Ескерту. Күші жойылды - Шығыс Қазақстан облыстық мәслихатының 2012.07.03 № 4/63-V шешімімен.
"Қазақстан Республикасындағы жергілікті мемлекеттік басқару туралы" Қазақстан Республикасы Заңының 6-бабына және "Ұлы Отан соғысының қатысушылары мен мүгедектерiне және соларға теңестiрiлген адамдарға берiлетiн жеңiлдiктер мен оларды әлеуметтiк қорғау туралы" Қазақстан Республикасы Заңының 20-бабына сәйкес Шығыс Қазақстан облыстық мәслихаты ШЕШІМ ҚАБЫЛДАДЫ:
1. Азаматтардың мынадай санаттарына коммуналдық қызметтер шығыстарына өтемақы төлеуге материалдық көмек тағайындалсын:
Ұлы Отан соғысының қатысушылары мен мүгедектерiне;
Соғыстың қатысушыларына теңестірілген адамдарға;
соғыс мүгедектерiне теңестiрiлген адамдарға.
Ескерту. 1 тармаққа өзгерістер енгізілді - ШҚО мәслихатының 2007 жылғы 14 желтоқсандағы N 3/41-IV шешімімен.
2. Ұсынылып отырған Азаматтардың кейбір санаттарына материалдық көмек ұсыну Нұсқауы бекітілсін.
3. Осы шешім оның бірінші ресми жарияланған күнінен кейінгі он күнтізбелік күн өткен соң қолданысқа енгізіледі және 2007 жылғы 01 шілдеден бастап туындаған қарым-қатынастарға таралады.
Ескерту. 3 тармақ жаңа редакцияда - ШҚО мәслихатының 2007 жылғы 14 желтоқсандағы N 3/41-IV шешімімен.
Сессия төрағасы
Шығыс Қазақстан облыстық
мәслихатының хатшысы
Шығыс Қазақстан облыстық
мәслихаттың 2007 жылғы
17 шілдедегі N 24/388-ІІІ
шешімімен бекітілді
Азаматтардың кейбір санаттарына материалдық
көмек ұсыну нұсқауы
Осы азаматтардың кейбір санаттарына материалдық көмек ұсыну нұсқауы (бұдан әрі - Нұсқау) «Ұлы Отан соғысының қатысушылары мен мүгедектеріне және соларға теңестірілген адамдарға берілетін жеңілдіктер мен оларды әлеуметтік қорғау туралы» Қазақстан Республикасының 1995 жылғы 28 сәуірдегі Заңының 20-бабын іске асыру мақсатында әзірленді және азаматтардың кейбір санаттарына коммуналдық қызметтер шығыстарына өтемақы төлеуге материалдық көмек ұсынудың шартын нақтылайды.
Ескерту. Кіріспе жаңа редакцияда - ШҚО мәслихатының 2010.04.09 N 20/262-IV (қолданысқа енгізілу тәртібін 2-тармақтан қараңыз) шешімімен.
