Ескерту. Тақырыбы жаңа редакцияда – ҚР Ауыл шаруашылығы министрінің м.а. 23.06.2022 № 204 (алғаш ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.
Қазақстан Республикасы Жер кодексінің 14-бабы 1-тармағының 16-6) тармақшасына және 48-бабының 6-тармағына сәйкес БҰЙЫРАМЫН:
1. Қоса беріліп отырған Жер учаскелерін немесе жер учаскелерін жалдау құқығын сату жөніндегі сауда-саттықты (аукциондарды) мемлекеттік мүлік тізілімінің веб-порталында электрондық түрде ұйымдастыру мен өткізу қағидалары бекітілсін.
Ескерту. 1-тармақ жаңа редакцияда – ҚР Ауыл шаруашылығы министрінің м.а. 23.06.2022 № 204 (алғаш ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.2. Осы бұйрыққа қосымшаға сәйкес тізбе бойынша Қазақстан Республикасының Ауыл шаруашылығы министрі мен Қазақстан Республикасының Ұлттық экономика министрінің кейбір бұйрықтарының күші жойылды деп танылсын.
3. Қазақстан Республикасы Ауыл шаруашылығы министрлігінің Жер ресурстарын басқару комитеті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық ресми жарияланғаннан кейін оның Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.
4. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.
5. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Ауыл шаруашылығы министрі |
Е. Карашукеев |
"КЕЛІСІЛДІ"
Қазақстан Республикасы
Қаржы министрлігі
"КЕЛІСІЛДІ"
Қазақстан Республикасы
Ұлттық экономика министрлігі
"КЕЛІСІЛДІ"
Қазақстан Республикасы Цифрлық даму,
инновациялар және аэроғарыш
өнеркәсібі министрлігі
| Қазақстан Республикасының Ауыл шаруашылығы министрі 2021 жылғы 15 қазандағы № 297 бұйрығымен бекітілген |
Жер учаскелерін немесе жер учаскелерін жалдау құқығын сату жөніндегі сауда-саттықты (аукциондарды) мемлекеттік мүлік тізілімінің веб-порталында электрондық түрде ұйымдастыру мен өткізу қағидалары
Ескерту. Қағида жаңа редакцияда – ҚР Ауыл шаруашылығы министрінің м.а. 23.06.2022 № 204 (алғаш ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.
1-тарау. Жалпы ережелер
1. Осы Жер учаскелерін немесе жер учаскелерін жалдау құқығын сату жөніндегі сауда-саттықты (аукциондарды) мемлекеттік мүлік тізілімінің веб-порталында электрондық түрде ұйымдастыру мен өткізу қағидалары (бұдан әрі – Қағидалар) Қазақстан Республикасы Жер кодексінің (бұдан әрі – Жер кодексі) 14-бабы 1-тармағының 16-6) тармақшасына және 48-бабының 6-тармағына сәйкес әзірленді және жер учаскелерін немесе жер учаскелерін жалдау құқығын сату жөніндегі сауда-саттықты (аукциондарды) мемлекеттік мүлік тізілімінің веб-порталында (бұдан әрі – веб-портал) электрондық түрде ұйымдастыру мен өткізу тәртібін айқындайды.
2. Осы Қағидаларда мынадай негізгі ұғымдар пайдаланылады:
1) жер учаскесі – Жер кодексінде белгіленген тәртіппен жер қатынастары субъектілеріне бекітіліп берілетін, тұйық шекара ішінде бөлінген жер бөлігі;
2) жария кадастрлық карта (бұдан әрі – ЖКК) – Қазақстан Республикасының жер, құқықтық, қала құрылысы кадастрларынан алынған ақпаратты (мәліметті), сондай-ақ Қазақстан Республикасының заңнамасына сәйкес мемлекеттік органдардың және (немесе) өзге де ұйымдардың мәліметтерін қамтитын цифрлық карта;
3) жылжымайтын мүліктің бірыңғай мемлекеттік кадастрының ақпараттық жүйесі (бұдан әрі – ЖМБМК АЖ) – жүргізу тәртібі Жер кодексінде және "Жылжымайтын мүлікке құқықтарды мемлекеттік тіркеу туралы" Қазақстан Республикасының Заңында айқындалатын, жер және құқықтық кадастрлардың мәліметтерін қамтитын ақпараттық жүйе;
4) кадастрлық (бағалау) құн – мемлекет жер учаскесін немесе оны жалдау құқығын сатқан кезде қолданылатын, инфляцияның жалпы деңгейі туралы ресми статистикалық ақпаратқа және түзету коэффициенттеріне сәйкес кезең-кезеңімен нақтыланатын жер учаскелері үшін төлемақының базалық мөлшерлемелері негізінде айқындалатын жер учаскесінің есептеу құны;
5) құжаттың электрондық көшірмесі – төлнұсқа құжаттың түрін және ақпаратын (деректерін) электрондық-цифрлық нысанда толығымен көрсететін құжат;
6) ұйымдастырушы – мемлекеттік мүлікті есепке алу саласындағы бірыңғай оператор;
7) "электрондық үкіметтің" веб-порталы (бұдан әрі – портал) – нормативтік құқықтық базаны қоса алғанда, бүкіл шоғырландырылған үкіметтік ақпаратқа және электрондық нысанда көрсетілетін мемлекеттік қызметтерге, табиғи монополиялар субъектілерінің желілеріне қосуға техникалық шарттарды беру жөніндегі қызметтерге және квазимемлекеттік сектор субъектілерінің қызметтеріне қол жеткізудің бірыңғай терезесі болатын ақпараттық жүйе;
8) "электрондық үкіметтің" веб-порталындағы пайдаланушының кабинеті (бұдан әрі – жеке кабинет) – "электрондық үкіметтің" веб-порталының жеке және заңды тұлғалардың мемлекеттік органдармен электрондық нысанда қызметтер көрсету мәселелері, көрсетілген тұлғалардың өтініштерін қарайтын субъектілерге қатысты мәселелер, сондай-ақ дербес деректерді пайдалану мәселелері бойынша ресми ақпараттық өзара іс-қимылына арналған құрамдасы.
