Қазақстан Республикасы Ұлттық қорының қалыптастырылуы мен пайдаланылуы туралы 2004 жылғы есептi бекiту туралы

Қазақстан Республикасы Президентінің 2005 жылғы 1 қыркүйектегі N 1640 Жарлығы

Қазақстан Республикасы Бюджет кодексiнiң 130-бабына сәйкес ҚАУЛЫ ЕТЕМIН:

1. Қоса берiлiп отырған Қазақстан Республикасы Ұлттық қорының қалыптастырылуы мен пайдаланылуы туралы 2004 жылғы есеп бекiтiлсiн.

2. Қазақстан Республикасының Үкiметi 2005 жылғы 1 қыркүйекке дейiн Қазақстан Республикасы Ұлттық қорының қалыптастырылуы мен пайдаланылуы туралы 2004 жылғы есеп пен сыртқы аудиттi жүргізу нәтижелерi туралы ақпараттың бұқаралық ақпарат құралдарында жариялануын қамтамасыз етсiн.

3. Осы Жарлық қол қойылған күнiнен бастап қолданысқа енгiзiледi.

Қазақстан Республикасының
Президентi

Қазақстан Республикасы
Президентінің
2005 жылғы 1 қыркүйектегі
N 1640 Жарлығымен
бекітілген

Қазақстан Республикасы Ұлттық қорының қалыптастырылуы мен
пайдаланылуы туралы 2004 жылғы есеп

Мазмұны

1-бөлiм. Қазақстан Республикасы Ұлттық қорының
түсiмдерi және оны пайдалану туралы
2004 жылғы есеп (мың теңге)

р/с N	Атауы	Сомасы
1.	1. Қордың есептi кезеңнiң басындағы қаражаты барлығы:	528 233 521*
2.	Түсiмдер, барлығы:	139 312 971
	оның iшiнде: заңды тұлғалардан алынатын корпоративтiк табыс салығы қосылған құн салығы үстеме пайдаға салынатын салық бонустар роялтилер жасалған келiсiм-шарттар бойынша өнiмдi бөлу жөнiндегi Қазақстан Республикасының үлесi ресми трансферттер Қорды басқарудан алынатын инвестициялық кiрiстер Қазақстан Республикасының заңнамасында тыйым салынбаған өзге де түсiмдер мен кiрiстер мемлекеттiң ауыл шаруашылығы мақсатындағы жер учаскелерiн жеке меншiкке сатуынан түсетiн қаражат	104 360 247 - - - 13 527 000 2 905 678 9 309 670 (13 526 459) 21 321 075 1 415 760
3.	Пайдаланылуы, барлығы:	524 247
	оның iшiнде: Қорды басқаруға және жыл сайынғы сыртқы аудиттi жүргiзуге байланысты шығыстарды жабу	524 247
4.	Қордың есептi кезеңнiң аяғындағы қаражаты, барлығы:	667 022 245*

* 315 682 мың теңге мөлшерiндегi есептелген және мерзiмi
ұзартылған шығыстардың сомасын ескере отырып
** 480 894 мың теңге мөлшерiндегi есептелген және мерзiмi
ұзартылған шығыстардың сомасын ескере отырып

Кесте туындаған бағамдық айырма ескерiлетiн инвестициялық
табысты алып тастағанда қаржы қаражатының нақты қозғалысының
деректерi бойынша құрылған.

