген тәртiппен қаралмаған қарсылықтары бар бақылау материалдары есептiлiкке қосуға жiберiлмейдi.";
98) 147-баптың 1-тармағындағы "капиталын қалыптастыруға және ұлғайтуға" деген сөздер "капиталына" деген сөзбен ауыстырылсын;
99) 148-бапта:
2-тармақтың екiншi бөлiгi мынадай редакцияда жазылсын:
"Бюджеттiк инвестициялық жобаларды (бағдарламаларды) жоспарлау үш кезеңде жүзеге асырылады:
1) Инвестициялық сипаттағы iс-шараларды мемлекеттiк, салалық (секторалдық) және өңiрлiк бағдарламаларды әзiрлеу сатысында әзiрлеу;
2) бюджеттiк бағдарламалар тiзбесiнiң құрамында бюджеттiк инвестициялық жобалардың (бағдарламалардың) тiзбесiн қалыптастыру және бекiту;
3) басым бюджеттiк инвестициялық жобалардың (бағдарламалардың) тiзбесiн бюджеттi әзiрлеу сатысында қалыптастыру және бекiту.;"
3-тармақтағы "капиталын қалыптастыруға және ұлғайтуға" деген сөздер "капиталына" деген сөзбен ауыстырылсын;
100) 149, 150-баптар мынадай редакцияда жазылсын:

"149-бап. Инвестициялық сипаттағы iс-шараларды әзiрлеу

1. Инвестициялық сипаттағы iс-шаралар мемлекеттiк, салалық (секторалдық) және өңiрлiк бағдарламалардың тiзбесiне кiредi.
2. Инвестициялық сипаттағы iс-шараларды әзiрлеу мемлекеттiк, салалық (секторалдық) және өңiрлiк бағдарламаларды әзiрлеу және келiсу сатысында жүзеге асырылады.
3. Инвестициялық сипаттағы iс-шаралар салалық сараптамадан өтуi тиiс.
4. Салалық уәкiлеттi органдар Қазақстан Республикасының заңнамасына сәйкес:
саланың одан әрi дамуына ықпал ететiн саланың ағымдағы жай-күйi проблемаларын анықтауды;
жоба мақсаттарының республиканың немесе өңiрдiң стратегиялық, орта мерзiмдi және даму бағдарламалары мен жоспарларына сәйкес саланың даму басымдықтарына және саладағы қазiргi проблемалардың шешiлуiне сәйкестiгiн;
жобаның мақсаттарына қол жеткiзудiң баламалы нұсқаларын;
жобаны iске асырған және iске асырмаған жағдайларда саладағы жағдайды;
жобаны iске асырудан түсетiн пайданы бөлудi бағалау жөнiндегi ұсынылатын шешiмдердiң негiздiлiгi мен тиiмдiлiгi үшiн жауапты болады.
5. Инвестициялық сипаттағы iс-шараларды әзiрлеу тәртiбiн мемлекеттiк, салалық (секторалдық) және өңiрлiк бағдарламаларды әзiрлеу тәртiбi құрамында Қазақстан Республикасының Үкiметi белгiлейдi.";

150-бап. Бюджеттiк инвестициялық жобалардың
(бағдарламалардың) тiзбесiн қалыптастыру тәртiбi

1. Бекiтiлген мемлекеттiк, салалық (секторалдық) және өңiрлiк бағдарламалар;
бюджеттiк инвестициялық жобалардың (бағдарламалардың) техника-экономикалық негiздемелерiнiң болуы;
бюджеттiк инвестициялық жобаның (бағдарламаның) техника-экономикалық негiздемелерiнiң экономикалық сараптамаларының оң қорытындысы;
бюджет комиссиясының шешiмдерi үшiн негiз болып табылады.
2. Бюджеттiк инвестициялық жобаның (бағдарламаның) техника-экономикалық негiздемесi шығындар мен пайданы экономикалық талдау негiзiнде жүргiзiлетiн бюджеттiк инвестициялық жобаның (бағдарламаның) жүзеге асырылуы мен тиiмдiлiгiн зерттеу нәтижелерiн қамтиды.
3. Бюджеттiк инвестициялық жобаның (бағдарламаның) техника-экономикалық негiздемелерiн әзiрлеуге қойылатын талаптар экономикалық жоспарлау жөнiндегi орталық уәкiлеттi орган айқындайды.
4. Бюджеттiк инвестициялық жобаның (бағдарламаның) техника-экономикалық негiздемелерiн әзiрлеу, егер жоба бекiтiлген мемлекеттiк, салалық (секторалдық) және өңiрлiк бағдарламаларда және бюджет комиссиясының шешiмi негiзiнде көзделген болса, онда оны әзiрлеуге экономикалық жоспарлау жөнiндегi тиiсiнше орталық немесе жергiлiктi уәкiлеттi органдардың бөлiнетiн бюджеттiк бағдарламалары шеңберiнде ақша бөлiнетiн жағдайда жүзеге асырылады.
5. Бюджеттiк инвестициялық жобаның (бағдарламаның) белгiленген техника-экономикалық көрсеткiштерiн растау үшiн бюджеттiк инвестициялық жобаның (бағдарламаның) техника-экономикалық негiздемесi Қазақстан Республикасының заңнамасында көзделген экономикалық және басқа да сараптамаларға жатады.
6. Бюджеттiк инвестициялық жобаның (бағдарламаның) экономикалық сараптамасы салалық сараптама, Қазақстан Республикасының заңнамасына сәйкес қажеттi басқа да сараптамалар қорытындылары негiзiнде жүргiзiледi және оның техника-экономикалық негiздемесiн әзiрлеу шеңберiнде жүргiзiлген бюджеттiк инвестициялық жобаны (бағдарламаны) экономикалық талдауды кешендi бағалаудың мiндеттi нысаны болып табылады.
7. Басқа мемлекеттердiң аумағында iске асыруға жоспарланып отырған, сондай-ақ құрылыс қызметiн көздемейтiн бюджеттiк инвестициялық жобалардың (бағдарламалардың) экономикалық сараптамасы техника-экономикалық негiздеменiң және оған салалық орган сараптамасының негiзiнде жүргiзiледi.
8. Республикалық бюджеттен нысаналы даму трансферттер мен кредит беру есебiнен қаржыландыруға жоспарланып отырған республикалық бюджеттiк инвестициялық жобалардың (бағдарламалардың), сондай-ақ жергiлiктi бюджеттiк инвестициялық жобалардың (бағдарламалардың) экономикалық сараптамасын Қазақстан Республикасының Yкiметi айқындайтын заңды тұлға жүзеге асырады.
9. Жергiлiктi бюджеттiк инвестициялық жобалардың (бағдарламалардың) экономикалық сараптамасын жергiлiктi атқарушы органдар айқындайтын заңды тұлғалар жүзеге асырады.
10. Бюджеттiк инвестициялық жобалардың (бағдарламалардың) экономикалық сараптамасын жүзеге асыру үшiн айқындалған заңды тұлға Қазақстан Республикасы заңдарына сәйкес бюджеттiк инвестициялық жобаны (бағдарламаны) iске асыру жөнiндегі ұсынылатын шешiмдердiң негiздiлiгi мен тиiмдiлiгі, сондай-ақ экономикалық сараптаманың қорытындысында бюджеттiк инвестициялық жобаны (бағдарламаны) iске асыруға терiс әсер еткен тәуекелдердi бағалау болмаған жағдайда және оның мақсаттарына қол жеткiзу үшiн жауапты болады.
11. Экономикалық сараптаманы жүзеге асыру үшiн айқындалған заңды тұлғалар қажет болған жағдайда жүргiзiлген сараптамаларда қамтылмаған немесе толық қамтылмаған мәселелер бойынша қосымша сараптама, сондай-ақ тәуелсiз сараптама жүргiзудi талап етуге құқылы.
12. Экономикалық сараптаманың нәтижелерi бойынша бюджеттiк инвестициялық жобаның (бағдарламаның) техника-экономикалық негiздемесiн бюджеттiк бағдарламаның әкiмшiсi бекiтедi.
13. Тиiстi мемлекеттiк, салалық (секторалдық) және өңiрлiк бағдарламалар шеңберiнде мақұлданған құрылысы үлгi жобалар, үлгі жобалық шешiмдер және қайта қолдану жобалары бойынша көзделiп отырған техникалық жағынан күрделi емес болып табылатын жобалар бойынша техника-экономикалық негiздеме әзiрлеу талап етiлмейдi.
14. Техника-экономикалық негiздеме әзiрлеу талап етiлмейтiн жобалардың тiзбесiн Қазақстан Республикасының Үкiметi айқындайды.
15. Бюджеттiк инвестициялық жобалардың (бағдарламалардың) тiзбесi техника-экономикалық негiздеменi әзiрлеудi, оған жасалған экономикалық сараптаманың оң қорытындысын талап етпейтiн жобаларды қоспағанда, бекiтiлген мемлекеттiк, салалық (секторалдық) және өңiрлiк бағдарламалар негiзiнде және бекiтiлген техника-экономикалық негiздемелерi болған кезде қалыптастырылады.
101) 151-бап алып тасталсын;
102) 152-бапта:
мынадай мазмұндағы 2-1-тармақпен толықтырылсын:
"2-1. Бiрыңғай техникалық көрсеткiштерi бар инвестициялық жобалар (бағдарламалар) бойынша үлгi жоба әзiрлеу жүзеге асырылады.
Үлгi жобаларды әзiрлеудi және оларға сараптама жүргізудi қаржыландыру құрылыс iсi жөнiндегi уәкiлеттi органның тиiстi бюджеттiк бағдарламасының қаражаты есебiнен жүзеге асырылады.
Бюджеттiк инвестициялық жобаларды (бағдарламаларды) iске асыру кезiнде үлгi жобаларды қолдану құрылыстың нақты алаңына бекiтiп беру жолымен жүзеге асырылады.";
4-тармақ мынадай редакцияда жазылсын:
"4. Басымды бюджеттiк инвестициялық жобалардың (бағдарламалардың) тiзбесiне қосылмаған бюджеттiк инвестициялық жобалар (бағдарламалар) бойынша жобалау-сметалық құжаттама әзiрлеуге рұқсат етiлмейдi.";
103) 153-бапта:
тақырыбы мынадай редакцияда жазылсын:

"153-бап. Заңды тұлғалардың жарғылық капиталына қатысу
арқылы бюджеттiк инвестицияларды жоспарлау
және жүзеге асыру";
1-тармақ мынадай редакцияда жазылсын:
"1. Заңды тұлғалардың жарғылық капиталына қатысу арқылы бюджеттiк инвестицияларды жоспарлау әлеуметтiк-экономикалық дамудың орта мерзiмдi жоспарын әзiрлеу кезiнде мемлекеттiк, салалық (секторалдық) және өңiрлiк бағдарламалар шеңберiнде жүзеге асырылады.";
мынадай мазмұндағы 1-1-тармақпен толықтырылсын:
"1-1. Заңды тұлғалардың жарғылық капиталына қатысу арқылы iске асыруға жоспарланып отырған бюджеттiк инвестицияларды дайындау және iрiктеу мемлекеттiк, салалық (секторалдық) бағдарламаларды әзiрлеу және келiсу сатысында жүзеге асырылады.";
2-тармақ мынадай редакцияда жазылсын:
"2. Заңды тұлғалардың жарғылық капиталына қатысу арқылы iске асыруға жоспарланып отырған бюджеттiк инвестицияларды iрiктеу экономикалық жоспарлау жөнiндегi уәкiлеттi органның бюджеттiк инвестициялардың қаржылық-экономикалық негiздемесi жөнiндегi сараптамасының қорытындысы негiзiнде жүзеге асырылады. Заңды тұлғалардың жарғылық капиталына қатысу арқылы iске асыруға жоспарланып отырған бюджеттiк инвестициялардың қаржылық-экономикалық негiздемесi заңды тұлғалардың жарғылық капиталына бюджет қаражатын салу орындылығының негiздемесi мен тиiмдiлiгiн бағалауды қамтитын құжатты бiлдiредi.";
3-тармақта:
"капиталын қалыптастыру мен ұлғайтуға" деген сөздер "капиталына" деген сөзбен ауыстырылсын;
екiншi сөйлемдегi "Заңды тұлғалардың жарғылық капиталын қалыптастыру мен ұлғайтуға қатысу арқылы жүзеге асырылатын бюджеттiк" деген сөздер "Бюджеттiк" деген сөзбен ауыстырылсын;
мынадай мазмұндағы 3-1-тармақпен толықтырылсын:
"3-1. Заңды тұлғалардың жарғылық капиталына қатысу арқылы iске асыруға жоспарланып отырған iрiктелген бюджеттiк инвестициялар бюджет комиссиясының шешiмi негiзiнде тиiстi үш жылдық кезеңге арналған әлеуметтік-экономикалық дамудың орта мерзiмдi жоспарына қосылады.";
4-тармақтағы "капиталын қалыптастыру мен ұлғайтуға" деген сөздер "капиталына" деген сөзбен ауыстырылсын;
мынадай мазмұндағы 5-тармақпен толықтырылсын:
"5. Бюджет қаражатын заңды тұлғалардың берешегiн және мемлекеттiк, салалық (секторалдық) және өңiрлiк бағдарламаларда айқындалған мiндеттердi орындауға байланысты емес ағымдағы шығыстарын жабу мақсатында олардың жарғылық капиталын ұлғайтуға бөлуге рұқсат етiлмейдi.";
104) 155-бапта:
7-тармақ мынадай редакцияда жазылсын:
"7. Бюджеттiк инвестициялардың тиiмдiлiгін бағалау жөнiндегi ақпаратты экономикалық жоспарлау жөнiндегi орталық және жергiлiктi уәкiлеттi органдар Қазақстан Республикасының Yкiметi белгiлеген мерзiмде тиiсiнше Қазақстан Республикасының Үкiметiне және тиiстi әкiмдiкке табыс етедi.";
8-тармақтағы "капиталын қалыптастыру мен ұлғайтуға" деген сөздер "капиталына" деген сөзбен ауыстырылсын;
105) 157-баптың 1) тармақшасы "немесе" деген сөзден кейiн "байланысты грантты iске асыруға бағытталған тиiстi бюджеттiк бағдарламаның шеңберiнде" деген сөздермен толықтырылсын;
106) 159-баптың 5-тармағындағы "грантты беру" деген сөздер "грант" деген сөзбен ауыстырылсын;
107) 163-баптың 4-тармағының 3) тармақшасы алып тасталсын;
108) 171-бапта:
2-тармақ мынадай мазмұндағы 3-1) және 3-2) тармақшаларымен толықтырылсын:
"3-1) бюджеттiк инвестициялық жобаларды қаржыландырудың мониторингiн жүргiзу және iске асыру;
3-2) қарыз алушылардың қаржылық жай-күйiнiң мониторингiн жүргiзу;";
4-тармақ мынадай редакцияда жазылсын:
"4. Сенiм бiлдiрiлген өкiлдi (агенттi) кредитордың (сенiмгердiң) келiсiмi бойынша Қазақстан Республикасының Yкiметi айқындайтын тәртiппен бюджеттiк бағдарламаның әкiмшiсi айқындайды.";
5-тармақтағы "Кредитор (сенiмгер)" деген сөздер "Бюджеттiк бағдарламаның әкiмшiсi" деген сөздермен ауыстырылсын;
109) 175-баптың 1-тармағында:
екiншi бөлiктегi "Тiзбесiн Қазақстан Республикасының Укiметi" деген сөздерден кейiн "мен жергiлiктi атқарушы орган" деген сөздермен толықтырылсын;
"республикалық бюджеттен" деген сөздер алып тасталсын;
110) 176-баптың 4-тармағының бiрiншi бөлiгi мынадай редакцияда жазылсын:
"4. Табыстылықтың орта өлшемдi ставкасы - бюджеттi атқару жөнiндегi орталық уәкiлеттi орган шығарған мемлекеттiк бағалы қағаздар бойынша сыйақының орта өлшемдi ставкасы.
Бюджеттiк кредиттер бойынша сыйақы ставкасы жергiлiктi атқарушы органдарға, қаржы агенттiктерiне бюджеттiк кредиттер бойынша сыйақылар ставкасын қоспағанда, бюджеттiк кредиттiң тиiстi мерзiмiне сәйкес келетiн айналым мерзiмiмен мемлекеттiк бағалы қағаздар бойынша табыстылықтың орта өлшемдi ставкасынан төмен белгiленбейдi.
111) 182-баптың екiншi бөлiгi "Қазақстан Республикасының заңдарына" деген сөздерден кейiн "және кредит шартының талаптарына" деген сөздермен толықтырылсын;
112) 184-бапта:
4-тармақтағы "заңдарында белгiленген" деген сөздер "Yкiметi айқындайтын" деген сөздермен ауыстырылсын;
7-тармақ мынадай редакцияда жазылсын:
"7. Бюджеттiк кредит бойынша жергiлiктi атқарушы органда берешек болған немесе ол бюджеттiк кредиттiң нысаналы мақсатына пайдаланылмаған жағдайда кредитор жергiлiктi бюджеттiң қолма-қол ақша бақылау шотынан берешек сомаларын немесе нысаналы мақсатына пайдаланылмаған соманы жергiлiктi бюджеттердiң бюджет қаражаты қалдықтарының шегiнде осы Кодекске сәйкес ағымдағы қаржы жылына арналған тиiстi жергiлiктi бюджеттердi кейiннен нақтылауымен Қазақстан Республикасының Үкiметi белгiлейтiн тәртiппен жiбередi.";
113) 41-тараудың атауы "талаптарының" деген сөзден кейiн "және кепiлдiктiң" деген сөздермен толықтырылсын;
114) 188-бапта:
тақырыбы мынадай редакцияда жазылсын:
"Бюджеттiк кредиттi өтеу жөнiндегi кредитор талаптарының және кепiлдiктiң тоқтатылуы";
мынадай мазмұндағы 1-1-тармақпен толықтырылсын:
"1-1. Кредитордың мемлекеттiк бiлiм беру және студенттiк кредиттер бойынша талаптары қарыз алушы қайтыс болған не оны қайтыс болды деп жариялаған жағдайда тоқтатылады";
2-тармақтың 1) тармақшасындағы "тиiстi қаржы жылына арналған республикалық бюджет туралы заңның негiзiнде" деген сөздер "жыл сайын берешек тiзбесi мен көлемiн айқындайтын ҚР Yкiметiнiң шешiмi негiзiнде" деген сөздермен ауыстырылсын;
мынадай мазмұндағы 4-тармақпен толықтырылсын:
"4. Қазақстан Республикасының заңнамасына сәйкес жойылған қарыз алушыларға кредитордың бюджеттiк кредиттi өтеу жөнiндегi талаптары тоқтатылған жағдайда, бiр мезгiлде тиiстi бюджеттiк кредиттер бойынша кепiлдiктер де тоқтатылады.";
115) 190-бапта:
2-тармақ алып тасталсын;
мынадай мазмұндағы 5, 6 және 7-тармақтармен толықтырылсын:
"5. Бюджеттiк кредиттердi тиiмдi пайдалануды бағалау үшiн деректер экономикалық жоспарлау жөнiндегi орталық және жергiлiктi уәкілеттi органдарға бюджеттiк бағдарламалардың әкiмшiлерi экономикалық жоспарлау жөнiндегi орталық уәкiлеттi орган айқындайтын тәртiппен және құрамда табыс етедi.
6. Экономикалық жоспарлау жөнiндегi орталық және жергiлiктi уәкiлеттi органдар ұсынылған деректер негiзiнде бюджеттiк кредиттердi пайдалану тиiмдiлiгiн бағалау бойынша есептер қалыптастырады.
7. Бюджеттiк кредиттердi пайдалану тиiмдiлiгiн бағалау бойынша есептер экономикалық жоспарлау жөнiндегi жергiлiктi уәкiлеттi органдар экономикалық жоспарлау жөнiндегi жергiлiктi атқарушы органдарға және орталық уәкiлеттi органға жыл сайын есептi жылдан кейiнгi жылдың 1 наурызына дейiн табыс етедi.";
116) 11-бөлiмiнiң тақырыбы ", мемлекет кепiлдемесi" деген сөздермен толықтырылсын;
117) 43-тараудың тақырыбы "борыш" деген сөзден кейiн ", мемлекет кепiлдемесi" деген сөздермен толықтырылсын;
118) 191-бапта:
4) тармақша мынадай редакцияда жазылсын:
"4) банк кепiлдiгі - қарыз алушы мемлекеттiк кепiлдi беру туралы келiсiмде белгiленген тәртiпте және мерзiмде қарыз шарты бойынша өзiнен алынуға тиесiлi соманы қамтамасыз етпеген жағдайда бюджеттi атқару жөнiндегi уәкiлеттi органның алдындағы мемлекет кепiлдiк берген қарызды өтеу жөнiндегi банктiң мiндеттемесi;";
мынадай мазмұндағы 10-1), 10-2) және 10-3) тармақшалармен толықтырылсын:
"10-1) сақтандыру шарты - қарыз алушы қарыз шарты бойынша өзiнен алынуға тиесiлi соманы төлемеген жағдайда қарыз берушiнiң алдындағы мемлекет кепiлдемесiмен қамтамасыз етiлген қарыз бойынша берешектi өтейтiн сақтандыру ұйымының мiндеттемесiн көздейтiн шарт;
10-2) мемлекет кепiлдемелерi бойынша борыш - мемлекет кепiлдемесiмен тартылған және мемлекетке берiлетiн концессия объектiсiнiң құнынан аспайтын, белгiлi бiр күнге алынған және өтелмеген қарыздар сомаларының сомасы;
10-3) мемлекет кепiлдемесiмен тартылатын қарыз - инфрақұрылымдық облигациялар шығару арқылы жүзеге асырылатын мемлекеттiк емес қарыз.";
11) тармақша "немесе инфрақұрылымдық облигациялар ұстаушыларының өкiлi" деген сөздермен толықтырылсын;
мынадай мазмұндағы 13-1) тармақшамен толықтырылсын:
"13-1) мемлекет кепiлдемелерiн беру лимитi - тиiстi қаржы жылына арналған республикалық бюджет туралы заңмен бекiтiлетiн, оның шегiнде мемлекет кепiлдемелерi берiлуi мүмкiн тiркелген сома;
119) 192-баптың 3-тармағының төртiншi бөлiгі алып тасталсын;
120) 194-баптың 1-тармағы "актiлерiне сәйкес" деген сөздерден кейiн "өзара талаптарды есепке алмағанда," деген сөздермен толықтырылсын;
121) 202-баптың 1 және 2-тармақтарындағы ", сондай-ақ кассалық алшақтықты жабуға" деген сөздер алып тасталсын;
122) 207-баптың 2-тармағындағы "208" деген сандар "213" деген сандармен ауыстырылсын;
123) 208-баптың 1-тармағында:
3) тармақша мынадай редакцияда жазылсын:
"3) Банктiң кепiлдiгi, не алдағы қаржы жылында негiзгi борыш бойынша төлемдердi жабатын қарыздарды қайтаруды қамтамасыз ету, сыйақы беру, комиссия және өзге де төлемдер жөнiндегi сақтандыру келiсiмi болуы тиiс;";
8) тармақшадағы "мемлекеттiк кепiлдiкпен бұрын алынған мемлекеттiк емес қарыздарды" деген сөздер "мемлекет кепiлдiк берген бұрын алынған қарыздарды" деген сөздермен ауыстырылсын;
124) 210-баптың 1-тармағының бiрiншi бөлiгi "қарыз берушi" деген сөздерден кейiн "(облигациялар ұстаушылардың өкiлдерi)" деген сөздермен толықтырылсын;
"қарыз берушiнiң" деген сөз алып тасталсын;
125) 211-бапта:
1-тармақта:
3) тармақшадағы "қарыз шартының тараптары және" деген сөздер алып тасталсын;
6) тармақша мынадай редакцияда жазылсын:
"6) кепiлдiк (мемлекет кепiлдемесi) шартына, кепiлдiк берiлген мiндеттемеге қол қойған лауазымды адам көрсетiледi.";
126) 217-баптағы "шартында" деген сөз "талаптарында" деген сөзбен ауыстырылсын;
127) 218-баптың екiншi бөлiгiндегі "және кепiлдiк берген банк" деген сөздер алып тасталсын;
128) 219-баптағы "немесе мемлекет кепiлдiк берген қарыз бойынша қарыз берушiнiң алдындағы мiндеттемелердi орындау мерзiмiн ұзартуға" деген сөздер алып тасталсын;
129) мынадай мазмұндағы 46-1-тараумен толықтырылсын:

"46-1-тарау. МЕМЛЕКЕТ КЕПІЛДЕМЕСІ

218-1-бап. Мемлекет кепiлдемесi

1. Қазақстан Республикасының кепiлдемесi (бұдан әрi - мемлекет кепiлдемесi) - қарыз алушының концессиялық келiсiм шеңберiнде өзiне тиесiлi және қарыз берушi борышкерден берешектi өндiрiп алу жөнiндегi түпкiлiктi шаралар қабылдағаннан кейiн мемлекетке берiлетiн концессия объектiсiнiң құнынан аспайтын соманы төлемеген жағдайда қарыз берушi алдындағы қарыз алушының толықтай және iшiнара борышын өтеуге Қазақстан Республикасы Үкiметiнiң мiндеттемесi.
Мемлекетке берiлетiн концессия нысанының құны Қазақстан Республикасы Үкiметi белгіленген тәртiппен айқындалады.
2. Қарыз берушi мемлекетке берiлетiн концессия құнынан аспайтын сомаға, мемлекет кепiлдемесiмен тартылатын қарыздар бойынша мiндеттемелердi қарыз алушының орындауын қамтамасыз ету ретiнде мемлекет кепiлдемесiн бередi.
3. Мемлекет кепiлдемесiмен тартылатын қарыздар бойынша Қазақстан Республикасы атынан мемлекет кепiлдемесiн берудiң ерекше құқығына Қазақстан Республикасының Yкiметi ие.
Қазақстан Республикасы Үкiметiнiң тапсырмасы бойынша, Бюджеттiң атқарылуы жөнiндегi орталық уәкiлеттi орган Қазақстан Республикасының Yкiметi айқындайтын шарттар мен тәртiпте мемлекет кепiлдемесiн берудi жүзеге асырады.

218-2-бап. Мемлекет кепiлдемесiн берудi шектеу

1. Мемлекет кепiлдемесi республикалық бюджет туралы заңда белгiленген лимит шегiнде тиiстi қаржы жылына берiледi.
2. Мемлекет кепiлдемесiмен тартылатын қарыз қаражаты концессия объектiлерiн құруға ғана пайдаланылады.
3. Тартылған қарыздарды қайта қаржыландыру ретiнде, сондай-ақ жергiлiктi атқарушы органдардың қарыздарын қайтаруды қамтамасыз ету ретiнде тартылатын қарыздар бойынша мемлекет кепiлдемесi берiлмейдi.
4. Мемлекет кепiлдемесiн беру лимитiнiң көлемi осы лимит белгiленген тиiстi қаржы жылы шеңберiнде ғана пайдаланылуы мүмкiн.