1. Жалпы ережелер
1. Коммуналдық қызметтер шығыстарына өтемақы төлеуге материалдық көмек алу құқығымен:
1) Ұлы Отан соғысының қатысушылары мен мүгедектерi;
2) Соғыстың қатысушыларына теңестірілген адамдар:
қорғанысына қатысу майдандағы армия бөлiмдерiнiң әскери қызметшiлерi үшiн белгiленген жеңiлдiк шарттарымен зейнетақы тағайындау үшiн еңбек өткерген жылдарына 1998 жылғы 1 қаңтарға дейiн есептелдi қалаларда Ұлы Отан соғысы кезiнде қызмет атқарған әскери қызметшiлер, сондай-ақ бұрынғы КСР Одағы iшкi iстер және мемлекеттiк қауiпсiздiк органдарының басшы және қатардағы құрамының адамдары;
Ұлы Отан соғысы кезiнде майдандағы армия құрамына кiрген әскери бөлiмдерде, штабтарда, мекемелерде штаттық қызмет атқарған Совет Армиясының, Әскери-Теңiз Флотының, бұрынғы КСР Одағының iшкi iстер және мемлекеттiк қауiпсiздiк әскерлерi мен органдарының ерiктi жалдама құрамаларының адамдары, яки сол кездерде қорғанысына қатысу майдандағы армия бөлiмдерiнiң әскери қызметшiлерi үшiн белгiленген жеңiлдiк шарттарымен зейнетақы тағайындау үшiн еңбек өткерген жылдарына 1998 жылғы 1 қаңтарға дейiн есептеледi қалаларда болған адамдар;
Ұлы Отан соғысы кезiнде майдандағы армия мен флоттың құрамына кiрген бөлiмдердiң, штабтар мен мекемелердiң құрамында полк баласы (тәрбиеленушiсi) және теңiзшi бала ретiнде болғандар;
екiншi дүниежүзiлiк соғыс жылдарында шетелдердiң аумағында фашистiк Германия мен оның одақтастарына қарсы ұрыс қимылдарына партизан отрядтары, астыртын топтар және басқа да антифашистiк құрамалар құрамында қатысқан адамдар;
Қатынас жолдары халық комиссариаты, Байланыс халық комиссариаты арнайы құрамаларының, кәсiпшiлiк және көлiк кемелерiнiң жүзу құрамы мен авиацияның ұшу-көтеру құрамының, бұрынғы КСР Одағы Балық өнеркәсiбi халық комиссариатының, Теңiз және өзен флотының, Солтүстiк теңiз және жолы Бас басқармасының ұшу-көтеру құрамының Ұлы Отан соғысы кезiнде әскери қызметшiлер жағдайына көшiрiлген және ұрыс майдандарының тылдағы шептерi, флоттардың оперативтiк аймақтары шегiнде майдандағы армия мен флот мүдделерiне орай мiндеттер атқарған қызметкерлерi, сондай-ақ Ұлы Отан соғысының бас кезiнде басқа мемлекеттердiң порттарында тұтқындалған көлiк флоты кемелерi экипаждарының мүшелерi;
қоршаудағы кезеңiнде Ленинград қаласының кәсiпорындарында, мекемелерi мен ұйымдарында жұмыс iстеген және "Ленинградты қорғағаны үшiн" медалiмен әрi "қоршаудағы Ленинград тұрғыны" белгiсiмен наградталған азаматтар;
екiншi дүниежүзiлiк соғыс кезiнде фашистер мен олардың одақтастары құрған концлагерлердiң, геттолардың және басқа да ерiксiз ұстау орындарының жасы кәмелетке толмаған бұрынғы тұтқындары;
басқа мемлекеттердiң аумақтарындағы ұрыс қимылдарына қатысушылар, атап айтқанда:
бұрынғы КСР Одағы үкiмет органдарының шешiмдерiне сәйкес басқа мемлекеттiң аумақтарындағы ұрыс қимылдарына қатысқан - Совет Армиясының, Әскери-Теңiз флотының, Мемлекеттiк қауiпсiздiк комитетiнiң әскери қызметшiлерi, бұрынғы КСР Одағы Iшкi iстер министрлiгiнiң қатардағы және басқарушы құрамының адамдары (әскери мамандар мен кеңесшiлердi қоса есептегенде); жаттығу жиындарына шақырылып, ұрыс қимылдары жүрiп жатқан кезде Ауғанстанға жiберiлген әскери мiндеттiлер; ұрыс қимылдары жүрiп жатқан осы елге жүк жеткiзу үшiн Ауғанстанға жiберiлген автомобиль батальондарының әскери қызметшiлерi; бұрынғы КСР Одағының аумағынан Ауғанстанға жауынгерлiк тапсырмаларды орындау үшiн ұшулар жасаған ұшу құрамының әскери қызметшiлерi; Ауғанстандағы кеңес әскери құрамына қызмет көрсеткен жараланған, контузия алған немесе зақымданған, яки ұрыс қимылдарын қамтамасыз етуге қатысқаны үшiн бұрынғы КСР Одағының ордендерiмен және медальдерiмен наградталған жұмысшылар мен қызметшiлер;
1986-1987 жылдары Чернобыль АЭС-iндегi апаттың, сондай-ақ азаматтық немесе әскери мақсаттағы объектiлердегi басқа да радиациялық апаттар мен авариялардың зардаптарын жоюға қатысқан, сондай-ақ ядролық сынақтар мен жаттығуларға тiкелей қатысқан адамдар;
Ұлы Отан соғысында қаза тапқан жауынгерлердің, қайталап некеге отырмаған жесірлері;
3) Бұрынғы КСР Одағын қорғауда, басқа мерзімдерде әскери қызметтің өзге міндеттерін атқарғанда немесе майданда болуына байланысты ауру салдарынан, сондай-ақ Ауғаныстанда немесе ұрыс қимылдары жүргізілген өзге мемлекеттердегі әскери қызметін өтегенде жаралану, контузия алу немесе зақымдану салдарынан мүгедек болған әскери қызметшілер иеленеді.
4) әскери мiндетiн орындау кезiнде жаралануы, контузия алуы, зақымдануы салдарынан, яки майданда болуына немесе ұрыс қимылдары жүргiзiлген мемлекеттерде әскери мiндетiн орындауына байланысты ауруға шалдығуы салдарынан мүгедек болған бұрынғы КСР Одағының iшкi iстер және мемлекеттiк қауiпсiздiк органдарының басшы және қатардағы құрамындағы адамдар;
5) 1944 жылдың 1 қаңтарынан 1951 жылдың 31 желтоқсанына дейiнгi кезеңде Украин ССР-i, Беларусь ССР-i, Литва ССР-i, Латыш ССР-i, Эстон ССР-i аумақтарында қимыл жасаған халықты қорғаушы истребительдiк батальондардың, взводтар мен отрядтардың жауынгерлерi мен командалық құрамы қатарында болған, осы батальондарда, взводтарда, отрядтарда қызмет мiндетiн атқаруға кезiнде жаралануы, контузия алуы немесе зақымдануы салдарынан мүгедек болған адамдар;
6) басқа елдерде қимыл жасаған әскер құрамдарына қызмет көрсеткен және ұрыс қимылдарын жүргiзу кезiнде жаралануы, контузия алуы, зақымдануы немесе ауруы салдарынан мүгедек болған тиiстi санаттағы жұмысшылар мен қызметшiлер;
7) Чернобыль АЭС-iндегi апаттың, азаматтық немесе әскери мақсаттағы объектiлердегi басқа да радиациялық апаттар мен авариялардың, ядролық қаруды сынаудың салдарынан мүгедек болған адамдар, сондай-ақ ата-анасының бiрiнiң радиациялық сәуле алуы себебiнен генетикалық жағынан мүгедек болып қалған олардың балалары. 8) Ауғанстандағы немесе ұрыс қимылдары жүргiзiлген басқа мемлекеттердегi ұрыс қимылдары кезiнде жаралану, контузия алу, зақымдану, ауруға шалдығу салдарынан қаза тапқан (хабарсыз кеткен) немесе қайтыс болған әскери қызметшiлердiң отбасылары.
Ескерту. 1 тармақ 14.12.2007 ШҚО мәслихатының N 3/41-IV шешімдеріне сәйкес тармақшалармен толықтырылды; 19.12.2008 N 10/135-IV 8 тармақшамен толықтырылды.
2. Коммуналдық қызметтер шығыстарына өтемақы төлеуге материалдық көмек төлеу бойынша аудандық, қалалық бюджеттік бағдарламалардың әкімшілері болып облыстың аудандық және қалалық жұмыспен қамту және әлеуметтік бағдарламалар бөлімдері табылады. Материалдық көмекті төлеуге қаражаттарды қаржыландыру және жұмсау 007 "жергілікті өкілетті органдардың шешімдері бойынша азаматтардың жеке санаттарына әлеуметтік көмек" бағдарламасы бойынша жүргізіледі.
3. Нысаналы ағымдағы трансферттерді бөлу жөніндегі уәкілетті орган болып Шығыс Қазақстан облысының жұмыспен қамту және әлеуметтік бағдарламаларды үйлестіру департаменті табылады.
