"Бәйтерек" ұлттық басқарушы холдингі" және "ҚазАгро" ұлттық басқарушы холдингі" акционерлік қоғамдарын қайта ұйымдастыру туралы

Жаңартылған

Қазақстан Республикасы Үкіметінің 2020 жылғы 31 желтоқсандағы № 952 қаулысы.

      Қазақстан Республикасының Үкіметі ҚАУЛЫ ЕТЕДІ:

      1. "Бәйтерек" ұлттық басқарушы холдингі" акционерлік қоғамы оған "ҚазАгро" ұлттық басқарушы холдингі" акционерлік қоғамын қосу жолымен қайта ұйымдастырылсын.

      2. Осы қаулыға қосымшаға сәйкес Қазақстан Республикасы Үкіметінің кейбір шешімдеріне енгізілетін өзгерістер бекітілсін.

      3. Қазақстан Республикасының Индустрия және инфрақұрылымдық даму, Ауыл шаруашылығы министрліктері Қазақстан Республикасы Қаржы министрлігінің Мемлекеттік мүлік және жекешелендіру комитетімен бірлесіп, Қазақстан Республикасының заңнамасында белгіленген тәртіппен осы қаулыдан туындайтын шараларды қабылдасын.

      4. Осы қаулы қол қойылған күнінен бастап қолданысқа енгізіледі.

      Қазақстан Республикасының
Премьер-Министрі
А. Мамин

  Қазақстан Республикасы
Үкіметінің
2020 жылғы 31 желтоқсандағы
№ 952 қаулысымен
бекітілген

Қазақстан Республикасы Үкіметінің кейбір шешімдеріне енгізілетін өзгерістер

      1. "Республикалық меншіктегі ұйымдар акцияларының мемлекеттік пакеттері мен мемлекеттік үлестеріне иелік ету және пайдалану жөніндегі құқықтарды беру туралы" Қазақстан Республикасы Үкіметінің 1999 жылғы 27 мамырдағы № 659 қаулысында:

      иелік ету және пайдалану құқығы салалық министрліктерге, өзге де мемлекеттік органдарға берілетін республикалық меншік ұйымдарындағы акциялардың мемлекеттік пакеттерінің және қатысудың мемлекеттік үлестерінің тізбесінде:

      "Қазақстан Республикасы Ауыл шаруашылығы министрлігіне" деген бөлімде:

      реттік нөмірі 205-14-жол алып тасталсын.

      2. Күші жойылды - ҚР Үкіметінің 02.06.2022 № 355 (01.07.2022 бастап қолданысқа енгізіледі) қаулысымен.

      3. "Қазақстан Республикасының Үкiметi тағайындайтын немесе онымен келiсiм бойынша тағайындалатын лауазымды адамдар бойынша кадр мәселелерiн шешу тетiгiн жетiлдiрудiң кейбiр мәселелерi туралы" Қазақстан Республикасы Үкіметінің 2002 жылғы 16 шілдедегі № 784 қаулысында:

      көрсетілген қаулымен бекітілген Қазақстан Республикасының Үкіметі тағайындайтын немесе онымен келісім бойынша тағайындалатын саяси мемлекеттік қызметшілер мен өзге де лауазымды тұлғалар лауазымдарының тізбесінде:

      мына:

      "

"Зерде" ұлттық инфокоммуникациялық холдингі", "ҚазАгро" ұлттық басқару холдингі" акционерлік қоғамдарының басқарма төрағалары*

тиісті холдингтердің директорлар кеңестері

Премьер-Министр

Әкімшілік Басшысымен

  "

      деген жол мынадай редакцияда жазылсын:

      "

"Зерде" ұлттық инфокоммуникациялық холдингі" акционерлік қоғамының басқарма төрағасы*

директорлар кеңестері

Премьер-Министр

Әкімшілік Басшысымен

  ";

      мына:

      "

"Бәйтерек" ұлттық басқару холдингі", "Зерде" ұлттық инфокоммуникациялық холдингі", "ҚазАгро" ұлттық басқару холдингі" акционерлік қоғамдарына кіретін жекелеген ұлттық компаниялардың басқарма төрағалары*

