Қазақстан Республикасына мұнай және газ скважиналарында геофизикалық зерттеулердi орындау үшiн иондаушы сәулелеу көздерiн әкелу туралы

Қазақстан Республикасы Үкiметiнiң Қаулысы 1997 жылғы 30 шiлдедегi N 1188

"Қазақстан Республикасындағы тауарлардың (жұмыстар, қызмет көрсетулер) экспорты мен импортының тәртiбi туралы" Қазақстан Республикасы Үкiметiнiң 1996 жылғы 12 наурыздағы N 298 P960298_ қаулысына сәйкес Қазақстан Республикасының Үкiметi қаулы етедi:
1. "Шлюмберже Лоджелко, Инк" компаниясының "Ойлфилд Лоджистикс" акционерлiк қоғамына "Шлюмберже Лоджелко, Инк" компаниясы мен "Арман" бiрлескен кәсiпорнының арасындағы 1997 жылдың 16 шiлдесiндегi N 1 келiсiм-шартқа сәйкес мұнай және газ скважиналарында геофизикалық зерттеудi орындау үшiн Қазақстан Республикасына екi иондаушы сәулелеу көзiн (Amersham Model СDС-СVЗ, 5 кюриге дейiн және SWS Model H 245258 NSR-M 10 кюриге дейiн) әкелуге рұқсат берiлсiн.
2. Қазақстан Республикасының Экономика және сауда министрлiгi белгiленген тәртiппен лицензия берсiн.
3. Иондаушы сәулелеу көздерiн әкелуге бақылау жасау Қазақстан

Республикасының Ғылым министрлiгi - Ғылым академиясы жанындағы Атом
энергиясы жөнiндегi агенттiгiне жүктелсiн.
<*>

     ЕСКЕРТУ. 3-тармақ өзгертiлдi - ҚРҮ-нiң 1997.08.25. N 1281
              қаулысымен.  

P971281_

 
     4. Иондаушы сәулелеу көздерiн пайдалану қауiпсiздiгiне бақылау
жасау Қазақстан Республикасы Денсаулық сақтау министрлiгiнiң
Мемлекеттiк санитарлық-эпидемиологиялық қызмет департаментiне
жүктелсiн.
<*>

     ЕСКЕРТУ. 4-тармақпен толықтырылды - ҚРҮ-нiң 1997.08.25. N 1281
               Қаулысымен.

     Қазақстан Республикасының
         Премьер-Министрi