Ескерту. Қолданылу мерзімінің аяқталуына байланысты қаулының күші жойылды - Маңғыстау облысы әкімдігінің 2012.07.11 № 01-30-1018 хатымен.
Ескерту. Қаулының атауында, бүкіл мәтінінде және қосымшаларында "Шағын кәсіпкерлікті дамыту қоры" АҚ" деген сөздер "ДАМУ" кәсіпкерлікті дамыту қоры" АҚ" деген сөздермен, "Шағын кәсіпкерлікті дамыту қоры" АҚ (одан әрі - "ШКДҚ" АҚ)" деген сөздер "ДАМУ" кәсіпкерлікті дамыту қоры" АҚ (одан әрі - "ДАМУ" КДҚ" АҚ)" деген сөздермен ауыстырылды - Маңғыстау облысының 2008.08.25 N 775 (қолданысқа енгізілу тәртібін 3-тармақтан қараңыз) қаулысымен.
Қазақстан Республикасының 2004 жылғы 24 сәуірдегі Бюджет кодексіне , Қазақстан Республикасының "Қазақстан Республикасындағы жергілікті мемлекеттік басқару туралы" 2001 жылғы 23 қаңтардағы, "Жеке кәсіпкерлік туралы" 2006 жылғы 31 қаңтардағы заңдарына, Қазақстан Республикасы үкіметінің "Республикалық және жергілікті бюджеттердің атқарылу Ережесін бекіту туралы" 2007 жылғы 20 наурыздағы N 225, "Қазақстан Республикасының әлеуметтік-экономикалық даму тұрақтылығын қамтамасыз ету бойынша бірінші кезектегі іс-қимыл жоспарын бекіту туралы" 2007 жылғы 06 қарашадағы N 1039 қаулыларына сәйкес, облыс әкімдігі ҚАУЛЫ ЕТЕДІ:
1. Қоса берілген "Мемлекеттік инвестициялық саясатты іске асыруға арналған "ДАМУ" кәсіпкерлікті дамыту қоры" АҚ несиелендіру "бағдарламасы бойынша облыстық бюджетте қаралған қаражатты пайдалану Нұсқаулығы бекітілсін.
2. 1-қосымшаға сәйкес құрамда Маңғыстау облысы әкімдігінің жанындағы 2008 жылы облыстық бюджет қаражатынан несиелендіруге арналған бизнес-жобаларды қарау және іріктеу жөніндегі комиссия (бұдан әрі - Комиссия) құрылсын.
3. Комиссияның дербес құрамы қолданыстағы заңнамаға сәйкес Маңғыстау облыстық мәслихатының кезекті сессиясының қарауына енгізілсін.
4. Қоса берілген Комиссия туралы Ереже бекітілсін.
5. Осы қаулының орындалуын бақылау облыс әкімінің орынбасары М.М. Бортникке жүктелсін.
6. Осы қаулы ресми жарияланған күнінен бастап қолданысқа енгізіледі.
Облыс әкімі Қ. Көшербаев
"КЕЛІСІЛДІ:"
М.М. Бортник
С.А. Бермұхамедов
Ж.А. Оспанова
А. Әбдешұлы
М.Б. Әлібекова
Маңғыстау облысының
қаржы басқармасының бастығы
"____"_____________2008 жыл.
Х.Х. Нұрғалиева
Маңғыстау облысының экономика және
бюджеттік жоспарлау басқармасының бастығы
"____"_____________2008 жыл.
А.М. Теңгебаев
Маңғыстау облысы бойынша
салық комитетінің төрағасы
"____"_____________2008 жыл.
Р. Тұрар
"ДАМУ" кәсіпкерлікті дамыту қоры" АҚ
Маңғыстау облысы бойынша өңірлік
филиалының директоры
"____"_____________2008 жыл.
Қ.Қ. Әленов
"Маңғыстау облысының кәсіпкерлер мен жұмыс берушілер
Одағы" заңды тұлғалар бірлестігінің төрағасы,
"____"_____________2008 жыл.
