"Дербес сәйкестендіру нөмір-кодтарын беру қағидаларын бекіту туралы" Қазақстан Республикасы Қаржы министрінің 2015 жылғы 27 ақпандағы № 137 бұйрығына өзгерістер енгізу туралы

Қазақстан Республикасы Қаржы министрінің 2020 жылғы 8 маусымдағы № 579 бұйрығы. Қазақстан Республикасының Әділет министрлігінде 2020 жылғы 9 маусымда № 20842 болып тіркелді

БҰЙЫРАМЫН:

1. "Дербес сәйкестендіру нөмір-кодтарын беру қағидаларын бекіту туралы" Қазақстан Республикасының Қаржы министрінің 2015 жылғы 27 ақпандағы № 137 бұйрығына (Нормативтік құқықтық актілерді мемлекеттік тіркеу тізілімінде № 10584 болып тіркелген, 2015 жылғы 13 мамырда "Әділет" ақпараттық–құқықтық жүйесінде жарияланған) мынадай өзгерістер енгізілсін:

бұйрықтың тақырыбы мынадай редакцияда жазылсын:

"Дербес сәйкестендіру нөмірлері-кодтарын беру қағидаларын бекіту туралы";

кіріспе мынадай редакцияда жазылсын:

"Мұнай өнімдерінің жекелеген түрлерін өндіруді және олардың айналымын мемлекеттік реттеу туралы" Қазақстан Республикасының 2011 жылғы 20 шілдедегі Заңының 8-бабының 7) тармақшасына және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасының Заңы 10-бабының 1) тармақшасына сәйкес БҰЙЫРАМЫН:";

1-тармақ мынадай редакцияда жазылсын:

"1. Қоса беріліп отырған Дербес сәйкестендіру нөмірлері-кодтарын беру қағидалары бекітілсін.";

көрсетілген бұйрықпен бекітілген Дербес сәйкестендіру нөмір-кодтарын беру қағидалары осы бұйрыққа қосымшаға сәйкес жаңа редакцияда жазылсын.

2. Қазақстан Республикасы Қаржы министрлігінің Мемлекеттік кірістер комитеті заңнамада белгіленген тәртіппен:

1) осы бұйрықтың Қазақстан Республикасының Әділет министрлігінде мемлекеттік тіркелуін;

2) осы бұйрықтың Қазақстан Республикасы Қаржы министрлігінің интернет-ресурсында орналастырылуын;

3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етсін.

3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Қаржы министрі

Е. Жамаубаев

"КЕЛІСІЛДІ"

Қазақстан Республикасының

Цифрлық даму, инновациалар

және аэроғарыш өнеркәсібі министрлігі

	Қазақстан Республикасы Қаржы министрінің 2020 жылғы 8 маусымдағы № 579 бұйрығына қосымша
	Қазақстан Республикасы Қаржы министрінің 2015 жылғы 27 ақпандағы № 137 бұйрығымен бекітілген

Дербес сәйкестендіру нөмірлері-кодтарын беру қағидалары

1-тарау. Жалпы ережелер

1. Осы Дербес сәйкестендіру нөмірлері-кодтарын беру қағидалары (бұдан әрі – Қағидалар) "Мұнай өнімдерінің жекелеген түрлерін өндіруді және олардың айналымын мемлекеттік реттеу туралы" Қазақстан Республикасының 2011 жылғы 20 шілдедегі Заңының 8-бабының 7) тармақшасына және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасының Заңы (бұдан әрі – Заң) 10-бабының 1) тармақшасына сәйкес әзірленген және дербес сәйкестендіру нөмірлері-кодтарын (бұдан әрі – ДСН-коды) беру тәртібін айқындайды.

2. ДСН-кодтар мұнай өнімін өндірушілерге, мұнай өнімдерін импорттауды жүзеге асыратын мұнай өнімдерін көтерме жеткізушілерге (бұдан әрі – көрсетілетін қызметті алушы) және Қазақстан Республикасында өндірілетін немесе Қазақстан Республикасының аумағына әкелінетін әрбір мұнай өнімдерінің атауына беріледі.

2-тарау. ДСН-кодтарын беру тәртібі

3. "Мұнай өнімдерінің жекелеген түрлерін өндірушілерге (импорттаушыларға), сондай-ақ акцизделетін өнімдердің кейбір түрлерін, авиациялық отын мен мазут өндірушілер мен импорттаушылардың тауарларына дербес сәйкестендіру нөмірін (ДСН-код) беру" мемлекеттік көрсетілетін қызметті Қазақстан Республикасы Қаржы министрлігі Мемлекеттік кірістер комитетінің облыстар, Нұр-Сұлтан, Алматы және Шымкент қалалары бойынша аумақтық органдары (бұдан әрі – көрсетілетін қызметті беруші) "Азаматтарға арналған үкімет" Мемлекеттік корпорациясы" коммерциялық емес акционерлік қоғамы (бұдан әрі – Мемлекеттік корпорация) арқылы көрсетеді.

4. Көрсетілетін қызметті алушылар Мемлекеттік корпорация арқылы осы Қағидаларға 1-қосымшаға сәйкес ДСН-кодтарын беруге арналған мұнай өнімін өндірушілерге, мұнай өнімдерін импорттауды жүзеге асыратын мұнай өнімдерін көтерме жеткізушілерге дербес сәйкестендіру нөмірлері-кодын беруге арналған өтінімді:

мұнай өнімдерін өндіруші – мұнай өнімдерін өндіруді жүзеге асыру басталғанға дейін;

мұнай өнімдерін импорттаушы – мұнай өнімдерін әкелуді (оның ішінде импортты) жүзеге асыру басталғанға дейін көрсетілетін қызметті берушіге береді.

5. Процестің сипаттамасын, нысанын, мазмұнын және көрсету нәтижесін, сондай-ақ өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі мемлекеттік көрсетілетін қызметтерді ұсынудың ерекшелігін ескере отырып, осы Қағидаларға 2-қосымшаға сәйкес "Мұнай өнімдерінің жекелеген түрлерін өндірушілерге (импорттаушыларға), сондай-ақ акцизделетін өнімдердің кейбір түрлерін, авиациялық отын мен мазут өндірушілер мен импорттаушылардың тауарларына дербес сәйкестендіру нөмірін (ДСН-код) беру" мемлекеттік көрсетілетін қызмет стандарты нысанында жазылған.

6. Мемлекеттік корпорация арқылы өтінімді қабылдау көрсетілетін қызметті алушының тіркелген жері бойынша "электрондық" кезек тәртібінде жеделдетілмеген қызмет көрсету түрінде жүзеге асырылады, электрондық кезекті брондауға болады.

Жеке басын куәландыратын құжаттар туралы мәліметті Мемлекеттік корпорацияның қызметкері тиісті мемлекеттік ақпараттық жүйелерден "электрондық үкімет" шлюзі арқылы алады.

Көрсетілетін қызметті алушы өтінімді Мемлекеттік корпорация арқылы ұсынған жағдайда, көрсетілетін қызметті алушыға өтінімнің қабылданғаны туралы қолхат беріледі. Мемлекеттік корпорация қабылданған өтінімді қызметті берушіге курьер қызметі арқылы жолдайды. Сонымен бірге Мемлекеттік корпорация арқылы қағаз тасымалдағышта көрсеткен кезде өтінімді қабылданған күні мемлекеттік қызмет көрсету мерзіміне кірмейді.

Көрсетілетін қызметті берушінің құжаттарды қабылдауға жауапты құрылымдық бөлімшесі құжаттар түскен күні қабылдауды, және тіркеуді жүзеге асырады (көрсетілетін қызметті алушы 2015 жылғы 23 қарашадағы Қазақстан Республикасының Еңбек кодексіне сәйкес жұмыс уақыты аяқталғаннан кейін, демалыс және мереке күндері жүгінген кезде өтініштер қабылдау мен мемлекеттік қызмет көрсету нәтижелерін беру келесі жұмыс күні жүзеге асырылады).

Уәкілетті органның жауапты құрылымдық бөлімшенің қызметкері осы Қағидалардың 4-тармағында көрсетілген өтінімдердің осы Қағидалардың талаптарына сәйкестігін қарайды.

Құжаттарды өңдеуге жауапты қызметкер "Акцизделетін тауарлар мен жекелеген мұнай өнімдерінің түрлерін өндіру және айналымына бақылау жасау" ақпараттық жүйесіне (бұдан әрі – ақпараттық жүйе) өтінімдерді енгізеді және құжат алған күннен бастап 1 (бір) жұмыс күні ішінде өңдейді және мемлекеттік қызмет көрсету нәтижесін Мемлекеттік корпорацияға жолдайды.

Мемлекеттік корпорацияда дайын құжаттарды беру жеке басын куәландыратын құжатты (не өкілдің тиісті өкілеттіктері көрсетілетін Қазақстан Республикасының азаматтық заңнамасына сәйкес берілген құжаттың негізінде әрекет ететін оның өкілі) көрсеткен кезде тиісті құжаттарды қабылдағаны туралы қолхат негізінде жүзеге асырылады.

Мемлекеттік корпорация құжаттардың 1 (бір) ай сақталуын қамтамасыз етеді, одан кейін оларды көрсетілетін қызметті берушіге сақтауға береді.

Көрсетілетін қызметті алушы 1 (бір) ай мерзім өткеннен кейін жүгінген кезде Мемлекеттік корпорацияның сұрау салуы бойынша көрсетілетін қызметті беруші 1 (бір) күн ішінде дайын құжаттарды Мемлекеттік корпорацияға көрсетілетін қызметті алушыға беру үшін жолдайды.

7. Көрсетілетін қызметті беруші ДСН-кодтарды беруден келесі жағдайларда бас тартады:

1) 2017 жылғы 25 желтоқсандағы Қазақстан Республикасының "Салық және бюджетке төленетін басқа да міндетті төлемдер туралы" Кодесінің (Салық кодексі) 88 бабына сәйкес жекелеген қызмет түрлерiн жүзеге асыратын салық төлеушiні тіркеу есебі болмағанда;

2) мұнай өнімдерінің түріне берілген ДСН-коды болған кезде.

8. Осы Қағидалардың 7-тармақпен көзделген жағдайларда ДСН-кодты беруден бас тарту кезінде, көрсетілетін қызметті алушы осы Қағидалармен белгіленген тәртіпте, ДСН-кодын беруге арналған өтінімдерді қайтадан береді.

9. Заңның 5-бабы 2-тармағының 11) тармақшасына сәйкес, көрсетілетін қызметті берушілер мемлекеттік қызмет көрсету сатысы туралы деректерді мемлекеттік қызметтер көрсету мониторингінің ақпараттық жүйесіне "Мемлекеттік көрсетілетін қызметтерді көрсету мониторингінің ақпараттық жүйесіне мемлекеттік көрсетілетін қызметті көрсету сатысы туралы деректер енгізу қағидаларын бекіту туралы" Қазақстан Республикасы Көлік және коммуникация министрінің міндетін атқарушының 2013 жылғы 14 маусымдағы № 452 бұйрығымен (нормативтік құқықтық актілерінің мемлекеттік тіркеу тізілімде тіркелген № 8555) бекітілген тәртіппен енгізуді қамтамасыз етеді.

10. ДСН-кодтарын ақпараттық жүйеде құру кезінде осы Қағидаларға 4-қосымшаға сәйкес нысан бойынша фасеттік кодтау жүйесінің құрылымы пайдаланылады.

3-тарау. Көрсетілетін қызметті берушілердің және (немесе) олардың лауазымды адамдарының, Мемлекеттік корпорацияның және (немесе) олардың қызметкерлерінің мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағымдану тәртібі

11. Көрсетілетін қызметті беруші мемлекеттік қызметтер көрсету нәтижесімен келіспеген жағдайда көрсетілетін қызметті берушінің мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағым Заңға сәйкес:

көрсетілетін қызметті беруші басшысының атына;

салық және бюджетке төленетін төлемдердің түсімдерін қамтамасыз ету саласында басшылықты жүзеге асыратын уәкілетті орган басшысының атына;

мемлекеттік қызметкерді көрсету сапасын бағалау және бақылау жөніндегі уәкілетті органға беріледі.

Бұл ретте Мемлекеттік корпорация қызметкерлерінің әрекеттеріне (әрекетсіздігіне) шағым мемлекеттік қызмет Мемлекеттік корпорация арқылы көрсетілген кезде Мемлекеттік корпорация басшысының атына, не ақпараттандыру саласындағы уәкілетті органға беріледі.

12. Көрсетілетін қызметті алушының мемлекеттік қызметтерді тікелей көрсететін көрсетілетін қызметті берушінің, Мемлекеттік корпорацияның атына келіп түскен шағымы Заңның 25-бабының 2 тармағына сәйкес тіркелген күннен бастап 5 (бес) жұмыс күні ішінде қаралуға жатады.

Көрсетілетін қызметті алушының мемлекеттік қызмет көрсету сапасын бағалау және бақылау жөніндегі уәкілетті органның атына келіп түскен шағымы тіркелген күннен бастап 15 (он бес) жұмыс күні ішінде қаралуға жатады.

13. Мемлекеттік қызметтер көрсету нәтижелерімен келіспеген жағдайда, көрсетілетін қызметті алушы 2015 жылғы 31 қазандағы Қазақстан Республикасының Азаматтық процестік кодексіне сәйкес сотқа жүгінуге құқылы.

	Дербес сәйкестендіру нөмір-кодтарын беру қағидаларына 1-қосымша
	нысан

Мұнай өнімін өндірушілерге, мұнай өнімдерін импорттауды жүзеге асыратын мұнай өнімдерін көтерме жеткізушілерге дербес сәйкестендіру нөмір-кодын беруге арналған өтінім

___________________ бойынша (облысы/қаласы) Мемлекеттік кірістер департаментінің басшысына ____________________________ 20___ жылғы "__"___________

Салық төлеушінің атауы:

Субъектінің жеке сәйкестендіру нөмірі/

Бизнес-сәйкестендіру нөмірі:

Субъектінің түрі (өндіруші, импорттаушы):

Мұнай өнімінің өндіруші ел:

Субъектінің әкімшілік-аумақтық бірлігі:

Р/с №	Мұнай өнімінің түрі (бензин - 1, дизель отыны - 2, мазут - 3, авиаотын - 4) (түсетін тізім)	Мұнай өнімінің атауы	Техникалық сипаттама (МЕМСТ, Техникалық шарттар және т.б.)
1	2	3	4
1
2

Басшы________________________________ ____________

(Тегі, аты, әкесінің аты (ол болған жағдайда)) (қолы)

Дербес сәйкестендіру нөмір-кодтарын беру қағидаларына 2-қосымша

"Мұнай өнімдерінің жекелеген түрлерін өндірушілерге (импорттаушыларға), сондай-ақ акцизделетін өнімдердің кейбір түрлерін, авиациялық отын мен мазут өндірушілер мен импорттаушылардың тауарларына дербес сәйкестендіру нөмірін (ДСН-код) беру" мемлекеттік көрсетілетін қызмет стандарты
1	Көрсетілетін қызметті берушінің атауы	Қазақстан Республикасы Қаржы министрлігінің Мемлекеттік кірістер комитетінің облыстар, Астана, Алматы және Шымкент қалалары бойынша аумақтық органдары
2	Мемлекеттік қызметтерді ұсыну тәсілдері (қол жеткізу арналары)	"Азаматтарға арналған үкімет" Мемлекеттік корпорациясы" коммерциялық емес акционерлік қоғамы (бұдан әрі – Мемлекеттік корпорация) арқылы жүзеге асырады.
3	Мемлекеттік қызметті көрсету мерзімі	1 (бір) жұмыс күні ішінде
4	Мемлекеттік қызметті көрсету нысаны	Электрондық және (немесе) қағаз түрінде.
5	Мемлекеттік қызметті көрсету нәтижесі	ДСН-кодын беру немесе мемлекеттік қызмет көрсетуге дәлелді бас тарту. Мемлекеттік қызметті көрсету нәтижесін ұсыну нысаны: электрондық және (немесе) қағаз түрінде
6	Көрсетілген қызметті алушыдан мемлекеттік қызметтер көрсету кезінде өндіріп алынатын төлем мөлшері, және Қазақстан Республикасының заңнамасында көзделген жағдайларда оны өндіріп алу тәсілдері	Мемлекеттік қызмет жеке және заңды тұлғаларға тегін негізде көрсетіледі.
7	Жұмыс кестесі	1) Көрсетілетін қызметті беруші – Қазақстан Республикасының Еңбек кодексіне сәйкес демалыс және мереке күндерін қоспағанда, белгіленген жұмыс кестесіне сәйкес дүйсенбіден жұмаға дейін, сағат 13.00-ден 14.30-ға дейін түскі үзіліспен, сағат 09.00-ден 18.30-ға дейін. Мемлекеттік көрсетілетін қызметті алу үшін алдын ала жазылу талап етілмейді, жеделдетілген қызмет көрсету көзделмеген; 2) Мемлекеттік корпорация – Қазақстан Республикасының Еңбек заңнамасына сәйкес жексенбі, мереке күндерін қоспағанда, дүйсенбіден сенбіге дейін, белгіленген жұмыс кестесіне сәйкес түскі үзіліссіз сағат 9.00-ден 20.00-ге дейін. Қабылдау электрондық кезек тәртібімен көрсетілетін қызметті алушының тіркеу орны бойынша жеделдетілген қызмет көрсетусіз жүргізіледі, электрондық кезекті брондауға болады.
8	Мемлекеттік қызметтер көрсету үшін қажетті құжаттар тізбесі	Мұнай өнімін өндірушілерге, мұнай өнімдерін импорттауды жүзеге асыратын мұнай өнімдерін көтерме жеткізушілерге дербес сәйкестендіру нөмір-кодын беруге арналған өтінім
9	Қазақстан Республикасының заңнамасында белгіленген мемлекеттік қызмет көрсетуден бас тарту үшін негіздер	1) "Салық және бюджетке төленетін басқа да міндетті төлемдер туралы" 2017 жылғы 25 желтоқсандағы Қазақстан Республикасы Кодексінің (Салық кодексі) 88-бабына сәйкес, салық салу объектілерінің және (немесе) салық салуға байланысты объектілердің орналасқан жері бойынша жекелеген қызмет түрлерін жүзеге асыратын салық төлеуші ретінде тіркеу есебіне қойылмаған; 2) Мұнайөнімі түріне ДСН-кодтары болған жағдайлар бас тартуға негіз болып табылады.
10	Мемлекеттік қызметті көрсету, оның ішінде электрондық нысанда және Мемлекеттік корпорациясы арқылы көрсету ерекшеліктері ескеріле отырып қойылатын өзге де талаптар	"Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексімен белгіленген өзіне өзі қызмет көрсету, өздігінен қозғалу, бағдарлау қабілетін немесе мүмкіндігін толық немесе ішінара жоғалтқан көрсетілетін қызметті алушыларға мемлекеттік қызметті көрсету үшін құжаттарды қабылдауды 1414, 8 800 080 7777 Бірыңғай байланыс орталығына жүгіну арқылы тұрғылықты жері бойынша шыға отырып, Мемлекеттік корпорацияның қызметкерлері жүргізеді (мемлекеттік қызметті мемлекеттік корпорация арқылы көрсету кезінде).

	Дербес сәйкестендіру нөмір-кодтарын беру қағидаларына 3-қосымша
	нысан

Фасеттік кодтау жүйесінің құрылымы

Бірінші фасет - мұнай өнімді өндіруші елдердің коды осы дербес сәйкестендіру нөмір-кодының құрылымына қосымшаға сәйкес;

екінші фасет - әкімшілік-аумақтық бірліктің коды осы дербес сәйкестендіру нөмір-кодының құрылымына қосымшаға сәйкес;

үшінші фасет - мұнай өнімдері нарығы субъектісінің коды (0001-ден бастап 9999-ға дейінгі реттік нөмірлер) бензин, авиациялық және дизель отынын, мазут өндірушілерге және (немесе) импорттаушыларға беріледі;

төртінші фасет - өнімінің коды (1 - бензин, 2 - дизельдік отын, 3 - мазут, 4 - авиациялық отын) Қазақстан Республикасының аумағында өндірілетін және (немесе) Қазақстан Республикасының аумағына әкелінетін мұнай өнімдерінің жекелеген түріне беріледі;

бесінші фасет - бензин, авиациялық және дизельдік отын маркасының коды (001-ден ∞ реттік нөмірлер) стандарттау органдарында тіркелген және сериялық өндіріске және сатуға рұқсат берілген бензиннің, дизель отынының және мазуттың әрбір маркасына беріледі.

Фасеттік кодтау жүйесінің құрылымына қосымша

Мұнай өнімді өндіру елдердің кодтары

ДСН-код	Мұнай өнімді өндіруші елдердің атауы
1	Еуразиялық экономикалық одағына жатпайтын елдер
2	Беларусь Республикасы
3	Қазақстан Республикасы
4	Ресей Федерациясы
5	Қырғыз Республикасы
6	Армения Республикасы

Әкімшілік-аумақтық бірліктердің кодтары

ДСН-код	Әкімшілік-аумақтық бірліктің атауы
1	2
Ақмола облысы
001	Көкшетау қаласы
002	Ақкөл ауданы
003	Астрахан ауданы
004	Атбасар ауданы
005	Сандықтау ауданы
006	Аршалы ауданы
007	Ерейментау ауданы
008	Егіндікөл ауданы
009	Қорғалжын ауданы
010	Бұланды ауданы
011	Целиноград ауданы
012	Шортанды ауданы
013	Степногор ауданы
014	Жарқайың ауданы
015	Есіл ауданы
016	Жақсы ауданы
017	Зеренді ауданы
018	Бурабай ауданы
019	Еңбекшілдер ауданы*
020	Бурабай АЭА
Ақтөбе облысы
021	Ақтөбе қаласы*
022	Алға ауданы
023	Байғанин ауданы
024	Әйтеке би ауданы
025	Ырғыз ауданы
026	Қарғалы ауданы
027	Мәртөк ауданы
028	Мұғалжар ауданы
029	Темір ауданы
030	Ойыл ауданы
031	Қобда ауданы
032	Хромтау ауданы
033	Шалқар ауданы
Алматы облысы
034	Талдықорған қаласы
035	Балқаш ауданы
036	Жамбыл ауданы
037	Іле ауданы
038	Қарасай ауданы
039	Райымбек ауданы
040	Талғар ауданы
041	Ұйғыр ауданы
042	Еңбекшіқазақ ауданы
043	Қапшағай қаласы
044	Ақсу ауданы
045	Алакөл ауданы
046	Қаратал ауданы
047	Кербұлақ ауданы
048	Көксу ауданы
049	Панфилов ауданы
050	Сарқан ауданы
051	Ескелді ауданы
052	Текелі қаласы
Атырау облысы
053	Атырау қаласы
054	Құрманғазы ауданы
055	Индер ауданы
056	Исатай ауданы
057	Қызылқоға ауданы
058	Мақат ауданы
059	Махамбетов ауданы
060	Жылыой ауданы
Шығыс Қазақстан облысы
061	Өскемен қаласы
062	Катонқарағай ауданы
063	Глубоков ауданы
064	Зайсан ауданы
065	Күршім ауданы*
066	Тарбағатай ауданы
067	Ұлан ауданы
068	Шемонаиха ауданы
069	Зырянов ауданы*
070	Риддер қаласы
071	Абай ауданы
072	Аякөз ауданы
073	Бесқарағай ауданы
074	Бородулиха ауданы
075	Жарма ауданы
076	Көкпекті ауданы
077	Курчатов қаласы
078	Үржар ауданы
079	Семей қаласы
Жамбыл облысы
080	Тараз қаласы
081	Жамбыл ауданы
082	Жуалы ауданы
083	Қордай ауданы
084	Тұрар Рысқұлов ауданы
085	Мерке ауданы
086	Мойынқұм ауданы
087	Сарысу ауданы
088	Байзақ ауданы
089	Талас ауданы
090	Шу ауданы
Батыс Қазақстан облысы
091	Орал қаласы
092	Бөрлі ауданы
093	Жәнібек ауданы
094	Жаңақала ауданы
095	Зеленов ауданы*
096	Қазталов ауданы
097	Қаратөбе ауданы
098	Сырым ауданы
099	Тасқала ауданы
100	Теректі ауданы
101	Бөкей ордасы ауданы
102	Ақжайық ауданы
103	Шыңғырлау ауданы
Қарағанды облысы
104	Қарағанды қаласы*
105	Абай ауданы
106	Қарқаралы ауданы
107	Нұра ауданы
108	Осакаров ауданы
109	Саран қаласы
110	Теміртау қаласы
111	Бұхар жырау ауданы
112	Шахтинск қаласы
113	Қарағанды қаласының Октябрь ауданы
114	Қарағанды қаласының Қазыбек би атындағы ауданы
115	Ақтоғай ауданы
116	Жаңаарқа ауданы
117	Ұлытау ауданы
118	Шет ауданы
119	Балқаш қаласы
120	Жезқазған қаласы
121	Приозерск қаласы
122	Қаражал қаласы
123	Сатпаев қаласы
Қызылорда облысы
124	Қызылорда қаласы
125	Арал ауданы
126	Қазалы ауданы
127	Қармақшы ауданы
128	Жалағаш ауданы
129	Сырдария ауданы
130	Шиелі ауданы
131	Жаңақорған ауданы
Қостанай облысы
132	Қостанай қаласы
133	Алтынсарин ауданы
134	Меңдіқара ауданы
135	Жітіқара ауданы
136	Қамысты ауданы
137	Қарасу ауданы
138	Қарабалық ауданы
139	Қостанай ауданы
140	Ұзынкөл ауданы
141	Наурызым ауданы
142	Денисов ауданы
143	Әулиекөл ауданы
144	Таран ауданы
145	Сарыкөл ауданы
146	Федоров ауданы
147	Лисаковск қаласы
148	Рудный қаласы
149	Амангелді ауданы
150	Жангелді ауданы
151	Арқалық қаласы
Маңғыстау облысы
152	Мұнайлы ауданы
153	Бейнеу ауданы
154	Қарақия ауданы
155	Маңғыстау ауданы
156	Түпқараған ауданы
157	Жаңаөзен қаласы
158	Ақтау теңіз порты
Павлодар облысы
159	Павлодар қаласы
160	Ақтоғай ауданы
161	Баянауыл ауданы
162	Железин ауданы
163	Ертіс ауданы
164	Қашыр ауданы*
165	Лебяжі ауданы*
166	Май ауданы
167	Павлодар ауданы
168	Успен ауданы
169	Шарбақты ауданы
170	Ақсу қаласы
171	Екібастұз қаласы
Солтүстік Қазақстан облысы
172	Қызылжар ауданы
173	М. Жұмабаев ауданы
174	Жамбыл ауданы
175	Есіл ауданы
176	Мамлют ауданы
177	Шал ақын ауданы
178	Аққайың ауданы
179	Тимирязев ауданы
180	Айыртау ауданы
181	Ақжар ауданы
182	Тайынша ауданы
183	Уәлиханов ауданы
184	Ғабит Мүсірепов атындағы аудан
Оңтүстік Қазақстан облысы*
185	Шымкент қаласы
186	Бәйдібек ауданы
187	Оpдабасы ауданы
188	Отыpаp ауданы
189	Қазығұpт ауданы
190	Төлеби ауданы
191	Мақтааpал ауданы
192	Сайрам ауданы
193	Саpыағаш ауданы
194	Созақ ауданы
195	Түлкібас ауданы
196	Шаpдаpа ауданы
197	Аpыс қаласы
198	Кентау қаласы
199	Түpкістан қаласы
200	Әл-Фараби ауданы
201	Абай ауданы
202	Еңбекші ауданы
Алматы қаласы
203	Алматы қаласы
204	Әуезов ауданы
205	Бостандық ауданы
206	Жетісу ауданы
207	Түрксіб ауданы
208	Алмалы ауданы
209	Медеу ауданы
210	Алатау ауданы
Астана қаласы*
211	Астана қаласы
212	Алматы ауданы
213	Сарыарқа ауданы
214	Есіл ауданы
215	"Астана - жаңа қала" АЭА
Солтүстік Қазақстан облысы
216	Петропавловск қаласы
Маңғыстау облысы
217	Ақтау қаласы
Оңтүстік Қазақстан облысы*
218	АЭА Оңтүстік
219	Қаратау ауданы
Алматы қаласы
220	Наурызбай ауданы
Түркестан облысы
221	Кентау қаласы
222	Түркестан қаласы
223	Бәйдібек ауданы
224	Ордабасы ауданы
225	Мақтаарал ауданы
226	Жетысай ауданы
227	Отырар ауданы
228	Казығұрт ауданы
229	Төлеби ауданы
230	Сайрам ауданы
231	Сарыағаш ауданы
232	Келес ауданы
233	Созақ ауданы
234	Түлкібас ауданы
235	Шардара ауданы
Шымкент қаласы
236	Шымкент қаласы*
237	Абай ауданы
238	Әл-Фараби ауданы
239	Еңбекші ауданы
240	Оңтүстік
241	Қаратау ауданы
Ақмола облысы
242	Біржан сал ауданы
Алматы облысы
243	Кеген ауданы
Павлодар облысы
244	Тереңкөл ауданы
245	Аққулы ауданы
Астана қаласы*
246	Байқоныр ауданы
Алматы қаласы
247	Ақпараттық технологиялар паркі
Нұр - Сұлтан қаласы
248	Нұр - Сұлтан қаласы
249	Алматы ауданы
250	Сарыарқа ауданы
251	Есіл ауданы
252	"Астана - жаңа қала" АЭА
253	Байқоныр ауданы
Ақтөбе облысы
254	Астана ауданы
255	Алматы ауданы
Батыс Қазақстан облысы
256	Бәйтерек ауданы
Шығыс Қазақстан облысы
257	Алтай ауданы - Алтай қаласы
Қостанай облысы
258	Тобыл қаласы

Ескертпе: * салықтық бақылау шеңберінде пайдаланады.