Ескерту. Күші жойылды - ҚР Үкіметінің 31.03.2015 № 168 қаулысымен.
«Қазақстан Республикасын үдемелі индустриялық-инновациялық дамыту жөніндегі 2010 - 2014 жылдарға арналған мемлекеттік бағдарлама және Қазақстан Республикасы Президентінің кейбір жарлықтарының күші жойылды деп тану туралы» Қазақстан Республикасы Президентінің 2010 жылғы 19 наурыздағы № 958 Жарлығына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған «Бизнестің жол картасы 2020» бағдарламасы (бұдан әрі - Бағдарлама) бекітілсін.
2. Орталық және жергілікті атқарушы органдар мен өзге де ұйымдар Бағдарламаны іске асыру жөнінде шаралар қабылдасын.
3. Жергілікті атқарушы органдар ай-сайын, есептіден кейінгі айдың 15-күніне Қазақстан Республикасы Экономикалық даму және сауда министрлігіне Бағдарлама іс-шараларының орындалу барысы туралы жиынтық ақпарат, оның ішінде Бағдарламаны іске асыру шеңберінде бөлінетін қаражаттың пайдаланылуы туралы жиынтық ақпарат берсін.
4. Осы қаулының орындалуын бақылау Қазақстан Республикасы Экономикалық даму және сауда министрлігіне жүктелсін.
5. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2010 жылғы 13 сәуірдегі
№ 301 қаулысымен
бекітілген
«Бизнестің жол картасы 2020» бағдарламасы
Ескерту. Мәтін бойынша «Назарбаев Университеті» акционерлік қоғамының» деген сөздер «Назарбаев Университеті» дербес білім беру ұйымының» деген сөздермен ауыстырылды; «Назарбаев Университеті» АҚ» деген сөздер «Назарбаев Университеті» ДБҰ» деген сөздермен ауыстырылды - ҚР Үкіметінің 2011.06.09 N 647 Қаулысымен.
1. Бағдарламаның паспорты
РҚАО-ның ескертпесі!
1-бөлімге өзгерту енгізу көзделген - ҚР Үкіметенің 2010.07.13 № 711 Қаулысымен (жариялануға жатпайды).
Ескерту. 1-бөлімге өзгерістер енгізілді - ҚР Үкіметінің 2010.10.26 № 1111 (алғашқы рет ресми жарияланған күнінен бастап күнтізбелік 10 күн өткен соң қолданысқа енгізіледі), 2010.12.31 N 1520 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2011.01.21 N 26 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2011.07.11 N 784, 2012.03.27 N 357; 17.05.2013 N 498 қаулыларымен.
Бағдарламаның «Бизнестің жол картасы 2020» бағдарламасы
атауы
Әзірлеу үшін «Қазақстан Республикасын үдемелі индустриялық-
негіздеме инновациялық дамыту жөніндегі 2010 - 2014
жылдарға арналған мемлекеттік бағдарлама және
Қазақстан Республикасы Президентінің кейбір
жарлықтарының күші жойылды деп тану туралы»
(бұдан әрі - Мемлекеттік бағдарлама) Қазақстан
Республикасы Президентінің 2010 жылғы 19
наурыздағы № 958 Жарлығы
Әзірлеуші Қазақстан Республикасы Өңірлік даму министрлігі
Бағдарламаның Қазіргі тұрақты жұмыс орындарын сақтап қалу
мақсаты және жаңаларын құру, сондай-ақ экономиканың
шикізаттық емес секторларында өңірлік
кәсіпкерліктің орнықты және теңгерімді өсуін
қамтамасыз ету
Бағдарламаның 1. Жаңа бизнес-бастамаларды қолдау
міндеттері 2. Кәсіпкерлік секторды сауықтыру
3. Кәсіпкерлердің валюталық тәуекелдерін
төмендету
4. Кәсіпкерлік әлеуетті күшейту
Іске асыру 2010 - 2020 жылдар
мерзімі
Нысаналы Бағдарламада қойылған міндеттерді іске асыру
индикаторлары мақсатында мынадай нысаналы индикаторларға қол
жеткізілетін болады:
кредиттерді жалпы сомасы кемінде 400 млрд.
теңгеге арзандату;
2015 жылға:
ЖІӨ-нің құрылымындағы өңдеуші өнеркәсіптің
үлесін кемінде 12,5 %-ға ұлғайту;
жалпы экспорт көлемдегі шикізат емес сектордың
үлесін кемінде 40 %-ға ұлғайту;
шикізат емес экспорттың көлемін өңдеуші
өнеркәсіптің жиынтық өндіріс көлемінің кемінде
43 %-ына ұлғайту;
өңдеуші өнеркәсіптегі еңбек өнімділігін кемінде
1,5 есеге ұлғайту
Қаржыландыру Республикалық бюджетте «Бизнестің жол картасы
көздері мен көлемі 2020» бағдарламасын іске асыруға:
2010 - 15,4 млрд. теңге;
2011 - 28,3 млрд. теңге;
2012 - 36,6 млрд. теңге;
2013 - 39,1 млрд. теңге;
2014 - 34,9 млрд. теңге;
2015 - 34,2 млрд. теңге көзделген.
2. Кіріспе
РҚАО-ның ескертпесі!
2-бөлімге өзгерту енгізу көзделген - ҚР Үкіметенің 2010.07.13 № 711; 2010.08.03 № 783 (жариялануға жатпайды); 2010.12.31 N 1520 қаулыларымен.
Ескерту. 2-бөлімге өзгерістер енгізілді - ҚР Үкіметінің 2010.10.26 № 1111 (алғашқы рет ресми жарияланған күнінен бастап күнтізбелік 10 күн өткен соң қолданысқа енгізіледі), 2010.12.31 N 1520 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2011.01.21 N 26 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2011.07.11 N 784, 2012.03.27 N 357, 2012.04.28 N 541; 17.05.2013 N 498; 31.12.2013 N 1596 (алғашқы ресми жарияланған күнінен бастап қолданысқа енгізіледі); 11.07.2014 № 790, 31.03.2014 № 279 (01.01.2015 бастап қолданысқа енгізіледі) қаулыларымен.
«Бизнестің жол картасы 2020» бағдарламасы (бұдан әрі - Бағдарлама) Қазақстан Республикасы Президентінің «Жаңа онжылдық - жаңа экономикалық өрлеу - Қазақстанның жаңа мүмкіндіктері» атты Қазақстан халқына Жолдауын және Қазақстанның 2020 жылға дейінгі Стратегиялық даму жоспарын іске асыру үшін әзірленді.
Бағдарлама Мемлекеттік бағдарламаны іске асыру тетіктерінің бірі болып табылады.
Бағдарлама 2009 және 2010 жылдардағы жол карталарын іске асырудың қисынды жалғасы болып табылады, бұл ретте дағдарыстан кейінгі дамуға, қазіргі тұрақты жұмыс орындарын сақтап қалуға және жаңаларын құруға мән беріледі.
Бағдарламаны іске асыру шеңберінде:
жобаларды іріктеуді және қаржыландыру (қайта қаржыландыру) жөніндегі шешімді екінші деңгейдегі банктер (бұдан әрі — банктер) және "Қазақстанның Даму Банкі және/немесе оның аффилирленген лизингтік компаниясы" акционерлік қоғамы (бұдан әрі – Даму банкі) және лизингтік компаниялар (бұдан әрі – лизингтік компаниялар) Бағдарламада белгіленген шарттарға сәйкес дербес қабылдайды;
Бағдарлама шеңберінде ұйымдардың үлестерін, акцияларын, сондай-ақ мүліктік кешен ретінде кәсіпорындарды сатып алуға бағытталған кредиттер субсидияланбайды;
уәкілетті мемлекеттік орган мен арнайы белгіленген комиссиялар және кеңестер арқылы мемлекет субсидиялау, кепілдік беру, гранттар беру және (немесе) мемлекеттік қолдаудың басқа да шараларын ұсыну мүмкіндігі жөнінде шешім қабылдайды;
Бағдарламаны іске асыру шеңберінде мемлекет тарапынан барлық келісулерді «жалғыз терезе» қағидаты бойынша Бағдарламаның өңірлік үйлестірушілері орындайтын болады.
Қазақстан Республикасы резиденттерінің қатарынан қазіргі жұмыс орындарын сақтап қалу және жаңаларын құру Бағдарлама шарттарының бірі болып табылады.
Осы кәсіпорынды сауықтыруға/дамытуға, жаңғыртуға бағытталған инвестициялық бағдарламасы бар жобаларды қоспағанда, ұйымдардың үлестерін, акцияларын, сондай-ақ мүліктік кешен ретінде кәсіпорындарды сатып алуға бағытталған қарыздарды субсидиялауға тыйым салынады.
Жеке кәсіпкерлік субъектісіне (бұдан әрі - кәсіпкерге) Бағдарламаның барлық құралдары шеңберінде кешенді қолдау көрсетілуі мүмкін.
Мынадай:
1) кредиторы, Даму Банкін қоспағанда, мемлекеттік даму институттары болып табылатын;
2) алып тасталды - ҚР Үкіметінің 11.07.2014 № 790 қаулысымен;
3) алып тасталды - ҚР Үкіметінің 11.07.2014 № 790 қаулысымен;
4) Тұрақтандыру және дағдарысқа қарсы бағдарламаларды қоспағанда, басқа мемлекеттік бағдарламалар шеңберінде субсидиялау және кредиттеу түріндегі мемлекеттік қолдау алушы (алған) кәсіпкерлердің кредиттері;
5) овердрафт түріндегі кредиттер/Қаржылық лизинг шарттары субсидиялауға жатпайды.
Шағын және орта бизнес субъектілері үшін кредиттік ресурстардың құнын төмендету және шағын және орта бизнес субъектілеріне кредиттік ресурстарды берудің қолжетімділігі мен жеделдігін ұлғайту мақсатында Даму Банкі берген кредиттерді/қаржы лизинг шарттарын қоспағанда, банктердің/лизингтік компаниялардың ұйымдастырушылық-техникалық мүмкіндіктерін тарту жолымен қаржы агенті арқылы халықаралық қаржы институттарының кредиттік ресурстарын тарту жөнінде шаралар қабылданатын болады.
Тұрақтандырушы және дағдарысқа қарсы бағдарламалар шеңберінде банктер/Даму Банкі/лизингтік компаниялар арқылы мемлекеттік қаржылық қолдау алатын кәсіпкерлер Бағдарламаға қатысушылар болып табылуы мүмкін.
Жергілікті атқарушы органдар аумақтарды дамыту бағдарламаларын әзірлеу кезінде осы Бағдарламаның ережелерін ескеретін болады.
Жұмыс органы – Қазақстан Республикасы Өңірлік даму министрлігінің «Кәсіпкерлікті дамыту комитеті» мемлекеттік мекемесі.
Шекара маңындағы аумақтар – тараптардың әкімшілік-аумақтық құрылымдарының тараптардың мемлекеттік шекарасына іргелес жатқан және олардың ұлттық заңнамасына немесе олар қатысушылары болып табылатын халықаралық шарттарға сәйкес осындайлар ретінде айқындалатын аумақтары немесе аумақтарының бір бөлігі.
Мақсаттарға, нысаналы индикаторларға, міндеттерге, нәтижелер көрсеткіштеріне қол жеткізу үшін жауапты мемлекеттік және өзге де органдар мен ұйымдар және Бағдарламада пайдаланылатын терминдер:
Мемлекеттік комиссия - «Қазақстан Республикасының экономикасын жаңғырту жөніндегі шаралар туралы» Қазақстан Республикасы Президентінің 2007 жылғы 13 сәуірдегі Жарлығымен бекітілген Қазақстан Республикасының экономикасын жаңғырту мәселелері жөніндегі мемлекеттік комиссия;
білім беру мекемесі - бизнес-тренингтер жүргізу арқылы басшы қызметкерлер мен менеджерлердің біліктілігін арттыру жөнінде қызметтер көрсететін ғылыми ұйым және "Іскер байланыстар" жобасына қатысушылардың шет елдерде тағылымдамадан өтуін консультациялық сүйемелдеу;
өңірлік үйлестіру кеңесі - облыстардың, Алматы және Астана қалаларының әкімдері құратын және басқаратын жергілікті атқарушы органдардың, банктердің, кәсіпкерлер бірлестіктерінің, салалық қауымдастықтардың өкілдері және тәуелсіз сарапшылар қатысатын консультативтік-кеңесші орган (бұдан әрі - ӨҮК);
уәкілетті орган – Қазақстан Республикасы Өңірлік даму министрлігі;
Бағдарламаның өңірлік үйлестірушісі - облыстық деңгейде (астана, республикалық маңызы бар қала)/өңірлік деңгейде Бағдарламаны іске асыруға жауапты, облыстың (астананың, республикалық маңызы бар қаланың) әкімі айқындайтын жергілікті атқарушы органның құрылымдық бөлімшесі;
Бағдарламаның жергілікті үйлестірушісі - қалада немесе аудандық деңгейде Бағдарламаны іске асыруға жауапты, облыс әкімі айқындайтын қаланың/ауданның құрылымдық бөлімшесі;
қаржы агенті – «Даму» кәсіпкерлікті дамыту қоры» АҚ Бағдарлама шеңберінде:
сыйақы ставкасын субсидиялау шеңберінде Банктерге/Даму Банкіне/Лизингтік компанияларға қаржылай қаражат аудару;
Бағдарлама шеңберінде кредиттерге кепілдік беру;
борышкерлер бойынша Мемлекеттік комиссия мен Жұмыс тобының отырыстарына ұсынылатын материалдар жөнінде ұсынымдар тұжырымдау;
Бағдарламаның іске асырылуын мониторингілеу;
субсидиялаудың іске асырылуын мониторингілеу;
кепілдік берудің іске асырылуын мониторингілеу;
грант берудің іске асырылуын мониторингілеу;
Бағдарламаның іске асырылуын мониторингілеу жөніндегі функцияларды жүзеге асырады.
кредиторлар комитеті - Қазақстан қаржыгерлер қауымдастығы әрбір жеке борышкер үшін кредитор банктердің өкілдерінен қалыптастыратын комиссия;
өтінім беруші - Бағдарламаға қатысуға өтінім берген және инвестициялық жобаны Бағдарлама шеңберінде іске асыруға мүдделі кәсіпкер;
қатысушы - Бағдарлама шеңберінде мемлекеттік қолдау көрсету бойынша банктің/Даму Банкінің/лизингтік компанияның, өңірлік үйлестіру кеңесінің немесе мемлекеттік комиссияның жұмыс тобының ұсынысы бойынша оң шешімі бар кәсіпкер;
борышкер - кредит(тер)/қаржы лизингі шарты(тары) және басқа да міндеттемелер бойынша міндеттемелерді төлеу бойынша қиындыққа ұшыраған кәсіпкер.
Тұрақтандыру және дағдарысқа қарсы бағдарламалар, мемлекеттік бағдарламалар және Қазақстан Республикасы Үкіметінің:
«Қазақстан Республикасының әлеуметтік-экономикалық дамуының тұрақтылығын қамтамасыз ету жөніндегі бірінші кезектегі іс-қимылдар жоспарын бекіту туралы» 2007 жылғы 6 қарашадағы № 1039;
«Қазақстан Республикасы Үкіметінің, Қазақстан Республикасы Ұлттық Банкінің және Қазақстан Республикасы Қаржы нарығын және қаржы ұйымдарын реттеу мен қадағалау агенттігінің Экономиканы және қаржы жүйесін тұрақтандыру жөніндегі 2009-2010 жылдарға арналған бірлескен іс-қимыл жоспары туралы» 2008 жылғы 25 қарашадағы № 1085 қаулыларын асыру шеңберінде іске асырылатын іс-шаралар.
3. Ағымдағы жағдайды талдау
Мемлекеттік бағдарламада экономиканы әртараптандыруды және бәсекеге қабілеттілігінің өсуін қамтамасыз ететін оның шикізат емес секторларын жедел дамыту көзделіп отыр.
Бұл ретте экономиканың экспортқа бағдарланған дәстүрлі секторларындағы ұлттық холдингтер, отын-энергетика кешенінің және металлургия өнеркәсібінің жүйе құраушы компаниялары бастамашылары болып табылатын ірі инвестициялық жобаларды іске асырумен қатар, шағын және орта кәсіпорындардың экспортқа бағдарлануын дамыту перспективасымен қазіргі заманғы өндірістер құру үшін оларды дамыту Мемлекеттік бағдарламаның басымдығы болып табылады.
Шағын және орта кәсіпкерлік халық шаруашылығын дамытуға, әлеуметтік проблемаларды шешуге, жұмыспен қамтылған қызметкерлер санын ұлғайтуға айтарлықтай әсер етеді. Жұмыс істейтіндердің саны бойынша, өндірілетін және сатылатын тауарлардың, орындалатын жұмыстар мен қызметтердің көлемі бойынша шағын және орта кәсіпкерлік субъектілері жекелеген облыстарда жетекші рөл атқарады. Сондықтан кәсіпкерлікті мемлекеттік қолдау проблемасы қазіргі уақытта өте өзекті болып табылады. Қалыптасқан жағдайда мемлекет пен бизнестің әріптестігі негізінде кәсіпкерлік қаржылай және қаржылай емес қолдаудың экономиканың экспортқа бағдарланған шикізат емес секторларын дамытуды ынталандыруға бағытталған саясатын қайта қарау талап етіледі.
Осыған байланысты кредиттерге кепілдік беру және кредиттер бойынша пайыздық ставкаларды субсидиялау сияқты құралдар айтарлықтай танымал және экономиканың қандай да бір секторын дамыту мен қолдау мақсатында қолданылады. Бұл құралдар коммерциялық банктердің кредиттік және ілеспе тәуекелдер себебінен экономиканың қандай да бір секторына салуға асықпай отырған едәуір қаржы қаражатын тартуға мүмкіндік береді.
Шағын, орта және ірі кәсіпкерліктің теңгерімсіздігіне жол бермеу мақсатында шағын және орта кәсіпкерлікті, оның ішінде өңірлік кәсіпкерлікті дамыту есебінен мемлекеттік қолдауды күшейту қажет.
Кәсіпкерлерге мемлекеттік қолдау көрсетудің бұл құралдары бюджет заңнамасын жетілдіру шеңберінде өзгерістер мен толықтырулар енгізілген «Жеке кәсіпкерлік туралы» Қазақстан Республикасының Заңында көзделген.
Жаңа өндірістерді дамытуда кәсіпкерліктің бірінші кезекте, шағын және орта кәсіпкерліктің бастамаларын тежейтін негізгі проблемалар:
қаржыландыруға қол жеткізу және қарыз алу құнының жоғары болуы;
индустриялық инфрақұрылымның дамымауы;
кәсіпкерлікті қолдау инфрақұрылымының дамымауы.
Бұдан басқа, осының алдындағы жылдары құрылған кәсіпорындарда үлкен борыштық жүктемелер сақталып отыр, бұл олардың инвестициялық белсенділігін шектейді.
Мемлекет шикізат емес сектордың экспортына толық қолдау көрсетпейді, ал жаһандану және халықаралық қатаң бәсекелестік жағдайларында экономиканың шикізат емес секторларында экспортқа бағдарланған кәсіпорындар құру, көбінесе, мемлекеттің ынталандыру шараларының көмегімен жүргізілетінін әлемдік тәжірибе көрсетіп отыр.
Әлемдік тәжірибе нарықтық экономикасы дамыған елдерде шағын және орта кәсіпкерлікке мемлекеттің барынша қолдау жасайтынын айғақтайды.
Германияда кредит берудің мынадай жеңілдікті шарттары көзделген:
темен пайыздық ставка (әдетте, кредит берудің бүкіл мерзіміне);
кредит берудің ұзақ мерзімі (көбінесе 10 жыл, оның үстіне кәсіпорын кем дегенде алғашқы екі жылда кез келген төлемдерден босатылады);
алынған сомаларды кез келген уақытта қайтару мүмкіндігі (көпшілік жағдайда қосымша төлемдерсіз);
үлестік қаржыландыру (мемлекет қаражаты есебінен инвестициялық жобаның белгілі бір бөлігіне ғана қолданылады, мысалы 50 %. Қалған жағдайда жоба инвестордың өз қаражаты немесе басқа қарыз қаражаты есебінен қаржыландырылуы тиіс).
Шағын және орта кәсіпорындарды қолдау үшін Сингапурда бүкіл елге ортақ Sprind агенттігі құрылған. Ол кәсіпкерлерге көмек көрсетудің 100-ге жуық әртүрлі бағдарламасын жүзеге асырады. Өз бизнесін жаңа бастап жатқан шағын және орта кәсіпорындарға ғана ерекше жеңілдіктер беріледі. Сингапурда шағын және орта бизнес кәсіпорындарына жеңілдікпен кредит берудің әртүрлі бағдарламалары әзірленіп, енгізілген. Бұл арнайы қарыздар беру, кредиттерді сақтандыру және субсидиялар бөлу.
Жоғарыда жазылғандарға байланысты Бағдарламаны іске асыру шеңберінде кәсіпкерлерді қолдаудың субсидиялау және кредиттерге кепілдік беру, сервистік қолдау, өндірістік инфрақұрылым жүргізу және кадрлар даярлау сияқты құралдарын Қазақстан Республикасы жағдайына бейімдеу және пайдалану ұйғарылып отыр.
4. Бағдарламаны іске асырудың мақсаты, міндеттері, нысаналы
индикаторлары мен нәтижелері 4.1 Бағдарламаның мақсаты
Ескерту. 4-1-кіші бөлім жаңа редакцияда - ҚР Үкіметінің 2010.10.26 № 1111 (алғашқы рет ресми жарияланған күнінен бастап күнтізбелік 10 күн өткен соң қолданысқа енгізіледі) Қаулысымен.
Қазіргі тұрақты жұмыс орындарын сақтап қалу және жаңаларын құру, сондай-ақ экономиканың шикізаттық емес секторларында өңірлік кәсіпкерліктің орнықты және теңгерімді өсуін қамтамасыз ету.
4.2 Нысаналы индикаторлары
Ескерту. 4-2-кіші бөлімге өзгеріс енгізілді - ҚР Үкіметінің 2012.03.27 N 357 Қаулысымен.
Нысаналы индекаторлар:
жалпы сомасы кемінде 400 млрд. теңге болатын кредиттерді арзандату;
2015 жылға:
ЖІӨ құрылымындағы өңдеу өнеркәсібінің үлесін кемінде 12,5 %-ға ұлғайту;
экспорттың жалпы көлеміндегі шикізат емес экспорт үлесін кемінде 40 % деңгейіне дейін ұлғайту;
шикізат емес экспорт көлемін өңдеу өнеркәсібінің жиынтық өндірісі көлемінің кемінде 43 %-ы деңгейіне дейін ұлғайту;
өңдеу өнеркәсібіндегі еңбек өнімділігін кемінде 1,5 есеге ұлғайту.
2020 жылға дейін индикаторлардың сандық көрсеткіштері кейіннен Бағдарламаға толықтырулар енгізіле отырып, Бағдарламаның бірінші кезеңін іске асыру нәтижелері бойынша айқындалады.
4.3 Міндеттері
РҚАО-ның ескертпесі!
4.3-бөлімге өзгерістер енгізу көзделген - ҚР Үкіметенің 2010.07.13 № 711, 2010.08.03 № 783 (жариялануға жатпайды) қаулысымен.
Ескерту. 4-3-кіші бөлімге өзгерістер енгізілді - ҚР Үкіметінің 2010.10.26 № 1111 (алғашқы рет ресми жарияланған күнінен бастап күнтізбелік 10 күн өткен соң қолданысқа енгізіледі), 2010.12.31 N 1520 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2011.01.31 N 63 (2011.01.01 бастап қолданысқа енгізіледі), 2011.07.11 N 784, 2012.04.28 N 541, 2012.09.12 N 1190 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 17.05.2013 N 498; 31.12.2013 N 1596 (алғашқы ресми жарияланған күнінен бастап қолданысқа енгізіледі); 11.07.2014 № 790, 31.03.2014 № 279 (01.01.2015 бастап қолданысқа енгізіледі) қаулыларымен.
Бағдарламаны іске асыру шеңберінде міндеттерді шешу мынадай төрт бағыт бойынша жүзеге асырылады:
1) жаңа бизнес-бастамаларды қолдау;
2) кәсіпкерлік секторды сауықтыру;
3) Кәсіпкерлердің валюталық тәуекелдерін төмендету;
4) Кәсіпкерлік әлеуетті күшейту.
Қойылған міндеттерді шешу мақсатында уәкілетті орган нормативтік құқықтық базаны жетілдіру жөнінде шаралар қабылдайды.
Бағдарламаны іске асыру Бағдарламаға қосымша болып табылатын іс-шаралар жоспарына сәйкес жүзеге асырылатын болады.
Уәкілетті орган Бағдарламаның бірінші, үшінші және төртінші бағыттарын іске асыру мақсатында жергілікті бюджетке нысаналы трансферт беруді жүзеге асырады және әрбір облыс, астана, республикалық маңызы бар қала үшін қаржыландырудың жалпы лимитін айқындайды.
Бағдарламаның өңірлік үйлестірушілері Бағдарламаны іске асырудың бірінші және үшінші бағыттары бойынша қаржыландырудың жалпы лимитін бөледі және оны Уәкілетті органмен келіседі.
Уәкілетті орган мен облыстар, Алматы және Астана қалалары әкімдерінің арасында мына:
өңірдің шикізат емес экспортының көлемін ұлғайту;
өңірде құрылатын жұмыс орындарының саны;
өңір экономикасының шикізат емес секторында еңбек өнімділігінің өсуі;
мемлекеттік бюджетке түсетін түсімдердің ұлғаюы бойынша нәтижелер туралы үлгі келісімдер жасалады.
Бағдарламаны іске асырудың екінші бағыты бойынша қаржыландыру лимиті өңірлер бойынша бөлінбейді.
Бағдарлама шеңберінде субсидиялау мен кепілдендіруге бөлінген және қаржы жылының қорытындылары бойынша Қаржы агенті пайдаланбаған қаражат кезекті қаржы жылы жобаларды субсидиялауға және/немесе кепілдендіруге, оның ішінде кезекті қаржы жылы мақұлданған жобаларға пайдаланылуы мүмкін.
Кеден одағы елдерінің кәсіпкерлік әлеуетін жұмылдыру Қазақстан Республикасының шекара маңындағы ресурстық әлеуеті және Ресей Федерациясы мен Беларусь Республикасының резиденттері бірлесіп қатысатын кәсіпорындар құру қажеттігі бар аумақтарында қаржылық және қаржылық емес қолдау шараларын ұсыну арқылы жүзеге асырылады.
Қаржылық және қаржылық емес қолдау шараларын ұсыну жобаларын Қазақстан Республикасының аумағында іске асыратын, Кеден одағына қатысушы елдер кәсіпкерлерінің қатысуымен жаңадан құрылған және штат санының кемінде 80 %-ына Қазақстан Республикасының азаматтарын жалдауды қамтамасыз ететін Қазақстан Республикасының резиденттері – жеке кәсіпкерлік субъектілеріне жүзеге асырылады.
Қазақстан Республикасының шекара маңындағы аумақтарында жеке кәсіпкерлік субъектілеріне қаржылық және қаржылық емес қолдау шараларын ұсыну мынадай бағыттар бойынша жүзеге асырылады:
1) өндірістер/көрсетілетін қызметтер кәсіпорындарын құру үшін Кеден одағына қатысушы елдердің кәсіпкерлік әлеуетін тарту;
2) жобаларын экономиканың басым секторларында іске асыратын жеке кәсіпкерлік субъектілерінің санын ұлғайту;
3) тауарлардың Кеден одағының шегінен тыс экспортын ұлғайту және бәсекелес орта құру үшін шекара маңындағы аумақтарда өндірістерді/көрсетілетін қызметтер кәсіпорындарын кеңейту;
4) жобаларын шекара маңындағы аумақтарда іске асыратын жеке кәсіпкерлік субъектілерінің бизнесін кеңейту.
Жоғарыда көрсетілген бағыттарды іске асыру мақсатында Қазақстан Республикасының шекара маңындағы аумақтарында жеке кәсіпкерлік субъектілерін қолдаудың Бағдарламада көзделген құралдары қолданылатын болады.