директорлар кеңестері

Холдингтердің басқарма төрағаларымен

Премьер-Министрмен немесе оның тапсырмасы бойынша Премьер-Министр Кеңсесінің Басшысымен

  "

      деген жол мынадай редакцияда жазылсын:

      "

"Бәйтерек" ұлттық басқарушы холдингі", "Зерде" ұлттық инфокоммуникациялық холдингі" акционерлік қоғамдарына кіретін жекелеген ұлттық компаниялардың басқарма төрағалары*

директорлар кеңестері

холдингтердің басқарма төрағаларымен

Премьер-Министрмен немесе оның тапсырмасы бойынша Премьер-Министр Кеңсесінің Басшысымен

  ";

      көрсетілген қаулымен бекітілген Премьер-Министрдің ұсынысы (ұсынымы) немесе оның келісімі бойынша бірінші басшылары қызметке тағайындалатын немесе қызметтен босатылатын ұлттық холдингтердің, компаниялардың, даму институттарының, мемлекеттік жоғары оқу орындарының тізімінде:

      реттік нөмірі 23-жол алып тасталсын.

      4. "Қазақстан Республикасы Ауыл шаруашылығы министрлігінiң кейбiр мәселелерi" туралы Қазақстан Республикасы Үкіметінің 2005 жылғы 6 сәуірдегі № 310 қаулысында (Қазақстан Республикасының ПҮАЖ-ы, 2005 ж., № 14, 168-құжат):

      көрсетілген қаулымен бекітілген Қазақстан Республикасы Ауыл шаруашылығы министрлігі туралы ережеде:

      Қазақстан Республикасы Ауыл шаруашылығы министрлігінің және оның ведомстволарының қарамағындағы ұйымдардың тізбесінде:

      "2. Акционерлік қоғамдар" деген бөлімде:

      реттік нөмірі 3-жол алып тасталсын.

      5. "Агроөнеркәсiптiк кешендi мамандандырылған ұйымдардың қатысуымен қолдаудың кейбiр мәселелерi туралы" Қазақстан Республикасы Үкіметінің 2006 жылғы 7 шілдедегі № 645 қаулысында (Қазақстан Республикасының ПҮАЖ-ы, 2006 ж., № 25, 257-құжат):

      көрсетілген қаулымен бекітілген Агроөнеркәсіптік кешендi мамандандырылған ұйымдардың қатысуымен қолдау қағидаларында:

      2-тармақтың 3) және 4) тармақшалары мынадай редакцияда жазылсын:

      "3) республикалық бюджеттен бөлінген қаражат есебінен "Бәйтерек" ұлттық басқарушы холдингі" акционерлік қоғамының (бұдан әрі – Холдинг) және "Ұлттық аграрлық ғылыми-білім беру орталығы" коммерциялық емес акционерлік қоғамының (бұдан әрі – "ҰАҒББО" КЕАҚ) жарғылық капиталын төлейді, оларға бюджеттік кредиттер берілуін ұйымдастырады, мамандандырылған ұйымдардан мемлекеттік сатып алуды жүзеге асырады;

      4) Азық-түлік корпорациясын және "ҰАҒББО" КеАҚ-ты корпоративтік басқаруды жүзеге асырады.";

      4-тармақ мынадай редакцияда жазылсын:

      "4. Мамандандырылған ұйымдардың қатысуымен агроөнеркәсіптік кешенді қолдау жөніндегі іс-шаралар Қазақстан Республикасының заңнамасында белгіленген тәртіппен бекітілген Қазақстан Республикасының агроөнеркәсіптік кешенін дамытудың 2017 – 2021 жылдарға арналған мемлекеттік бағдарламасына, "Ұлттық аграрлық ғылыми-білім беру орталығы" коммерциялық емес акционерлік қоғамының 2017 – 2021 жылдарға арналған даму жоспарына және Қазақстан Республикасының өзге де стратегиялық және бағдарламалық құжаттарына сәйкес іске асырылады.