218-3-бап. Мемлекет кепiлдемесiн беру шарттары

1. Мемлекет кепiлдемесi Қазақстан Республикасы Үкiметi қаулыларының негiзiнде берiледi.
2. Мемлекет кепiлдемесiн беру осы Кодекстiң 218-9-бабына сәйкес қарыз алушының концессия объектiсiн мемлекетке беру мiндеттiлiгi шарттарында жүзеге асырылады.
3. Мемлекеттiк емес қарыз бойынша мемлекет кепiлдемесi берiлгенi үшiн жарғылық капиталына мемлекет 100 пайыз қатысатын, құрылған заңды тұлғалар үшiн мемлекет кепiлдемесi мөлшерiнен 0,2 пайыз мөлшерiнде және басқа заңды тұлғалар үшiн мемлекет кепiлдемесiнiң сомасынан 2 пайыз мөлшерiнде алдын-ала бiржолғы төлем (алым) қарыз алушыдан өндiрiлiп алынады.
4. Мемлекет кепiлдемесiн беру мемлекет кепiлдемесiмен тартылатын қарыздың қайтарылуын қамтамасыз ету жөнiндегi сақтандыру шартын рәсiмдеген соң және ұсынған соң жүзеге асырылады.

218-4-бап. Мемлекет кепiлдемесiн алуға үмiткер
тұлғаларға қойылатын талаптар

1. Қарыз алушы болатын заңды тұлғалардың қарыздары бойынша мемлекет кепiлдемесiн алуға үмiткер заңды тұлғаларға мынадай талаптар қойылады:
1) кәсiпкерлiк қызметтi жүзеге асыратын Қазақстан Республикасының резидентi болуы;
2) келесi қаржы жылында төлемдердi жабатын мемлекет кепiлдемесiмен тартылатын қарыздың қайтарылуын қамтамасыз ету жөнiндегi сақтандыру шартының болуы. Сақтандыру шарты қарыз берушiге жыл сайын келесi сақтандыру шартының мерзiмi аяқталғанға дейiнгi бiр айдан кеш емес уақытта берiлуi;
3) салалық уәкiлеттi органның оң қорытындысының болуы;
4) бюджеттi атқару жөнiндегi орталық уәкiлеттi органның оң қорытындысының болуы;
5) экономикалық жоспарлау жөнiндегi орталық уәкiлеттi органның оң қорытындысының болуы;
6) бюджеттiк жоспарлау жөнiндегi орталық уәкiлеттi органның оң қорытындысының болуы;
7) бұрын алған мемлекет кепiлдемесiн өтеу және қызмет көрсету бойынша берешегi әлде төлеу мерзiмi басталған қарыздардың мемлекеттiк кепiлдемелерi, сондай-ақ кредиторлар алдында басқа да мерзiмi өткен берешегi болмауы тиiс.
2. Мемлекет кепілдемесiн алуға үмiткер тұлғаларға мемлекеттiк емес қарыз бен инвестициялық жобаның тәуекелi шарттарына байланысты қойылатын қосымша талаптар Қазақстан Республикасының Үкiметiмен белгiленуi мүмкiн.

218-5-бап. Мемлекет кепiлдемесiн беру үшiн
инвестициялық жобаларды таңдау

Мемлекет кепiлдемесiн беру үшiн инвестициялық жобаларды таңдау Қазақстан Республикасының Үкiметi айқындайтын тәртiппен Экономикалық жоспарлау жөнiндегi орталық уәкiлеттi органымен жүргiзiледi.

218-6-бап. Мемлекет кепiлдемесiнiң нысаны

1. Мемлекет кепiлдемесi бюджетті атқару жөнiндегi орталық уәкiлеттi орган мен қарыз берушi арасында кепiлдеме шартын жазбаша нысанда жасасу тәсiлiмен берiледi.
Осы баптың және осы Кодекстiң 218-7-бабының талаптарына сәйкес келетiн құжат қана мемлекет кепiлдемесiмен танылуы мүмкiн. Мемлекеттiк органдар мен олардың лауазымды тұлғаларының ешқандай кесiмдерiнде және басқа құжаттарында мемлекет кепiлдемесiнiң заңды күшi жоқ.
2. Кепiлдеме шартына бюджеттi атқару жөнiндегi орталық уәкiлеттi органның бiрiншi басшысы қол қояды.

218-7-бап. Мемлекет кепiлдемесiнiң мазмұны

1. Мемлекет кепiлдемесiнiң шартында мыналар көрсетiледi:
1) Қазақстан Республикасы Үкiметi қаулыларының деректемелерi, осыған сәйкес мемлекет кепiлдемесi берiледi;
2) қарыз алушы мен қарыз берушiнiң атауы мен орналасқан жерi;
3) қарыз алушының негiзгi мiндетiнiң мазмұны;
4) берiлетiн мемлекет кепiлдемесiнiң сомасы;
5) мемлекет кепiлдемесiнiң қолданылу мерзiмi;
6) кепiлдеме шартына қол қойған лауазымды тұлға.
Кепiлдеме шартында осы баптың 1-тармағының 1) тармақшасында көзделген талап болмағанда не оған қол қоюда осы Кодекстiң 218-6-бабы 2-тармағын бұзу мемлекет кепiлдемесi жарамсыз деп танылады.

218-8-бап. Мемлекет кепiлдемелерi және мемлекет
кепiлдемесiмен қарыздарды берудi есепке алу

Берiлетiн мемлекет кепiлдемелерi және мемлекет кепiлдемесiмен қарыздар Қазақстан Республикасы Үкiметi белгiлеген тәртiппен бюджеттi атқару жөнiндегi орталық уәкiлеттi органда тiркелуi мен есепке алынуы тиiс.
Бюджеттi атқару жөнiндегi орталық уәкiлеттi орган Қазақстан Республикасы Yкiметi белгiлеген тәртiппен мемлекет кепiлдемесi бойынша борыш мониторингiн жүзеге асырады.

218-9-бап. Мемлекет кепiлдемесiнiң орындалуы

Мемлекет кепiлдемесi мынадай жағдайларда:
қарыз берушi борышкерден берешектi өндiрiп алу жөнiндегi барлық орынды шараларды қолданған соң,
Қазақстан Республикасының заңнамасына сәйкес қарыз алушы банкрот болып танылғанда немесе оны таратқанда орындалуы тиiс.
Тиiстi қаржы жылына республикалық бюджет туралы заңда көзделген қаражат шегiнде мемлекет кепiлдемесiн орындау бойынша талаптар қойылған күннен бастап он сегiз айдың iшiнде мемлекет кепiлдемесiн орындау жүзеге асырылады.
Мемлекет кепiлдемесi бойынша мiндеттемелердi орындауға бөлінген қаражат мемлекетке концессия объектiсiн беру жолымен республикалық бюджетке қайтарылуы тиiс.

218-10-бап. Мемлекет кепiлдемесi әрекетiнiң
тоқтатылуының негiздерi

Мемлекет кепiлдемесi қарыз алушы немесе кепiлдеме берушi мемлекет кепiлдемесiмен қамтамасыз етiлген қарыз бойынша мiндеттемелердi толық орындағаннан кейiн өзiнiң әрекетiн тоқтатады.

218-11-бап. Мемлекет кепiлдемесiмен тартылатын қарыз
қаражатын пайдалануды шектеу

Қарыз шартында көзделмеген мақсаттарға, мемлекеттiк органдарды кредиттеуге мемлекет кепiлдемесiмен тартылатын қарыз қаражатын пайдалануға тыйым салынады.

218-12-бап. Мемлекет кепiлдемесiмен тартылатын қарыз қаражатын
пайдалануды бақылау және оның жауапкершiлiгi