Бірінші бағыт: жаңа бизнес бастамаларды қолдау
Ескерту. Кіші бөлімге өзгерістер енгізілді - ҚР Үкіметінің 2010.12.31 N 1520 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2011.07.11 N 784, 2011.12.01 N 1424 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2012.03.27 N 357, 2012.04.28 N 541, 2012.09.12 N 1190 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 17.05.2013 N 498; 31.12.2013 N 1596 (алғашқы ресми жарияланған күнінен бастап қолданысқа енгізіледі); 11.07.2014 № 790, 31.03.2014 № 279 (01.10.2014 бастап қолданысқа енгізіледі) қаулыларымен.
Бағдарламаны іске асырудың бірінші бағыты кәсіпкерлердің жобаларын іске асыру кезінде мемлекеттік қолдау көрсетуді көздейді.
Бағдарламаны іске асырудың бірінші бағытының шеңберінде мемлекеттік қолдау мыналарды қамтиды:
жобаларды іске асыру үшін Банктердің/Даму Банкінің/Лизингтік компаниялардың кредиттері/Қаржы лизингі шарттары бойынша номиналды сыйақы ставкасын субсидиялау;
Банктердің/Даму Банкінің жобаларды іске асыруға бағытталған кредиттері бойынша ішінара кепілдік беру;
өндірістік (индустриялық) инфрақұрылымды дамыту;
мемлекеттік гранттар беру.
Ісін жаңа бастаған жас кәсіпкерлерге арналған кредиттер бойынша кепілдік беру құралдарын қоспағанда, Бағдарламаға 1-қосымшаға сәйкес (Қазақстан Республикасы Индустрия және сауда министрлігі Техникалық реттеу және метрология комитеті төрағасының 2007 жылғы 14 желтоқсандағы № 683-од бұйрығымен бекітілген (экономикалық қызмет түрлерінің жалпы жіктеуішіне (бұдан әрі – ЭҚЖЖ) сәйкес) экономиканың басым секторларында инвестициялық жобаларды іске асыратын және (немесе) іске асыруды жоспарлайтын кәсіпкерлер Бағдарламаның бірінші бағытына қатысушылар бола алады.
Жобалар бойынша субсидиялау/кепілдік беру экономиканың басым секторлары шеңберінде (Бағдарламада көзделген) жүзеге асырылады.
Моноқалаларда, шағын қалаларда, сондай-ақ олардың әкімшілік бағынысындағы елді мекендерде жобалар бойынша субсидиялау/кепілдік беру салалық шектеулерсіз жүзеге асырылады.
Жобаларын экономикалық өсу орталықтарында және олардың әкімшілік бағыныстағы аумақтарында орналасқан елді мекендерде іске асыратын кәсіпкерлер Бағдарламаның бірінші бағытының қатысушылары болып табылады.
Жоба ӨҮК-ке шығарылғанға дейін бір жыл ішінде Банктер/Даму Банкі/Лизингтік компаниялар берген қарыздарды/Қаржы лизингі шарттарын қайта қаржыландыруға бағытталған және Бағдарламаның бірінші бағытының өлшемдеріне сәйкес келетін кредиттер/лизингтік мәмілелер де субсидиялауға жатады.
Банктердің/Даму Банкінің/Лизингтік компаниялардың кредиттері/Қаржы лизингі шарттары бойынша сыйақы ставкасын субсидиялау
Экономиканың басым секторларында сыйақы ставкасын субсидиялау шарттары
Ескерту. Тақырып жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
Ескерту. Кіші бөлім жаңа редакцияда - ҚР Үкіметінің 2012.03.27 N 357, өзгерістер енгізілді - ҚР Үкіметінің 2012.04.28 N 541; 17.05.2013 N 498; 31.12.2013 N 1596 (алғашқы ресми жарияланған күнінен бастап қолданысқа енгізіледі) қаулыларымен.
Банктердің/Даму Банкінің/лизингтік компанияның сыйақы ставкаларын субсидиялау жаңа инвестициялық жобаларды, сондай-ақ өндірісті жаңғыртуға және кеңейтуге бағытталған жобаларды іске асыру үшін берілетін жаңа кредиттер/қаржы лизингі шарттар бойынша жүзеге асырылады.
Сыйақы ставкасын субсидиялау жүзеге асырылатын кредиттің/Қаржы лизингі шартының сомасы бір кәсіпкер үшін 4,5 млрд. теңгеден аспауы тиіс және онымен үлестес тұлғалардың/компаниялардың кредиті/Қаржы лизингі шарты бойынша берешегі есепке алынбай есептеледі.
750 млн. теңгеден 4,5 млрд. теңгеге дейінгі кредиттер/Қаржы лизингі шарттары бойынша сыйақы ставкасын субсидиялау қолданыстағыларға қарағанда кемінде 10 % жаңа (тұрақты) жұмыс орындарын құру шартымен жүзеге асырылады.
Бұл ретте, жаңадан құрылатын жұмыс орындарының 50 %-ын жұмыспен қамту орталықтарында тіркелген жастар үшін құру ұсынылады.
Кредиттер сомасы 1,5 млрд. теңгеден асатын жобалар бойынша индустрияландыру картасына енгізілген жобалар сыйақы ставкасын субсидиялауға жатады.
«Кредиттер/Қаржы лизингі шарттары бойынша субсидиялау мерзімі 10 (он) жылға дейін ұзарту мүмкіндігімен 3 (үш) жылға дейін құрайды. Егер жоба бойынша бірнеше Субсидиялау шарты жасалатын жағдайда, субсидиялаудың жалпы мерзімі Қаржы агенті бірінші Субсидиялау шартына қол қойған сәттен бастап белгіленеді.
Кәсіпкердің ағымдағы міндеттемелерін қайта қаржыландыру кезіндегі субсидиялау мерзімі Қаржы агенті қайта қаржыландыру жүзеге асырылған Кредит беруші банкте/Лизингтік компанияда бірінші Субсидиялау шартына қол қойған сәттен бастап белгіленеді.
3 (үш) жыл өткен соң Субсидиялау шартының қолданыс мерзімін ұзарту ӨҮК мақұлдаған сәтте республикалық бюджеттен субсидиялауға арналған қаражат болған кезде ғана Банк/Даму Банкі/Лизингтік компания қолдаухатының негізінде ӨҮК шешімімен мақұлданады.
2013 жылғы 17 мамырға дейін ӨҮК мақұлдаған, Субсидиялау шарттарына қол қойылмаған жобалар Бағдарламаның қолданыстағы шарттарына сәйкестігіне ӨҮК қарауына қайта шығарылуға жатады.
2013 жылғы 17 мамырға дейін ӨҮК мақұлдаған, ашық кредиттік жүйелер шеңберінде Транштар бойынша субсидиялау шарттарына қол қойылмаған жобалар бойынша субсидиялау шарттарына қол қою ӨҮК бұрын мақұлдаған шарттарға сәйкес жүзеге асырылады.
Өтінім беруші жобаны іске асырудың жалпы құнының 10 %-ынан кем емес деңгейде өзінің ақша қаражатының жобаны іске асыруға қатысуын не жобаны іске асырудың жалпы құнының 20%-ынан кем емес деңгейде өзінің жылжымалы/жылжымайтын мүлкімен (оның ішінде қамтамасыз етуге ұсынылған үшінші тұлғалардың мүлкімен) жобаны іске асыруға қатысуын қамтамасыз етуі тиіс.
Кредит бойынша міндеттемелердің орындалуын қамтамасыз етуге жобаны іске асыруға тікелей қатыспайтын жылжымалы/жылжымайтын мүлік ұсынылған жағдайда, аталған мүлік жобаға өзінің қатысуы ретінде қаралмайды.
Сыйақы ставкасын субсидиялау 7 %-ын Кәсіпкер төлейтін, ал айырмасын мемлекет өтейтін 14 %-дан аспайтын номиналды сыйақы ставкасы бар Банктердің кредиттері бойынша ғана жүзеге асырылуы мүмкін. Бұл ретте Банк:
1) өтінім беруші бастама жасайтын кредит беру шарттарының өзгеруіне байланысты;
2) өтінім беруші кредит бойынша міндеттемелерді бұзуы себебінен алынатындарды қоспағанда, кредитпен байланысты қандай да бір комиссияларды, алымдарды және/немесе өзге төлемдерді алмайды.
Даму Банкінің кредиттері бойынша сыйақы ставкасын субсидиялау 6 %-ын Кәсіпкер төлейтін, ал айырмасын мемлекет өтейтін номиналды сыйақы ставкасы бар кредиттер бойынша жүзеге асырылуы мүмкін. Бұл ретте Даму Банкі:
1) өтінім беруші бастама жасайтын кредит беру шарттарының өзгеруіне байланысты;
2) өтінім беруші кредит бойынша міндеттемелерді бұзуы себебінен алынатындарды қоспағанда, кредитпен байланысты қандай да бір комиссияларды, алымдарды және/немесе өзге төлемдерді алмайды.
Сыйақы ставкасын субсидиялау Банктердің/Даму Банкінің/Лизингтік компаниялардың 7 %-ын Кәсіпкер төлейтін, ал айырмасын мемлекет өтейтін 14 %-дан аспайтын номиналды сыйақы ставкасы бар Қаржы лизингі шарттары бойынша да жүзеге асырылуы мүмкін. Бұл ретте Банк/Даму Банкі/Лизингтік компания:
1) өтінім беруші бастама жасайтын қаржыландыру шарттарының өзгеруіне байланысты;
2) лизинг мәніне тәуелсіз бағалау жүргізумен, лизинг мәнін сақтандырумен, кепіл шартын тіркеумен және ауыртпалықтарды алып тастаумен байланысты;
3) Қаржы лизингі шартын (кедендік тазалау, лизингтік мәнін арнайы органдардың тіркеу қызметтері, банктердің қызметтері және т.б. сияқты басқа ұйымдардың қызметтерін өтеу) орындаумен байланысты;
4) кәсіпкер Қаржы лизингі шарт бойынша міндеттемелерін бұзу себебі бойынша алынатындарды қоспағанда, Қаржы лизингі шартымен байланысты қандай да бір комиссияларды, алымдарды және/немесе өзге де төлемдерді алмайды.
Субсидиялау қайтарымды лизинг, екінші лизинг немесе сублизинг шарттары бойынша жүзеге асырылмайды.
Сыйақы ставкасы құбылмалы кредиттер/Қаржы лизингі шарттары да субсидиялауға жатады, бұл ретте, сыйақының пайыздық ставкасы Бағдарламада белгіленген шекті мәндерден асып кеткен жағдайда, осы кредит/лизинг бойынша Субсидиялау шартының қолданысы тоқтатылады.
Сыйақы ставкасын субсидиялау Банктің жіктелгенге жатпайтын (Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2006 жылғы 25 желтоқсандағы № 296 қаулысына сәйкес) және 7 %-ын Кәсіпкер төлейтін, ал айырмасын мемлекет өтейтін 12 %-дан аспайтын номиналды сыйақы ставкасы бар валюталық стандартты кредиттері бойынша жүзеге асырылуы мүмкін.
Сыйақының номиналды ставкасын субсидиялау Даму Банкі сыйақы ставкасын 11 %-ға дейін төмендететін, оның 6 %-ын Кәсіпкер төлейтін, ал айырмасын мемлекет өтейтін Даму Банкінің валюталық кредиттері бойынша жүзеге асырылуы мүмкін.
Сыйақы ставкасын субсидиялау жүзеге асырылатын валюталық кредиттер бойынша сомалар бір кәсіпкер үшін 4,5 млрд. теңгеге баламалы мөлшерден аспауы тиіс.
750 млн. теңгеден 4,5 млрд. теңгеге дейінгі кредиттер/Қаржы лизингі шарттары бойынша сыйақы ставкасын субсидиялау қолданыстағыларына қарағанда кемінде 10 % жаңа (тұрақты) жұмыс орындарын құру шартыменжүзеге асырылады.
Бұл ретте, жаңадан құрылатын жұмыс орындарының 50 %-ын жұмыспен қамту орталықтарында тіркелген жастар үшін құру ұсынылады.
Кредиттер сомалары 1,5 млрд. теңгеден асатын жобалар бойынша индустрияландыру картасына енгізілген жобалар сыйақы ставкасын субсидиялауға жатады.
Субсидиялар сомасын қаржы агенті Қазақстан Республикасы Ұлттық Банкі субсидиялар сомасын аудару күніне белгілеген бағам бойынша теңгемен төлейді.
Оң бағамдық айырма туындаған жағдайда айырма болашақ субсидиялардың есебіне жатқызылсын, ал теріс бағамдық айырма жағдайында өтеу қарыз алушыға жүктеледі.
Айналым қаражатын қаржыландыру негізгі құралдарды сатып алуға және/немесе жаңғыртуға және/немесе өндірісті кеңейтуге арналған кредит шеңберінде жүзеге асырылатын, бірақ кредит сомасының 30 %-ынан аспайтын жағдайларды қоспағанда, айналым қаражатын толықтыруға берілетін (берілген) кредиттер бойынша субсидиялау жүзеге асырылмайды.
Бұл ретте қалпына келтірілетін негізде берілген айналым қаражатын толықтыруға арналған кредит бөлігінде жол беріледі. Негізгі құралдарды сатып алуға және/немесе жаңғыртуға және/немесе өндірісті кеңейтуге арналған кредит шеңберінде айналым қаражатын толықтыруға арналған кредит бөлігі бойынша қалпына келтіру мүмкіндігінің шарттары ӨҮК шешімінде көрсетілуге тиіс.
«Салалық шектеулерсіз сыйақы ставкасын субсидиялау шарттары»:
Ескерту. Бөліммен толықтырылды - ҚР Үкіметінің 31.03.2014 № 279 қаулысымен (01.01.2015 бастап қолданысқа енгізіледі).
1. Банктер/Лизингтік компаниялар ұсынатын кредиттер/лизингтік мәмілелер бойынша сыйақы ставкасын субсидиялау моноқалаларда, шағын
қалаларда, сондай-ақ олардың әкімшілік бағынысындағы елді мекендерде, осы Бағдарламада белгіленген жағдайларды қоспағанда, экономиканың кез келген секторларында кәсіпкерлік қызметін жүзеге асыратын шағын және орта кәсіпкерлік субъектілерінің жаңа кредиттері/лизингтік мәмілелері бойынша жүзеге асырылатын болады.
2. Айналым қаражатын қаржыландыру негізгі құралдарды сатып алуға және/немесе жаңғыртуға және/немесе өндірісті кеңейтуге арналған кредит шеңберінде жүзеге асырылатын, бірақ кредит сомасының 30 %-ынан аспайтын жағдайларды қоспағанда, айналым қаражатын толықтыруға берілетін (берілген) кредиттер бойынша субсидиялау жүзеге асырылмайды.
3. Сыйақы ставкасын субсидиялау жүзеге асырылатын кредит/лизинг сомасы бір Кәсіпкер үшін 750000000 (жеті жүз елу миллион) теңгеден аспайды.
4. Пайыздық ставканы субсидиялау номиналды сыйақы ставкасы 14 %-дан аспайтын кредит/лизинг бойынша ғана жүзеге асырылуы мүмкін, оның 10 %-ын мемлекет өтейтін болады. Бұл ретте Банктер/Лизингтік
компаниялар мыналарды:
1) Кәсіпкер бастамашылық жасайтын кредит беру шартының/Қаржы лизингі шартының өзгеруіне байланысты;
2) Кәсіпкер кредит/Қаржы лизингінің шарты бойынша міндеттемелерін бұзу себебі бойынша өндіріп алынатындарды;
3) лизинг нысанасына тәуелсіз бағалау жүргізумен, лизинг нысанасын сақтандырумен, кепіл шартын тіркеумен және ауыртпалықтарды алып тастаумен байланысты;
4) Қаржы лизингінің шартын (кедендік тазалау, лизинг нысанасын арнаулы органдардың тіркеу қызметтері, банктердің қызметтері және т.б. сияқты тысқары ұйымдардың көрсететін қызметтерін өтеу) орындаумен байланысты жағдайларды қоспағанда, кредитке/Қаржы лизингі шартына байланысты қандай да бір комиссияларды, алымдарды және/немесе өзге де төлемдерді алмайды.
5. Егер кредит бойынша сыйақы ставкасы жылдық 14 %-дан төмен болған жағдайда, 10 %-ға мемлекет өтейді, ал айырмасын кәсіпкер төлейді.
6. Кредиттер/Қаржы лизингінің шарттары бойынша субсидиялау мерзімі 10 (он) жылға дейін ұзарту мүмкіндігімен 3 (үш) жылға дейінгі мерзімді құрайды. Егер бір жоба бойынша бірнеше Субсидиялау шарты жасалатын жағдайда, субсидиялаудың жалпы мерзімі Қаржы агенті бірінші Субсидиялау шартына қол қойған сәттен бастап белгіленеді.
7. Кәсіпкердің ағымдағы міндеттемелерін қайта қаржыландыру кезінде субсидиялау мерзімі Қаржы агентінің қайта қаржыландыру жүзеге асырылған Кредитор банктер/Лизингтік компанияда бірінші Субсидиялау шартына қол қойған сәттен бастап белгіленеді.
8. 3 (үш) жыл өткеннен кейін Субсидиялау шартының қолданылу мерзімін ұзарту ӨҮК мақұлдаған сәтте республикалық бюджеттен субсидиялау үшін қаражат болған кезде ғана Банк/Даму Банкі/Лизингтік компания қолдаухатының негізінде ӨҮК шешімімен мақұлданады.
9. Лизинг бойынша субсидиялау қайтарымды лизинг, екінші лизинг немесе сублизинг шарттары бойынша жүзеге асырылмайды.
Кредиттер/қаржы лизингі шарттары бойынша сыйақы ставкасын субсидиялау тетігі
Ескерту. Кіші бөлім жаңа редакцияда - ҚР Үкіметінің 2012.03.27 N 357; өзгеріс енгізілді - ҚР Үкіметінің 17.05.2013 N 498 қаулыларымен.
1. Өтінім беруші банкке/Даму Банкіне/лизингтік компанияға өтініш береді.
2. Банк/Даму Банкі/Лизингтік компания жобаның қаржы-экономикалық тиімділігіне бағалау жүргізеді және оң шешім болған жағдайда өтінім берушіге жобаға кредит беруге/қаржы лизингі шартын жасауға дайын екендігі туралы хабарлама жібереді.
3. Өтінім беруші Банктің/Даму Банкінің/Лизингтік компанияның оң шешімімен жобаны одан әрі ӨҮК шығару үшін Бағдарламаның өңірлік үйлестірушісіне жобаны жіберетін Бағдарламаның жергілікті үйлестірушісіне жүгінеді.
Астана мен Алматы қалаларында өтінім беруші Банктің/Даму Банкінің/Лизингтік компанияның оң шешімімен жобаны ӨҮК шығару үшін Бағдарламаның өңірлік үйлестірушісіне жүгінеді.
Кәсіпкерлердің құжаттары қабылданып, субсидиялау үшін бөлінген қаражат шегінде ғана ӨҮК қарауына шығарылады.
Ескерту. 3-тармақ жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
4. ӨҮК жобаларды Бағдарламаның өлшемдеріне сәйкестігін қарайды және субсидиялау мүмкіндігі (немесе мүмкін еместігі) бойынша шешім қабылдайды. ӨҮК шешімі тиісті хаттамамен ресімделеді.
4-1. ӨҮК мәжілісі жобалардың қалыптасуына қарай, бірақ айына кемінде 2 рет өткізіледі. ӨҮК мүшелерінің саны 12 адамнан аспауы тиіс. Шешім қатысушылардың жалпы санының кемінде 2/3 қабылданады. Кворум ӨҮК мүшелері санының кемінде 2/3 құрауы тиіс.
Ескерту. Кіші бөлім 4-1-тармақпен толықтырылды - ҚР Үкіметінің 11.07.2014 № 790 қаулысымен.
5. Бағдарламаның өңірлік үйлестірушісі ӨҮК хаттамасының көшірмесін/хаттамадан үзіндіні Бағдарламаның жергілікті үйлестірушісіне, Банкке/Даму Банкіне/Лизингтік компанияға және Қаржы агентіне жібереді.
Ескерту. 5-тармақ жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
5-1. ӨҮК шешімінің қолданылу мерзімі - қабылданған күнінен бастап 6 (алты) ай.
Ескерту. 5-1-тармақ жаңа редакцияда - ҚР Үкіметінің 31.12.2013 N 1596 қаулысымен (алғашқы ресми жарияланған күнінен бастап қолданысқа енгізіледі).
6. Кредит беру/Қаржы лизингі шартын жасасу бойынша банктердің/Даму Банкінің/Лизингтік компаниялардың және субсидиялау бойынша ӨҮК-нің оң шешімі бар жобалар бойынша Банк/Даму Банкі/Лизингтік компания, қатысушы және қаржы агенті субсидиялау шартын жасайды, оның шеңберінде қаржы агенті мен Бағдарламаға қатысушы Банкке/Даму Банкіне/Лизингтік компанияға сыйақы ставкасының тиісті бөлігін төлейді.
Банктердің/Даму Банкінің кредиттері бойынша кепілдіктер беру
Банктердің/Даму Банкінің кредиттері бойынша кепілдіктер беру шарттары
Ескерту. Кіші бөлім жаңа редакцияда - ҚР Үкіметінің 17.05.2013 N 498 қаулысымен.
1. Кепілдіктер тек жаңа жобаларды іске асыру үшін берілетін кредиттер бойынша, сондай-ақ инвестицияларға, өндірісті жаңғыртуға және кеңейтуге бағытталған іске асырылатын жобалар бойынша ғана беріледі.
2. Кепілдік беру жүзеге асырылатын кредиттің (кредиттердің) сомасы экономиканың басым секторлары (Бағдарламада көзделген) іске асырылатын Жоба (-лар) бойынша бір Кәсіпкер үшін 300 млн. теңгеден аспауы тиіс. Экономиканың басым емес секторларында іске асырылатын Жоба (-лар) бойынша кредиттің (кредиттердің) сомасы бір Кәсіпкер үшін 150 млн. теңгеден аспауы тиіс.
Бір Кәсіпкер үшін онымен үлестес тұлғалардың/компаниялардың кредиті (кредиттері) бойынша берешек есепке алынбай есептеледі.
Ескерту. 2-тармақ жаңа редакцияда - ҚР Үкіметінің 31.03.2014 № 279 (01.10.2014 бастап қолданысқа енгізіледі) қаулысымен.
3. Кепілдік мөлшері кредит сомасының 50 %-ынан жоғары болмауы тиіс. Ісін жаңа бастаған кәсіпкерлер үшін кепілдік мөлшері кредит сомасының 70 %-ынан жоғары болмауы тиіс, бұл ретте кредиттің ең жоғары сомасы 20 млн. теңгеден аспауы тиіс. Бұл ретте ісін жаңа бастаған жас кәсіпкерлерге кепілдік салалық шектеусіз беріледі.
Ескерту. 3-тармақ жаңа редакцияда - ҚР Үкіметінің 11.07.2014 № 790 қаулысымен.
4. Кәсіпкерлер үшін кепілдіктер ақылы негізде ұсынылады.
5. Айналым қаражатын қаржыландыру негізгі құралдарды сатып алуға және/немесе жаңғыртуға және/немесе инвестицияға арналған кредит шеңберінде жүзеге асырылса, кепілдік беру айналым қаражатын толықтыруға берілетін кредиттер бойынша жүзеге асырылуы мүмкін, бірақ кредит сомасының 30 %-ынан аспайды. Сондай-ақ айналым қаражатын 100 % толықтыруға бағытталған 60 млн. теңгеден аспайтын мөлшердегі кредитке кепілдік беруге рұқсат етіледі (жалақы, салықтық және өзге де міндетті төлемдер бойынша есеп айырысулар жүргізуді, кредиттерге, қарыздарға немесе лизинг шарттарына қызметтер көрсету бойынша ағымдағы төлемдерді төлеуді және Өтінім берушінің негізгі қызметін жүзеге асыруына байланыссыз өзге де мақсаттарды қоспағанда).
6. 60 млн. теңгеден асатын кредиттер бойынша кепілдік алған жағдайда, өтінім беруші Жобаны іске асырудың жалпы құнының 10 %-ынан төмен болмайтын деңгейде өзінің ақша қаражатының Жобаны іске асыруға қатысуын не Жобаны іске асырудың жалпы құнының 20 %-ынан төмен болмайтын деңгейде өзінің жылжымалы/жылжымайтын мүлкімен (оның ішінде қамтамасыз етуге ұсынылған үшінші тұлғалардың мүлкімен) Жобаны іске асыруға қатысуын қамтамасыз етуі тиіс.
7. Кепілдік беру жүзеге асырылатын кредиттер бойынша Банктердің сыйақы ставкасы 14 %-дан жоғары болмайды. Кепілдік беру жүзеге асырылатын кредиттер бойынша Даму Банкі сыйақысының ставкасы 13 %-дан жоғары болмайды. Бұл ретте, Банк және Даму Банкі:
1) өтінім беруші бастама жасайтын кредит беру шарттарының өзгеруіне байланыстыларын;
2) өтінім берушінің кредит бойынша міндеттемелерді бұзуы себебінен өндіріп алынатындарын қоспағанда, кредитпен байланысты комиссияларды, алымдарды және/немесе өзге төлемдерді алмайды.
Банктердің/Даму Банкінің кредиттері бойынша кепілдіктер беру тетігі
Ескерту. Кіші бөлім жаңа редакцияда - ҚР Үкіметінің 17.05.2013 N 498 қаулысымен.
1. Өтінім беруші Банкке/Даму Банкіне кредит алу үшін өтініммен жүгінеді.
2. Банк/Даму Банкі дербес, Банктің/Даму Банкінің ішкі құжаттарында белгіленген рәсімге сәйкес жобаға кешенді сараптама жүргізеді және өтінім беруші ұсынған кепілді мүліктің бағасы туралы қорытындының негізінде өтінім берушінің қамтамасыз етуінің кепілді құнына бағалау жүргізеді, одан кейін қамтамасыз ету жеткіліксіз болған жағдайда, Қаржы агентінің ішінара кепілдігімен жобаны қаржыландыру не қаржыландырудан бас тарту туралы шешім қабылдайды. Банк/Даму Банкі жобаны қаржыландыру бойынша оң шешім қабылдаған жағдайда банк 5 (бес) жұмыс күні ішінде Қаржы агентіне кепілдік беру туралы шешім қабылдау үшін қажетті құжаттарды жібереді.
3. Кепілдік беру туралы оң шешім қабылданған жағдайда, Қаржы агенті Банкке/Даму Банкіне кепілдік беру мүмкіндігі туралы Қаржы агентінің оң шешімі бар хат жібереді.
4. Банк/Даму Банкі Қаржы агентінің оң шешімі бар хатты алғаннан кейін өтінім берушіге кепілдік берілетін қажетті соманың есебін көрсете отырып, жасалатын кредит шарттары туралы тиісті хат береді.
5. Банктен/Даму Банкінен хат алғаннан кейін өтінім беруші Банктің/Даму Банкінің хатын және қажетті кепілдік мөлшерінің есебін қоса отырып, Бағдарламаның жергілікті үйлестірушісіне жүгінеді.
Бұл ретте, Бағдарламаның жергілікті үйлестірушісі жобаны одан әрі ӨҮК шығару үшін жобаны Бағдарламаның өңірлік үйлестірушісіне жібереді.
Ескерту. 5-тармақ жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
6. Алып тасталды - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
7. ӨҮК жобалардың Бағдарламаның өлшемдеріне сәйкестігін қарастырады және өңірдің басымдықтарына сәйкес кепілдік беру мүмкіндігі (немесе мүмкін еместігі) туралы шешім қабылдайды. ӨҮК шешімі тиісті хаттамамен ресімделеді.
7-1. ӨҮК мәжілісі жобалардың қалыптасуына қарай, бірақ айына кемінде 2 рет өткізіледі. ӨҮК мүшелерінің саны 12 адамнан аспауы тиіс. Шешім қатысушылардың жалпы санының кемінде 2/3 қабылданады. Кворум ӨҮК мүшелері санының кемінде 2/3 құрауы тиіс.
Ескерту. Кіші бөлім 7-1-тармақпен толықтырылды - ҚР Үкіметінің 11.07.2014 № 790 қаулысымен.
8. Бағдарламаның өңірлік үйлестірушісі ӨҮК хаттамасын/ӨҮК хаттамасының үзіндісін Бағдарламаның жергілікті үйлестірушісіне, Қаржы агентіне және тиісті Банктерге/Даму Банкіне жібереді, сондай-ақ өтінім берушіні жобаның ӨҮК-де қаралу нәтижелері туралы хабардар етеді.
