БҰЙЫРАМЫН:
1. Қоса беріліп отырған өзгерістер мен толықтыру енгізілетін кейбір бұйрықтардың тізбесі бекітілсін.
2. Қазақстан Республикасы Мәдениет және ақпарат министрлігінің Ақпарат комитеті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты Қазақстан Республикасы Мәдениет және ақпарат министрлігінің интернет-ресурсында орналастыруды;
3) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Мәдениет және ақпарат министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Мәдениет және ақпарат вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Мәдениет және ақпарат министрі |
А. Балаева |
"КЕЛІСІЛДІ"
Қазақстан Республикасының
Қаржы министрлігі
| Қазақстан Республикасының Мәдениет және ақпарат министрі 2023 жылғы 30 қарашадағы № 479-НҚ бұйрығымен бекітілген |
Өзгерістер мен толықтыру енгізілетін кейбір бұйрықтардың тізімі
1. "Республикалық және өңірлік деңгейлерде мемлекеттік ақпараттық саясатты жүргізу жөніндегі мемлекеттік тапсырысты орналастыру қағидаларын бекіту туралы" Қазақстан Республикасы Ақпарат және коммуникациялар министрінің 2017 жылғы 28 ақпандағы № 75 бұйрығында (Нормативтік құқықтық актілерді мемлекеттік тіркеу тізілімінде № 14886 нөмірімен тіркелген):
кіріспе мынадай редакцияда жазылсын:
"Бұқаралық ақпарат құралдары туралы" Қазақстан Республикасы Заңының 4-3-бабының 7-1) тармақшасына сәйкес БҰЙЫРАМЫН:";
көрсетілген бұйрықпен бекітілген Республикалық және өңірлік деңгейлерде мемлекеттік ақпараттық саясатты іске асыруға мемлекеттік тапсырысты орналастыру қағидаларында:
3-тармақ мынадай редакцияда жазылсын:
"3. Республикалық деңгейде мемлекеттік ақпарат саясатын жүргізу жөніндегі мемлекеттік тапсырысты мынадай тәсілдермен жүзеге асырылады:
1) Қазақстан Республикасының бюджеттік заңнамасына сәйкес жарғылық капиталына мемлекет қатысатын бұқаралық ақпарат құралдарының меншік иелеріне таратылатын мемлекеттік тапсырманы орындау;
2) мемлекеттік тапсырысты орындау – бұқаралық ақпарат құралдары арқылы мемлекеттік ақпарат саясатын жүргізу үшін республикалық бюджет қаражаты есебінен жұмыс көрсетуге тапсырыс (бұдан әрі – республикалық тапсырыс).
Республикалық деңгейде мемлекеттік ақпараттық саясатты жүргізу жөніндегі мемлекеттік тапсырыс мынадай субъектілер түрлеріне:
1) мерзімді баспа басылымдарына;
2) теле -, радиоарналарға;
3) интернет-ресурстарға беріледі.";
7 және 8-тармақтар мынадай редакцияда жазылсын:
"7. Республикалық деңгейде ұйымдастырушы республикалық тапсырыстың өткізілетін күніне дейін он бір жұмыс күні бұрын осы Қағидаларға 1-қосымшаға сәйкес нысан бойынша республикалық деңгейде мемлекеттік ақпараттық саясаттың тақырыптық бағыттарын қоса бере отырып, уәкілетті органның интернет-ресурсында республикалық тапсырысты өткізу туралы ақпараттық хабарды орналастырады.
8. Республикалық тапсырысқа қатысу үшін үміткер Ақпараттық хабарлама орналастырылған келесі күннен бастап Астана қаласының уақыты бойынша сағат 17:00 – ге дейін он жұмыс күні ішінде осы Қағидаларға 2-қосымшаға сәйкес нысан бойынша өтінімді (бұдан әрі-өтінім), сондай-ақ осы Қағидаларға 3-қосымшаға сәйкес құжаттар тізбесін ұсынады.