Ескерту. 2-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.2-тарау. Жер учаскелерін немесе жер учаскелерін жалдау құқығын сату жөніндегі сауда-саттықты (аукциондарды) мемлекеттік мүлік тізілімінің веб-порталында электрондық түрде ұйымдастыру тәртібі
3. Жер учаскесін сауда-саттыққа (аукциондарға) шығару мынадай екі тәсілмен жүзеге асырылады:
1) облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының, аудандық маңызы бар қала, кент, ауыл, ауылдық округ әкімінің (бұдан әрі – сатушы) сауда-саттыққа (аукциондарға) шығарылатын жер учаскелерінің тізбесін кейіннен ЖКК-да орналастыра отырып, қалыптастыруы;
2) сұратылатын жер учаскесін бөлу схемасын өз бетінше ЖКК-да қалыптастыру жолымен осы Қағидаларға 1-қосымшаға сәйкес нысан бойынша бос жер учаскесін сауда-саттыққа (аукционға) шығару туралы ұсыныстар (бұдан әрі – ұсыныс) беру.
Ескерту. 3-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.4. Жер учаскесін алуға мүдделі тұлға республикалық маңызы бар қаланың, астананың, облыстық және аудандық маңызы бар қалалардың шекаралары шегінде ұсыныс беруді мынадай тәртiппен жүзеге асырады:
1) порталда авторландыру рәсімінен өтеді, порталда авторландыру жүзеге асырылғаннан кейін ЖМБМК АЖ-ға көшу жүзеге асырылады;
2) сұратылып отырған жер учаскесін сызады және ЖКК-да сұратылып отырған жер учаскесінің схемасын қалыптастырады.
Республикалық маңызы бар қаланың, астананың, облыстық және аудандық маңызы бар қалалардың шекаралары шегіндегі жер учаскесі құрылыс мақсаттары үшін сұратылған жағдайда, инженерлік желілерге қосу үшін электрондық нысанда сауалнама парағын толтырады;
3) жер учаскесін алуға мүдделі тұлғаның электрондық цифрлық қолтаңбасымен (бұдан әрі – ЭЦҚ) қол қою арқылы порталда ұсыныс қалыптастырады;
4) қол қойылған ұсыныс портал арқылы сатушыға жіберіледі;
5) жер учаскесін алуға мүдделі тұлғаның жеке кабинетіне ұсынысты қабылдау мәртебесі туралы хабарлама жіберіледі.
Ескерту. 4-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.5. Алып тасталды - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
6. Алып тасталды - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
7. Жер учаскесін алуға мүдделі тұлғалардың ЖКК-да сауда-саттықтың (аукционның) кез келген сатысында жер учаскелері туралы мәліметтерді қарауға және жер учаскесін сауда-саттыққа (аукционға) шығару туралы шешім қабылданғанға дейін ұсыныс енгізуге мүмкіндігі бар.
Ескерту. 7-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.8. ЖКК-да жер учаскесінің шекараларын енгізу кезінде оған шартты сәйкестендіру нөмірі беріледі.
Сұратылып отырған жер учаскесі сауда-саттыққа (аукционға) шығарылмаған не сұраным болмаған жағдайларда, ЖКК-да сұратылып отырған жер учаскесінің мәртебесі өзгереді, сұранысқа ие еместігі не жер учаскесін сауда-саттыққа (аукционға) қоюдан бас тартылғаны туралы белгі қойылады.
Ескерту. 8-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.9. Сатушы келіп түскен ұсынысты 1 (бір) жұмыс күні ішінде жер учаскесінің орналасқан жері бойынша тиісті жергілікті атқарушы органның сәулет және қала құрылысы саласындағы функцияларды жүзеге асыратын құрылымдық бөлімшесіне (бұдан әрі – құрылымдық бөлімше) жолдайды.
Құрылымдық бөлімше келіп түскен ұсынысты қарайды және 2 (екі) жұмыс күні ішінде жер учаскесін бекітілген қала құрылысы құжатына сәйкес белгіленген нысаналы мақсаты бойынша беру мүмкіндігін (мүмкін еместігін) айқындайды және сұратылып отырған жер учаскесін беру мүмкіндігі анықталған жағдайда, 5 (бес) жұмыс күні ішінде қолданыстағы инженерлік желілерді көрсете отырып, жер учаскесін беру схемасын қалыптастырады.
Құрылымдық бөлімше жер учаскелерін беру схемасын дайындаған кезден бастап 1 (бір) жұмыс күні ішінде техникалық шарттарды алу үшін сауалнама парағын қоса бере отырып, оларды Жер кодексінің 16-бабы 2-тармағының 1-3) тармақшасына, 18-бабының 1-2) тармақшасына, 19-бабының екінші бөлігіне сәйкес облыстың, республикалық маңызы бар қаланың, астананың, облыстық маңызы бар қаланың жергілікті атқарушы органы және аудандық маңызы бар қаланың әкімі бекіткен тізбедегі мемлекеттік органдарға және басқа да ұйымдарға бекітуге бір мезгілде жолдайды.
Келісуші мемлекеттік органдар мен өзге де ұйымдар жер учаскесін беру схемасын алған күннен бастап 5 (бес) жұмыс күні ішінде электрондық нысанда қорытындылар ұсынады.
Табиғи монополиялар субъектілері мынадай мерзімде инженерлік желілерге қосылуға техникалық шарттарды қосымша ұсынады:
техникалық жағынан күрделі емес объектілер үшін 5 (бес) жұмыс күні;
техникалық жағынан күрделі объектілер үшін 10 (он) жұмыс күні;
сыртқы инженерлік желілер трассаларының алдын ала схемасы бар техникалық шарттарды беруден уәжді бас тарту үшін 2 (екі) жұмыс күні.
Жер учаскелерін беру схемасын бекіту ешқандай ескертулерсіз және ескертпелерсіз жүзеге асырылады.
Құрылымдық бөлімше келісуші мемлекеттік органдар мен ұйымдардан оң қорытынды алған кезден бастап 1 (бір) жұмыс күні ішінде жер учаскесін беру схемасын:
жер учаскесін алуға мүдделі тұлғаның танысуы үшін порталдағы жеке кабинетке;
жер учаскесін сауда-саттыққа (аукционға) одан әрі дайындау үшін облыстың, республикалық маңызы бар қаланың, астананың, аудандардың, облыстық маңызы бар қалалардың жер қатынастары жөніндегі уәкілетті органына (бұдан әрі – уәкілетті орган) жолдайды.
Ескерту. 9-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.10. Порталда сауда-саттыққа (аукционға) жер учаскесін орналастырғанға дейін уәкілетті органның қызметкері әрбір сауда-саттық (аукцион) объектісі бойынша:
1) бос жер учаскелері туралы мәліметтердің орналастырылуын;
2) мынадай құжаттардың электрондық көшірмелерінің енгізілуін қамтамасыз етеді:
сауда-саттық (аукцион) объектісінің кадастрлық (бағалау) құнын айқындау туралы акт;
жер учаскесін немесе жер учаскесін жалдау құқығын сату-сатып алу шартының жобасы.
