"Бағалы металдар мен асыл тастар туралы" 2016 жылғы 14 қаңтардағы Қазақстан Республикасының Заңы 3-бабының 3) және 4) тармақшаларына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған:
1) Асыл тастарды, зергерлік және басқа да бұйымдарды Еуразиялық экономикалық одаққа кірмейтін елдерден Қазақстан Республикасының аумағына әкелу және Қазақстан Республикасының аумағынан осы елдерге әкету қағидалары;
2) Кимберлий процесінің сертификаттау схемасын ескере отырып, өңделмеген табиғи алмастарды Қазақстан Республикасының аумағына әкелу және Қазақстан Республикасының аумағынан әкету қағидалары бекітілсін.
2. Мыналардың күші жойылды деп танылсын:
1) "Асыл тастарға, оның ішінде өңделмеген табиғи алмастарға және бағалы металдар мен асыл тастардан жасалған зергерлік бұйымдарға сараптама жүргізу жөніндегі уәкілетті ұйымды айқындау және Асыл тастарды, бағалы металдар мен асыл тастардан жасалған зергерлік бұйымдарды Кеден одағына кірмейтін елдерден Қазақстан Республикасының аумағына әкелу және Қазақстан Республикасының аумағынан осы елдерге әкету, Кимберлий процесінің сертификаттау схемасын ескере отырып, өңделмеген табиғи алмасты Қазақстан Республикасының аумағына әкелу және Қазақстан Республикасының аумағынан әкету, сондай-ақ бағалы металдар мен асыл тастардан жасалған бұйымдарды таңбалау қағидаларын бекіту туралы" Қазақстан Республикасы Үкіметінің 2012 жылғы 23 қарашадағы № 1479 қаулысы (Қазақстан Республикасының ПҮАЖ-ы 2012 ж., № 80, 1189-құжат);
2) "Асыл тастарға, оның ішінде өңделмеген табиғи алмастарға және бағалы металдар мен асыл тастардан жасалған зергерлік бұйымдарға сараптама жүргізу жөніндегі уәкілетті ұйымды айқындау және Асыл тастарды, бағалы металдар мен асыл тастардан жасалған зергерлік бұйымдарды Кеден одағына кірмейтін елдерден Қазақстан Республикасының аумағына әкелу және Қазақстан Республикасының аумағынан осы елдерге әкету, Кимберлей процесінің сертификаттау схемасын ескере отырып, өңделмеген табиғи алмасты Қазақстан Республикасының аумағына әкелу және Қазақстан Республикасының аумағынан әкету, сондай-ақ бағалы металдар мен асыл тастардан жасалған бұйымдарды таңбалау қағидаларын бекіту туралы" Қазақстан Республикасы Үкіметінің 2012 жылғы 23 қарашадағы № 1479 қаулысына өзгерістер мен толықтырулар енгізу туралы" Қазақстан Республикасы Үкіметінің 2014 жылғы 4 қарашадағы № 1170 қаулысы (Қазақстан Республикасының ПҮАЖ-ы, 2014 ж., № 67, 620-құжат).
3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасының | |
Премьер-Министрі | К.Мәсімов |
| Қазақстан Республикасы Үкіметінің 2016 жылғы 20 маусымдағы № 356 қаулысымен бекітілген |
Асыл тастарды, зергерлік және басқа да бұйымдарды Еуразиялық экономикалық одаққа кірмейтін елдерден Қазақстан Республикасының аумағына әкелу және Қазақстан Республикасының аумағынан осы елдерге әкету қағидалары
1. Жалпы ережелер
1. Осы Асыл тастарды, зергерлік және басқа да бұйымдарды Еуразиялық экономикалық одаққа (бұдан әрі – Одақ) кірмейтін елдерден Қазақстан Республикасының аумағына әкелу және Қазақстан Республикасының аумағынан осы елдерге әкету қағидалары (бұдан әрі – Қағидалар) "Бағалы металдар мен асыл тастар туралы" 2016 жылғы 14 қаңтардағы Қазақстан Республикасының Заңына сәйкес әзірленді.