2. Материалдық көмекті тағайындау жағдайлары
Ескерту. Атауына өзгерту енгізілді - ШҚО мәслихатының 2010.04.09 N 20/262-IV (қолданысқа енгізілу тәртібін 2-тармақтан қараңыз) шешімімен.
4. Осы нұсқаулықтың 1 тармақтың 1)-3), 8) тармақшаларында аталған азаматтарға материалдық көмек 5000 теңге мөлшерінде ұсынылады.
Осы нұсқаулықтың 1 тармақтың 4)-7) тармақшасында аталған азаматтарға материалдық көмек 2000 теңге мөлшерінде ұсынылады.
Ескерту. 4 тармақ редакцияда - ШҚО мәслихатының 14.12.2007 N 3/41-IV шешімінің; 19.12.2008 N 10/135-IV мәслихатының шешімімен енгізілген өзгертумен.
5. Материалдық көмек алу үшін азаматтар, оны жеке шотқа аудару туралы өтінішті қалалық, аудандық жұмыспен қамту және әлеуметтік бағдарламалар бөліміне беріледі. Өтінішке мынадай құжаттардың көшірмелері қоса беріледі: жеке куәлік, Ұлы Отан соғысы қатысушысының, мүгедегінің куәлігі және Ұлы Отан соғысы қатысушысына теңестірілген санатты растайтын өзге құжаттар, осы жерде тұру фактісін растайтын құжат (азаматтарды тіркеу кітабі немесе тұратын жерінен анықтама), "Қазпошта" АҚ филиалдарындағы немесе жұмыспен қамту және әлеуметтік бағдарламалар бөлімінің келісімі бойынша екінші деңгейдегі банктердегі жеке шоттың нөмірі.
6. Азаматтарға материалдық көмек беру өтініш беру түрінде және өтініш пен тиісті құжаттарды тапсырған айдан бастап беріледі.
7. Ай сайын мемлекеттік зейнетақы төлеу орталығының Шығыс Қазақстан облыстық филиалы және аудандық (қалалық) жұмыспен қамту және әлеуметтік бағдарламалар бөлімдері осы Нұсқаудың 1 тармағында көрсетілген алушылардың санаттарына салыстыру жасайды.
3. Коммуналдық қызметтер шығыстарына өтемақы төлеуге
материалдық көмек төлеу бойынша нысаналы ағымдағы
трансферттерді пайдалану тәртібі
Ескерту. 3-бөлім алынып тасталды - ШҚО мәслихатының 2010.04.09 N 20/262-IV (қолданысқа енгізілу тәртібін 2-тармақтан қараңыз) шешімімен.
9. Аудандық және қалалық жұмыспен қамту және әлеуметтік бағдарламалар бөлімдері екінші деңгейдегі банктер және "Қазпошта" АҚ филиалдары арқылы жасасқан келісім-шарттардың негізінде Ұлы Отан соғысы қатысушыларына, мүгедектеріне және Ұлы Отан соғысы қатысушыларына теңестірілген адамдарға төлем жүргізеді.
Азаматтардың кейбір санаттарына
материалдық көмек ұсыну туралы
нұсқауына 1 қосымша
Шығыс Қазақстан облысының жергілікті атқарушы органдарымен
коммуналдық қызметтерді өтеуге облыстық бюджеттен
бөлінген нысаналы трансферттерді игеру
Ескерту. 1-қосымша алынып тасталды - ШҚО мәслихатының 2010.04.09 N 20/262-IV (қолданысқа енгізілу тәртібін 2-тармақтан қараңыз) шешімімен.
Азаматтардың кейбір санаттарына
материалдық көмек ұсыну туралы
нұсқауына 2 қосымша
Шығыс Қазақстан облысының жергілікті атқарушы органдарымен
коммуналдық қызметтерді өтеуге облыстық
бюджеттен бөлінген нысаналы трансферттерді игеру
Ескерту. 2-қосымша алынып тасталды - ШҚО мәслихатының 2010.04.09 N 20/262-IV (қолданысқа енгізілу тәртібін 2-тармақтан қараңыз) шешімімен.