Бос жер учаскелері бойынша мәліметтер мынадай тәртіппен орналастырылады:
1) уәкілетті органның қызметкері бос жер учаскелері бойынша мәліметтерді өңірлік геоақпараттық жүйелерге (бұдан әрі – ӨГАЖ) енгізеді, ал ӨГАЖ бос жер учаскелері бойынша мәліметтерді ЖМБМК АЖ-ға береді;
2) ЖМБМК АЖ жер учаскесіне шартты сәйкестендіру нөмірін береді және оны ӨГАЖ-ға жібереді. Жер учаскесінің шартты сәйкестендіру нөмірі порталда сауда-саттықты (аукционды) құру үшін пайдаланылады;
3) ЖМБМК АЖ бос жер учаскелері бойынша ӨГАЖ-дан алынған мәліметтерді ЖКК-ға қайта бағыттайды.
Ескерту. 10-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.10-1. Веб-порталда сауда-саттық (аукцион) құру:
1) сатушының қызметкері ЖМБМК АЖ-дан алынған жер учаскесінің шартты сәйкестендіру нөмірін, жер учаскесінің фотосуреттерін және осы Қағидалардың 10-тармағының бірінші бөлігінде көрсетілген құжаттардың электрондық көшірмелерін енгізеді;
2) сауда-саттық (аукцион) объектісін құрғаннан кейін веб-портал сауда-саттықтың (аукционды) өткізілетін күнін, уақытын және "Сауда-саттыққа (аукционға) өтінімдерді қабылдау" мәртебесін ЖМБМК АЖ-ға автоматты түрде жібереді;
3) ЖМБМК АЖ алынған мәліметтерді сақтайды және оларды ЖКК-ға қайта бағыттайды;
4) ЖКК-да жер учаскесі шекараларының схемасында "Сауда-саттыққа (аукционға) өтінімдерді қабылдау" мәртебесі және сауда-саттықты (аукционды) өткізу күні мен уақыты туралы мәліметтер көрсетіледі.
Ескерту. Қағидалар 10-1-тармақпен толықтырылды - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.11. Сатушы Қазақстан Республикасының мемлекеттік сатып алу туралы заңнамасына сәйкес ұйымдастырушымен сауда-саттық (аукцион) объектілерін сату бойынша электрондық сауда-саттық (аукцион) ұйымдастыруға және өткізуге шарт жасасады.
12. Сауда-саттықты (аукционды) ұйымдастыру үшін сатушы веб-порталда сауда-саттықты (аукционды) өткізгенге дейін кемінде күнтізбелік 15 (он бес) күн бұрын сауда-саттық (аукцион) өткізілетіні туралы хабарлама орналастырады.
13. Сауда-саттық (аукцион) өткізілетіні туралы хабарлама мынадай мәліметтерді қамтиды:
1) сауда-саттық (аукцион) әдісі;
2) сауда-саттық (аукцион) объектісінің бастапқы және ең төменгі бағасы;
3) жер учаскесінің орналасқан жері, оның алаңы және нысаналы мақсаты;
4) иеліктен шығарылатын құқық түрі (жер учаскесінің меншік құқығы немесе жалдау құқығы);
5) сауда-саттықтың (аукционның) өткізілетін күні мен уақыты (веб-порталда жарияланған күннен бастап күнтізбелік 15 (он бес) күннен ерте емес және күнтізбелік 90 (тоқсан) күннен аспайтын уақытта белгіленеді);
6) жер учаскесіне барлық ауыртпалықтардың (шектеулердің) тізбесі;
7) жер салығының немесе жалдау ақысының мөлшері;
8) осы Қағидаларға 2-қосымшаға сәйкес нысан бойынша жер учаскесін (жер учаскесін жалдау құқығын) сату жөніндегі сауда-саттыққа (аукционға) қатысуға арналған өтінімге (бұдан әрі – өтінім) қоса берілетін, қатысушы ұсынатын құжаттардың тізбесі;
9) кепілдік жарнаның мөлшері мен енгізу тәртібі, ұйымдастырушының деректемелері;
10) сауда-саттық (аукцион) объектісін сату және жалдау бағасын төлеу тәртібі;
11) өтінімдерді қабылдау мерзімдері.
14. Сауда-саттыққа (аукционға) қатысу үшін қатысушы порталда өтінім береді және ЭЦҚ қояды.
Ескерту. 14-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.15. Алып тасталды - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
16. Сауда-саттыққа (аукционға) қатысушылардың өтінімдерін тіркеу хабарлама жарияланған күннен бастап жүргізіледі және сауда-саттық (аукцион) басталғанға дейін бес минут бұрын аяқталады.
17. Сауда-саттыққа (аукционға) қатысушының өтінімі қатысушының сауда-саттық (аукцион) шарттарымен келісімін қамтиды.
18. Сауда-саттыққа (аукционға) қатысу үшін кепілдік жарна сауда-саттық (аукцион) объектісінің ең төменгі бағасының 15 (он бес) %-ын құрайды, бірақ 50 (елу) айлық есептік көрсеткіштен (бұдан әрі – АЕК) кем болмайды және 30 (отыз) мың АЕК-ден аспайды.
19. Кепілдік жарнаны сауда-саттықтың (аукционның) ұйымдастырушы қабылдайды және сауда-саттық (аукцион) өткізілетіні туралы хабарламада көрсетілген ұйымдастырушының деректемелеріне енгізіледі.
20. Өтінімде көрсетілген деректер мемлекеттік дерекқорлар мен ақпараттық жүйелерден автоматты режимде алынбаған жағдайда, қатысушы деректерді өзі енгізеді, сондай-ақ өтінімге растаушы құжаттарды қоса тіркейді.
21. Автоматты түрде тексеру нәтижелері бойынша веб-портал қатысушының веб-порталда көрсетілген электрондық мекенжайына өтінімді қабылдау не өтінімді қабылдаудан бас тарту себептері туралы электрондық хабарлама жібереді.
22. Өтінімді қабылдаудан бас тартуға мыналар негіз болып табылады:
1) қатысушының осы Қағидалардың 14-тармағында көрсетілген талаптарды сақтамауы, сондай-ақ сауда-саттықтың (аукционның) басталуына бес минут қалғанға дейін ұйымдастырушының шотына сауда-саттықтың (аукционның) өткізілетіні туралы хабарламада көрсетілген кепілдік жарнаның түспеуі;
2) қатысушының Жер кодексінің 20-бабы 2-тармағының үшінші абзацына сәйкес келмеуі;
3) қатысушының Жер кодексінің 96-1-бабына сәйкес жер учаскелері мәжбүрлеп алып қойылған адамдардың тізілімінде болуы.
