Еуразиялық экономикалық одақтың Кеден кодексінің 104-бабы 4-тармағының 6-тармақшасына, 105-бабының 5-тармағына және 109-бабының 5-тармағына сәйкес Еуразиялық экономикалық комиссия Алқасы шешті:
1. Қосымшаға сәйкес Еуразиялық экономикалық комиссия Алқасының шешімдеріне өзгерістер енгізілсін.
2. Осы Шешім ресми жарияланған күнінен бастап күнтізбелік 30 күн өткен соң күшіне енеді.
|
Еуразиялық экономикалық комиссия Алқасының Төрағасы |
Т. Саркисян |
| Еуразиялық экономикалық комиссия Алқасының 2019 жылғы 2 шілдедегі № 110 шешіміне ҚОСЫМША |
Еуразиялық экономикалық комиссия Алқасының кейбір шешімдеріне енгізілетін ӨЗГЕРІСТЕР
1. Еуразиялық экономикалық комиссия Алқасының "Тасымалдаушы тауарларға арналған декларацияны пайдалана отырып, экспресс-жүк ретінде жеткізетін тауарларды кедендік декларациялау туралы" 2018 жылғы 28 тамыздағы № 142 шешімінде:
а) кіріспеде "105-бабының 5-тармағына және 106-бабының 2-тармағына" деген сөздер "104-бабының 4-тармағының 6-тармақшасына, 105-бабының 5-тармағына, 106-бабының 2-тармағына және 109-бабының 5-тармағына" деген сөздермен ауыстырылсын;
б) 2-тармақтың "б"-тармақшасында:
төртінші абзац мынадай редакцияда жазылсын:
"тауарлардың экспортына және (немесе) импортына автоматты түрде лицензиялау (байқау), тауарларды әкелуге және (немесе) әкетуге сандық шектеулер қолданылатын тауарларға қатысты, сондай-ақ әкелудің және (немесе) әкетудің рұқсат беру тәртібі қолданылатын тауарларға (биологиялық материалдарының үлгілерін қоспағанда (бұдан әрі – биологиялық үлгілер) қатысты, азаматтық мақсаттағы радиоэлектрондық құралдар мен жиілігі жоғары құрылғылардың бірыңғай тізіліміне енгізілген, оның ішінде басқа тауарлардың ішіне орнатылған не құрамына кіретін, Еуразиялық экономикалық одақ аумағына әкелу кезінде лицензия немесе қорытынды (рұқсат беру құжатын) ұсыну талап етілмейтін тауарлар, шифрлау (криптографиялық) құралдарының және құрамында олар болатын тауарлардың сипаттамасы туралы нотификациялардың бірыңғай тізіліміне енгізілген тауарлар);";
бесінші абзац ", қауіпті қалдықтар" деген сөздермен толықтырылсын;
в) 2-тармақ "пайдаланылады деп белгіленсін" деген сөздер "пайдаланылады;" деген сөзбен ауыстырылып, мынадай мазмұндағы "г"-тармақшамен толықтырылсын:
"г) 2020 жылғы 1 ақпанға дейін:
экспресс-тасымалдаушы жеткізетін, кедендік декларациялауы ЭЖТД пайдаланыла отырып жүзеге асырылатын тауарларға қатысты кедендік декларациялауға жазбаша нысанда жол беріледі;
ЭЖТД-ны қағаз жеткізгіштегі құжат түрінде беру кеден органына оны электрондық түрде беруді қажет етпейді деп белгіленсін.".
2. Еуразиялық экономикалық комиссия Алқасының 2018 жылғы 16 қазандағы "Тасымалдаушының кедендік жолаушылар декларациясын пайдалана отырып, экспресс-жүктер ретінде жеткізетін, жеке пайдалануға арналған тауарларды кедендік декларациялау туралы" № 158 шешімінде:
а) кіріспе "105-бабының 5-тармағына" деген сөздерден кейін ",109-бабының 5-тармағына" деген сөздермен толықтырылсын;
б) 2-тармақ "пайдаанылады деп белгіленсін" деген сөздер "пайдаланылады;" деген сөзбен ауыстырылып, мынадай мазмұндағы "г" және "д"-тармақшалармен толықтырылсын:
"г) 2020 жылғы 1 ақпанға дейін экспресс-жүктерге арналған кедендік жолаушылар декларациясын қағаз жеткізгіштегі құжат түрінде беру кеден органына оны электрондық түрде беруді қажет етпейді;
д) Осы шешіммен бекітілген, экспресс-жүктерге арналған кедендік жолаушылар декларациясын электрондық құжат түрінде толтыру қағидалары бөлігіндегі экспресс-жүктерге арналған кедендік жолаушылар декларациясын толтыру тәртібі 2020 жылғы 1 ақпаннан бастап қолданылады деп белгіленсін.".
3. Еуразиялық экономикалық комиссия Алқасының "Кедендік декларациялауы экспресс-жүктерге арналған кедендік жолаушылар декларациясы пайдаланыла отырып жүзеге асырылатын, жеке пайдалануға арналған тауарларға қатысты кедендік баждарды, салықтарды төлеу жөніндегі құжат туралы" 2018 жылғы 20 қарашадағы № 185 шешімінің 2-тармағы "құжат негізінде" деген сөздерден кейін "не кедендік кіріс ордері негізінде – 2020 жылғы 1 ақпанға дейін" деген сөздермен толықтырылсын.