Н.Д. Отелепко
Маңғыстау облысының
Сауда-өнеркәсіптік палатасының төрайымы
"____"_____________2008 жыл.
Д.Б. Әділханов
Маңғыстау облысының өнеркәсіп және кәсіпкерлік
басқармасының бастығы
"____"_____________2008 жыл
Маңғыстау облысы әкімдігінің
2008 жылғы 3 маусымындағы
N 404 қаулысына
1-қосымша
Ескерту. 1-қосымшаға өзгерту енгізілді - Маңғыстау облысының
2008.09.24 N 1313 (жарияланған күнінен бастап қолданысқа енгізіледі)
Қаулысымен.
Маңғыстау облысы әкімдігінің жанындағы 2008 жылы облыстық
бюджет қаражатынан несиелендіруге арналған бизнес-жобаларды
қарау және іріктеу жөніндегі комиссия құрамы
Бортник |
- |
Маңғыстау облысы әкімінің орынбасары, комиссия төрағасы |
|
Олжабаева Лиза Оспанқызы |
Маңғыстау облысының кәсіпкерлік және өнеркәсіп басқармасының бастығы, комиссия төрағасының орынбасары |
||
Ахмедеева |
- |
Маңғыстау облысының өнеркәсіп және кәсіпкерлік басқармасының бөлім бастығы, комиссия хатшысы |
|
| Комиссия мүшелері: | |||
|---|---|---|---|
Бектұрғанов |
Маңғыстау облысы әкімінің аппараты мемлекеттік-құқықтықбөлімнің меңгерушісі |
||
Әлібекова |
- |
Маңғыстау облысының қаржы басқармасының бастығы |
|
Нұрғалиева |
- |
Маңғыстау облысының экономика және бюджеттік жоспарлау басқармасының бастығы |
|
Теңгебаев |
- |
Маңғыстау облысы бойынша салық департаментінің бастығы (келісім бойынша) |
|
Мұстапаева |
- |
Маңғыстау облысының өнеркәсіп және кәсіпкерлік басқармасы бастығының орынбасары |
|
Әленов |
- |
"Маңғыстау облысының кәсіпкерлер мен жұмыс берушілер Одағы" заңды тұлғалар бірлестігінің төрағасы, (келісім бойынша) |
|
Отелепко |
Маңғыстау облысының Сауда-өнеркәсіптік палатасының төрайымы (келісім бойынша) |
||
Тұрар Рахмет |
- |
"ДАМУ" кәсіпкерлікті дамыту қоры" АҚ облысы бойынша өңірлік филиалының директоры (келісім бойынша) |
Маңғыстау облысы әкімдігінің
2008 жылғы 3 маусымындағы
N 404 қаулысына
2-қосымша
Ескерту. 2-қосымшаға өзгерту енгізілді - Маңғыстау облысының
2008.09.24 N 1313 (жарияланған күнінен бастап қолданысқа енгізіледі)
Қаулысымен.
Маңғыстау облысы әкімдігінің жанындағы 2008 жылы облыстық бюджет қаражатынан несиелендіруге арналған бизнес-жобаларды қарау және іріктеу жөніндегі комиссия туралы
Ереже
1. Жалпы ережелер
1. 2008 жылы облыстық бюджет қаражатынан несиелендіруге арналған бизнес-жобаларды қарау және іріктеу жөніндегі комиссия (бұдан әрі - Комиссия) Маңғыстау облысы әкімдігінің жанындағы консультативтік-кеңесші орган болып табылады.
2. Комиссия өз қызметінде Қазақстан Республикасының Конституциясы мен заңдарын, қазақстан Республикасының басқа да нормативтік құқықтық актілерін, сондай-ақ осы Ережені басшылыққа алады.
2. Комиссияның мақсаты мен негізгі міндеттері
3. Комиссия қызметінің мақсаты:
екінші деңгейдегі банктерімен қаралған шағын кәсіпкерліктің дамуының басымдылық талаптарына сәйкес шағын және орта бизнестің жобаларын мақұлдау болып табылады.