23. Өтінімі тіркелген және қабылданған қатысушыға портал аукцион нөмірін береді.
Жер учаскелері бойынша сауда-саттықтың (аукциондардың) ағымдағы сатысы туралы мәліметтер порталдан ЖКК-ға жіберіледі.
Ескерту. 23-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.24. Сауда-саттық (аукцион) сатып алушысының кепілдік жарнасы сауда-саттық (аукцион) нәтижелері туралы хаттамаға сәйкес сауда-саттыққа (аукционға) қатысу кезінде мәлімделген талаптармен жер учаскесін немесе жер учаскесін жалдау құқығын сатып алу-сату шартын жасасуды қамтамасыз ету үшін енгізіледі.
25. Кепілдік жарна Қазақстан Республикасы Азаматтық кодексінің 916-бабының 10-тармағына сәйкес қайтарылмайды.
Осы тармақтың бірінші бөлігінде көзделген жағдай орын алған кезде ұйымдастырушы кепілдік жарнаны тиісті бюджеттің кірісіне аударады.
3-тарау. Жер учаскелерін немесе жер учаскелерін жалға алу құқығын сату жөніндегі сауда-саттықты (аукциондарды) мемлекеттік мүлік тізілімінің веб-порталында электрондық түрде өткізу тәртібі
26. Сауда-саттық (аукцион) бағаны көтеру немесе бағаны төмендету шартымен өткізіледі.
27. Сауда-саттық (аукцион) объектісі бірінші және екінші сауда-саттыққа (аукционға) бағаны көтеру шарты қолданыла отырып шығарылады, үшінші және одан кейінгі сауда-саттықтағы (аукциондардағы) сауда-саттық (аукцион) шартын сатушы айқындайды.
Ескерту. 27-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.28. Бастапқы баға сауда-саттық (аукцион) шартына байланысты анықталады:
1) бағаны көтеру сауда-саттығы (аукционы) кезінде бастапқы баға ең төменгі бағаға тең болады;
2) бағаны төмендету сауда-саттығы (аукционы) кезінде бастапқы баға ең төменгі бағадан 100 (жүз) есе асады.
29. Жер учаскесін жеке меншікке сату кезіндегі бастапқы баға Жер кодексінің 10-бабына сәйкес есептелетін жер учаскесінің кадастрлық (бағалау) құнынан төмен болмай айқындалады.
Жер учаскесін жалдау құқығын сату кезіндегі бастапқы баға жалдау мерзіміне байланысты жер учаскесі жалданған әр жыл үшін жер учаскесінің кадастрлық (бағалау) құнынан пайызбен сараланып былайша айқындалады:
1) 10 жылға (қоса алғанда) дейін – 2 %;
2) 11 жылдан 30 жылға дейін – 20 % + 10 жылдан асқан әр жыл үшін 1,5 %;
3) 31 жылдан 49 жылға дейін – 50 % + 30 жылдан асқан әр жыл үшін 1 %.
30. Сауда-саттықтағы (аукциондардағы) объектінің ең төменгі бағасы жер учаскесін жеке меншікке сату кезінде кадастрлық (бағалау) құнынан төмен емес сомада, ал жалдау құқығын сату кезінде осы Қағидалардың 29-тармағының екінші абзацында белгіленген сомадан төмен емес сомада белгіленеді.
31. Сауда-саттық (аукцион) аукцион залында өткізіледі және Қазақстан Республикасының еңбек заңнамасында көзделген мереке және демалыс күндерін қоспағанда, дүйсенбіден бастап жұмаға дейін өтеді. Сауда-саттық (аукцион) Астана уақыты бойынша сағат 10.00-ден 17.00-ге дейін өткізіледі, бұл ретте сауда-саттық (аукцион) Астана уақыты бойынша сағат 15.00-ден кешіктірілмей басталады.
Ескерту. 31-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.32. Сауда-саттыққа (аукционға) қатысуға рұқсат етілген қатысушыға аукцион залына веб-портал берген аукцион нөмірі бойынша кіруге рұқсат етіледі.
Бағаны көтеру сауда-саттығына (аукционына) қатысушылар сауда-саттық (аукцион) басталғанға дейін 1 (бір) сағат ішінде ЭЦҚ мен аукцион нөмірін пайдалана отырып, аукцион залына кіреді, бастапқы бағадан төмен болмайтын сауда-саттық (аукцион) объектісі үшін өзінің баға ұсынысын көрсетеді.
33. Бағаны төмендету сауда-саттығына (аукционына) қатысушылар сауда-саттық (аукцион) басталғанға дейін 1 (бір) сағат ішінде ЭЦҚ мен аукцион нөмірін пайдалана отырып, аукцион залына кіреді.
34. Сауда-саттық (аукцион) сауда-саттықтың (аукционның) өткізілетіні туралы хабарламада көрсетілген уақытта басталады.
35. Егер бағаны көтеру сауда-саттығы (аукционы) аяқталатын сәтте сағат 17:00-де сауда-саттық (аукцион) жеңімпазы айқындалмаса, онда сауда-саттық (аукцион) объектісін сатып алуға ниетін растаған соңғы қатысушы жеңімпаз болып танылады және осы сауда-саттық (аукцион) объектісі бойынша сауда-саттық (аукцион) өткізілген болып танылады.
36. Егер бағаны төмендету сауда-саттығы (аукционы) аяқталатын сәтте сағат 17:00-де сауда-саттық (аукцион) жеңімпазы айқындалмаса, онда бұл сауда-саттық (аукцион) объектісі бойынша сауда-саттық (аукцион) өткізілмеген болып танылады.
37. Егер сауда-саттық (аукцион) басталған сәтте сауда-саттық (аукцион) объектісі бойынша аукцион залында бір қатысушы тіркелсе және болса, онда аталған сауда-саттық (аукцион) объектісі бойынша сауда-саттық (аукцион) өтпеді деп танылады (сауда-саттық (аукцион) объектісін жалғыз қатысушыға сатуға жол берілетін бағаны төмендетуге арналған сауда-саттықты (аукционды) қоспағанда).