2. Осы Қағидаларда пайдаланылатын негізгі ұғымдар:
1) асыл тастарды, бағалы металдар мен асыл тастардан жасалған зергерлік және басқа да бұйымдарды сараптау (бұдан әрі – сараптау) – асыл тастарды сәйкестендіруді және бағалы металдар мен асыл тастардан жасалған зергерлік және басқа да бұйымдардағы бағалы металдарды сынамалауды, сынамалау таңбалары бедерлерінің түпнұсқалығын тексеруді қамтитын, уәкілетті ұйымдар жүзеге асыратын сынақтарды ұйымдастыру және жүргізу;
2) бағалы металдар мен асыл тастардан жасалған зергерлік және басқа да бұйымдар (бұдан әрі – зергерлік және басқа да бұйымдар) – бағалы металдардан жасалған монеталарды қоспағанда, асыл тастардан және табиғи немесе жасанды жолмен алынған басқа да материалдардан жасалған көздері бар не онсыз, әртүрлі көркемдік өңдеу түрлерін пайдалана отырып, асыл тастардан, бағалы металдардан және олардың қорытпаларынан жасалған, әртүрлі әшекейлер, тұрмыстық кәдеге жарататын заттар ретінде және (немесе) діни әрі декоративтік мақсаттарда қолданылатын бұйымдар;
3) уәкілетті орган – бағалы металдарды өндіруді және бағалы металдар мен асыл тастардың, құрамында бағалы металдар бар шикізат тауарларының, зергерлік және басқа да бұйымдардың айналымын реттеу саласындағы басшылықты, сондай-ақ Қазақстан Республикасының заңнамасында көзделген шектерде салааралық үйлестіруді жүзеге асыратын орталық атқарушы орган;
4) уәкілетті ұйым – Қазақстан Республикасының сәйкестікті бағалау саласындағы аккредиттеу туралы заңнамасына сәйкес сараптама жүргізуге аккредиттелген заңды тұлға.
2. Асыл тастарды, зергерлік және басқа да бұйымдарды Одаққа кірмейтін елдерден Қазақстан Республикасының аумағына әкелу және осы елдерге Қазақстан Республикасының аумағынан әкету тәртібі
3. Одаққа кірмейтін елдерден асыл тастарды, зергерлік және басқа да бұйымдарды Қазақстан Республикасының аумағына әкелу (бұдан әрі – әкелу) кезінде кедендік декларациялаумен және кедендік тазартумен байланысты кедендік операцияларды жүргізгенге дейін уәкілетті ұйым сараптама жүргізеді. Сараптама уәкілетті орган бекіткен сараптама жүргізу қағидаларына сәйкес өтеусіз негізде жүргізіледі.
4. Мемлекеттік бақылауды Еуразиялық экономикалық комиссия шешімдеріне, Қазақстан Республикасының заңнамасына сәйкес кеден ісі саласындағы уәкілетті орган анықтайтын кеден бекеттері арқылы уәкілетті орган жүзеге асырады.
5. Асыл тастарды, зергерлік және басқа да бұйымдарды әкелу кезінде мемлекеттік бақылауды жүзеге асыру үшін өтініш беруші (өтініш берушінің уәкілетті өкілі) уәкілетті органның лауазымды тұлғасына мынадай құжаттарды:
1) сыртқы сауда шартының (келісімшарттың), оған мемлекеттік және/немесе орыс тілдеріндегі қосымшаның және (немесе) толықтырудың көшірмесін, ал сыртқы сауда шарты (келісімшарты) болмаған жағдайда – тараптардың ниеттерін растайтын өзге құжаттың көшірмесін.