Үміткерлер қоса берілген құжаттардың түпнұсқалығы мен дұрыстығы қамтамасыз етеді.";
30-тармақ мынадай редакцияда жазылсын:
"30. Республикалық комиссия шешімінің қорытындылары бойынша республикалық тапсырыстың жеңімпаздарымен қорытындылар хаттамасына қол қойылған күннен бастап жиырма жұмыс күні ішінде республикалық тапсырысты өткізуге шарт жасалады.";
44 және 45-тармақтар мынадай редакцияда жазылсын:
"44. Ұйымдастырушы өңірлік деңгейде өзінің интернет-ресурсында Мемлекеттік ақпараттық саясаттың тақырыптық бағыттарын қоса бере отырып, осы Қағидаларға 1-қосымшаға сәйкес нысан бойынша өңірлік тапсырысты орналастыруды өткізу туралы ақпараттық хабарламаны оны өткізу күніне дейін он бір жұмыс күні бұрын өңірлік деңгейде орналастырады.
45. Өңірлік тапсырысқа қатысу үшін үміткер Ақпараттық хабарлама орналастырылған келесі күннен бастап сағат 17:00-ге дейін Астана қаласының уақыты бойынша он жұмыс күні ішінде өтінімді, сондай-ақ осы Қағидаларға 5-қосымшаға сәйкес құжаттардың тізбесін ұсынады.
Үміткерлер қоса берілген құжаттардың түпнұсқалығы мен дұрыстығы қамтамасыз етеді.";
64-тармақ мынадай редакцияда жазылсын:
"64. Ұйымдастырушы өңірлік деңгейде республикалық комиссияның қарауына үміткерлердің шығармашылық ұсыныстарын және қорытындылардың алдын ала хаттамасының үзінді көшірмесін қоса бере отырып, қорытынды хаттамасы қалыптастырылғанға дейін үш жұмыс күнінен кешіктірмей өтінімдер жібереді.";
көрсетілген Қағидаларға 3-қосымшада бекітілген Республикалық тапсырысқа қатысуға арналған құжаттар тізбесіне орыс тілінде өзгеріс енгізіледі, қазақ тіліндегі мәтін өзгермейді;
көрсетілген Қағидаларға 5-қосымшада бекітілген Өңірлік тапсырысқа қатысуға арналған құжаттар тізбесіне орыс тілінде өзгеріс енгізіледі, қазақ тіліндегі мәтін өзгермейді.
2. "Мемлекеттік ақпараттық саясатты қалыптастыру мәселелері жөніндегі республикалық комиссия туралы ережені бекіту туралы" Қазақстан Республикасы Ақпарат және қоғамдық даму министрінің 2021 жылғы 30 сәуірдегі № 150 бұйрығында (Нормативтік құқықтық актілерді мемлекеттік тіркеу тізілімінде № 22683 болып тіркелген):
кіріспе мынадай редакцияда жазылсын:
"Бұқаралық ақпарат құралдары туралы" Қазақстан Республикасы Заңының 4-6-бабы 3-тармағына сәйкес БҰЙЫРАМЫН:";
көрсетілген бұйрықпен бекітілген Мемлекеттік ақпараттық саясатты қалыптастыру мәселелері жөніндегі республикалық комиссия туралы ережеде:
1 және 2-тармақтар мынадай редакцияда жазылсын:
"1. Осы мемлекеттік ақпараттық саясатты қалыптастыру мәселелері жөніндегі республикалық комиссияның ережесі (бұдан әрі – Ереже) "Бұқаралық ақпарат құралдары туралы" Қазақстан Республикасы Заңының (бұдан әрі – Заң) 4-6-бабы 3-тармағына сәйкес әзірленді.
2. Мемлекеттік ақпараттық саясатты қалыптастыру мәселелері жөніндегі республикалық комиссия (бұдан әрі – Комиссия) өз қызметін Қазақстан Республикасының Конституциясына, Заңның 4-3-бабы 7-1) тармақшасына сәйкес бекітілетін республикалық және өңірлік деңгейлерде мемлекеттік ақпараттық саясатты жүргізу жөніндегі мемлекеттік тапсырысты орналастыру қағидаларына (бұдан әрі – Қағидалар) Қазақстан Республикасы Ақпарат және коммуникациялар министрінің 2017 жылғы 28 ақпандағы № 75 бұйрығымен (Нормативтік құқықтық актілерді мемлекеттік тіркеу тізілімінде № 14886 болып тіркелген) және осы Ережеге сәйкес жүзеге асырады.";
11-тармақ мынадай мазмұндағы 4) тармақшасымен толықтырылсын:
"4) жыл сайын, 5 желтоқсанға дейін орталық мемлекеттік органдардан алдағы жылға арналған тақырыптық бағыттардың сұратады.".