Ескерту. 37-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.38. Бағаның өзгеру қадамы былайша белгіленеді:
1) сауда-саттық (аукцион) объектісінің бастапқы немесе ағымдағы бағасы 20000 еселенген АЕК мөлшеріне дейін болған кезде өзгерту қадамы бағаны көтеру сауда-саттығында (аукционында) 10% мөлшерінде және бағаны төмендету аукционында 5% мөлшерінде белгіленеді;
2) сауда-саттық (аукцион) объектісінің бастапқы немесе ағымдағы бағасы 20000-нан 50000 еселенген АЕК мөлшеріне дейін болған кезде өзгерту қадамы бағаны көтеру сауда-саттығында (аукционында) 7% мөлшерінде және бағаны төмендету аукционында 5% мөлшерінде белгіленеді;
3) сауда-саттық (аукцион) объектісінің бастапқы немесе ағымдағы бағасы 50000-нан 100000 еселенген АЕК мөлшеріне дейін болған кезде өзгерту қадамы 5% мөлшерде белгіленеді;
4) сауда-саттық (аукцион) объектісінің бастапқы немесе ағымдағы бағасы 100000-нан 250000 еселенген АЕК мөлшеріне дейін болған кезде өзгерту қадамы бағаны көтеру аукционында 2,5% мөлшерінде және бағаны төмендету сауда-саттығында (аукционында) 5% мөлшерінде белгіленеді;
5) сауда-саттық (аукцион) объектісінің бастапқы немесе ағымдағы бағасы 250000-нан 500000 еселенген АЕК мөлшеріне дейін болған кезде өзгерту қадамы бағаны көтеру аукционында 1% мөлшерінде және бағаны төмендету сауда-саттығында (аукционында) 5% мөлшерінде белгіленеді;
6) сауда-саттық (аукцион) объектісінің бастапқы немесе ағымдағы бағасы 500000 еселенген АЕК мөлшерінен басталып, одан жоғары болған кезде өзгерту қадамы бағаны көтеру сауда-саттығында (аукционында) 0,5% мөлшерінде және бағаны төмендету аукционында 5% мөлшерінде белгіленеді.
39. Бағаны көтеру сауда-саттығы (аукционы):
1) сауда-саттық (аукцион) басталған сәтте аукцион залында қатысушылардың сауда-саттық (аукцион) объектісі үшін баға ұсыныстары бейнеленеді, олар шарттарды сақтай отырып, сауда-саттық (аукцион) объектісін сатып алуға келісім білдіру нысаны болып табылады және ағымдағы баға қалыптастырылады;
2) сауда-саттық (аукцион) басталған сәттен бастап қатысушыға осы Қағидалардың 38-тармағында белгіленген қадамға басқа қатысушының ағымдағы ең жоғары бағасын ұлғайту мүмкіндігі беріледі;
3) егер сауда-саттық (аукцион) басталған кезден бастап 20 (жиырма) минут ішінде қатысушылардың бірде-бірі ең жоғары ағымдағы бағаны көтермесе, онда оны ұсынған қатысушы жеңімпаз болып танылады, ал аталған сауда-саттық (аукцион) объектісі бойынша сауда-саттық (аукцион) өткізілген болып танылады;
4) егер аукцион залында сауда-саттық (аукцион) басталған сәттен бастап 20 (жиырма) минут ішінде қатысушылардың бірі осы Қағидалардың 38-тармағында белгіленген қадамға басқа қатысушының ағымдағы ең жоғары бағасын ұлғайту жолымен сауда-саттық (аукцион) объектісін сатып алу ниетін растаса, онда ағымдағы баға белгіленген қадамға ұлғайтылады;
5) егер ағымдағы баға ұлғайтылғаннан кейін 20 (жиырма) минут ішінде қатысушылардың бірде-бірі ағымдағы бағаны ұлғайту жолымен сауда-саттық (аукцион) объектісін сатып алу ниетін растамайтын болса, онда сауда-саттық (аукцион) объектісін сатып алу ниетін соңғы растаған қатысушы жеңімпаз болып танылады, ал аталған сауда-саттық (аукцион) объектісі бойынша сауда-саттық (аукцион) өткізілген болып танылады.
40. Егер сауда-саттық (аукцион) басталған сәтте екі және одан да көп қатысушының ұсыныстары объект үшін бірдей ең жоғары бағаны қамтыса және осы ағымдағы баға 20 (жиырма) минут ішінде ұлғайтылмайтын болса, баға ұсынысы аукцион залында ұсыныстары бірдей ең жоғары бағаны қамтитын басқа қатысушылардың баға ұсыныстарынан бұрын тіркелген қатысушы осы қатысушылардың арасында сауда-саттық (аукцион) жеңімпазы болып танылады.
41. Бағаны төмендету сауда-саттығы (аукционы):
1) егер сауда-саттық (аукцион) басталған сәттен бастап 5 (бес) минут ішінде қатысушылардың бірде-бірі сауда-саттық (аукцион) объектісін сатып алу ниетін растамаса, онда сауда-саттық (аукцион) объектісінің бастапқы бағасы осы Қағидалардың 38-тармағында белгіленген қадамға төмендейді;
2) егер баға азайғаннан кейін 5 (бес) минут ішінде қатысушылардың бірде-бірі сауда-саттық (аукцион) объектісін сатып алу ниетін растамаса, онда сауда-саттық (аукцион) объектісінің соңғы жарияланған бағасы белгіленген қадаммен төмендейді.
42. Жарияланған баға бойынша сауда-саттық (аукцион) объектісін сатып алу ниетін бірінші болып растаған қатысушы бағаны төмендету сауда-саттығының (аукционының) жеңімпазы болып танылады және аталған сауда-саттық (аукцион) объектісі бойынша сауда-саттық (аукцион) өткізілген болып танылады. Егер сауда-саттық (аукцион) объектісінің бағасы белгіленген ең төменгі мөлшерге жетсе және қатысушылардың бірде-бірі сауда-саттық (аукцион) объектісін сатып алу ниетін растамаса, онда сауда-саттық (аукцион) өткізілмеген болып танылады.
Қағидалардың 36, 37-тармақтарында және осы тармақтың бірінші бөлігінде көрсетілген жағдайларда сатушы веб-портал қалыптастыратын сауда-саттықтың (аукционның) өткізілмегені туралы актіге қол қояды.
43. ЖМБМК АЖ порталға сауда-саттық (аукцион) өткізу нәтижелері туралы мынадай құжаттарды жібереді:
жеңімпаз үшін – сауда-саттықтың (аукционның) нәтижелері туралы хаттама, жер учаскесін немесе жер учаскесін жалдау құқығын сатып алу-сату шарты, сатып алу сомасы туралы мәліметтер және төлем деректемелері;
қалған қатысушылар үшін – сауда-саттықтың (аукционның) нәтижелері туралы хаттама.
Егер сауда-саттық (аукцион) өткізілмесе, онда уәкілетті органның қызметкері ӨГАЖ-да қолданыстағы жер учаскесінің шартты сәйкестендіру нөміріне сәйкес жаңа лот (жаңа лоттың нөмірі алдыңғы өтпеген лоттың нөмірімен сәйкес келмеуі тиіс) жасайды. ӨГАЖ сауда-саттыққа (аукционға) жаңадан қойылған жер учаскесі туралы мәліметтерді ЖМБМК АЖ-ға береді.
Веб-порталда уәкілетті органның қызметкері жер учаскесінің қолданыстағы шартты сәйкестендіру нөмірін пайдалана отырып, осы объекті бойынша жаңа сауда-саттық (аукцион) жасайды.
Ескерту. 43-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.44. Сауда-саттық (аукцион) барысында техникалық іркіліс туындаған кезде ұйымдастырушы техникалық іркілістің болу фактісін тіркейді және ол болған кезде ақпаратты веб-порталда орналастыру арқылы сауда-саттыққа (аукционға) қатысушылардың барлығын хабардар етеді.
Қатысушының компьютерлік және (немесе) телекоммуникациялық жабдығының техникалық ақауы болған жағдайда сауда-саттық (аукцион) жалғасады.
Сауда-саттықты (аукционды) өткізуге кедергі келтіретін веб-порталдың техникалық іркілуі фактісі болған жағдайда, ұйымдастырушы бұл туралы Ұлттық ақпараттық қауіпсіздікті үйлестіру орталығын, сатушыны дереу хабардар етеді және сауда-саттыққа (аукционға) қатысуға жіберілген қатысушыларды веб-порталда ақпарат орналастыру және веб-порталда көрсетілген қатысушының электрондық мекенжайына электрондық хабарлама жіберу арқылы осы сауда-саттықты (аукционды) жалғастырудың күні мен уақыты туралы алдын ала хабардар ете отырып, ұйымдастырушы техникалық іркілісті түзеткен күннен бастап 3 (үш) жұмыс күні ішінде сауда-саттықты (аукционды) жалғастыруды ұйымдастырады.
45. Әрбір сатылған сауда-саттық (аукцион) объектісі бойынша сауда-саттық (аукцион) нәтижелері сауда-саттық (аукцион) нәтижелері туралы хаттамамен ресімделеді, оған сатушы және жеңімпаз сауда-саттық (аукцион) өткізілген күні веб-порталда ЭЦҚ пайдалана отырып, қол қояды.
46. Сауда-саттықтың (аукционның) нәтижелері туралы хаттама сауда-саттықтың (аукционның) нәтижелерін және жеңімпаз бен сатушы арасында жер учаскесін немесе жер учаскесін жалдау құқығын сатып алу-сату шартына қол қою талаптарын тіркейтін құжат болып табылады.
Сауда-саттықтың (аукционның) жеңімпазы сауда-саттықтың (аукционның) нәтижелері туралы хаттаманы автоматты түрде жасау арқылы веб-порталда анықталады, одан кейін веб-портал "Сауда-саттық (аукцион) өтті" деген мәртебені ЖМБМК АЖ-ға жібереді.
ЖМБМК АЖ алынған мәліметтерді сақтайды және жер учаскесінің мәртебесін өзгерту үшін оларды ЖКК-ға бағыттайды.
Ескерту. 46-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.47. Жер учаскесін немесе жер учаскесін жалдау құқығын сатып алу-сату шарты веб-порталда электрондық форматта жасалады және сатушы мен сатып алушы сауда-саттықтың (аукционның) қорытындылары туралы хаттамаға қол қойылған күннен бастап 2 (екі) жұмыс күні ішінде ЭЦҚ-ны пайдалана отырып қол қояды.
Веб-портал ЖМБМК АЖ-ға электрондық түрдегі жер учаскесін немесе жер учаскесін жалдау құқығын сатып алу-сату шартымен бірге "Сатып алу-сату шартына қол қойылды" деген мәртебені жібереді.
ЖМБМК АЖ жер учаскесінің мәртебесін өзгерту үшін "Сатып алу-сату шартына қол қойылды" деген мәртебенің ЖКК-ға жіберілуін, сондай-ақ жер учаскесін немесе жер учаскесін жалдау құқығын сатып алу-сату шартының жеңімпаздың ЖКК-дағы жеке кабинетінде сақталуын қамтамасыз етеді.
Ескерту. 47-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.48. Жер учаскесін немесе жер учаскесін жалдау құқығын сатып алу-сату шарты бойынша есеп айырысу сатушы мен сатып алушы арасында жүргізіледі. Бұл ретте сатып алушы ұйымдастырушыға төлемдерді мынадай тәртіппен аударады:
1) жер учаскесін немесе жер учаскесін жалдау құқығын сатып алу-сату шартына қол қойылған күннен бастап 2 (екі) жұмыс күнінен кешіктірмей сату бағасының 50 (елу) % мөлшерінде кепілақы (аванстық төлем) енгізіледі. Кепілдік жарна тиесілі аванстық төлемнің есебіне есептеледі;
2) қалған сома жер учаскесін немесе жер учаскесін жалдау құқығын сатып алу-сату шартына қол қойылған күннен бастап күнтізбелік 30 (отыз) күннен кешіктірілмей енгізіледі.
Сатып алушы ұйымдастырушыға 10 000 (он мың) АЕК-ге дейінгі төлемдерді "электрондық үкіметтің" төлем шлюзі арқылы аударуды жүргізеді. Төлем сомасы 10 000 (он мың) АЕК-ден асып кеткен жағдайда, жеңімпаз төлем түбіртегінің электрондық көшірмесін қоса береді.
Ескерту. 48-тармақ жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.49. Жеңімпаз сауда-саттық (аукцион) нәтижелері туралы хаттамаға не жер учаскесін немесе жер учаскесін жалдау құқығын сатып алу-сату шартына белгіленген мерзімде қол қоймаған жағдайда, сатушы веб-порталда қалыптастырылатын сауда-саттық (аукцион) нәтижелерінің күшін жою туралы актіге қол қояды және аталған сауда-саттық (аукцион) объектісі күші жойылған сауда-саттық (аукцион) талаптарымен сауда-саттыққа (аукционға) қайта шығарылады.
50. Ұйымдастырушы сату бағасын сатушы сатып алу-сату шарты бойынша сауда-саттық (аукцион) объектісінің сату бағасын жеңімпаздың төлегені туралы мәліметтерді веб-порталға енгізген күннен бастап 3 (үш) жұмыс күні ішінде тиісті бюджеттің кірісіне аударады.