Егер сыртқы сауда шарты (келісімшарты) мемлекеттік және (немесе) орыс тілінде жоқ болса, онда шарттың (келісімшарттың) көшірмесіне өтініш беруші бекіткен және растаған аудармасы (өтініш берушінің лауазымы және күні, қолы мен мөрі көрсетілген) қоса беріледі;
2) уәкілетті ұйымның сараптамалық қорытындысын ұсынады.
6. Мемлекеттік бақылау актісі құжаттарды алған сәттен бастап бір жұмыс күні ішінде ресімделеді және өтініш берушіге (өтініш берушінің уәкілетті өкіліне) беріледі.
7. Асыл тастарды, зергерлік және басқа да бұйымдарды әкелу кезінде мемлекеттік бақылауды өткеннен және мемлекеттік бақылау актісін алғаннан кейін өтініш беруші (өтініш берушінің уәкілетті өкілі) Қазақстан Республикасының заңнамасына сәйкес асыл тастарды, зергерлік және басқа да бұйымдарды кедендік декларациялауға және кедендік тазартуға байланысты кедендік операцияларды жасайды.
8. Асыл тастарды, зергерлік және басқа да бұйымдарды Одаққа кірмейтін елдерге Қазақстан Республикасының аумағынан әкету (бұдан әрі – әкету) кезінде уәкілетті ұйым сараптама жүргізеді. Сараптама уәкілетті орган бекіткен сараптама жүргізу қағидаларына сәйкес өтеусіз негізде жүргізіледі.
9. Мемлекеттік бақылауды Еуразиялық экономикалық комиссия шешімдеріне, Қазақстан Республикасының заңнамасына сәйкес кедендік іс саласындағы уәкілетті орган анықтайтын кеден бекеттері арқылы уәкілетті орган жүзеге асырады.
10. Асыл тастарды, зергерлік және басқа да бұйымдарды әкету кезінде өтініш беруші (өтініш берушінің уәкілетті өкілі) уәкілетті органның лауазымды тұлғасына мынадай құжаттарды:
1) сыртқы сауда шартының (келісімшарттың), оған мемлекеттік және/немесе орыс тілдеріндегі қосымшаның және (немесе) толықтырудың көшірмесін, ал сыртқы сауда шарты (келісімшарты) болмаған жағдайда – тараптардың ниеттерін растайтын өзге құжаттың көшірмесін.
Егер сыртқы сауда шарты (келісімшарты) мемлекеттік және (немесе) орыс тілінде жоқ болса, онда шарттың (келісімшарттың) көшірмесіне өтініш беруші бекіткен және растаған аудармасы (өтініш берушінің лауазымы және күні, қолы мен мөрі көрсетілген) қоса беріледі;
2) уәкілетті ұйымның сараптамалық қорытындысын береді.
11. Мемлекеттік бақылау актісі құжаттарды алған сәттен бастап бір жұмыс күні ішінде ресімделеді және өтініш берушіге (өтініш берушінің уәкілетті өкіліне) беріледі.
12. Асыл тастарды, зергерлік және басқа да бұйымдарды әкетуге мемлекеттік бақылауды өткеннен және мемлекеттік бақылау актісін алғаннан кейін өтініш беруші (өтініш берушінің уәкілетті өкілі) Қазақстан Республикасының заңнамасына сәйкес асыл тастарды, зергерлік және басқа да бұйымдарды кедендік декларациялауға және кедендік тазартуға байланысты кедендік операцияларды жасайды.
| Қазақстан Республикасы Үкіметінің 2016 жылғы 20 маусымдағы № 356 қаулысымен бекітілген |
Кимберлий процесінің сертификаттау схемасын ескере отырып,
өңделмеген табиғи алмасты Қазақстан Республикасының аумағына
әкелу және Қазақстан Республикасының аумағынан әкету қағидалары
1. Жалпы ережелер
1. Осы Кимберлий процесінің сертификаттау схемасын ескере отырып, өңделмеген табиғи алмастарды Қазақстан Республикасының аумағына әкелу және Қазақстан Республикасының аумағынан әкету қағидалары (бұдан әрі – Қағидалар) "Бағалы металдар мен асыл тастар туралы" 2016 жылғы 14 қаңтардағы Қазақстан Республикасының Заңына сәйкес әзірленді.