      Агроөнеркәсіптік кешенді "ҰАҒББО" КеАҚ-ның қатысуымен қолдау жөніндегі іс-шаралар аграрлық салада Қазақстан экономикасының жеделдетілген ғылыми-технологиялық дамуын қамтамасыз етуге бағытталған.".

      6. "Қазақстан Республикасы Президентiнiң 2006 жылғы 11 желтоқсандағы № 220 Жарлығын iске асыру жөнiндегi iс-шаралар туралы" Қазақстан Республикасы Үкіметінің 2006 жылғы 23 желтоқсандағы № 1247 қаулысында (Қазақстан Республикасының ПҮАЖ-ы, 2006 ж., № 49, 518-құжат):

      3-тармақтың 1) тармақшасы алып тасталсын.

      7. "Республикалық бюджеттен бюджеттік кредиттер міндеттемелердің орындалуын қамтамасыз етпей бөлінуі мүмкін қаржы агенттіктерінің тізбесін айқындау туралы" Қазақстан Республикасы Үкіметінің 2009 жылғы 16 қарашадағы № 1844 қаулысында:

      республикалық бюджеттен бюджеттік кредиттер міндеттемелердің орындалуын қамтамасыз етпей бөлінуі мүмкін қаржы агенттіктерінің тізбесінде:

      реттік нөмірі 2-жол алып тасталсын.

      8. "Ұлттық басқарушы холдингтердің, ұлттық холдингтердің, ұлттық компаниялардың тізбесін бекіту туралы" Қазақстан Республикасы Үкіметінің 2011 жылғы 6 сәуірдегі № 376 қаулысында:

      көрсетілген қаулымен бекітілген ұлттық басқарушы холдингтердің, ұлттық холдингтердің, ұлттық компаниялардың тізбесінде:

      "Ұлттық басқарушы холдингтер" деген бөлімде:

      реттік нөмірі 2-жол алып тасталсын.

      9. "Даму институттарын, қаржы ұйымдарын басқару жүйесін оңтайландыру және ұлттық экономиканы дамыту жөніндегі кейбір шаралар туралы" Қазақстан Республикасы Президентінің 2013 жылғы 22 мамырдағы № 571 Жарлығын іске асыру жөніндегі шаралар туралы" Қазақстан Республикасы Үкіметінің 2013 жылғы 25 мамырдағы № 516 қаулысында (Қазақстан Республикасының ПҮАЖ-ы, 2013 ж., № 35, 514-құжат):

      2-тармақ мынадай редакцияда жазылсын:

      "2. "Бәйтерек" холдингі қызметінің негізгі мәні өзіне меншік құқығымен тиесілі және сенімгерлік басқаруға берілген ұлттық даму институттарының, ұлттық компаниялардың және басқа да заңды тұлғалардың акциялар пакеттерін (жарғылық капиталға қатысу үлестерін) басқару, сондай-ақ агроөнеркәсіптік кешен саласындағы қызметті жүзеге асыратын заңды тұлғаларды тиімді басқару жолымен Қазақстан Республикасының агроөнеркәсіптік кешенін дамытуды ынталандыру болып айқындалсын.".

      10. "Қазақстан Республикасы Үкіметінің және Қазақстан Республикасы Ұлттық Банкінің "Астана" халықаралық қаржы орталығын құру мен дамыту жөніндегі ұзақ мерзімді перспективаға арналған бірлескен іс-қимыл жоспарын бекіту туралы" Қазақстан Республикасы Үкіметінің 2015 жылғы 30 мамырдағы № 393 қаулысында:

      көрсетілген қаулымен бекітілген Қазақстан Республикасы Үкіметінің және Қазақстан Республикасы Ұлттық Банкінің "Астана" халықаралық қаржы орталығын құру мен дамыту жөніндегі ұзақ мерзімді перспективаға арналған бірлескен іс-қимыл жоспарында:

      көрсетілген Жоспарға қосымшада:

      реттік нөмірлері 1-1, 50-2, 50-3, 67-3, 78-жолдардағы "ҚазАгро" ҰБХ" АҚ (келісу бойынша)," деген сөздер алып тасталсын.

