"Қазақстан Республикасы Үкіметінің жанынан Технологиялық саясат жөніндегі кеңес құру туралы" Қазақстан Республикасы Премьер-Министрінің 2022 жылғы 20 сәуірдегі № 83-ө өкіміне мынадай өзгерістер мен толықтыру енгізілсін:
1) көрсетілген өкіммен бекітілген Қазақстан Республикасы Үкіметінің жанындағы Технологиялық саясат жөніндегі кеңестің құрамында:
"Қазақстан Республикасының Цифрлық даму, инновациялар және аэроғарыш өнеркәсібі бірінші вице-министрі, хатшы" деген жол мынадай редакцияда жазылсын:
"Қазақстан Республикасының Цифрлық даму, инновациялар және аэроғарыш өнеркәсібі вице-министрі, хатшы";
"Қазақстан Республикасының Білім және ғылым министрі" деген жол мынадай редакцияда жазылсын:
"Қазақстан Республикасының Ғылым және жоғары білім министрі";
"Қазақстан Республикасының Индустрия және инфрақұрылымдық даму министрі" деген жолдан кейін мынадай мазмұндағы жолмен толықтырылсын:
"Қазақстан Республикасының Оқу-ағарту министрі";
"Қазақстандағы Дүниежүзілік Банктің Нұр-Сұлтан қаласындағы офисінің цифрлық дамыту жөніндегі маманы (келісу бойынша)" деген жол мынадай редакцияда жазылсын:
"Қазақстандағы Дүниежүзілік Банктің Астана қаласындағы офисінің цифрлық дамыту жөніндегі маманы (келісу бойынша)";
2) көрсетілген өкіммен бекітілген Қазақстан Республикасы Үкіметінің жанындағы Технологиялық саясат жөніндегі кеңес туралы ережеде:
7-тармақ мынадай редакцияда жазылсын:
"7. Кеңес қызметін ұйымдастыру және оның тәртібі Қазақстан Республикасы Үкіметінің 1999 жылғы 16 наурыздағы № 247 қаулысымен бекітілген Қазақстан Республикасы Үкіметінің жанындағы консультативтік-кеңесші органдардың құрылуы, қызметі және таратылуы қағидаларына сәйкес жүзеге асырылады.".
| Премьер-Министр | Ә. Смайылов |