Мемлекет кепiлдемесiмен тартылатын қарыз қаражатының пайдаланылуына Қазақстан Республикасының Үкiметi белгiлеген тәртiппен бақылау жүзеге асырылады.
Қарыз алушы алынған қаражатты мақсатсыз пайдалануға және қарыз бойынша борыштық мiндеттемелердi орындамаған жағдайда мемлекет кепiлдемесi бойынша мiндеттемелердi орындауға оқшауландырылған қаражатты қайтаруға Қазақстан Республикасының заңдарында көзделген мемлекет кепiлдемесiмен тартылатын қарыз бойынша жауаптылықта болады.".
4. "Қазақстан Республикасының Ұлттық Банкi туралы" 1995 жылғы 30 наурыздағы Қазақстан Республикасының Заңына (Қазақстан Республикасы Жоғарғы Кеңесiнiң Жаршысы, 1995 ж., N 3-4, 23-құжат; N 12, 88-құжат; N 15-16, 100-құжат; N 23, 141-құжат; Қазақстан Республикасы Парламентiнiң Жаршысы, 1996 ж., N 2, 184-құжат; N 11-12, 262-құжат; N 19, 370-құжат; 1997 ж., N 13-14, 205-құжат; N 22, 333-құжат; 1998 ж., N 11-12, 176-құжат; 1999 ж., N 20, 727-құжат; 2000 ж., N 3-4, 66-құжат; N 22, 408-құжат; 2001 ж., N 8; 52-құжат; N 10, 123-құжат; 2003 ж., N 15, 138, 139-құжаттар; 2004 ж., N 11-12, 66-құжат; N 16, 91-құжат; N 23, 142-құжат; 2005 ж., N 14, 55-құжат; N 23, 104-құжат; 2006 ж., N 4, 24-құжат):
1) 8-бапта:
з) тармақшадағы "банктердiң, банк операцияларының жекелеген түрлерiн жүзеге асыратын ұйымдардың өздерi пайдаланатын автоматтандырылған жүйелер мен банк ақпаратын қорғаудың сенiмдi, қауiпсiз болуын қамтамасыз ету жөнiндегi ең төменгi талаптарын белгiлейдi" деген сөздер "банктердiң және банк операцияларының жекелеген түрлерiн жүзеге асыратын ұйымдардың төлем жүйелерiне қол жетiмдiлiгiн қамтамасыз ететiн ұйымдық шараларға және бағдарламалық-техникалық құралдарға қойылатын талаптарды белгiлейдi" деген сөздермен ауыстырылсын;
к) тармақша "жүзеге асырады" деген сөздерден кейiн ", қаржылық есептiлiктiң халықаралық стандарттарын есепке ала отырып, Қазақстан Ұлттық Банктiң бухгалтерлiк есепке алу саясаты мен әдiсiн айқындайды" деген сөздермен толықтырылсын;
к-1) тармақшадағы "операцияларды автоматтандыру жүйелерi" деген сөздер "бухгалтерлiк есепке алуды жүргiзудi автоматтандыру" деген сөздермен ауыстырылсын;
к-2) тармақшадағы "операцияларды автоматтандыру" деген сөздер "бухгалтерлiк есепке алуды жүргiзудi автоматтандыратын" деген сөздермен ауыстырылсын;
л-1) тармақшадағы "статистикалық есеп беру тiзбесiн, нысандарын, мерзiмдерiн белгiлейдi" деген сөздер "төлем теңгерiмi, сыртқы борыш, ақша-кредит және қаржы статистикасы жөнiнде статистикалық есеп беру тiзбесiн, нысандарын, мерзiмдерiн белгiлейдi және оны жинақтауды жүзеге асырады;" деген сөздермен ауыстырылсын;
мынадай мазмұндағы н-1) тармақшамен толықтырылсын:
"н-1) Қазақстан Ұлттық банкiнiң консультативтiк-кеңесшi органдарын құруға құқылы;";
р) тармақшадағы "мемлекеттiк кепiлдiктерi жоқ мемлекеттiк емес сыртқы заемдар бойынша шарттардың мониторингiн" деген сөздер "мемлекеттiк кепiлдiктерi жоқ мемлекеттiк емес сыртқы қарыздар бойынша шарттардың мониторингiн және Қазақстан Республикасының аумағында қызметiн жүзеге асыратын резидент еместердiң валюталық операцияларының мониторингiн (валюталық мониторинг)" деген сөздермен ауыстырылсын;
у-10) тармақша "санкциялар" деген сөзден кейiн "қолданудың тәртiбiн айқындайды және" деген сөздермен толықтырылсын;
мынадай мазмұндағы у-13) тармақшамен толықтырылсын:
"у-13) Қазақстан Республикасы Қаржы министрлiгiмен келiсiм бойынша Қазақстан Республикасы Ұлттық Банкiнiң инвестициялық операцияларын жүзеге асыру тәртiбiн айқындайды;";
мынадай мазмұндағы у-14), у-15) және у-16) тармақшалармен толықтырылсын:
"у-14) Қазақстан Республикасы Ұлттық Банкiнiң активтерiн айырбастау және қайта айырбастау тәртiбiн айқындайды;
у-15) Қазақстан Республикасы Ұлттық Банкiнiң сыртқы басқару активтерiн таңдау тәртiбiн айқындайды;
у-16) сұраныс пен ұсыныс көздерiнiң мониторингiн, сондай-ақ iшкi валюта рыногындағы шетелдiк валютаны пайдалану бағыттарын жүзеге асырады;";
2) 9-баптың екiншi бөлiгiндегi "Басқармасы" деген сөз "нормативтiк құқықтық актiлерi" деген сөздермен ауыстырылсын;
3) 15-бапта:
а) "әзiрлеу" деген сөз "мақұлдау" деген сөзбен ауыстырылсын;
и-1) тармақша алып тасталсын;
м) тармақша мынадай редакцияда жазылсын:
"м) Қазақстан Ұлттық Банкiнiң бюджетiн (шығыстар сметасын) және оны пайдалану, жарғылық және резервтiк капиталын қалыптастыру, Қазақстан Ұлттық Банкiнiң негiзгі қаражатына және өзге де мүлкiне билiк ету тәртiбi туралы нормативтiк құқықтық актiлерiн бекiту;";
м-1) тармақша алып тасталсын;
с-1) тармақша алып тасталсын;
мынадай мазмұндағы п-1) тармақшамен толықтырылсын:
"п-1) Қазақстан Ұлттық банкiнiң консультативтiк-кеңесшi органдарын құру шешiмдерiн қабылдау;";
15-бап мынадай мазмұндағы у-1), у-2) және у-3) тармақшалармен толықтырылсын:
"у-1) Қазақстан Республикасы Ұлттық қорының активтерiн айырбастау және қайта айырбастау ережесiн бекiтедi;
у-2) Қазақстан Республикасы Ұлттық қорының сыртқы басқару активтерiн таңдау тәртiбiн айқындайтын ереженi бекiтедi;
у-3) реттелуi Қазақстан Ұлттық Банкiнiң құзыретiне жататын мәселелер бойынша банктерге және банк операцияларының жекелеген түрлерiн жүзеге асыратын ұйымдарға ықпал ету шараларын және санкциялар қолдану тәртiбiн айқындайтын ереженi бекiтедi;";
ч) тармақша алып тасталсын;
4) 16-баптың екiншi бөлiгiнде:
"бес лауазымды адамы" деген сөздер "төрт лауазымды адамы" деген сөздермен ауыстырылсын;
"екi өкiл" деген сөздерден кейiн ", сондай-ақ уәкiлеттi органның басшысы" деген сөздермен толықтырылсын;
5) 52-1-баптың 2) тармақшасы мынадай редакцияда жазылсын:
"2) өтеу мерзiмi бiр жылдан аспайтын вексельдердiң, бiрiншi сыныпты эмитенттердiң коммерциялық вексельдерiн қайта есепке алады;";
6) 56-бапта:
б) тармақшадағы "құндылықтармен" деген сөз алып тасталсын;
о) тармақша алып тасталсын;
7) 57-баптың бiрiншi бөлiгiнiң жетiншi абзацы алып тасталсын;
8) 59-баптың бiрiншi бөлiгi мынадай редакцияда жазылсын:
"Қазақстан Ұлттық Банкi алтын-валюта активтерiнiң өтiмдiлiгiн және сақталуын, сондай-ақ тәуекел деңгейiнiң қалыптылығы жағдайында ұзақ мерзiмдi перспективада табыстылығын қамтамасыз ете отырып, олармен операциялар жасайды.";
9) 62-баптың екiншi бөлiгi мынадай мазмұндағы 2-1) тармақшамен толықтырылсын:
"2-1) банк операцияларын жүргiзу тәртiбiн, сондай-ақ Қазақстан Республикасының заңнамалық актiлерiнде көзделген жағдайларда уәкiлеттi органға қорытындылар беру шарттары мен тәртiбiн айқындауға;";
10) мынадай мазмұндағы 62-2, 62-3-баптармен толықтырылсын:

"62-2-бап. Қазақстан Ұлттық Банкiнiң бақылау
функцияларын жүзуге асыру

Реттелуi Қазақстан Ұлттық Банкiнiң құзыретiне жататын мәселелер бойынша осы Заңға және Қазақстан Республикасының басқа заңнамалық актiлерiне сәйкес:
1) Қазақстан Ұлттық Банкiнiң нормативтiк құқықтық актiлерiнде көзделген жағдайларда банктер мен банк операцияларының жекелеген түрлерiн жүзеге асыратын ұйымдар үй-жайларының техникалық жарақтануын алдын ала байқау және жабдықтау;
2) бiлiктiлiк талаптарына сәйкестiгiн белгiлеу;
3) жергiлiктi жерге барып немесе:
қаржы ұйымдарын, сондай-ақ Қазақстан Республикасының аумағында валюталық операцияларды және валюталық құндылықтарды пайдалануға байланысты қызметтi жүзеге асыратын адамдарды олардың Қазақстан Республикасы заңнамасының талаптарын сақтауы тұрғысынан;
Қазақстан Ұлттық Банкiнiң лицензиясы негiзiнде банк операцияларының жекелеген түрлерiн жүзеге асыратын ұйымдарды тұтас немесе жекелеген мәселелер бойынша олардың қызметiн, сондай-ақ олардың Ұлттық Банкiге ұсынатын есептерi мен мәлiметтерiнiң дұрыстығын зерделеу үшiн құжаттамалы нысанда тексерулер жүргiзу арқылы бақылау функцияларын жүзеге асырады.