51. Егер сатып алушы соңғы төлемді жасау шарттарын осы Қағидалардың 48-тармағының 2) тармақшасында белгіленген мерзімдерде орындамаса, онда сатып алушы күнтізбелік 10 (он) күн ішінде жер учаскесі үшін төлем жасалған күнге дейін төленуі тиіс күннен бастап кешіктірілген мерзім үшін өсімпұл (тұрақсыздық айыбын) төлейді.
52. Жер учаскесін немесе жер учаскесін жалдау құқығын сатып алу-сату шартын құқықтық кадастрда тіркеу мұндай шарт бойынша есеп айырысу аяқталған сәттен бастап 3 (үш) жұмыс күні ішінде электрондық түрде қамтамасыз етіледі.
53. Сауда-саттық (аукцион) нәтижелерін жарамсыз деп тану туралы даулар сот тәртібімен қаралады.
Бос жер учаскесін сауда-саттыққа (аукционға) шығару туралы ұсыныс
Ескерту. 1-қосымша жаңа редакцияда - ҚР Ауыл шаруашылығы министрінің м.а. 20.12.2023 № 446 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
Кімге_____________________________________________________________________
(облыстың, республикалық маңызы бар қаланың, астананың, ауданның, облыстық
маңызы бар қаланың жергілікті атқарушы органы, облыстық маңызы бар қала, кент,
ауыл, ауылдық округ әкімі)
кімнен___________________________________________________________________
(заңды тұлғаның толық атауы, жеке тұлғаның аты, әкесінің аты (бар болса), тегі)
__________________________________________________________________________
(жергілікті жермен байланыстыра отырып, оның сипаттамасы)
мекенжайында орналасқан бос жер учаскесін немесе жер учаскесін жалдау құқығын
сату бойынша сауда-саттыққа (аукционға) шығару мәніне қарауды сұраймын.
Жер учаскесінің жоспарлы нысаналы мақсаты: _____________________________
1. Өтініш беруші туралы мәліметтер.
Заңды тұлға үшін:
атауы _____________________________________________________________________
бизнес сәйкестендіру нөмірі (бұдан әрі – БСН) (оның ішінде шетелдік заңды тұлғаның,
ол болмаған жағдайда, филиалдың (өкілдіктің)
БСН)________________________________________________________________;
басшының аты, әкесінің аты (бар болса), тегі.
_________________________________________________________________________;
Тіркеу мекенжайы ____________________________
байланыс телефонының нөмірі ________________;
Жеке тұлға үшін:
аты, әкесінің аты (бар болса), тегі___________________________;
жеке сәйкестендіру нөмірі ____________________,
тіркелген/тұрғылықты мекенжайы___________
байланыс телефонының нөмірі ________;
Ақпараттық жүйелерде қамтылған, заңмен қорғалатын құпияны құрайтын, осы өтінішті
қарау және тиісті шешімдер қабылдау үшін қажетті дербес деректерімді және
ақпаратты жинауға және өңдеуге келісемін.
Өтінішке жария кадастрлық картада қалыптастырылған мемлекеттік жер учаскесін
бөлу схемасы қоса беріледі.
Өтінімнің берілген күні: ________________
Өтініш берушінің электрондық цифрлық қолтаңбасы.
| Бос жер учаскесін сауда-саттыққа (аукционға) шығару туралы ұсынысқа қосымша Нысан |
Жер учаскесінің схемасы
Жер учаскесінің сәйкестендіргіші*
Өтініш беруші:
Алаңы (га/шаршы метр):
Сұралған нысаналы мақсаты:
Жер учаскесінің орналасқан жері:
Шартты белгілер:
Ескертпе: * жер учаскесінің сәйкестендіргіші жария кадастрлық картада автоматты түрде қалыптастырылады (жиырма таңбалы сандық код)
Жер учаскесін (жер учаскесін жалдау құқығын) сату жөніндегі сауда-саттыққа (аукционға) қатысуға арналған өтінім
1. Сауда-саттық (аукцион) өткізу туралы жарияланған хабарламаны қарап және Қазақстан Республикасы Ауыл шаруашылығы министрінің 2021 жылғы 15 қазандағы № 297 бұйрығымен бекітілген (Нормативтік құқықтық актілерді мемлекеттік тіркеу тізілімінде № 24803 болып тіркелген) Жер учаскелерін немесе жер учаскелерін жалдау құқығын сату жөніндегі сауда-саттықты (аукциондарды) мемлекеттік мүлік тізілімінің веб-порталында электрондық түрде ұйымдастыру мен өткізу қағидаларымен танысып,
__________________________________________________________________________
(жеке тұлғаның аты, әкесінің аты (бар болса), тегі немесе заңды тұлғаның атауы)
мемлекеттік мүлік тізілімінің веб-порталында (бұдан әрі – веб-портал) 20 __жылғы "____" _______ сағат _____ өтетін сауда-саттыққа (аукционға) қатысуға ниет білдіреді.
2. Мен (біз) сауда-саттыққа (аукционға) қатысу үшін кепілдік жарнаны енгіздім (-дік), оны мынадай сауда-саттық (аукцион) объектілері бойынша сауда-саттық (аукцион) нәтижелері анықталғанға дейін веб-портал бұғаттайды:
Р/с № |
Сауда-саттық (аукцион) | Сауда-саттық (аукцион) объектісі үшін кепілдік жарнаның сомасы, теңге |
1 | ||
2 | ||
Жиыны |
3. Мен (біз) мыналардың сауда-саттыққа (аукционға) қатысушы ретінде тіркелмейтіні туралы хабардармын (-мыз):
1) сауда-саттық (аукцион) өткізу туралы өтінімде көрсетілген сауда-саттыққа (аукционға) қатысушыларға қойылатын шарттарға сәйкес келмейтін және сауда-саттықтың (аукционның) өткізілетіні туралы хабарламада көрсетілген кепілдік жарнаны ұйымдастырушының шотына сауда-саттық (аукцион) басталғанға дейін бес минут бұрын енгізбеген заңды (жеке) тұлға;
2) Қазақстан Республикасы Жер кодексінің (бұдан әрі – Жер кодексі) 20-бабы 2-тармағының үшінші абзацына сәйкес келмейтін тұлғалар;
3) Жер кодексінің 96-1-бабының 4-тармағына сәйкес жер учаскелері мәжбүрлеп алып қойылған тұлғалардың тізілімінде тұрған тұлғалар.
4. Егер мен (біз) сауда-саттықтың (аукционның) жеңімпазы (-дары) болып айқындалсам (-сақ), сауда-саттық (аукцион) өткізілген күні сауда-саттықтың (аукционның) нәтижелері туралы хаттамаға қол қою және сауда-саттықтың (аукционның) нәтижелері туралы хаттамаға қол қойылған күннен бастап 2 (екі) жұмыс күні ішінде веб-порталда жер учаскесін немесе жер учаскесін жалдау құқығын сатып алу-сату шартына қол қою шартын өзіме (-мізге) аламын (-мыз).
5. Мен (біз) сауда-саттық (аукцион) нәтижелері туралы хаттамаға сәйкес сауда-саттыққа (аукционға) қатысуға мәлімделген талаптармен жер учаскесін немесе жер учаскесін жалдау құқығын сатып алу-сату шартына қол қоюдан бас тартылған жағдайда, өзім (-міз) енгізген кепілдік жарнаның сомасы қайтарылмайтындығымен келісемін (-міз).
6. Өзім (-міз) туралы мынадай мәліметтерді ұсынамын (-мыз):
Заңды тұлға үшін:
атауы _______________________________________________________
бизнес-сәйкестендіру нөмірі ______________________________________
басшының аты, әкесінің аты (бар болса), тегі ________________________
мекенжайы_____________________________________________________
телефон нөмірі ________________________________________________
банктік деректемелері:
жеке сәйкестендіру коды _________________________________________
банктік сәйкестендіру коды _______________________________________
банктің атауы _________________________________________________
бенефициар коды ______________________________________________
Өтінімге мыналар қоса беріледі:
1) _____________________________________________________________
2) ___________________________________________________________
Жеке тұлға үшін:
аты, әкесінің аты (бар болса), тегі _________________________________
жеке сәйкестендіру нөмірі ________________________________________
төлқұжат деректері ____________________________________________
мекенжайы ___________________________________________________
телефон нөмірі________________________________________________
банктік деректемелері:
жеке сәйкестендіру коды _________________________________________
банктік сәйкестендіру коды ______________________________________
банктің атауы _________________________________________________
бенефициар коды ________________________________________________
Заңмен қорғалатын құпияны құрайтын мәліметтерді пайдалануға, сондай-ақ мемлекеттік органдардың ақпараттық жүйелерінде қамтылған дербес деректерді сақтауға, жүктеуге және пайдалануға келісім беремін.
Қатысушы 20__ жылғы "__" ______ сағат _____ қол қойып, жіберді.
Электрондық цифрлық қолтаңбадан (бұдан әрі – ЭЦҚ) алынған деректер
_________________________________________________________________
ЭЦҚ қою күні және уақыты _____________________________________
Өтінімді қабылдау туралы хабарлама:
ЭЦҚ-дан алынған деректер ______________________________________
ЭЦҚ қою күні және уақыты _____________________________________
Қатысушының аукциондық нөмірі: _____________________
(сауда-саттық (аукцион) аяқталған соң өтінімде көрсетіледі)
| Қазақстан Республикасының Ауыл шаруашылығы министрі 2021 жылғы 15 қазандағы № 297 бұйрығына қосымша |
Қазақстан Республикасының Ауыл шаруашылығы министрі мен Қазақстан Республикасының Ұлттық экономика министрінің күші жойылған кейбір бұйрықтарының тізбесі
1. "Жер учаскесін немесе жер учаскесін жалдау құқығын сату жөніндегі сауда-саттықты (конкурстарды, аукциондарды), оның ішінде электрондық түрде ұйымдастыру мен өткізу қағидаларын бекіту туралы" Қазақстан Республикасы Ұлттық экономика министрінің 2015 жылғы 31 наурыздағы № 290 бұйрығы (Нормативтік құқықтық актілерді мемлекеттік тіркеу тізілімінде № 10937 болып тіркелген).
2. Қазақстан Республикасы Ұлттық экономика министрінің 2015 жылғы 22 желтоқсандағы № 782 бұйрығымен бекітілген жер қатынастары саласындағы өзгерістер енгізілетін бұйрықтар тізбесінің 10-тармағы (Нормативтік құқықтық актілерді мемлекеттік тіркеу тізілімінде № 13093 болып тіркелген).
3. "Жер учаскесін немесе жер учаскесін жалдау құқығын сату жөніндегі сауда-саттықты (конкурстарды, аукциондарды), оның ішінде электрондық түрде сату және өткізу қағидаларын бекіту туралы" Қазақстан Республикасы Ұлттық экономика министрінің 2015 жылғы 31 наурыздағы № 290 бұйрығына өзгеріс енгізу туралы" Қазақстан Республикасы Ұлттық экономика министрінің 2015 жылғы 25 желтоқсандағы № 792 бұйрығы (нормативтік құқықтық актілерді мемлекеттік тіркеу тізілімінде № 12995 болып тіркелген).
4. "Жер учаскесін немесе жер учаскесін жалдау құқығын сату жөніндегі сауда-саттықты (конкурстарды, аукциондарды), оның ішінде электрондық түрде сату және өткізу қағидаларын бекіту туралы" Қазақстан Республикасы Ұлттық экономика министрінің 2015 жылғы 31 наурыздағы № 290 бұйрығына толықтырулар енгізу туралы" Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2016 жылғы 18 қазандағы № 437 бұйрығы (Нормативтік құқықтық актілерді мемлекеттік тіркеу тізілімінде № 14416 болып тіркелген).
5. "Жер учаскесін немесе жер учаскесін жалдау құқығын сату жөніндегі сауда-саттықты (конкурстарды, аукциондарды), оның ішінде электрондық түрде сату және өткізу қағидаларын бекіту туралы" Қазақстан Республикасы Ұлттық экономика министрінің 2015 жылғы 31 наурыздағы № 290 бұйрығына өзгерістер енгізу туралы" Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2018 жылғы 3 қыркүйектегі № 366 бұйрығы (Нормативтік құқықтық актілерді мемлекеттік тіркеу тізілімінде № 17525 болып тіркелген).
6. "Жер учаскесін немесе жер учаскесін жалдау құқығын сату жөніндегі сауда-саттықты (конкурстарды, аукциондарды), оның ішінде электрондық түрде сату және өткізу қағидаларын бекіту туралы" Қазақстан Республикасы Ұлттық экономика министрінің 2015 жылғы 31 наурыздағы № 290 бұйрығына өзгерістер енгізу туралы" Қазақстан Республикасы Ауыл шаруашылығы министрінің 2020 жылғы 11 қыркүйектегі № 282 бұйрығы (Нормативтік құқықтық актілерді мемлекеттік тіркеу тізілімінде № 21203 болып тіркелген).