2-бөлiм. Қазақстан Республикасы Ұлттық қорын сенiмгерлiк
басқару жөнiндегi Қазақстан Республикасы
Ұлттық Банкiнiң қызметi туралы есеп

1-нысан

Қазақстан Республикасы Ұлттық қорының активтерiн
сенiмгерлiк басқару жөнiндегі Қазақстан Республикасы
Ұлттық Банкiнiң балансы (мың теңге)

	2004 жыл	2003 жыл
Активтер Ақша және оның баламалары Сауда бағалы қағаздары Туынды қаржы құралдары Дебиторлық берешек	24 927 708 654 915 582 1 810 557 111 505	26 265 200 520 234 429 1 966 678 1 694 617
	681 765 352	550 160 924
Мiндеттемелер Туынды қаржы құралдары Кредиторлық берешек және есептелген шығыстар	6 098 200 9 126 228	7 859 114 14 384 398
	15 224 428	22 243 512
Таза активтер Таза активтер мыналардан тұрады: Үкiметтiң шоты	666 540 924 666 540 924	527 917 412 527 917 412

2-нысан

Қазақстан Республикасы Ұлттық қорының активтерiн сенімгерлік
басқару жөнiндегi Қазақстан Республикасы Ұлттық Банкiнiң
кiрiстерi мен шығыстары туралы есеп (мың теңге)

	2004 жыл	2003 жыл
Кiрiстер Сыйақы бойынша кірістер Дивидендтер бойынша кiрiстер Сауда бағалы қағаздары бойынша дилингтiк кiрiстер Туынды қаржы құралдары бойынша түскен таза жұмсалған кiрiстер (шығындар) Шетел валюталарын қайта бағалаудан түсетiн таза жұмсалған кiрiстер (шығындар) Сауда бағалы қағаздардан өткiзiлмеген кiрістер (шығындар) Өлшем валютасынан ұсыну валютасына қайта есептеу кезiнде туындайтын бағам айырмашылығының шығыны	13 903 145 2 481 520 33 420 409 (13 070 650) (135 432) 5 929 624 -	9 482 288 1 071 767 483 556 (14 854 731) 7 049 611 30 061 845 (29 250 689)
	42 528 616	4 043 647
Шығыстар Активтердi басқарғаны үшiн комиссия Кастодиан қызметтерiн төлеу шығыстары Кәсiби қызметтерді төлеу жөнiндегi шығыстар Бағдарламалық өнiмдердi және ақпараттық деректер базасын пайдаланғаны үшін ақы төлеу бойынша шығыстар	556 808 101 418 12 595 18 638	476 094 70 335 11 455 20 117
	689 459	578 001
Таза кiрiс	41 839 157	3 465 646

3-нысан

Қазақстан Республикасы Ұлттық қорының активтерiн сенiмгерлiк
басқару жөнiндегi Қазақстан Республикасы Ұлттық Банкiнiң
ақша қозғалысы туралы есептер (мың теңге)

	2004 жыл	2003 жыл
Операциялық қызметтен түскен ақша қозғалысы Таза кiрiс Түзетулер: сауда бағалы қағаздарынан түскен өткізілмеген кiрiс өлшем валютасынан есеп беру валютасына қайта есептеу кезiнде туындайтын бағам айырмашылығынан болған шығын Операциялық активтер мен мiндеттемелердегi өзгерістерге дейiнгi операциялық қызметтен түскен ақша қозғалысы Операциялық активтердегі азаю (ұлғаю): сауда бағалы қағаздары; туынды қаржы құралдары; дебиторлық берешек Операциялық мiндеттемелердегi ұлғаю (азаю): туынды қаржы құралдары кредиторлық берешек және есептелген шығыстар	41 839 157 (5 929 624) - 35 909 533 (184 806 604) 156 121 1 583 112 (1 760 914) (5 258 170)	3 465 646 (30 061 845) 29 250 689 2 654 490 (221 817 336) (1 030 562) 2 447 079 3 084 174 13 246 738
Операциялық қызметтегі ақшаның таза пайдаланылуы	(154 176 922)	(201 415 417)
Қаржы қызметiнен түскен ақша қозғалысы Қазақстан Республикасы Қаржы министрлігінен түскен түсімдер Ақша мен оның баламаларындағы таза ұлғаю (азаю) Жылдың басындағы ақша мен оның баламалары Жылдың соңындағы ақша мен оның баламалары	152 839 430 (1 337 492) 26 265 200 24 927 708	225 507 652 24 092 235 2 172 965 26 265 200

4-нысан

Қазақстан Республикасы Ұлттық қорының активтерiн сенімгерлік
басқару жөнiндегi Қазақстан Республикасы Ұлттық Банкiнiң
таза активтерiндегi өзгерiстер туралы есептер (мың теңге)

	Сомасы
2002 жылғы 31 желтоқсандағы сальдо	298 944 114
Қазақстан Республикасы Қаржы министрлiгiнен түскен түсiмдер Таза кiрiстер	225 507 652 3 465 646
2003 жылғы 31 желтоқсандағы сальдо Қазақстан Республикасы Қаржы министрлiгiнен түскен түсiмдер Кезең басындағы таза активтер сомасына айырбас бағамдарындағы өзгерiстер Валютаны қайта бағалаудан болған айырмашылықтар Таза кiрiстер	527 917 412* 152 839 430 (52 052 320) (4 002 755) 41 839 157
2004 жылғы 31 желтоқсандағы сальдо	666 540 924**

* 315 682 мың теңге мөлшерiндегi 2003 жылғы есептелген және
мерзiмi ұзартылған шығыстардың сомасын ескерусіз
** 480 894 мың теңге мөлшерiндегi 2004 жылғы есептелген және
мерзiмi ұзартылған шығыстардың сомасын ескерусiз
Ескерту: 2004 жылдың басындағы және соңындағы сальдо
сенiмгерлiк басқару бойынша операциялық шығыстар болып табылатын
және Ұлттық қорға өтелуi тиiс 427 мың теңге мөлшерiндегi сома
есепке алынбай көрсетiлген.
2004 жылғы инвестициялық қызметтен түскен табыс 42 528 616
мың теңгенi немесе 313 млн. долларды құрады (табыстылығы - 7,61%). Бұл ретте бағамдық қайта бағалау (-)56 055 075 мың теңгенi
құрады (52 052 320 мың теңге + 4 002 755 мың теңге). Осылайша,
табыс сомасы бағамдық қайта бағалауды есепке ала отырып (-)13 526
459 мың теңгенi құрады.

3-бөлiм. Қазақстан Республикасы Ұлттық қорын басқару
жөнiндегi өзге де деректер

1. Қазақстан Республикасы Ұлттық қорының қалыптастырылу көздерi
Қазақстан Республикасы Ұлттық қорының (бұдан әрi - Қор) қаражаты 2004 жылғы 1 қаңтарға 528233521 мың теңгенi құрады.
Қорға түскен түсiмдердiң едәуiр үлесi 2004 жылы сомасы 120792925 мың теңгенi құраған шикiзат секторы ұйымдарынан (Қазақстан Республикасының Үкiметi белгiлеген тiзбе бойынша заңды тұлғалардан) бюджетке түсетiн жоспардан тыс түсiмдердiң есебiнен қалыптасты. Бұдан басқа, 2004 жылы Қордың шотына 21321075 мың теңге (оның iшiнде республикалық меншiктегi және экономиканың тау-кен өндiру және өңдеу салаларына жататын мемлекеттiк мүлiктi жекешелендiруден түскен қаражат - 1513575 мың теңге және "Аджип Қарашығанақ Б.В.", "БГ Интернэшнл Лимитед", "Тексако Интернэшнл Петролиум Компании" компаниялары, "ЛУКойл" мұнай компаниясы" ашық акционерлiк қоғамы, "Қазақойл" ұлттық мұнайгаз компаниясы жабық үлгiдегi акционерлiк қоғамы мен Қазақстан Республикасының Үкiметi арасында жасалған 1997 жылғы 18 қарашадағы Қарашығанақ мұнайгазконденсаты кен орынының мердiгер учаскесiнiң өнiмiн бөлу туралы келiсiм бойынша төлем - 19807500 мың теңге), мемлекеттiң ауыл шаруашылығы мақсатындағы жер учаскелерiн жеке меншiкке сатуынан түскен қаражат - 1415760 мың теңге және республикалық бюджеттен берiлген ресми трансферттер - 9309670 мың теңге сомасында өзге де түсiмдер есептелдi.
"Жоспардан тыс салықтық және бюджетке төленетiн өзге де мiндеттi төлемдерi Қазақстан Республикасының Ұлттық қорына есепке алынатын шикiзат секторы ұйымдарының тiзбелерiн бекiту туралы" Қазақстан Республикасы Yкiметiнiң 2001 жылғы 19 наурыздағы N 369A қаулысына "Қазмырыш" ААҚ, "Қазақмыс" ААҚ, "Харикейн Құмкөл Мұнай" ААҚ, "Торғай Петролеум" ЖАҚ, "Қазақстан Лимитед БК" мен "Статойл Қазақстан А.С." компаниялары, "Дөң кен байыту комбинаты" ААҚ, "Ембiмұнайгаз" ААҚ, "Өзенмұнайгаз" ААҚ тiзбеден шығару және "ҚазМұнайГаз" Барлау Өндiру" АҚ-ын тiзбеге енгiзу бөлiгiнде өзгерiстер мен толықтырулар енгiзiлдi.
Қазақстан Республикасының Ұлттық Банкi Қордың шотына түсетiн теңгенi AҚШ долларына айырбастауды кезең-кезеңмен жүргiзiп отырды.
Басқарудың қол жеткiзiлген қаржылық нәтижелерi мен сапасын ескере отырып, сенiмгерлiк басқару үшiн қызметтерге ақы төлеудiң өзгеруiне байланысты "Қазақстан Республикасының Ұлттық қорын сенiмгерлiк басқарудың кейбiр мәселелерi туралы" Қазақстан Республикасы Үкiметiнiң 2004 жылғы 26 шiлдедегi N 792 қаулысымен мақұлданған Қазақстан Республикасының Ұлттық қорын сенiмгерлiк басқару туралы шартқа өзгерiстер мен толықтырулар енгiзу туралы қосымша келiсiмге қол қойылды.
Қазақстан Республикасы Ұлттық қорының орта мерзiмдi тұжырымдамасының жобасы әзiрлендi, онда тұжырымдаманы iске асырудың нақты мерзiмi белгiлендi, мұнай секторына айқын анықтама берiлдi, ұйымдастыру нысаны - заңды тұлға немесе шот белгiлендi, Қорды пайдаланудың мақсаты мен бағыты көрсетiлдi, қор жинау шегi (немесе оның болмауы) және активтерді таратудың мүмкiндiктi салдары көрсетiлдi, айқындылығы атап көрсетiлдi, борышқа қызмет көрсету және қарыз алу саясаты анықталды, Қордан трансфертке даму бюджетiнiң неғұрлым нақты байланысы және теңдестiрiлген бюджет әдiсiнiң сипаты белгiлендi.
Ұлттық қордың мақсаттары мен мiндеттерiн халық арасында түсiндiру жөнiнде жүйелi түрде жұмыс жүргiзу шеңберiнде "Панорама" газетiне "Ұлттық қор экономиканы дамытуға оң фактор ретiнде" атты тақырыпта мақала жiберiлдi, "Казахстанская правда" газетiнде "Ұлттық қор: жинау немесе жұмсау..." атты материал жарияланды, "Қазақстан 1" арнасында "Мезгiл" ақпараттық-талдамалы бағдарламада "Қазақстан Республикасы Ұлттық Қорының қызметi" атты тақырыпта әңгiме жүргiзiлдi. Бұдан басқа, Қордың қызметi туралы қажеттi ақпарат, Қордың қызметiн реттейтiн есептер, нормативтiк құқықтық актiлер Қаржы министрлiгiнiң web-сайтына (www.minfin.kz) орналастырылды.
Қазақстан Республикасы Бюджет кодексiнiң 25-бабында анықталған тәртiппен "Қазақстан Республикасының Ұлттық қорын басқару кеңесiнiң кейбiр мәселелерi туралы" Қазақстан Республикасы Президентiнiң 2004 жылғы 28 желтоқсандағы N 1509 Жарлығымен Қазақстан Республикасының Ұлттық қорын басқару жөнiндегi кеңестiң құрамы мен ол туралы ереже бекiтiлдi.
Бұдан басқа, Қазақстан Республикасы Үкiметiнiң 2004 жылғы 13 қыркүйектегi N 953 қаулысымен бекiтiлген конкурстарды өткiзудiң тәртiбi мен мерзiмiн нақтылау бөлiмiнде Қазақстан Республикасы Ұлттық қорының жыл сайынғы сыртқы аудитiн жүргiзу үшiн тәуелсiз аудиторын сайлау ережесiне өзгерiстер мен толықтырулар енгiзiлдi.

Шикiзат секторы ұйымдарынан мемлекеттiк бюджетке
түсетiн түсiмдер және Қорға 2004 жылғы түсетiн аударымдар
(мың теңге)

Атауы	2004 жылғы жоспары	Кассалық атқару
		Барлығы	оның iшiнде
			Бюджетке есептелгені	Ұлттық қорға аударылғаны
Қазақстан Республикасының Үкiметi белгiлейтiн тiзбе бойынша шикiзат секторы ұйымдары-занды тұлғалардан алынатын корпоративтiк табыс салығы	53283956	156920336	53283956	103636380
Қазақстан Республикасының Үкiметi белгiлейтiн тiзбе бойынша шикiзат секторы- ның ұйымдары резидент заңды тұлғалардан алатын, төлем көзiнен ұсталатын корпоративтiк табыс салығы	383000	1106867	383000	723867
Қазақстан Республикасының Үкiметi белгiлейтiн тiзбе бойынша шикiзат секторы- ның ұйымдары резидент емес заңды тұлғалардан алатын, төлем көзiнен ұсталатын корпоративтiк табыс салығы	18759000	5150428	5150428	0
Қазақстан Республикасының Үкiметi белгiлейтiн тiзбе бойынша шикiзат секторы- ның ұйымдарынан өндiрiлген тауарларға, көрсетiлген қызметтерге қосылған құн салығы	0	0	0	0
Шикiзат секторы ұйымдарынан (Қазақстан Республикасының Үкiметi белгiлейтiн тiзбе бойынша заңды тұлғалар- дан) алынатын бонустар	0	0	0	0
Шикiзат секторы ұйымдарынан (Қазақстан Республикасының Үкiметi белгiлейтiн тiзбе бойынша заңды тұлғалардан) алынатын роялтилер	12900906	26427906	12900906	13527000
Жасалған келiсiм-шарттар бойынша шикiзат секторы ұйымдарынан (Қазақстан Республикасының Үкiметi белгiлейтiн тiзбе бойынша заңды тұлғалар- дан) алынатын өнiмдердi бөлу бойынша Қазақстан Республикасының үлесi	7769824	10675502	7769824	2905678
Мемлекеттiк бюджет бойынша жиыны	93096686	200281039	79488114	120792925

"2004 жылға арналған республикалық бюджет туралы" Қазақстан
Республикасының Заңымен шикiзат секторы ұйымдарынан алынатын салық
және республикалық бюджетке төленетiн басқа да мiндетті төлемдердiң
жылдық көлемi 93096686 мың теңге сомасында бекiтiлдi.
2005 жылғы 1 қаңтардағы жағдай бойынша шикiзат секторы
ұйымдарынан iс жүзiнде 200281039 мың теңге түстi, оның iшiнде
қолданылып жүрген заңнамаға сәйкес республикалық бюджетке -
79488114 мың теңге есепке алынды. Нәтижесiнде шикiзат секторы
ұйымдарынан Қорға түсетiн жоспардан тыс түсiмдердiң сомасы
120792925 мың теңгенi құрады.
Қордың ақшалай қаражаты 2005 жылғы 1 қаңтарға 667022245 мың
теңгенi құрады.
Салықтардың түрлерi бойынша Қорға түсетiн қаражаттың
жоспардан тыс түсiмдерiнiң құрылымы тұтастай алғанда 2004 жыл үшiн
мынадай көрсеткiштермен сипатталады:

Салық төлемдерiнiң түрлерi	Сомасы (мың теңге)	Жалпы көлемдегi үлес (%)
Заңды тұлғалардан алынатын корпоративтiк табыс салығы	103 636 380	85,80
Резидент заңды тұлғалардан алынатын, төлем көзiнен ұсталатын корпоративтiк табыс салығы	723 867	0,60
Резидент емес заңды тұлғалардан алынатын, төлем көзiнен ұсталатын корпоративтiк табыс салығы	0	0
Заңды тұлғалардан алынатын табыс салығының барлығы	104 360 247	86,40
Қосылған құн салығы	0	0
Бонустар	0	0
Роялтилер	13 527 000	11,20
Шикiзат секторы ұйымдарынан алынатын өнiмдердi бөлу бойынша Қазақстан Республикасының үлесi	2 905 678	2,40
БАРЛЫҒЫ:	120 792 925	100,0

Шикiзат секторы ұйымдарынан Қорға түсетiн жоспардан тыс түсiмдерде негiзгi бөлiктi - 85,80 %-ын заңды тұлғалардан алынатын, төлем көзiнен ұсталатын корпоративтiк табыс салығы, одан кейiн үлесi түсiмдердiң жалпы сомасының 11,20 %-ын құрайтын роялтилер құрайды. Өнiмдердi бөлу бойынша Қазақстан Республикасының үлесi түсiмдердiң жалпы сомасында 2,40 % және сомасы 723867 мың теңге немесе түсiмдердiң жалпы сомасынан 0,60 % резидент заңды тұлғалардан алынатын корпоративтiк табыс салығын құрады.

2. Қордың шығыстары
Қордың есебiнен есептi кезеңде жалпы сомасы 524247 мың теңге Қорды басқаруға байланысты мынадай шығыстар жүргiзiлдi:
Қазақстан Республикасы Үкiметiнiң 2001 жылғы 18 мамырдағы N 655 қаулысымен мақұлданған сенiмгерлiк басқару туралы шартқа сәйкес Қорды басқарғаны үшін сыйақы түрiнде Қазақстан Республикасы Ұлттық Банкiне 136326 мың теңге аударылды;
кастодианның қызмет көрсетулерi үшiн 60393 мың теңге аударылды;
сыртқы басқарушыларға 297731 мың теңге комиссиялық сыйақы ретiнде аударылды;
сыртқы аудиттiң 2003 жылғы қызмет көрсетулерi үшiн 11159 мың теңге аударылды;
"Barra International, Ltd" компаниясының ақпараттық қызметтерi үшiн 8702 мың теңге аударылды;
"Morgan Stаnlеу Capital International" компаниясының ақпараттық қызметтерi үшiн 2034 мың теңге аударылды;
"The Yield Book Inc" компаниясы көрсеткен қызметтер үшiн 7902 мың теңге аударылды.
2004 жылғы төртiншi тоқсанда жалпы сомасы 480894 мың теңге мынадай шығыстар төлеуге есептелдi:
Қорды сенiмгерлiк басқарғаны үшiн Қазақстан Республикасының Ұлттық Банкiне комиссиялық сыйақы - 26206 мың теңге;
кастодианның қызмет көрсетулерiне - 57662 мың теңге;
сыртқы басқарушыларға қызмет көрсетулерiне - 384431 мың теңге;
Қордың 2004 жылғы қызметiнiң аудитi қызмет көрсетулерiне - 12595 мың теңге.