4. Комиссияның негізгі міндеттері:
несиелендірудің басымдықты бағыттарына сәйкесті шағын және орта кәсіпкерлік субъектілерінің бизнес-жобаларын қарау және іріктеу;
ұсынылған жобалардың ресурстық қамтамасыз етілуін анықтау болып табылады.
3. Комиссия қызметін ұйымдастыру
5. Комиссияға төраға жетекшілік етеді, оның қызметін басқарады, Комиссия мәжілістеріне төрағалық етеді.
Төраға болмаған уақытта оның функциясын Комиссия төрағасының орынбасары атқарады.
6. Комиссия мәжілісі қажетіне қарай өткізіледі.
Келесі мәжілістің өткізілу мерзімі мен орны алдыңғы мәжілісте төрағалық етушімен анықталады.
7. Комиссия мәжілісінің күн тәртібін жұмыс органы қалыптастырады.
8. Комиссия шешімі мәжіліске қатысушы Комиссия мүшелерінің жай көпшілік даусымен қабылданады. Дауыстар тең болған жағдайда, төрағалық етушінің дауысы шешуші болып табылады.
9. Комиссия шешімі хаттамамен ресімделеді, оған мәжілісті өткізуші Комиссия төрағасы немесе оның орынбасары, сондай-ақ міндетті түрде оның барлық мүшелері қол қояды.
10. Комиссия мүшелерінің ерекше пікір айтуына құқығы бар, пікір жазбаша түрде жазылуға және хаттамаға қоса берілуге тиіс.
11. Комиссия мәжілісінің хаттамасын хатшы екі дана етіп, бірінші данасын төрағаға, ал екінші данасын жұмыс органы мұрағатында сақтау үшін ресімдейді.
12. Комиссия мәжілісінің қол қойылған хаттамасының көшірмесі барлық мүдделі органдар мен Комиссия мүшелеріне жіберіледі.
13. Комиссия шешімі ұсынымдық сипатта болады.
4. Комиссияның жұмысшы органы
14. Комиссияның жұмыс органы Маңғыстау облысының өнеркәсіп және кәсіпкерлік басқармасы (бұдан әрі - Жұмысшы орган) болып табылады.
15. Комиссия қызметінің ұйымдастыру-техникалық қамтамасыз етілуін Жұмыс орган жүзеге асырады.
16. Комиссияның жұмыс органы Комиссия мәжілісін ұйымдастыруға жауапты болып табылады, ол төрағалық етушімен мақұлданған күн тәртібі кіретін, қажетті ақпаратты, мәжіліске дейін 3 күннен кешіктірмей Комиссия мүшелеріне жібереді.
17. Жұмыс органы:
несиелендірудің басымдықты бағыттарына сәйкесті бизнес-жобаларды қабылдау. Осыған орай басымдық, басталған және қолданыстағы, оның ішінде халықтың жұмыспен қамтылу деңгейіне ықпал ететін, өндірістік үдерістерді жалғастыруға және тұтыну рыногын дамытуға бейінді жобаларға берілетін болады;
екінші деңгейлі банктерден оң сараптамалық қорытындысын алған жобаларды Комиссия қарауына дайындау және енгізу;
Комиссия мәжілісін ұйымдастыру және өткізу мен Комиссия мәжілісі күн тәртібінің мәселелері бойынша Комиссия мүшелері мен мүдделі тұлғаларды хабардар ету;
Комиссияның хаттамалық шешімінің орындалуына мониторинг жүргізу бойынша функцияларды орындайды.
5. Комиссия қызметін тоқтату
18. Комиссия өз қызметін қолданыстағы заңнамаға сәйкес тоқтатады.
Маңғыстау облысы әкімдігінің
2008 жылғы 3 маусымындағы
N 404 қаулысына
бекітілген
Ескерту. Нұсқаулыққа өзгерту енгізілді - Маңғыстау облысының
2008.09.24 N 1313 (жарияланған күнінен бастап қолданысқа енгізіледі)
Қаулысымен.