62-3-бап. Қазақстан Ұлттық Банкiнiң тексерулер ұйымдастыру
мен жүргiзу тәртiбiнiң ерекшелiктерi

1. Қазақстан Ұлттық Банкi қаржы ұйымдарының (олардың филиалдарының), сондай-ақ Қазақстан Республикасының аумағында валюталық операцияларды және валюталық құндылықтарды пайдалануға байланысты қызметтi жүзеге асыратын адамдардың қызметiн тексерудi Заңның осы бабында көзделген ерекшелiктердi ескере отырып, кәсiпкерлiк пен лицензиялау мәселелерiн реттейтiн Қазақстан Республикасы заңнамалық актiлерiне сәйкес дербес не басқа мемлекеттiк органдардың және/немесе ұйымдардың мамандарын тарта отырып жүргiзедi.
2. Қазақстан Ұлттық Банкi жүргiзетiн тексеру мынадай түрлерге бөлiнедi:
1) жоспарлы - қаржы ұйымдарын, сондай-ақ Қазақстан Республикасының аумағында валюталық операцияларды және валюталық құндылықтарды пайдалануға байланысты қызметтi жүзеге асыратын адамдарды жылына бiр рет тексеру;
2) жоспардан тыс - азаматтардың жазбаша өтiнiштерi мен арыздары, бұқаралық ақпарат құралдарындағы жарияланымдар бойынша, Қазақстан Республикасының басқа мемлекеттiк органдарынан сұрау салу түскен кезде, Қазақстан Республикасының заңнамасы талаптарының бұзылғаны туралы дәлелдi ақпараттар мен материалдар түскен кезде, Қазақстан Республикасының ұлттық және экономикалық қауiпсiздiгiне, оның қаржы жүйесiнiң тұрақтылығына төнген қауiп-қатер болған кезде белгiленетiн, сондай-ақ бұрын анықталған Қазақстан Республикасының заңнамасын бұзуларды жойғанын бақылау мақсатындағы тексеру.
3. Тексеру жоспарлары тоқсан сайын құрылады және оны Қазақстан Ұлттық Банкiнiң төрағасы немесе оның орынбасары бекiтедi.
4. Қазақстан Ұлттық Банкi тексерiлетiн тұлға тексерудiң басында тексерушi топқа ұсынуы мiндеттi құжаттардың (мәлiметтердiң) тiзбесiн көрсете отырып, алдағы тексеру туралы тексерiлетiн тұлғаны жазбаша хабардар етуге құқылы.
Қазақстан Ұлттық Банкi төрағасының орынбасары не Қазақстан Ұлттық Банкiнiң аумақтық филиалының басшысы бекiткен тексеру белгiлеу туралы актiнi тексерiлетiн тұлғаға тапсыру сәтi тексеру жүргiзудiң басталуы болып есептеледi.
5. Тексеру Қазақстан Ұлттық Банкiнiң тексеру белгiлеу туралы актiсiнiң негiзiнде жүргiзiледi.
Тексеру белгiлеу туралы актiде мыналар көрсетiледi:
1) актiнiң нөмiрi және күнi;
2) тексеру белгiлеген органның атауы;
3) тексеру жүргiзуге уәкiлеттi тұлғаның (тұлғалардың) аты-жөнi және лауазымы;
4) тексеру жүргiзу белгiленген тұлғаның атауы, оның орналасқан жері, салық төлеушiнiң тiркеу нөмiрi, сондай-ақ тексерулердi құқықтық статистика жөнiндегi органдарда тiркеуге үшiн талап етiлетiн басқа да мәлiметтер;
5) тексеру түрi (жоспарлы, жоспардан тыс);
6) тексерiлуге тиiстi мәселелер;
7) тексеру жүргiзу мерзiмi;
8) тексеру жүргiзудiң құқықтық негiздерi, оның iшiнде нормативтiк құқықтық актiлер, тексеруге тиiстi мiндеттi талаптар;
9) азаматтардың өтiнiштерi мен арыздары бойынша және бұрын анықталған Қазақстан Республикасының заңнамасын бұзуларды жойғанын бақылау мақсатындағы тексерулердi қоспағанда, тексеру кезеңi;
10) лауазымын, аты-жөнiн көрсете отырып, актiге қол қоюға уәкiлеттi тұлғаның қолы және мөрi.
6. Тексеру белгiлеу туралы актi Қазақстан Республикасының заңнамасында белгіленген тәртiппен құқықтық статистика жөнiндегi органда мiндеттi түрде тiркеледi.
7. Объектiге тексеру үшiн келген Қазақстан Ұлттық Банкiнiң лауазымды тұлғалары құқықтық статистика жөнiндегi органда тiркеу туралы белгiсi бар тексеру белгiлеу туралы актiнi және қызметтiк куәлiгiн көрсетуге мiндеттi.
8. Тексеру белгiлеу туралы актi қабылдаудан бас тартылған немесе тексерудi жүзеге асыратын Қазақстан Ұлттық Банкiнiң лауазымды тұлғаларына тексеру жүргiзуге қажеттi материалдарды пайдалануына кедергi келтiрiлген жағдайда тиiстi актi жасалады. Актiге Қазақстан Ұлттық Банкiнiң лауазымды тұлғасы және тексерiлетiн тұлғаның уәкiлеттi қызметкерi қол қояды.
9. Тексеру тексеру белгiлеу туралы актiде көрсетiлген лауазымды тұлғаға (тұлғаларға) ғана жүргiзiлуi мүмкiн.
10. Тексерiлетiн тұлға Қазақстан Ұлттық Банкiнiң тексеру белгiлеу туралы актiсiн алғаннан кейiн келесi күннен кешiктiрмей тексерушi топ басшысының атына мынадай ақпаратты көрсете отырып, хат ұсынады:
1) тексеру жүргiзудi қамтамасыз етуге жауапты басшы туралы және оны алмастыратын тұлға туралы;
2) қажеттi материалдар (мәлiметтер дайындауға), оларды тексеруші топқа (тұлғаға) уақтылы беруге жауапты тексерiлетiн тұлғаның мамандары туралы.
11. Тексеру жүргiзу кезеңiнде тексерiлетiн тұлға тексерушi топқа (тұлғаға):
1) бiр рет талап ету бойынша тексеруге қатысты кез келген қажеттi ақпаратты қағаз және электронды жеткiзгiштерде не олардың көшiрмелерiн тексеру нәтижелерi туралы актiге қосу үшiн алуды, сондай-ақ тексеру жүргiзу үшiн қажеттi кез келген ақпарат көздерiне қол жеткiзудi;
2) тексерудiң мәнiне сәйкес автоматтандырылған деректер қорына (ақпараттық жүйелерге) қол жеткiзудi;
3) қажет болған кезде кез келген лауазымды тұлғалар мен қызметкерлердiң жүргiзiлетiн тексерiске, олардың қызметтiк мiндеттерiне және/немесе тексерiлетiн тұлғаның қызметiн қатысты мәселелер бойынша түсiндiрулер беруiн (ауызша немесе жазбаша);
4) тексерiлетiн тұлғаның ғимаратында оған еркiн қол жеткiзу мүмкiндігін берiп, жеке үй-жайды қамтамасыз етуге мiндеттi.
12. Тексерiлетiн тұлғаның Заңның осы бабының 11-тармағының талаптарының бiрiн бұзуы тексерiлетiн тұлғаға не оның басшысына Қазақстан Республикасының заңнамалық актiлерiнде көзделген ықпал ету шаралары мен санкциялар қолдануға негiз болып табылады.
13. Тексеру жүргiзудiң мерзiмi отыз күнтiзбелiк күннен аспауы тиiс, жекелеген мәселелердi қосымша зерделеу қажеттiгi кезiнде не тексерудiң айтарлықтай көлемiне байланысты ерекше жағдайларда Қазақстан Ұлттық Банкi төрағасының орынбасары не Қазақстан Ұлттық Банкi аумақтық филиалының басшысы тексеру өткiзу мерзiмiн отыз күнтiзбелiк күннен аспайтын мерзiмге ұзартуы мүмкiн.
Тексеру мерзiмi ұзартылған жағдайда тексеру белгiлеу туралы өткен актiнi тiркеу нөмiрi мен күнi және ұзарту себебi көрсетiлген құқықтық статистика органында тiркелген тексерудi ұзарту туралы қосымша акті ресiмделедi.
14. Тексеру нәтижелерi бойынша тексерушi топ (тұлға) тексеру нәтижелерi туралы актi жасайды.
Тексеру нәтижелерi туралы актiде:
1) актiнiң жасалған күнi мен орны;
2) тексеру жүргiзген органның атауы;
3) тексеру жүргiзуге негiз болған тексеру белгiлеу туралы актiнiң күнi мен нөмiрi;
4) тексеру жүргiзген тұлғаның (тұлғалардың) аты-жөнi және лауазымы;
5) тексерiлетiн тұлғаның атауы, оның орналасқан жерi, салық төлеушiнiң тiркеу нөмiрi, тексеру жүргiзген кезде тексерiлетiн тұлғаның өкiлi қатысқан жағдайда оның аты-жөнi, лауазымы;
6) тексеру жүргiзiлген орны және кезеңi;
7) тексеру нәтижелерi туралы, оның iшiнде анықталған бұзушылықтар туралы, олардың сипаты туралы мәлiметтер;
8) тексерiлетiн тұлға өкiлiнiң, сондай-ақ тексерудi жүргiзу кезiнде қатысқан басқа да тұлғалардың актiмен танысуы туралы немесе танысудан бас тартуы туралы мәлiметтер, олардың қолы немесе қол қоюдан бас тартуы туралы;
9) тексерудi жүргiзген лауазымды тұлғаның (тұлғалардың) қолы көрсетiледi.
Тексеру нәтижелерi туралы актiге тексеру нәтижелерiне байланысты қажеттi құжаттар (мәлiметтер) немесе олардың көшiрмелерi қоса берiледi.
Тексеру жүргiзу мерзiмi аяқталуынан кешiктiрмей тексерушi топ (тұлға) тексерiлетiн тұлғада түпнұсқа ретiнде болатын құжаттардың көшiрмелерiн қоспағанда, тексерiлетiн тұлға басшысының атына танысу және қол қою үшiн қосымшаларының көшiрмелерiмен қоса тексерудiң нәтижелерi туралы актiнiң екi данасы жiберiледi.
Тексерiлетiн тұлғаның басшысы (оның орынбасары) не тексеру жүргiзудi қамтамасыз етуге жауапты басшы тексеру нәтижелерi туралы бiрiншi данасын қабылдайды, екiншi данасының әрбiр парағына қол қояды, оның соңғы парағына лауазымын, атын-жөнiн көрсете отырып, алған кyнi туралы белгi қояды және тексеру нәтижелерi туралы актiнi алған күннен бастап келесi күннен кешiктiрмей тексеру нәтижелерi бойынша ескертулер және немесе қарсылықтар болса оны көрсете отырып, Қазақстан Ұлттық Банкiнiң тексерушi тобына (тұлғасына) екiншi дананы ұсынады.
15. Тексерiлетiн тұлғаның басшысына (оның орынбасарына) тексеру белгiлеу туралы актiде көрсетiлген тексерудi аяқтау мерзiмiнен кешiктiрiлмей тексеру нәтижелерi туралы актiнiң жiберiлген күнi тексеру мерзiмiнiң аяқталуы деп есептеледi.
16. Қазақстан Ұлттық Банкi Қазақстан Республикасының заңнамалық актiлерiнде көзделген ықпал ету шаралары мен санкциялар қолданған жағдайда тексерiлетiн тұлға Қазақстан Ұлттық Банкi белгiлеген мерзiмде анықталған бұзушылықтарды жою жөнiнде қабылданған шаралар туралы жазбаша есептi (ақпаратты) беруге мiндеттi.
17. Тексеру жүргiзген кезде Қазақстан Ұлттық Банкiнiң лауазымды тұлғалары тексерiлетiн тұлғаның құжаттарының сақталуын қамтамасыз етуге және алынған ақпараттардың құпиялылығын сақтауға, тексерiлетiн тұлғаның және оның клиенттерiнiң құқықтары мен заңды мүдделерiн кемсiтуге тiкелей не жанама әкеп соғатын iс-әрекеттерден бас тартуы тиiс.".
5. "Банкроттық туралы" 1997 жылғы 21 қаңтардағы Қазақстан Республикасының Заңына (Қазақстан Республикасы Парламентiнiң Жаршысы, 1997 ж., N 1-2, 7-құжат; N 13-14, 205-құжат; 1998 ж., N 14, 198-құжат; N 17-18, 225-құжат; 2000 ж., N 22, 408-құжат; 2001 ж., N 8, 52-құжат; N 17-18, 240-құжат; N 24, 338-құжат; 2002 ж., N 17, 155-құжат; 2003 ж., N 4, 26-құжат; N 11, 67-құжат; 2004 ж., N 6, 42-құжат; N 23, 142-құжат; 2005 ж., N 14, 57-құжат, 2006 ж., N 1, 4-құжат; N 2, 20-құжат; N 4, 24-құжат):
1) 10-бап мынадай мазмұндағы 5-тармақпен толықтырылсын:
"5. Кредиторлар талаптарының тiзiлiмiне кредиторлардың мемлекет кепiлдемесiмен қамтамасыз етiлген инфрақұрылымдық облигациялар жөнiндегi талаптары қосылмайды.";
2) 68-бап мынадай мазмұндағы 4-тармақпен толықтырылсын:
"4. Егер конкурстық массаның құрамында концессия объектiсiнiң құрамына енетiн мүлiк бар болса онда аталған мүлiк мемлекетке берiлуi тиiс және конкурстық массаның құрамынан шығарылады.";
3) 74-баптың 4-тармағының 3) тармақшасы "қаражаты" деген сөзден кейiн ";" белгiсi қойылып мынадай мазмұндағы 4) тармақшамен толықтырылсын:
"4) концессия объектiсiнiң құрамына кiретiн мүлiк.".
6. "Сот сараптамасы туралы" 1997 жылғы 12 қарашадағы Қазақстан Республикасының Заңына (Қазақстан Республикасы Парламентiнiң Жаршысы, 1997 ж., N 21, 276-құжат; 2000 ж., N 6, 141-құжат; 2001 ж., N 21-22, 281-құжат; 2004 ж., N 23, 142-құжат; N 24, 153-құжат; 2005 ж., N 10, 32-құжат):
22-бап мынадай редакцияда жазылсын:

"22-бап. Сот-сараптама қызметiн қаржыландыру

Сот сараптамасы органдарында қылмыстық, азаматтық iстер және әкiмшiлiк құқық бұзушылықтар туралы iстер бойынша сот сараптамаларын жүргiзудi қаржыландыру Қазақстан Республикасының қылмыстық iс жүргiзу заңдарында және Қазақстан Республикасының әкiмшiлiк құқық бұзушылық туралы заңдарында көзделген жағдайларды қоспағанда, бюджет қаражаты есебiнен жүзеге асырылады.
Сот сараптамасы органдарында азаматтық iстер бойынша сот сараптамаларын жүргiзуге ақы төлеудi Қазақстан Республикасының азаматтық іс жүргiзу заңдарында көзделген, соттың дәлелденген айқындамасымен расталған негiздемелер болған жағдайларды қоспағанда, тараптар жүзеге асырады, алдын ала төлеу нысанында тиiстi бюджетке енгiзiледi.
Мамандандырылған сараптамаларды жүргiзу, сондай-ақ бiлiм беру саласындағы уәкiлеттi орган бекiтетiн бағдарламаларға кiрмейтiн ғылыми және ғылыми-әдiстемелiк зерттеулер жүргiзу үшiн ақы төлеу алдын ала төлеу нысанында тиiстi бюджетке енгiзiледi.".
7. "Ұлттық мұрағат қоры және мұрағаттар туралы" 1998 жылғы 22 желтоқсандағы Қазақстан Республикасының Заңына (Қазақстан Республикасы Парламентiнiң Жаршысы, 1998 ж., N 24, 435-құжат; 2001 ж., N 21-22, 286-құжат; 2003 ж., N 10, 53-құжат; 2005 ж., N 23, 142-құжат; 2006 ж., N 2, 20-құжат):
17-баптың 1-тармағы мынадай редакцияда жазылсын:
"1. Бюджет қаражаты есебiнен қамтылған мемлекеттiк және ведомстволық мұрағаттар өздерiнiң негiзгi қызметiне жатпайтын, төленетін ақысының мiндеттi сипаты болмайтын әрi жеке және заңды тұлғалармен келiсiм бойынша айқындалатын тауарларды (жұмыстарды, қызметтердi) өткiзуге құқылы.".
8. "Дене шынықтыру және спорт туралы" 1999 жылғы 2 желтоқсандағы Қазақстан Республикасының Заңына (Қазақстан Республикасы Парламентiнің Жаршысы, 1999 ж., N 24, 1065-құжат; 2003 ж., N 15, 129-құжат; 2005 ж., N 23, 142-құжат):
мынадай мазмұндағы 15-1-баппен толықтырылсын:

"15-1-бап. Дене шынықтыру және спорт саласындағы
мемлекеттiк мекемелер

Дене шынықтыру және спорт саласында қызметiн жүзеге асыратын мемлекеттiк мекемелер өздерiнiң негiзгi қызметiне жатпайтын, төленетiн ақысының мiндеттi сипаты болмайтын әрi жеке және заңды тұлғалармен келiсiм бойынша айқындалатын қызметтер көрсетуге құқылы.".
9. "Қазақстан Республикасындағы жергiлiктi мемлекеттiк басқару туралы" 2001 жылғы 23 қаңтардағы Қазақстан Республикасының Заңына (Қазақстан Республикасы Парламентiнiң Жаршысы, 2001 ж., N 3, 17-құжат; N 9, 86-құжат; N 24, 338-құжат; 2002 ж., N 10, 103-құжат; 2004 ж., N 10, 56-құжат; N 17, 97-құжат; N 23, 142-құжат; N 24, 144-құжат; 2005 ж., N 7-8, 23-құжат; 2006 ж., N 1, 5-құжат):
1) 27-баптың 1-тармағында:
1) тармақшадағы ", облыстық (республикалық маңызы бар қалалық, астаналық) бюджеттi, сондай-ақ тиiстi әкiмшiлiк-аумақтық бөлiнiс бюджетiнiң атқарылуы туралы есептi әзiрлейдi және мәслихаттың бекiтуiне ұсынып, олардың орындалуын қамтамасыз етедi" деген сөздер "әзiрлейдi және мәслихаттың бекiтуiне ұсынады" деген сөздермен ауыстырылсын;
мынадай мазмұндағы 1-1), 1-2), 1-3), 1-4), 1-5) 1-6), 1-7) және 1-8) тармақшалармен толықтырылсын:
"1-1) облыстың, республикалық маңызы бар қалалардың, астананың, ауданның (облыстық маңызы бар қаланың) бюджеттi атқару жөнiндегi уәкiлеттi органның жұмысын үйлестiредi;
1-2) облыстық бюджеттiң, республикалық маңызы бар қала, астана бюджетiнiң тиiстi қаржы жылына арналған жобасын тиiстi мәслихатқа ұсынады;
1-3) тиiстi мәслихатқа облыстық бюджеттiң, республикалық маңызы бар қалалар мен астана бюджеттерiнiң атқарылуы туралы жылдық есептi ұсынады;
1-4) облыстық өкiлдi органның және республикалық маңызы бар қалалардың, астананың өкiлдi органының тиiстi қаржы жылына арналған тиiстi бюджеттер туралы шешiмдерiн iске асыру туралы қаулы қабылдайды;
1-5) облыстық атқарушы органның және республикалық маңызы бар қалалардың, астананың атқарушы органының орта мерзiмдi фискалдық саясатын бекiтедi;
1-6) облыстың, республикалық маңызы бар қаланың, астананың экономикалық, бюджеттiк жоспарлау, бюджеттi атқару жөнiндегi уәкiлеттi органдар құрады;
1-7) облыстың, республикалық маңызы бар қаланың, астананың бюджет комиссиясын ұйымдастырады, оның ережесiн бекiтедi, құрамын айқындайды;
1-8) облыстық қаржы жоспары мен республикалық маңызы бар қаланың, астананың Қазақстан Республикасының бюджет заңнамасында көзделген жағдайларда тиiстi қаржы жылдың бiрiншi тоқсанына арналған қаржы жоспарын бекiтедi;";
2) 31-баптың 1-тармағында:
1) тармақшадағы ", ауданның (облыстық маңызы бар қаланың) бюджетiн, соның iшiнде қаладағы аудан (аудандық маңызы бар қала), кент, ауыл (село), ауылдық (селолық) округ әкiмдерi iске асыратын (әрбiр қаладағы аудан (аудандық маңызы бар қала), кент, ауыл (село), ауылдық (селолық) округ бойынша жеке-жеке) бюджеттiк бағдарламаларды әзiрлеп, олардың атқарылуын қамтамасыз етедi, тиiстi әкiмшiлiк-аумақтық бөлiнiс бюджетiнiң атқарылуы туралы есептi" деген сөздер алып тасталсын;
мынадай мазмұндағы 1-1), 1-2), 1-3), 1-4), 1-5) 1-6) және 1-7) тармақшалармен толықтырылсын:
"1-1) ауданның (облыстық маңызы бар қаланың) бюджетiнiң атқарылуын қамтамасыз етедi және ауданның (облыстық маңызы бар қаланың) бюджеттi атқару жөнiндегi уәкiлеттi органның жұмысын үйлестiредi;
1-2) аудан (облыстық маңызы бар қала) бюджетiнiң атқарылуы туралы жылдық есептi тиiстi мәслихатқа ұсынады;
1-3) аудан (облыстық маңызы бар қала) өкiлдi органының тиiстi қаржы жылына арналған тиiстi бюджеттер туралы шешiмдерiн iске асыру туралы қаулы қабылдайды;
1-4) ауданның (облыстық маңызы бар қаланың) атқарушы органының орта мерзiмдi фискалдық саясатын бекiтедi;
1-5) ауданның (облыстық маңызы бар қаланың) экономикалық, бюджеттi жоспарлау, бюджеттi атқару жөнiндегi уәкiлеттi органдар құрады;
1-6) ауданның (облыстық маңызы бар қаланың) бюджет комиссиясын ұйымдастырады, оның ережесiн бекiтедi, құрамын айқындайды;
1-7) ауданның, облыстық маңызы бар қаланың Қазақстан Республикасының бюджет заңнамасында көзделген жағдайларда, тиiстi қаржы жылдың бiрiншi тоқсанына арналған облыстық қаржы жоспарын бекiтедi.".
10. "Әдiлет органдары туралы" 2002 жылғы 18 наурыздағы Қазақстан Республикасының Заңына (Қазақстан Республикасы Парламентiнiң Жаршысы, 2002 ж., N 6, 67-құжат; 2004 ж., N 23, 142-құжат; N 24, 154-құжат; 200 ж., N 7-8, 23-құжат; 2006 ж., N 2, 20-құжат):
1) 23-бап мынадай мазмұндағы 3-тармақпен толықтырылсын:
"3. Қылмыстық-атқару жүйесiнiң мемлекеттiк мекемелерi негiзгi қызметке жатпайтын жұмыстар мен қызметтердi өткiзедi.
Қылмыстық-атқару жүйесi мемлекеттiң мекемелерiнiң негiзгi қызметiне жатпайтын жұмыстар мен қызметтердiң тiзбесiне күдiктiлердiң, айыпталушылардың, сотталғандардың, соларда ұсталатындардың заңды мүдделерiн қамтамасыз ету жөнiндегi қызметтi ұйымдастыру кезiнде қосымша, азық түлiк, алғашқы қажет заттар, киiм-кешек, аяқ киiм, газет, журналдар, әдебиеттер, дәрi-дәрмектер және қосымша емдеу-алдын алу көмек көрсету арналған медициналық мақсаттағы өзге де құралдар, сатып алуға, ұзақ кездесулер беруге және қосымша емдеу-алдын алу және нормативтiк құқықтық актілерде айқындалатын өзге қызметтер, сондай-ақ күдiктiлер мен айыпталушыларға қосымша ақылы тұрмыстық қызметтер жасауға ұсынылатын жұмыстар мен қызметтер жатады.";
2) 33-баптың 1) тармақшасы алып тасталсын.
11. "Халықтың санитарлық-эпидемиологиялық салауаттылығы туралы" 2002 жылғы 4 желтоқсандағы Қазақстан Республикасының Заңына (Қазақстан Республикасы Парламентiнiң Жаршысы, 2002 ж., N 21, 176-құжат; 2004 ж., N 23, 142-құжат; 2005 ж., N 7-8, 23-құжат, 2006 ж., N 2, 20-құжат):
5-тармақтың 2) тармақшасы алып тасталсын.
12. "Денсаулық сақтау жүйесi туралы" 2003 жылғы 4 маусымдағы Қазақстан Республикасының Заңына (Қазақстан Республикасы Парламентiнiң Жаршысы, 2003 ж., N 11, 70-құжат; 2005 ж., N 23, 142-құжат; 2006 ж., N 2, 20-құжат):
16-баптың 1-тармағының төртiншi абзацы "ақылы негiзде" деген сөздердiң алдынан "мемлекеттiк денсаулық сақтау мекемелерiн қоспағанда," деген сөздермен толықтырылсын.
2-бап. Осы Заң:
1) ресми жарияланған күнiнен бастап он күн өткеннен кейiн қолданысқа енгiзiлетiн 1-баптың 2-тармағының 3) тармақшасын;
2) 2007 жылғы 1 қаңтардан бастап қолданысқа енгiзiлетiн 1-баптың 3-тармағының 2) тармақшасының алтыншы, он екiншi абзацтарын, 51) тармақшасының екiншi, он үшiншi абзацтарын, 52) тармақшасының үшiншi, он үшiншi абзацтарын, 53) тармақшасының алтыншы абзацын, 57) тармақшасының үшiншi абзацын, 58), 59) тармақшаларын, 60) тармақшасының екiншi, төртiншi, алтыншы, тоғызыншы абзацтарын, 62) тармақшасын, 66) тармақшасының алтыншы абзацын, 67), 68), 70), 71), 72) тармақшаларын, 73) тармақшасының жетiншi абзацын, 75), 80) тармақшаларын, 81) тармақшасының екiншi, төртiншi, жетiншi, сегiзiншi абзацтарын, 99) тармақшасының екiншi абзацын, 100) және 101) тармақшаларын, 102) тармақшасының екiншi, алтыншы абзацтарын, 103) тармақшасының төртiншi, алтыншы, сегiзiншi, он үшiншi абзацтарын, 108) тармақшасының бесiншi абзацын, 109), 110), 111), 112), 113), 114) тармақшаларын; 115) тармақшасының екiншi абзацын, 116), 117), 118), 127), 128), 129) тармақшаларын;
3) 2008 жылғы 1 қаңтардан бастап қолданысқа енгiзiлетiн 1-баптың 3-тармағының 7) тармақшасының он бiрiншi абзацын, 8) тармақшасын, 9) тармақшасының төртiншi, бесiншi абзацтарын, 36) тармақшасының бесiншi, жетiншi абзацтарын, 37) тармақшасының екiншi, төртiнші абзацтарын, 38) тармақшасының екiншi, төртiншi абзацтарын, 39) тармақшасының екiншi, төртiншi абзацтарын, 41) тармақшасының тоғызыншы абзацын, 42) тармақшасының төртiншi абзацын, 52) тармақшасының он тоғызыншы, жиырма бiрiншi абзацтарын, 57) тармақшасының бесiншi және алтыншы абзацтарын, 59) тармақшасының бесiншi абзацын, 74), 82), 83), 84), 89) тармақшаларын, 90) тармақшасының алтыншы, тоғызыншы абзацтарын қоспағанда, 2006 жылғы 1 шiлдеден бастап қолданысқа енгiзiледi.

Қазақстан Республикасының
Президенті