Ескерту. 8-тармақ жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
9. Бағдарламаның өңірлік үйлестірушісінен кәсіпкердің кредитіне ішінара кепілдік берудің келісілгені туралы ӨҮК хаттамасын/ӨҮК хаттамасының үзіндісін алғаннан кейін, Қаржы агенті Банкке/Даму Банкіне алдын ала кепілдік хат жібереді.
Ескерту. 9-тармақ жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
10. Банк/Даму Банкі Бағдарламаның өңірлік үйлестірушісінен ӨҮК хаттамасын/ӨҮК хаттамасының үзіндісін және Қаржы агентінен алдын ала кепілдік хат алғаннан кейін, өтінім берушімен кредит шартын, кепіл (кепілдер) шартын (шарттарын) жасасады, олардың көшірмелерін Қаржы агентіне жібереді.
Ескерту. 10-тармақ жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
11. Банк/Даму Банкі мен өтінім беруші арасында тиісті кредит шарты жасалғаннан кейін Банк/Даму Банкі, Қаржы агенті және өтінім беруші кепілдік шартына қол қояды.
12. Шығарылған кепілдіктер үшін ақы төлеу мақсатында Бағдарламаның өңірлік үйлестірушісі кезекті жылдың басында Қаржы агентіне кредиттерді кепілдендіруге бөлінген нысаналы трансферттер сомасының 50 %-ын аударады.
Мақсатты трансферттердің қалған бөлігі Қаржы агентіне кепілдік беру шарттарының жасалуына қарай жылдың басында Қаржы агентіне аударылған қаражаттың бірінші жартысы толық игерілгеннен кейін аударылады.
Ескерту. 12-тармақ жаңа редакцияда - ҚР Үкіметінің 31.12.2013 N 1596 (алғашқы ресми жарияланған күнінен бастап қолданысқа енгізіледі), өзгеріс енгізілді - 31.03.2014 № 279 (01.01.2015 бастап қолданысқа енгізіледі) қаулыларымен.
13. Бағдарламаның жергілікті үйлестірушісі кәсіпкерлердің тиісті құжаттарымен қоса өтінімдерін алғаннан кейін, жобаларды одан әрі ӨҮК шығару үшін оларды Бағдарламаның өңірлік үйлестірушісіне жібереді.
Астана және Алматы қалаларында өтінім беруші жобаны одан әрі ӨҮК шығару үшін Бағдарламаның өңірлік үйлестірушісіне жүгінеді.
Бағдарламаның өңірлік үйлестірушісі жобаларды жасалған кепілдік шарттары бойынша Қаржы агентіне төлеу үшін бөлінген бюджет қаражаты шегінде ғана ӨҮК қарауына шығарады.
Ескерту. Кіші бөлім 13-тармақпен толықтырылды - ҚР Үкіметінің 31.12.2013 N 1596 (алғашқы ресми жарияланған күнінен бастап қолданысқа енгізіледі), жаңа редакцияда - 31.03.2014 № 279 (01.01.2015 бастап қолданысқа енгізіледі) қаулыларымен.
Гранттық қаржыландыру:
Ескерту. Кіші бөлімнің тақырыбы жаңа редакцияда - ҚР Үкіметінің 17.05.2013 N 498 қаулысымен.
Ескерту. 4.3-бөлім кіші бөліммен толықтырылды - ҚР Үкіметінің 2012.04.28 N 541 Қаулысымен.
"Гранттар беру шарттары"
Ескерту. Кіші бөлімге өзгеріс енгізілді - ҚР Үкіметінің 31.12.2013 N 1596 (алғашқы ресми жарияланған күнінен бастап қолданысқа енгізіледі), 31.03.2014 № 279 (01.01.2015 бастап қолданысқа енгізіледі); 05.02.2015 № 42 қаулыларымен.
Ісін жаңа бастаған жеке кәсіпкерлік субъектілеріне, жас кәсіпкерлерге, әйелдерге, мүгедектерге және 50 жастан асқан адамдарға (бұдан әрі – кәсіпкерлер) нысаналы гранттар Бағдарламаға 1-қосымшаға сәйкес экономиканың басым секторлары шеңберінде жаңа бизнес-идеяларды іске асыру үшін өтеусіз және қайтарымсыз негізде беріледі.
Бір Кәсіпкер үшін ең жоғары Грант сомасы 3 000 000 (үш миллион) теңгеден аспайды.
Гранттар түріндегі қолдау шараларын қаржыландыру республикалық бюджет қаражаты есебінен жүзеге асырылады.
Грант қаражатын мемлекет нысаналы гранттар ұсыну үшін өткізілетін кәсіпкерлерді іріктеу жөніндегі конкурстардың қорытындылары бойынша Бағдарламаның жергілікті үйлестірушісі арқылы ұсынады. Бұл ретте Бағдарлама шеңберінде оқыту құрауыштары сертификаттарының болуы конкурсқа қатысу үшін міндетті шарт болып табылады.
Конкурсты өткізу үшін Үйлестіруші гранттар беруге үміткер шағын кәсіпкерлік субъектілерінің өтінімдерін іріктеу жөнінде конкурстық комиссия құрады және оның құрамын бекітеді. Конкурстық комиссия қызметінің негізгі қағидаттары Кәсіпкерлер үшін тең жағдайлар жасау, сондай-ақ оларға қойылатын талаптардың бірдей болуы, ұсынылатын құжаттардың жан-жақты зерттелуі мен толықтығы, қабылданатын шешімдердің объективтілігі болып табылады.
Конкурстық комиссия конкурстық өтінімдерді қараған кезде Кәсіпкердің бизнес-жобасын бағалаудың мынадай өлшемдері негізінде ұсынымдар береді:
бизнес-идеялардың жаңашылдығы;
бизнес-жобалардың бәсекеге қабілеттілігі (нарықтық қажеттілікті пысықтау – маркетингтік талдау);
бизнес-жобаның қолданысқа енгізуге әзірлігі (өндірісті ұйымдастыру мәселесін пысықтау, Кәсіпкерді орналастыру, өткізу нарығы үшін үй-жайдың болуы, өндірісті іске қосу үшін жобаның әзірлік деңгейі).
Бизнес-жобаның міндетті шарттары кәсіпкердің іске асыру шығыстарын ұсынылатын Грант көлемінің кемінде 10 (он) %-ы мөлшерінде, оның ішінде жеке мүлкімен қоса қаржыландыруы болып табылады.
Кәсіпкерлер грант қаражатын мынадай мақсаттарға пайдалануы тиіс:
негізгі құралдар мен материалдарды сатып алу;
материалдық емес активтерді сатып алу;
технологияларды сатып алу;
франшиза құқығын сатып алу;
зерттеу жұмыстарына, жаңа технологиялардың енгізілуіне байланысты шығыстар.
Грант қаражатын жылжымайтын мүлікті, жер учаскесін сатып алуға және жалдау ақысы ретінде пайдалануға болмайды.
"Гранттар ұсыну тетігі":
1. Кәсіпкер Конкурстық комиссияның жұмыс органына конкурсқа қатысуға өтінім береді.
2. Конкурстық комиссияның жұмыс органы кәсіпкерден өтінімді алғаннан кейін:
ұсынылған құжаттардың толықтығын тексеруді;
ұсыныстар, Конкурстық комиссияның күн тәртібін қалыптастыруды, Конкурстық комиссияның отырысы өткізілетін күнін, уақыты мен орнын айқындауды жүзеге асырады, бұл туралы Конкурстық комиссияның барлық мүшелерін хабардар етеді.
3. Конкурстық комиссияның жұмыс органы барлық құжаттар мен ақпаратты алған сәттен бастап 10 (он) жұмыс күні ішінде оны Конкурстық комиссияның қарауына шығарады.
4. Конкурстық комиссия конкурстық өтінімдерді қарау кезінде Кәсіпкердің бизнес-жобасын бағалаудың мынадай өлшемдерінің негізінде ұсынымдар береді:
бизнес-жобалардың бәсекеге қабілеттілігі (нарықтық қажеттілікті пысықтау – маркетингтік талдау);
бизнес-жобаның қолданысқа енгізуге әзірлігі (өндірісті ұйымдастыру мәселесін пысықтау, Кәсіпкерді орналастыру, өткізу нарығы үшін үй-жайдың болуы, өндірісті іске қосу үшін жобаның әзірлік деңгейі).
бизнес-идеяның жаңалығы.
5. Кәсіпкерге грант беру/бермеу туралы ұсынымдар грантты беру/бермеу мүмкіндігінің себептері көрсетіле отырып, Конкурстық комиссияның хаттамасымен ресімделеді.
6. Өткізілген конкурстың нәтижелері бойынша Конкурстық комиссияның жұмыс органы 5 (бес) жұмыс күні ішінде Конкурстық комиссияның хаттамасын ӨҮК-нің қарауына жібереді.
7. Өткізілген отырыстың шеңберінде ӨҮК мынадай іс-шараларды жүзеге асырады:
грант қаражатын беру/бермеу бойынша Конкурстық комиссияның ұсынымдарын қарау:
Кәсіпкердің бизнес-жобасы мен ұсынылған құжаттарды ӨҮК мүшелерінің арасында талқылау;
талқылау нәтижелері бойынша Кәсіпкерлердің бизнес-жобаларын іріктейді және грант беру мүмкіндігі/мүмкін еместігі туралы шешім қабылдайды, ол ӨҮК отырысы өткізілген күннен бастап 2 (екі) жұмыс күні ішінде хаттамамен ресімделеді. Бұл ретте хаттамада жекелеген бизнес-жобалардан бас тарту себептері міндетті түрде көрсетілуі тиіс.
8. Бағдарламаның жергілікті үйлестірушісі ӨҮК хаттамасы ресімделген сәттен бастап:
Кәсіпкерге ӨҮК-нің шешімі туралы хабарламаны;
Кәсіпкермен грант беру туралы Шарт жасасуға байланысты дайындық іс-шараларын жүргізу үшін мақұлданған/мақұлданбаған бизнес-жобалар бойынша ӨҮК хаттамасын Кәсіпкермен Грант ұсыну бойынша шарт жасасу үшін Конкурстық комиссияның мүшелері мен Қаржы агентіне жібереді.
Ескерту. 8-тармаққа өзгеріс енгізілді - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
Өндірістік (индустриялық) инфрақұрылымды дамыту
Өндірістік (индустриялық) инфрақұрылымды дамыту бойынша қолдау көрсету шарттары
Ескерту. Кіші бөлім жаңа редакцияда - ҚР Үкіметінің 31.12.2013 N 1596 қаулысымен (алғашқы ресми жарияланған күнінен бастап қолданысқа енгізіледі).
Өндірістік (индустриялық) инфрақұрылымды дамыту жетіспейтін инфрақұрылымды жеткізуден тұрады әрі шағын және орта бизнестің жаңа өндірістерді құруға, жұмыс істеп тұрған өндірістерді жаңғырту мен кеңейтуге бағытталған жобалары үшін жекелеген жобалар үшін де және (оның ішінде бірнеше жобаны қамтамасыз ету үшін), сол сияқты индустриялық аймақтар мен бизнес-инкубаторларды ұйымдастыру шеңберінде де жүзеге асырылуы мүмкін.
Бұл ретте 2015 жылғы 1 қаңтардан бастап өндірістік (индустриялық) инфрақұрылымды дамытуға бөлінетін бюджеттік қаражаттың кемінде 70 %-ы өңірлік даму жөніндегі уәкілетті орган индустриялық аймақтарда дамытудың бизнес-жоспарларын қарап, бекіткеннен кейін индустриялық аймақтарды ұйымдастыруға бағытталатын болады.
Өндірістік (индустриялық) инфрақұрылымды дамыту Бағдарламаға 1-қосымшаға сәйкес экономиканың басым секторлары үшін жүзеге асырылады.
Бөлінген қаражат мынадай инфрақұрылымды: жолдарды, су бұруды, газдандыруды, су таратқыштарды, бу құбырларын, жылумен жабдықтауды, өнеркәсіптік алаңдарға арналған қазандықтарды, су құбырларын, теміржол тұйықтарын, телефондандыруды, кіші электр станцияларын, электр тарату желілерін, ұңғымаларды, септиктерді, бу-газ қондырғыларын, баламалы энергия көздерін салуға және реконструкциялауға бағытталады.
Жетіспейтін инфрақұрылымды жеткізу кәсіпкер объектісі аумағының шекарасына дейін жүзеге асырылады, бұл ретте кәсіпкер объектісі аумағының ішінде инфрақұрылымды жеткізуге қаражат бөлу көзделмейді.
Өндірістік (индустриялық) инфрақұрылымды дамытуға қаражат бөлу Қазақстан Республикасының бюджет заңнамасына сәйкес жүзеге асырылады.
Инфрақұрылымды салу (реконструкциялау) құны жеке жоба үшін инфрақұрылымды жеткізген жағдайда жоба құнының 50 %-ынан аспауы тиіс.
Жеке жобалар үшін өндірістік (индустриялық) инфрақұрылымды дамыту мынадай:
1) жобаны облысты дамытудың басымдықтары шеңберінде іске асырған;
2) жоба елді мекенді дамытудың бас жоспарына сәйкес келген;
3) жоба бойынша техникалық-экономикалық негіздеме және/немесе жобалық-сметалық құжаттама болған;
4) жаңа өндірістер құру жағдайында жоба құнының кемінде 20 %-ы көлемінде құрылыс-монтаждау жұмыстары орындалған;
5) жаңа тұрақты жұмыс орындары құрылған жағдайларда жүзеге асырылады.
Өндірістік (индустриялық) инфрақұрылымды дамыту бойынша қолдау көрсету тетігі
Ескерту. Кіші бөлімге өзгеріс енгізілді - ҚР Үкіметінің 2012.03.27 N 357 Қаулысымен.
Жеткіліксіз өндірістік (индустриялық) инфрақұрылымды қамтамасыз етуді қолдау мынадай тәртіппен көрсетілетін болады:
1. Кәсіпкер инфрақұрылымды жақындату немесе жақсарту қажеттілігінің негіздемесін қамтитын өндірістік (индустриялық) инфрақұрылым жобасын қамтамасыз ету туралы өтініммен бірге Бағдарламаның жергілікті үйлестірушісіне жүгінеді.
Ескерту. 1-тармақ жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
2. Бағдарламаны жергілікті үйлестірушісі қалыптастырған өтінімдердің іріктелген тізбесі жобаларды одан әрі ӨҮК-ге шығару үшін Бағдарламаның өңірлік үйлестірушісіне беріледі.
Ескерту. 2-тармақ жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
3. ӨҮК Бағдарламаға 2-қосымшаға сәйкес Бағдарламаның өлшемдеріне сәйкестігі мәніне өндірістік (индустриялық) инфрақұрылымды салуды немесе реконструкциялауды қаржыландыру мүмкіндігі (немесе мүмкін еместігі) туралы шешім қабылдайды.
4. Алынып тасталды - ҚР Үкіметінің 2012.03.27 N 357 Қаулысымен.
5. Өндірістік (индустриялық) инфрақұрылымды салу немесе қайта жаңарту қолданыстағы заңнамаға сәйкес жүзеге асырылады.
Бизнес жүргізуге сервистік қолдау көрсету
Ескерту. Кіші бөлім алып тасталды - ҚР Үкіметінің 2010.12.31 N 1520 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
Кадрлар даярлау, жастар саясаты мен әлеуметтік жұмыс орындарын ұйымдастыру
Ескерту. Кіші бөлім алып тасталды - ҚР Үкіметінің 2010.12.31 N 1520 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
"Бизнес-Насихат:
Ескерту. Кіші бөлім алынып тасталды - ҚР Үкіметінің 17.05.2013 N 498 қаулысымен.
Индустриялық аймақтарды дамыту.
Ескерту. 4.3-бөлім кіші бөліммен толықтырылды - ҚР Үкіметінің 31.12.2013 N 1596 (алғашқы ресми жарияланған күнінен бастап қолданысқа енгізіледі), өзгеріс енгізілді - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулыларымен.
Индустриялық аймақтың аумағында өндірістік мақсаттағы объектілер (өндірістік, қойма және әкімшілік үй-жайлар) орналастырылады.
Индустриялық аймақтарды құрудың негізгі міндеттері:
1) өнеркәсіп саласындағы жеке кәсіпкерліктің дамуын жеделдетуге жәрдемдесу;
2) жаңа өндірістер инфрақұрылымын құру мен дамытуға жұмсалатын шығындарды оңтайландыру;
3) өндіріс тиімділігін ұлғайту;
4) халықты жұмыспен қамтылуын қамтамасыз ету болып табылады.
Индустриялық аймақтар:
1) өндіріске арналған ғимараттар мен құрылыстарды салуға арналған жер учаскелері;
2) кәсіпкерге жалға беру немесе сату үшін дайын өндірістік үй-жайлар, оның ішінде тоқтап тұрған, консервацияланған немесе жұмыс істемейтін өндірістердің өндірістік инфрақұрылымы;
3) құрылысқа арналған жер учаскелері, сол сияқты өндірістік үй-жайлары да бар кешенді индустриялық аймақтар түрінде құрылады.
Индустриялық аймақтың аумағының шекарасына дейін және ішінде инфрақұрылымды жеткізу бюджеттік заңнамаға сәйкес жергілікті бюджеттен бірлесіп қаржыландырған жағдайда республикалық бюджеттің қаражаты есебінен іске асырылатын болады.
Индустриялық аймақтарды құру жөніндегі шараларды қаржыландыру өңірлік саясат басымдықтарын ескере отырып, өңірлік даму жөніндегі уәкілетті орган индустриялық аймақтарды дамыту бизнес-жоспарларын қарағаннан кейін конкурстық негізде жүзеге асырылады.
Конкурсқа ұсынылған өтінімдер бойынша шешімді Уәкілетті орган өтінімдер берілген күннен бастап 2 ай ішінде қабылданады.
Әлеуметтік-кәсіпкерлік корпорация (бұдан әрі - ӘКК) индустриялық аймақтардың операторы болып табылады.
Индустриялық аймақтар операторының функцияларына мыналар жатады:
1) индустриялық аймақтарды дамытудың бизнес-жоспарларын әзірлеу;
2) индустриялық аймақтарға қатысушыларды тарту;
3) инфрақұрылым объектілерін салу үшін инвестициялар тарту және
индустриялық аймақты қаржыландыру мәселелерін шешу;
4) жер учаскелерін жерді қайтадан пайдалануға (қосалқы жалдауға) беру және инфрақұрылым объектілерін жалдауға (қосалқы жалдауға) беру;
5) қызметті жүзеге асыру туралы шарттар жасасу, оларды бұзу және олардың талаптарын орындау мониторингі;
6) индустриялық аймақ қызметін қамтамасыз ету және қолдау.
ӘКК операторлық қызметтеріне ақы төлеу жергілікті бюджет қаражаты есебінен жүзеге асырылады.
ӘКК индустриялық аймақтарды тиімді басқару мақсатында басқарушы компаниялар, соның ішінде жергілікті және шетелдік тысқары ұйымдарды тарта отырып, құра алады.
Екінші бағыт: кәсіпкерлік секторды сауықтыру
Ескерту. Кіші бөлімге өзгеріс енгізілді - ҚР Үкіметінің 2010.12.31 N 1520 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2011.01.21 N 26 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2011.07.11 N 784, 2012.03.27 N 357; 17.05.2013 N 498 қаулыларымен.
Бағдарламаны іске асырудың екінші бағыты қазіргі тұрақты жұмыс орындарын сақтап қалуға және жаңаларын құруға, сондай-ақ экономиканың шикізаттық емес секторының кәсіпорындарын сауықтыруға бағытталған.
Сауықтыру шеңберінде мынадай қолдаулар көрсетілуі мүмкін:
борышкерге Банктердің/Даму Банкінің бар кредиттері бойынша (мақұлдау сәтінде) сыйақы ставкасын және жоба мақұлданғаннан кейін туындайтын бір кредиттік желі шеңберінде жаңа берешекті субсидиялау;
борышкерге бюджетке төленетін салық берешегін (төлем көзінен ұсталатын жеке табыс салығынан басқа) өтеу бойынша мерзімін ұзартуды Салық кодексінде белгіленген тәртіппен көзделетін өсімпұл есептемей беру мәселесін қарау;
қаржы-экономикалық сауықтыру жоспары шеңберінде кәсіпорындарды сауықтыру бойынша, оның ішінде Қазақстандық қор биржасынада орналастырылған облигациялар бойынша ішкі кредиторлар алдындағы берешек бойынша басқа да іс-шаралар.
Бағдарламаға 1-қосымшаға сәйкес экономиканың басым секторларында жұмыс істейтін кәсіпкерлер Бағдарламаның екінші бағытына қатысушылар бола алады (ҚР Индустрия және сауда министрлігі Техникалық реттеу және әдіснама комитеті төрағасының 2007 жылғы 14 желтоқсандағы № 683-од бұйрығымен бекітілген экономикалық қызмет түрлерінің жалпы жіктеуішіне (бұдан әрі - ЭҚТЖЖ) сәйкес).
Сауда жүйелерін салуға және олардың жұмыс істеуіне бағытталған, мыналарды қамтыған қазақстандық тауар өндірушілерді қолдау бағдарламасы, қолданыстағы кредиттері бар кәсіпкерлер:
кемінде 2 жыл мерзімге тауарлар жеткізуді жүзеге асыратын қазақстандық өндірушілермен шарттар жасасу;
қазақстандық өндірушілердің тауарларын сату - тауар ассортименті кемінде 30%;
қазақстандық тауарлардың тауар айналымы - есепті жылдың алдындағы жылғы жалпы тауар айналымының кемінде 60%;
азық-түлік, оның ішінде азық-түлік себетіне кіретін тауарлармен бөлшек сауданы жүзеге асыру;
сауда объектісінің аумағында қызметін жүзеге асыратын қазақстандық кәсіпкерлерге жалпы ауданның кемінде 60% сауда алаңын беру;
өндірушілер аффилиирлеген қазақстандық өндірушілердің тауарларын жеткізуді жүзеге асыратын қазақстандық өндірушілер немесе кәсіпкерлер алдында тауарларға ақы төлеуді жүзеге асыру - қабылданған күннен бастап 30 күнтізбелік күннен кешіктірмей;
сауда сөрелерінде қазақстандық тауарларды орналастыру бойынша ең пайдалы жағдай жасау;
қазақстандық өндірушілер үшін кіру бонустарын жою;
сауда желілері есебінен сауда желілері жүргізетін қазақстандық өндірушілердің жарнамалық акцияларын жүзеге асыру;
негізгі азық-түлік тауарларына бағаны тұрақтандыру мәселелері бойынша жергілікті атқарушы органдар мен сауда кәсіпорындары арасында Өзара ынтымақтастық туралы меморандум жасасу.
Банктердің қазіргі кредиттері бойынша пайыздық ставканы субсидиялау үшін сауда желілерін іріктеу өлшемдері:
қызметтің негізгі түрі бойынша жұмыспен қамтылған, штаттық саны кемінде 100 адамнан тұратын бөлшек сауданы жүзеге асыру;
дүкендердің жалпы жиынтық ауданы - кемінде 2 000 шаршы м;
акцияларының жүз пайызы (қатысу үлесі) Қазақстан Республикасының резидентіне (резиденттеріне) немесе Қазақстан Республикасының резиденті болып табылатын жеке кәсіпкерлерге тиесілі заңды тұлғаның меншік құқығында болуы;
кәсіпорынның саладағы жұмыс кезеңі - кемінде 2 жыл;
2 және одан көп сауда объектісінің болуы.
Бағдарлама шеңберінде қазақстандық өндірушілерді қолдаудың жоғарыда көрсетілген шарттарының сақталу мониторингін Қаржы агенті жүзеге асыратын болады.
Мыналар жобаға қатысушылар бола алмайды:
минералдық шикізатты қайта өңдеуді жүзеге асыратын, Қазақстан Республикасы Үкіметінің 2012 жылғы 29 желтоқсандағы № 1771 қаулысына сәйкес мониторингке жататын ірі салық төлеушілердің тізбесіне енгізілген металлургия өнеркәсібінің кәсіпорындары;
қаржы-экономикалық жағдайы, кредиттер және өзге де берешектер бойынша толық ақпарат беруге келіспеген кәсіпорындар;
кредитормен (лармен) қаржы-экономикалық сауықтыру жоспарын (бұдан әрі - Жоспар) келіспеген кәсіпкерлер.
Банктердің/Даму банкінің кредиттері бойынша сыйақы ставкаларын субсидиялау шарттары
Ескерту. Кіші бөлім жаңа редакцияда - ҚР Үкіметінің 17.05.2013 N 498 қаулысымен.
1. Борышкер Бағдарламаны іске асырудың екінші бағытына қатысуға арналған өтінімді тек 2010 және 2011 жылдарда бере алады.
2. 2012 жылы Бағдарламаның екінші бағытына қатысуға арналған жобаларды қарауға Банктердің/Даму Банкінің Қаржы агентіне 2011 жылғы
31 желтоқсанға дейін енгізген өтінімдері жатады.
3. Пайыздық ставканы субсидиялауды жүзеге асыратын кредиттің (кредиттердің) сомасы бір борышкер үшін 4,5 млрд. теңгеден аспайды.
4. Субсидиялау мерзімі 3 жылдан аспайды.
5. Қызметтің негізгі түрімен байланысы жоқ коммерциялық жылжымайтын мүлік сатып алуға бағытталған кредиттер бойынша субсидиялау жүзеге асырылмайды.
6. Сыйақы ставкасын субсидиялау Банктер сыйақы ставкасын 12 %-ға дейін төмендететін, оның 7 %-ын борышкер-кәсіпкер төлейтін, ал 5 %-ын мемлекет өтейтін Банк кредиттері бойынша ғана жүзеге асырылуы мүмкін. Бұл ретте, егер қолданыстағы сыйақы ставкасы 12 %-дан төмен болса, Банк кредиттері бойынша сыйақы ставкасын ұлғайтуға тыйым салынады. Сондай-ақ, Банк:
1) кредит беру шарттарының өтінім берушінің бастамасымен өзгеруіне байланыстыларын;
2) өтінім берушінің кредит бойынша міндеттемелерін бұзу себебі бойынша алынатындарын қоспағанда, кредитке байланысты ешқандай комиссияларды, алымдарды және/немесе өзге де төлемдерді алмайды.
7. Сыйақы ставкасын субсидиялау қазіргі берешекке (мақұлдау сәтінде) және жоба мақұлданғаннан кейін туындайтын бір кредиттік желі шеңберіндегі жаңа берешекке қолданылады.
8. Негізгі құралдарды сатып алуға және/немесе жаңғыртуға және/немесе өндірісті кеңейтуге және/немесе айналым қаражатын толықтыруға және/немесе кредитті қайта қаржыландыруға берілген кредиттер бойынша субсидиялау жүзеге асырылуы мүмкін.
9. Сауда желілерінің айналым қаражатын толықтыру үшін алынған кредиттер/кредиттердің бір бөлігі субсидиялауға жатпайды (егер осы шарттарда өзгеше көздемесе).
10. Сыйақы ставкасын субсидиялау жіктелгенге жатпайтын (Қазақстан Республикасы Қаржы нарығын және қаржы ұйымдарын реттеу мен қадағалау агенттігі басқармасының 2006 жылғы 25 желтоқсандағы № 296 қаулысына сәйкес), сыйақы ставкасын банктер 10 %-ға дейін төмендететін, оның 5 %-ға дейінгісін борышкер төлейтін, ал 5 %-ын мемлекет өтейтін валюталық кредиттер бойынша жүзеге асырылуы мүмкін.
11. Субсидиялар сомасын қаржы агенті Қазақстан Республикасы Ұлттық Банкі субсидиялар сомасын аударған күнге белгілеген бағам бойынша теңгемен төлейді.
12. Сыйақы ставкасы құбылмалы кредиттер де субсидиялауға жатады, бұл ретте сыйақының пайыздық ставкасы Бағдарламада белгіленген шекті мәндерден жоғары асқан жағдайда осы кредит бойынша Субсидиялау шартының қолданысы тоқтатылады.
13. Оң бағамдық айырма туындаған жағдайда айырма болашақ субсидиялардың есебіне жатқызылады, ал теріс бағамдық айырма жағдайында өтеу қарыз алушыға жүктеледі.
14. Даму Банкінің кредиттері бойынша сыйақы ставкасын субсидиялау сыйақы ставкасы 11,5 %-дан аспайтын, оның 6,5 %-на дейінгісін борышкер-кәсіпкер төлейтін, ал 5 %-ын мемлекет өтейтін кредиттер бойынша жүзеге асырылуы мүмкін. Бұл ретте, егер қолданыстағы сыйақы ставкасы 11,5 %-дан төмен болса, Даму Банкінің кредиттері бойынша сыйақы ставкасын ұлғайтуға тыйым салынады. Сондай-ақ, Даму Банкі:
1) кредит беру шарттарының өтінім берушінің бастамасымен өзгеруіне байланыстыларын;
2) өтінім берушінің кредит бойынша міндеттемелерді бұзуы себебінен алынатындарды қоспағанда, кредитке байланысты қандай да бір комиссиялар, алымдар және/немесе өзге де төлемдер алмайды.
15. Сыйақының пайыздық ставкасын субсидиялау Даму Банкі сыйақы ставкасын 9,5 %-ға дейін төмендететін Даму Банкінің валюталық кредиттері бойынша жүзеге асырылады, оның ішінде 4,5 %-на дейінгісін борышкер төлейді, ал 5 %-ын мемлекет өтейді.
16. Қолданыстағы кредиттерге Банктер/Даму Банкі 2010 жылғы 1 қаңтарға дейін берген, Бағдарламаның екінші бағытының өлшемдеріне сәйкес келетін кредиттер жатады.
Салық және бюджетке төленетін басқа да міндетті төлемдер (төлем көзінен ұсталатын жеке табыс салығынан басқа) бойынша мерзімін ұзартуды ұсыну шарттары
Салық және бюджетке төленетін басқа да міндетті төлемдер (төлем көзінен ұсталатын жеке табыс салығынан басқа) бойынша мерзімін ұзарту Бағдарламаны іске асырудың екінші бағыты шеңберінде банктердің сыйақы ставкасын субсидиялау үшін мақұлданған борышкерлерге ғана берілуі мүмкін.
Мерзімін ұзарту 2008 жылғы 1 қаңтардан басталған кезеңде Қазақстан Республикасы Үкіметінің тиісті қаулысы қабылданған сәтке дейін қалыптасқан, Салық кодексінде белгіленген тәртіппен көзделетін берешек бойынша берілуі мүмкін.
Кәсіпорынды сауықтыру бойынша мемлекеттік қолдаудың басқа шараларын ұсыну шарттары
Кәсіпорындарды сауықтыруды мемлекеттік қолдаудың басқа шаралары жеке негізде Бағдарлама өлшемдеріне, Мемлекеттік бағдарламаның басымдықтарына сәйкестігін, өңірлер үшін олардың қызметінің жүйе құраушы сипатын негізге ала отырып, кәсіпорындарды іріктеуді жүзеге асыратын Мемлекеттік комиссия жанындағы арнайы жұмыс тобының ұсынымдарын ескере отырып жүзеге асырылады.
Екінші бағытты іске асыру тетігі
Ескерту. Кіші бөлімге өзгерту енгізілді - ҚР Үкіметінің 2011.01.21 N 26 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2011.07.11 N 784, 2012.03.27 N 357; 17.05.2013 N 498; 31.12.2013 N 1596 (алғашқы ресми жарияланған күнінен бастап қолданысқа енгізіледі) қаулыларымен.
1. Уәкілетті орган мен Қазақстан қаржыгерлері қауымдастығы (бұдан әрі - ҚҚҚ) арасында Бағдарламаның екінші бағыты шеңбердегі өзара іс-қимыл туралы меморандум жасалады.
2. Борышкер-кәсіпкер берешегі ең көп Банкке/Даму Банкіне (егер борышкердің бірнеше банкке берешегі бірдей болса, ол өз таңдауы бойынша олардың біреуіне жүгінеді) сауықтыруға арналған өтінішімен барады, оған мыналар қоса беріледі:
Бағдарлама өлшемдеріне сәйкестігі, қаржы-экономикалық жағдайы, кредиттері мен өзге де берешектері бойынша ақпарат;
төлем көзінен ұсталатын жеке табыс салығынан басқа, салық және бюджетке төленетін міндетті төлемдерді (мұндайлар болған жағдайда) төлеу бойынша мерзімін ұзартуға өтініш;
кәсіпорынды қаржы-экономикалық сауықтыру бойынша үш жылға арналған жоспар (бұдан әрі - Жоспар).
3. Борышкер-кәсіпкерден сауықтыруға өтініш алған Банк/Даму Банкі үш күн ішінде бұл туралы ҚҚҚ мен Қаржы агентін хабардар етеді.
4. ҚҚҚ кредиттер бойынша кәсіпорынның 100 % берешегі бар
кредиторлар комитетін құрады. Кредиторлар комитеті борышкердің
қаржы-экономикалық жағдайына және оның Бағдарлама өлшемдеріне
сәйкестігіне бағалау жүргізеді. Бұл ретте кредиторлар комитеті борышкермен ақпаратты толық ашу туралы келісім жасасады.
Егер борышкердің тек бір банкте немесе бір кредиторда ғана берешегі болған жағдайда кредиторлар комитеті құрылмайды және ақпаратты толық ашу келісіміне тиісті банк қол қояды.
Борышкердің тілегі бойынша кредиторлар комитетіне тиісті салалық қауымдастықтың өкілі кіре алады.
5. Кредиторлар комитеті борышкер ұсынған барлық құжаттарды қарап болғаннан кейін қабылданған шешімді тиісті хаттама үлгісінде рәсімдейді.
6. ҚҚҚ (Кредиторлар комитеті) борышкер бойынша хаттама мен материалдарды қаржы агентіне жібереді.
7. Қаржы агенті борышкер туралы деректерді жинауды және өңдеуді жүзеге асырады, оны субсидиялау бойынша ұсыным әзірлейді және барлық материалды Жұмыс органына жібереді.
8. Жұмыс органы Жоспарларды кредиторлар комитетімен келіскен Бағдарламаға әлеуетті қатысушылардың материалдарын Жұмыс тобының қарауына жедел түрде шығарады.
9. Жұмыс тобы Бағдарламаға әлеуетті қатысушылардың материалдарын қарастырады және қарастыру қорытындысы бойынша борышкердің Бағдарламаға қатысуын мақұлдайды немесе қабылдамайды. Борышкердің жобаларын қарау тәртібі мен шарттарын Жұмыс тобы дербес айқындайды.
10. Субсидиялау жүзеге асырылатын кредиттің (кредиттердің) қаражаты экономиканың басым секторларындағы қызметке жіберілген жағдайда, Банкпен/Даму Банкімен немесе Кредиторлар комитетімен келісілген жоспар және кәсіпкерлердің қоғамдық бірлестіктерінің салалық қорытындысы бар болса, Жұмыс тобы борышкердің Банктердің/Даму Банкінің кредиттері бойынша сыйақы ставкасын субсидиялау жөніндегі сауықтыру бағдарламасына қатысуын тиісті хаттамамен мақұлдайды.
11. Жұмыс тобы мақұлдаған жағдайда, борышкер-кәсіпкер әрбір кредитормен борыштық міндеттемелер бойынша шартты қайта жасасады, онда мынадай талаптар айқындалады: кредиттер бойынша сыйақы ставкасы 12 % деңгейінде тіркеледі, оның 7 %-ын борышкер-кәсіпкер төлейді, ал 5 %-ын мемлекет өтейді.
12. Жұмыс тобы мақұлдаған жобалар бойынша Банк/Даму Банкі, қатысушы және Қаржы агенті арасында Субсидиялау шарты жасалады, оның шеңберінде Қаржы агенті мен Бағдарламаға қатысушы Банкке/Даму Банкіне сыйақы ставкасының тиісті бөліктерін төлейді.
13. Мемлекеттік комиссия борышкер-кәсіпкердің Бағдарламаға қатысуын тиісті хаттамамен:
1) салықты және бюджетке басқа да міндетті төлемдерді төлеудің мерзімін ұзарту ұсынылған (төлем көзінен ұсталатын жеке табыс салығынан басқа);
2) Жоспар шеңберінде басқа да шаралар ұсынылған жағдайда мақұлдайды.
Үшінші бағыт:
Кәсіпкерлердің валюталық тәуекелдерін төмендету
Ескерту. Кіші бөлімге өзгерту енгізілді - ҚР Үкіметінің 2010.12.31 N 1520 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2011.07.11 N 784, 2012.03.27 N 357; 17.05.2013 N 498; 31.12.2013 N 1596 (алғашқы ресми жарияланған күнінен бастап қолданысқа енгізіледі); 11.07.2014 № 790, 31.03.2014 № 279 (01.01.2015 бастап қолданысқа енгізіледі) қаулыларымен.
Кредиттік міндеттемелер мөлшерінің ұлттық валютаның ауытқуына тәуелділігін және, тиісінше, валюталық тәуекелдердің кредиттік тәуекелдерге ауысуын азайту үшін валюталық пайда алатын кәсіпкерлерге Бағдарлама шеңберінде ұлттық және/немесе шетелдік валютадағы кредиттер/ұлттық валютадағы Қаржы лизингі шарттары бойынша сыйақы ставкасының бір бөлігін субсидиялау түрінде мемлекеттік қолдау көрсетілетін болады.
Мемлекеттік қолдау Бағдарламаға 1-қосымшаға сәйкес қызметін экономиканың басым секторларында (Қазақстан Республикасы Индустрия және сауда министрлігі Техникалық реттеу және метрология комитеті төрағасының 2007 жылғы 14 желтоқсандағы № 683-од бұйрығымен бекітілген экономикалық қызмет түрлерінің жалпы жіктеуішіне (бұдан әрі – ЭҚЖЖ) сәйкес жүзеге асыратын Банктерде/Даму Банкінде/Лизингтік компанияларда бар кредиттер/Қаржы лизингі шарттары бойынша номиналды сыйақы ставкасын субсидиялау арқылы көрсетілетін болады.
Бағдарламаның үшінші бағытына:
1) Қазақстан Республикасы Қаржы ұйымдарын реттеу мен қадағалау агенттігі Басқармасының 2006 жылғы 25 желтоқсандағы № 296 қаулысымен бекітілген Активтерді, шартты міндеттемелерді жіктеу мен оларға қарсы провизиялар (резервтер) құру ережесіне сәйкес 4 және 5-санаттағы «үмітсіз» немесе «күмәнді» деп жіктелгендерді қоспағанда, кәсіпкер Бағдарламаның жергілікті үйлестірушісіне сауалнама-өтініш берердің алдындағы алты айдағы ақшалай пайданың жалпы көлемінің кемінде 10 %-ы мөлшерінде валюталық пайдасы бар;
2) Бағдарламаға 1-қосымшаға сәйкес (Қазақстан Республикасы Индустрия және сауда министрлігі Техникалық реттеу және метрология комитеті төрағасының 2007 жылғы 14 желтоқсандағы № 683-од бұйрығымен бекітілген экономикалық қызмет түрлерінің жалпы жіктеуішіне (бұдан әрі – ЭҚЖЖ) сәйкес) қызметін экономиканың басым секторларында жүзеге асыратын кәсіпкерлер қатысушы бола алады.
Бағдарламаның үшінші бағытына қатысушыларды іріктеу өлшемдері
Ескерту. Кіші бөлім алынып тасталды - ҚР Үкіметінің 17.05.2013 N 498 қаулысымен.
Банктердің/Даму Банкінің/Лизингтік компаниялардың кредиттері/Қаржы лизингі шарттары бойынша сыйақы ставкасын субсидиялау шарттары
Ескерту. Кіші бөлімнің тақырыбы жаңа редакцияда - ҚР Үкіметінің 17.05.2013 N 498 қаулысымен.
Ескерту. Кіші бөлім жаңа редакцияда - ҚР Үкіметінің 2012.03.27 N 357 қаулысымен; өзгеріс енгізілді - ҚР Үкіметінің 31.12.2013 N 1596 (алғашқы ресми жарияланған күнінен бастап қолданысқа енгізіледі) қаулысымен.
Сыйақы ставкасын субсидиялау жүзеге асырылатын Кредиттің/Қаржы лизингі шартының сомасы бір кәсіпкер үшін 4,5 млрд. теңгеден аспауы тиіс және онымен үлестес тұлғалардың/компаниялардың Кредиті/Қаржы лизингінің шарты бойынша берешегі есепке алынбай есептеледі.
750 млн. теңгеден 4,5 млрд. теңгеге дейінгі кредиттер/Қаржы лизингі шарттары бойынша сыйақы ставкасын субсидиялау қолданыстағыларына қарағанда кемінде 10 % жаңа (тұрақты) жұмыс орындарын құру шартымен жүзеге асырылады.
Бұл ретте, жаңадан құрылатын жұмыс орындарының 50 %-ын жұмыспен қамту орталықтарында тіркелген жастар үшін құрылуы ұсынылады.
Кредиттер сомалары 1,5 млрд. теңгеден асатын жобалар бойынша индустрияландыру картасына енгізілген жобалар сыйақы ставкасын субсидиялауға жатады.
Кредиттер/Қаржы лизингі шарттары бойынша субсидиялау мерзімі 10 (он) жылға дейін ұзарту мүмкіндігімен 3 (үш) жылға дейін құрайды. Егер бір жоба бойынша бірнеше Субсидиялау шарты жасалатын жағдайда, субсидиялаудың жалпы мерзімі Қаржы агенті бірінші Субсидиялау шартына қол қойған сәттен бастап белгіленеді.
Кәсіпкердің ағымдағы міндеттемелерін қайта қаржыландыру кезіндегі субсидиялау мерзімі Қаржы агенті қайта қаржыландыру жүзеге асырылған Кредит беруші банкте/Лизингтік компанияда бірінші Субсидиялау шартына қол қойған сәттен бастап белгіленеді.
3 (үш) жыл өткен соң Субсидиялау шартының қолданыс мерзімін ұзарту ӨҮК мақұлдаған сәтте республикалық бюджеттен субсидиялауға арналған қаражат болған кезде ғана Банк/Даму Банкі/Лизингтік компания қолдаухатының негізінде ӨҮК шешімімен мақұлданады.
2013 жылғы 17 мамырға дейін ӨҮК мақұлдаған, Субсидиялау шарттарына қол қойылмаған жобалар Бағдарламаның қолданыстағы шарттарына сәйкестігіне ӨҮК қарауына қайта шығарылуға жатады.
2013 жылғы 17 мамырға дейін ӨҮК мақұлдаған, ашық кредиттік жүйелер шеңберінде Транштар бойынша субсидиялау шарттарына қол қойылмаған жобалар бойынша субсидиялау шарттарына қол қою ӨҮК бұрын мақұлдаған шарттарға сәйкес жүзеге асырылады.
Пайыздық ставканы субсидиялау 8%-ын мемлекет өтейтін 14%-дан аспайтын сыйақы ставкасы бар Банктердің кредиттері бойынша ғана жүзеге асырылуы мүмкін. Бұл ретте Банк:
1) өтінім беруші бастама жасайтын кредит беру шарттарының өзгеруіне байланысты;
2) өтінім беруші кредит бойынша міндеттемелерді бұзуы себебінен алынатындарды қоспағанда кредитпен байланысты қандай да бір комиссияларды, алымдарды, және/немесе өзге төлемдерді алмайды.
Егер Банктің кредиті бойынша сыйақы ставкасы жылдық 14%-дан кем болған жағдайда, онда 8%-ын мемлекет өтейді, ал айырмашылығын кәсіпкер төлейді.
Даму Банкінің кредиттері бойынша сыйақы ставкасын субсидиялау 5 %-ын Кәсіпкер төлейтін, ал айырмасын мемлекет өтейтін номиналды сыйақы ставкасы 13 %-дан аспайтын кредиттер бойынша жүзеге асырылуы мүмкін. Егер Даму Банкінің кредиті бойынша сыйақы ставкасы жылдық 13 % кем болған жағдайда, 5 %-ын Кәсіпкер төлейді, ал айырмасын мемлекет өтейді.
Бұл ретте Даму Банкі:
өтінім беруші бастама жасайтын кредит беру шарттарының өзгеруіне байланысты;
өтінім беруші кредит бойынша міндеттемелерді бұзуы себебінен алынатын комиссияларды, алымдарды және/немесе өзге де төлемдерді қоспағанда, кредитпен байланысты қандай да бір комиссияларды, алымдарды және/немесе өзге төлемдерді алмайды.
Номиналды сыйақы ставкасы 14 %-дан аспайтын, оның 7 %-ын Кәсіпкер төлейтін, ал айырмасын мемлекет өтейтін Лизингтік компаниялардың/Банктің/Даму банкінің Қаржы лизингі шарттары бойынша да субсидиялау жүзеге асырылуы мүмкін. Бұл ретте Лизингтік компания/Банк/Даму Банкі:
1) Борышкер бастама жасайтын қаржы лизингі шарттарының өзгеруіне байланысты;
2) лизинг мәніне тәуелсіз бағалау жүргізумен, лизинг мәнін сақтандырумен, кепіл шартын тіркеумен және ауыртпалықтарды алып тастаумен байланысты;
3) Қаржы лизингі шартын (кедендік тазалау, лизингтік мәнді арнайы органдардың тіркеу қызметтері, банктер қызметтері және т.б. сияқты басқа ұйымдардың қызметтерін өтеу) орындаумен байланысты;
4) Кәсіпкер Қаржы лизингі шарт бойынша міндеттемелерін бұзу себебінен алынатын комиссияларды, алымдарды және/немесе өзге де төлемдерді қоспағанда, Қаржы лизингі шартымен байланысты қандай да бір комиссияларды, алымдарды және/немесе өзге де төлемдерді алмайды.
Субсидиялау негізгі құралдарды сатып алуға және/немесе жаңғыртуға және/немесе өндірісті кеңейтуге және/немесе айналым қаражатын толықтыруға және/немесе қайта қаржыландыруға берілген кредиттер/Қаржы лизингі шарттары бойынша жүзеге асырылуы мүмкін.
Бұл ретте қалпына келтірілетін негізде айналым қаражатын толықтыруға берілген кредиттерді субсидиялауға рұқсат етіледі. Негізгі құралдарды сатып алуға және/немесе жаңғыртуға және/немесе өндірісті кеңейтуге берілген кредит шеңберінде айналым қаражатын толықтыруға берілген кредитті қалпына келтіру мүмкіндігінің шарттары ӨҮК шешімінде көрсетілуге тиіс.
Сыйақы ставкасы құбылмалы кредиттер/Қаржы лизингінің шарттары да субсидиялауға жатады, бұл ретте сыйақы ставкасы Бағдарламада белгіленген шекті мәндерден асып кеткен жағдайда, бұл кредит/лизинг бойынша Субсидиялау шартының қолданысы тоқтатылады.
Сыйақы ставкасын субсидиялау жіктелгенге жатпайтын (Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2006 жылғы 25 желтоқсандағы № 296 қаулысына сәйкес), номиналды сыйақы ставкасы 12 %-дан аспайтын, оның 5 %-ын Кәсіпкер төлейтін, ал айырмасын мемлекет өтейтін банктің валюталық стандартты кредиттері бойынша жүзеге асырылуы мүмкін.
Сыйақы ставкасын субсидиялау жіктелгенге жатпайтын (Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2006 жылғы 25 желтоқсандағы № 296 қаулысына сәйкес), Даму Банкі сыйақы ставкасын 11 %-ға дейін төмендететін, оның 4 %-ын Кәсіпкер төлейтін, ал айырмасын мемлекет өтейтін Даму Банкінің валюталық стандартты кредиттері бойынша жүзеге асырылуы мүмкін.
Оң бағамдық айырма туындаған жағдайда ол болашақ субсидиялардың есебіне жатқызылады, ал теріс бағамдық айырма жағдайында өтеу қарыз алушыға жүктеледі.
Субсидиялар сомасын қаржы агенті Қазақстан Республикасы Ұлттық Банкі субсидиялар сомасын аудару күніне белгілеген бағам бойынша теңгемен төлейді.
Үшінші бағытты іске асыру тетігі
Ескерту. Кіші бөлім жаңа редакцияда - ҚР Үкіметінің 2012.03.27 N 357 қаулысымен; өзгеріс енгізілді - ҚР Үкіметінің 17.05.2013 N 498; 31.12.2013 N 1596 (алғашқы ресми жарияланған күнінен бастап қолданысқа енгізіледі) қаулыларымен.
1. Кәсіпкер Бағдарламаның жергілікті үйлестірушісіне сауалнама-өтініш бергенге дейінгі алдыңғы алты айдағы ақшалай пайданың жалпы көлемінің кемінде 10 %-ы мөлшерінде валюталық пайдасының бар екенін растайтын ақпарат пен құжаттарды қоса бере отырып, Бағдарламаның жергілікті үйлестірушісіне Банктің/Даму Банкінің/Лизингтік компанияның сыйақы ставкасын субсидиялауға өтініш береді.
Ескерту. 1-тармақ жаңа редакцияда - ҚР Үкіметінің 31.03.2014 № 279 қаулысымен (01.01.2015 бастап қолданысқа енгізіледі).
2. Бағдарламаның жергілікті үйлестірушісі кәсіпкерлердің жобаларын алдын ала қарағаннан кейін тиісті құжаттармен жобаларды және Бағдарламаның өңірлік үйлестірушісіне субсидиялауға өтініш берген кәсіпкерлердің тізімдерін одан әрі ӨҮК-нің қарауына шығару үшін жібереді.
Кәсіпкерлердің құжаттары ӨҮК қарауына тек субсидиялауға арналған қаражат шегінде ғана қабылданады және ұсынылады.
Ескерту. 2-тармақ жаңа редакцияда - ҚР Үкіметінің 31.03.2014 № 279 қаулысымен (01.01.2015 бастап қолданысқа енгізіледі).
3. ӨҮК Бағдарламаның шарттарына сәйкес кәсіпкер Банктердің/Даму Банкінің/Лизингтің компаниялардың кредиттері/Қаржы лизингі шарттары бойынша сыйақы ставкасын субсидиялау мүмкіндігі (мүмкін еместігі) жөнінде шешім қабылдайды және шешімді тиісті хаттамамен ресімдейді.
4. Субсидиялау бойынша ӨҮК-нің оң шешімі бар жобалар бойынша Банк/Даму Банкі/Лизингтік компания арасында кәсіпкер және қаржы агенті арасында субсидиялау шарты жасалады, оның шеңберінде қаржы агенті мен кәсіпкер сыйақы ставкасының тиісті бөліктерін Банкке/Даму Банкіне/Лизингтік компанияға төлейді.
5. ӨҮК шешімінің қолданылу мерзімі - ӨҮК шешімі күнінен бастап 6 (алты) ай.
Төртінші бағыт:
Кәсіпкердің әлеуетін күшейту:
Ескерту. Кіші бөлім толықтырылды - ҚР Үкіметінің 2010.12.31 N 1520 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен, өзгерістер енгізілді - ҚР Үкіметінің 2011.01.31 N 63 (2011.01.01 бастап қолданысқа енгізіледі), 2011.07.11 N 784, 2011.12.01 N 1424 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2012.03.27 N 357, 2012.04.28 N 541; 17.05.2013 N 498; 31.12.2013 N 1596 (алғашқы ресми жарияланған күнінен бастап қолданысқа енгізіледі), 31.03.2014 № 279 (01.01.2015 бастап қолданысқа енгізіледі) қаулыларымен.
Төртінші бағыт халықты кәсіпкерлік қызметке тартуды, кәсіпкерлікті қолдау инфрақұрылымын қалыптастыруды және өндірістерді жаңғырту мен бизнесті басқарудың қазіргі заманғы үлгілерін енгізу мақсатында кәсіпкерлік әлеуетті күшейтуге бағытталған шағын және орта бизнеске (бұдан әрі - ШОБ) мемлекеттік қолдау көрсетуді көздейді.
Шағын және орта бизнеске мемлекеттік қаржылық емес қолдау көрсету:
1) кәсіпкерлікті қолдау инфрақұрылымын қалыптастырудан;
2) кәсіпкерлік әлеуеті бар адамдарды және ісін жаңа бастаған кәсіпкерлерді «Бизнес-кеңесші» жобасы шеңберінде кәсіпкерлік негіздеріне оқытудан;
3) Жұмыс істейтін кәсіпкерлерді «Бизнес-Өсу» жобасы бойынша оқытудан;
4) «Жас кәсіпкер мектебі» жобасы (бұдан әрі - «ЖКМ» жобасы) шеңберінде жастарды кәсіпкерлік негіздеріне оқытудан;
5) жұмыс істейтін бизнесті жүргізуді сервистік қолдаудан;
6) шағын және орта бизнестің алдыңғы қатарлы кәсіпорындарын консультациялық жобаларды (бұдан әрі - ВАS Бағдарламасы) іске асыруда қолдаудан;
7) шағын және орта бизнестің топ-менеджментін оқытудан;
8) шетелдік әріптестермен іскерлік байланыстар (бұдан әрі - «Іскерлік байланыстар» жобасы») орнатуды қолдаудан;
9) технологиялар мен басқарудың жаңа әдістерін енгізу саласында басшы қызметкерлер мен менеджерлердің біліктілігін арттырудан (бұдан әрі - «Аға сеньорлар» құрамдауышы);
10) «Бизнес-Насихат» жобасы шеңберіңде кәсіпкерлікті насихаттаудан;
11) ірі компаниялардың айналасында шағын кәсіпкерлікті дамыту
жөніндегі серіктестік бағдарламаларды іске асырудан тұрады.
Экономиканың басым секторларындағы шағын және орта бизнестің әлеуетті және жұмыс істейтін кәсіпкерлері Бағдарламаға қатысушылар бола алады.
Бизнес-инкубаторларды дамытуды, жұмыс істейтін бизнесті жүргізуді сервистік қолдауды, ВАS бағдарламасын, ірі компаниялардың айналасында шағын кәсіпкерлікті дамыту жөніндегі серіктестік бағдарламаларды іске асыруды қоспағанда, «Даму» кәсіпкерлікті дамыту қоры» акционерлік қоғамы (бұдан әрі - Оператор) осы бағыт бойынша Бағдарлама операторы болып табылады.
Кәсіпкерлікті қолдау инфрақұрылымын қалыптастыру
Ескерту. Тақырыппен толықтырылды - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
Кәсіпкерлікті қолдау инфрақұрылымын қалыптастыру кәсіпкерлерге және кәсіпкерлік бастамасы бар халыққа «бір терезе» қағидаты бойынша қызметтер кешенін көрсетуді көздейді.
Ескерту. Төртінші бағыт кіші бөліммен толықтырылды - ҚР Үкіметінің 31.12.2013 N 1596 (алғашқы ресми жарияланған күнінен бастап қолданысқа енгізіледі), өзгеріс енгізілді - 31.03.2014 № 279 (01.01.2015 бастап қолданысқа енгізіледі) қаулыларымен.
Кәсіпкерлікті қолдау инфрақұрылымын қалыптастыру шеңберінде:
1) облыс орталықтары мен Астана, Алматы, Семей, Түркістан қалаларындағы Кәсіпкерлерге қызмет көрсету орталықтары құрылады.
2) моноқалалар, шағын қалалар мен аудан орталықтарында кәсіпкерлік қолдау орталықтары;
3) ауылдар (селолар) және кенттер деңгейінде мобильді кәсіпкерлік қолдау орталықтары;
4) Бизнес-инкубаторлар құрылады.
Кәсіпкерлерге қызмет көрсету орталықтарын (бұдан әрі – КҚКО) құру және оның жұмыс істеуі
Ескерту. Төртінші бағыт кіші бөліммен толықтырылды - ҚР Үкіметінің 31.12.2013 N 1596 (алғашқы ресми жарияланған күнінен бастап қолданысқа енгізіледі), өзгеріс енгізілді - 31.03.2014 № 279 (01.01.2015 бастап қолданысқа енгізіледі) қаулыларымен.
КҚКО – бұл кәсіпкерлерге және кәсіпкерлік бастамасы бар халыққа «бір терезе» қағидаты бойынша бизнесті жүргізудің ақпараттық-консультациялық, оқыту, түсіндіру және практикалық қолдау қызметтерін көрсету үшін Оператордың өңірлік филиалдарының жанында құрылған инфрақұрылымдық кешен.
КҚКО құру мақсаттары:
1) бизнестің мемлекеттік қолдау құралдарын насихаттау;
2) кәсіпорындарда корпоративтік басқару деңгейін арттыру;
3) бизнесті ашу және жүргізу бойынша консультациялық және практикалық көмек көрсету;
4) кәсіпкерлік мәселелері бойынша түсіндіру және ақпараттық көрсетілетін қызметтерді ұсыну.
КҚКО қызметтері қолданыстағы және ісін жаңа бастаған кәсіпкерлерге, сондай-ақ кәсіпкерлік бастамасы бар халыққа ұсынылады.