"Мемлекеттік инвестициялық саясатты іске асыруға арналған
"ДАМУ" кәсіпкерлікті дамыту қоры" АҚ несиелендіру" бағдарламасы бойынша облыстық бюджетте қаралған қаражатты пайдалану жөніндегі Нұсқаулық
1. Жалпы ережелер
1. "Инвестициялық саясатты іске асыруға арналған "ДАМУ" кәсіпкерлікті дамыту қоры" АҚ несиелендіру" бағдарламасы бойынша облыстық бюджетте қаралған қаражатты пайдаланудың осы Нұсқаулығы (бұдан әрі - Нұсқаулық) Қазақстан Республикасының 2004 жылғы 24 сәуірдегі Бюджет кодексінің, Қазақстан Республикасының "Жеке кәсіпкерлік туралы" 2006 жылғы 31 қаңтардағы заңының талаптарына, Қазақстан Республикасы үкіметінің "Республикалық және жергілікті бюджеттердің атқарылу Ережесін бекіту туралы" 2007 жылғы 20 наурыздағы N 225, "Қазақстан Республикасының әлеуметтік-экономикалық даму тұрақтылығын қамтамасыз ету бойынша бірінші кезектегі іс-қимыл жоспарын бекіту туралы" 2007 жылғы 06 қарашадағы N 1039 қаулыларына сәйкес әзірленді.
2. Осы нұсқаулық мыналарды анықтайды:
1) облыстық бюджет қаражатынан шағын және орта кәсіпкерлік субъектілері (одан әрі - ШжОКС) болашақта несиелендіру үшін "ДАМУ" кәсіпкерлікті дамыту қоры" АҚ (одан әрі - "ДАМУ" КДҚ" АҚ)" несиелендіру шартын, механизмі мен мерзімін;
2)несие қаражатын қайтару тәртібі мен механизмін, бақылауды.
3.Олар үшін тиімді жағдайда, ШКС келешекті инвестициялық жобаларын қаржыландыру үшін бөлінген облыстық бюджет қаражаты, Қазақстан Республикасының "Жеке кәсіпкерлік туралы" 2006 жылғы 31 қаңтардағы Заңының 17, 19 баптарының талаптарына сәйкес келеді.
2. Бюджеттік несиелендіру шарты
4. ШКС бизнес-жобаларын қарау үшін Маңғыстау облысының әкімдігі жанында 2008 жылы облыстық бюджет қаражатынан несиелендіруге арналған бизнес-жобаларды қарау және іріктеу жөніндегі комиссия (бұдан әрі - Комиссия) құрылады.
5. Несиелендіру Маңғыстау облысының әкімдігі (бұдан әрі - Несиегер) мен "ДАМУ" кәсіпкерлікті дамыту қоры" АҚ Маңғыстау облысы бойынша өңірлік филиал арасында жасалған несие шартына сәйкес жүзеге асырылады.
6. Несиелер мерзімділігі, төлемділігі және қайтарымдылығы жағдайында теңгемен беріледі.
7. Бір қарыз қаражаттың ең жоғарғы сомасы 120 000 айлық есеп көрсеткішінен аспауы тиіс.
Ескерту. 7-тармақ жаңа редакцияда - Маңғыстау облысының 2008.08.25 N 775 (қолданысқа енгізілу тәртібін 3-тармақтан қараңыз) қаулысымен.
8. Жобаны несиелендіруде қарыз берудің мынадай мерзімдері белгіленеді:
қысқа мерзімді (1 жылға дейін);
орта мерзімді (1 жылдан 5 жылға дейін);
ұзақ мерзімде (бес жылдан 10 жылға дейін).
Ескерту. 8-тармаққа өзгерту енгізілді - Маңғыстау облысының 2008.09.24 N 1313 (жарияланған күнінен бастап қолданысқа енгізіледі) қаулысымен.
