Жолаушыларды және багажды автомобиль көлігімен тасымалдау ережесін бекіту туралы

Күші жойылды - ҚР Көлік және коммуникация министрінің міндетін атқарушының 2011.08.06 № 496 (қол қойылған күнінен бастап қолданысқа енгізіледі) бұйрығымен.

Келісілді
Қазақстан Республикасының
Ішкі істер министрі
_________________________
2004 жылғы "__" _________

Келісілді
Қазақстан Республикасының
Денсаулық сақтау министрі
_________________________
2004 жылғы 23 сәуір

      "Автомобиль көлігі туралы" Қазақстан Республикасы Заңының ережелерін іске асыру және жолаушылар мен багажды автомобиль көлігімен тасымалдауға қойылатын бірыңғай талаптарды белгілеу мақсатында бұйырамын:
      1. Қоса беріліп отырған Жолаушыларды және багажды автомобиль көлігімен тасымалдау ережесі бекітілсін.
      2. Автомобиль көлігі басқармасы (Ш.Қ.Маханов) осы бұйрықтың Қазақстан Республикасының Әділет министрлігіне мемлекеттік тіркеу үшін ұсынылуын қамтамасыз етсін.
      3. Осы бұйрықтың орындалуын бақылау Қазақстан Республикасының Көлік және коммуникациялар вице-министрі Е.Ж.Қошановқа жүктелсін.
      4. Осы бұйрық, 2005 жылғы 1 қаңтардан бастап қолданысқа енгізілетін Жолаушыларды және багажды автомобиль көлігімен тасымалдау ережесіне 1-қосымшада көрсетілген жол жүру құжаттары (билеттер) мен багаж түбіртектерінің нысандарын қоспағанда, ресми жарияланған күнінен бастап қолданысқа енгізіледі.

Министрдің
міндетін атқарушы

"Жолаушыларды және багажды
автомобиль көлігімен тасымалдау
ережесін бекіту туралы"
Қазақстан Республикасы
Көлік және коммуникациялар
министрінің міндетін атқарушының
2004 жылғы 10 мамырдағы
N 113-І бұйрығымен бекітілген

Жолаушыларды және багажды автомобиль
көлігімен тасымалдау ережесі 1-тарау. Жалпы ережелер

1. Осы жолаушыларды және багажды автомобиль көлігімен тасымалдау ережесі (бұдан әрі - Ереже) жолаушылардың және багаждың автомобиль тасымалдарын ұйымдастыру және жүзеге асыру тәртібін белгілейді.

2. Ереже Қазақстан Республикасының барлық аумағында қолданылады және барлық жеке және заңды тұлғалар үшін меншік нысандарына қарамастан міндетті болып табылады.

&1 Ережеде пайдаланылатын негізгі ұғымдар

3. Багаж түбіртегі - багаждың автомобиль тасымалы шартының жасалғанын, сондай-ақ тасымалдаушының багажды сақтауға немесе тасымалдау үшін қабылдағанын растайтын құжат.

4. <*>
Ескерту: 4-тармақ алынып тасталды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

5. Билет - жолаушының сапарды жүзеге асыру құқығын куәландыратын және жолаушының автомобиль тасымалы шарты жасалғанын растайтын құжат (1-қосымша).

6. Борт журналы - белгіленген тәртіппен нөмірленген әрі бау өткізілген және автокөлік құралында болатын журнал, оған автокөлік құралының рейс алдындағы техникалық тексеруден және жүргізушінің рейс алдындағы (ауысым алдындағы) медициналық тексеруден өткені туралы белгілер қойылады (2-қосымша).

7. Маршрут – белгіленген бастапқы, аралық және соңғы аялдау пункттер арасындағы автобустың белгіленген жүретін жолы.
Ескерту: 7-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

8. <*>
Ескерту: 8-тармақ алынып тасталды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

9. Қауіпті учаскелер - автомобиль жолдарының, олар бойынша жүріп өту жол-көлік оқиғасына әкелудің жоғарғы қаупі бар немесе қозғалыс режимінің елеулі өзгерістеріне байланысты учаскелер.

10. Жолаушыларды отырғызу және түсіру пункттері (аялдама пункті) - осы Ереженің талаптарына сәйкес жайластырылған, автокөлік құралдары жолаушыларды отырғызу және түсіру мақсатында аялдауға арналған жол маңайындағы алқап учаскесі.

11. Қозғалыс кестесі - жолаушылардың және багаждың тұрақты автомобиль тасымалдары маршрутының әрбір аялдама пункті бойынша автобустардың, шағын автобустардың қозғалыс орны мен уақыты туралы мағлұматтар бар құжат (кесте).
Ескерту: 11-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

12. Рейс - маршруттың бастапқы пунктінен соңғы пунктіне дейінгі автобустың жолы.

13. Маршрут схемасы - аялдама пункттері, олардың арасындағы қашықтықтар, сондай-ақ оларға тән бағдарлар (жол айрықтары, қиылыстар, теміржол өтпелері, көпірлер, тоннельдер және т.б.) көрсетілген маршруттың графикалық шартты бейнеленуі.

&2 Жолаушылардың және багаждың автомобиль
тасымалдарын жүзеге асырудың жалпы қағидаттары

14. Ұйымдастыру сипаты бойынша жолаушылардың және багаждың автомобиль тасымалдары тұрақты және тұрақты емес болып бөлінеді.

      15. Жолаушылардың және багаждың тұрақты автомобиль тасымалдары қозғалыс кестесіне сәйкес белгіленген маршруттар бойынша автобустармен және шағын автобустармен жүзеге асырылады.
      Қалалық маршруттарда жолаушылардың және багаждың тұрақты автомобиль тасымалдарын ұйымдастыру кезінде тасымалдауды жүзеге асыру үшін пайдаланылатын көлік құралдары (автобустар немесе шағын автобустар) алдын ала анықталады.
     Ескерту: 15-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

16. Жолаушылардың және багаждың тұрақты автомобиль тасымалдарын жүзеге асыру кезінде тасымалдаушы жүргізушінің рейс алдындағы (ауысым алдындағы) медициналық тексеруден және автокөлік құралының техникалық тексеруден өткені туралы белгілер бар жол қағазының (3-қосымша) автокөлік құралында болуын қамтамасыз етеді.

17. Жолаушылардың және багаждың тұрақты емес автомобиль тасымалдары тасымалдаушылардың ұйымдастырылады және автобустарды, шағын автобустарды және осы Ереже талаптарына сәйкес келетін жеңіл автомобильдерді пайдалану арқылы жүзеге асырылады.
Ескерту: 17-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      18. Тұрақты емес тасымалдар мыналарға бөлінеді:
      1) заңды және жеке тұлғалардың бір жолғы тапсырысы (өтінімі) бойынша тасымалдау. Бұндай тасымалдарға мыналар жатады: туристік, экскурсиялық, іс-шараларға қызмет көрсету бойынша.
      Көрсетілген бір жолғы тасымалдар белгіленген кезең мерзімінде шарт негізінде жүзеге асырылуы мүмкін.
      2) жеңіл автомобильдермен, таксимен тасымалдау.
     Ескерту: 18-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

&3 Автокөлік құралдарына қойылатын талаптар

      19. Жолаушылардың және багаждың тұрақты автомобиль тасымалдарына Қазақстан Республикасының заңнамасына сәйкес техникалық тексеруден өткен автокөлік құралдары жіберіледі.
      Бұл ретте жолаушылардың және багаждың тұрақты автомобиль тасымалдары кезінде пайдаланылатын автобустардың конструкциясы мен техникалық тиісті стандарттардың талаптарына сәйкес келуі тиіс.
      Жолаушылардың және багаждың тұрақты автомобиль тасымалдары кезінде сол жақ рульдік басқаруы бар автобустар пайдаланылады.

      20. Жолаушылардың және багаждың автомобиль тасымалдары кезінде пайдаланылатын автобустар Экономика және сауда министрлігі Стандарттау, метрология және сертификаттау жөніндегі комитетінің 2001 жылғы 22 қазандағы N 378 бұйрығымен бекітілген "Жолаушылар тасымалдары бойынша автокөлік қызметтері. Жалпы техникалық шарттар" туралы ҚР СТ 1040-2001 сәйкес келуі тиіс, бұл ретте:
      1) қалалық және қала маңындағы тұрақты автомобиль тасымалдары маршруттарында кемінде екі жолаушы есігі бар қалалық автобустарды (І класты) ғана, шағын автобустарды, сондай-ақ қалааралық автобустарды (ІІ класты) тұрақты қала маңындағы автомобиль тасымалдары маршруттарында пайдалануға рұқсат етіледі;
      2) қалааралық және халықаралық тұрақты автомобиль тасымалдары маршруттарында қалааралық автобустар (ІІ класты) немесе алысқа жүретін автобустар (ІІІ класты) пайдаланылуы тиіс. Осы маршруттардың ұзақтығы 150 километр (бұдан әрі - км) дейін болса, шағын автобустарды пайдалануға рұқсат етіледі.
     Ескерту: 20-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

21. Ұзақтығы 150 км астам жолаушылардың және багаждың қалааралық және халықаралық тұрақты автомобиль тасымалдары маршруттарында пайдаланылатын автобустардың шалқаймалы арқалықтары бар жұмсақ отырғыштары болуы тиіс. Егер маршруттың ұзақтығы 500 км артық болса, онда автобустың салонында ауыстырушы жүргізушінің орны көзделуі тиіс.
Ескерту: 21-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

22. Таулы маршруттарда ұзақтығы 500 мың километрден артық жүрісі бар немесе күрделі жөндеуден өткен автобустарды пайдалануға рұқсат етілмейді.
Таулы маршруттарда пайдаланылатын автобустар тұманға қарсы алдыңғы фаралармен және артқы жүрістің қосалқы фараларымен жабдықталуы тиіс, шина бұжыртабаны суретінің биіктігі ең кемі 3,0 миллиметр (бұдан әрі - мм) болуы тиіс.

      23. Автобустар, шағын автобустар:
      1) қолданылу мерзімі өтпеген дәрілердің және медициналық құралдардың қажетті жинағы бар медициналық дәрісалғышпен (автокөліктік);
      2) алынып тасталды
      3) авариялық аялдау белгісімен;
      4) ақаусыз және жұмысқа жарамды өрт сөндіру құралдарымен;
      5) жол-көлік оқиғасы жағдайында шыныларды сындыру, авариялық люктерді жедел ашудың тиісті құрал-саймандарымен және оларға ақпараттық тақтайшалармен жабдықталуы тиіс.
      6) алынып тасталды
     Ескерту: 23-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      24. Жолаушылардың және багаждың автомобиль тасымалдары кезінде пайдаланылатын автобустарда, шағын автобустарда:
      1) ешқандай кедергісіз ашылып және жабылатын жолаушылар салонының есіктері мен авариялық люктер. Есіктерде өткір немесе олардың бетінен алыс шығып тұрған қырлар болмауы тиіс;
      2) жүргізушінің кабинасы мен жолаушы салонына жауын-шашынның түсуін толық болдырмайтын жабық күйдегі төбе, авариялық люктер және терезелер;
      3) берік бекітілген тұтқалар және отырғыштар;
      4) жолаушыларға арналған креслолардың отырғыштары мен арқалықтарының таза және жыртықсыз тыстары;
      5) тегіс, шығыңқы жерлері немесе бекітілмеген бөлшектері жоқ баспалдақтары мен салонның едені. Салон еденінің қаптамасы жыртықсыз материалдан жасалуы тиіс;
      6) шаңнан, кірден, бояудан және олар арқылы көруді төмендететін өзге де бұйымдардан тазартылған терезелердің мөлдір шынылары. Әрбір терезе ойығы ақпарат немесе жарнама материалдарымен 30% артық жабылмауы тиіс;
      7) жылдың суық мезгілінде жылытылатын және ыстық мезгілінде желдетілетін, сайман мен қосалқы бөлшектер үйіліп жатпаған жолаушы салоны болуы тиіс.

25. Жолаушылардың және багаждың тұрақты автомобиль тасымалдары кезінде пайдаланылатын автобустар мен шағын автобустардың салондарын ылғалды жинау ауысымда кемінде бір рет және ластану шамасы бойынша жүргізіледі.
Ескерту: 25-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

26. Жолаушылардың және багаждың қалааралық және халықаралық автомобиль тасымалдары маршруттарында пайдаланылатын автобустарда багаж бөлімшелері болуы тиіс, сондай-ақ қосалқы доңғалақпен және домкратпен жабдықталады.
Ескерту: 26-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      27. Жүргізушілердің еңбек және демалыс режимін тіркеудің бақылау құрылғыларымен (тахографтармен):
      1) жолаушылардың және багаждың халықаралық автомобиль тасымалдарын;
      2) жолаушылардың және багаждың қалааралық облысаралық тұрақты және тұрақты емес автомобиль тасымалдарын жүзеге асыру кезінде пайдаланылатын автобустар жабдықталуы тиіс.
     Ескерту: 27-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      28. Автобустардың салонында жүргізуші кабинасының (орнының) жанында:
      1) тасымалдаушының толық атауы;
      2) тасымалдаушының, тасымалдауды ұйымдастырушының, байланыс телефондарының нөмірлері;
      3) Жол полициясының және көліктік бақылаудың аумақтық органдарының байланыс телефондарының нөмірлері;
      4) маршрут схемасының көшірмелері;
      5) жол жүру құны туралы мәлімет.
      Тұрақты маршруттар үшін (қалалық маршруттарды қоспағанда) сапар қашықтығына байланысты жол жүру мен багажды алып жүру құнының кестесі ұсынылуы тиіс;
      6) ақы төлемей жол жүргені және/немесе багаж алып жүргені үшін айыппұлдың мөлшері;
      7) жолаушылардың құқықтары мен міндеттері бар ақпараттық тақта қойылуы тиіс.
      Жолаушылардың және багаждың қалалық тұрақты автомобиль тасымалдарында пайдаланылатын автобустар мен шағын автобустар желідегі жұмысты бақылау құрылғысымен автоматтандырылған басқару жүйесі (бұдан әрі - АБЖ) жұмыс істеген жағдайда дауыстап сөйлейтін құрылғымен жабдықталуы тиіс.
      Жолаушылардың және багаждың тұрақсыз автомобиль тасымалдары үшін осы тармақтың 4), 5) және 6) тармақшаларының қолданысы тарамайды.
     Ескерту: 28-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

29. Жолаушылардың және багаждың қалалық және қала маңындағы тұрақты автомобиль тасымалдары кезінде пайдаланылатын автобустардың алдыңғы және артқы жақтарында маршрут нөмірі көрсетілген трафареттер қойылуы тиіс.
Маршруттың нөмірі ашық сары түсті фонда қара түспен жазылуы тиіс (шрифттің биіктігі ең кемі 120 мм). Жедел тасымалдауды жүзеге асырған жағдайда трафаретте маршрут нөмірінің астында қызыл түсті "Жедел" деген жазу болуы тиіс (шрифттің биіктігі ең кемі 60 мм).

30. Жолаушылардың және багаждың тұрақты қалалық автомобиль тасымалдарында пайдаланылатын автобустар салонының оң жағында жолаушы есіктерінің бірі жанында бағыттың нөмірі мен мемлекеттік және орыс тілдеріндегі қысқа сипаттамасы (аралық және соңғы аялдамалардың, бағыт өтетін негізгі көшелердің, қоғамдық мәні бар орындардың) бар трафарет орнатылуы тиіс.

31. Қалааралық және халықаралық маршруттардағы автобустарда жол жүрудің бастапқы, соңғы және ірі аралық пункттері көрсетілген алдыңғы және бүйірлік (оң жағында) трафареттері мемлекеттік және орыс тілдерінде, ал қажет болған жағдайда басқа тілдерде болуы тиіс.
Ескерту: 31-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

32. Алдыңғы және артқы трафареттерде тәуліктің қараңғы мезгілінде көмескі жарық болуы тиіс.

33. Балалардың ұйымдастырылған топтарының автомобиль тасымалдарына арналған автобустардың кемінде екі есігі болуы тиіс. Одан басқа, бұл автобустардың алдында және артында "Балаларды тасымалдау" деген айыру белгілері мен сары түсті жалтылдақ шамшырақ қойылуы тиіс.

34. Жолаушыларды және багажды тапсырыс берілген автобустармен, шағын автобустармен және жеңіл автомобильдермен тасымалдау кезінде пайдаланылатын автокөлік құралдарының алдыңғы және артқы жақтарында "Тапсырыстық" деген жазуы бар трафареттер қойылуы тиіс.
Жазу қара түспен жазылуы (әріп биіктігі кемінде 120 мм) және тік төртбұрышты қоршамаға салынуы тиіс.

35. Жолаушылардың және багаждың тұрақты автомобиль тасымалдарында пайдаланылатын автобустардың салонының алдыңғы жағында мүгедектерге, зейнеткерлерге, жүкті әйелдерге және мектеп жасына дейінгі балалары бар жолаушыларға арналған орындар көзделуі тиіс. Осы орындардың жанына олардың пайдаланылу мақсатын көрсететін ақпараттық тақта орнатылуы тиіс.

      36. Такси төбесінде орналасқан және 500 метр (бұдан әрі - м) дейінгі қашықтықтан жақсы ажыратылатын айырымдық белгімен жабдықталуы тиіс. Айырымдық белгіде "Т" (такси) деген жазу және/немесе ерекше арнайы белбеуі болуы тиіс және тәуліктің қараңғы мезгілінде жарықтандырылуы тиіс.
      36-1. Такси сыртқы екі бүйірі бойынша шахматтық тәртіппен орналасқан қара және сары шаршылардан құралған белдеумен мынадай өлшемде ресімделеді:
      биіктігі – 30 сантиметр;
      ұзындығы – 100 сантиметрден кем емес.
      Ескерту: 36-1-тармақ жаңа редакцияда жазылды - ҚР Көлік және коммуникация министрлігінің 2010.06.03 N 262 бұйрығымен.

37. Такси жарамды, стандарттаудың уәкілетті органдары тексерген және пломбаланған таксометрмен жарақталуы тиіс.

38. Таксидің салонында жолаушылардың көз алдында жүргізушінің фотосуреті бар, тегі, аты, әкесінің аты көрсетілген визит карточкасы, сондай-ақ тасымалдаушының ресми атауы, оның мекен-жайы мен телефонының нөмірі көрсетілген ақпараттық тақта болуы тиіс.

&4 Жолаушылардың және багаждың тұрақты
автомобиль тасымалдары маршруттарын ашу
және тізілімін жүргізу

Ескерту: 4-параграф тақырыбына өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319(қолданысқа енгізілу тәртібін 4-тармақтан қараңыз) бұйрығымен .

39. Жолаушылардың және багаждың тұрақты автомобиль тасымалдары маршруттарын ашу бастамашылары ретінде Қазақстан Республикасының Көлік және коммуникациялар министрлігі, жергілікті атқарушы органдар, жеке және заңды тұлғалар шығуы мүмкін.