КҚКО функциялары:
1) «бір терезе» қағидаты бойынша көрсетілетін қызметтер кешенін ұсыну;
2) бизнесті қолдаудың мемлекеттік қаржылық және қаржылық емес құралдары бойынша тегін консультация беру және түсіндіру;
3) қолданыстағы бизнесті жүргізудің мамандандырылған сервистік қызметтерін көрсету шеңберінде практикалық қолдауды ұсыну;
4) «Бизнес-Кеңесші», «Бизнес-Өсу», «Жас кәсіпкер мектебі» жобалары шеңберінде оқыту;
5) Қазақстан Республикасының заңнамасында тыйым салынбаған көрсетілетін қызметтердің өзге де түрлерін ұсыну.
КҚКО жұмыс істеуіне жұмсалатын шығыстарды қаржыландыру Оператордың меншікті қаражаты есебінен жүзеге асырылатын болады.
КҚКО қызметтерін ұсыну тетігі
Ескерту. Төртінші бағыт кіші бөліммен толықтырылды - ҚР Үкіметінің 31.12.2013 N 1596 қаулысымен (алғашқы ресми жарияланған күнінен бастап қолданысқа енгізіледі).
1. Бизнесті мемлекеттік қолдау құралдары бойынша ақпараттық-консультациялық және түсіндіру қызметтерін «бір терезе» қағидаты бойынша Оператор, өзге даму институттары және әріптестік ұйымдар ұсынады.
КҚКО операциялық залында консультанттарды орналастыруға Оператор даму институттарымен өзара ынтымақтастық туралы келісім жасасады.
2. Қолданыстағы бизнесті жүргізудің мамандандырылған сервистік қызметтерін көрсету бойынша практикалық қолдау сервистік қолдау көрсету тетігінің негізінде ұсынылады.
3. «Бизнес-Кеңесші», «Жас кәсіпкер мектебі» жобалары бойынша кәсіпкерлік негіздеріне оқыту «Бизнес-Кеңесші», «Жас кәсіпкер мектебі» атты оқыту жобаларын іске асыру тетіктерімен айқындалады.
Ескерту. 3-тармақ жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
4. Жұмыс істейтін бизнесті жүргізу мен дамытудың функционалдық бағыттарының ерекшелігіне оқыту «Бизнес-Өсу» жобасын іске асыру тетігімен айқындалады.
Ескерту. 4-тармақ жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
5. КҚКО базасында Оператор өзге оқыту бағдарламаларын, тренингтерді, мастер-кластар жүргізеді, сондай-ақ дөңгелек үстелдер мен кәсіпкерлікті дамытуға бағытталған басқа іс-шараларды ұйымдастырады.
Кәсіпкерлік қолдау орталықтарын (бұдан әрі – КҚО) құру және оның жұмыс істеуі
Ескерту. Төртінші бағыт кіші бөліммен толықтырылды - ҚР Үкіметінің 31.12.2013 N 1596 (алғашқы ресми жарияланған күнінен бастап қолданысқа енгізіледі), өзгеріс енгізілді - 31.03.2014 № 279 (01.01.2015 бастап қолданысқа енгізіледі) қаулыларымен.
КҚО – бұл кәсіпкерлерге және кәсіпкерлік бастамасы бар халыққа «бір терезе» қағидаты бойынша бизнесті мемлекеттік қолдау құралдары бойынша ақпараттық-консультациялық және түсіндіру жұмысын, сондай-ақ қолданыстағы қызметкерлерге бизнесті жүргізуге практикалық қолдау көрсетуге арналған стационарлық орталықтар.
КҚО құру мақсаттары:
1) бизнесті мемлекеттік қолдау құралдарын насихаттау;
2) бизнес бастамалары бар халықты жаңа кәсіпорындар құруға ынталандыру;
3) қолданыстағы бизнестің тұрақты дамытуға жәрдемдесу.
КҚО қызметтері қолданыстағы және ісін жаңа бастаған кәсіпкерлерге, сондай-ақ кәсіпкерлік бастамасы бар халыққа көрсетіледі.
КҚО функциялары:
1) кәсіпкерлерді және кәсіпкерлік бастамасы бар халықты бизнесті мемлекеттік қолдау бағдарламалары туралы ақпараттандыру;
2) бизнесті ашу және жүргізу бойынша консультациялық және түсіндіру қызметтерін ұсыну;
3) қаржылық институттармен жұмыс шарттарын түсіндіру;
4) Оператордың оқыту бағдарламаларына қатысуға өтінімдер жинау;
5) қолданыстағы бизнесті жүргізудің мамандандырылған сервистік қызметтерін көрсетуге өтінімдер жинау.
КҚО бизнес-инкубаторлар негізінде тегін орналасады. Моноқалаларда, шағын қалалар мен аудан орталықтарында бизнес-инкубаторлар болмаған жағдайда, КҚО тегін негізде Халыққа қызмет көрсету орталықтарында немесе әкімдіктер ұсынған үй-жайларда орналасады.
КҚО құру және оның жұмыс істеуіне жұмсалатын шығыстарды қаржыландыру республикалық бюджет қаражат есебінен жүзеге асырылатын болады.
КҚО қызметтерін ұсыну тетігі
Ескерту. Төртінші бағыт кіші бөліммен толықтырылды - ҚР Үкіметінің 31.12.2013 N 1596 қаулысымен (алғашқы ресми жарияланған күнінен бастап қолданысқа енгізіледі).
1. Оператор және Жұмыс органы моноқалаларда КҚО жұмыс істеуіне, сондай-ақ шағын қалаларда және аудан орталықтарында КҚО құруға және олардың жұмыс істеуіне арналған шығыстарды қаржыландыру туралы шарттар жасасады.
2. Оператор Жұмыс органымен Шарттың шеңберінде:
1) КҚО-ға консультанттар ұсынуды;
2) КҚО консультанттарын тиісті функцияларды жүзеге асыру үшін қажетті жабдықтармен қамтамасыз етуді қамтамасыз етеді.
3. Қолданыстағы бизнесті жүргізудің мамандандырылған сервистік қызметтерін көрсету бойынша практикалық қолдау сервистік қолдау көрсету тетігінің негізінде ұсынылады.
Мобильді кәсіпкерлікті қолдау орталықтарын (бұдан әрі – МКҚО) құру және оның жұмыс істеуі
Ескерту. Төртінші бағыт кіші бөліммен толықтырылды - ҚР Үкіметінің 31.12.2013 N 1596 қаулысымен (алғашқы ресми жарияланған күнінен бастап қолданысқа енгізіледі).
МКҚО – бұл кәсіпкерлерге және кәсіпкерлік бастамасы бар халыққа ауылдарда және кенттерде «бір терезе» қағидаты бойынша бизнесті мемлекеттік қолдау құралдары бойынша ақпараттық-консультациялық және түсіндіру жұмыстарын ұсынуға бағытталған, жол жүретін арнайы жабдықталған автобустар.
МКҚО құру мақсаттары:
1) бизнесті мемлекеттік қолдау құралдарын ауылдарда және кенттерде насихаттау;
2) бизнес бастамасы бар халықты ауылдарда және кенттерде жаңа кәсіпорындар құруға ынталандыру;
3) ауылдарда және кенттерде қолданыстағы бизнесті тұрақты дамытуға жәрдемдесу.
МКҚО қызметтері қолданыстағы және ісін жаңа бастаған кәсіпкерлерге, сондай-ақ кәсіпкерлік бастамасы бар халыққа тегін көрсетіледі.
МКҚО функциялары:
1) кәсіпкерлерді және кәсіпкерлік бастамасы бар халықты бизнесті мемлекеттік қолдау бағдарламалары туралы ақпараттандыру;
2) бизнесті ашу және жүргізу бойынша консультациялық және түсіндіру қызметтерін ұсыну;
3) қаржылық институттармен жұмыс шарттарын түсіндіру;
4) Оператордың оқыту бағдарламаларына қатысуға өтінімдер жинау;
5) сервистік қолдау көрсету тетігінің шеңберінде қолданыстағы бизнесті жүргізудің сервистік мамандандырылған қызметтерін көрсету бойынша практикалық қолдау көрсету.
МКҚО құруға және оның жұмыс істеуіне жұмсалатын шығыстарды қаржыландыру Оператордың меншікті қаражаты есебінен жүзеге асырылатын болады.
МКҚО қызметтерін ұсыну тетігі
Ескерту. Төртінші бағыт кіші бөліммен толықтырылды - ҚР Үкіметінің 31.12.2013 N 1596 қаулысымен (алғашқы ресми жарияланған күнінен бастап қолданысқа енгізіледі).
1. Оператордың МКҚО жол жүретін консультацияларды көрсету үшін сәуірден бастап қазанды қоса алғанда, жеті ай ішінде ауылдар және кенттер бойынша жүріп тұрады.
2. Оператор жергілікті атқарушы органдармен бірлесіп, ауылдар және кенттер бойынша МКҚО жол жүру кестесін жасайды.
3. Оператор МКҚО үшін консультанттарды ұсынады.
4. Оператор МКҚО негізінде жол жүру және консультациялар үшін консультанттарды ұсынуға өзге даму институттарымен ынтымақтастық туралы келісімдер жасасады.
5. Қолданыстағы бизнесті жүргізудің мамандандырылған сервистік қызметтерін көрсету бойынша практикалық қолдау сервистік қолдау көрсету тетігінің негізінде көрсетіледі.
6. Жергілікті атқарушы органдар ауылдарда және кенттерде МКҚО консультацияларының күні және уақыты туралы хабардар етеді.
7. Жергілікті атқарушы органдар консультациялар ұсыну үшін ауылдарда және кенттерде үй-жайларды қосымша қамтамасыз етеді.
Бизнес-инкубаторлар құру
Ескерту. Төртінші бағыт кіші бөліммен толықтырылды - ҚР Үкіметінің 31.12.2013 N 1596 (алғашқы ресми жарияланған күнінен бастап қолданысқа енгізіледі), өзгеріс енгізілді
- ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулыларымен.
Бизнес-инкубатор – бұл шағын кәсіпорындарға ресурстар мен көрсетілетін қызметтер кешенін ұсыну жолымен олардың қалыптасуы мен табысты дамуы үшін қолайлы жағдайлар жасауға бағытталған қолдау құралы болып табылады.
Бизнес-инкубаторларды құру мақсаттары:
1) шағын кәсіпорындардың қалыптасуы мен дамуы үшін қолайлы жағдайлар жасау;
2) шағын кәсіпкерлік субъектілерінің инновациялық белсенділігін арттыруға жәрдемдесу;
3) шағын кәсіпорындар санын көбейту, олардың тіршілік ету қабілетін арттыру.
Бизнес-инкубаторлар әлеуметтік-кәсіпкерлік корпорация немесе жергілікті атқарушы органдар немесе моноқалалар мен шағын қалаларда кәсіпорындар ұсынған алаңдар базасында құрылады. Бизнес-инкубатордағы үй-жайды/алаңды жалдау мерзімі кәсіпкерліктің әрбір субъектісі үшін үш жылдан аспайды.
Әлеуметтік-кәсіпкерлік корпорация (бұдан әрі - ӘКК) Бизнес-инкубаторларды құру және дамыту операторы болып табылады, оның функцияларына мыналар жатады:
1) бизнес-инкубаторды дамытудың бизнес-жоспарын әзірлеу;
2) бизнес-инкубаторға қатысушыларды тарту;
3) инвестициялар тарту және бизнес-инкубатор қызметін қаржыландыру мәселелерін шешу;
4) бизнес-инкубатор үй-жайларын жалдауға (қосалқы жалдауға) беру;
5) қызметті жүзеге асыру туралы шарттар жасасу, бұзу және олардың талаптарын орындау мониторингі;
6) бизнес-инкубатор қызметін қамтамасыз ету және қолдау.
Бизнес-инкубаторларды құру және дамыту бойынша ӘКК операторлық қызметтеріне ақы төлеу жергілікті бюджет қаражаты есебінен жүзеге асырылады.
Бизнес-инкубаторлар үшін өндірістік (индустриялық) инфрақұрылымды жеткізу жөніндегі шараларды қаржыландыру республикалық бюджет есебінен жүзеге асырылады.
«Бизнес-Кеңесші» жобасы
Ескерту. Кіші бөлім тақырыппен толықтырылды - ҚР Үкіметінің 31.03.2014 № 279 қаулысымен (01.01.2015 бастап қолданысқа енгізіледі).
Ескерту. Кіші бөлімге өзгеріс енгізілді - ҚР Үкіметінің 31.03.2014 № 279 қаулысымен (01.01.2015 бастап қолданысқа енгізіледі).
«Бизнес-Кеңесші» жобасы Оператордың көрсетілетін қызметтерінің стандартталған топтамасын ұсынуын көздейді, ол мыналарды қамтиды:
кәсіпкерлік бастамасы бар халықты және кәсіпкерлерді кәсіпкерлік негіздеріне қысқа мерзімді оқытуды қамтитын стандартталған көрсетілетін қызметтер пакетін ұсынуын көздейді;
кәсіпкерге қажетті құжаттардың стандартын пакетін ұсыну;
ақпараттық-талдамалық қолдау және кәсіпкерлердің Оператордың бизнес-порталына еркін қол жеткізуін ұйымдастыру;
экономиканың басым салаларында маркетингтік зерттеулердің нәтижелерін беру.
Қысқа мерзімді оқу үдерісінде кәсіпкерлерге кәсіпкерліктің негіздері бойынша оқу материалдары, құрылтай құжаттарын, үлгі бизнес-жоспарларды, техникалық-экономикалық негіздемелерді, кредит алуға арналған құжаттарды, сала бойынша маркетингтік зерттеулердің есептерін, сондай-ақ шағын бизнес үшін идеялар анықтамалығын қамтитын құжаттардың стандартты пакеттері берілетін болады.
Құжаттардың стандартты топтамалары «Бизнес-Кеңесші» жобасының шеңберінде оқыту барысында да, сол сияқты жеке сұрау негізінде де қағаз және/немесе электрондық жеткізгіштерде ұсынылатын болады.
«Бизнес-Кеңесші» жобасын іске асыру шарттары
Ескерту. Кіші бөлім жаңа редакцияда - ҚР Үкіметінің 31.12.2013 N 1596 (алғашқы ресми жарияланған күнінен бастап қолданысқа енгізіледі), өзгеріс енгізілді - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулыларымен.
Жоба кәсіпкерлік бастамасы бар халықты және кәсіпкерлерді кәсіпкерлік негіздеріне оқытуға бағытталған.
«Бизнес-Кеңесші»/«Бизнес-Кеңесші-І» жобалары бойынша оқытудан өткені туралы сертификаттың болуы Бағдарламаның бірінші бағытының шеңберінде гранттық қаржыландыруға арналған конкурсқа қатысу және/немесе Банктер/Даму банкі кредиттері бойынша кепілдіктер алуға үміткер болу құқығын береді.
«Бизнес-Кеңесші» жобасын қаржыландыру республикалық бюджет қаражаты есебінен жүзеге асырылатын болады.
"Бизнес-Насихат" құрамдауышын іске асыру тетігі
Ескерту. Кіші бөлім алынып тасталды - ҚР Үкіметінің 17.05.2013 N 498 қаулысымен.
«Бизнес-Кеңесші» жобасын іске асыру тетігі
Ескерту. Тақырып жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
Ескерту. Кіші бөлім жаңа редакцияда - ҚР Үкіметінің 31.12.2013 N 1596 (алғашқы ресми жарияланған күнінен бастап қолданысқа енгізіледі) қаулысымен.
1. Оператор жергілікті атқарушы органдарды, кәсіпкерлік бастамасы бар халықты және кәсіпкерлерді ұсынылатын қызметтердің тізбесі туралы хабардар етеді.
2. Оператор жергілікті атқарушы органдармен бірлесіп, оқу курстарының кестесін, қатысушылардың құрамын қалыптастырады және өтінім берушіге қызметтер көрсетілуін қамтамасыз етеді.
3. Жергілікті деңгейдегі Бағдарламаны Үйлестіруші техникалық талаптар бойынша оқу өткізуге жарамды қажетті үй-жайларды тұрақты негізде беретін болады.
3-1. Оқыту Оператордың КҚКО базасында да жүргізілетін болады;
3-2. Оқытуды өткізу үшін аудан орталықтарына шығу МКҚО арқылы жүзеге асырылуы мүмкін.
4. Бағдарламаның жергілікті деңгейдегі үйлестірушісі Операторға жергілікті телеарналарда кәсіпкерлік бастамасы бар халықты және кәсіпкерлерді «Бизнес-Кеңесші» жобасы бойынша тегін курстар туралы мемлекеттік және орыс тілдерінде хабардар ететін «Бизнес-Кеңесші» жобасы жөніндегі бейнероликті және жергілікті телеарналарда жүгіртпе жолдағы хабарландыру түрінде ақпаратты тегін негізде орналастыруға жәрдем көрсетеді.
Ескерту. 4-тармақ жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
«Бизнес-Өсу» жобасы
Ескерту. Төртінші бағыт кіші бөліммен толықтырылды - ҚР Үкіметінің 31.12.2013 N 1596 (алғашқы ресми жарияланған күнінен бастап қолданысқа енгізіледі), өзгеріс енгізілді - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулыларымен.
«Бизнес-Өсу» жобасы» Оператордың көрсететін қызметтерінің стандартталған топтамасын ұсынуымен кәсіпкерлерді оқытуды көздейді, ол мыналарды қамтиды:
1) бизнесті жүргізу мен дамытудың функционалдық бағыттары бойынша (тізбеге сәйкес кәсіпкердің таңдауы бойынша) кәсіпкерлерді қысқа мерзімді оқытуды (біліктілігін арттыру);
2) кәсіпкерге қажетті оқу материалдарын (оқытудың таңдалған бағыты бойынша) және стандартты құжаттар пакетін ұсынуды;
3) ақпараттық-талдамалық қолдау мен Оператордың бизнес-порталына кәсіпкерлердің еркін қолжетімділігін ұйымдастыруды;
4) экономиканың басым салаларындағы маркетингтік зерттеулер нәтижелерін ұсынуды қамтитын стандартталған көрсетілетін қызметтер пакетін ұсынуымен кәсіпкерлерді оқытуды көздейді.
Кәсіпкерлердің біліктілігін арттыру мақсатында оларды оқыту бағыттарының тізбесін Оператор жыл сайын кәсіпкерлердің пікірлерін сұрау негізінде айқындайды.
Қысқа мерзімді оқыту процесінде кәсіпкерлерге таңдалған оқыту бағытына байланысты оқу материалдары, кредит алуға арналған құжаттар үлгілерін, сала бойынша маркетингтік зерттеулердің есептерін қамтитын стандартты құжаттар пакеті ұсынылады.
Оқу материалдары мен құжаттардың стандартты топтамалары «Бизнес-Өсу» жобасы шеңберінде оқу барысында қағаз немесе электрондық жеткізгіштерде ұсынылатын болады.
«Бизнес-Өсу» жобасын іске асыру шарттары
Ескерту. Кіші бөлімге өзгеріс енгізілді - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
Кәсіпкерлерге қолдау тегін көрсетілетін болады.
«Бизнес-Өсу» жобасын қаржыландыру республикалық бюджет қаражаты есебінен жүзеге асырылатын болады.
«Бизнес-Өсу» жобасын іске асыру тетігі
Ескерту. Тақырып жаңа редакцияда - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
Ескерту. Бөлімге өзгеріс енгізілді - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
1. Оператор жергілікті атқарушы органдарды, кәсіпкерлерді ұсынылатын қызметтердің тізбесі туралы хабардар етеді.
2. Оператор жергілікті атқарушы органдармен бірлесіп, оқу курстарының кестесін, қатысушылардың құрамын қалыптастырады және Өтінім берушіге қызметтер көрсетуді қамтамасыз етеді.
3. Жергілікті деңгейдегі Бағдарламаны үйлестіруші техникалық талаптар бойынша оқу өткізуге жарамды қажетті үй-жайларды тұрақты негізде беретін болады.
4. Оқыту Оператордың КҚКО базасында да өткізілетін болады.
5. Оқытуды өткізу үшін аудан орталықтарына шығу МКҚО арқылы жүзеге асырылатын болады.
«Жас кәсіпкер мектебі» жобасы»
Ескерту. Тараумен толықтырылды - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
«ЖКМ» жобасы «Идеялар жәрмеңкесін» ұйымдастыра отырып, жастарды кәсіпкерлік негіздеріне оқытуды білдіреді және ол жастардың кәсіпкерлік әлеуетін ашуға жәрдемдесуге, кәсіпкерлік қызметке жас адамдарды белсенді тартуға, жас кәсіпкерлер біліктіліктерінің деңгейін арттыруға бағытталған.
«ЖКМ» жобасын іске асыру шарттары
«ЖКМ» жобасына Қазақстан Республикасының 18-ден 29 жасқа дейінгі азаматтары қатыса алады.
Қолдау тегін көрсетілетін болады.
«ЖКМ» жобасын қаржыландыру «Даму» «кәсіпкерлікті дамыту қоры» АҚ қаражаты есебінен жүзеге асырылатын болады.
«ЖКМ» жобасын іске асыру тетігі
1) Оператор жергілікті атқарушы органдармен бірлесіп, жастарды, жас кәсіпкерлерді «ЖКМ» жобасы бойынша қабылдаудың басталғаны туралы тікелей және/немесе өңірлік бұқаралық ақпарат құралдары арқылы хабардар етеді.
2) Өтінім беруші «ЖКМ» жобасы бойынша оқуға КҚО-ға өтінім береді.
3) Оператор оқу курстарының кестесін, қатысушылар құрамын қалыптастырады және Өтінім берушіге көрсетілетін қызметтердің ұсынылуын қамтамасыз етеді.
4) Оқу Кәсіпкерлерге қызмет көрсету орталықтары базасында жүргізіледі.
5) «ЖКМ» жобасына қатысушылардың перспективалы бизнес-жоспарлары өңірлердегі «Идеялар жәрмеңкесінде» таныстырылады.
6) Оператор әлеуетті тәлімгерлер мен инвесторларды тарту үшін
«Идеялар жәрмеңкесінің» өңірлік қатысушыларының перспективалы бизнес-жоспарларының қысқаша сипаттамасын интернет-ресурстарда орналастырады.
«ЖКМ» жобасына қатысушылардың перспективалы бизнес-жоспарларын қаржыландыру Бағдарламаның қаржылық құралдарының тетіктері, инвесторларды іздестіру және іріктеу негізінде жүзеге асырылады.
Жұмыс істеп тұрған бизнесті жүргізуді сервистік қолдау
Ескерту. Тарау тақырыппен толықтырылды - ҚР Үкіметінің 31.03.2014 № 279 қаулысымен.
Жұмыс істейтін бизнесті жүргізуді сервистік қолдау оның тиімділігін арттыру мақсатында кәсіпорынды басқару жүйесін жетілдіруге бағытталған және бизнес-процестерді қолдау бойынша мамандандырылған мынадай арнайы қызметтерді КҚКО-да, КҚО-да және МКҚО-да ұсынуды қамтиды:
Ескерту. Кіші бөлімге өзгеріс енгізілді - ҚР Үкіметінің 31.12.2013 N 1596 қаулысымен (алғашқы ресми жарияланған күнінен бастап қолданысқа енгізіледі).
1. Бухгалтерлік және салықтық есепті жүргізуге, сондай-ақ мынадай мәселелер бойынша консультацияларды қоса алғанда, статистикалық есептілікті жасауға байланысты көрсетілетін қызметтер:
1) салық салу және салықтық әкімшілендіру;
2) салық заңнамасы және кәсіпорынның бухгалтерлік қызметін реттейтін заңнама;
3) бастапқы құжаттарды өңдеу, салықтар мен бюджетке басқа да аударымдарды есептеу;
4) бухгалтерлік есепті қалпына келтіру;
5) бухгалтерлік есепті жүргізу;
6) «1 С-Бухгалтерия» бағдарламасымен жұмыс істеу;
7) салықтық және статистикалық есептерді дайындау және тапсыру;
8) тысқары ұйымдар үшін қаржылық қызмет бойынша қосымша есептерді жасау;
9) электрондық статистикалық есептілікті ұсыну.
Ескерту. 1-тармақ жаңа редакцияда - ҚР Үкіметінің 31.03.2014 № 279 қаулысымен.
2. Мыналарды қоса алғанда, кедендік рәсімдер бойынша қызметтер:
кедендік заңнама мен кедендік рәсімдер саласындағы консультациялар;
тауарларды декларациялау қағидалары мен тәртібі, кедендік құнды айқындау және түзету, кедендік декларацияны толтыру бойынша консультациялар;
нақты тауарлар бойынша тарифтік және тарифтік емес реттеу бойынша консультациялар;
сыртқы экономикалық қызметті құжаттамалық сүйемелдеу;
сыртқы экономикалық қызмет үшін лицензиялар, рұқсаттар алу бойынша консультациялар;
Кеден одағы шеңберінде жүктерді декларациялау бойынша консультациялар;
сыртқы сауда келісімшарт талаптары бойынша консультациялық қызметтер.
3. Мыналарды қоса алғанда, менеджмент жүйелерін енгізу бойынша консультация беру және бүкіл процесті толық сүйемелдеу:
1) ИСО 9001:2000 (Сапа менеджменті жүйесі), ИСО 14001:2004
(Экологиялық менеджмент жүйесі), ИСО 22000:2005 (Тамақ өнімдерінің қауіпсіздігі менеджменті жүйесі), ОНSАS 18001:2007 (Денсаулық сақтау және қауіпсіздік техникасы менеджменті жүйесі) халықаралық стандарттардың және басқа да стандарттардың талаптарына сәйкес құжаттарды сертификаттауға дайындау;
2) персоналды сапа жүйесінің стандарттары талаптарына сәйкес оқыту;
3) қолданыстағы менеджмент жүйелерін ИСО 9001:2000 (Сапа
менеджменті жүйесі), ИСО 14001:2004 (Экологиялық менеджмент жүйесі), ИСО 22000:2005 (Тамақ өнімдерінің қауіпсіздік менеджменті жүйесі), ОНSАS 8001:2007 (Денсаулық сақтау және қауіпсіздік техникалары менеджменті жүйесі) стандарттарының және басқа да стандарттарының талаптарына сәйкестігі түрғысынан талдау;
4) менеджмент жүйелерін әзірлеу және енгізу;
5) менеджменттің интеграцияланған жүйелерін әзірлеу және енгізу;
6) ішкі аудитті жүргізуде көмек;
7) сертификаттау алдындағы аудитті жүргізу бойынша консультация беру;
8) қоршаған ортаны басқару менеджменті жүйесін сертификаттау.
Ескерту. 3-тармақ жаңа редакцияда - ҚР Үкіметінің 31.03.2014 № 279 қаулысымен.
4. Мыналарды қоса алғанда заң қызметтерін көрсету:
кәсіпорынды (жеке кәсіпкерді) тіркеу, қайта тіркеу, жоюға құжаттар дайындау бойынша консультациялық қызметтер;
кәсіпорынды (жеке кәсіпкерді) тіркеу, қайта тіркеу, жоюға құжаттар дайындау;
шарттар жобаларын әзірлеу бойынша консультация беру;
шарттар жобаларын әзірлеу;
азаматтық және еңбек құқығы саласындағы консультация беру;
құжат айналымын жүргізу бойынша консультация беру;
ұсынымдар бере отырып құжат айналымының аудиті;
бизнес-жоспардан басқа кредиттеуге құжаттар пакетін дайындау бойынша консультация беру;
бизнес-жоспардан басқа кредиттеуге құжаттар пакетін дайындау;
кадрлық құжаттаманы жүргізу бойынша консультация;
ұсынымдар бере отырып кадрлық құжаттаманың аудиті;
құжаттардың ҚР заңнамасының талаптарына сәйкестікке тексерумен байланысты консультациялық қызметтер.