      11. "Астана қаласының азық-түлік белдеуін қалыптастыру жөніндегі 2018 – 2021 жылдарға арналған жол картасын бекіту туралы" Қазақстан Республикасы Үкіметінің 2017 жылғы 13 қазандағы № 645 қаулысында:

      көрсетілген қаулымен бекітілген Астана қаласының азық-түлік белдеуін қалыптастыру жөніндегі 2018 – 2021 жылдарға арналған жол картасында:

      "2. Астананы азық-түлік тауарларының негізгі түрлерімен қамтамасыз ету шаралары" деген бөлімде:

      екінші бөліктегі "Қазагро" ҰБХ" АҚ" деген сөздер "Бәйтерек" ҰБХ" АҚ" деген сөздермен ауыстырылсын;

      "4. Астана қаласының азық-түлік белдеуін қалыптастыру жөніндегі 2018 – 2021 жылдарға арналған жол картасын іске асыру жөніндегі іс-шаралар жоспары" деген бөлімде:

      реттік нөмірі 13-жолдың 5 және 6-бағандарындағы "ҚазАгро" ҰБХ" АҚ" деген сөздер "Бәйтерек" ҰБХ" АҚ" деген сөздермен ауыстырылсын;

      аббревиатуралардың толық жазылуында:

      "Қазагро" ҰБХ" АҚ – "Қазагро" ұлттық басқарушы холдингі" акционерлік қоғамы;" деген жол мынадай редакцияда жазылсын:

      "Бәйтерек" ҰБХ" АҚ – "Бәйтерек" ұлттық басқарушы холдингі" акционерлік қоғамы;".

      12. "Қазақстан Республикасының агроөнеркәсіптік кешенін дамытудың 2017 – 2021 жылдарға арналған мемлекеттік бағдарламасын бекіту туралы" Қазақстан Республикасы Үкіметінің 2018 жылғы 12 шілдедегі № 423 қаулысында (Қазақстан Республикасының ПҮАЖ-ы, 2018 ж., № 39-40-41, 215-құжат):

      көрсетілген қаулымен бекітілген Қазақстан Республикасының агроөнеркәсіптік кешенін дамытудың 2017 – 2021 жылдарға арналған мемлекеттік бағдарламасында:

      бүкіл мәтін бойынша "ҚазАгро" ұлттық басқарушы холдингі" акционерлік қоғамының", "ҚазАгро" ҰБХ" АҚ деген сөздер "Бәйтерек" ұлттық басқарушы холдингі" акционерлік қоғамының", "Бәйтерек" ҰБХ" АҚ деген сөздермен ауыстырылсын;

      ескертпеде: аббревиатуралардың және қысқарған сөздердің толық жазылуында:

      "ҚазАгро" ҰБХ" АҚ – "ҚазАгро" ұлттық басқарушы холдингі" акционерлік қоғамы" деген аббревиатура мен сөздер "Бәйтерек" ҰБХ" АҚ – "Бәйтерек" ұлттық басқарушы холдингі" акционерлік қоғамы" деген аббревиатурамен және сөздермен ауыстырылсын.

      13. "Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған "Еңбек" мемлекеттік бағдарламасын бекіту туралы" Қазақстан Республикасы Үкіметінің 2018 жылғы 13 қарашадағы № 746 қаулысында (Қазақстан Республикасының ПҮАЖ-ы, 2018 ж., № 63, 361-құжат):

      көрсетілген қаулымен бекітілген Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған "Еңбек" мемлекеттік бағдарламасында:

      бүкіл мәтін бойынша "ҚазАгро" ұлттық басқарушы холдингі" акционерлік қоғамының еншілес ұйымы", "ҚазАгро" ҰБХ" АҚ ЕҰ" деген сөздер "Бәйтерек" ұлттық басқарушы холдингі" акционерлік қоғамының еншілес ұйымы", "Бәйтерек" ҰБХ" АҚ ЕҰ" деген сөздермен ауыстырылсын;

      ескертпеде: аббревиатуралардың толық жазылуында:

      "ҚазАгро" ҰБХ" АҚ ЕҰ" – "ҚазАгро" ұлттық басқарушы холдингі" акционерлік қоғамының еншілес ұйымы" деген аббревиатура мен сөздер "Бәйтерек" ҰБХ" АҚ ЕҰ – "Бәйтерек" ұлттық басқарушы холдингі" акционерлік қоғамының еншілес ұйымы" деген аббревиатурамен және сөздермен ауыстырылсын.

