Ескерту. Күші жойылды - ҚР Білім және ғылым министрінің м.а. 08.08.2013 № 324 бұйрығымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
"Білім туралы" Қазақстан Республикасының 2007 жылғы 27 шілдедегі Заңының 5-бабы 39) тармақшасына сәйкес БҰЙЫРАМЫН:
1. Білім және ғылым қызметкерлерін көтермелеу жөніндегі нұсқаулық бекітілсін.
2. Әкімшілік қамтамасыз ету департаменті (Т.Т. Мекамбаев) белгіленген тәртіппен:
1) осы бұйрықты Қазақстан Республикасы Әділет министрлігіне мемлекеттік тіркеуге жіберсін;
2) осы бұйрықты мемлекеттік тіркеуден өткеннен кейін ресми жариялауды қамтамасыз етсін.
3. Мыналардың:
1) "Қазақстан Республикасы Білім және ғылым министрлігінің көтермелеу түрлерін бекіту туралы" Қазақстан Республикасы Білім және ғылым министрінің 2000 жылғы 12 желтоқсандағы N 1159 бұйрығының (Қазақстан Республикасы Әділет министрлігінде N 1361 тіркелген);
2) "Қазақстан Республикасы Білім және ғылым министрлігінің көтермелеу түрлерін бекіту туралы" Қазақстан Республикасы Білім және ғылым министрінің 2000 жылғы 12 желтоқсандағы N 1159 бұйрығына өзгерістер мен толықтырулар енгізу туралы" Қазақстан Республикасы Білім және ғылым министрі міндетін атқарушының 2004 жылғы 27 шілдедегі N 652 бұйрығының (Қазақстан Республикасы Әділет министрлігінде N 2985 тіркелген) күші жойылды деп танылсын.
4. Осы бұйрық ресми жарияланған күнінен бастап күшіне енеді.
5. Осы бұйрықтың орындалуын бақылау Жауапты хатшы С.Ж. Пірәлиевке жүктелсін.
Министрдің
міндетін атқарушы
Қазақстан Республикасы
Білім және ғылым министрі
міндетін атқарушының
2007 жылғы 20 қарашадағы
N 373-к бұйрығымен
бекітілген
Білім және ғылым қызметкерлерін
көтермелеу жөніндегі нұсқаулық 1. Жалпы ережелер
1. Осы Білім және ғылым қызметкерлерін көтермелеу жөніндегі нұсқаулық (бұдан әрі - Нұсқаулық) "Білім туралы" Қазақстан Республикасының Заңына сәйкес әзірленді.
2. Көтермелеу білім және ғылым саласындағы мәселелерді шешетін білім, ғылым және басқа да ұйымдар жүйесіндегі қызметкерлердің еңбегін ынталандыру нысаны болып табылады.
3. Қызметкерлерді еңбектегі табыстары, білім және ғылым саласындағы жетістіктері үшін көтермелеу мақсатында мынадай көтермелеу түрлері белгіленеді:
1) Нұсқаулықтың 1-қосымшасына сәйкес "Қазақстан Республикасының білім беру ісінің құрметті қызметкері" төсбелгісі;
2) Нұсқаулықтың 2-қосымшасына сәйкес "Қазақстан Республикасының ғылымын дамытуға сіңірген еңбегі үшін" төсбелгісі;
3) Нұсқаулықтың 3-қосымшасына сәйкес "Ы. Алтынсарин" төсбелгісі;
4) Нұсқаулықтың 4-қосымшасына сәйкес "Қазақстан Республикасының білімі мен ғылымын дамытудағы зор еңбегі үшін" төсбелгісі;
5) Қазақстан Республикасы Білім және ғылым министрлігінің Құрмет грамотасы;
6) Қазақстан Республикасы Білім және ғылым министрлігінің алғысы.
Ескерту. 3-тармаққа өзгерту енгізілді - ҚР Білім және ғылым министрінің 2009.07.08 N 153-к Бұйрығымен.
4. Төсбелгі төстің оң жағында Қазақстан Республикасының мемлекеттік наградаларынан төмен орналасады.
5. Төсбелгісімен марапаттау қайта жүргізілмейді.
2. "Қазақстан Республикасының білім беру ісінің құрметті
қызметкері" төсбелгісімен марапаттау шарты
6. Төсбелгімен:
1) оқушылардың, тәрбиеленушілердің және студенттердің өз бетімен дамуын қамтамасыз ететін сабақтарды, білімді бақылауды және жаңа интерактивтік технологияларды ұйымдастырудың және өткізудің белсенді нысандарын және әдістерін оқу үдерісіне енгізгені үшін;
2) білім алушылардың ғылыми-зерттеушілік және жобалық-конструкторлық қызметіне басшылық жасаудағы табыстары үшін;
3) өңірлік, республикалық, халықаралық білім және ғылыми-техникалық бағдарламалар мен жобалардағы жетістіктері үшін;
4) білім берудің өзекті мәселелері бойынша зерттеулері үшін;
5) білім беру жүйесінің оқытушы кадрларын даярлаудағы және олардың педагогикалық және ғылыми біліктіліктерін арттырудағы, мамандарды қайта даярлаудағы еңбектері үшін;
6) оқу әдебиеттерін әзірлеудегі және оқу құралдары мен жабдықтарын шығарудағы жетістіктері үшін;
7) білім беру ұйымдарының қаржы-шаруашылық қызметін ұйымдастырудағы, материалдық-техникалық және эксперименттік-өндірістік базаларын дамытудағы және нығайтудағы жетістіктері үшін ең үздік қызметкерлер марапатталады.
7. Төсбелгімен білім беру ұйымдарында он жылдан кем емес жұмыс өтілі және жоғары немесе бірінші біліктілік санаты бар (педагогикалық қызметкерлер үшін) қызметкерлер марапатталады.
3. "Қазақстан Республикасының ғылымын дамытудағы еңбегі үшін"
төсбелгісімен марапаттау шарты
8. Төсбелгімен:
1) отандық ғылым мен техниканың әлемдік жетістіктер деңгейіне арналған қорытындысына ықпал ететін іргелі және қолданбалы зерттеулер саласындағы маңызды нәтижелері үшін;
2) ғылымның, техниканың және мәдениеттің басым бағыттары бойынша халықаралық, республикалық, өңірлік басқа ғылыми-техникалық бағдарламаларды іске асырудағы жетістіктері үшін;
3) жаңа техника мен технологияларды жасауға және қолда бар техника мен технологияларды жетілдіруге қосқан зор үлесі үшін;
4) зор практикалық маңызы бар әзірленген жаңа технологиялары үшін;
5) ғылым мен мәдениеттің қазіргі жетістіктерін қарсаңындағы ғылыми-зерттеу үдерістерін ұйымдастырудағы және жетілдірудегі маңызды табыстары үшін;
6) білікті ғылыми кадрларды даярлаудағы жоғары жетістіктері үшін;
7) қаржылық-шаруашылық қызметінің ғылыми саласын басқаруды ұйымдастырудағы, ғылымның материалдық-техникалық және эксперименттік-өндірістік базаларын нығайту мен дамытудағы жоғары жетістіктері үшін үздік қызметкерлер марапатталады.
9. Төсбелгімен кемінде он жыл жұмыс өтілі бар ғылыми қызметкерлер марапатталады.
4. "Ы. Алтынсарин" төсбелгісімен марапаттау шарты
10. Төсбелгімен:
1) білім беру мен тәрбиелеу үдерістерін, оқыту мен тәрбиелеудің біртұтастығын қамтамасыз ету, білім беру және тәрбиелеу бағдарламаларын ұйымдастыру мен жетілдірудегі маңызды табыстары үшін;
2) оқушылардың, тәрбиеленушілердің практикалық даярлаудағы, олардың шығармашылық белсенділігін дамытудағы табыстары үшін;
3) облыстық (аудандық), республикалық халықаралық білім бағдарламалары мен жобалардағы жетістіктері үшін білім беру органдары мен ұйымдарының педагогикалық қызметкерлері марапатталады.
11. Төсбелгімен білім беру органдары мен ұйымдарында кемінде он жыл жұмыс өтілі бар қызметкерлер марапатталады.
5. "Қазақстан Республикасының білімі мен ғылымын дамытудағы зор еңбегі үшін" төсбелгісімен марапаттау шарты
Ескерту. 5-тараудың атауына өзгерту енгізілді - ҚР Білім және ғылым министрінің 2009.07.08 N 153-к Бұйрығымен.
12. Төсбелгімен білім беру органдары мен ұйымдарында кемінде он жыл жұмыс өтілі бар үздік білім және ғылым қызметкерлері, сондай-ақ мемлекеттер, Қазақстанның және әріптес елдердің ғылыми және білім беру ұйымдарының арасындағы ынтымақтастықты дамытуға зор үлес қосқан атақты шетелдік білім және ғылым қайраткерлері марапатталады.