5. Мыналарды қоса алғанда маркетинг мәселелері бойынша қызметтер:
баға саясатын әзірлеу бойынша консультация;
нарықты, сондай-ақ мемлекеттік сатып алудың, ұлттық компаниялар мен ұқсас тауарлар, жұмыстар және қызметтер бойынша жер қойнауын пайдаланушылардың сатып алулары қорытындылары мен жоспарларын ескере отырып нақты тауарлар, жұмыстар және қызметтер бойынша баға саясатын әзірлеу;
бизнес-жоспарды әзірлеу және екінші деңгейлі банктерде қарауға дайындау бойынша консультация беру;
бизнес-жоспарды әзірлеу және екінші деңгейлі банктерде қарауға дайындау;
кәсіпорынның (жеке кәсіпкердің) маркетингтік стратегиясын әзірлеу бойынша консультация беру;
кәсіпорынның (жеке кәсіпкердің) маркетингтік стратегиясын әзірлеу;
кәсіпорынның (жеке кәсіпкердің) маркетингтік стратегиясын бағалау және талдау бойынша консультация беру;
кәсіпорынның (жеке кәсіпкердің) маркетингтік стратегиясын бағалау және талдау;
тауарларды және/немесе жұмыстарды және/немесе қызметтерді жылжытуды талдау, тауарларға және/немесе жұмыстарға және/немесе қызметтерге сұраныстың типін зерделеу бойынша консультация беру;
ұсынымдар немесе қорытындылар бере отырып тауарларды және/немесе жұмыстарды және/немесе қызметтерді жылжытуды талдау, тауарларға және/немесе жұмыстарға және/немесе қызметтерге сұраныстың типін зерделеу;
бәсекелес ортаны талдау бойынша консультация беру;
нарықты, сондай-ақ мемлекеттік сатып алудың, ұлттық компаниялар мен ұқсас тауарлар, жұмыстар және қызметтер бойынша жер қойнауын пайдаланушылардың сатып алулары қорытындылары мен жоспарларын ескере отырып бәсекелес ортаны талдау;
сауда маркаларын, жарнамалық компанияларды әзірлеу бойынша консультация беру;
сауда маркаларын, жарнамалық компанияларды әзірлеу.
6. Мыналарды қоса алғанда, ақпараттық технологияларға қызмет көрсету саласындағы консультациялар:
1) интернет-ресурстарды әзірлеу және қолдау бойынша;
2) кәсіпорынның (дара кәсіпкердің) сайт-визиткасын жасау бойынша;
3) интернетте бизнес құру және жүргізу бойынша;
4) есептерді электрондық тапсыру бағдарламаларын орнату және қолдау бойынша;
5) «1 С-Бухгалтерия» бағдарламасын орнату және қолдау бойынша.
Ескерту. 6-тармақ жаңа редакцияда - ҚР Үкіметінің 31.03.2014 № 279 қаулысымен.
7. Мыналарды:
1) конкурсқа/тендерге қатысу үшін өтінімдер дайындауды;
2) конкурсқа/тендерге қатысу үшін өтінімдердің сараптамасын (аудитін) жүргізуді;
3) Қазақстанның сатып алуы бойынша бірыңғай құрылымдалған
ақпараттық базаны қамтитын интернет көзіне қосуды;
4) кәсіпорынның/дара кәсіпкердің құжаттамасын мемлекеттік және өзге де сатып алуға қатысуы үшін жетілдіру мүмкіндігі тұрғысынан сараптауды (аудит);
5) сатып алуды ұйымдастырушылардың әрекетіне/әрекетсіздігіне шағымдануды;
6) қазақстандық қамтудың есебін;
7) сатып алудың жылдық жоспарлары негізінде Қазақстанның
мемлекеттік және өзге де сатып алуларының нарық сыйымдылығы бойынша
талдамалық есептер беруді қамтитын мемлекеттік сатып алумен, ұлттық
компаниялардың және жер қойнауын пайдаланушылардың сатып алуымен
байланысты көрсетілетін қызметтер.
Ескерту. 7-тармақ жаңа редакцияда - ҚР Үкіметінің 31.03.2014 № 279 қаулысымен.
8. Мыналарды қоса алғанда, менеджмент мәселелері бойынша көрсетілетін қызметтер:
1) өкілеттіктерді бөлу және кәсіпорынды басқарудың ұйымдық
құрылымын құру мәселелері бойынша консультациялар;
2) кәсіпорынның стратегиялық даму жоспарын (стратегиясын) әзірлеу бойынша консультациялар;
3) кәсіпорынның стратегиялық даму жоспарын (стратегиясын) әзірлеу;
4) корпоративтік басқару, корпоративтік саясат әзірлеу мәселелері бойынша консультациялар;
5) халықаралық нарыққа шығу стратегиясын әзірлеу бойынша консультациялар;
6) жобаларды басқару мәселелері бойынша консультациялар;
7) жобаның техникалық және қаржы-экономикалық негіздемесін әзірлеу бойынша консультациялар;
8) қаржылық талдау және жоспарлау бойынша консультациялар;
9) кәсіпорынның кадр саясатын әзірлеу бойынша консультациялар;
10) кадрлық іс жүргізу бойынша консультациялар;
11) персонал еңбекақысының мәселелері бойынша консультациялар;
12) персоналды уәждеу, бағалау және ынталандырудың кешенді жүйесін әзірлеу бойынша консультациялар;
13) персоналды уәждеу, бағалау және ынталандырудың кешенді жүйесін әзірлеу;
14) кәсіпкерлерді жекешелендіруге қатысуға дайындау.
Ескерту. 8-тармақпен толықтырылды - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
Жұмыс істейтін бизнесті жүргізуге сервистік қолдау көрсету шарттары
Ескерту. Кіші бөлім жаңа редакцияда - ҚР Үкіметінің 17.05.2013 N 498 қаулысымен; өзгеріс енгізілді - ҚР Үкіметінің 31.03.2014 № 279 қаулысымен.
Сервистік қолдау экономиканың барлық секторларында жұмыс істейтін шағын және орта кәсіпкерлік субъектілеріне көрсетіледі.
Кәсіпкерлер үшін мамандандырылған қызмет жеке консультациялар түрінде тегін ұсынылатын болады.
Қазақстан Республикасының Ұлттық кәсіпкерлер палатасы (бұдан әрі - Сервистік қолдау көрсету жөніндегі оператор) жұмыс істеп тұрған бизнесті жүргізуде сервистік қолдау көрсету бойынша оператор болып табылады.
Жұмыс істеп тұрған бизнесті жүргізуге сервистік қолдау көрсетуді жергілікті жерлерде Сервистік қолдау көрсету бойынша оператор облыстардың, республикалық маңызы бар қалалардың және астананың өңірлік кәсіпкерлер палаталары (бұдан әрі - ӨКП) арқылы жүзеге асырады.
Сервистік қолдау «бір терезе» қағидаты бойынша КҚКО-да ұсынылады. Қажет болған жағдайда, Сервистік қолдау көрсету бойынша оператор айқындаған жекелеген көрсетілетін қызмет түрлері бойынша клиенттің кәсіпорынына баруға жол беріледі.
Көрсетілетін қызмет түрлері бойынша сервистік қолдау «бір терезе» қағидаты бойынша 27 моноқаладағы КҚО-ларда және облыс аудандарында кәсіпкерлерден түскен өтініштердің жиналуына қарай мобильдік КҚО-лар құрамында консультанттардың шығуы арқылы ұсынылады.
Жұмыс істейтін бизнесті жүргізуге сервистік қолдау көрсету тетігі
Ескерту. Кіші бөлім жаңа редакцияда - ҚР Үкіметінің 31.03.2014 № 279 қаулысымен.
1. Жұмыс органы, Оператор және Сервистік қолдау көрсету бойынша оператор арасында жұмыс істеп тұрған бизнесті жүргізуге сервистік қолдау көрсетуде өзара іс-қимыл жасасу жөнінде келісім (бұдан әрі - Келісім) жасалады.
2. Жұмыс істейтін бизнесті сервистік қолдау көрсетуді қаржыландыру Жергілікті деңгейдегі бағдарламаның үйлестірушілері мен ӨКП арасында тиісті шарт жасасу арқылы республикалық бюджеттен берілетін нысаналы трансферттер есебінен жүзеге асырылатын болады.
3. Сервистік қолдау көрсету бойынша оператор ӨКП арқылы мамандандырылған сервистік қызметтер көрсетудің басталуы және көрсетілетін орны туралы, оның ішінде БАҚ арқылы өңірлердің кәсіпкерлерін ай сайын хабардар етуді жүргізеді.
4. Оператор көрсетілетін сервистік қызметтердің сапасына мониторинг жүргізеді және Келісімде көрсетілген талаптарға сәйкес Жұмыс органына ұсынады.
5. ӨКП әр тоқсан сайын есептік айдан кейінгі айдың 5-не (бесіне) дейінгі мерзімде Бағдарламаның жергілікті үйлестірушісіне және Сервистік қолдау көрсету бойынша операторға есеп береді. Сервистік қолдау көрсету бойынша оператор Операторға Келісімде белгіленген нысанға сәйкес, әр тоқсан сайын есептік айдан кейінгі айдың 10-на (онына) дейінгі мерзімде есеп береді.
6. Сервистік қолдау көрсету бойынша Оператор жергілікті деңгейдегі ӨКП арқылы мамандандырылған көрсетілетін қызметтерді алатын кәсіпкерлердің базасын қалыптастырады және Операторға есепті жылдан кейінгі жылдың 15 қаңтарына дейін тізімді береді.
BAS бағдарламасы.
Ескерту. 4.3-кіші бөлім тараумен толықтырылды - ҚР Үкіметінің 17.05.2013 N 498 қаулысымен; өзгеріс енгізілді - ҚР Үкіметінің 31.03.2014 № 279 қаулысымен.
BAS бағдарламасы сыртқы консультанттар жүзеге асыратын консультациялық жобаларды бірлесіп қаржыландыру және нарықты дамыту жөнінде іс-шаралар жүргізу арқылы шағын және орта бизнестің алдыңғы қатарлы кәсіпорындарына қолдау көрсетуге бағытталған.
Еуропа Қайта құру және Даму Банкі (бұдан әрі – ЕҚДБ) BAS бағдарламасының операторы болып табылады.
Консультациялық жобаларды іске асыруда қолдау көрсету шарттары.
BAS бағдарламасы шеңберінде қолдау шағын және орта бизнестің қызметін экономиканың басым секторларында жүзеге асыратын, қаржылай орнықты және өсу әлеуеті жоғары әрі Бағдарлама шеңберінде іске асырылатын консультациялық жобаның жалпы құны шығындарының бір бөлігін өтеуге әзір алдыңғы қатарлы кәсіпорындарына ұсынылатын болады.
Мынадай өлшемдерге сай келетін кәсіпорындар Бағдарламаға қатысушы бола алады:
Іріктеудің базалық өлшемдері:
1) қатысушылар - Қазақстан Республикасының қолданыстағы заңнамасына сәйкес шағын немесе орта кәсіпкерлік субъектілері;
2) меншік нысаны – бақылау пакеті Қазақстан Республикасының азаматтарында болатын жеке кәсіпорын (капиталға шетелдік қатысу 49 %-дан аспайды);
3) қызмет аясы – банктік қызмет көрсетуді, темекі бұйымдарын шығаруды, құмар ойындарын ұйымдастыру және бәс тігу жөніндегі қызметті, әскери мақсатта өнімдерді шығаруды немесе қызметтер көрсетуді қоспағанда, «Бизнестің жол картасы - 2020» бағдарламасына сәйкес барлық басым салалардағы қызмет;
4) шағын және орта бизнес саласындағы жұмыс тәжірибесі - өтінім берілген сәтте 2 (екі) жыл;
5) Бағдарламаға қатысуға арналған өтінімдік құжаттаманың толық пакеті – ЕҚДБ стандартты нысанына сәйкес толтырылған өтінімнің түпнұсқасы, құрылтай құжаттарының көшірмелері (жарғы, мемлекеттік тіркеу туралы куәлік, заңды тұлғаның мемлекеттік тіркелгені/қайта тіркелгені туралы анықтама, салық төлеуші куәлігі), алдыңғы өткен толық екі жыл үшін және өтінім берілген сәттегі ағымдағы қаржы кезеңі үшін қаржылық есептердің көшірмелері (баланс, пайда туралы есеп және ақша қаражатының қозғалысы туралы есеп).
Іріктеудің қосымша өлшемдері (бұл өлшемдерге сәйкестікті ЕҚДБ жергілікті мамандары бизнесті тексеру және диагностикалау бойынша ЕҚДБ стандартты рәсімдері орындалғаннан кейін бағалайды):
1) өміршеңдік – көрінеу бәсекелік артықшылықтардың болуы тұрғысынан одан әрі өсу әлеуеті, пайдалы болуы (жалпы пайданың оң болуы), консультациялық жобаларды енгізу және олардың нәтижелерін қолдану үшін жеткілікті қаржылық және операциялық ресурстардың болуы; ЕҚДБ банкроттыққа жуық күйдегі немесе толық қайта құрылымдауды талап ететін кәсіпорындарды қолдамайды;
2) басшылық тарапынан көзқарас – BAS мамандарымен және консалтингтік компаниямен ынтымақтастыққа әзірлік;
3) абыройының жоғары болуы/парасаттылық – кәсіпорын мен оның басшылығы сенімге ие әрі абыройы жоғары болуға тиіс;
4) штаттан тыс консультанттармен жұмыс тәжірибесі – іскери консультациялық қызметтер алуға деген шынайы қажеттілік, сондай-ақ штаттан тыс консультанттармен жұмыс тәжірибесі мардымсыз болғанда немесе мұндай тәжірибе болмаған кезде алынатын қолдауды пайдалана білу қабілеті және (немесе) жобаны толық көлемде қаржыландыру үшін қаражатының болмауы;
5) қаржылық міндеттемелер – кәсіпорын жобаны іске асырудың жалпы құнының 25-75 %-ын төлеуге әзір және сондай мүмкіндігі болуға тиіс.
ЕҚДБ мамандары алдын ала біліктілік іріктеуін өткізеді және BAS бағдарламасы шеңберінде жобаларды іске асыруға қойылатын талаптарға сай келетін консультациялық қызмет берушілердің дерекқорын жүргізеді.
Нақты бейіндегі консультациялық қызметтер көрсету үшін біліктілігінің және нақты білім салаларындағы жұмысының болуы тұрғысынан консультанттар бағалаудан өтеді:
1) жұмыс тәжірибесі – компания қызметінің сипаттамасы, оның мемлекеттік тізілімде тіркелгені туралы куәлігінің көшірмесі, меншік құқығы туралы куәліктің көшірмесі (жарғыдан және (немесе) құрылтай шартынан үзінді көшірме), алдыңғы өткен кемінде екі жыл үшін жылдық қаржылық есептілік (пайда мен шығын туралы есеп, ақша қаражатының қозғалысы туралы есеп, баланс), егер мұны қолдануға болатын болса, консультациялық қызметтер түрлерінің бөлінісінде төлемақы ставкаларын (бір жұмыс күні үшін евромен) көрсете отырып, компанияның/жеке консультанттың мамандануының сипаты;
2) клиентпен жұмыс және ұсынымдар – пікірлер мен ұсынымдарды қоса алғанда, соңғы 2-3 жылда іске асырылған жобалардың сипаты (консалтингтік компанияның мамандануы шеңберінде);
3) кадрлармен жасақталуы – консультанттардың бәрімен әңгімелесу және олардың түйіндемесін алу.
Кәсіпорынның қажеттіліктері айқындалып, белгіленген нысан бойынша консультациялық қызметтер көрсетуге техникалық тапсырма дайындалғаннан кейін жобаны орындау үшін BAS бағдарламасы шеңберінде белгіленген талаптарға сай келетін консалтингтік компаниялардың коммерциялық ұсыныстарын сұрату жүргізілуі мүмкін. Консультантты түпкілікті таңдау құқығы кәсіпорынның өзінде қалады. Бірінші жоба ойдағыдай іске асырылмайынша, консультанттардың басқа жобаларды қатар орындауына тыйым салынады.
Қолдау көрсетілетін жобалар Кәсіпкерлікті қолдау орталықтары және Қазақстан Республикасы Үкіметінің басқа да бастамалары шеңберінде көрсетілетін қызметтерді толықтыратын болады. Олар, өзгелерімен қатар, консультациялық қызметтердің мынадай түрлерін қамтуы мүмкін:
1) стратегиялық менеджмент:
стратегиялық жоспарлау;
бизнес-жоспарлау;
техникалық- және қаржы-экономикалық негіздемелерді әзірлеу;
қаржылық талдау және жоспарлау;
әріптес іздестіру;
2) маркетинг-менеджмент:
сатуды басқару;
маркетингтік зерттеулер;
маркетингтік стратегия әзірлеу;
брендинг және ілгерілету;
электрондық маркетинг;
3) ұйымдық менеджмент:
ұйымдық даму;
адами ресурстарды басқару;
4) операциялық менеджмент:
бизнес-процестердің реинжинирингі;
өнім беру тізбегін басқару;
5) ақпараттық-коммуникациялық технологиялар:
автоматтандырудың салалық жүйелері;
құжат айналымын автоматтандыру жүйелері;
ІТ-инфрақұрылым;
өндірістік процестерді автоматтандыру жүйелері;
менеджменттің корпорациялық ақпараттық жүйелері;
6) инженерлік-конструкторлық әзірлемелер:
өндірістік желілерді оңтайландыру;
сәулеттік жоспарлау/дизайн;
инфрақұрылымды және коммуналдық желілерді жоспарлау;
7) сапа менеджменті:
сапа менеджменті жүйелерін енгізу;
тағам өнімдерінің қауіпсіздік жүйелерін енгізу;
өндірістегі қауіпсіздік жүйелерін енгізу;
өнім қауіпсіздігінің жүйелерін енгізу;
8) энергия- және ресурс тиімділігі:
энергия аудиті, сертификаттау және рейтинг беру;
энергия менеджментінің жүйелерін енгізу;
энергия тиімділігі саласында инженерлік-конструкторлық шешімдерді енгізу;
қалпына келтірілетін энергия көздерін енгізу;
9) экологиялық менеджмент:
экологиялық аудит және қоршаған ортаға әсерді бағалау;
экологиялық менеджмент жүйелерін енгізу;
экология саласында инженерлік-конструкторлық шешімдерді енгізу;
10) есеп және бухгалтерлік есептілік:
қаржылық басқару және есеп жүйелерін енгізу;
аудиттелетін қаржылық есептілікті дайындау үшін қаржылық ақпаратты өңдеу;
кәсіпорынды басқару және есептілікті жүргізу үшін талап етілетін қаржылық ақпаратты жетілдіру үшін есеп саясатын іске асыру саласындағы консультациялар;
ұлттық/халықаралық стандарттарға (НСФО/МФСО) сәйкес қаржылық есептілікті жетілдіру.
BAS жобаларын іске асыру мерзімі жобаның мазмұнына байланысты болады, дегенмен, әдетте, төрт айдан алты айға дейінгіні құрайды.
BAS бағдарламасы шеңберінде жобаларды іске асыру тетігі:
Ескерту. Кіші бөлім жаңа редакцияда - ҚР Үкіметінің 31.03.2014 № 279 қаулысымен.
1. ЕҚДБ ВАS бағдарламасының операторы және/немесе «Даму» КДҚ» АҚ өңірлік филиалдары Қазақстан Республикасының әрбір облысындағы «Бизнестің жол картасы 2020» бағдарламасына қатысушыларға Бағдарламаға қатысу критерийлері мен өтінім беру топтамасына қойылатын талаптар туралы ақпаратты қоса алғанда, ВАS бағдарламасы туралы ақпаратты ұсынады, сондай-ақ ЕҚДБ ВАS бағдарламасының мамандарымен бірлесіп, әлеуетті клиенттерге жобалық өтінім дайындауға жәрдем көрсетеді.
2. Кәсіпорын/өтінім беруші ЕҚДБ ВАS бағдарламасының операторына ЕҚДБ ВАS бағдарламасының жәрдемдесуімен қолдау алуға өтінім мен құжаттардың қажетті топтамасын (оның ішінде ЕҚДБ ВАS бағдарламасының стандартты нысанына сәйкес толтырылған өтінімнің түпнұсқасын, құрылтай құжаттарының көшірмелерін, алдыңғы өткен толық екі жыл үшін және өтінім берілген сәттегі ағымдағы қаржы кезеңі үшін қаржылық есептердің көшірмелерін (баланс, пайда және залал туралы есеп және ақша қаражатының қозғалысы туралы есеп) береді.
3. ЕҚДБ ВАS бағдарламасының жобалар жөніндегі мамандары бизнестің өміршеңдігін, оның қажеттілігі мен басымдықтарын айқындау және өтінім бойынша түпкілікті шешім қабылдау үшін ЕҚДБ ВАS бағдарламасының бизнесті тексеру және диагностикалау жөніндегі стандартты рәсімдерін орындағаннан кейін кәсіпорынның іріктеу өлшемдеріне сәйкестігін бағалау үшін сонда барады.
4. ЕҚДБ ВАS бағдарламасының операторы Бағдарламаға қатысуға өтінім берушілердің жиынтық тізбесін жасайды, мүдделі кәсіпорындар туралы ақпаратты тіркеумен және сақтаумен айналысады; одан кейін, өтінімдері ЕҚДБ ВАS бағдарламасына қатысуға мақұлдау алған өтінім берушілердің жиынтық тізбесін жасап, Өңірлік үйлестіру кеңесін (бұдан әрі - ӨҮК) хабардар ету мақсатында «Даму» КДҚ» АҚ өңірлік филиалына береді.
5. ЕҚДБ ВАS бағдарламасының операторы кәсіпорын үшін жергілікті және халықаралық сарапшылар дерекқорынан жобаны іске асыруға сай келетін консалтингтік компаниялардың және/немесе сарапшылардың тізімін дайындайды; одан кейін жоба бойынша әлеуетті консультанттармен келіссөздер жүргізуге жәрдемдеседі.
6. Кәсіпорын консалтингтік компанияны және/немесе сарапшыны таңдау туралы түпкілікті шешім қабылдайды.
7. Кәсіпорын мен консалтингтік компания бірлесіп, ЕҚДБ ВАS бағдарламасында белгіленген нысан бойынша техникалық тапсырма әзірлейді, оны ЕҚДБ ВАS бағдарламасының жергілікті мамандарының тобы келісіп, бекітуге тиіс.
8. ЕҚДБ ВАS бағдарламасының операторы қолданыстағы гранттар бойынша матрица-нұсқаулықты негізге ала отырып, консультациялық жобаны бірлесіп қаржыландырудың мөлшері бойынша шешім қабылдайды.
9. Кәсіпорын/өтінім беруші мен консалтингтік компания ЕҚДБ ВАS бағдарламасының операторы мақұлдаған жобаға арналған техникалық тапсырмаға сәйкес консультациялық қызметтер көрсету туралы шарт жасасады.
10. ЕКДБ мен кәсіпорын ЕҚДБ ВАS бағдарламасы шеңберінде консультациялық жобаға грант беру туралы келісім жасасады.
11. ЕҚДБ ВАS бағдарламасының операторы жобаның іске асырылу мониторингін жүзеге асырады.
12. Жоба аяқталған соң, консультант қорытынды таныстырылым өткізеді және бенефициар-кәсіпорынға және ЕҚДБ ВАS бағдарламасының операторына жоба нәтижелері туралы есеп береді.
13. Кәсіпорын консультациялық қызметтер көрсетуге арналған шартқа сәйкес соманы консультантқа төлейді.
14. Орындалған жұмыстардың мәлімделген техникалық тапсырмаға сәйкестігін, жобаның табысты аяқталғанын және консультантқа консультациялық қызметтер көрсету туралы шартқа сәйкес жобаның құнын кәсіпорынның төлеу фактісін тексергеннен кейін ЕҚДБ ВАS бағдарламасының шеңберінде грант беру туралы қол қойылған келісімге сәйкес ЕҚДБ бенефициар-кәсіпорынға грант төлейді.
15. Жоба аяқталғаннан кейін бір жыл өткен соң ЕҚДБ ВАS бағдарламасының операторы жобаның кәсіпорын жұмысының тиімділігіне әсерін бағалау үшін оған барып, қорытынды бағалауды жүргізеді.
Шағын және орта бизнестің топ-менеджментін оқыту шетелдік оқыту орталықтарын тарта отырып, «Назарбаев Университеті» ДБҰ бизнес-мектебінің базасында табысты бизнес құрудың жаңа модельдерін енгізуге, жұмыс істеп тұрған кәсіпорынды тиімді басқару дағдыларын дамытуға әрі стратегиялық және тактикалық бизнес-міндеттерді шешуге бағытталатын болады.
Оқыту кезеңінде кәсіпкерлер бизнес-жоспарлар әзірлейді, оны қорғау нәтижелері бойынша оқудан өткені туралы сертификат беріледі. Бағдарламаның жергілікті деңгейдегі үйлестірушісіне толық оқу курсынан міндетті түрде өту туралы кепілдік міндеттеме беру кәсіпкердің жобаға қатысуының міндетті шарты болып табылады. Егер мақұлданған қатысушы дәлелсіз себептермен оқудан толық көлемде өтпесе, ол шығындардың толық құнын республикалық бюджетке қайтарады. «Назарбаев Университеті» ДБҰ-да оқудан өткеннен кейін кәсіпкерлер келешекте бизнес-жоспарларын «Іскерлік байланыстар» жобасы бойынша тағылымдамаға қатысуға бере алады.
Шағын және орта бизнестің топ-менеджментін оқыту шарттары
Экономиканың басым секторларында қызметін жүзеге асыратын шағын және орта бизнес кәсіпорындарының жоғары және орта буын басшылары Бағдарламаның қатысушысы бола алады.
Бағдарламаға қатысушылар оқуға барып-келуін және тұратын орнын дербес төлейді.
Қатысушылардың оқу шығыстарын төлеу республикалық бюджеттің қаражаты есебінен жүзеге асырылатын болады.
Шағын және орта бизнестің топ-менеджментін оқыту тетігі
Ескерту. Кіші бөлімге өзгерістер енгізілді - ҚР Үкіметінің 2012.03.27 N 357; 17.05.2013 N 498 қаулыларымен.
1. Жергілікті деңгейдегі Бағдарламаны үйлестіруші Бағдарламаға әлеуетті қатысушыларға конкурстық іріктеудің басталғаны туралы тікелей және/немесе бұқаралық ақпарат құралдары арқылы хабарлайды.
2. Өтінім беруші операторға белгіленген нысанда оқуға арналған өтінім береді. Бұл ретте, Өтінім беруші жобаны іске асырумен байланысты мониторинг немесе өзге де іс-қимылдарды жүргізу үшін қажетті барлық мәліметтер мен деректерді беру туралы жазбаша міндеттемеге қол қояды. Жұмыс органы айқындайтын квоталарға сәйкес Оператор жиынтық өтінімдер қалыптастырады және оларды ӨҮК қарауына шығару үшін Жергілікті деңгейдегі бағдарламаны үйлестірушісіне жібереді.
3. ӨҮК кандидатураларды талқылау нәтижелері бойынша іріктеу өткізеді және Өтінім берушінің Бағдарламаға қатысу мүмкіндігі туралы шешім қабылдайды.
4. Жергілікті деңгейдегі Бағдарламаны үйлестіруші Жұмыс органына ӨҮК мақұлдаған жиынтық өтінімді келісуге жібереді.
5. Алынып тасталды - ҚР Үкіметінің 2012.03.27 N 357 Қаулысымен.
6. Алынып тасталды - ҚР Үкіметінің 2012.03.27 N 357 Қаулысымен.
7. Жұмыс органы «Назарбаев Университеті» ДБҰ-на мақұлданған Бағдарлама қатысушыларының тізбесін жібереді.
Оператор «Назарбаев Университеті» ДБҰ-мен бірлесіп, Бағдарламаға қатысушылардың кәсіпорындарды дамыту жөніндегі қызметіне кейіннен мониторинг жүргізеді.
«Іскерлік байланыстар» жобасы
Ескерту. Тақырыппен толықтырылды - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
Ескерту. Кіші бөлімге өзгеріс енгізілді - ҚР Үкіметінің 17.05.2013 N 498 қаулысымен.
"Іскерлік байланыстар" жобасы (бұдан әрі - жоба) халықаралық және шетелдік ұйымдардың қолдауымен шетелдік серіктестермен іскерлік байланыстар орнату есебінен Бағдарламаның 1-қосымшасына сәйкес экономиканың басым секторлары шеңберінде жобаларға қолдау көрсетуге бағытталған.
Жоба екі кезеңнен тұратын болады:
Бірінші кезең Қазақстан аумағында жүзеге асырылады.
Осы кезеңде бизнес жүргізудің осы заманғы әдістерін, маркетингті үйретуге, бизнес-әріптестермен іскерлік байланыстар орнатуға және басқаларына бағытталған бизнес-тренингтер (бұдан әрі - Бизнес-тренинг) ұйымдастыру арқылы басшы қызметкерлер мен менеджерлердің біліктілігін арттыру жүргізілетін болады. Оқу процесінде Жобаға қатысушылар шетелдік және отандық бизнес-жаттықтырушылардың басшылығымен өз кәсіпорнын дамытудың бизнес-жоспарларын әзірлейді.