2. Өңделмеген табиғи алмастарды әкелу және әкету санкцияланбаған ашудан қорғалған контейнерлерде жүзеге асырылады.
3. Кимберлий процесінің хатшылығымен ақпарат алмасуды уәкілетті орган электрондық хабарлар жолымен жүзеге асырады.
4. Осы Қағидаларда пайдаланылатын негізгі ұғымдар:
1) өңделмеген табиғи алмастардың халықаралық сертификаттау схемасының сертификаты (бұдан әрі – Кимберлий процесінің сертификаты) – өңделмеген табиғи алмастар топтамасын сертификаттау схемасының талаптарына сәйкес келеді деп сәйкестендіретін белгіленген нысандағы құжат;
2) уәкілетті орган – бағалы металдарды өндіруді және бағалы металдар мен асыл тастардың, құрамында бағалы металдар бар шикізат тауарларының зергерлік және басқа да бұйымдардың айналымын реттеу саласындағы басшылықты, сондай-ақ Қазақстан Республикасының заңнамасында көзделген шектерде салааралық үйлестіруді жүзеге асыратын орталық уәкілетті орган;
3) уәкілетті ұйым – Қазақстан Республикасының сәйкестікті бағалау саласындағы аккредиттеу туралы заңнамасына сәйкес сараптама жүргізуге аккредиттелген заңды тұлға.
2. Кимберлий процесінің сертификаттау схемасын ескере отырып, өңделмеген табиғи алмастарды Қазақстан Республикасының аумағына әкелу және Қазақстан Республикасының аумағынан әкету тәртібі
5. Кимберлий процесінің сертификаттау схемасын ескере отырып, өңделмеген табиғи алмастарды Қазақстан Республикасы аумағына
әкелу (бұдан әрі – әкелу) кезінде мемлекеттік кірістер органына Кимберлий процесінің сертификаты туралы (сертификат нөмірі, берілген күні және сертификаттың қолдану мерзімі көрсетілген) мәліметтер ұсынылады.
6. Көрсетілген мәліметтер ұсынылмаған немесе Кимберлий процесі сертификатының қолданылу мерзімі өтіп кеткен жағдайда өңделмеген табиғи алмастар топтамасын Қазақстан Республикасының аумағына әкелуге рұқсат етілмейді.
7. Өңделмеген табиғи алмастарды әкелу кезінде кедендік декларациялаумен және кедендік тазартумен байланысты кедендік операцияларды жүргізгенге дейін уәкілетті ұйым сараптама жүргізеді. Сараптама уәкілетті орган бекіткен сараптама жүргізу қағидаларына сәйкес өтеусіз негізде жүргізіледі.
8. Мемлекеттік бақылауды Еуразиялық экономикалық комиссия шешімдеріне, Қазақстан Республикасы заңнамасына сәйкес кеден ісі саласындағы уәкілетті орган анықтайтын кеден бекеттері арқылы уәкілетті орган жүзеге асырады.
9. Өңделмеген табиғи алмастарды әкелу кезінде өтініш беруші (өтініш берушінің уәкілетті тұлғасы) уәкілетті органның лауазымды тұлғасына мынадай құжаттарды:
1) сыртқы сауда шартының (келісімшарттың), оған мемлекеттік және/немесе орыс тілдеріндегі қосымшаның және (немесе) толықтырудың көшірмесін, ал сыртқы сауда шарты (келісімшарты) болмаған жағдайда – тараптардың ниеттерін растайтын өзге құжаттың көшірмесін.