3. "Республикалық деңгейде бұқаралық ақпарат құралдарында мемлекеттік ақпараттық саясатты жүргізу үшін сатып алынатын көрсетілетін қызметтердің құнын айқындау әдістемесін бекіту туралы" Қазақстан Республикасы Ақпарат және қоғамдық даму министрінің 2021 жылғы 14 маусымдағы № 209 бұйрығында (Нормативтік құқықтық актілерді мемлекеттік тіркеу тізілімінде № 23084 нөмірімен тіркелген):
кіріспе мынадай редакцияда жазылсын:
"Бұқаралық ақпарат құралдары туралы" Қазақстан Республикасының Заңы 4-3-бабының 7-2) тармақшасына сәйкес БҰЙЫРАМЫН:";
1-тармақ мынадай редакцияда жазылсын:
"1. Осы Республикалық деңгейде бұқаралық ақпарат құралдарында мемлекеттік ақпараттық саясатты жүргізу үшін сатып алынатын көрсетілетін қызметтердің құнын айқындау әдістемесі (бұдан әрі – Әдістеме), "Бұқаралық ақпарат құралдары туралы" Қазақстан Республикасы Заңының 4-3-бабының 7-2) тармақшасына сәйкес әзірленді және республикалық бюджет есебінен мемлекеттік ақпараттық саясатын жүргізу үшін сатып алынатын бұқаралық ақпарат құралдары көрсететін қызметтерінің құнын алгоритмін айқындайды.";
осы Қағидаларға қосымша Өзгерістер мен толықтыру енгізілетін кейбір бұйрықтардың тізіміне қосымшаға сәйкес жаңа редакцияда жазылсын.
Республикалық деңгейде бұқаралық ақпарат құралдарында мемлекеттік ақпараттық саясатты жүргізу үшін сатып алынатын қызметтердің базалық бағасы
№ | Қызметтердің атауы | Өлшем бірлігі | Базалық бағасы |
1 | 2 | 3 | 4 |
1. | Газетте ақпараттық материалдарды орналастыру (Bn) | см2 | 400 |
2. | Журналда ақпараттық материалдарды орналастыру (Bm) | см2 | 280 |
3. | Интернет-ресурста ақпараттық материалдарды орналастыру (Bi) | символ | 38 |
4. | Ақпараттық-талдамалық бағдарламаларды әзірлеу және орналастыру (Btv) | минута | 39 500 (оның ішінде орналастыру қызметтері 10 000) |
5. | Ток шоуды әзірлеу және орналастыру (Btv) | минута | 46 250 (оның ішінде орналастыру қызметтері 10 000) |
6. | Ойын сауық шоуын әзірлеу және орналастыру (музыкалық, әзіл бағдарламалары) (Btv) | минута | 85 000 (оның ішінде орналастыру қызметтері 10 000) |
7. | Реалити-шоуды әзірлеу және орналастыру (Btv) | минута | 72 500 (оның ішінде орналастыру қызметтері 10 000) |
8. | Телевизиялық бағдарламаларды әзірлеу және орналастыру (Btv) | минута | 60 812* (оның ішінде орналастыру қызметтері 10 000) |
9. | Деректі фильмдерді әзірлеу (Btv) | минута | 187 500 |
10. | Бейнероликті әзірлеу (Btv) | секунда | 22 000 |
11. | Сериалды әзірлеу (Btv) | серия | 8 000 000 |
12. | Радиоарнада ақпараттық бағдарламаларды әзірлеу және орналастыру (Br) | минута | 20 000 |
13. | Радиоарнада аудиороликті әзірлеу және орналастыру(Br) | секунда | 580 |
Ескертпе:
* Егер мемлекеттік ақпараттық тапсырысты қалыптастыру кезінде жанрлар бойынша теледидарлық бағдарламаларды бөлу ескерілмесе, онда теледидарлық бағдарламаларды әзірлеу және орналастыру құны базалық болады (Btv).