      40. Жолаушылардың және багаждың тұрақты автомобиль тасымалдары маршруттарын ашу жөніндегі мәселелерді шешу үшін бастамашы маршрут схемасы мен ол бойынша қозғалыс кестесін әзірлейді және оларды тасымалдауды ұйымдастырушыларға:
      жолаушылардың және багаждың халықаралық, қалааралық облысаралық және елдi мекендердi: кенттердi, ауылдарды (селоларды) өзара және бір облыстан тыс аудан орталықтарымен жалғастыратын тұрақты автомобиль тасымалдарының маршруттары бойынша - Қазақстан Республикасының Көлік және коммуникациялар министрлігіне;
      жолаушылардың және багаждың қала маңындағы, қалааралық облысішілік және елдi мекендердi: кенттердi, ауылдарды (селоларды) өзара және облыстың бір ауданынан тыс аудан орталықтарымен, сондай-ақ облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттары бойынша - жергілікті атқарушы органдарға;
      жолаушылардың және багаждың қалалық тұрақты автомобиль тасымалдарының маршруттары бойынша - қаланың жергілікті атқарушы органдарына;
      елдi мекендердi: кенттердi, ауылдарды (селоларды) өзара және облыстың бір ауданының аудан орталықтарымен жалғастыратын тұрақты автомобиль тасымалдарының маршруттары бойынша - ауданның жергілікті атқарушы органдарына жібереді.
     Ескерту: 40-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      41. Жолаушылардың және багаждың тұрақты тасымалдардың жаңа маршруттары, егер:
      1) автомобиль жолдарының өткізу қабілеті нақты маршруттар бойынша автобустардың тұрақты қозғалысын жүзеге асыруға мүмкіндік берсе;
      2) автомобиль жолдарының жай-күйі және оларды жайластыру жол қозғалысы қауіпсіздігінің талаптарына сәйкес келсе ұйымдастырылуы мүмкін;
     3) осы Ереженің 45-тармағында көрсетілген шарт орындалады.
      Ескерту: 41-тармақ жаңа редакцияда - ҚР Көлік және коммуникация министрлігінің 2006.12.05 N 319 (қолданысқа енгізілу тәртібін 4-тармақтан қараңыз), өзгерту енгізілді - 2008.12.10 N 539 (қолданысқа енгізілу тәртібін 3-тармақтан қараңыз) Бұйрықтарымен .

42. Жолаушылардың және багаждың автомобиль көлігімен тұрақты тасымалдарының маршруттық желісін қалыптастырған кезде, жергілікті атқарушы органдар кенттермен, ауылдармен (селолармен) аудан орталықтары арасындағы және аудан орталықтарымен облыс орталықтары және облыстық маңызы бар өзге де жақын қалалар арасындағы байланыс басымдылығын басшылыққа алады.
Ескерту: 42-тармақ жаңа редакцияда - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

      43. Жолаушылардың және багаждың автомобиль көлігімен тұрақты тасымалдарының маршруттық желісін қалыптастырған кезде, мынадай қағидаттардың орындалуы қамтамасыз етіледі:
      әрбір маршрут бойынша халықтың тасымалдауға мұқтаждығын қанағаттандыру;
      белгіленген нормалар бойынша автобус сыйымдылығын тиімді пайдалану;
      жүру жолындағы жолаушыларға қажетті жағдайларды жасау;
      жолдардың өткізу қабілетін, аялдама пункттерін және инфрақұрылымның басқа да объектілерін есепке алу ;
      нормативтерді және автобустарды пайдалану ережесін, жол қозғалысы қауіпсіздігі талаптарын сақтау;
      жолаушылардың жол жүруге жұмсайтын уақытын төмендету;
      барлық түйіндес маршруттар бойынша автобустар қозғалысының мерзімділігі;
      "Жүргізушілердің еңбегі мен демалысын ұйымдастыру ережесін, автокөлік құралдарын еңбек және демалыс режимін тіркеудің бақылау құрылғыларымен (тахографтармен) жарақтандыру бойынша талаптарды бекіту туралы" Қазақстан Республикасы Көлік және коммуникация министрінің міндетін атқарушының 2004 жылғы 19 қаңтарда N 16-1 бұйрығына сәйкес (нормативтік құқықтық актілердің мемлекеттік тіркеу тізілімінде 2708 нөмірмен тіркелді) жүргізушілердің еңбек режимін және шарттарын сақтау.
      Ескерту: 43-тармақ жаңа редакцияда - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз), өзгерту енгізілді - 2008.12.10 N 539 (қолданысқа енгізілу тәртібін 3-тармақтан қараңыз) Бұйрықтарымен .

44.<*>
Ескерту: 44-тармақ алынып тасталды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      45. Қалыптастырылатын маршруттар желісі (қалалық маршруттардан басқа) мынадай шарттарға сәйкес келуі тиіс:
      1) қолданылып жүрген маршруттардың ұсынылған маршруттармен қосарланған кезіндегі қозғалыс кестесі бойынша айырмашылығы уақыт бойынша:
      150 км дейінгі қосарлану ұзақтығында 1 сағаттан артық;
      350 км дейінгі қосарлану ұзақтығында 2 сағаттан артық;
      500 км дейінгі қосарлану ұзақтығында 3 сағаттан артық;
      500 км артық қосарлану ұзақтығында 4 сағаттан артық болуы тиіс;
      2) жетпіс бес пайыздан артық қосарлану учаскесінде автобустардың орташа толу кезіндегі (жазғы және қысқы маусым бойынша жеке) уақыт бойынша айырмашылығы:
      150 км дейінгі қосарлану ұзақтығында 15 минутқа дейін;
      350 км дейінгі қосарлану ұзақтығында 30 минутқа дейін;
      350 км артық қосарлану ұзақтығында 1 сағатқа дейін қысқартылады. .
      Ескерту: 45-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      46. Жолаушыларды және багажды тұрақты тасымалдау маршруттарында (халықаралық қатынастардан басқа) барлық маршруттардың ұзақтығында жетпіс бес пайыздан артық автобустардың орташа жылдық толуы кезінде тасымалдауды ұйымдастырушы тасымалдаушылардың немесе жолаушылардың өтініші бойынша қосымша қозғалыс кестесін енгізу туралы шешім қабылдайды.
      Қосымша қозғалыс кестесіне қызмет көрсету құқығы іс жүзінде маршрутқа қызмет көрсететін тасымалдаушыға беріледі.
      Қосымша қозғалыс кестесіне қызмет көрсетуден тасымалдаушы бас тартқан жағдайда жергілікті атқарушы органдар аталған маршрутқа қызмет көрсету бойынша келісімнің қолдану мерзіміне, конкурстық негізде аталған қозғалыс кестесін бөледі.
      Ескерту: 46-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      47. Жаңа маршруттарды ашу кезінде келісу жолаушылардың және багаждың тұрақты автомобиль тасымалдарының мынадай иерархиясына сәйкес жүзеге асырылады:
      қалааралық облысаралық;
      қалааралық облысішілік;
      қала маңындағы және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын.
      Ескерту: 47-тармақ жаңа редакцияда - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .
     47-1. Жергілікті атқарушы органдар жаңа облысішілік, қалалық және қала маңындағы маршруттарды ашу кезінде тасымалдау көлемін зерттеу үшін осы маршрутта екі ай қызмет көрсететін тасымалдаушыны белгілейді.
      Зерттеу нәтижесі бойынша осы Ережеде белгіленген мерзімдерде аталған маршрутқа қызмет көрсету құқығына тиісті конкурсты өткізу туралы шешім қабылданады.
     Ескерту: 47-1-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

48. Облыстың жергілікті атқарушы органдарымен жолаушылардың және багаждың қалааралық облысішілік, қала маңындағы және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттары бойынша қозғалыс кестесі оң келісілген кезде маршрут бойынша деректер осы Ереженің 49-тармағына сәйкес тиісті тізілімге кіргізіледі.
Ескерту: 48-тармақ жаңа редакцияда - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

      49. Жолаушылардың және багаждың тұрақты автомобиль тасымалдарының маршруттарын ұйымдастыру мен есепке алуды жоспарлау мақсатында:
      Қазақстан Республикасы Көлік және коммуникация министрлігі (бұдан әрі - Министрлік) - жолаушылардың және багаждың халықаралық, қалааралық облысаралық және елді мекендерді: кенттерді, ауылдарды (селоларды) бір облыстан тыс аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдары маршруттарының;
      облыстың жергілікті атқарушы органдары - жолаушылардың және багаждың қалааралық облысішілік, қала маңындағы және елді мекендерді: кенттерді, ауылдарды (селоларды) облыстың шегіндегі аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдары маршруттарының;
      қаланың жергілікті атқарушы органдары - жолаушылардың және багаждың қалалық тұрақты автомобиль тасымалдары маршруттарының тізілімін жүргізуді жүзеге асырады.
      Ескерту: 49-тармақ жаңа редакцияда - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

      50. Тізілімдер маршруттардың мынадай негізгі сипаттамаларын:
      жүрудің бастапқы және соңғы пункттері бойынша маршруттардың нөмірін және атауын;
      тікелей және кері қайту бағыттарындағы маршруттағы пункттер бойының санын және атауын;
      тікелей және кері қайту бағыттарындағы маршрут ұзақтығын;
      тікелей және кері қайту бағыттарындағы маршруттағы қозғалыс жылдамдығының орташа пайдаланымдығын;
      маршрутқа қызмет көрсету кезеңдері: жыл бойы, қосымша (белгілі бір күндерде немесе тәуліктің кезеңдерінде қолданылатын (қалалық маршруттарда демалыс, мерекелік күндер немесе "қауырт" сағаттар), маусымдық (алдын ала белгіленген уақыт аралығы ішінде қолданылатын (саяжай кезеңінде, демалыс аймақтары, жолаушылар легі жоғарылаған кезеңде жұмыс істеген кезде);
      бір автобусқа арналған қозғалысты регламенттейтін қозғалыс графиктері қоса берілген (шығуы) жиынтық маршруттық қозғалыс кестесі (маршрутқа қызмет көрсететін барлық автобустар үшін маршруттың аялдау пункттері бойынша (аялдамалардың) өту уақытын регламенттейтін құжат (кесте)); ;
      жолаушылар легі және жолаушылар айналымын;
      жолаушыларға және жалпы отыруға арналған орындар бойынша автобустардың маршруттағы автобустардың, шағын автобустардың класын және паспорттық сыйымдылығын (жинақтау алаңшасының сыйымдылығын ескере отырып);
      маршрутта қызмет көрсету үшін резервтік жылжымалы құрамды ескере отырып автобустардың, шағын автобустардың саны қажет;
      тасымалдаушы жөніндегі ақпарат (атауы, мекен-жайы, тегі, аты, әкесінің аты, тасымалдауды ұйымдастырудағы жауапты тұлғаның және бастықтың телефондарын) және оған берілген рұқсат құжаттарының қолдану кезеңін белгілейді.
      Ескерту: 50-тармақ жаңа редакцияда - ҚР Көлік және коммуникация министрлігінің 2006.12.05 N 319 (қолданысқа енгізілу тәртібін 4-тармақтан қараңыз), өзгерту енгізілді - 2008.12.10 N 539 (қолданысқа енгізілу тәртібін 3-тармақтан қараңыз) Бұйрықтарымен .
     50-1. Облыстық немесе қалалық жергілікті атқарушы органдар жүргізетін тізілімдерге станциялық қозғалыс кестесі (нақты пункт арқылы өтетін (автовокзал, автостанция, бақылау пункті) барлық маршруттардағы автобустардың келу және жөнелту уақыты көрсетілетін құжат), сондай-ақ графикалық қозғалыс кестесі (барлық өтетін автобустар үшін маршрутта немесе жолдың жеке учаскесінде автобустар қозғалысын ұйымдастырудың көрнекті графикалық көрсетілімі) қоса беріледі.
     Ескерту: 50-1-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

&5 Аялдама пункттерін жарақтандыруға
және орналастыруға қойылатын талаптар

51. Аялдама пункттері, соның ішінде рейстер арасындағы тұруды ескере отырып, соңғы аялдама пункттері Қазақстан Республикасының Индустрия және сауда министрлігі Құрылыс істері жөніндегі комитетінің 2003 жылғы 27 тамыздағы N 342 бұйрығымен бекітілген "Қала құрылысы. Қалалық және ауылдық мекендерді жоспарлау мен салу" туралы ҚР ҚНжЕ 3.01-01-2002 талаптарын ескере отырып және жол қозғалысы ережелерінің сақталуын, оларға жолаушылардың қауіпсіз және қолайлы келуін ескере отырып орналастырылуы тиіс.
Ескерту: 51-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      52. Әрбір аялдама пункті:
      1) аялдама пунктінің атауы, өтетін маршруттардың нөмірлері, маршруттар бойынша қозғалыстың аралығы бар ақпараттық көрсеткішпен;
      2) автокөлік құралдары қауіпсіз аялдауға арналған алаңшамен (бұдан әрі - аялдама алаңшасы). Аялдама алаңшалары жолай бағытта бара жатқан көлік құралдарына кедергі жасауды болдырмауы тиіс және олардың жүру бөлігінің негізгі еніне тең ені, ал ұзындығы бір уақытта аялдайтын автобустардың санына байланысты, бірақ кемінде 10 м болады.
      1-б - ІІІ санатты жолдарындағы аялдама алаңшалары жүру бөлігінен бөлу жолағымен бөлінеді;
      3) аялдама алаңшасының бетінен 0,2 м көтерілген және павильонға кіре берісте ауданы 10х2 м қатты төсемі бар және автобустарға кресло-арба пайдаланатын мүгедектердің өту орындарын белгілеуді ескере отырып жиектеме таспен жолдың жүретін бөлігі жағынан шектелген отырғызу алаңшасымен;
      4) жолаушылардың отырғызу алаңшасына келуіне арналған жаяу жүргіншілер жолдарымен, жаяужолдармен (қатты төсемі бар жолдар);
      5) жолаушыларды қолайсыз ауа райы жағдайынан қорғауға арналған павильонмен жарақталады. Павильонның ең жақын қыры аялдама алаңшасының жиегінен 3 м жақын емес орналасады.
      1-а санатты жолдардағы аялдама пункттері жер жолағының шегінен тыс орналасады және жүру бөлігінен бөлінеді.

53. Елді мекендердің шегінен тыс аялдама пункттері жолдардың тура учаскелерінде немесе жоспардағы радиустері І және ІІ санатты жолдар үшін кемінде 1000 м, ІІІ санатты жолдар үшін 600 м және IҚ және Қ санатты жолдар үшін 400 м және 40% аспайтын бойлық ылдилы қисықтарда орналасады. Бұл ретте тиісті санаттардағы жолдар үшін көру нормалары қамтамасыз етіледі.
І санатты жолдардағы аялдама пункттері бір-біріне қарсы орналасады, ал ІІ-Қ санатты жолдардағы қозғалыс барысы бойынша павильондардың ең жақын қабырғаларының арасында кемінде 30 м қашықтыққа жылжытылады.

54. Жергілікті атқарушы органдар елді мекендерді көктемгі санитарлық тазарту және көркейту кезеңінде аялдама пункттерінің жыл сайынғы жеңіл жөндеуден өтуін қамтамасыз етеді.

55. Жолаушылардың және багаждың тұрақты автомобиль тасымалдары маршруттарының (қалалық маршруттардан басқа) аялдама пункттері әрбір елді мекенде маршрут өтетін жол бойынша, осы елді мекендердің тұрғындарына едәуір қолайлы орындарда орналасуы, мүмкіндігінше жолаушылар көп жиналатын ірі орталықтарға (темір жол вокзалдарына, әуежайларға, базарларға) жақын болуы және жолаушылардың және багаждың қалалық тұрақты автомобиль тасымалдары маршруттарының аялдама пункттерімен қосылуы тиіс.
Жүретін жол бойынша елді мекендерде автовокзал (автостанция) болған кезде, маршрут осы автовокзал (автостанция) арқылы өтуі тиіс.

&6 Тұрақты және тұрақты емес автомобиль
тасымалдарының маршруттарында жүргізушілерді рейс
алдындағы (ауысым алдындағы) медициналық
тексеруді ұйымдастыру және жүргізу

56. Тасымалдаушы жүргізушілерді рейс алдындағы (ауысым алдындағы) медициналық тексеруден, қызметтің осы түріне Қазақстан Республикасының заңнамасына сәйкес жіберілген медицина қызметкерінің (бұдан әрі - медицина қызметкері) өткізуін қамтамасыз етеді.

57. Жүргізуші рейс алдындағы (ауысым алдындағы) медициналық тексеруден, рейске (ауысымға) шыққанға дейін отыз минуттан кешіктірмей жол қағазын немесе борт журналын, сондай-ақ жеке басын куәландыратын құжатты көрсету бойынша өтеді.

58. Бір күн ішінде бірнеше рейс орындау қажет кезде, рейс алдындағы (ауысым алдындағы) медициналық тексеру бірінші рейс алдында бір рет өткізіледі.

      59. Жүргізушілерді рейс алдындағы (ауысым алдындағы) медициналық тексеру жекелеп жүргізіледі және оған:
      1) сауал беру, тексерілетіннің сыртқы түрін, жүрісін, тұрысын, мінез-құлқы мен көңіл-күй әрекеттерінің барабарлығын, сөзінің байланыстылығы мен анықтығын, іс-қимылын, санасын, тері жамылғысы мен көрінетін сілекейлі жамылғыны, көз шелінің түсін, көз жанарының мөлшерін, тыныс алу ерекшеліктерін және басқаларды қарау және соған ұқсас іс-әрекеттер;
      2) айтылған арыздарды, рейсаралық (ауысымаралық) тынығу мен ұйқыны байқау және қарау;
      3) қан қысымын, пульстің жилігі мен сапалық сипаттамаларын өлшеу және бағалау, дене температурасын өлшеу, тамақты, тексеру, без түйіндерін, ішті қолмен басып қарау, Ромберг тұрысындағы орнықтылықты, саусақ-мұрын және басқа үйлестіру байқауларын орындау дәлдігін анықтау кіреді. Жүргізуші науқасының анамнезінде артериялық гипертония болған кезде, рейс алдындағы (ауысым алдындағы) медициналық тексерулердің жеке картасында жүргізушінің негізгі функционалды көрсеткіштерінің рұқсат етілген параметрлері белгіленеді.

60. Арыз, аурудың нақты белгілері мен ағзаның жұмыс істеу күйінің бұзылуы болмаған кезде, тексерілуші көлік құралдарын басқаруға жіберіледі.
Медицина қызметкері жолаушылардың және багаждың тұрақты емес тасымалдарын жүзеге асыру кезінде - борт журналының, жолаушылардың және багаждың тұрақты тасымалдарын жүзеге асыру кезінде жол қағазының тиісті бағаналарына штампы қояды. Штампыда тексеруден өткен уақыты мен медицина қызметкерінің қолы қойылады.