9. Бюджеттік несиелер Маңғыстау облысының өнеркәсіп және кәсіпкерлік басқармасымен (бұдан әрі - Бағдарлама әкімшісі) Қазақстан Республикасы экономикасын жетілдіру мәселесі жөніндегі Мемлекеттік комиссиямен белгіленген, екінші деңгейлі банктердің филиалдық желілері арқылы "ШКДҚ" Ақ шотына аударылады, ШКС несиелендіруге бағытталатын болады. Осыған орай Несиегер маржасы - 7,1% артық емес, "ДАМУ" КДҚ" АҚ - 1,5% артық емес, екінші деңгейлі банктер - 5% артық емес. Соңғы қарызгер үшін соңғы ставкасы 13,6% аспауы тиіс.
10. Бюджеттік несиелер заңды тұлғалардың жарғылық капиталына қатысу мақсатына, қарызгердің шаруашылық қызметі шығындары мен басқа да мерзімі өткен төлемдерін жабуға берілмейді.
11. Сыйақы есептеу мынадай есептерден жүзеге асырылады:
а) 360 күнге тең жылдан, және тиісінше, 30 күнге тең әрбір айдан;
б) толық емес айдағы өткен күннің нақты санынан.
12. Бюджеттік несиелер мынадай шарттар сақталғанда ШКС беріледі: салық және бюджетке басқа да міндетті төлемдер бойынша берешектер болмағанда;
бюджеттік несие бойынша қарызгер міндеттемесі орындалуының қамтамасыз етілуінің болуы;
бұрын берілген бюджеттік несие бойынша қарызгер берешегінің болмауы.
13. Түпкі қарызгер құжатына талаптар екінші деңгейлі банктермен белгіленеді, бірақ Маңғыстау облысының әкімдігі мен "ДАМУ" КДҚ" АҚ арасында жасалған шарт талаптарына қайшы келмеуі тиіс.
3. Бюджеттік несиелендіру механизмі
14. Комиссия Несиегерге-әкімшіге ШКС ұсынған және Бағдарлама мен осы Шарт талаптарына жауап беретін жобаларды қабылдайды және қарайды, және ШКС мақұлданған жобаларын Банктерге қарау үшін береді. 15. Банк несие қызметін реттейтін өзінің ішкі рәсімдері мен ережелеріне сәйкес Комиссиямен ұсынылған (мақұлданған) ШКС жобаларын қарайды.
16. Бұдан басқа Банктің несие қызметін реттейтін өзінің ішкі рәсімдері мен ережелеріне сәйкес Бағдарлама мен осы Шарт талаптарына жауап беретін ШКС жобаларын дербес таңдауға және қарауға құқығы бар.
17. Банктің өкілетті органымен жоба мақұлданған жағдайда Банк жоба бойынша құжаттар пакеті "ДАМУ" КДҚ" АҚ беріледі. "ДАМУ" КДҚ" АҚ құжаттар пакеті түскен соң 2 күн ішінде құжаттарды Несиегер-әкімшіге беруі тиіс.
18. Несиегер-әкімші 3 күннен кешіктірмей Комиссия алдына тиісті құжаттар пакетімен оның мүшелері танысу үшін ұсынады.
19. Комиссия мәжілісі Несиегер-әкімшіге түскен соң 5 жұмыс күнінен кешіктірмей, қаржыландыру үшін Банктің өкілетті органымен мақұлданған 1 жоба болса да өтуі тиіс. ШКС жобасын Комиссияға "ДАМУ" КДҚ" АҚ өкілі ұсынады.
20. Комиссия ШКС жобасын қаржыландыруға түпкілікті бекіту туралы шешім қабылдайды.
21. Банк Комиссияның оң шешімін алған күннен бастап, 2 жұмыс күні ішінде ШКС қарыз беру бойынша тиісті шарт жасайды. Банкке Комиссиядан Комиссияда тікелей қаралып, мақұлданған жобалар түскен жағдайда бұндай жобалар бойынша Банк несие қызметін реттейтін өзінің ішкі рәсімдері мен ережелеріне сәйкес Банктің өкілетті органының оң шешімі қабылданған соң заем беру бойынша шарт жасайды.
22. Комиссия өз шешімінде Банкпен берілген жобаны мақұлдаудан бас тарту негізін көрсетуге міндетті.
4. Несие өтеу және қызмет көрсету тәртібі
23. Несие шартында жеңілдікті кезең беру қаралуы мүмкін, яғни бюджеттік несие мерзімі құрамына енетін уақыт кезеңі ішінде қарызгермен несие қайтару жүзеге асырылмайды. Жеңілдікті кезеңнің ұзақтығы, бюджеттік несие мерзімі ұзақтығының үштен бірінен аспауы тиіс.
24. Негізгі қарызды қарызгермен өтеу, сыйақы мен басқа да есептелетін төлемдерді төлеу, қарызгер мен банк арасында жасалған несие келісіміне сәйкес жүзеге асырылады. Бұл ретте, мынадай төлем кезектілігі белгіленеді:
тұрақсыздық айыбын есептеу (айыппұл мен өсім);
сыйақы есептеу;
негізгі қарызды өтеу.
25. Бағдарламалар әкімшісінің несиелік келісімді мерзімінен бұрын тоқтатуға және несиелік келісім шарты қарызгермен бұзылған жағдайда бюджеттік несиенің нақты ұсынылған сомасын қайтартуға құқығы бар.
26. Бюджеттік несиені мақсатсыз бағытта бойынша пайдалану фактісі анықталған жағдайда Бағдарлама әкімшісі қолданыстағы заңнамада көрсетілген мөлшерінде айыппұл ала отырып, "ДАМУ" КДҚ" АҚ-нан құқыққа сай келмейтін пайдаланылған несие сомасын өндіріп алады.
27. Қарызгермен несие өтелмеген және несиелік келісіммен белгіленген мерзімде, ол бойынша сыйақы төленбеген жағдайда, қордаланған берешекке мерзімі өткен әр күнге, қайтаруға жататын сомадан 0,1 пайыз мөлшерінде өсім есептеледі.
28. Облыстық бюджет қаражаты есебінен берілген несие, негізгі қарыз сомасы қарызгермен қайтарылғанда, сыйақы мен осы несиемен байланысты басқа да ілеспе төлемдер, тұрақсыздық айыбы кіретін, толық көлемде төленгенде өтелген болып есептеледі.
29. Несие және оны несие шарты мерзімімен белгіленген мерзім ішінде өтемеуі бойынша түпкі қарызгерде берешектер жиналған жағдайда, екінші деңгейлі банктермен, "ДАМУ" КДҚ" АҚ кепіл заты немесе басқа да кепілдік іздестіру жолымен несиені мәжбүрлеп қайтару бойынша шаралар қабылданады.
30. Түпкі қарызгермен несие уақытында қайтарылмаған жағдайда және егер екінші деңгейлі банктермен орындалған рәсімдік нормалар берешекті түпкі қарызгермен қайтаруға әкеле алмаса, екінші деңгейлі банктер "ДАМУ" КДҚ" АҚ бірлесіп, қаражаттың өзіндік көздерден облыстық бюджетке қайтарылуын қамтамасыз етеді. Көрсетілген қаражатты қайтару мерзімі несиелік келісіммен анықталады.
31. Сыйақы ставкасын, несие немесе кезекті төлем өтеу мерзімін, несие валютасын өзгерту сияқты, бюджеттік несиені қайта құрылымдау жергілікті атқарушы орган жанындағы консультативтік - кеңесші органының оң қорытындысы болғанда, облыс әкімдігінің қаулысы негізінде жүзеге асырылады.
32. Несие немесе кезекті төлемді өтеу мерзімін, несие валютасын, сондай-ақ сыйақы ставкасын өзгерту, тиісті қаржы жылына арналған облыстық бюджет туралы мәслихат шешімімен бекітілген бюджеттің кіріс бөлігі мөлшеріне әсер етпеуі тиіс.
5. Несиені есепке алу мен бақылау
33. Бюджеттік несиенің мақсатты пайдалануын және ол бойынша міндеттеменің орындалуын қамтамасыз етудің болуын бақылауды "ДАМУ" КДҚ" АҚ, екінші деңгейлі банктердегі бөлінген қаражаттың шығыс бағыттарын тексеру жолымен Бағдарлама әкімшісі әр айдың 3-не дейін жүзеге асырады.
34. Бағдарлама әкімшісі бақылау мақсатында "ДАМУ" КДҚ" АҚ мен екінші деңгейлі банктерден облыстық бюджет қаражаты есебінен берілген несиемен байланысты қажетті ақпараттарды талап етуге құқылы.
35. Несие ресурстарын түпкі қарызгермен мақсатсыз пайдалану анықталған жағдайда екінші деңгейлі банктер 3 күн ішінде "ДАМУ" КДҚ" АҚ хабарлайды. "ДАМУ" КДҚ" АҚ 3 күн ішінде бұл туралы Бағдарлама әкімшісін хабардар етеді және берілген қаражатты мерзімінен бұрын қайтару бойынша шаралар қабылдайды. Несиені мерзімінен бұрын қайтару мерзімі өткен несие есебіне түпкі қарызгер берешегінің барлық сомасын салу, яғни мерзімінен бұрын өндіріп алу, жолымен жүргізіледі.
36. Берілген бюджеттік несие мониторингі әр айдың 3-не дейін Бағдарлама әкімшісіне есептілік бере отырып, "ДАМУ" КДҚ" АҚ жүргізеді.
37. Берілген несиені пайдалану тиімділігін бағалауды Бағдарлама әкімшісі мен "ДАМУ" КДҚ" АҚ жүзеге асырады.
6. Экономикалық қызметтің жалпы сыныптамасына сәйкес Маңғыстау облысының жергілікті атқарушы органдарымен бюджеттік несиелендірудің басымдықты бағыттарының тізбесі
Облыстық бюджеттен қаражат, бірінші кезекте, мынадай басымдықты бағыттарды несиелендіруге бөлінетін болады:
ауыл шаруашылығы, аңшылық және осы салалардағы қызметтерін ұсыну;
балық аулау, балық өсіру мен осы салалардағы қызметтерін ұсыну;
тау-кен өндіру өнеркәсібі салалары;
сусындар енетін, тамақ өнімдерінің өндірісі;
тоқыма өндірісі;
тоқыма өндірісі;
киім, үлбір өңдеу және бояу өндірісі;
тері, теріден жасалатын бұйымдар өндірісі және аяқ киім өндірісі;
жиһаздан басқа, ағаш өңдеу және ағаштан жасалатын бұйымдар мен тығындар;
қағаз түрлерінің, қағаздар, картондар мен олардан жасалатын бұйымдар өндірісі;
баспа және полиграфия қызметі, жазылған ақпарат жеткізушілерді таралымдау;
резеңке және пластмасса бұйымдарының өндірісі;
басқа да металл емес минералдық өнімдер өндірісі;
электр машиналары мен электр жабдықтарының өндірісі;
радио, телевизия және байланысқа арналған аппаратуралар өндірісі;
жиһаздар мен басқа да бұйымдар өндірісі;
су жинау, тазалау және тарату;
құрылыс;
автомобильге техникалық қызмет көрсету және жөндеу;
тұрмыстық бұйымдар мен жеке қолданыстағы құралдарды жөндеу;
қонақ үйлерімен және мейрамханалармен көрсетілген қызметтерін ұсыну;
құрғақта жүру көлігінің қызметі;
теңіз көлігінің қызметі;
туристік агенттіктер қызметі;
жүк тасымалын ұйымдастыру.
кәсіпкерлік инфрақұрылымдары саласында кәсіпорындар құру (консалтингтік, аудиторлық, маркетингтік қызметтер көрсету);
денсаулық және халыққа әлеуметтік қызметтер көрсету салаларындағы қызметтер;
коммуналдық, әлеуметтік және дербес басқа да қызметтер.
Ескерту. 6-тарау жаңа редакцияда - Маңғыстау облысының 2008.08.25 N 775 (қолданысқа енгізілу тәртібін 3-тармақтан қараңыз); өзгерту енгізілді - 2008.09.24 N 1313 (жарияланған күнінен бастап қолданысқа енгізіледі) қаулысымен.