Егер сыртқы сауда шарты (келісімшарты) мемлекеттік және (немесе) орыс тілінде жоқ болса, онда шарттың (келісімшарттың) көшірмесіне өтініш беруші бекіткен және растаған аудармасы (өтініш берушінің лауазымы және күні, қолы мен мөрі көрсетілген) қоса беріледі;
2) уәкілетті ұйымның сараптамалық қорытындысын;
3) өңделмеген табиғи алмастардың халықаралық сертификаттау схемасының талаптарына сәйкес ресімделген мемлекет-экспорттаушының Кимберлий процесінің сертификатын ұсынады.
10. Мемлекеттік бақылау актісі құжаттарды алған сәттен бастап бір жұмыс күні ішінде ресімделеді және өтініш берушіге беріледі.
11. Өңделмеген табиғи алмастарды әкелу кезінде мемлекеттік бақылауды өткеннен және мемлекеттік бақылау актісін алғаннан кейін өтініш беруші (өтініш берушінің уәкілетті өкілі) Қазақстан Республикасының заңнамасына сәйкес өңделмеген табиғи алмастарды кедендік декларациялау және кедендік тазартуға байланысты кедендік операцияларды жасайды.
12. Кимберлий процесінің сертификаттау схемасын ескере отырып, өңделмеген табиғи алмастарды Қазақстан Республикасының аумағынан
әкету (бұдан әрі – әкету) кезінде кедендік декларациялаумен және кедендік тазартумен байланысты кедендік операцияларды жүргізгенге дейін уәкілетті ұйым сараптама жүргізеді. Сараптама уәкілетті орган бекіткен сараптама жүргізу қағидаларына сәйкес өтеусіз негізде жүргізіледі.
13. Мемлекеттік бақылауды Еуразиялық экономикалық комиссия шешімдеріне, Қазақстан Республикасы заңнамасына сәйкес кеден ісі саласындағы уәкілетті орган анықтайтын, кеден бекеттері арқылы уәкілетті орган жүзеге асырады.
14. Өңделмеген табиғи алмастарды әкету кезінде өтініш беруші (өтініш берушінің уәкілетті тұлғасы) уәкілетті органның лауазымды тұлғасына мынадай құжаттарды:,
1) сыртқы сауда шартының (келісімшарттың), оған мемлекеттік және/немесе орыс тілдеріндегі қосымшаның және (немесе) толықтырудың көшірмесін, ал сыртқы сауда шарты (келісімшарты) болмаған жағдайда – тараптардың ниеттерін растайтын өзге құжаттың көшірмесін.
Егер сыртқы сауда шарты (келісімшарты) мемлекеттік және (немесе) орыс тілінде жоқ болса, онда шарттың (келісімшарттың) көшірмесіне өтініш беруші бекіткен және растаған аудармасы (өтініш берушінің лауазымы және күні, қолы мен мөрі көрсетілген) қоса беріледі;
2) уәкілетті ұйымның сараптамалық қорытындысын ұсынады.
15. Мемлекеттік бақылау актісі осы құжаттарды алған сәттен бастап бір жұмыс күні ішінде ресімделеді және өтініш берушіге (өтініш берушінің уәкілетті өкіліне) беріледі.
16. Мемлекеттік бақылауды жүзеге асыру кезінде уәкілетті орган мемлекеттік бақылау актісімен бір уақытта уәкілетті орган бекіткен нысан бойынша Кимберлий процесінің сертификатын ресімдейді және береді.
17. Өңделмеген табиғи алмастарды әкетуге мемлекеттік бақылауды өткеннен және мемлекеттік бақылау актісін алғаннан кейін өтініш беруші (өтініш берушінің уәкілетті өкілі) Қазақстан Республикасының заңнамасына сәйкес өңделмеген табиғи алмастарды кедендік декларациялаумен және кедендік тазартуға байланысты кедендік операцияларды жасайды.