61. Мас күйде (ауыздан алкоголь иісінің шығуы, тұрыс орнықсыздығы, сөздің бұзылуы, саусақтардың нақты дірілі, тері беттері түсінің өзгеруі) екеніне жеткілікті негіз бар тұлғалар көлік құралдарын басқаруға жіберілмейді.
Осы қорытындымен келіспеген жағдайда, бұл тұлғалар Қазақстан Республикасының қолданылып жүрген заңнамасына сәйкес психактивті затты қолдану және мас күйі айғағын анықтау үшін медицина қызметкерінің еріп жүруімен медициналық куәландыру жүргізуге уәкілетті жақынырақ мемлекеттік емдеу-профилактикалық ұйымға жіберіледі.

62. Травмалар табылған және қатты ауыру (ескі аурудың күшеюі) белгілері - қан қысымының қалыпты немесе жеке рұқсат етілген параметрлерден сынап бағанасының 20 мм артық жоғарылауы, брадикардия минутына 55 соғудан кем, тахикардия минутына 85 соғудан артық (жүргізуші пульсінің жеке рұқсат етілген параметрлерін қоспағанда), артериялық гипертония, қатты инфекциялық ауру белгілері, ауыру синдромы, естен тану және денсаулық күйінің басқа бұзушылықтары байқалған кезде, жүргізушілер емдеу және уақытша еңбекке жарамсыздықты сараптау үшін маманға қабылдауға жіберіледі. Қажет кезде жедел медициналық жәрдем шақыру қамтамасыз етіледі.
Уақытша еңбекке жарамсыздық белгілері амбулаториялық-емханалық ұйымдар жұмыс істемейтін уақытта анықталған жағдайда, науқасқа қажетті медициналық көмек көрсетіледі және тексеру күнін, уақытын, болжанған диагнозды және көрсетілген медициналық көмектің мөлшерін міндетті түрде көрсетіп, маманға жолдама ресімделеді, ол дәрігердің Қазақстан Республикасының қолданылып жүрген заңнамасына сәйкес еңбекке жарамсыздық парағын беру үшін негіз болып табылады.

63. Медициналық қызметкер жүргізушілердің көлік құралдарын басқаруға жарамдылығы туралы рейс алдындағы (ауысым алдындағы) тексеру жүргізу сәтіне қорытынды береді.

64. Медициналық қызметкер тасымалдаушыны тексерулерден бас тарту жағдайлары туралы, науқастану, травмалар, психактивті зат қолдану белгілері байқалған кезде жүргізушілердің көлік құралдарын басқарудан шеттетілуі туралы дереу хабардар етеді.

2-тарау. Автовокзалдар мен автобекеттерге
қойылатын талаптар және олардың жұмыс істеу тәртібі &1 Жалпы ережелер

      65. Автовокзалдар мен автостанциялар облыстың (республикалық маңызы бар қаланың, астананың) жергілікті атқарушы органдарының Облыстың (республикалық маңызы бар қаланың, астананың) автовокзалдары мен автостанцияларын тізіліміне кіргізуі негізінде жұмыс істейді.
      Автовокзалдар мен автостанциялар осы Ереженің 67-тармағының талаптарына сәйкес келген кезде Облыстың (республикалық маңызы бар қаланың, астананың) автовокзалдары мен автостанциялары тізілімге кіргізіледі.
      Ескерту: 65-тармақ жаңа редакцияда - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

65-1. Автовокзалдар мен автостанциялардың жұмыс режимі жолаушылардың және багаждың тұрақты автомобиль тасымалдарын жүзеге асыратын тасымалдаушылармен шарт қатынасын ескере отырып, облыстық жергілікті атқарушы органдардың келісімі бойынша (республикалық маңызы бар қаланың, астананың) анықталады.
Ескерту: 65-1-тармақпен толықтырылды - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

      66. Осы Ережеде автовокзалдар мен автостанциялардың мынадай негізгі функцияларды орындау тәртібі белгіленеді:
      1) жол жүру құжаттарын (билеттерді) сатуды ұйымдастыру;
      2) маршруттар бойынша автобустардың, шағын автобустардың қозғалыс кестесін сақтауын бақылауды ұйымдастыру;
      3) жолаушылардың қауіпсіз мінуі мен түсуін, багажды тиеу мен түсіруді ұйымдастыру;
      4) жолаушыларды тасымалдау қауіпсіздігін сақтау, жүргізушілердің рейс алдындағы медициналық тексерілуін және автобустардың, шағын автобустардың техникалық жай-күйін бақылауды жүргізу бойынша шараларды қамтамасыз ету, егер тасымалдаушының осы функцияны орындауы мүмкін болмаса;
      5) жолаушыларды ақпаратпен қамтамасыз ету;
      6) багаж бен қол жүгін сақтауды ұйымдастыру;
      7) жолаушыларды сапардың басталуын күту үшін жағдаймен қамтамасыз ету;
      8) қолданылып жүрген маршрут желісіндегі автовокзалдарды (автостанцияларды) автобустардағы (шағын автобустардағы) бос немесе босайтын орындардың бары туралы, сондай-ақ қозғалыс кестесіндегі өзгерістер немесе автобустардың кестеден озу (кейін қалу) уақыты, кестеде көзделмеген қосымша рейстерді алып тастау немесе енгізу, қосымша автобустарды жіберу туралы хабардар ету;
      9) облыстың (республикалық маңызы бар қаланың, астананың) жергілікті атқарушы органдарын облыстың (республикалық маңызы бар қаланың, астананың) жергілікті атқарушы органдары белгілейтін нысан бойынша жолаушылардың және багаждың тұрақты автомобиль тасымалдарын жүзеге асыратын тасымалдаушылардың қызмет көрсету тәртібі және қозғалыс кестелерін (графиктерін) бұзулары және осы Ереженің қағидаттарын басқа да бұзушылықтары туралы ай сайын келесі айдың 5 күнінен кешіктірмей хабардар ету.
      Ескерту: 66-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

      67. Автовокзалдар мен автобекеттердің өз құрамында:
      1) жолаушыларды отырғызуға және түсіруге, багажды тиеуге және түсіруге арналған пункт (пункттер);
      2) автобустар тұратын алаң;
      3) жолаушыларға арналған күту залы (залдары);
      4) жол жүру құжаттарын (билеттерін) сатуға, соның ішінде алдын ала, арналған касса (кассалар);
      5) багажды сақтау камерасы (камералары);
      6) диспетчерлік пункттер;
      7) жолаушыларға санитарлық-гигиеналық қызмет көрсетуге арналған үй-жайлар;
      8) жүргізушілер демалатын қызметтік үй-жайлар болуы тиіс.
      Автовокзалдарда қосымша:
      1) анықтама бюросы;
      2) қоғамдық тамақтану пункті;
      3) ана мен бала бөлмесі;
      4) автобустарды тексеруге арналған пункттер;
      5) қоғамдық тәртіпті сақтау пункті;
      6) медициналық көмек пункті және дәріхана дүңгіршегі болуы тиіс.
     Ескерту: 67-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      68. Сақтау камерасының жұмысын ұйымдастыру кезінде мынадай талаптарды сақтау қажет:
      1) автоматты емес сақтау камерасына багажды тапсыруға және алуға кететін уақыт шығыны барынша төмен болуы тиіс;
      2) сақтауға тапсырылған багаждың сақталуы сақтау камерасы үй-жайының құрғақ және таза күйде күтіп ұсталуын, жеткілікті табиғи немесе жасанды ауа тарту желдеткіші болса, онда тұрақты бөлме температурасын ұстап тұруды қамтамасыз етуі тиіс;
      3) ол арқылы багажды қабылдау және беру жүзеге асырылатын автоматты емес сақтау камерасының, операциялық терезесінің төменгі жағы еденнен 70 см биік емес, терезенің сыртқы жағынан багажды тапсыруға дайындау үшін үстел қойылып орналасуы тиіс;
      4) операциялық терезенің жанында сақтау камерасының жұмыс режимі, багажды сақтауға қабылдау тәртібі мен шарттары, сақтау мерзімдері мен құны бар тақтайша ілінеді;
      5) багаж жол жүру құжаттарының болуына қарамастан сақтауға қабылданады.

69. Автовокзалдарда қалааралық тасымалдау бағыттарында жұмыс істейтін автобустардың жүргізушілеріне, еңбек және демалыс режимінің шарттары бойынша оларға тұрақты тұратын жерінен басқа жерде демалуға тура келген жағдайда, демалуға (ұйқыға) арналған арнайы жабдықталған үй-жайлар берілуі тиіс.

70. Жүргізушілердің демалыс бөлмелерінде суық және ыстық суы бар душ бөлмесі, күндізгі уақытта демалысты қамтамасыз етуге арналған қараңғылаушы перделер болуы тиіс. Бөлмелерде жүргізушілердегі құнды заттарды, сатылған билеттердің ақшасын, сондай-ақ жол жүру құжаттарының (билеттердің) бланкілері мен багаж түбіртектерін сақтау мүмкіндігі қамтамасыз етілуі тиіс.

71. Автовокзалдарда 5 жасқа дейінгі баласы бар жолаушыларға, жүкті әйелдерге және кресло-арба пайдаланатын мүгедектерге қызмет көрсетуге арналған ана мен бала бөлмесінің жұмысы ұйымдастырылады. Үй-жайлардың көлемі мен құрамы, сондай-ақ қызмет көрсететін персоналдың саны автовокзал жұмысының көлеміне сәйкес келуі тиіс.

      72. Жолаушылар легі тәулігіне 1000 адамнан артық автовокзалдарда ана мен балаға арналған бөлменің құрамына :
      1) балалардың және оларды алып жүретін ересектердің демалуға арналған кереуеттері, балаларды құндақтауға арналған орны, киімдер мен заттарды сақтауға арналған шкафы бар бөлмесі;
      2) тоңазытқышы мен электр шәйнегі бар тамақ дайындауға және қабылдауға арналған бөлмесі;
      3) қолжуғышы және жинау керек-жарағын сақтауға арналған орны, қолға арналған электр кептіргіші немесе бір реттік сүлгісі және бала киімін кептіруге арналған шкафы бар дәретхана бөлмесі кіреді.
     Ескерту: 72-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

73. Ана мен балаға арналған бөлмеге балалы жолаушылар мен жүкті әйелдер қысқа уақытқа да – тамақтандыру, қайта құндақтау, автобустың жөнелтілуін күту үшін қысқа демалыс үшін де, сондай-ақ ұйықтау үшін төсектерді пайдалана отырып қабылданады.
Ескерту: 73-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

74. Автобустардың қалыпты қозғалысы кезінде балалы жолаушылардың ана мен бала бөлмесінде болуы 3 тәулікпен шектеледі.

75. Балалы жолаушылар мен жүкті әйелдерге жол жүру құжаттарын (билеттерді) ана мен бала бөлмесі бойынша кезекші арқылы, осы қызметтер үшін ақы төлемей сатып алу мүмкіндігі беріледі.

      76. Автовокзалдар мен автостанциялар жолаушылардың және багаждың халықаралық, қалааралық облысаралық, қалааралық облысішілік, қала маңындағы және елді мекендерді: кенттерді, ауылдарды аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарын жүзеге асыратын тасымалдаушыларға, тасымалдаушылар мен автовокзалдардың (автостанциялардың) әкімшілігі заңнамаға және осы Ережеге сәйкес жасасатын шарттардың негізінде қызмет көрсетеді.
      Бұл ретте жолаушылардың және багаждың тұрақты автомобиль тасымалдарын жүзеге асыратын тасымалдаушыларға қызмет көрсету, олар белгіленген тәртіппен тиісті маршрутта жұмыс істеуге арналған рұқсат құжаттарын ұсынған кезде ғана рұқсат етіледі.
      76-1. Автовокзалдар мен автостанциялар осы Ережеге сәйкес аталған қызмет түріне рұқсат етілген жолаушыларды және багажды тасымалдаушылармен келісім шарт жасасады.
      Шарт тасымалдаушылар автовокзалға, автостанцияға рұқсат құжаттарын ұсынған күннен бастап, 10 күн мерзімде жасалады.
     Ескерту: 76-1-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .
      76-2. Тасымалдаушыдан рұқсат құжаттарын қайтарып алу автовокзалдар мен автостанциялармен шартты бұзу үшін негіз болып табылады.
     Ескерту: 76-2-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .
      76-3. Автовокзалдар мен автостанциялар белгілі бір тұрақты маршруттарда аралығы жиырма минуттан аспайтын тасымалдар көлемі артқан жағдайда, аталған маршрутқа қызмет көрсететін тасымалдаушының қосымша автобустарының шығуын, тасымалдаушы бас тартқан жағдайда немесе сұрау салу жіберілгеннен кейін он минут мерзімде жауап болмаса, басқа тасымалдаушылардың автобустарын іске қосу жолымен ұйымдастырады.
      Тасымалдар көлемінің кезеңдік артуы жағдайында (маусымдық, кешкілік және басқалар) автовокзалдар мен автостанциялар тұрақты маршруттарды ұйымдастыру туралы облыстың жергілікті атқарушы органдарына ұсыныстар енгізеді.
     Ескерту: 76-3-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

77. Автовокзалдар мен автостанциялардың үй-жайларын ылғалды жинау күніне кемінде екі рет және ластану шамасы бойынша жүргізіледі.

$ 1-1. Кассалық пункттер

Ескерту: $ 1-1-параграфпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

77-1. Автовокзалдары мен автостанциялары жоқ селолық елді мекендерде халықаралық, облысаралық, облысішілік және қала маңындағы қатынастарға жолаушыларды және багажды тұрақты маршруттарда тасымалдау бойынша жол жүруге жол жүру құжаттары (билеттер) мен багаж төлемқағазын сататын кассалық пункттерді ашуға рұқсат етіледі.
77-2. Кассалық пункттер автокөлік құралдары қауіпсіз аялдауға, жолаушыларды отырғызуға, түсіруге арналған алаңшалармен және жолаушыларды қолайсыз ауа райы жағдайынан қорғауға арналған павильонмен жабдықталған, белгіленген аялдама пункттерінің тікелей қасында орналасуы тиіс.

&2 Жол жүру құжаттарын (билеттерін) сату
тәртібі, жол жүру құжаттарын (билеттерін) және
олардың құнын қайтару тәртібі және шарттары

78. Жол жүру құжаттарын (билеттерін) сату автовокзалдар, автостанциялар мен кассалық пункттердің билет кассалары арқылы, ал аралық аялдау пункттерінде билет кассалары болмаған жағдайда, автобуста, шағын автобуста отыратын бос орындар болса, сондай-ақ жолаушыларды және багажды 50 км артық қашықтыққа тасымалдауды жүзеге асыру кезінде автобустардың толу нормасына дейін жүргізуші немесе кондуктор жүзеге асырады.
Ескерту: 78-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      79. Жол жүру құжаттарын (билеттерін) сату Қазақстан Республикасының заңнамасына сәйкес белгіленген тарифтер бойынша жүзеге асырылады.
      Автовокзалдар, автостанциялар мен кассалық пункттердің жолаушылардың тұрақты емес тасымалдарына билеттер сатуына рұқсат етілмейді.
     Ескерту: 79-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      80. Автовокзалдарда жол жүру құжаттарын (билеттерін) ағымдағы сатумен қатар алдын ала сату, сондай-ақ телекоммуникация құралдарын пайдалану және үйге жеткізіп беру арқылы жол жүру құжаттарын (билеттерін) сату жүзеге асырылады.
      Жол жүру құжаттарын (билеттерін) алдын ала сату, сондай-ақ жол жүру құжаттарын (билеттерін) үйге жеткізіп бергені үшін, телекоммуникация құралдарын пайдалану арқылы сату, автовокзалдар мен автостанциялар белгілеген мөлшерде қызмет көрсеткені үшін ақы алынады.
     Ескерту: 80-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

81. Алдын ала сату кассаларында жол жүру құжаттарын (билеттерді) сату, соның ішінде телекоммуникациялар құралдарын пайдалану арқылы билет алуға тапсырысты ресімдеу және оларды үйге жеткізіп беру автобус, шағын автобус жөнелтілгенге дейін 7 тәулік бұрын басталады және бір тәулік бұрын аяқталады.

82. Ағымдағы сату кассаларында жол жүру құжаттарын (билеттерін) сату автобусты, шағын автобусты жөнелту күні басталады және жөнелтілгенге дейін 5 минут бұрын аяқталады.

83.<*>
Ескерту: 83-тармақ алынып тасталды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

84. <*>
Ескерту: 84-тармақ алынып тасталды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

85. Телекоммуникация құралдарын пайдалану арқылы сатылған жол жүру құжаттары (билеттері) алдын ала сату кассаларында сақталады және автобус, шағын автобус жөнелтілгенге дейінгі 3 сағаттан кешіктірмей талап етілуі тиіс. Телекоммуникациялар құралдарын пайдалану арқылы сатылған жол жүру құжаттары (билеттері) белгіленген мерзімде талап етілмеген жағдайда, тапсырыстар жойылады және жол жүру құжаттары (билеттер) ағымдағы сату кассаларына тапсырылады.

86. Жол жүру құжаты (билеті) жоғалған және жолаушы автобус, шағын автобус жөнелтілгенге дейін 3 сағаттан кешіктірмей кассасына немесе тасымалдаушыға барған жағдайда және жолаушының жол жүру құжатын (билетін) сатып алғанын тасымалдаушы, автовокзал (автостанция) растаса, билет ақы алмай қалпына келтірілуі тиіс.
Ескерту: 86-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

87. Жолаушы алынған жол жүру құжатын (билетін) кассаға автобус жөнелтілгенге дейін қайтарған кезде, оған автовокзалдың, автостанцияның немесе кассалық пункттердің әкімшілігімен көзделген алымдар шегерілген төленген жол жүру құжаттың (билеттің) құны қайтарылады.
Ескерту: 87-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

88. Автобусқа кешіккен кезде жол жүру құжаттары (билеттері) 3 күннен кешіктірмей қайтарылуы мүмкін, бұл ретте билет құнының 50%-ына тең сома өтеледі.
Ескерту: 88-тармақ жаңа редакцияда - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

89. Қалааралық облысаралық және халықаралық қатынастағы маршруттар бойынша жүретін автобусты жөнелту кешіктірілген жағдайда, кідіру немесе кешігу жойқын күштің салдарынан орын алған жағдайларды қоспағанда, тасымалдаушы кассалары арқылы жолаушыға автобусты жөнелтудің әрбір кешіктірілген сағаты үшін жол жүру құнының үш пайызы мөлшерінде айыппұл төлейді. Бұл ретте айыппұлдың сомасы, жолаушы сатып алған билет құнынан асуы мүмкін емес. Айыппұлдан басқа, жолаушыға, оған келтірілген шығындар өтеледі.
Ескерту: 89-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

90. Автобусты, шағын автобусты жөнелту кешіктірілгендіктен жолаушы сапардан бас тартқан жағдайда, жөнелту пунктінде оған төленген жол жүру құны толық мөлшерде қайтарылады, сондай-ақ оған осы кідіріске байланысты келтірілген шығындар өтеледі.

91. Емдеу мекемесінің анықтамасымен немесе жазатайым оқиға туралы актімен расталған науқастану немесе жазатайым оқиға нәтижесінде жолаушы сапарды тоқтатқан кезде тасымалдаушы жолаушыға жүрілмеген қашықтықтың жол жүру құнын өтейді.

92. Жолаушыны бару пунктіне жол, климаттық немесе тасымалдаушыға байланысты емес өзге де себептер бойынша жеткізу мүмкін болмаған жағдайда, жолаушыға сегіз сағат ішінде сапар тоқтаған пункттен бару пунктіне дейінгі жол жүру құны қайтарылуы тиіс. Автобусты жөнелту пунктіне қайтарған кезде жолаушыға жол жүру мен багажды алып жүрудің толық құны өтеледі.

93. Техникалық себептер бойынша маршрут бойынша автобустың қозғалысы мүмкін болмаған жағдайда, жолаушыларға сатылған билеттер осы маршруттың басқа автобусында сапарды жүзеге асыру үшін жарамды.

94. Тасымалдаушы билетте көрсетілген автобустың орнына жол жүру құны қымбаттау тұратын басқа автобусты ұсынған кезде сапар қосымша ақы алмай алынған жол жүру құжаттары (билеттері) бойынша жүзеге асырылады.

95. Жолаушылардың және багаждың қалааралық, облысішілік, қалааралық облысаралық және халықаралық автомобиль тасымалдары бойынша жол жүру құжаттары (билеттер) автобустың отыруға арналған орындарының санына тең мөлшерде сатылады.
Ескерту: 95-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

&3 Жолаушыларды ақпараттық қамтамасыз ету

96. Автовокзалдарда (автостанцияларда) жолаушыларды автобустардың қозғалысы, жол жүру мен багажды алып жүру шарттары және ұсынылатын қызметтер мәселелері жөніндегі анық, жеткілікті және уақтылы ақпаратпен қамтамасыз етуге арналған анықтамалық-ақпараттық қызметтің жұмысы ұйымдастырылады.

97. Жолаушыларды ақпараттық қамтамасыз ету көрінетін анықтаманың, дауыстап айту байланысының және ауызша анықтаманың көмегімен жүзеге асырылады.

      98. Көрінетін ақпарат:
      1) тәуліктің кез келген уақытында жақсы көрінуі;
      2) барынша анық және толық болуы тиіс.
      Бұл ретте, егер автовокзал (автостанция) немесе кассалық пункт тәулік бойы жұмыс істемесе, сыртында мынадай ақпарат орналастырылуы тиіс:
      1) осы автовокзал (автостанция) арқылы өтетін маршруттар бойынша автобустардың қозғалыс кестесі;
      2) автовокзалдың (автостанцияның) жұмыс уақыты.
     Ескерту: 98-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      99. Автобустардың қозғалыс кестесінде мынадай мәліметтер болуы тиіс:
      1) маршруттың нөмірі;
      2) маршруттардың атауы;
      3) автобустың жөнелтілу уақыты;
      4) соңғы пунктке келу уақыты;
      5) осы автовокзалға (автостанцияға) келу уақыты және тұру уақыты (транзиттік рейстер үшін).

      100. Кассалардың көрінетін ақпаратында мыналар болуы тиіс:
      1) кассаның нөмірі;
      2) кассаның мамандануы;
      3) жұмыс режимі;
      4) билетті кезектен тыс сатып алатын жолаушылар санаттарының заңнамада  белгіленген тізбесі;
      5) жолаушылардың жекелеген санаттарының жеңілдетілген жол жүру шарттары;
      6) кассирдің тегі.

101. Жолаушыларды дауыстап айту байланысының көмегімен ақпараттандыру автовокзалдың хабарлау желісі арқылы ұйымдастырылады.
Дауыстап айту байланысынан болған шу деңгейі санитарлық ережелер мен нормаларға сәйкес келуі тиіс.

      102. Дауыстап айту байланысының көмегімен берілетін ақпараттың міндетті тізбесі өзіне мынадай ақпаратты қамтиды:
      1) автобустардың келу уақыты;
      2) автобусқа мінудің басталатын уақыты (жөнелтуге дейін 15 минут бұрын) және автобустың жөнелтілетін уақыты (жөнелтуге дейін 5 минут бұрын);
      3) қосымша рейстерді енгізу және оларға жол жүру құжаттарын (билеттерін) сату;
      4) транзитпен жүретін автобустардың тұратын уақытының қысқартылуы (ұлғайтылуы) туралы;
      5) багажды қабылдау, сақтау және беру тәртібі;
      6) жолаушыларға ұсынылатын негізгі қызметтердің тізбесі.
      Жолаушыларға көрсетілетін негізгі қызметтердің тізбесі туралы ақпарат автобустардың келуі мен жөнелтілуі туралы хабарландырулардың арасындағы аралықтарда беріледі. Әрбір хабарландыру мемлекеттік және орыс тілдерінде қайталанады.

      103. Жолаушыларға ауызша анықтамалардың берілуін анықтама бюросының ақпаратшысы жүзеге асырады. Анықтама бюросы:
      1) жұмыс уақыты мен ақпарат берушінің тегі көрсетілген, мемлекеттік және орыс тілдеріндегі, айқын көрінетін "Анықтама бюросы" деген маңдайша жазумен;
      2) автобустардың осы автовокзалдан (автостанциядан) жөнелтілу, соңғы пунктке келу уақыты және барлық автобустардың осы автовокзалға (автостанцияға) келу уақыты көрсетілген автобустардың қозғалыс кестесімен;
      3) осы автовокзалдың (автостанцияның) тура автобус қатынасы бар басқа облыстардың автовокзалдары мен автостанциялары бойынша автобустардың қозғалыс кестелерімен;
      4) осы автовокзал (автостанция) қызмет көрсететін барлық маршруттар бойынша жол жүру мен багажды алып жүру құнының кестесімен қамтамасыз етілуі тиіс.

      104. Автовокзалдың (автостанцияның) анықтама бюросы беретін анықтамалардың міндетті тізбесі:
      1) осы автовокзал (автостанция) бойынша автобустардың жөнелтілу және келу уақытын;
      2) осы автовокзалдан жөнелтілетін барлық автобустардың маршруттың барлық аялдау пункттеріне келу және тұру уақытын (автовокзал үшін ғана);
      3) кесте бойынша рейске жөнелтілетін автобустардың үлгілері мен маркаларын;
      4) облыс маршруттары бойынша, сондай-ақ осы автовокзалмен тура автобус қатынасы бар басқа облыстардың автовокзалдары мен автостанцияларының маршруттары бойынша автобустардың қозғалыс кестесін;
      5) осы автовокзалда (автостанцияда) жолаушыларға ұсынылатын қызметтердің тізбесі мен құнын;
      6) жол жүру және багажды алып жүру құнын;
      7) автобустарда жолаушылардың жол жүру және багажды алып жүру, жол жүру құжаттарын (билеттерін) басқа рейске қайта ресімдеу ережелерін, сондай-ақ сапар шегу іске аспаған жағдайларда жол жүру мен багажды алып жүру құнын қайтару тәртібін;
      8) үй-жайлардың орналасуы мен осы автовокзал (автостанция) қызметтерінің жұмыс режимін қамтиды.

&4 Жолаушыларды отырғызу және түсіру пункттерін
безендіру мен күтіп ұстауға қойылатын талаптар

      105. Жолаушыларды отырғызу және түсіру пункттері:
      1) қалқалармен;
      2) тәуліктің қараңғы мезгілінде автобустарға қалыпты отыру және олардан түсуді, багажды тапсыру мен алуды, деректемелерді оқуды қамтамасыз ететін жарықпен;
      3) отырғызу алаңының нөмірі белгіленген автобустарға отырғызу орындарының көрсеткіштерімен;
      4) жолаушыларды хабарландыруға арналған дыбыс колонкаларымен;
      5) отырғызу алаңдарын жүру бөлігінен қоршау;
      6) мүгедек жолаушылардың отырғызу мен түсіру орындарына баруына арналған пандустармен;
      7) қоқыс сауыттарымен жабдықталады.
     Ескерту: 105-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

106. Жолаушыларды отырғызу және түсіру пункттері жиектемелермен белгіленуі және жүру бөлігі төсемінің деңгейінен кемінде 22 см асуы тиіс.

      107. Автовокзал (автостанция) аумағы бойынша автобустар, шағын автобустар қозғалысының схемасын әзірлеген кезде:
      1) кіру және шығу кезінде оң бұрылыстарды ғана қолдануды;
      2) жақын жатқан көшелерде автобустардың айналу пунктін жабдықтауды;
      3) жолаушыларды отырғызу мен түсіруге арналған отырғызу алаңына автобусты оң жағымен ғана қоюды;
      4) автобусты отырғызуға берген кезде ең төменгі маневрлеуді;
      5) автобустар қозғалысы желілерінің жолаушылар қозғалысы желілерімен қиылысуын болдырмауды көздеу қажет.

108. Автобустар, шағын автобустар автовокзал (автостанция) аумағы бойынша маневр жасаған кезде қауіпсіздік шараларын қамтамасыз ету үшін жолаушыларды отырғызу және түсіру пункттері ғана емес, автовокзалдың (автостанцияның) барлық аумағы тәуліктің қараңғы мезгілінде жеткілікті жақсы жарықтандырылуы, жаяужолдар мен жолаушыларды отырғызу және түсіру пункттерін жүру бөлігінен бөлетін қоршаулар болуы қажет. Ғимараттың айналасындағы жаяужолдар 4 метрден тар болмауы тиіс.

109. Автобусты отырғызуға беру уақыты автобустардың жөнелтілу жиілігіне және отырғызу алаңдарының болуына байланысты және автовокзал (автостанция) жұмысының технологиялық процесімен белгіленеді, бірақ ол кесте бойынша рейске автобус жөнелтілгенге дейін қалааралық автобустар үшін 15 минуттан және қала маңындағы қатынастың автобустары үшін 10 минуттан кем болмауы тиіс.

&5 Багажды қабылдау, сақтау және беру тәртібі

110. Сақтау камерасының жұмыс уақыты автовокзалдың (автостанцияның) жұмыс режиміне, автобустардың, шағын автобустардың қозғалыс кестесіне және жергілікті жағдайға байланысты белгіленеді. Автоматты емес сақтау камерасындағы қоймашылардың түскі үзілістері қалааралық автобустардың жиілігі ең төменгі жөнелтілу сағаттарына, кезекті автобус жөнелтілгенге дейін 15 минуттан кешіктірмей сақтау камерасын міндетті түрде ашуды ескере отырып белгіленеді.

      111. Багаж сақтауға кез келген орамада, оның сыртқы нысанына қарамастан (чемодан, арқа қоржын, түйіншек, шыны ыдыс) қабылданады. Жеке заттар сақтауға орамасыз қабылдануы мүмкін. Орама бұйымдардың, оларды тасу және сөрелерде сақтау кезінде сақталуын қамтамасыз етуі тиіс.
      Багажды сақтауға қабылдау кезінде ораманың беріктігі тексеріледі және ол жарамсыз болған жағдайда, жолаушыға ақаулықты жою ұсынылады.
      Өздеріне тән қасиеттері бойынша басқа жолаушылардың бұйымдарын ластауы немесе зақымдауы мүмкін бұйымдарды, сондай-ақ өртену қаупі бар, жарылғыш, улағыш, улы, өткір және күлімсі иісті заттарды сақтауға қабылдауға рұқсат етілмейді.

112. Сақтау камерасы сақтауға тапсырылған азық-түліктің өздігінен бұзылғаны үшін жауапты болмайды.

      113. Багажды автоматты емес камераға тапсыру кезінде оның иесіне:
      1) сақтау камерасының деректемелері;
      2) күні;
      3) багаж иесінің тегі, аты және әкесінің аты;
      4) сақтауға қабылданған орындардың саны;
      5) сақталу мерзімі;
      6) багаждың көрсетілген құны (иесі қалаған кезде);
      7) багажды сақтау ақысының сомасы;
      8) багаж орамасының ақаулықтары (болған кезде) көрсетілген түбіртек жазып беріледі.

114. Егер багажды сақтау камерасына қабылдау кезінде ораманың ақаулықтары байқалса, онда иесі оларды не жоюға, не ақаулықтардың барын түбіртектің түбірінде өз қолымен растауға міндетті.

115. Багаж түбіртегі мен көшіру қағазы арқылы жазып берілетін оның көшірмесі тазартуларсыз және түзетулерсіз анық толтырылады. Түбіртектің көшірмесі сақтауға тапсырылған бұйымдарға бекітіледі, ал түпнұсқасы жолаушыға беріледі.

116. Сақтауға қабылданған багажды жолаушыға беруді сақтау камерасының қызметкері түбіртек бойынша жүргізеді. Беру кезінде иесі көрсеткен түбіртек пен оның көшірмесі салыстырылады, сақтау мерзімі тексеріледі және багаждың иесімен соңғы есеп айырысу жүргізіледі.

117. Багаж түбіртегі жоғалған кезде, сақтауға қабылданған багаж иесіне, оның жазбаша арызы бойынша багаждың оған тиістілігі туралы дәлелдер келтіру арқылы берілуі мүмкін. Бұл жағдайда багажды беру оның иесінің жеке басын растайтын құжаттарына сай тегі, аты, әкесінің аты көрсетілген қолхат бойынша жүргізіледі.

118. Сақтау үшін ақы әрбір күнтізбелік күн үшін сақтауға қабылданған күн мен сақтау камерасынан берілетін күнді қоса алғанда, багаждың әрбір заты (орны) үшін алынады. Сақтауға бірге байланған бірнеше зат тапсырылған болса, ақы әрбір зат (орын) үшін жеке алынады.

119. Бару пунктіне багаж автомобилінде келген багажды сақтау үшін ақы багаж келген келесі күннің нөл сағатынан бастап және сақтау камерасынан берілген күнді қоса алғанда, багаждың әрбір заты (орны) үшін әрбір күнтізбелік күнге алынады. Сақтауға бірге байланған бірнеше зат тапсырылған болса, ақы әрбір зат (орын) үшін жеке алынады.

120. Багажды сақтауға тапсырған кезде жолаушы оның бағасын белгіленген комиссиялық алым төлеп көрсетуі мүмкін.
Сақтауға бірнеше затты (орынды) тапсырған кезде жолаушы әрбір өзі тапсырған заттың (орынның) немесе олардың жалпы бағасын көрсетуі мүмкін. Көрсетілген бағаның сомасы багаж түбіртегінде көрсетіледі.

      121. Багаждың жетіспеуі немесе зақымдалуы байқалған кезде, багаж иесінің, тасымалдаушы өкілінің немесе сақтау камерасы қызметкерінің, автовокзал (автостанция) қызметкерінің және құқықтық қорғау органдары қызметкерінің қатысуымен екі данада акті жасалады.
      Актіде багаж иесінің тегі, аты, әкесінің аты және мекен-жайы, қабылданған және берілген орындардың саны, жоғалған заттың атауы немесе оның зақымдалу сипаты, егер ол құжат жүзінде ресімделсе, көрсетілген бағаның сомасы көрсетіледі.
      Актінің бір данасы багаж иесіне тапсырылады.

122. Сақтау камерасына тапсырылған бұйымдардың жоғалуы, жетіспеуі немесе зақымдалуы салдарынан болған жолаушының шығындарын, тапсырған кездегі оларды бағалау сомасының шегінде, оларды өтеу туралы талап етілген сәттен бастап жиырма төрт сағат ішінде сақтаушы өтеуі тиіс.

3-тарау. Автобустардың қозғалысына
диспетчерлік басшылық ету &1 Автобустар қозғалысына диспетчерлік
басшылық етуді ұйымдастыру

123. Диспетчерлік басшылық ету қозғалысты басқару, кестенің сақталуын үздіксіз бақылау және маршруттар бойынша автобустардың үздіксіз және тұрақты қозғалысын қамтамасыз ету үшін жедел реттеу, сондай-ақ технологиялық процестегі көліктің барлық түрлерімен жолаушылар тасымалдауды үйлестіру болып саналады.

124. Диспетчерлік басшылық етуді диспетчерлік қызметтер жүзеге асырады.

      125. Диспетчерлік қызметтің негізгі функциялары:
      1) автобустардың, шағын автобустардың жөнелтілуін және автовокзалға (автостанцияға) уақтылы келуін қадағалау;
      2) маршруттар бойынша автобустардың, шағын автобустардың қозғалысын қадағалау және реттеу;
      3) тасымалдаушыларды, жолаушыларды және басқа автовокзалдардың диспетчерлік қызметтерін маршрут бойынша жүрудің күрделіліктері, соның ішінде ауа райы-климаттық немесе жолдағы басқа жағдайларға байланысты қозғалысты шектеулер мен тыйым салулар туралы хабардар ету;
      4) маршруттағы, соның ішінде ауа райы-климаттық немесе жолдағы басқа жағдайларға байланысты қозғалыстың ерекшеліктері туралы жүргізушілерге нұсқау беру;
      5) маршрут бойынша ауа райы-климаттық немесе жолдағы басқа жағдайларға байланысты қозғалысты шектеулер мен тыйым салулар кезінде жолаушыларды орналастыру;
      6) жол органдарын, жол полициясы органдарын, төтенше жағдайлар жөніндегі органдарды маршрут бойынша жүрудің күрделіліктері, соның ішінде ауа райы-климаттық немесе жолдағы басқа жағдайларға байланысты қозғалыстың шектеулері мен мүмкін еместігі және осыған байланысты автобустардың уақтылы келмеуі туралы хабардар ету;
      7) жолаушылар отырғызылу және багаж тиелу үшін автобустардың, шағын автобустардың кестеде белгіленген уақытта және тиісті санитарлық жай-күйде уақтылы берілуін қадағалау; жол құжаттамасын ресімдеу және диспетчер журналын жүргізу;
      8) жүргізушілердің рейс алдындағы (ауысым алдындағы) медициналық тексеруден және автобустардың, шағын автобустардың рейс алдындағы техникалық тексеруден өтуін қадағалау (автовокзалдың (автостанцияның) немесе тасымалдаушының тиісті қызметтерінің оларды өткізгені туралы құжаттық растаудың болуы);
      9) автобустардың, шағын автобустардың жүргізушілері еңбек және демалыс режимін қадағалау;
      10) басқа автовокзалдардың (автостанциялардың) диспетчерлік қызметтерін автобустардағы бос немесе босаған орындардың болуы туралы, сондай-ақ қозғалыс кестесіндегі өзгерістер немесе автобустардың кестеден озып кетуі (қалып қоюы), кестеде көзделмеген қосымша рейстерді алып тастау немесе енгізу, қосымша автобустың жөнелтілуі туралы хабардар ету;
      11) жол құжаттамасын ресімдеу және диспетчерлік журнал жүргізу;
      12) жүргізушілерде нақты маршрут бойынша жолаушыларды тасымалдауды жүзеге асыруға арналған рұқсат құжаттарының (куәліктің, маршрут схемасының, жол қағазының) болуын қадағалау;
      13) жергілікті атқарушы органдарды жолаушылардың және багаждың тұрақты автомобиль тасымалдарын жүзеге асыратын тасымалдаушылардың қозғалыс кестелерін (графиктерін) бұзғаны және осы Ереженің қағидаларын басқа да бұзушылықтары туралы, сондай-ақ маршруттар бойынша қосымша рейстерді ұйымдастыру туралы хабардар ету болып табылады.
     Ескерту: 125-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      126. Автобустардың, шағын автобустардың қозғалысы кестеден ауытқыған жағдайларда, олардың қозғалысын жедел реттеу жүзеге асырылады. Жедел реттеу мынадай іс-қимылдарды қамтиды:
      1) автобус, шағын автобус кешіккен кезде:
      кешіккен автобустың, шағын автобустың тұру уақыты, кесте бойынша тұру уақытының үштен бір бөлігінен асырылмай қысқартылады (бес минутқа дейін тұрудың қысқартылуы мүмкін емес). Автобустың жолаушылары тұру уақытының қысқартылғаны туралы ескертілуі тиіс;
      автобус, шағын автобус маршруттың соңғы пунктіне едәуір кешіккен кезде, соның нәтижесінде жолаушыларды уақтылы жеткізуді және автобусты кері рейске жөнелтуді қамтамасыз ету мүмкін болмаса, ол резервтегі автобуспен, шағын автобуспен ауыстырылады;
      егер автобустың, шағын автобустың кешігуі осы маршруттағы қозғалыстың кестеде белгіленген ұзақтығының он-он бес пайызынан кемін құраса, ол жағдайларда қозғалыс жылдамдығы ұлғайтылады, бірақ жол қозғалысы ережелерінде және маршрут жөніндегі тиісті жол белгілерінде белгіленген жылдамдықтан артық емес. Бұл ретте жылдамдықтың ұлғаюы қозғалыс қауіпсіздігін төмендетпеуі тиіс және таулық санына жатқызылатын маршруттарда және ауа райы-климаттық немесе жолдағы басқа жағдайларға байланысты маршрут бойынша қозғалыс күрделіленген жағдайларда рұқсат етілмейді;
      2) автобус, шағын автобус графиктен озған кезде, кестеде көрсетілген жөнелту уақытына дейін автовокзалда (автостанцияда) кідіртіледі;
      3) рейс бұзылған кезде:
      келмеген автобус, шағын автобус резервтегі автобуспен ауыстырылады;
      салондағы барлық жолаушыларды орындармен қамтамасыз ету шартымен бір маршруттың екі рейсі бір рейске біріктіріледі;
      бір маршруттың автобусы, шағын автобусы ерте графикке (келмеген немесе техникалық ақаулық бойынша маршруттан шыққан), кейіннен резервтегі автобусты, шағын автобусты енгізу арқылы оның рейсаралық тұру уақытын қысқарту есебінен ауыстыру әдісімен ауыстырылады.

127. Автобус, шағын автобус кестеде көрсетілген уақытқа қарсы жөнелтуден жиырма минуттан артық кешігетін болса, диспетчер бұл туралы жүру маршруты бойынша келесі диспетчерлік пунктке, ал автобус, шағын автобус болмайтын болса, маршруттың барлық пункттері бойынша хабарлауы тиіс.
Одан басқа, диспетчер маршруттың соңғы және аралық пункттеріне рейстің болмағаны, кестеде көзделмеген автобустың жөнелтілгені туралы немесе жөнелтудің дәл уақытын және болжанып отырған келу уақытын көрсету арқылы болуға тиісті қосымша рейстің жіберілетіні туралы хабарлайды.

128. Автобус рейске жөнелтілген кезде диспетчер міндетті түрде жүргізушінің рейс алдындағы (ауысым алдындағы) медициналық тексеруден өтуін, сондай-ақ автобустың рейс алдындағы техникалық тексеруден өтуін (автовокзалдың (автостанцияның) немесе тасымалдаушының тиісті қызметтерінің оларды өткізгені туралы құжаттық растаудың болуы) бақылауы тиіс, ол туралы жол қағазында тиісті белгі жасалады.

129. Рейс алдындағы техникалық тексеруден өтпеген автобусты, сондай-ақ рейс алдындағы (ауысым алдындағы) медициналық тексеруден өтпеген немесе заңнамада белгіленген еңбек және демалыс режимін сақтамаған жүргізушіні рейске жіберуге рұқсат етілмейді.

130. Маршрутта күрделі метеорологиялық жағдай қалыптасқан кезеңде автобус кесте бойынша автовокзалға (автотанцияға) келмеген жағдайда диспетчер автобустың кідіру себептерін анықтау бойынша шаралар қабылдайды және бұл туралы қажетті жағдайда автобусқа техникалық көмек көрсету және жолаушыларды бару пунктіне жеткізу үшін диспетчерлік қызметтің орталық пункті мен осы маршрутқа қызмет көрсететін тасымалдаушыға хабарлайды.

&2 Диспетчерлік пункттердің жұмысын ұйымдастыру

131. Автовокзалдардың (автостанциялардың) диспетчерлік пунктінің үй-жайы операциялық (кассалық) залдан оқшаулануы, жолаушыларды отырғызу және түсіру пункттеріне қызметтік шығатын жер болуы тиіс.

132. Диспетчердің жұмыс орны отырғызу алаңдарын, автобустардың келуі мен жөнелтілуін бақылай алатындай орналасуы және арнайы басқару пультімен, ақпараттық көрсеткіштермен және дауыстап айту байланысының қондырғысымен, сондай-ақ автовокзалдың (автобекеттің) әкімшілігімен ішкі технологиялық байланыспен, билет кассаларымен және анықтама бюросымен, диспетчерлік қызметтің орталық пунктімен жабдықталуы тиіс.

133. Диспетчердің жұмыс орны сонымен қатар қызмет көрсетілетін маршрут желісіндегі басқа диспетчерлік қызметтермен телефон немесе өзге де электрондық байланыспен (радиобайланыспен) жарақталуы тиіс.

4-тарау. Жолаушылардың және багаждың қалааралық облысішілік, қалалық, қала маңындағы және елді мекендерді: кенттерді,
ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттарына
қызмет көрсету құқығына конкурстар ұйымдастыру және өткізу тәртібі &1 Жалпы ережелер

134. Жолаушылардың және багаждың қалааралық облысішілік, қалалық, қала маңындағы және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарын Конкурста жеңген және оларға қызмет көрсету құқығына куәлік алған тасымалдаушылар, тасымалдаушылар мен жергілікті атқарушы органдардың арасында жасалған Жолаушылардың және багаждың тиісті тұрақты автомобиль тасымалдарын ұйымдастыру шарттарының негізінде жүзеге асырады.
Ескерту: 134-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

135. Конкурсқа меншік нысанына қарамастан меншік құқығында немесе өзге заңды негіздерде автобустарға, шағын автобустарға иелік етуші, тасымалдауды осы Ереженің талаптарына сәйкес ұйымдастыруға және автобустарға, шағын автобустарға автокөлік құралдарын техникалық пайдалану ережелеріне сәйкес техникалық қызмет көрсету мен жөндеуді қамтамасыз етуге қабылетті кез келген тұлға қатыса алады.

      136. Жолаушылардың және багаждың қалааралық облысішілік, қалалық, қала маңындағы және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттары тасымалдаушылардың арасында конкурс негізінде таратылады. Конкурсқа жеке маршрут та, бірнеше маршрут та бір лотпен шығарылуы мүмкін. Маршруттардың пакетін жергілікті атқарушы органдар жасайды. Маршруттардың пакеттерін жасаған кезде олардың маңыздылығы мен рентабельділігі ескеріледі. Пакетке едәуір рентабельділермен қатар рентабельділігі төмендеу, бірақ халыққа қызмет көрсету үшін маңызды маршруттар кіреді.
      Қалааралық облысішілік маршруттар бойынша жекелеген жөнелтілімдерден (графиктерден), соның ішінде тепе-теңдік негізде лоттарды қалыптастыруға рұқсат етіледі.
     Ескерту: 136-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

      137. Конкурстың ұйымдастырушылары:
      1) жолаушылардың және багаждың тұрақты қала маңындағы, қалааралық облысішілік және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын автомобиль тасымалдарының маршруттарына қызмет көрсету құқығына - облыстың жергілікті атқарушы органдары;
      2) жолаушылардың және багаждың тұрақты қалалық автомобиль тасымалдарының маршруттарына қызмет көрсету құқығына - қаланың жергілікті атқарушы органдары;
      3) елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттарына қызмет көрсету құқығына - ауданның жергілікті атқарушы органдары болып табылады.

138. Нақты маршрутқа (маршруттарға) қызмет көрсету құқығына Конкурстың жеңімпазы болып, жолаушыларға сапалы қызмет көрсетуді және осы маршрутта (маршруттарда) тасымалдау қауіпсіздігін қамтамасыз етуді ескере отырып, тасымалдаудың ең жақсы шарттарын ұсынған қатысушы танылады және бағалау шкаласы (4-қосымша) бойынша есептелген баллдардың ең жоғарғы санын алады.

139. Егер екі және одан артық қатысушы бірдей барынша жиынтық балл алса, онда ең төменгі жол жүру тарифін ұсынған тасымалдаушыға жоғары баға беріледі, осыған сәйкес тасымалдау жүргізілетін болады.

140. Жергілікті атқарушы органдар жолаушылардың және багаждың қалалық, қала маңындағы және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттары бойынша Конкурсқа қатысушылар ұсынғаннан төмендеу тарифтер белгілеуі мүмкін.
Жергілікті атқарушы органдар белгілеген тарифтер осы тармақта көрсетілген тасымалдардың шығындарын жаппаған жағдайда, жергілікті атқарушы органдар тасымалдаушыға белгіленген тариф пен тасымалдаудың нақты шығындарының арасындағы айырманы тиісті бюджет қаражатының есебінен өтейді.

141. Жолаушылардың және багаждың қалааралық облысішілік, қалалық, қала маңындағы және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттары бойынша жол жүруге арналған белгіленген тарифтер өзгерген жағдайда, жергілікті атқарушы органдар көрсетілген өзгерістер туралы халыққа бұқаралық ақпарат құралдары арқылы, жаңа тарифтер бойынша тасымалдауды жүзеге асыру басталғанға дейін он күннен кешіктірмей хабарлауы тиіс.

142. Конкурстық процесс, оны жариялаған күннен басталып және Конкурстың нәтижелері туралы хаттамаға қол қойылған күнмен аяқталып, кемінде 30 және ең көбі 60 күнді қамтуы тиіс.

&2 Конкурстық комиссия

      143. Конкурстық ұсыныстарды, олардың бағаларын қарау және Конкурстың жеңімпаздарын анықтау үшін жергілікті атқарушы орган конкурстық комиссия (бұдан әрі - Комиссия) құрады.
     Комиссияның құрамы мен төрағасы Қала (аудан, облыс) әкімінің өкімімен белгіленеді.
      Ескерту: 143-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

      144. Комиссияға:
      1) жергілікті атқарушы органдардың;
      2) көліктік бақылау комитетінің аумақтық органдарының;
      3) жол полициясының аумақтық органдарының;
      4) жолаушы автокөлік тасымалдаушылары қоғамдық бірлестіктерінің өкілдері кіреді.
      Комиссияның құрамына тұтынушылар құқығын қорғау қоғамдарының, кәсіподақ ұйымдарының өкілдері, жолаушы тасымалдарын ұйымдастыру саласындағы сарапшылар енгізілуі мүмкін.
     Ескерту: 144-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

144-1. Комиссия құрамында конкурстық ұсыныстарды бағалау құқығынсыз Комиссия жұмысын ұйымдастыру қызметі жүктелетін Комиссия хатшысы көзделуі керек
Ескерту: 144-1-тармақпен толықтырылды - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

145. Комиссия мүшелерінің саны тақ сан болуы және кемінде 5 (бес) адамды құрауы тиіс.

&3 Конкурстық құжаттаманың жиынтығы

      146. Конкурсты өткізу алдында жергілікті атқарушы орган Комиссиямен келісілген лоттарды жасайды және конкурстық құжаттаманың жиынтығын дайындайды.
      Бұл ретте жасалған лоттарды келісу жөнінде шешім қабылдауды, мәжіліс хаттамасында шешімді бекітумен, Комиссиямен жүзеге асырылады.
      Ескерту: 146-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

      147. Конкурстық құжаттаманың жиынтығы:
      1) конкурсқа шығарылатын жолаушылардың және багаждың қалааралық облысішілік, қалалық, қала маңындағы және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдары маршруттарының негізгі сипаттамаларын (5-қосымша), оларға сондай-ақ маршруттардың схемалары мен қозғалыстар кестелері қоса беріледі;
      1-1) автокөлік құралдарын пайдалану мерзімдері мен сыртқы ресімделуі бойынша оларға қойылатын қосымша талаптар;
      2) конкурсқа шығарылатын жолаушылардың және багаждың қалааралық облысішілік, қалалық, қала маңындағы және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттарына қызмет көрсетуге конкурстық ұсыныстар нысандарын (бұдан әрі - Конкурстық ұсыныстар) Комиссия мүшелері санында (6-қосымша);
      3) жолаушыларды және багажды қалааралық облысішілік, қалалық, қала маңындағы және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарын ұйымдастыру шартының жобасы;
      4) қатысушы туралы ақпарат бланкісін (7-қосымша);
      5) бағалау шкаласын;
      6) конкурстық ұсыныстарды беру үшін бір үлкен конвертті (егер конкурсқа маршруттардың бір лоттан артық шығарылса, онда әрбір лотқа жеке конверттер болуы тиіс) қамтиды.
     Ескерту: 147-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) бұйрығымен .

&4 Конкурстық ұсыныстардың мазмұны

      148. Конкурстық ұсыныстар, Комиссия Конкурстың қорытындылары бойынша қатысушыларды бағалауды жүргізетін мынадай өлшемдердің жинағын қамтиды:
      1) болжанатын жылжымалы құрамының (автобустардың, шағын автобустардың маркасы мен саны, меншіктің түрі, пайдаланымдық мерзімі, паспорттық сыйымдылығы);
      2) жолаушы тасымалдау саласындағы тасымалдаушының оң жұмыс тәжірибесінің (алдыңғы 6 ай мерзіміндегі 80 % артық тасымалдауды орындау жиілігі туралы жергілікті атқарушы органдардың қорытындысы);
      3) жылжымалы құрамды сақтауға, техникалық қызмет көрсетуге және жөндеуге арналған өндірістік-техникалық базаның (меншікті, жалға алынған немесе қызмет көрсету шарт бойынша) болуы;
      4) автобустарды, шағын автобустарды, маршрут бойынша қозғалыс кезінде оларда ақаулық пайда болған жағдайда ауыстыру бойынша шаралар жүйесі (пайдаланылатын немесе ұсынылатын);
      5) жолаушыларды тасымалдауды жүзеге асыру бойынша қосымша ұсыныстар.
      Ескерту: 148-тармаққа өзгертулер енгізілді - ҚР Көлік және коммуникация министрлігінің 2006.12.05 N 319 (қолданысқа енгізілу тәртібін 4-тармақтан қараңыз), 2008.12.10 N 539 (қолданысқа енгізілу тәртібін 3-тармақтан қараңыз) Бұйрықтарымен .

      149. Конкурстық ұсыныстарда жылжымалы құрам мен жүргізуші персоналын бір маршруттан артық, осы маршрут кіретін лот бойынша Конкурс аяқталғанға дейін қайталап көрсетуге жол берілмейді.
      Фактілер табылған жағдайда конкурстық ұсыныстарда жылжымалы құрам мен жүргізуші персоналын бір маршруттан артық, осы маршрут кіретін лот бойынша Конкурс аяқталғанға дейін кештеу тапсырылған конкурстық ұсыныстар жарамсыз болып есептелінеді.
      Ескерту: 149-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

150. Қатысушы Конкурстық ұсыныстар бойынша толық және сенімді ақпаратты ұсынуы тиіс.

&5 Конкурстарды ұйымдастыру және өткізу

151. Жергілікті атқарушы орган Конкурс өткізілгенге дейін 30 күнтізбелік күннен кешіктірмей, Конкурстың өткізілетін күнін, орнын және уақытын, Конкурсқа қатысу үшін міндетті шарттарды, өтінімдерді қабылдау орны мен мерзімдерін (8-қосымша) бұқаралық ақпарат құралдары арқылы хабарлайды.
Ескерту: 151-тармаққа өзгерту енгізілді - ҚР Көлік және коммуникация министрлігінің 2006.12.05 N 319 (қолданысқа енгізілу тәртібін 4-тармақтан қараңыз), 2008.12.10 N 539 (қолданысқа енгізілу тәртібін 3-тармақтан қараңыз) Бұйрықтарымен .

152. Конкурс өткізу туралы хабарландыру жарияланған күннен бастап 5 жұмыс күн ішінде Комиссия конкурс алдындағы Конкурс өткізу мәселелері бойынша конференция өткізеді.
Ескерту: 152-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

      153. Комиссия төрағасы Конкурсқа қатысушылар ұсынған мәліметтердің растығын сол жерге шығып тексеруді ұйымдастыру үшін (бұдан әрі - Тексеру) Комиссия құрамына кірмейтін жергілікті атқарушы органдардың, көліктік бақылау органдардың және жол полициялардың өкілдерінен конкурс алдындағы комиссия құрады.
      Комиссия төрағасының болмауына байланысты (іссапар, науқастық және т.б.) конкурс алдындағы комиссия құрамы туралы шешім қабылдау мүмкін болмаған жағдайда, Комиссия конкурс алдындағы комиссия құрамын алқалы түрде анықтай алады.
      Ескерту: 153-тармақ жаңа редакцияда - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

154. Конкурсқа қатысуға тілек білдірушілер конкурстық құжаттаманың жиынтығына өтінім береді және олардың құнын төлейді. Конкурстық құжаттама жиынтығының құны, конкурс өткізуге байланысты шығындардың калькуляциясына сәйкес болуы тиіс, бірақ Конкурс өткізу туралы хабарландыру шығатын күнге бекітілген ең төменгі есептік көрсеткіштің 10 есе мөлшерінен аспауы тиіс.

155. Осы ереженің 147-тармағының 1), 3) және 5) тармақшаларында көрсетілген құжаттар, конкурсқа қатысушылар үшін дайындалған конкурстық құжаттаманың жиынтығы жергілікті атқарушы органның мөрімен расталуы тиіс.
Ескерту: 155-тармақ жаңа редакцияда - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

156. Конкурсқа қатысушыларды тіркеу Конкурс туралы хабарландыру жарияланған күннен басталады және оның басталуына дейін он жұмыс күн ерте бітеді.
Ескерту: 156-тармаққа өзгерту енгізілді - ҚР Көлік және коммуникация министрлігінің 2006.12.05 N 319 (қолданысқа енгізілу тәртібін 4-тармақтан қараңыз), 2008.12.10 N 539 (қолданысқа енгізілу тәртібін 3-тармақтан қараңыз) Бұйрықтарымен .

      157. Конкурсқа қатысушы ретінде тіркелу үшін тиісті топтама бойынша Конкурсқа қатысу үшін өтінімді Комиссияға конкурстық құжаттамаға қоса берілген конвертке салынған мынадай құжаттарды ұсынады:
      1) қатысушы туралы толтырылған ақпарат бланкісін;
      2) өз қызметін заңды тұлғаны құрмай жүзеге асыратын заңды тұлғаның немесе кәсіпкердің мемлекеттік тіркелуі туралы куәліктің көшірмесін;
      3) автокөлік құралдары иелерiнiң азаматтық-құқықтық жауапкершілігін мiндеттi сақтандыру шарттарының және тасымалдаушының жолаушылар алдындағы азаматтық-құқықтық жауапкершілігін міндетті сақтандыру шарттарының көшірмесін;
      4) тасымалдауға ұсынылған барлық жылжымалы құрамға техникалық паспорттардың және мемлекеттік техникалық тексеруден өткені туралы күші бар куәліктің көшірмесін;
      4-1) автокөлік құралдарын ауысым алдындағы (рейс алдындағы) техникалық тексеруді және жүргізушілерді ауысым алдындағы (рейс алдындағы) медициналық тексеруді жүргізу мүмкіндігін растайтын құжаттардың көшірмесін (еңбек шартының, қызмет көрсету шартының және т.б. көшірмесін);
      5) толтырылған және қатысушының қолымен және мөрімен расталған, конкурстық құжаттама жиынтығына салынған нысандардың санына тең мөлшердегі конкурстық ұсыныстарды.
      Конкурстық ұсыныстар стандартты ақ парақтарда біркелкі, түзетулерсіз және өшірулерсіз ресімделеді.
      Ескерту: 157-тармаққа өзгерту енгізілді - ҚР Көлік және коммуникация министрлігінің 2006.12.05 N 319 (қолданысқа енгізілу тәртібін 4-тармақтан қараңыз), 2008.12.10 N 539 (қолданысқа енгізілу тәртібін 3-тармақтан қараңыз), 2009.10.12 N 427 (қолданысқа енгізілу тәртібін 3-тармақтан қараңыз) Бұйрықтарымен .

      158. Комиссияның хатшысы мерзімінде берілген өтінімдерді қабылдайды да, қатысушыға құжаттардың қабылданғаны туралы хабарлама (анықтама) беріледі, содан кейін конкурстық ұсыныстарға өзгерістер мен толықтырулар енгізуге рұқсат етілмейді.
      Конкурс өткізу туралы хабарландыруда көрсетілген мерзімдерді бұзып берілген өтінімдер мен оларға қоса берілетін құжаттарды Комиссия қарамайды.
      Ескерту: 158-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

159. Өтінімдерді қабылдау осы Ереженің 157-тармағында көзделген барлық құжаттар болған кезде жүргізіледі.

160. Қабылданған өтінімдермен қатар конкурс алдындағы комиссия немесе Комиссия хатшысы Тексеру кестесін жасайды және жазбаша 3 күннен кешіктірмей әрбір қатысушыны Тексеру уақыты туралы хабардар етеді. Қатысушы тексеру күні конкурс алдындағы комиссияға барлық қажетті материалдарды ұсынады және оларды талап етілетін объектілермен таныстыру мүмкіндігін қамтамасыз етеді.
Ескерту: 160-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

      161. Тексеру нәтижелері бойынша конкурс алдындағы комиссия конкурстық ұсыныстарда ұсынылған мәліметтердің шындығы туралы қатысушы туралы толтырылған ақпарат бланкісіне белгі қояды және қатысушының конкурстық ұсыныстарында көрсетілген автокөлік құралдарының осы Ереженің 1-тарауының 3-параграфында көрсетілген талаптарға сәйкестігі туралы анықтаманы (бұдан әрі - Анықтама) қоса тіркейді.
      Көрсетілген құжаттар қатысушы ұсынған өтінім мен құжаттар бар тиісті конвертке жабылады.
      Уақытты оңтайландыру және Анықтамаға қол қою үшін конкурстық ұсыныстарда ұсынылған мәліметтердің дәйектілігі туралы пікірлер қалыптастыру мақсатында объектілер және тексеру түрлері бойынша конкурс алдындағы комиссия мүшелерін бөлуге жол беріледі.
      Ескерту: 161-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

162. Конкурс өткізілетін күні Комиссия мүшелері қатысушылардың өтінімдері мен қоса берілген құжаттар бар конверттерді кезекпен ашады да, конкурстық ұсыныстарды қатысушыларды тіркеу тізіміне сәйкес қарайды.
Комиссия мүшелері жекелеген түрде, бағалау шкаласына сәйкес конкурстық ұсыныстарды бағалау парағына (9-қосымша) баллдарды қояды.

162-1. Конкурстық ұсынымдарда көрсетілген автобустардың, шағын автобустардың (резервтік жылжымалы құрамды ескере отырып) класы, жолаушылар сыйымдылығы және саны осы ереженің талаптарын және маршруттардың негізгі сипаттамаларын қанағаттандырмаған жағдайда, сондай-ақ сәйкес келетін конкурсты ұйымдастырушылармен қосымша талаптарды орындау конкурстық ұсынымдарда көрсетілмеген жағдайда өтінімдер мен оларға қоса берілетін құжаттар Комиссия қарауына қабылданбайды
Ескерту: 162-1-тармақ жаңа редакцияда - ҚР Көлік және коммуникация министрлігінің 2006.12.05 N 319 (қолданысқа енгізілу тәртібін 4-тармақтан қараңыз), өзгерту енгізілді - 2008.12.10 N 539 (қолданысқа енгізілу тәртібін 3-тармақтан қараңыз) Бұйрықтарымен .

163. Қатысушылардың нақты топтамаға құжаттары бар барлық конверттер қаралғаннан және бағаланғаннан кейін Комиссия хатшысы конкурстық ұсыныстарды бағалау парақтарының қорытынды баллдарын тиісті қатысушылар бойынша қосады да, жалпы жиынтық баллды анықтайды, ол хаттамаға тіркеледі.
Ескерту: 163-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

      164. Жалпы жиынтық баллдардың нәтижелері бойынша Комиссия мүшелері барынша жалпы жиынтық балл алған қатысушының құжаттарын, оның ішінде Анықтамасын қарайды.
      Қатысушының конкурстық ұсыныстарында көрсетілген автокөлік құралдарының осы Ереженің 1-тарауының 3-параграфында көрсетілген талаптарға сәйкестігі туралы конкурс алдындағы комиссияның оң бағасы болған жағдайда, осы қатысушы тиісті топтама бойынша Конкурстың жеңімпазы деп танылады.
      Конкурс алдындағы комиссия теріс қорытынды жасаған жағдайда, Комиссия мүшелері жоғарылығы бойынша келесі жалпы жиынтық балл алған қатысушының құжаттарын қарауға көшеді.

      165. Егер өткізілген Конкурстың қорытындылары бойынша қандай да бір лот бойынша бір ғана қатысушы болғаны анықталса, онда оның конкурстық ұсыныстары Конкурстың міндетті талаптарына сәйкес болған жағдайда, осы қатысушы жеңімпаз деп танылады.
      Егер жалғыз қатысушының конкурстық ұсыныстары Конкурстың міндетті талаптарына сәйкес болмаса, Конкурс өтпеген деп танылады.
     Ескерту: 165-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

166. Егер қандай да болмасын лот бойынша бір де бір қатысушы тіркелмесе, Конкурс өтпеген деп танылады және Конкурсты ұйымдастырушы осы топтама бойынша негізгі талаптарды өзгертуі немесе жаңа лот жасауы және келесі Конкурсқа шығаруы тиіс.
Ескерту: 166-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

167. Өткізілген Конкурстың нәтижелері хаттамамен ресімделеді, оған Комиссия мүшелері қол қояды да, Комиссия төрағасы бекітеді. Комиссияның әрбір мүшесі өзінің айрықша пікірін жазбаша жазуы және оны хаттамаға қоса беруі мүмкін.
Комиссияның шешімі, егер оның отырысына мүшелерінің кемінде 2/3 қатысса, заңды деп танылады.

168. Конкурсты ұйымдастырушы Конкурс өткізілген күннен бастап 10 күнтізбелік күн ішінде өздері ұсынған конкурстық ұсыныстарды бағалау нәтижелерін барлық қатысушыларға жазбаша жібереді.
Ескерту: 168-тармақ жаңа редакцияда - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз), өзгерту енгізілді - 2008.12.10 N 539 (қолданысқа енгізілу тәртібін 3-тармақтан қараңыз) Бұйрықтарымен .

169. Конкурс нәтижелері сот тәртібімен шағымдалуы мүмкін.

      170. Жекелеген лоттар бойынша Конкурс нәтижелерін сот жарамсыз деп таныған жағдайда, сондай-ақ Конкурс өтпеген деп танылған жағдайда, қайталама Конкурс алдыңғы Конкурстың нәтижелерін жою туралы сот шешімі қабылданғаннан немесе оны өтпеген деп танығаннан кейін 30 күнтізбелік күннен кешіктірілмей жүргізіледі.
      Бұл ретте алдыңғы Конкурстың қатысушыларына конкурстық құжаттама тегін беріледі.
      Ескерту: 170-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

&6 Жолаушылардың және багаждың қалааралық
облысішілік, қалалық, қала маңындағы және елді
мекендерді: кенттерді, ауылдарды (селоларды)
аудан немесе облыс орталықтарымен, республикалық
маңызы бар қалалармен (астанамен) жалғастыратын
тұрақты автомобиль тасымалдарын ұйымдастыру
шарттарын жасасу, орындау және бұзу

171. Хаттаманың негізінде жергілікті атқарушы органдар 10 күнтізбелік күннен кешіктірмей Конкурстың жеңімпазымен жолаушылардың және багаждың қалааралық облысішілік, қалалық, қала маңындағы және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарын ұйымдастыру шартын (бұдан әрі - Шарт) жасасады. Шарт кемінде үш жыл мерзімге жасалады (қол данылып жүрген маршруттар бойынша қосымша қозғалыс кестелеріне қызмет көрсету құқығы жөніндегі шарттарды қоспағанда ).
Ескерту: 171-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

172. Шарт жасасқан Конкурс жеңімпазына маршрутта жұмыс істеу құқығын растайтын Жолаушылардың және багаждың қалааралық облысішілік, қалалық, қала маңындағы және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттарына қызмет көрсету құқығына куәлік (бұдан әрі - Куәлік) беріледі (Шарттың барлық қолданылу мерзіміне). Көрсетілген тасымалдарды Куәліксіз жүзеге асыруға рұқсат етілмейді.

173. Куәлікті (10-қосымша) облыстың жергілікті атқарушы органдары типографиялық тәсілмен дайындайды, кемінде 3 қорғаныш дәрежесі бар және қатаң есептілік құжаты болып табылады.

      174. Куәліктер тасымалдаушыға, маршрутта пайдаланылатын автокөлік құралдарының тиісті санына сәйкес мөлшерде беріледі және тасымалдауды жүзеге асыру кезінде автобустардың, шағын автобустардың жүргізушілерінде болуы тиіс.
     Ескерту: 174-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .
     174-1. Куәлік тиісті маршруттар бойынша жолаушыларды тасымалдауды жүзеге асыруға жіберілген автобустар туралы мәліметтер көрсетілген қосымшамен беріледі.
      Куәліктің қосымшасына өзгерістер енгізуге тасымалдаушы негізделген өтініш бергенде және маршруттағы тасымал сапасын төмендетпеу шартымен жол беріледі.
     Ескерту: 174-1-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

175. Маршрутта (маршруттарда) жұмыс істеу құқығын үшінші тарапқа беруге рұқсат етілмейді.

176. Жолаушылардың және багаждың қалааралық облысішілік, қалалық, қала маңындағы және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарын ұйымдастыру шартының қолданылуы тоқтатылған жағдайда, жергілікті атқарушы органдар тасымалдаушыдан Куәлікті қайтып алады да, 30 күнтізбелік күннен кешіктірмей осы шарт бойынша қызмет көрсетілетін маршруттарға жаңа Конкурс жариялайды.
Ескерту: 176-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

      177. Тасымалдаушының бастамасы бойынша бір жақты тәртіппен жолаушылардың және багаждың қалааралық облысішілік, қалалық, қала маңындағы және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарын ұйымдастыру шарты бұзылған жағдайда, соңғысы жергілікті атқарушы органдарды 45 күнтізбелік күннен кешіктірмей бұл туралы хабардар етеді.
      Ескерту: 177-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .
      177-1. Шартты мерзімнен бұрын бұзған жағдайда конкурстардың ұйымдастырушысы осы Ережеде белгіленген мерзімдерде және шарттар бойынша жаңа конкурс өткізгенге дейін маршруттарға үздіксіз қызмет көрсетуді қамтамасыз ету үшін, 80 % артық тасымалдауды орындау жиілігі басқа маршруттарда тасымалдау тәжірибесі оң болған басқа тасымалдаушыны белгілеуге құқылы.
     Ескерту: 177-1-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .
      177-2. Тасымалдаушының шарттың елеулі талаптарын бұзғаны себебінен конкурстың ұйымдастырушысы шартты мерзімнен бұрын бұзған жағдайда, тасымалдаушы шартты бұзған күнінен бастап алты ай бойы конкурстарға қатысуға жіберілмейді.
      Шарттың елеулі талаптарын бұзғаны деп:
      төмен жиілілік (айына жетпіс пайыздан аз);
      тасымалдаушының (тасымалдаушы жүргізушісінің) кінәсінен адам өліміне соқтырған жол-көлік оқиғаларының болуы;
      шарттың талаптарына сәйкес келмейтін автобустарды маршрутта бірнеше рет пайдалану болып табылады.
     Ескерту: 177-2-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .
      177-3. Тасымалдаушының шарттың елеулі жағдайларын орындамауы себебінен конкурстың ұйымдастырушысы шартты мерзімнен бұрын бұзғанда, немесе конкурс өткізгенде бір пакетке қосылған маршруттардың біреуіне қызмет көрсетуден тасымалдаушы бас тартқанда, тасымалдаушы осы пакеттегі барлық маршруттарға қызмет көрсету құқығын жоғалтады.
     Ескерту: 177-3-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

5-тарау. Жолаушылардың және багаждың қалалық
және қала маңындағы тұрақты автомобиль тасымалдары &1 Жалпы ережелер

178. Жолаушылардың және багаждың қалалық және қала маңындағы тұрақты автомобиль тасымалдары жергілікті атқарушы органдар бекіткен маршрут желісі бойынша жүзеге асырылады, ол жолаушы көлігін дамытудың бекітілген кешендік схемасының және азаматтардың, ұйымдардың, ұсыныстары бойынша жолаушылар легін талдау негізінде құрылады.

      179. Жолаушылардың және багаждың қала маңындағы тұрақты автомобиль тасымалдарын жүзеге асыру кезінде жолаушыларды және багажды қала шегінде тасымалдауға рұқсат етілмейді.
      Бұл ретте елді мекендер арасындағы қала маңындық қатынастарда келе жатқан жолаушыларды қала шегінде отырғызуға және түсіруге жол беріледі. Қала маңындағы автомобиль тасымалдарында жолаушылар мен багажды отырғызуға және түсіруге арналған аялдамаларды қаланың жергілікті атқарушы органдарының келісуі бойынша облыстың жергілікті атқарушы органдары белгілейді.
      Ескерту: 179-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

180. Жолаушылардың және багаждың қалалық және қала маңындағы тұрақты автомобиль тасымалдарының маршрут желісі, маршруттардың қосарлануы, сондай-ақ бір маршруттың екіншісіне ең аз қабаттасуын қамтамасыз ететіндей етіп құрылуы тиіс.
Ескерту: 180-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

181. Жолаушылардың және багаждың қалалық тұрақты автомобиль тасымалдарының маршрутында шағын автобустарды пайдалануды анықтамасы төменгі жолаушылар легімен негізделеді, бұл ретте шағын автобустар пайдаланылатын маршруттардың ұзақтығы жолаушылардың және багаждың тұрақты қалалық автомобиль тасымалдарының маршрут желісінің жалпы ұзақтығының отыз пайызынан аспауы тиіс.

&2 Жолаушылардың және багаждың қалалық және
қала маңындағы тұрақты автомобиль тасымалдарының
маршруттарына қызмет көрсету режимдері

      182. Жолаушылардың және багаждың қалалық және қала маңындағы тұрақты автомобиль тасымалдарының маршруттарына мынадай режимдердің бірінде қызмет көрсетіледі:
      1) кемінде екі жолаушы есігі бар қалалық автобустармен, шағын автобустармен, сондай-ақ қалааралық автобустармен тұрақты қала маңындағы автомобиль тасымалдарының маршруттарында, маршруттың схемасында көрсетілген аялдама пункттеріне тоқтау арқылы жүзеге асырылатын әдеттегі, қала шегінде олардың арасындағы қашықтық 400-ден 800 м дейін болуы тиіс;
      2) кемінде екі жолаушы есігі бар қалалық автобустармен және қалааралық автобустармен маршруттың схемасында көрсетілген аялдама пункттеріне тоқтау арқылы жүзеге асырылатын жедел (қалалық тасымалдар үшін ғана), олардың арасындағы қашықтық 1,5-ден 3,0 км дейін болуы мүмкін.

      183. Халыққа қызмет көрсету ерекшелігіне сәйкес жолаушылардың және багаждың тұрақты қалалық және қала маңындағы автомобиль тасымалдары мынадай сипатта болуы мүмкін:
      1) тәуліктің барлық белгіленген кезеңі және аптаның барлық күндері ішінде қолданылатын тұрақты;
      2) белгілі бір күндерде немесе тәуліктің кезеңдерінде қолданылатын (демалыс, мерекелік күндер немесе "қауырт" сағаттар) қосымша;
      3) алдын ала белгіленген уақыт аралығы ішінде қолданылатын (саяжай кезеңінде, демалыс аймақтары, спорттық-сауықтыру кешендері жұмыс істеген кезде) маусымдық;
      4) қысқы уақытқа қолданылатын (әдеттегі режимде қызмет көрсетуге кедергі жасайтын көше-жол желісінде күтпеген жағдайлар туындаған жағдайда) уақытша.

&3 Жолаушылардың және багаждың қалалық және
қала маңындағы тұрақты автомобиль тасымалдарын
жүзеге асыру тәртібі

      184. Жолаушыларды автокөлік құралына отырғызу және түсіру мынадай дәйектілікпен жүргізіледі:
      1) шағын автобустарда алдымен жолаушыларды түсіру, одан кейін отырғызу жүргізіледі;
      2) екі есігі бар автобустарда жолаушыларды түсіру - екі есік арқылы, ал отырғызу артқы есік арқылы жүргізіледі;
      3) үш және одан артық есігі бар автобустарда жолаушыларды түсіру - барлық есіктер арқылы, ал отырғызу - алдыңғы есіктен басқа, барлық есіктер арқылы жүргізіледі.

185. Кезектен тыс отырғызу, сондай-ақ алдыңғы есік арқылы отырғызу құқығын мүгедектер, зейнеткерлер, жүкті әйелдер, мектеп жасына дейінгі балалары бар жолаушылар пайдаланады.

186. Жолаушыларды және багажды қалалық және қала маңындағы автомобильмен тұрақты тасымалдары маршруттарында пайдаланылатын автобустардың салонында мүгедектер, зейнеткерлер, жүкті әйелдер, мектеп жасына дейінгі балалары бар жолаушылар басым отыру үшін 4-тен 8 орынға дейін (олардың паспорттық сыйымдылығына байланысты) бөлінеді.

187. Жолаушылардың және багаждың тұрақты қалалық автомобиль тасымалдарының маршрутында "сұрау бойынша" аялдама пункттері болған кезде, жолаушылар жүргізушіге (кондукторға) көрсетілген аялдама пунктінде тоқтау қажеттігі туралы алдын ала хабарлауы керек. Осындай аялдама пунктінде жолаушылар тұрған кезде, жүргізуші оларды отырғызу үшін аялдама жасауы тиіс.

      188. Жолаушылардың және багаждың қалалық және қала маңындағы тұрақты автомобиль тасымалдарының маршруттары бойынша жолаушылар жол жүргенде:
      1) алынып тасталды
      2) автобустан, шағын автобустан ол толық тоқтағанға дейін немесе қозғалыс кезінде шығуға және кіруге;
      3) автобустың есіктерінің ашылуы мен жабылуына кедергі жасауға;
      4) жүргізушіні автокөлік құралының қозғалысы кезінде әңгімемен алаңдатуға;
      5) автобустың, шағын автобустың салонының ішкі жабдығы мен жарағын бүлдіруге;
      6) темекі тартуға, қоқсытуға, спирт ішімдіктерін ішуге;
      7) от қауіпті, жарылғыш, улағыш, жеңіл тұтанатын, улы, өткір және күлімсі иісті заттарды, құндағы және ілеспе құжаттары жоқ дәрімен атылатын қаруды, сондай-ақ Қазақстан Республикасының қолданылып жүрген заңнамасымен тасымалдауға тыйым салынған заттар мен бұйымдарды тасымалдауға жол берілмеуі тиіс.
     Ескерту: 188-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

      189. Жолаушылардың және багаждың қалалық және қала маңындағы тұрақты автомобиль тасымалдарының маршруттарында:
      1) автобустарда тұрып және отырып, олардың толық паспорттық сыйымдылығынан аспайтын мөлшерде;
      2) шағын автобустарда отырып қана, отыратын орындар санынан аспайтын мөлшерде, олардың жасаушы кәсіпорын белгілеген паспорттық сыйымдылығына сәйкес жолаушыларды тасымалдауға және автобустардың, шағын автобустардың салонын толтыруға рұқсат етіледі.

&4 Қол жүгі мен багажды алып жүру

190. Жолаушылардың және багаждың қалалық және қала маңындағы тұрақты автомобиль тасымалдарының маршруттарында автобустың, шағын автобустың салонында өлшемі 60х40х20 см дейінгі бір орын қол жүгін, сондай-ақ қабы бар бір жұп шаңғыны, бала арбасын немесе шанасын қосымша ақысыз алып жүруге рұқсат етіледі (автобустарда ғана).

191. Осы Ереженің 190-тармағында көрсетілген өлшемдерден асатын қол жүгін автобустардың топталу алаңшаларында ғана және қолданылып жүрген тарифке сәйкес қосымша ақы үшін алып жүруге рұқсат етіледі.

192. Қол жүгінің орамасы мен тасымалдануы басқа жолаушыларға және автобус, шағын автобус салонының жарағына қандай да болмасын залал келтіру (ластау немесе зақымдау) мүмкіндігін толық болдырмауы тиіс.

193. Жолаушылардың және багаждың тұрақты қалалық және қала маңындағы автомобиль тасымалдарының маршруттарында жабық торларға немесе сумкаларға салынған ұсақ жануарлар мен құстарды тегін тасымалдауға рұқсат етіледі.

194. Иттер автобустарда топталу алаңшаларында ғана тұмылдырықпен және қарғы баумен тасымалдануы мүмкін.

195. Жолаушылардың және багаждың тұрақты қала маңындағы автомобиль тасымалдарын, сондай-ақ жедел режимдегі жолаушылардың және багаждың тұрақты қалалық автомобиль тасымалдарын жүзеге асыру кезінде пайдаланылатын және багаж бөлімшесі бар автобустарда жолаушыларға өзімен бірге багаж бөлімшесінде әрбір орынның өлшемі 120х60х40 см аспайтын багажды белгіленген тарифке сәйкес қосымша ақы үшін алып жүруге рұқсат етіледі.

196. Жолаушыға тасымалдауға қабылданған багажына қалалық қатынаста - бір жолғы бақылау билеті, қала маңындағы қатынаста багаж түбіртегі беріледі.

197. Багажды тасымалдауға тапсыру кезінде жолаушы белгіленген алымды төлеу арқылы оның бағасын көрсетуі мүмкін. Бұл ретте багаж түбіртегіне тиісті жазу жазылады.

&5 Қалалық және қала маңындағы қатынастағы
жол жүру және багажды алып жүру төлемі

198. Жолаушылардың және багаждың тұрақты қалалық автомобиль тасымалдарының маршруттарында жол жүру, багаж алып жүру төлемі жолаушы қолма-қол ақшамен кондукторға (жүргізушіге) беру немесе жүру үшін электрондық төлеу жүйесі арқылы жасалады.
Ескерту: 198-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

      199. Қалалық қатынастағы қолма-қол ақшаға жол жүру, белгіленген нормадан артық қол жүгін, сондай-ақ багажды алып жүру төлемінің айғағы жолаушыға мынадай ақпараты:
      1) сериясы мен нөмірі;
      2) қатынас түрі;
      3) елді мекеннің атауы;
      4) билеттің шығарылған жылы бар бір жолғы бақылау билетін берумен белгіленеді.
     Ескерту: 199-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .
      199-1. Электрондық байланыссыз картасы арқылы жүру төлемін жасау фактісі тиісті сәйкестендіру нөмірінің э лектрондық байланыссыз картаның электрондық шотында белгіленеді. Электрондық байланыссыз карталарын пайдалану тәртібі Қазақстан Республикасының заңнамасы талаптарын ескере отырып, қолданылатын жүйелердің технологиясымен регламенттеледі.
     Ескерту: 199-1-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

200. Бір жолғы бақылау билеті бір маршруттағы, жолаушы жүріп өткен қашықтыққа қатыссыз бір маршрут бойынша сапар кезінде ғана жарамды.

201. Техникалық себептер бойынша автобус, шағын автобус маршрут бойынша қозғалысты жалғастыруы мүмкін емес жағдаяттар туындаған жағдайда, жолаушыларға берілген бір жолғы бақылау билеттері осы маршруттың басқа автобусында, шағын автобусында жол жүру үшін жарамды болып табылады.

202. Жолаушылардың және багаждың қала маңындағы тұрақты автомобиль тасымалдарының маршруттарында жол жүру және багажды алып жүру төлемін жолаушы маршруттың бастапқы пунктінен сапарды жүзеге асыру кезінде автовокзалдың (автобекеттің) кассасына немесе маршруттың аралық пунктінде отырғызу кезінде кондукторға (жүргізушіге) сапардың қашықтығына байланысты белгіленген тарифтердің сеткасына сәйкес төлейді.

      203. Қала маңындағы қатынаста жол жүру төлемінің айғағы, жолаушыға мынадай ақпараты:
      1) билеттің сериясы мен нөмірі;
      2) жөнелту және бару пункттері;
      3) төленген жол жүру құны;
      4) жол жүру күні мен уақыты бар жол жүру құжатын (билетін) берумен белгіленеді.

      204. Багажды алып жүру төлемінің айғағы жолаушыға мынадай ақпараты:
      1) түбіртектің нөмірі;
      2) жөнелту және бару пункттері;
      3) багаж орындарының саны;
      4) багаждың бағасы (жолаушы оны жариялаған жағдайда);
      5) төленген багаж алып жүру құны;
      6) жол жүру күні мен уақыты бар багаж түбіртегін берумен белгіленеді.

      205. Ұзақ пайдаланудағы жол жүру билеттерін сатуды алдын ала, жергілікті атқарушы органдар белгілеген сату орындарында, сондай-ақ тасымалдаушылар кондукторлар немесе жүргізушілер арқылы жүргізеді.
      Жеңілдікті көп реттік жол жүру билеттерін сату сатып алушының өзінің жеңілдіктерін растайтын құжаттарын көрсетуі бойынша жүргізіледі.
     Ескерту: 205-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

206. Қалалық қатынастағы сапарларға арналған ұзақ пайдаланудағы жол жүру билеттері жолаушылардың және багаждың қала маңындағы тұрақты автомобиль тасымалдарының маршруттарында жарамсыз.
Ескерту: 206-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

207. ұзақ пайдаланудағы жол жүру билеттерінің қолданылуы белгіленген нормадан артық қол жүгін және багажды алып жүруге тарамайды.
Ескерту: 207-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

208. ұзақ пайдаланудағы жол жүру билеті бар жолаушы оны кондукторға (жүргізушіге) автобусқа, шағын автобусқа мінген кезде көрсетеді.
Ескерту: 208-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

209. Егер жолаушы жеңілдікті ұзақ пайдаланудағы жол жүру билетін пайдаланса, онда сонымен қатар ол жеңілдікке құқығын растайтын құжатты ұсынады.
Ескерту: 209-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

6-тарау. Жолаушылардың және багаждың
қалааралық облысішілік және елді мекендерді:
кенттерді, ауылдарды (селоларды) аудан немесе
облыс орталықтарымен, республикалық маңызы бар
қалалармен (астанамен) жалғастыратын тұрақты
автомобиль тасымалдары &1 Жалпы ережелер

210. Жолаушылардың және багаждың қалааралық облысішілік және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдары жергілікті атқарушы органдар бекіткен маршрут желісі бойынша жүзеге асырылады, ол жолаушылар лектерін талдау, шалғай селолық елді мекендердің тұрғындарына көлік жеңілдігін қамтамасыз ету негізінде, сондай-ақ азаматтар мен ұйымдардың ұсыныстары бойынша жасалады.

      211. Жолаушылардың және багаждың тұрақты қалааралық облысішілік және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын автомобиль тасымалдарының маршруттық желілерін салу мынадай қағидаттардың негізінде жүзеге асырылады:
      1) халықтың тасымалдауға мұқтаждығын қамтамасыз ету;
      2) маршруттың жүру жолындағы барлық жақын жатқан елді мекендерді қамтудың барынша мүмкіндігі;
      3) тасымалдаудың сапасы мен қауіпсіздігін арттыру, сондай-ақ экологиялық зиянды қалдықтардың мөлшерін төмендету мақсатында маршруттарда жұмыс істеу үшін автобустардың, шағын автобустардың оңтайлы саны мен үлгісін (класын) пайдалану.
     Ескерту: 211-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .
      211-1. Маршрут бойынша 400 километрден астам тоқтаусыз жүрген жағдайда тасымалдаушы жолаушылардың демалуы және қажеттіліктерін қамтамасыз ету үшін кемінде он минут технологиялық аялдаулар көздеу тиіс. Технологиялық аялдауларда қосымша жолаушыларды отырғызуға тыйым салынады.
     Ескерту: 211-1-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

&2 Жолаушылардың және багаждың қалааралық
облысішілік және елді мекендерді: кенттерді,
ауылдарды (селоларды) аудан немесе облыс
орталықтарымен, республикалық маңызы бар
қалалармен (астанамен) жалғастыратын тұрақты
автомобиль тасымалдарының маршруттарын
жайғастыруға қойылатын талаптар

212. Жолаушылардың және багаждың қалааралық облысішілік және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттары ең төмені V санаты бар республикалық және жергілікті маңызы бар автомобиль жолдары бойынша жасалады.

213. Маршруттардың ұзақтығы 100 км артық кезде, оларды жасау жүру жолы бойынша телефон байланысының болуы ескерілуі тиіс. Осы талапты қанағаттандыру мүмкін болмаған кезде, осындай маршруттарға қызмет көрсететін тасымалдаушылар автобустарды сенімді ұялы байланыспен қосымша жабдықтайды.
Ескерту: 213-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

214. Жолаушылардың және багаждың қалааралық облысішілік және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдары маршруттарының қалаларда және ірі селолық елді мекендерде орналасқан аралық аялдау пункттері мүмкіндігінше автовокзалдарда (автостанцияларда) болуы тиіс.

215. Жолаушылардың және багаждың қалааралық облысішілік және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдары маршруттарының автовокзалдардан (автостанциялардан) тыс орналасқан аралық аялдама пункттері осы Ереженің талаптарына сәйкес жабдықталуы тиіс.

&3 Жолаушылардың және багаждың тұрақты
қалааралық облысішілік және елді мекендерді:
кенттерді, ауылдарды (селоларды) аудан немесе
облыс орталықтарымен, республикалық маңызы бар
қалалармен (астанамен) жалғастыратын автомобиль
тасымалдарының маршруттарында жол жүру тәртібі

216. Автобусқа, шағын автобусқа отырғызу кезінде жолаушыда жол жүру құжатының (билеттінің) болуы тексеріледі. Автовокзалдарда (автостанцияларда) тексеруді - отырғызу бойынша кезекші, ал осындай кезекшілер жоқ аялдама пункттерінде жүргізушілер немесе бақылаушылар жүзеге асырады.

217. Жолаушылардың және багаждың қалааралық облысішілік және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруты бойынша жол жүру билеттері, оларда көрсетілген күн мен рейстің нөміріне ғана жарамды болып табылады.

218. Жолаушылар билеттерді сапардың барлық уақыты бойы сақтайды және заңнамаға сәйкес олардың болуын бақылауды жүзеге асыруға уәкілетті тұлғалардың бірінші талабы бойынша тексеру үшін көрсетеді.

219. Жолаушы билетте көрсетілген нөмірге сәйкес автобуста орын алады. Тасымалдау кезінде жолаушыларды, автобустың отыратын орындар санынан асатын мөлшерде тасымалдауға жол берілмейді.

220. Жолаушымен 7 жасқа дейінгі бірнеше бала жүрген жағдайда, біреуінен басқа, олардың әрқайсысына жеке орын беріледі.

      221. Жолаушылардың және багаждың қалааралық облысішілік және елді мекендерді: поселкелерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттарында сапарды жүзеге асыру кезінде:
      1) жол жүру құжаттарына қандай да болмасын түзетулер енгізуге және оларды басқа жолаушыларға беруге;
      2) автобустың салонында багаж алып жүруге;
      3) темекі тартуға, қоқсытуға, спирт ішімдіктерін ішуге;
      4) жүргізушіні әңгімемен алаңдатуға, сондай-ақ автобустың қозғалысы кезінде салон ішінде жүруге;
      5) от қауіпті, жарылғыш, улағыш, жеңіл тұтанатын, улы, уытты және күлімсі иісті заттарды, қынапсыз және дәрімен атылатын ілеспе құжаттары жоқ қаруды, сондай-ақ жолаушыларға, не автобус салонының жабдығына немесе жарағына залал (ластау немесе зақымдау) келтіруі мүмкін заттар мен бұйымдарды тасымалдауға жол берілмейді.

&4 Қол жүгі мен багажды алып жүру

222. Жолаушылардың және багаждың қалааралық облысішілік және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттарында жолаушыларға автобустың салонында тегін, өлшемі 60х40х20 см аспайтын және салмағы 35 кг аспайтын бір орын қол жүгін, сондай-ақ ұсақ жануарлар мен құстарды торлармен тасымалдауға рұқсат етіледі.

223. Қол жүгінің буып-түйілуі мен тасымалдануы басқа жолаушылар мен автобус салонының жабдығына қандай да болмасын залал (ластану немесе зақымдану) келтіру мүмкіндігін толық болдырмауы тиіс.

      224. Жолаушыларға автобустың багаж бөлімшесінде отырғызу орнынан жеткізу орнына дейін оны алып жүрудің белгіленген құнына сәйкес әрбір багаж орнын алып жүру ақысын төлеп багажды алып жүруге рұқсат етіледі.
      Жолаушы қол жүгін автобустың багаж бөлімшесінде алып жүре алады.
     Ескерту: 224-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

225. Тасымалдауға тапсырылатын багаж жарамды орамада болуы тиіс. Жолаушының тасымалдауға қабылданған багажына багаж түбіртегі беріледі.

226. Багажды тасымалдауға тапсыру кезінде жолаушы оның бағасын белгіленген алым төлеу арқылы көрсетуі мүмкін. Бұл ретте багаж түбіртегіне тиісті жазу жасалады.

      227. Багаждың жоғалуы, жетіспеуі немесе зақымдануы байқалған кезде багаж иесінің, тасымалдаушы өкілінің немесе жүргізушінің және құқық қорғау органдары қызметкерінің немесе жергілікті атқарушы органдар өкілінің қатысуымен екі дана акті жасалады.
      Актіде иегердің тегі, аты, әкесінің аты және мекен-жайы, қабылданған және берілген орындардың саны, жоғалған заттың атауы немесе оның зақымдану сипаты, көрсетілген бағаның, егер ол құжат жүзінде ресімделген болса, сомасы көрсетіледі.
      Актінің бір данасы багаж иесіне тапсырылады.

228. Тасымалдауға қабылданған багаж, егер оны тасымалдаушы мойындаса немесе багаж тасымалдаудың тағайындалған жеткізу мерзімі өткеннен кейін 7 күнтізбелік күн ішінде келмесе, жоғалған деп есептеледі.
Ескерту: 228-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

229. Тасымалдаушы багаждың жоғалғаны, жетіспегені және зақымдалғаны (бүлінгені) үшін Қазақстан Республикасының заңнамасына сәйкес жауапты болады.

&5 Багаж автомобильдерімен багаж тасымалдау

230. Жолаушылардың және багаждың қалааралық облысішілік және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттарында тасымалдаушы багаж автомобильдерінің қозғалысын ұйымдастырған жерлерде жолаушылар багажды багаж автомобилінде тасымалдау үшін тапсыруы мүмкін.
Аралық аялдама пункттерінде багажды багаж автомобилінде тасымалдауға қабылдау жолаушы тиісті маршрут бойынша жол жүру құжаттарын (билеттерін) көрсету кезінде жүргізіледі.

