Ескерту. Күші жойылды – ҚР Премьер-Министрінің 27.10.2022 № 176-ө өкімімен.
"Қазақстан Республикасының Үкіметі туралы" 1995 жылғы 18 желтоқсандағы Қазақстан Республикасы Конституциялық заңының 19-бабы 1-тармағының 8) тармақшасына сәйкес:
1. "Қазақ тілі әліпбиін латын графикасына көшіру жөніндегі ұлттық комиссия туралы" Қазақстан Республикасы Премьер-Министрінің 2017 жылғы 14 қарашадағы № 153-ө өкіміне мынадай өзгерістер енгізілсін:
көрсетілген өкіммен бекітілген Қазақ тілі әліпбиін латын графикасына көшіру жөніндегі ұлттық комиссияның құрамына:
Қазақстан Республикасы Парламенті Мәжілісінің депутаты (келісім бойынша) енгізілсін;
көрсетілген комиссияның кұрамынан Ғ. Есім, Ғ.М. Мұтанов, Б.Ө. Жақыпов шығарылсын;
көрсетілген өкіммен бекітілген Қазақ тілі әліпбиін латын графикасына көшіру жөніндегі ұлттық комиссия туралы ереже осы өкімге қосымшаға сәйкес жаңа редакцияда жазылсын.
2. Мыналардың күші жойылды деп танылсын:
1) "Мемлекеттік тіл саясатын одан әрі жетілдіру жөніндегі комиссия туралы" Қазақстан Республикасы Премьер-Министрінің 2015 жылғы 7 қазандағы № 89-ө өкімі;
2) "Мемлекеттік тіл саясатын одан әрі жетілдіру жөніндегі комиссия туралы" Қазақстан Республикасы Премьер-Министрінің 2015 жылғы 7 қазандағы № 89-ө өкіміне өзгеріс енгізу туралы" Қазақстан Республикасы Премьер-Министрінің 2018 жылғы 25 маусымдағы № 75-ө өкімі.
| Қазақстан Республикасы Премьер-Министрінің 2018 жылғы 29 қарашадағы № 152-ө өкіміне қосымша |
|
| Қазақстан Республикасы Премьер-Министрінің 2017 жылғы 14 қарашадағы № 153-ө өкімімен бекітілген |
Қазақ тілі әліпбиін латын графикасына кешіру жөніндегі ұлттық комиссия туралы ереже
1. Жалпы ережелер
1. Қазақ тілі әліпбиін латын графикасына кешіру жөніндегі ұлттық комиссия (бұдан әрі - Комиссия) Қазақстан Республикасы Үкіметінің жанындағы консультативтік-кеңесші орган болып табылады.
2. Комиссия қызметінің мақсаты қазақ әліпбиін латын графикасына кешіру, мемлекеттік тіл саясатын іске асыру және мемлекеттік тілді енгізу тиімділігін арттыру мәселелері бойынша ұсыныстар әзірлеу болып табылады.
3. Комиссия өз қызметінде Қазақстан Республикасының Конституциясын, Қазақстан Республикасының заңдарын, Қазақстан Республикасы Президентінің және Үкіметінің актілерін және Қазақстан Республикасының өзге де нормативтік құқықтық актілерін, сондай-ақ осы Ережені басшылыққа алады.
4. Қазақстан Республикасының Мәдениет және спорт министрлігі Комиссияның жұмыс органы болып табылады.
5. Комиссия отырыстары қажеттілігіне қарай, бірақ жылына кемінде екі рет өткізіледі.
2. Комиссияның негізгі міндеті
6. Комиссияның негізгі міндеті:
1) латын графикасына кешу кезінде туындайтын проблемалар мен қиындықтарды анықтау мақсатында латын графикасына кешкен елдердің тәжірибесін зерделеу және талдау нәтижесі;
2) қазақ тілі әліпбиін латын графикасына көшіру;
3) қазақ тілі әліпбиін латын графикасына кешірудің тәсілдерін айқындау;
4) мемлекеттік тіл саясатын жетілдіру;
5) мемлекеттік тілді кешенді және жүйелі дамыту мен енгізу, этностардың тілдерін сақтау, ағылшын тілін тереңірек және қарқынды үйрену жүйесін құру;
6) тілдерді дамыту мен қолдануға бағытталған нысаналы мемлекеттік бағдарламалар мен жоспарлардың жобаларын қарау;
7) бірыңғай мемлекеттік саясатты іске асыру жөніндегі қызметті ақпараттық, әдістемелік қамтамасыз ету бойынша ұсыныстар әзірлеу болып табылады.
3. Комиссияның қызметін ұйымдастыру
7. Комиссия жұмысының ұйымдастырылуы мен тәртібі Қазақстан Республикасы Үкіметінің 1999 жылғы 16 наурыздағы № 247 қаулысымен бекітілген Қазақстан Республикасы Үкіметінің жанындағы консультативтік-кеңесші органдар мен жұмыс топтарын құру тәртібі, қызметі мен таратылуы туралы нұсқаулыққа сәйкес жүзеге асырылады.