      14. "Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы" Қазақстан Республикасы Үкіметінің 2018 жылғы 11 желтоқсандағы № 820 қаулысында:

      көрсетілген қаулымен бекітілген Ұзақ мерзімді теңгелік өтімділікті қамтамасыз етудің жол картасында:

      реттік нөмірі 9-жолдағы 3-бағанда "ҚазАгро" ҰБХ" АҚ (келісім бойынша)," деген сөздер алып тасталсын;

      ескертпеде: аббревиатуралардың толық жазылуында:

      "ҚазАгро" ҰБХ" АҚ – "ҚазАгро" ұлттық басқарушы холдингі" акционерлік қоғамы" деген аббревиатура мен сөздер алып тасталсын.

      15. "KAZAKH INVEST" ұлттық компаниясы" акционерлік қоғамының 2018 – 2027 жылдарға арналған даму стратегиясын бекіту туралы" Қазақстан Республикасы Үкіметінің 2018 жылғы 28 желтоқсандағы № 900 қаулысында:

      көрсетілген қаулымен бекітілген "KAZAKH INVEST" ұлттық компаниясы" акционерлік қоғамының 2018 – 2027 жылдарға арналған даму стратегиясында:

      "Ағымдағы жағдайды талдау" деген бөлімде:

      "1.1. Сыртқы ортаны талдау" деген кіші бөлімде:

      "Қазагро" ұлттық басқарушы холдингі" АҚ-ның еншілес ұйымдары агроөнеркәсіптік кешен субъектілерінің өнімдерін өндіруге және оларды экспортқа ілгерілетуге қолдау көрсетеді." деген абзац мынадай редакцияда жазылсын:

      "Бәйтерек" ұлттық басқарушы холдингі" АҚ-ның еншілес ұйымдары агроөнеркәсіптік кешен субъектілерінің өнімдерін өндіруге және оларды экспортқа ілгерілетуге қолдау көрсетеді.".

      16. "Қазақстан Республикасына одан әрі инвестициялар тарту жөніндегі жол картасын бекіту туралы" Қазақстан Республикасы Үкіметінің 2019 жылғы 30 шілдедегі № 548 қаулысында:

      көрсетілген қаулымен бекітілген Қазақстан Республикасына одан әрі инвестициялар тарту жөніндегі жол картасында:

      реттік нөмірі 2 және 6-жолдардағы "ҚазАгро" ҰБХ" АҚ (келісу бойынша)," деген сөздер алып тасталсын.

      17. "Өңірлерді дамытудың 2020 – 2025 жылдарға арналған мемлекеттік бағдарламасын бекіту туралы" Қазақстан Республикасы Үкіметінің 2019 жылғы 27 желтоқсандағы № 990 қаулысында:

      көрсетілген қаулымен бекітілген Өңірлерді дамытудың 2020 – 2025 жылдарға арналған мемлекеттік бағдарламасында:

      "Мемлекеттік бағдарламаның қойылған мақсаттарына қол жеткізудің негізгі бағыттары, жолдары және тиісті шаралар" деген 5-бөлімде:

      1) тармақшаның екінші бөлігі мынадай редакцияда жазылсын:

      "Ауыл – Ел бесігі" жобасын агроөнеркәсіптік кешенді дамыту, Нәтижелі жұмыспен қамтуды және жаппай кәсіпкерлікті дамытудың "Еңбек" және "Бизнестің жол картасы – 2025" кәсіпкерлікті қолдау мен дамыту мемлекеттік бағдарламаларын іске асыру жолымен "Бәйтерек" ҰБХ" АҚ арқылы аграрлық бизнесті қаржыландыру бойынша шаралармен үндестіру жөнінде шаралар қабылданатын болады;".

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады