Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңына, Қазақстан Республикасының 2020 жылғы 25 мамырдағы "Қазақстан Республикасында бейбіт жиналыстарды ұйымдастыру және өткізу тәртібі туралы" Заңына сәйкес Шыңғырлау аудандық мәслихатыШЕШІМ ҚАБЫЛДАДЫ:
1. Осы шешімнің 1 - қосымшасына сәйкес Шыңғырлау ауданында бейбіт жиналыстарды ұйымдастыру және өткізу үшін арнайы орындар және оларды шекті толтырылу нормалары айқындалсын.
2. Осы шешімнің 2 - қосымшасына сәйкес Шыңғырлау ауданында бейбіт жиналыстарды ұйымдастыру және өткізу үшін арнайы орындарды пайдалану тәртібі айқындалсын.
3. Осы шешімнің 3 - қосымшасына сәйкес Шыңғырлау ауданында бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптары айқындалсын.
4. Осы шешімнің 4 - қосымшасына сәйкес Шыңғырлау ауданында пикеттеуді өткізуге тыйым салынған іргелес аумақтардың шекаралары айқындалсын.
5. Аудандық мәслихат аппаратының басшысы (С.Шагиров) осы шешімнің әділет органдарында мемлекеттік тіркелуін қамтамасыз етсін.
6. Осы шешім алғашқы ресми жарияланған күнінен бастап қолданысқа енгізіледі.
| Сессия төрағасы | К. Жазыкбаев |
| Шыңғырлау аудандық мәслихат хатшысы | Г. Волкогон |
| Шыңғырлау аудандық мәслихатының 2020 жылғы 7 қазандағы №60-5 шешіміне 1-қосымша |
Шыңғырлау ауданында бейбіт жиналыстарды ұйымдастыру және өткізу үшін арнайы орындар және олардың шекті толтырылу нормалары
№ | Елдi мекен | Бейбіт жиналыстарды ұйымдастыру және өткізу үшін арнайы орындар | Шекті толтырылу нормалары |
1 | Шынғырлау ауылы | "Стелла" алаңы - Л.Қылышев көшесі (Победа көшесінің қиылысынан - Қуантаев көшесінің қиылысына дейін) | 500 адамнан аспайтын |
2 | Шынғырлау ауылы | "Асан қайғы" алаңы - Л. Қылышев көшесі (С. Датов көшесінің қиылысынан "Асан қайғы" алаңына дейін) | 500 адамнан аспайтын |
3 | Ақтау ауылы | Орталық саябақ алды - Тәуелсіздік көшесі (Тәуелсіздік көшесіндегі саябақтың алдынан бастап - Алматы көшесінің қиылысына дейін) | 100 адамнан аспайтын |
4 | Ақбұлақ ауылы | Орталық саябақ алды - Сағырбаев көшесі (Сағырбаев көшесіндегі саябақтың алдынан бастап - Сейфуллин көшесінің қыйлысына дейін) | 100 адамнан аспайтын |
5 | Алмаз ауылы | Орталық саябақ алды - С.Есқалиев көшесі (Тленшиева көшесінен бастап - С.Есқалиев көшесінің қиылысына дейін) | 100 адамнан аспайтын |
6 | Ардақ ауылы | АТС- тың (Казахтелеком) алды - Жастар көшесі (Жастар көшесінен бастап - Достық көшесінің қиылысына дейін) | 100 адамнан аспайтын |
7 | Ақшат ауылы | Орталық саябақ алды - Б.Мұхамбетов көшесі (Б.Мұхамбетов көшесіндегі саябақтың алдынан бастап - Н.Азовсков көшесінің қиылысына дейін) | 100 адамнан аспайтын |
8 | Ащысай ауылы | Орталық саябақ алды - Бейбітшілік көшесі (Қ.Байғалиев көшесінен бастап - Бейбітшілік көшесінің қиылысына дейін) | 100 адамнан аспайтын |
9 | Қарағаш ауылы | Орталық саябақ алды - Абай көшесі (Абай көшесіндегі саябақтың алдынан бастап - Абай көшесінің соңына дейін) | 100 адамнан аспайтын |
Ескерту: аббревиатуралардың шешуі:
АТС (Казахтелеком) – Автоматтындырылған телефондық станциясы (Казахтелеком).
| Шыңғырлау аудандық мәслихатының 2020 жылғы 7 қазандағы №60-5 шешіміне 2-қосымша |
Шыңғырлау ауданында бейбіт жиналыстарды ұйымдастыру және өткізуге арналған арнайы орындарды пайдалану тәртібі
1. Бейбіт жиналыстар бейбіт жиналыстарды ұйымдастыру және өткізу үшін арнайы орындарда өткізіледі. Пикеттеуді қоспағанда, өзге орындарда бейбіт жиналыстар өткізуге тыйым салынады.
2. Дәл сол бір жерде және (немесе) дәл сол бір жүру маршруты бойынша не дәл сол бір уақытта бейбіт жиналыс өткізуге бір мезгілде бірнеше бейбіт жиналыстарды ұйымдастырушы үміткер болған жағдайда, көрсетілген орынды пайдалану кезектілігін жергілікті атқарушы орган бейбіт жиналыстарды ұйымдастырушыдан тиісті хабарламаны немесе өтінішті алған уақытын негізге ала отырып айқындайды.
3. Бейбіт жиналыстарды бейбіт жиналыстар өткізілетін күні әкімшілік-аумақтық бірліктің жергілікті уақыты бойынша сағат 9-дан ерте бастауға және сағат 20-дан кеш аяқтауға болмайды.
4. Бейбіт жиналыстарды ұйымдастыру және өткізу үшін арнайы орындарды қоспағанда, дәл сол бір жерде дәл сол бір уақытта дәл сол бір объектіде екі және одан көп пикет өткізуге жол берілмейді.
Пикеттеу ұзақтығы, бейбіт жиналыстарды ұйымдастыру және өткізу үшін арнайы орындарды қоспағанда, дәл сол бір жерде дәл сол бір объектіде күніне екі сағаттан аспауға тиіс.
5. Бейбіт жиналыстарды ұйымдастырушы Қазақстан Республикасының 2020 жылғы 25 мамырдағы "Қазақстан Республикасында бейбіт жиналыстарды ұйымдастыру және өткізу тәртібі туралы" Заңының (бұдан әрі – Заң) 17 және 18-баптарында көзделген жағдайларда, жергілікті атқарушы орган өкілінің, құқық қорғау органдары қызметкерлерінің талап етуі бойынша, бейбіт жиналыстарға қатысушыларға осындай талапты орындау қажеттігі туралы ақпарат бере отырып, бейбіт жиналыстарды тоқтата тұруға немесе тоқтатуға міндетті.
| Шыңғырлау аудандық мәслихатының 2020 жылғы 7 қазандағы №60-5 шешіміне 3-қосымша |
Шыңғырлау ауданында бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар
1. Бейбіт жиналыстар өткізуді материалдық-техникалық және ұйымдастырушылық қамтамасыз етуді оларды ұйымдастырушы мен оларға қатысушылар өз қаражаты есебінен, сондай-ақ осы бейбіт жиналыстарды өткізу үшін жиналған және (немесе) берілген қаражат пен мүлік есебінен, егер Заңда және Қазақстан Республикасының өзге де заңдарында өзгеше белгіленбесе, жүзеге асырады.
2. Бейбіт жиналыстарды ұйымдастыруды және өткізуді:
жаппай қырып-жою қаруын таратуды қаржыландырумен байланысты ұйымдар мен адамдардың тізбесіне және (немесе) терроризмді және экстремизмді қаржыландырумен байланысты ұйымдар мен адамдардың тізбесіне енгізілген жеке тұлғалардың және (немесе) заңды тұлғалардың;
қызметі Қазақстан Республикасының заңында белгіленген тәртіппен тоқтатыла тұрған немесе оған тыйым салынған заңды тұлғаның;
шетелдіктердің, азаматтығы жоқ адамдардың және шетелдік заңды тұлғалардың қаржыландыруына тыйым салынады.
3. Жергілікті атқарушы органның келісімінсіз бейбіт жиналыстар ұйымдастыру және өткізу үшін арнайы орындарда киіз үйлер, шатырлар, өзге де құрылысжайлар орнатуға тыйым салынады.
| Шыңғырлау аудандық мәслихатының 2020 жылғы 7 қазандағы №60-5 шешіміне 4-қосымша |
Шыңғырлау ауданында пикеттеуді өткізуге тыйым салынған іргелес аумақтардың шекаралары
Шыңғырлау ауданында келесі объектілердің іргелес аумақтарынан кемінде 100 метр қашықтықта пикеттеуді өткізу шекаралары айқындалсын:
1) жаппай жерлеу орындары;
2) теміржол, су, әуе және автомобиль көлігі объектілері және оларға іргелес жатқан аумақтар;
3) мемлекеттің қорғаныс қабілетін, қауіпсіздігін және халықтың тыныс-тіршілігін қамтамасыз ететін ұйымдарға іргелес жатқан аумақтар;
4) қауіпті өндірістік объектілерге және пайдалануы арнайы қауіпсіздік техникасы қағидаларын сақтауды талап ететін өзге де объектілерге іргелес жатқан аумақтар;
5) магистральдық теміржол желілері, магистральдық құбыржолдар, ұлттық электр желісі, магистральдық байланыс желілері және оларға іргелес жатқан аумақтар.
