ЗҚАИ-ның ескертпесі!
Осы бұйрықтың қолданысқа енгізілу тәртібін 2-т. қараңыз.
Еуразиялық экономикалық одақтың Кеден кодексінің 434-бабының 1-тармағына сәйкес Еуразиялық экономикалық комиссия Алқасы шешті:
1. Қосымшаға сәйкес Еуразиялық экономикалық комиссия Алқасының 2017 жылғы 26 қыркүйектегі "Уәкілетті экономикалық операторлар тізіліміне кіргізу жайындағы өтініш туралы" № 128 шешіміне өзгерістер енгізілсін.
2. Осы Шешім ресми жарияланған күнінен бастап күнтізбелік 30 күн өткен соң күшіне енеді.
|
Еуразиялық экономикалық комиссия Алқасының Төрағасы |
М. Мясникович |
| Еуразиялық экономикалық комиссия Алқасының 2022 жылғы 10 наурыздағы № 36 шешіміне ҚОСЫМША |
Еуразиялық экономикалық комиссия Алқасының 2017 жылғы 26 қыркүйектегі № 128 шешіміне енгізілетінӨЗГЕРІСТЕР
1. Көрсетілген Шешіммен бекітілген Уәкілетті экономикалық операторлар тізіліміне кіргізу жайындағы өтініш нысанында:
бірінші жолдың жоласты мәтіні мынадай редакцияда жазылсын:
(өтініш берушінің құрылтай құжаттарына сәйкес толық және қысқаша (бар боған кезде) атауы, өтініш берушінің ағылшын тіліндегі атауы, өтініш берушінің тілегі бойынша - орналасқан жері, электрондық пошта мекенжайы, телефонмен байланысу нөмірлері)";
2-графадағы 10-тармақтағы І бөлімде "өтініш берушінің" деген сөздер "тізілімге кіруден үміткер заңды тұлға" деген сөздермен ауыстырылсын;
2-графадағы 10-тармақтағы ІІІ бөлімде "тізілімге кіруден үміткер заңды тұлға" деген сөздер "өтініш берушінің" деген сөздермен ауыстырылсын;
2-графадағы 1-тармақтағы "тізілімге кіруден үміткер заңды тұлға" деген сөздер "өтініш берушінің" деген сөздермен ауыстырылсын;
Кестеден кейін "(өтініш берушінің қойылған қолы)" деген сөздер "(өтініш берушінің басшысының қойылған қолы)" деген сөздермен ауыстырылсын, "(өтініш берушінің Т.А.Ә.)" деген сөздер "(өтініш берушінің басшысының Т.А.Ә.)" деген сөздермен ауыстырылсын;
Қол қойылған күн көрсетілген жолдан кейін мынадай мазмұндағы ескертпемен толықтырылсын:
"Ескертпе. Өтініш берушінің тілегі бойынша өтініштің сыртқы жағында өтінішті құраушы адамның аты-жөні, тегі, телефонмен байланысу нөмірі көрсетілуі мүмкін".
2. Көрсетілген Шешіммен бекітілген уәкілетті экономикалық операторлар тізіліміне кіргізу жайындағы өтініш нысанын толтыру тәртібінде:
а) 1-тармақ мынадай редакцияда жазылсын:
"1. Уәкілетті экономикалық операторлар тізіліміне кіргізу жайындағы өтініште (бұдан әрі – тиісінше өтініш, тізілім):
тізілімге кіруден үміткер заңды тұлғаның (бұдан әрі - өтініш беруші) құрылтай құжаттарына сәйкес толық және қысқаша (бар болған кезде) атауы;
өтініш берушінің ағылшын тіліндегі атауы;
орналасқан жері, электрондық пошта мекенжайы, телефонмен байланысу нөмірлері (өтініш берушінің тілегі бойынша);
Еуразиялық экономикалық одаққа мүше мемлекеттің (бұдан әрі - мүше мемлекет) салық органы (мемлекеттік кірістер органы) берген нөмірі көрсетіледі.
б) 9-тармақтың екінші абзацы мынадай мазмұндағы абзацтармен ауыстырылсын:
"Бұл ретте өтініш беруші кестенің 3-графасында:
Еуразиялық экономикалық комиссия Алқасының 2019 жылғы 2 сәуірдегі №53 шешімімен бекітілген жеке басты куәландыратын құжаттардың түрлерінің сыныптауышына сәйкес жеке басты куәландыратын құжат түрінің кодын;
әлем елдерінің сыныптауышына сәйкес (Еуразиялық экономикалық комиссия Алқасының 2010 жылғы 20 қыркүйектегі №378 шешіміне № 22 қосымша) жеке басты куәландыратын құжатты берген уәкілетті орган елінің (өңірдің немесе елдің бір бөлігінің) кодын;
жеке басты куәландыратын құжаттың сериясын, нөмірі мен берілген күнін, сәйкестендіру нөмірін (бар болған кезде);
тіркеу мекенжайын (тұрғылықты жерін) және (немесе) жеке басты куәландыратын құжаттарға сәйкес уақытша болу орнын (Ресей Федерациясы үшін) қосымша көрсетеді.".