Осы кезеңде бизнес жүргізудің осы заманғы әдістерін, маркетингті үйретуге, бизнес-серіктестіктермен және т.б. іскерлік байланыстар орнатуға бағытталған бизнес-тренингтер өткізіледі. Оқу процесінде Жобаға қатысушылар шетелдік және отандық бизнес-жаттықтырушылардың басшылығымен өз кәсіпорнын дамытудың бизнес-жоспарларын әзірлейді.
Бизнес-тренингтер аяқталғаннан кейін Жобаға қатысушылар алынған консультацияларға сәйкес бизнес-жоспарларын дербес пысықтайды және кейіннен Жобаның екінші кезеңінде конкурстық іріктеуге қатыса алады.
Екінші кезең Жобаға қатысушылар үшін шетелде тақырыптық бизнес-тағылымдаманы, оның ішінде шетелдік серіктестермен іскерлік байланыс орнату үшін көздейді және мыналарды қамтиды:
ұқсас бейіндегі шетелдік кәсіпорындарда тағылымдама;
мына мәселелер бойынша іскерлік байланыстар орнату:
технологиялар трансферті және жабдықтар сатып алу;
тауарларды, жұмыстарды және қызметтерді өзара жеткізу;
франшиз сатып алу;
халықаралық және шетелдік ұйымдардан гранттар алу;
бірлескен кәсіпорындар құру.
Қазақстанның кәсіпкерлік секторының қажеттілігін және қабылдаушы елдің салаларының даму деңгейін ескере отырып, кәсіпкерлер үшін шетелдік тағылымдаманы ұйымдастыруға халықаралық және шетелдік ұйымдар жәрдемдесетін болады.
Кәсіпкерлерді даярлау және оларды одан әрі шетелге тағылымдамадан өтуге жіберу өңірдің қажеттілігіне сол немесе басқа да мамандықтар бойынша, сондай-ақ өңірдің даму басымдықтарына сәйкес болуы қажет.
Жоба шеңберінде «Жергілікті жеткізуші» құрамдауышы іске асырылады, оның шеңберінде ірі инвесторларға (ұлттық компаниялар, мұнай өндіру және кен металлургия кешені және басқа да жүйе құраушы кәсіпорындар) өз тапсырыстарын жергілікті жеткізушілер арасында орналастыру бойынша ынтымақтастық тетігі ұсынылады. Ірі инвесторлар сатып алынатын тауарлар (жұмыстар мен қызметтер), осы тауарлардың (жұмыстар мен қызметтердің) сапасына қойылатын талаптар бойынша ақпарат береді.
"Іскерлік байланыстар" жобасын іске асыру шарттары
Ескерту. Кіші бөлімге өзгерістер енгізілді - ҚР Үкіметінің 2012.03.27 N 357; 17.05.2013 N 498, 31.03.2014 № 279 (01.01.2015 бастап қолданысқа енгізіледі) қаулыларымен.
Бағдарламаға 1-қосымшаға сәйкес қызметін экономиканың басым секторларында жүзеге асыратын шағын және орта бизнес кәсіпорындарының жоғары және орта буын басшылары Жобаның қатысушысы бола алады.
Жобаның іс-шараларын қаржыландыру республикалық бюджет қаражаты халықаралық және шетелдік ұйымдардың байланысты және байланысты емес гранттарының, сондай-ақ Жобаға қатысушылардың өз қаражаты есебінен жүзеге асырылады.
Қатысушы Қазақстанның аумағында жол жүру бойынша көліктік шығыстарын өзі төлейді.
Бірінші кезеңнің іс-шараларын қаржыландыру:
Бағдарламаға қатысушылардың бизнес-тренинг бойынша шығыстарын төлеу, сондай-ақ «Аға Сеньорлар» құрамдауышы бойынша шетел сарапшыларын тарту республикалық бюджет қаражаты және байланысты және байланысты емес гранттар есебінен жүзеге асырылады.
Екінші кезеңнің іс-шараларын қаржыландыру:
Жобаға Қатысушылардың шет елдердегі тақырыптық бизнес-тағылымдамасын қаржыландыру жергілікті атқарушы органдар мен Оператор арасында тиісті шарт жасасу арқылы республикалық бюджеттен берілетін нысаналы трансферттер есебінен жүзеге асырылатын болады және оның ішінде көліктік шығыстарға ақы төлеуді қамтиды.
Жобаға қатысушылардың шетелдегі тағылымдамасын ұйымдастыру бойынша қызметтер байланысты және байланысты гранттардың қаражаты есебінен қаржыландырылады.
"Аға Сеньорлар" құрамдауышын іске асыру шарттары
Ескерту. Кіші бөлім алынып тасталды - ҚР Үкіметінің 17.05.2013 N 498 қаулысымен.
«Іскерлік байланыстар» жобасын іске асыру тетігі
«Іскерлік байланыстар» жобасының бірінші кезеңін іске асыру тетігі
Ескерту. Кіші бөлім жаңа редакцияда - ҚР Үкіметінің 17.05.2013 N 498 қаулысымен.
1. Оператор Қазақстан Республикасының мемлекеттік сатып алу туралы қолданыстағы заңнамасына сәйкес Білім беру мекемесін айқындайды.
2. Оператор Білім беру мекемесімен бизнес-тренингтер өткізуге және шет елдерде тағылымдама ұйымдастыруға шарт жасасады.
3. Өтінім беруші Операторға белгіленген нысанда Жобаға қатысуға өтінім береді. Бұл ретте, Өтінім беруші Жобаны іске асыруға байланысты мониторинг немесе өзге де іс-қимылдарды жүргізу үшін қажетті барлық мәліметтер мен деректерді беру туралы жазбаша міндеттемеге қол қояды.
4. Өтінімдерді қабылдау мерзімі аяқталғаннан кейін Оператор 15 (он бес) жұмыс күні ішінде өтінімдерді қарайды және кәсіпкерлердің өтінімдеріне іріктеу жасайды. Іріктелген өтінімдерден Оператор жиынтық өтінім қалыптастырады, оны салалар (кіші салалар) бойынша топтайды және 15 (он бес) жұмыс күні ішінде Жұмыс органына тиісті салалар бойынша бизнес-тренингтер және кейіннен тақырыптық бизнес-тағылымдамалар ұйымдастыру бойынша ұсыныстарды келісу үшін жібереді.
5. Жұмыс органы Жобаға қатысушылардың мақұлданған тізімін бизнес-тренингтер дайындау бойынша тиісті жұмыстар жүргізу үшін Операторға жібереді.
6. Білім беру мекемесі оқыту бағдарламасын әзірлейді, оны оператормен келіседі және Жұмыс органына бекітуге жібереді.
7. Оқыту бағдарламасын Жұмыс органы бекіткеннен кейін Білім беру мекемесі Жобаға қатысушылар үшін бизнес-тренингтер ұйымдастырады, оның шеңберінде Жобаға қатысушылар өзінің кәсіпорнын дамытудың бизнес-жоспарларын әзірлейді.
8. Білім беру мекемесі бизнес-тренингтер өткізу үшін осы салаларда (кіші салаларда) тиісті біліктілігі бар шетелдік және отандық оқыту орталықтарын, консалтингтік компанияларды, бизнес-тренерлер мен сарапшыларды тартады.
9. Бизнес-тренингтер аяқталғаннан кейін Жобаның екінші кезеңіне қатысқысы келетін Жобаға қатысушылар тікелей кәсіпорынға арналған өздерінің бизнес-жоспарларын пысықтайды және пысықталған бизнес-жоспарларды Білім беру мекемелеріне ұсынады.
10. Оператор Жобаға қатысушылар үшін «Аға сеньорлар» құрамдауыштары шеңберінде шетелдік мамандар тартуды қамтамасыз етеді.
11. Бағдарлама шеңберінде «Назарбаев Университеті» ДБҰ бизнес-мектебінің базасында оқудан өткен кәсіпкерлер де Жобаның екінші кезеңіне қатысуға өтінім бере алады.
«Іскерлік байланыстар» жобасының екінші кезеңін іске асыру тетігі
Ескерту. Кіші бөлім жаңа редакцияда - ҚР Үкіметінің 2012.03.27 N 357 Қаулысымен.
1. Халықаралық және шетелдік ұйымдар оператормен және жеке кәсіпкерлік субъектілері бірлестіктерімен бірлесіп, Жобаның бірінші кезеңінде әзірленіп, ұсынылған үздік бизнес-жоспарларға іріктеу жүргізеді және Жобаның екінші кезеңіне қатысу үшін қатысушылардың тізбесін Жұмыс органға енгізеді.
2. Халықаралық және шетелдік ұйымдар, топтық бағдарламалардың күнтізбесін жасайды және тақырыптық бизнес-тағылымдамалар өткізу үшін серіктес-кәсіпорындар іздестіруді жүзеге асырады және бағдарламаға қатысушыларды тағылымдамаға жібереді.
3. Қатысушылар тағылымдама нәтижелері бойынша алынған білім, тәжірибе және технологияны есепке ала отырып егжей-тегжейлі даму жоспарын дайындайды.
4. Оператор жергілікті деңгейдегі Бағдарламаны үйлестірушімен және халықаралық және шетелдік ұйымдармен бірлесіп Бағдарламаға қатысушы кәсіпорындардың даму жоспарларының іске асырылуына мониторингі жүргізеді.
Аға Сеньорлар» құрамдауышы
Ескерту. Қаулы кіші бөліммен толықтырылды - ҚР Үкіметінің 17.05.2013 N 498 қаулысымен.
1. «Аға Сеньорлар» құрамдауышын іске асыру Жобаның бірінші кезеңіндегі бизнес-тренингтер өткізу процесінде де, сол сияқты Бағдарламаға Қатысушыларға кәсіпорындарда басқарудың жаңа әдістерін, өндіріс технологияларын және жабдықты енгізу, персоналды оқыту бойынша да консультациялар беру үшін табысты жұмыс тәжірибесі бар шетелдік мамандарды тартуға бағдарланған.
2. «Аға Сеньорлар» құрамдауышын Қазақстан аумағында ұйымдық сүйемелдеуді халықаралық және шетелдік ұйымдардың жәрдемімен Оператор жүзеге асыратын болады.
3. «Аға Сеньорлар» құрамдауышын іске асыру шарттары
1) Бағдарламаның қатысушылары, сондай-ақ қызметін Бағдарламаға
1-қосымшаға сәйкес экономиканың басым секторларында жүзеге асыратын шағын және орта кәсіпкерлік субъектілері «Аға Сеньорлар» құрамдауышына қатысушы бола алады;
2) «Аға Сеньорлар» құрамдауышы бойынша шетел сарапшыларын тарту жөніндегі шығыстарға ақы төлеу республикалық бюджет қаражаты, байланысты және байланысты емес гранттар есебінен жүзеге асырылады;
3) шетелдік сарапшылардың ұшып келіп-кету шығыстарына ақы төлеу және қызметтеріне ақы төлеу республикалық бюджет қаражаты есебінен жүзеге асырылатын болады;
4) көлік және тәуліктік шығыстар, сондай-ақ Қазақстан аумағында тұру кәсіпкердің өз қаражаты есебінен жүзеге асырылатын болады;
5) алып тасталды - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
Ескерту. 3-тармаққа өзгеріс енгізілді - ҚР Үкіметінің 31.03.2014 № 279 (01.01.2015 бастап қолданысқа енгізіледі) қаулысымен.
Еңбек нарығына қажетті мамандықтар бойынша кадрлар даярлауды ұйымдастыру тетігі
Ескерту. Кіші бөлім алынып тасталды - ҚР Үкіметінің 2012.03.27 N 357 Қаулысымен.
Еңбек нарығына қажетті мамандықтар бойынша кадрларды қайта даярлау шарттары
Ескерту. Кіші бөлім алынып тасталды - ҚР Үкіметінің 2012.03.27 N 357 Қаулысымен.
Кадрлардың біліктілігін арттыру шарттары
Ескерту. Кіші бөлім алынып тасталды - ҚР Үкіметінің 2012.03.27 N 357 Қаулысымен.
Мамандардың біліктілігін арттыруды ұйымдастыру тетігі
Ескерту. Кіші бөлім алынып тасталды - ҚР Үкіметінің 2012.03.27 N 357 Қаулысымен.
«Жастар практикасын» ұйымдастыру
Ескерту. Кіші бөлім алынып тасталды - ҚР Үкіметінің 2012.03.27 N 357 Қаулысымен.
"Аға Сеньорлар" құрамдауышын іске асыру тетігі
Ескерту. Қаулы кіші бөлімге өзгеріс енгізілді - ҚР Үкіметінің 17.05.2013 N 498 қаулысымен.
1. Оператор Бағдарламаның жергілікті деңгейдегі үйлестірушісімен бірге Бағдарламаның қатысушылары мен шағын және орта кәсіпкерлік субъектілерін "Аға сеньорлар" құрамдауышын іске асыру шарттары туралы тікелей және/немесе бұқаралық ақпарат құралдары арқылы хабардар етеді.
2. Өтінім беруші Операторға белгіленген нысанда шетелдік мамандарды тартуға өтінім береді.
3. Оператор өтінімдерді қарайды және іріктеу жүргізеді. Іріктелген өтінімдерден Оператор жиынтық өтінімді қалыптастырады және Жұмыс органына келісуге жібереді.
4. Жұмыс органы қатысушылардың келісілген тізімін шетелдік мамандарды тарту бойынша ұйымдық іс-шараларды жүзеге асыру үшін Операторға жібереді.
5. Оператор Халықаралық және шетелдік ұйымдармен бірлесе отырып, шетелдік мамандарды тартуды қамтамасыз етеді.
6. Оператор "Аға сеньорлар" құрамдауышын іске асыру мониторингін жүзеге асырады.
7. Халықаралық және шетелдік ұйымдар шетелдік мамандардың әрбір миссиясы аяқталғаннан кейін Операторға жұмыс нәтижелері туралы есепті жібереді.
«Бизнес-Насихат»
Ескерту. 4.3-кіші бөлім тараумен толықтырылды - ҚР Үкіметінің 17.05.2013 N 498; өзгерістер енгізілді - ҚР Үкіметінің 31.12.2013 N 1596 (алғашқы ресми жарияланған күнінен бастап қолданысқа енгізіледі); 11.07.2014 № 790 қаулыларымен.
1. «Бизнес-Насихат» құрамдауышы Бағдарламаны тиімді іске асыру, сондай-ақ кәсіпкерлік идеяларын танымал ету мақсатында ШОБ-қа мемлекеттік қолдау шараларын халықтың қалың тобына түсіндіруге бағытталған мемлекеттік қолдау көрсетуді көздейді.
2. «Бизнес-Насихат» құрамдауышы шеңберінде шағын және орта кәсіпкерлікті мемлекеттік қолдау мыналарды білдіреді:
1) Бағдарлама бойынша ақпараттық-түсіндіру жұмысын жүргізу;
2) Бағдарлама шеңберінде кәсіпкерліктің сәтті үлгілері мен сәтті жобаларын танымал ету;
3) кәсіпкерлік саласындағы заңнаманы және реттеуді түсіндіру;
4) кәсіпкерлік идеяларын насихаттау;
3. «Бизнес-Насихат» құрамдауышын қаржыландыру республикалық бюджет қаражаты есебінен жүзеге асырылатын болады.
4. Бағдарлама бойынша ақпараттық-түсіндіру жұмысын жүргізу:
1) бұқаралық ақпарат құралдарында мемлекеттік қолдау шараларын жария етуді;
2) мемлекеттік қолдау шараларының шарттары мен тетіктері бойынша баспа өнімін әзірлеуді және тираждауды;
3) ақпараттық іс-шаралар (форумдар, конференциялар, сессиялар, семинарлар, кеңестер және т.б.) өткізуді;
4) ақпараттық-талдамалық материалдар кешенін (баспасөз-кит), бейне материалдар дайындау;
5) кәсіпкерлікті қолдау бойынша өткізілген іс-шаралардың фотогалереясын дайындауды;
6) инфографика (схемалар мен суреттер) дайындауды және өңірлік және республикалық БАҚ-та орналастыруды;
7) кәсіпкерлерге мемлекеттік қолдау көрсету шарттарын түсіндіру үшін Оператордың Call-орталығының қызметін ұйымдастыруды;
8) Оператордың бизнес-порталының жұмысын қамтамасыз етуді;
9) ағымдағы жағдайға кешенді жалпы республикалық талдау мен өңірлік және салалық бөліністерде ШОБ-тың әлеуметтік-экономикалық көрсеткіштерінің серпінін, жеке-жеке Қазақстанның әрбір өңірінің ШОБ секторының шолуын, ШОБ субъектілерін қаржылық және қаржылық емес қолдаудың қолданыстағы инфрақұрылымы бойынша өзекті ақпаратты көрсететін Қазақстандағы және оның өңірлеріндегі ШОБ дамуының жай-күйі туралы жыл сайын есеп шығаруды қоса алғанда, ШОБ секторы бойынша үнемі есептер әзірлеуді;
10) ШОБ-ты дамыту, микроқаржы секторы, республикалық және өңірлік деңгейдегі макро- және микроэкономикалық үдерістер туралы, сондай-ақ кәсіпкерлікті қолдаудың мемлекеттік бағдарламаларын іске асыру нәтижелері туралы өзекті статистикалық ақпарат беру жөніндегі интерактивті ақпараттық-талдау жүйесінің жұмысын қамтамасыз етуді көздейді.
5. Бағдарлама шеңберінде кәсіпкерліктің сәтті үлгілері мен сәтті жобаларды танымал ету:
1) іске асырылған жобалардың сәтті үлгілері бойынша баспасөз-турларын ұйымдастыру;
2) Бағдарламаға қатысушылар туралы әңгімелер («Жетістіктер тарихтары») әзірлеу және БАҚ-та орналастыру;
3) өңірлік және республикалық телеарналарда «Арнайы репортаж» жанрында хабарлар циклін әзірлеу және шығару;
4) БАҚ өкілдері арасында Бағдарлама туралы немесе жалпы кәсіпкерлік туралы үздік материалға арналған конкурс өткізу арқылы іске асырылатын болады.
6. Кәсіпкерлік саласындағы заңнаманы және реттеуді түсіндіру:
1) кәсіпкерлік саласындағы заңнама және реттеу мәселелеріне маманданған ұйымдарды тарта отырып, кәсіпкерлер үшін кәсіпкерлік қызметтің негіздері бойынша ақпараттық-талдамалық анықтамалықтар мен оқу-әдістемелік құралдарын тираждауды және таратуды;
2) жаднамалар, түсіндіру сипатындағы материалдар әзірлеуді;
3) телевизияда арнайы хабарлар шығаруды немесе оларға қатысуды көздейді.
7. Кәсіпкерлік идеяларын насихаттау:
1) сарапшылардың, кәсіпкерлердің, қоғам қайраткерлерінің, шетелдік мамандардың қатысуымен телехабарлар серияларын ұйымдастыруды;
2) «Жылдың үздік кәсіпкері» конкурсын ұйымдастыруды және өткізуді;
3) жастар жобаларының көрмелерін ұйымдастыруды және өткізуді;
4) алынып тасталды - ҚР Үкіметінің 31.12.2013 N 1596 қаулысымен (алғашқы ресми жарияланған күнінен бастап қолданысқа енгізіледі);
5) ісін жаңа бастаған кәсіпкерлер үшін ашық лекциялар, мастер-кластар өткізуді;
6) Оператордың қолданыстағы Бизнес-порталының базасында «Жас іскер» жастар кәсіпкерлігіне арналған бөлімді іске қосуды;
7) жас/жұмысын жаңа бастаған кәсіпкерлерге жетекшілік жасауға әзір бизнес-тәлімгерлерді тарту үшін веб-алаңдар құруды;
8) іскери баспа басылымдарында кәсіпкерлік бойынша айдарлар ұйымдастыруды;
9) арнайы журнал шығаруды;
10) әлеуметтік желілерде қоғамдастықтар, форумдарда тармақтар, интернет-блогтар, сайттарда-бейне-хостингтерде кәсіпкерлікке арналған арналар құруды және жүргізуді көздейді.
«Бизнес-Насихат» құрамдауышын іске асыру тетігі
1. Оператор және Жұмыс органы «Бизнес-Насихат» құрамдауышы бойынша қызметтер көрсетуге шарт (бұдан әрі – Шарт) жасасады.
2. Шарттың негізінде Оператор Жұмыс органына егжей-тегжейлі жұмыс жоспарын ұсынады.
3. Оператор «Бизнес-Насихат» құрамдауышын іске асыру мақсаттары мен міндеттеріне сәйкес келетін талаптарды ескере отырып, қызметтер тізбесін қалыптастырады және қолданыстағы заңнамаға сәйкес оларды көрсетушілерді айқындайды.
4. Оператор әрбір қызмет түрі бойынша бекітілген техникалық ерекшелікке сәйкес қызметтерді көрсетушілермен мамандандырылған қызметтер көрсетуге шарт жасасады.
5. Қызметтерді көрсетуші Операторға қызметтерді шартта бекітілген қызметтер құнына сәйкес ұсынады. Айыппұлдарды, өсімпұлдарды және басқаларын қоса алғанда, қызметтерді толық және сапалы көрсету жауапкершілігі қызметтерді көрсетушіге жүктеледі.
6. Қызметтерді көрсетушінің қызметтеріне ақы төлеу қызметтердің тиісті көлемде тиісінше сапада көрсетілгені расталғаннан кейін жүзеге асырылады.
7. Ұсынылатын қызметтер сапасының мониторингін Оператор жүргізеді.
8. Оператор жұмыс жоспарын іске асырудың барысы туралы Жұмыс органын ұдайы хабардар етіп отырады.
РҚАО-ның ескертпесі!
«Жастар кәсіпкерлігін дамыту» құрамдауышының бірінші - он сегізінші бөліктері алынып тастау көзделген - ҚР Үкіметінің 31.03.2014 № 279 қаулысымен (өзгеріс енгізілмеді).
Жастар кәсіпкерлігін дамыту жастардың инновациялық және кәсіпкерлік әлеуетін ашуға жәрдемдесуге, жас адамдарды кәсіпкерлік қызметке белсенді тартуға, жас кәсіпкерлердің құзыреттілік деңгейін арттыруға бағытталған.
Жастар кәсіпкерлігін дамыту мынадай бағыттар бойынша іске асырылады:
1) ақпараттық қолдау;
2) білім беру-консультациялық қолдау.
Жастар кәсіпкерлігін ақпараттық қолдау жастар жобаларының көрмелерін ұйымдастыру және өткізу; ісін жаңа бастаған жас кәсіпкерлерге ашық дәрістер, мастер-кластар өткізу; «Даму» қорының жұмыс істеп тұрған бизнес-порталы негізінде жастар кәсіпкерлігіне арналған «Жас іскер» бөлімін іске қосу; сондай-ақ ісін жаңа бастаған жас кәсіпкерлерге жетекшілік етуге дайын бизнес-тәлімгерлерді тартуға арналған веб-алаң құру арқылы жүзеге асырылады.
Білім беру-консультациялық қолдау кәсіпкерлік бастамасы бар жастарды және жас кәсіпкерлерді «Жас кәсіпкер мектебі» жобасының (бұдан әрі – «ЖКМ») немесе «Бизнес-Кеңесші-І» жобасының шеңберінде оқытудан, КҚКО-да және КҚО-да «жалғыз терезе» қағидаты бойынша кәсіпкерлікті мемлекеттік қаржылық емес және қаржылық қолдаудың барлық құралдары бойынша толық консультация беруден тұрады.
Жастар кәсіпкерлігін дамыту шарттары
Жастар кәсіпкерлігін дамыту Қазақстан Республикасының 18-ден 29 жас аралығындағы азаматтарына мемлекеттік қолдау шараларын көрсетуді көздейді.
«ЖКМ» оқытудан өткені туралы сертификаттың болуы гранттық қаржыландыру конкурсына қатысуға және/немесе Бағдарламаның бірінші бағыты шеңберінде Банктер/Даму Банкі кредиттері бойынша кепілдік алуға құқық береді.
Жастар кәсіпкерлігін дамыту тетігі
1. Оператор жергілікті атқарушы органдарды, кәсіпкерлік бастамасы бар жастарды және жас кәсіпкерлерді ұсынылатын қызметтердің тізбесі туралы хабардар етеді.
2. Ақпараттық қолдау «Бизнес-насихат» құрамдауышы тетігінің негізінде ұсынылады.
3. Жастар кәсіпкерлігін мемлекеттік қаржылық және қаржылық емес қолдаудың құралдары бойынша консультациялар КҚКО-ға және КҚО-ға ұсынылады.
4. «Жұмыс істейтін бизнесті жүргізуді сервистік қолдау» шеңберінде бизнес-процестер бойынша консультациялар Оператордың КҚКО-да және КҚО-да беріледі.
5. Кәсіпкерлік негіздеріне оқыту «Бизнес-Кеңесші-І» жобасын іске асыру тетігімен айқындалады.
6. «Жас кәсіпкер мектебінде» оқыту мынадай тетікпен айқындалады:
1) Оператор жергілікті атқарушы органдарымен бірлесіп, жастарды, жас кәсіпкерлерді «ЖКМ» жобасы бойынша қабылдаудың басталуы туралы тікелей және/немесе өңірлік бұқаралық ақпарат құралдары арқылы хабардар етеді.
2) Өтініш беруші «ЖКМ» бойынша оқуға арналған өтінімді КҚО-ға береді.
3) Оператор оқу курстарының кестесін, қатысушылардың құрамын қалыптастырады және Өтінім берушіге қызметтер көрсетуді қамтамасыз етеді.
4) Оқыту Оператордың Кәсіпкерлерге қызмет көрсету орталықтарының базасында өткізілетін болады.
5) Оператор әлеуетті тәлімгерлерді және инвесторларды тарту үшін «ЖКМ» Жобасын тыңдаушылардың перспективалық бизнес-жоспарларының қысқаша сипаттамасын интернет-ресурстарда орналастырады.
«ЖКМ» тыңдаушыларын перспективалық бизнес-жоспарларын қаржыландыру Бағдарламаның қаржылық құралдары тетіктерінің, іздеу және инвесторларды іріктеу негізінде жүзеге асырылады.
Егде жастағы адамдар арасында кәсіпкерлікті және әйелдер кәсіпкерлігін дамыту Бағдарламаның кәсіпкерлікті қолдаудың қолданыстағы құралдарының тетіктері негізінде жүзеге асырылады.
"Екінші деңгейдегі банктер мен әкімдіктердің қызметкерлерін оқыту"
Ескерту. 4.3-бөлім кіші бөліммен толықтырылды - ҚР Үкіметінің 2012.04.28 N 541 Қаулысымен.
"Екінші деңгейдегі банктер мен әкімдіктердің қызметкерлерін оқыту" құрамдауышы Бағдарламаны іске асыру шарттарын түсіндіруге және жобаларды қаржылық талдаудың тәжірибелік дағдыларын әзірлеуге бағытталған.
Оқыту Астана және Алматы қалаларында теориялық сабақтарды, топтық жұмыс пен талқылауларды, сондай-ақ тренингтің жалпы ұзақтығының жартысынан көбін құрайтын практикалық сабақтарды қамтитын мамандандырылған тренингтер түрінде жүргізілетін болады. Барлық тренингтер қағаз және электронды тасығыштарда таратылатын теориялық және практикалық материалдармен сүйемелденіп отырады.
Оқыту бағдарламасы қатысушылардың екі санатына бағытталған: екінші деңгейдегі банктердің қызметкерлері үшін қарыз алушылардың төлем қабілеттілігін бағалау, бизнес-жоспарларды талдау бойынша курстар, сондай-ақ жобаларды талдау, Бағдарламаны іске асыру шарттары мен рәсімдері бойынша кейстер және т.б. көзделген. Әкімдіктердің қызметкерлері үшін курстар да Бағдарламаны іске асыру рәсімдерін зерделеуді болжайды.
"Екінші деңгейдегі банктер мен әкімдіктердің қызметкерлерін оқыту" құрамдауышын іске асыру шарттары
Бағдарламаны іске асырумен тікелей айналысатын екінші деңгейдегі банктер мен әкімдіктердің қызметкерлері оқуға қатысушылар бола алады.
Оқуға қатысушылар келу және кету, сондай-ақ тұру ақысын өздері төлейді.
Қатысушыларды оқыту шығыстарын төлеу республикалық бюджет қаражаты есебінен жүзеге асырылатын болады.