6. Қазақстан Республикасы Білім және ғылым министрлігінің
Құрмет грамотасымен марапаттау шарты
13. Құрмет грамотасымен:
1) ғылыми педагогикалық кадрларды даярлау, қайта даярлау және біліктілігін арттыру жөніндегі зор және жемісті еңбегі үшін;
2) білім беру және тәрбиелеу үдерісіне оқытудың жаңа технологияларын, нысандары мен әдістерін енгізгені және оқыту мен тәрбиелеудің біртұтастығын қамтамасыз еткені үшін;
3) іргелі және қолданбалы ғылымның өзекті проблемалары жөніндегі, оның ішінде білім беру проблемалары жөніндегі ғылыми зерттеулерді дамытқаны үшін;
4) өңірлік, республикалық, халықаралық білім беру және ғылыми-техникалық бағдарламалар мен жобалардағы, ғылымның, техниканың және мәдениеттің басым бағыттары бойынша өңірлік жоғары оқу орындары арасындағы бағдарламаларды іске асырудағы жетістіктері үшін;
5) оқушыларды, тәрбиеленушілерді, студенттерді және тыңдаушыларды практикалық даярлаудағы, олардың шығармашылық белсенділігі мен дербестігін дамытудағы табыстары үшін;
6) оқытудағы зор табыстары үшін;
7) жоғары білікті мамандарды практикалық даярлауда, материалдық-техникалық базаларды дамытуда білім беру ұйымдарына тұрақты және белсенді көмегі үшін үздік қызметкерлер марапатталады.
14. Білім және ғылым ұйымдарында кемінде бес жыл жұмыс өтілі бар ғылыми және педагогикалық қызметкерлер құрмет грамотасымен марапатталады.
7. Қазақстан Республикасы Білім және ғылым министрлігінің алғысын жариялаудың шарты
15. Алғыс:
1) Министрлік немесе білім беруді басқару органдары ұйымдастыратын (конкурстар, олимпиадалар, байқаулар, көрмелер) жекелеген, біржолғы іс-шараларды өткізгені үшін;
2) Министрлік тапсырмаларын жоғары деңгейде орындағаны үшін;
3) еңбек, оқу, тәрбие және әкімшілік қызметіндегі табыстары үшін үздік қызметкерлерге жарияланады.
8. Марапаттау материалдарын беру және қарау тәртібі
16. Білім және ғылым саласындағы қызметкерлерді марапаттау үшін мынадай құжаттар ұсынылады:
1) ғылыми кеңестің, алқаның шешімінен көшірмесімен қоса білім беру ұйымдарының кепілхаты;
2) Нұсқаулықтың 5-қосымшасына сәйкес марапаттау парағы.
Кепілдемехатқа және марапаттау парағына кандидатураны ұсынып отырған мемлекеттік органның басшысы қол қояды.
17. Орта, техникалық және кәсіптік, орта білімнен кейінгі білім беру ұйымдары марапаттау материалдарын білім беру саласындағы жергілікті атқарушы органға ұсынады.
18. Қазақстан Республикасының мемлекеттік органдары, облыстардың Астана мен Алматы қалаларының әкімдері, білім беру ұйымдарының ғылыми және республикалық ұйымдары, сондай-ақ ведомстволық бағынысты ұйымдар Қазақстан Республикасы Білім және ғылым министрлігіне марапаттау материалдарын ұсынады.
19. Марапаттау материалдары Марапаттау жөніндегі Қазақстан Республикасы Білім және ғылым министрлігінің отырысында қаралады. Комиссия шешімі хаттамамен ресімделеді және Қазақстан Республикасы Білім және ғылым министрлігінің қарауына енгізіледі.
20. Төсбелгімен, Құрмет грамотасымен және Алғыс хатпен марапаттау Қазақстан Республикасы Білім және ғылым министрлігінің бұйрығымен жүзеге асырылады.
Білім және ғылым қызметкерлерін
көтермелеу жөніндегі
нұсқаулыққа 1-қосымша
"Қазақстан Республикасы білім беру ісінің құрметті
қызметкері" төсбелгісінің сипаттамасы
Диаметрі 28 мм, қалыңдығы 2 мм белгі көк түсті ленталы көлемі 25х15 мм жұқа тақтайшаға бекітілген. Белгінің ортасындағы күнде ашылған кітаптың бейнесі, оң жағында лавр бұтағы жатыр. Белгінің сыртқы бетінде мемлекеттік тілде "Қазақстан Республикасы білім беру ісінің құрметті қызметкері" деген жазу бар. Белгі балқытылған мысты-никельден жасалған.
Білім және ғылым қызметкерлерін
көтермелеу жөніндегі
нұсқаулыққа 2-қосымша
"Қазақстан Республикасының ғылымын дамытудағы еңбегі үшін"
төсбелгісінің сипаттамасы
Диаметрі 28 мм, қалыңдығы 2 мм белгі көк түсті ленталы көлемі 25х15 мм жұқа тақтайшаға бекітілген. Белгідегі "Мәңгілік" көне белгісінің ортасында сегіз бұрыштың бейнесі бар. Белгінің сыртқы бетінде мемлекеттік тілде "Қазақстан Республикасының ғылымын дамытудағы еңбегі үшін" деген жазу бар.
Білім және ғылым қызметкерлерін
көтермелеу жөніндегі
нұсқаулыққа 3-қосымша
"Ы. Алтынсарин" төсбелгісінің сипаттамасы
"Ы. Алтынсарин" төсбелгісі диаметрі 32 мм, қалыңдығы 2 мм мыстан және никельден балқытылған мерекелік медаль түрінде жасалған.
Медальдің алдыңғы бетінде Ы. Алтынсариннің бейнесі бар.
Бейненің астыңғы жағында "Ы. АЛТЫНСАРИН" деген жазу бар.
Медальдің сыртқы бетінде мемлекеттік тілде "Педагогикалық қызметтегі табыстары үшін" деген сөздер жазылған.
Білім және ғылым қызметкерлерін
көтермелеу жөніндегі
нұсқаулыққа 4-қосымша
Ескерту. 4-қосымша жаңа редакцияда - ҚР Білім және ғылым министрінің 2009.07.08 N 153-к Бұйрығымен.
"Қазақстан Республикасының білімі мен ғылымын дамытудағы зор еңбегі үшін" төсбелгісінің сипаттамасы
"Қазақстан Республикасының білімі мен ғылымын дамытудағы жоғары қызметі үшін" төсбелгісі алқа мен планкадан тұрады.
Алқа сегіз бұрышты жұлдыз тәрізді, сәулелері көк түсті эмальмен боялған және екі кішірек сәулелермен бөлінген.
Жұлдыздың ортасында өзара айқасқан үш электрондық орбиталар бейнесімен дөңгелек орналасқан, дөңгелек сыртында қазақ тілінде "Қазақстан Республикасының білімі мен ғылымын дамытудағы зор еңбегі үшін" деген жазу бар, әріптер күңгірт бедерлі.
Алқаның келесі бетінде ағылшын тілінде "For great merits on education and science development of the Republic of Kazakhstan" деген жазуы бар, әріптері мен бейнелері жылтыр бедерлі.
Алқа балқытылған мельхиор - ақ түсті металдан жасалған.
Алқа сақина мен қапсырма шеге арқылы ұзындығы 50 мм, ені 32 мм жезден жасалған тік ұзартылған планкаға бекітілген.
Планка көгілдір, сары және көк түстері бар қатқыл лентамен қапталған. Планканың келесі бетінде төсбелгіні киімге бекітетін визорлы құлыппен түйрегіш бар.
Білім және ғылым қызметкерлерін
көтермелеу жөніндегі
нұсқаулыққа 5-қосымша
ҚАЗАҚСТАН РЕСПУБЛИКАСЫ
МАРАПАТТАУ ПАРАҒЫ
1. Тегі, аты, әкесінің аты _________________________________________
2. Лауазымы, жұмыс, қызмет орны ____________________________________
(бөлімшенің, кәсіпорынның, мекеменің,
____________________________________________________________________
ұйымның, министрліктің, мемлекеттік комитеттің нақты атауын
көрсету қажет)
3. Жынысы __________________________________________________________
4. Туған жылы және туған жері ______________________________________
____________________________________________________________________
5. Білімі __________________________________________________________
6. Ғылыми дәрежесі, ғылыми атағы ___________________________________
7. Мекен-жайы ______________________________________________________
8. Жалпы жұмыс өтілі ___________ 9. Саладағы жұмыс өтілі ___________
10. Қазіргі еңбек ұжымындағы жұмыс өтілі ___________________________
11. Марапатталушының нақты негізгі еңбегін көрсететін мінездемесі
____________________________________________________________________
____________________________________________________________________
(ұйымның атауы, талқылау мерзімі, хаттама N)
_____________________________ кандидатура талқыланған және ұсынылған
______________________________ төсбелгісімен марапаттауға ұсынылады
Ұйым басшысы
________________
(қолы)
_____________________________
(тегі, аты, әкесінің аты)
"___"__________________
(толтырған күні)
мөрдің орны
Ескерту: марапатталушының аты-жөні, әкесінің аты жеке куәлігі бойынша толтырылады және транскрипциясы міндетті түрде қазақ және орыс тілдерінде көрсетіледі.
