Мұнай-газ секторында басқаруды жетілдіру мақсатында Қазақстан Республикасының Үкіметі қаулы етеді:
1. Қазақстан Республикасы Үкіметінің "Қазақойл" ұлттық мұнай-газ компаниясы" акционерлік қоғамы туралы" 1997 жылғы 24 наурыздағы N 410 P970410_ қаулысына мынадай өзгеріс енгізілсін:
көрсетілген қаулыға 1-қосымшада:
"ҚазТрансОйл" ЖАҚ
деген жол алынып тасталсын.
2. Қазақстан Республикасы Қаржы министрлігінің Мемлекеттік мүлік және жекешелендіру комитеті заңдарда белгіленген тәртіппен, бір апталық мерзім ішінде:
1) осы қаулының 1-тармағын орындау мақсатында "Қазақойл" ұлттық
мұнай-газ компаниясы" жабық акционерлік қоғамының жарғылық капиталын
азайтуды;
2) "ҚазТрансОйл" жабық акционерлік қоғамын "ҚазТрансОйл" мұнай
тасымалдау жөніндегі ұлттық компания" жабық акционерлік қоғамы деп қайта
атауды;
3) Қазақстан Республикасы Үкіметінің бұрын қабылданған актілерін
осы қаулыға сәйкес келтіру туралы ұсыныс енгізуді;
4) осы қаулыдан туындайтын өзге де шаралар қабылдауды қамтамасыз
етсін.
3. Осы қаулы қол қойылған күнінен бастап қолдануға енгізіледі.
Қазақстан Республикасының
Премьер-Министрі