"Екінші деңгейдегі банктер мен әкімдіктердің қызметкерлерін оқыту" құрамдауышын іске асыру тетігі
1. Оператор тікелей екінші деңгейдегі банктер мен әкімдіктерді оқытуды жүргізудің басталғаны туралы хабардар етеді.
2. Екінші деңгейдегі банктер мен әкімдіктер Операторға белгіленген нысанда қызметкерлердің тізімдерін ұсынады.
3. Оператор оқуға қатысушылардың жиынтық тізімін жасайды және Жұмыс органына келісуге жібереді.
4. Жұмыс органы оқуға қатысушылардың келісілген тізімін оқыту ұйымына жібереді.
5. Оқытатын ұйым оқыту бағдарламасын әзірлейді және кестесін жасайды, оларды Оператормен келіседі және Жұмыс органына бекітуге жібереді.
6. Жұмыс органы оқыту бағдарламасы мен кестесін бекіткеннен кейін Оқыту ұйымы тренинг ұйымдастырады.
7. Тренингті өткізу басталғанға дейін Оқыту ұйымы білім деңгейі мен дағдыларын айқындау мәніне қатысушыларға тестілеу жүргізеді.
8. Тренинг аяқталған соң қатысушы тестілеуден өтеді, оның қорытындылары бойынша сертификат тапсырылады.
9. Тренингтер өткізу сапасының мониторингін Оператор жүзеге асырады.
Тренингтер аяқталғаннан кейін Оқыту ұйымы Операторға қатысушыларды тестілеу нәтижелері қамтылған атқарылған жұмыс туралы есепті береді.
Ірі компаниялардың айналасында шағын кәсіпкерлікті дамыту жөніндегі әріптестік бағдарламаларын іске асыру
Ескерту. Құрамдауышпен толықтырылды - ҚР Үкіметінің 31.03.2014 № 279 қаулысымен (01.01.2015 бастап қолданысқа енгізіледі).
Ірі компаниялардың айналасында шағын және орта кәсіпкерлікті дамыту жөніндегі әріптестік бағдарламаларын іске асыру шарттары
Мемлекеттің қала түзуші кәсіпорындармен әріптестік бағдарламаларын іске асыру ірі компаниялардың, мемлекеттің және қаржы институттарының күш-жігерін біріктіру арқылы өңірлерде шағын және орта бизнесті (ШОБ) дамытуға және қолдауға бағытталатын болады.
Бағдарлама шеңберінде республикалық бюджеттен мыналарды қамтитын құралдар топтамасы ұсынылады:
1) кредиттер бойынша субсидиялау мен кепілдік беру;
2) инфрақұрылым жеткізу;
3) «Бизнес-Кеңесші» жобасы;
4) «Бизнес-Өсу» жобасы;
5) «ШОБ топ-менеджментін оқыту» құрамдауышы;
6) бизнесті жүргізуді сервистік қолдау;
7) «Іскерлік байланыстар» жобасы шеңберінде квоталар ұсыну.
Серіктестік бағдарламаларды іске асырудағы ірі компаниялардың рөлі:
1) жергілікті өндірушілерді ұзақ мерзімді тапсырыстармен қамтамасыз етуден, кәсіпорындар шығаратын өнімдерді ірі кәсіпорындарда сұранысқа ие өнімдер тізбесіне қосудан;
2) «келесі қайта бөлулерді» дамыту үшін шикізатқа арналған квоталарды ұсынудан;
3) қызметтің баламалы түрлерін дамыту жөніндегі жобаларды қолдаудан тұрады.
Халықаралық ұйымдар мыналарға:
1) технологияларды тарту мен жабдықтарды сатып алуға;
2) оқыту бағдарламалары мен мамандандырылған тренингтерді ұйымдастыруға;
3) консультациялар үшін кәсіпорындарға тікелей шетелдік жоғары білікті мамандарды тартуға жәрдем көрсететін болады.
Әріптестік бағдарламаларын іске асыру тетігі:
1) әріптестік бағдарламаларын іске асыру бойынша ірі компаниялармен бірлескен іс-қимылдар жоспарын әзірлеу;
2) әріптестік бағдарламаларын іске асыру бойынша ірі компания, жергілікті атқарушы органдар, «Даму» КДҚ» АҚ арасындағы өзара түсіністік пен ынтымақтастық туралы меморандумдарға қол қою;
3) кәсіпкерлерді қоғамдық ұйымдарға біріктіру;
4) ірі компаниямен жергілікті ШОБ субъектілерінен сатып алынатын тауарлар мен көрсетілетін қызметтер тізбесі негізінде сатып алу үшін пилоттық бағыттарды, жауапты адамдарды және өзара іс-қимыл форматын айқындау;
5) жергілікті ШОБ субъектілерінің өзекті тізілімін жасау және жүргізу және оларды өнімдердің түрлері бойынша бөлу;
6) жүйе құраушы компаниялардың, әкімдіктің, «Даму» КДҚ» АҚ-ның қатыстуымен ШОБ субъектілерімен кезеңдік кеңестер өткізу;
7) ШОБ мүдделі компанияларының қатарынан әлеуетті қатысушыларды іріктеу және олар үшін таңдап алынған пилоттық бағыттар бойынша мамандандырылған семинарлар мен тренингтер ұйымдастыру, бизнес-тағылымдамалар ұйымдастыру; кәсіпкерлерге қызметтің жаңа түрін дұрыс жолға қою, бизнес-жоспар әзірлеу, технологиялар мен жабдықтар сатып алу, маркетингті ұйымдастыру мен өткізу мәселелері және басқа да мәселелер бойынша жеке консультациялық көмек ұсыну;
8) жергілікті ШОБ субъектілерімен ұзақ мерзімді келісімшарттар жасасу;
9) қаржыландыруды ұсыну, жетіспейтін инженерлік инфрақұрылымды жеткізуге жәрдемдесу мәселелерін шешу.
Әлеуметтік-кәсіпкерлік корпорация (бұдан әрі - ӘКК) серіктестік бағдарламаларды іске асыру операторы болып табылады. Оператордың функцияларына мыналар жатады:
1) серіктестік бағдарламаларды іске асыру жөніндегі бірлескен іс-қимылдар жоспарын әзірлеу;
2) серіктестік бағдарламаларды іске асыру бойынша тұрақты жұмыс істейтін жұмыс топтарының қызметін ұйымдастыру;
3) жергілікті ШОБ субъектілерінен сатып алу үшін ірі компаниямен бірге тауарлар мен көрсетілетін қызметтер тізбесін айқындау;
4) жергілікті ШОБ субъектілері — бағдарламаға әлеуетті қатысушылардың тізілімін жасау және жүргізу;
5) ШОБ мүдделі компанияларының қатарынан әлеуетті қатысушыларды іріктеу;
6) кәсіпкерлерге мамандандырылған семинарлар мен тренингтер, басқа да мәселелер бойынша консультациялық көмекті ұйымдастыру;
7) бағдарламаға қатысушыларға жергілікті ШОБ субъектілерімен ұзақ мерзімді келісімшарттар жасасуға жәрдемдесу;
Әріптестік бағдарламаларын іске асыру бойынша ӘКК операторлық көрсетілетін қызметтеріне ақы жергілікті бюджет қаражаты есебінен төленетін болады.
Бағдарламаға қатысушылардың өзара іс-қимылы және оны
іске асыру мониторингі
Ескерту. Кіші бөлімге өзгерістер енгізілді - ҚР Үкіметінің 2012.03.27 N 357; 17.05.2013 N 498, 31.03.2014 № 279 (01.01.2015 бастап қолданысқа енгізіледі) қаулыларымен.
Бағдарламаның бірінші және үшінші бағыттарын іске асыру шеңберінде Уәкілетті орган, Бағдарламаның өңірлік үйлестірушілері, Бағдарламаға қатысуға тілек білдірген Банктер/Даму Банкі/Лизингтік компаниялар, Қаржы агенті арасында екі келісім (пайыздық мөлшерлемені субсидиялау және банктердің кредиттері бойынша кепілдендіру жөнінде) жасайды, онда:
бағдарламаға қатысушылар арасында өзара іс-қимыл тәртібі айқындалады;
пайыздық ставкаларды субсидиялау, сондай-ақ банктердің, Даму Банкінің кредиттері бойынша кепілдендіру шарттары мен тәртібі айқындалады;
пайыздық ставкаларды субсидиялау, сондай-ақ Банктердің/Даму Банкінің/Лизингтік компаниялардың кредиттері/Қаржы лизингі шарттары бойынша кепілдендіру шарттары мен тәртібі айқындалады;
Банктердің/Даму Банкінің/Лизингтік компаниялардың кредиттері/Қаржы лизингі шарттары бойынша субсидиялау мен кепілдендірудің үлгі шарттары, құжаттарды, есептілікті тапсыру нысандары мақұлданады.
Бағдарламаның екінші бағытын іске асыру шеңберінде уәкілетті орган, ҚҚҚ, Бағдарламаға қатысуға тілек білдірген банктер, қаржы агенті арасында келісім жасалады, онда:
Банктердің/Даму Банкінің/Лизингтік компаниялардың кредиттері/Қаржы лизингі шарттары бойынша өзара іс-қимыл тәртібі мен пайыздық ставканы субсидиялау тетігі айқындалады;
қаржы агентінің функциялары айқындалады.
Қаржы агентінің қызметіне ақы төлеуді уәкілетті орган жүргізеді.
Бағдарламаның барлық бағыттары бойынша Банктердің/Даму Банкінің/Лизингтік компаниялардың кредиттері/Қаржы лизингі шарттары бойынша пайыздық ставканы субсидиялау және кепілдендіру тәртібін Қазақстан Республикасының Үкіметі айқындайды.
Қаржы агенті пайыздық ставканы субсидиялау, кредиттер/Қаржы лизингінің шарттары бойынша кепілдік беру және Банктердің/Даму Банкінің/ Лизингтік компаниялардың мемлекеттік гранттар беруі бөлігінде Бағдарламаның іске асыру мониторингін жүзеге асырады және жоғарыда көрсетілген Келісімде мақұлданған нысан бойынша уәкілетті органға есеп береді, ол ақпарат жеткіліксіз болған жағдайда, Бағдарламаға қатысушылардан қажетті мәліметтерді қосымша сұратуға құқылы. Кәсіпкерлер Қаржы агентіне мынадай ақпарат береді:
1) өткен қаржы жылының соңында әрекет еткен жұмыс орындарының саны, бірлік;
2) өткен қаржы жылының соңында құрылған жұмыс орындарының саны, бірлік;
3) өткен қаржы жылының соңындағы салықтық төлемдер сомасы, теңге;
4) өткен қаржы жылының соңында алынған субсидиялар сомасы, теңге;
5) өткен қаржы жылының соңындағы пайда мөлшері, теңге;
6) өткен қаржы жылының соңындағы жалақы төлеу қоры, теңге;
7) бір жұмыскердің орташа айлық жалақысы, теңге;
8) өткен қаржы жылының соңындағы өнімдердің/қызметтердің жиынтық шығарылымы, теңге.
Ақпарат беру тәртібі мен шарттарын Қаржы агенті белгілейді. Ақпараттың дұрыстығы мен уақтылы берілуі үшін жауапкершілік Кәсіпкерлерге жүктеледі.
Бағдарламаның өңірлік үйлестірушісі өңірлерде өндірістік инфрақұрылымды дамыту, бизнесті жүргізуді сервистік қолдау, кадрлар даярлау бөлігінде Бағдарламаны іске асыру мониторингін жүзеге асырады және Уәкілетті органға жоғарыда көрсетілген Келісімнің мақұлданған нысаны бойынша есеп береді.
4.4. Бағдарламаны іске асыру нәтижелерінің көрсеткіштері
Ескерту. Бөлімге өзгеріс енгізілді - ҚР Үкіметінің 2012.03.27 N 357 Қаулысымен.
Бағдарламаны іске асыру нәтижесінде:
индустриялық-инновациялық дамуға бағытталған жаңа инвестициялық жобаларды іске асыруды жеке сектор кәсіпорындары үшін қаржы ресурстарының қолжетімділігін арттыру;
экономиканың шикізат емес секторындағы инвестициялық жобаларды іске асыру үшін жеке секторды, бірінші кезекте банктердің /лизингтік компаниялардың қаражатын тарту;
жеке сектор кәсіпорындарының, бірінші кезекте, шағын және орта бизнестің қаржылық-экономикалық тұрақтылығын арттыру көзделеді.
Бағдарламаның негізгі сапалық және сандық нәтижелері болатындар:
бірінші және екінші бағыттар бойынша: шикізат емес сектордың ЖІӨ құрылымындағы үлесін 12,5%-ға дейін ұлғайту;
үшінші бағыт бойынша: шикізат емес экспорттың жалпы экспорт көлеміндегі үлесін 40 %-ға дейін және шикізат емес экспорттың көлемін өңдеу өнеркәсібіндегі жиынтық өндіріс көлемінің 43 %-ға дейін ұлғайту.
5. Бағдарламаны іске асыру кезеңдері
Ескерту. 5-бөлімге өзгеріс енгізілді - ҚР Үкіметінің 2010.12.31 N 1520 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2011.01.31 N 63 (2011.01.01 бастап қолданысқа енгізіледі) Қаулыларымен.
Бағдарламаны іске асыру екі кезеңде жүзеге асырылатын болады:
1-кезең - 2010 жылдан бастап 2014 жыл аралығында, бұл ретте 2010 жыл пилоттық жыл болып табылады.
2010 жылы Бағдарламада міндеттерді шешу үш бағыт бойынша іске асырылатын болады: жаңа бизнес-бастамаларды қолдау (кадрлар даярлауды, жастар практикасын және әлеуметтік жұмыс орындарын қоспағанда); кәсіпкерлік секторды сауықтыру; экспортқа бағдарланған өндірістерді қолдау.
2011 жылы Бағдарлама міндеттерін шешу төрт бағыт бойынша іске асырылатын болады: жаңа бизнес-бастамаларды қолдау; кәсіпкерлік секторды сауықтыру; кәсіпкерлердің валюталық тәуекелдерін төмендету; кәсіпкерлік әлеуетті күшейту.
2011 - 2014 жылдары міндеттерді шешу төрт бағыт бойынша жүзеге асырылады: жаңа бизнес-бастамаларды қолдау, кәсіпкерлік секторды сауықтыру, кәсіпкерлердің валюталық тәуекелдерін төмендету, кәсіпкерлік секторды нығайту.
2-кезең - 2015 жылдан бастап 2020 жыл аралығы.
2015 - 2020 жылдары міндеттерді шешу екі бағыт бойынша іске асырылатын болады: жаңа бизнес-бастамаларды және экспортқа бағдарланған өндірістерді қолдау.
6. Қажетті ресурстар және оларды қаржыландырудың көздері
РҚАО-ның ескертпесі!
6-бөлімге өзгерту енгізу көзделген - ҚР Үкіметенің 2010.07.13 № 711 Қаулысымен (жариялануға жатпайды).
Ескерту. 6-бөлімге өзгерту енгізілді - ҚР Үкіметінің 2010.12.31 N 1520 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2011.07.11 N 784 Қаулыларымен.
2010 жылы Бағдарламаны іске асыру үшін республикалық бюджетте 15 421,2 млн. теңге, оның ішінде Бағдарлама шеңберінде қаржы агентінің қызметтеріне ақы төлеуге 366 млн. теңге көзделеді.
Бағдарламаны іске асыруға республикалық бюджеттен 2011 жылы 41,2 млрд.теңге, оның ішінде Бағдарлама шеңберінде көрсетілетін қаржы агенттерінің қызметтеріне ақы төлеуге 502 млн. теңге көзделген.
2012 және 2013 жылдары Бағдарламаны іске асыру үшін республикалық бюджетте 70 332 млн. теңге көзделген.*
Бағдарламаны одан әрі қаржыландыру тиісті қаржы жылдарына арналған республикалық бюджетте көзделетін қаражат шеңберінде жүзеге асырылады.
* Ескертпе: республикалық бюджеттен берілетін қаражатты бағыттар бойынша үйлестіру жоспарланатын кезеңге арналған тиісті бюджеттерді қалыптастыру кезінде нақтыланатын болады.
7. «Бизнестің жол картасы 2020» бағдарламасын іске асыру
жөніндегі іс-шаралар жоспары
Ескерту. 7-бөлім алып тасталды - ҚР Үкіметінің 2010.12.31 N 1520 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2011.07.11 N 784 Қаулыларымен.
Қосымша 1
Бағдарламаның әлеуетті қатысушылары үшін экономиканың басым
секторларының тізбесі
Ескерту. Тізбеге өзгерістер енгізілді - ҚР Үкіметінің 2012.04.28 N 541; 17.05.2013 N 498; 31.12.2013 N 1596 (алғашқы ресми жарияланған күнінен бастап қолданысқа енгізіледі) қаулыларымен.
ЭКТЖЖ коды |
Атауы |
Аграроөнеркәсіп кешені |
|
01 |
Өсімдік және мал шаруашылығы, аңшылық және осы салаларда көрсетілетін қызметтер, 01.11 Дәндідақылдар (күрішті қоспағанда) бұршақ дақылдар және май тұқымдарын өсіру |
02 |
Алынып тасталды - ҚР Үкіметінің 31.12.2013 N 1596 қаулысымен (алғашқы ресми жарияланған күнінен бастап қолданысқа енгізіледі). |
03 |
Балық шаруашылығы және аквадақылдары |
10 |
Тамақ өнімдерін өндіру |
11.06 |
Ашытқы өндіру |
11.07 |
Минералды су және басқа да алкогольсіз сусындарды өндіру |
Тау-кен өндіру өнеркәсібі |
|
09 |
Кен өндіру өнеркәсібі саласындағы техникалық қызметтер |
Жеңіл өнеркәсіп және жиһаз өндіру |
|
13 |
Тоқыма өнімдерін өндіру |
14 |
Киім өндіру |
15 |
Теріден тігілген және оған сәйкес өнімдер өндіру |
16 |
Жиһаздан басқа, ағаштан және тоздан жасалған бұйымдар өндіру; сабаннан және өруге арналған материалдардан жасалған бұйымдар өндіру |
17 |
Қағаз және қағаз өнімдерін өндіру |
18 |
Баспа және жазылған материалдарды қалпына келтіру |
20 |
Химия өнеркәсібі өнімдерін өндіру |
21 |
Негізгі фармацевтік өнімдер мен препараттар өндіру |
22 |
Резеңке және пластмасса бұйымдарын өндіру |
31 |
Жиһаз өндіру |
Құрылыс материалдарын және өзге де металл емес минералдық өнімдер өндіру |
|
23 |
Өзге де металл емес минералдық өнімдер өндіру |
Металлургия, металл өңдеу, машинажасау өнеркәсібі |
|
24 |
Металлургия өнеркәсібі |
25 |
Машиналар мен жабдықтардан басқа, дайын металл бұйымдарын өндіру |
26 |
Компьютерлер, электрондық және оптикалық бұйымдарын өндіру |
27 |
Электр жабдықтарын өндіру |
28 |
Басқа санаттарға қамтылмаған машиналар мен жабдықтар, өндіру |
29 |
Автокөлік құралдарын, трейлерлер және жартылай тіркемелер өндіру |
30 |
Басқа да көлік құралдарын өндіру |
33 |
Машиналар мен жабдықтарды жөндеу және орнату |
45.2 |
Көлік құралдарына техникалық қызмет көрсету және жөндеу |
Өнеркәсіптің басқа да секторлары |
|
32 |
Өзге де дайын бұйымдар өндіру |
35.11.4 |
Басқа электр станцияларының электр энергиясын өндіруі |
35.11.2 |
Гидроэлектр станцияларының электр энергиясын өндіруі |
36 |
Алынып тасталды - ҚР Үкіметінің 31.12.2013 N 1596 қаулысымен (алғашқы ресми жарияланған күнінен бастап қолданысқа енгізіледі). |
37 |
Алынып тасталды - ҚР Үкіметінің 31.12.2013 N 1596 қаулысымен (алғашқы ресми жарияланған күнінен бастап қолданысқа енгізіледі). |
38 |
Қалдықтарды жинау, өңдеу және жою, қалдықтарды кәдеге жарату |
39 |
Рекультивация және қалдықтарды жою саласындағы өзге де қызметтер |
Көлік және жинақтау |
|
49.3 |
Құрлықта жүретін басқа да жолаушылар көлігі |
49.41 |
Автомобиль көлігімен жүк тасымалдау |
50 |
Су көлігі |
51 |
Алынып тасталды - ҚР Үкіметінің 17.05.2013 N 498 қаулысымен. |
52 |
Қойма шаруашылығы және қосалқы көлік қызметі |
53 |
Табиғи монополиялар саласына жататын қызметті қоспағанда, пошта және курьер қызметі |
Туризм |
|
55.10 |
Қонақ үйлердің кызмет көрсетуі |
55.20 |
Демалыс күндеріне және қысқа мерзімді тұрудың өзге де кезеңдеріне тұрғын үй беру |
55.30 |
Туристік лагерьлер, демалыс және ойын-сауық саябақтары |
Ақпарат және байланыс |
|
61 |
Байланыс |
62 |
Компьютерлік бағдарламалау, консультациялар беру және басқа да ілеспе көрсетілетін қызметтер |
Кәсіби, ғылыми және техникалық қызмет |
|
71 |
Сәулет, инженерлік ізденістер, техникалық сынақтар мен талдау саласындағы қызмет |
72 |
Ғылыми зерттеулер және әзірлемелер |
74 |
Өзге де кәсіби, ғылыми және техникалық қызмет |
75 |
Ветеринариялық қызмет |
Білім беру |
|
85 |
Білім беру |
Денсаулық сақтау және әлеуметтік қызметтер |
|
86 |
Денсаулық сақтау саласындағы қызмет |
87 |
Тұрғын орынмен қамтамасыз ете отырып әлеуметтік қызмет ұсыну |
88 |
Тұратын жермен қамтамасыз етпей әлеуметтік қызметтер көрсету |
Өнер, ойын-сауық және демалыс |
|
91 |
Кітапханалардың, мұрағаттардың, мұражайлардың және басқа да мәдени қызмет көрсету мекемелерінің қызметі |
93 |
Спорт, ұйымдастыру және ойын-сауық (дискотекаларды қоспағанда) саласындағы қызмет |
93.1 |
Алынып тасталды - ҚР Үкіметінің 17.05.2013 N 498 қаулысымен. |
59.14 |
Кинофильмдер көрсету қызметі |
Өзге де қызметтер түрлерін ұсыну |
|
95 |
Компьютерлерді, жеке пайдалану заттарын және тұрмыстық бұйымдарды жөндеу |
53 |
Почта және курьер қызметі |
69.2 |
Бухгалтерлік есеп және аудит саласындағы қызмет; салық салу жөніндегі консультациялар |
81 |
Ғимараттар мен аумақтарға қызмет көрсету саласындағы қызмет |
96.01 |
Тоқыма бұйымдары мен үлбір бұйымдарын жуу және тазалау (химиялық) |
2-қосымша
Бағдарламаның өлшемдері
Ескерту. Бағдарлама 2-қосымшамен толықтырылды - ҚР Үкіметінің 2010.10.26 № 1111 (алғашқы рет ресми жарияланған күнінен бастап күнтізбелік 10 күн өткен соң қолданысқа енгізіледі) қаулысымен, өзгерістер енгізілді - ҚР Үкіметінің 2012.03.27 N 357, 2012.04.28 N 541; 17.05.2013 N 498; 31.12.2013 N 1596 (алғашқы ресми жарияланған күнінен бастап қолданысқа енгізіледі); 11.07.2014 № 790 қаулыларымен.
1. 2-тармақта көрсетілгендерді қоспағанда, Бағдарлама шеңберінде мемлекеттік қолдау алуға үміткер кәсіпорындар мына өлшемдерге сәйкес болуы тиіс:
Бағдарламаның бірінші бағыты шеңберінде:
1) кәсіпорын кредитінің нысаналы тағайындалуы ісін жаңа бастаған жас кәсіпкерлерге арналған кредиттер бойынша кепілдік беру құралдарды қоспағанда, Бағдарламаға 1-қосымшаға сәйкес (Қазақстан Республикасы Индустрия және сауда министрлігі Техникалық реттеу және метрология комитеті төрағасының 2007 жылғы 14 желтоқсандағы № 683-од бұйрығымен бекітілген экономикалық қызмет түрлерінің жалпы жіктеуішіне (бұдан әрі – ЭҚЖЖ) сәйкес) экономиканың басым секторларына сәйкес келуі тиіс;
2) кәсіпорынның кредиті жаңа инвестициялық жобаларды, сондай-ақ өндірісті кеңейтуге және жаңғыртуға бағытталған жобаларды іске асыруға бағытталуы тиіс;
3) Даму Банкін қоспағанда, Банктердің/Лизингтік компаниялардың кредиттері бойынша сыйақы ставкасын субсидиялау және ішінара кепілдендіру:
Мемлекеттік даму институттары берген, сондай-ақ бюджеттік қаражат есебінен сыйақы ставкасы арзандатылған;
моторлы көлік құралдарын шығаруды көздейтін жобаларды қоспағанда, нысаналы мақсаты акцизделетін тауарлар шығаруды көздейтін кредиттер/лизингтік мәмілелер бойынша жүзеге асырылмайды;
4) Бағдарламаның талаптарына сәйкес жобаны іске асыруда өз қаражатымен қатысу;
5) кредит (кредиттер) бойынша сыйақы ставкасын субсидиялау кезінде айналым қаражатын толықтыруға берілетін кредит (кредиттер) қаражаты кредит (кредиттер) құнының 30 %-нан аспайтын. Бұл ретте айналым қаражатын толықтыруға қалпына келтірілетін негізде берілген кредит бөлігінде рұқсат етіледі;
6) алынып тасталды - ҚР Үкіметінің 2012.04.28 N 541 Қаулысымен;
7) өндіріс инфрақұрылымын дамыту шеңберінде қолдау кезінде жоба(лар) іске асыру Бағдарлама шеңберінде экономиканың басым салаларындағы өндіріс (индустриялдық) инфрақұрылымды жасауға бағытталуы қажет.
Бағдарламаның үшінші бағыты шеңберінде:
8) Қазақстан Республикасы Қаржы ұйымдарын реттеу мен қадағалау агенттігі Басқармасының 2006 жылғы 25 желтоқсандағы № 296 қаулысымен бекітілген Активтерді, шартты міндеттемелерді жіктеу мен оларға қарсы провизиялар (резервтер) құру ережесіне сәйкес 4 және 5-санаттағы «үмітсіз» және «күмәнді» деп жіктелгендерді қоспағанда, кәсіпкер Бағдарламаның жергілікті үйлестірушісіне сауалнама-өтініш берердің алдындағы алты айдағы ақшалай пайданың жалпы көлемінің кемінде 10 %-ы мөлшерінде валюталық пайдасы бар кәсіпкерлер.
Ескерту. 1-тармаққа өзгеріс енгізілді - ҚР Үкіметінің 31.03.2014 № 279 қаулысымен (01.01.2015 бастап қолданысқа енгізіледі).
2. Мыналар:
1) моторлы көлік құралдарын шығаруды көздейтін жобаларды қоспағанда, акцизделетін тауарларды/өнімді шығаруды жүзеге асыратын;
2) алып тасталды - ҚР Үкіметінің 11.07.2014 № 790 қаулысымен;
3) жобаларын Қазақстан Республикасы Үкіметінің 2012 жылғы 29 желтоқсандағы № 1771 қаулысына сәйкес Мониторингке жататын ірі салық төлеушілердің тізбесіне енгізілген металлургия өнеркәсібінде іске асыратын;
4) өз қызметін тау-кен өндіру өнеркәсібінде жүзеге асыратын;
5) құрылтайшылары ұлттық басқарушы холдингтер, ұлттық холдингтер, ұлттық компаниялар және акцияларының (жарғылық капиталға қатысу үлестерінің) елу және одан көп пайызы мемлекетке, ұлттық басқарушы холдингке, ұлттық холдингке, ұлттық компанияға (әлеуметтік-кәсіпкерлік корпорацияны қоспағанда) тікелей немесе жанама тиесілі ұйымдар болып табылатын кәсіпкерлер, сондай-ақ меншік нысаны жеке меншік мекеме ретінде ресімделген заңды тұлғалар;
6) кредиттері қонақ үйлер және қонақ үй кешендерін сатып алуға бағытталған кәсіпкерлер Бағдарламаға қатысушы бола алмайды.