231. Тасымалдауға тапсырылатын багаж өзінің қасиеттері мен орамасы бойынша багаж автомобиліне тиеуді және орналастыруды қиындатпауы, сондай-ақ басқа жолаушылардың багажына зиян келтірмеуі тиіс. Ыдыс пен орама барлық тасымал бойы багаждың бүтіндігі мен сақталуын қамтамасыз етуі тиіс.

232. Багажды багаж автомобилімен жіберуге тілек білдірген жолаушы оны тапсыруға алдын ала - автобус жөнелтілгенге дейін 10 минуттан кешіктірмей ұсынуы тиіс.

233. Багаж автомобилінде тасымалдауға жарамсыз орамадағы багаж қабылданбайды. Орамасының, багаждың жоғалу немесе бүліну қаупін туғызбайтын осындай кемшіліктері бар багаж, багаж түбіртегіндегі осы кемшіліктер туралы белгі арқылы тасымалдауға қабылдануы мүмкін.

234. Багаж автомобилінде тасымалдауға багажды қабылдау кезінде жолаушыға багаж түбіртегі беріледі.

235. Багаж автомобилінде тасымалданатын багаж бару пунктінде багаж түбіртегін көрсетушіге беріледі.

236. Багаж автомобилімен тасымалдауға қабылданған багаж бару пунктіне, жолаушының осы пунктке кесте бойынша келген күнінен кешіктірмей жеткізілуі тиіс.

237. Бару пунктінде жолаушы талап етпеген багаж жауапты сақталу үшін тасымалдаушыға беріледі, ол үшін багаждың иесінен тиісті ақы талап етіледі. Багажды сақтау орны тасымалдаушының қарауы бойынша таңдалады.

238. Багажды тасымалдауға қабылдаған тасымалдаушы, багажды тасымалдауға қабылдаған сәттен бастап және оны жолаушыға (багажды алуға уәкілетті тұлғаға) бергенге дейін немесе теңдеме жүк талап етілмеген жағдайда, оны сақтау камерасына тапсырғанға дейін сақталуын қамтамасыз етеді.

239. Багаж автомобилімен тасымалдауға қабылданған багаждың жоғалуын, жетіспеуін және зақымдануын (бүлінуін) анықтау, тасымалдаушының залалды өтеу тәртібі мен өлшемдері осы Ереженің 227-229-тармақтарына сәйкес белгіленеді.

&6 Жолаушылардың және багаждың қалааралық
облысішілік және елді мекендерді: кенттерді,
ауылдарды (селоларды) аудан немесе облыс
орталықтарымен, республикалық маңызы бар
қалалармен (астанамен) жалғастыратын тұрақты
автомобиль тасымалдарының маршруттарында жол
жүру және багажды алып жүру төлемі

240. Жолаушылардың және багаждың қалааралық облысішілік және елді мекендерді: кенттерді, ауылдарды (селоларды) аудан немесе облыс орталықтарымен, республикалық маңызы бар қалалармен (астанамен) жалғастыратын тұрақты автомобиль тасымалдарының маршруттары бойынша жол жүру және багажды алып жүру төлемін жолаушылар автовокзалдың (автостанцияның) кассасына, ал маршруттардың аралық аялдама пункттерінде кондукторға (жүргізушіге) тікелей автобусқа отырғызу кезінде, ол аялдама пунктінен жөнелтілгенге дейін төлейді.

      241. Жол жүру төлемінің айғағы мынадай ақпараты:
      1) билеттің сериясы мен нөмірі;
      2) жөнелту және бару пункттері;
      3) комиссиялық және сақтандыру алымдары көрсетілген төленген жол жүру құны;
      4) билеттің берілген күні;
      5) бастапқы пункттен автобустың жөнелтілген күні мен уақыты;
      6) рейстің нөмірі;
      7) жолаушының отыру орнының нөмірі бар билетті жолаушыға берумен белгіленеді.

      242. Багажды алып жүру төлемінің айғағы мынадай ақпараты:
      1) түбіртектің нөмірі;
      2) жөнелту және бару пункттері;
      3) багаж орындарының саны;
      4) багаждың бағасы (жолаушы оны көрсеткен жағдайда);
      5) төленген багаж алып жүру құны;
      6) берілген күні бар билетті жолаушыға берумен белгіленеді.

243. Егер жолаушы билетті маршруттың автовокзалдан (автостанциядан) тыс орналасқан аралық аялдама пункттеріндегі жүру жолында алса, онда кондуктор (жүргізуші) билетке рейстің нөмірін, жолаушының бастапқы және соңғы жүру пункттерін, төленген жол жүру құнын, отыру орнының нөмірін, жөнелту күні мен уақытын қояды, сондай-ақ билет-есепке алу парағында тиісті жазу жазады.

7-тарау. Жолаушылардың және багаждың қалааралық
облысаралық (астана мен республикалық маңызы бар
қаланы қоса алғанда) тұрақты автомобиль тасымалдары &1 Жалпы ережелер

244. Жолаушылардың және багаждың қалааралық облысаралық (астана мен республикалық маңызы бар қаланы қоса алғанда) тұрақты автомобиль тасымалдарын Министрлік тасымалдаушылардың бастамасы, сондай-ақ азаматтар мен ұйымдардың өтініштері бойынша ұйымдастырады.

245. Көрсетілген тасымалдарды заңнамада белгіленген тәртіппен осы қызметке жіберілген тасымалдаушылар осы Ереженің және Қазақстан Республикасының тасымалдау қауіпсіздігін қамтамасыз ету жөніндегі нормативтік құқықтық кесімдерінің талаптарына сәйкес келетін автобустарды пайдалану арқылы жүзеге асырады.

246. <*>
Ескерту: 246-тармақ алынып тасталды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

247. Жолаушылардың және багаждың тұрақты қалааралық облысаралық (астана мен республикалық маңызы бар қаланы қоса алғанда) автомобиль тасымалдарының маршруттарын жайғастыруға осы Ереженің 6-тарауының 2-параграфында көзделген талаптар қойылады.

248. Жолаушылардың және багаждың тұрақты қалааралық облысаралық автомобиль тасымалдарының маршруттарындағы жол жүру, қол жүгі мен багажды алып жүру, сондай-ақ олардың төлемі осы Ереженің 6-тарауының 3-6-параграфтарында белгіленген тәртіппен жүзеге асырылады.

&2 Жолаушылардың және багаждың қалааралық
облысаралық қатынасындағы тұрақты автомобиль
тасымалдарының маршруттары бойынша қозғалыс
кестелерін келісу тәртібі

249. Қалааралық облысаралық маршруттарды зерттеу нәтижелері бойынша Министрлік олар бойынша ұсынылатын маршрут схемалары мен қозғалыс кестелерін жасайды және аумағы бойынша маршрут өтетін облыстың (астананың және республикалық маңызы бар қаланың) жергілікті атқарушы органдарына келісуге жібереді.
Ескерту: 249-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

      250. Жергілікті атқарушы органдардың қалааралық облысаралық маршруттар бойынша қозғалыс кестелерін келісу мерзімі, осы материалдар оларға келіп түскен сәттен бастап кемінде 5 жұмыс күнін құрайды.
      Қозғалыс кестелерін келісу тәртібі осы Ереженің 45-47 тармақтарына сәйкес жүзеге асырылады.
     Ескерту: 250-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

251. Жергілікті атқарушы органдардың ескертулеріне сәйкес Министрлік маршруттардың қозғалыстар кестелерін пысықтайды және қайтадан келісуге жібереді.

252. Жергілікті атқарушы органдар қозғалыс маршрутының схемасы мен олар бойынша қозғалыстар кестелері бойынша өзара айырмашылығы бар ескертулер берген жағдайда, Министрлік тиісті маршрут бойынша ымыралы шешім шығарады және жергілікті атқарушы органдарға қайтадан келісуге жібереді.
Ескерту: 252-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

253. Оң келісім нәтижелері бойынша Министрлік тиісті маршрутты қалааралық облысаралық маршруттардың тізіліміне енгізеді.

&3 Жолаушылардың және багаждың тұрақты
қалааралық облысаралық автомобиль тасымалдарын
ұйымдастыру тәртібі

254. Жолаушылардың және багаждың тұрақты қалааралық облысаралық автомобиль тасымалдары Министрлік берген Жолаушылардың және багаждың тұрақты автомобиль тасымалдарының маршруттарына қызмет көрсету құқығына арналған куәлік (бұдан әрі - Облысаралық маршруттарға арналған куәлік) (11-қосымша) негізінде жүзеге асырылады.
Ескерту: 254-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

255. Облысаралық маршруттарға арналған куәліктерді Министрлік типографиялық тәсілмен дайындайды, кемінде 3 қорғаныш дәрежесі болады және қатаң есептемелік құжаттары болып табылады.

      256. Маршрутта пайдаланылатын автобустар (шағын автобустар), оның ішінде резервтік жылжымалы құрам көрсетілген облысаралық маршруттарға арналған куәліктер тасымалдаушының маршрутта тікелей жұмыс істейтін автокөлік құралдарының санына сәйкес мөлшерде тасымалдаушыға беріледі және тасымалдауды жүзеге асыру кезінде автобустардың, шағын автобустардың жүргізушілерінде болуы тиіс.
     256-1. <*>
      Ескерту: 256-1-тармақ алынып тасталды - ҚР Көлік және коммуникация министрінің 2009.10.12 N 427 (қолданысқа енгізілу тәртібін 3-тармақтан қараңыз) Бұйрығымен.
      256-2. <*>
      Ескерту: 256-2-тармақ алынып тасталды - ҚР Көлік және коммуникация министрінің 2009.10.12 N 427 (қолданысқа енгізілу тәртібін 3-тармақтан қараңыз) Бұйрығымен.

       257. <*>
      Ескерту: 257-тармақ алынып тасталды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен.
      257-1. Жолаушылардың және багаждың қалааралық облысаралық тасымалдарын ұйымдастыру үшін Министрлік республикалық маңызы бар бұқаралық ақпарат құралдары арқылы қалааралық облысаралық маршруттардың тізілімі бойынша деректерге сәйкес белгілі бір маршруттар мен олар бойынша қозғалыс кестелерін көрсете отырып, қалааралық облысаралық тасымалдарды ұйымдастыру туралы хабарландыру жариялайды.
      Ескерту: 257-1-тармақпен толықтырылды - ҚР Көлік және коммуникация министрінің 2009.10.12 N 427 (қолданысқа енгізілу тәртібін 3-тармақтан қараңыз) Бұйрығымен

       258. Хабарландыру шыққаннан кейін 15 жұмыс күн ішінде тасымалдаушы Министрлікке жеке папкаға ресімделген мынадай құжаттарды:
      1) заңды тұлғаның немесе өз қызметін заңды тұлғаны құрмай жүзеге асыратын кәсіпкердің мемлекеттік тіркеу туралы куәлігінің нотариалды түрде куәландырылған көшірмесін;
      2) автокөлік құралдары иелерінің азаматтық-құқықтық жауапкершілігін міндетті сақтандыру шарттарының және тасымалдаушының жолаушылар алдындағы азаматтық-құқықтық жауапкершілігін міндетті сақтандыру полистерінің немесе шарттарының көшірмесін;
      3) әрбір бірлікке арналған техникалық паспорттардың және алдыңғы тоқсанда мемлекеттік техникалық тексеруден өткені туралы куәліктердің көшірмелері қоса берілген, маршрутта пайдалануға көзделетін жылжымалы құрам туралы мәліметтерді (автобустардың саны және үлгісі (класы) (көрсетілген автокөлік құралдары жолаушылардың және багаждың тұрақты автомобиль тасымалдарының басқа маршруттарына тартылмағандығы туралы облыстың жергілікті атқарушы органдарының анықтамасын);
      4) жүргізушілер құрамы туралы мағлұматтарды (әрбір жүргізуші бойынша еңбек шарты мен жүргізуші куәлігінің көшірмесін қоса бере отырып);
      5) барлық маршрут бойы диспетчерлік ілесу мен телефон немесе басқа байланыстың болуы туралы, сондай-ақ автобустардың қозғалыстары маршрутта техникалық себептер бойынша тоқтаған жағдайда, оларды ауыстыру мүмкіндігінің болуы туралы мәліметтерді;
      6) профилактикалық медициналық тексеруді жүзеге асыруға лицензиясы бар медицина қызметкерлерімен жасасқан шарттардың көшірмесін қоса бере отырып, "Автокөлік құралдарын техникалық пайдалану ережесін бекіту туралы" Қазақстан Республикасы Үкіметінің 2008 жылғы 28 ақпандағы N 203 қаулысымен белгіленген талаптарға сәйкес жылжымалы құрамды техникалық жарамды күйде күтіп ұстау жөніндегі жұмыстардың қажетті кешенін жүргізу мүмкіндігін растайтын құжаттардың көшірмелерін;
      7) облысаралық бағыттың аялдама пункттері бойынша (оның ішінде маршруттағы қосалқы аялдама пункттері арасында) жолаушыларды және багажды тасымалдауға арналған ұсынылатын тарифтерді;
      8) автобус жүргізушілерінің ауысым уақыты мен орны көрсетілген барлық тұрақты маршрут бойындағы жүргізушілердің еңбегі мен демалысы режимінің графигін қоса бере отырып, тиісті маршрутқа қызмет көрсетуге өтінімін ұсынады.
      Ескерту: 258-тармаққа өзгерту енгізілді - ҚР Көлік және коммуникация министрлігінің 2006.12.05 N 319 (қолданысқа енгізілу тәртібін 4-тармақтан қараңыз), 2008.12.10 N 539 (қолданысқа енгізілу тәртібін 3-тармақтан қараңыз), 2009.10.12 N 427 (қолданысқа енгізілу тәртібін 3-тармақтан қараңыз) Бұйрықтарымен .
     258-1. Өтінімдерді қарау мынадай өлшемдерге негізделуі тиіс:
      1) алынып тасталды
      2) өтінімде ұсынылған автобустардың 50 % жеке меншікте немесе лизингке сатып алынған болуы;
      3) өтінімде ұсынылған автобустар бойынша қызмет көрсету мерзімін барынша азайту;
      4) тасымалдаушының халықаралық маршруттарда жұмыс істеудің оң тәжірибесі;
      5) тиісті өндірістік-техникалық базаның болуы және одан маршруттың облыста басталу орнына дейін нөлдік жүрісін барынша азайту.
     Ескерту: 258-1-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз), өзгерту енгізілді - 2009.10.12 N 427 (қолданысқа енгізілу тәртібін 3-тармақтан қараңыз) Бұйрықтарымен .
      258-2. <*>
      Ескерту: 258-2-тармақ алынып тасталды - ҚР Көлік және коммуникация министрінің 2009.10.12 N 427 (қолданысқа енгізілу тәртібін 3-тармақтан қараңыз) Бұйрығымен.
      258-3. Егер тепе-тең тараптардың біреуінен жекелеген қалааралық облысаралық маршруттарға қызмет көрсету құқығына өтінім түспесе Министрлік екінші тепе-тең тасымалдаушыға барлық маршрутқа қызмет көрсету құқығын береді.
     Ескерту: 258-3-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

259. Осы маршрутта, аумағы бойынша маршрут өтетін басқа облыстарда тіркелген тепе-тең тасымалдаушы (тасымалдаушылар) болған кезде, барлық тасымалдаушылар арасындағы бірлескен қызмет туралы шарттың көшірмесі қосымша ұсынылады.
Ескерту: 259-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз), 2009.10.12 N 427 (қолданысқа енгізілу тәртібін 3-тармақтан қараңыз) Бұйрықтарымен.

260. Тасымалдаушы ұсынған құжаттарды қарау нәтижесі оң болған жағдайда, Министрлік тасымалдаушыға 15 күнтізбелік күннен кешіктірмей тасымалдаушының осы маршрут және қозғалыс кестесі бойынша тасымалдауды жүзеге асыру құқығын растайтын Облысаралық маршруттарға арналған куәліктер, Министрлік растаған маршрут бойынша қозғалыс схемалары және ол бойынша қозғалыс кестелері, жолаушыларды және багажды тасымалдауға арналған тарифтер (бұдан әрі - рұқсат құжаттары) тасымалдаушының маршрутқа қызмет көрсетуге арналған автокөлік құралдарының санына тең мөлшерде беріледі.
Ескерту: 260-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз), 2009.10.12 N 427 (қолданысқа енгізілу тәртібін 3-тармақтан қараңыз) Бұйрықтарымен.

261. Министрлік рұқсат құжаттарының көшірмелерін 5 жұмыс күні ішінде аумақтары бойынша маршрут өтетін облыстың жергілікті атқарушы органдарына береді.

262. Рұқсат құжаттары берілген күннен бастап 30 күнтізбелік күн ішінде тасымалдаушы Министрлікке тасымалдаушылар мен автовокзалдардың (автостанциялардың) әкімшілігі осы Ережеге және өзге де нормативтік құқықтық кесімдерге сәйкес жасалған шарттардың көшірмелерін ұсынады.
Ескерту: 262-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

263. Өтінімдерді қараудан бас тартқан жағдайда, Министрлік тасымалдаушы ұсынған құжаттарды қарау аяқталған күннен бастап 10 жұмыс күні ішінде бас тарту себептерін көрсете отырып, тасымалдаушыны бұл туралы жазбаша хабардар етеді.
Ескерту: 263-тармақ жаңа редакцияда - ҚР Көлік және коммуникация министрлігінің 2009.10.12 N 427 (қолданысқа енгізілу тәртібін 3-тармақтан қараңыз) Бұйрығымен .

      264. Тасымалдаушыға өтінімін қараудан мынадай жағдайларда:
      1) ұсынылған құжаттар толық емес немесе белгіленген талаптарға сәйкес емес;
      2) ұсынылған құжаттарда көрсетілген мағлұматтар дұрыс емес;
      3) жылжымалы құрам осы Ереженің және өзге де нормативтік құқықтық кесімдердің талаптарына сәйкес емес;
      4) алынып тасталды
      5) алынып тасталды
      6) жылжымалы құрамды техникалық жарамды күйде күтіп ұстау, автобустарды рейс алдындағы (ауысым алдындағы) техникалық тексеруді, сондай-ақ жүргізушілердің кезеңді (ауысым алдындағы) медициналық тексеруді орындау бойынша жұмыстардың қажетті кешенін жүргізу мүмкіндігі жоқ;
      7) соңғы алты ай ішінде тасымалдаушы осы Ереженің 177-2-тармағында көрсетілген шарттың елеулі талаптарын орындамау себебінен мерзімнен бұрын шарттарды бұзу оқиғалары болса бас
тартады.
     Ескерту: 264-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

      265. Тасымалдаушыға берілген рұқсат құжаттарының қолданылуы:
      1) тасымалдаушы жазбаша өтініш берген;
      2) жергілікті атқарушы органдар жазбаша дәлелді өтініш берген;
      3) осы Ереженің талаптарын бұзушылықтар немесе сақтамау айғақтары байқалған жағдайларда алты айға дейінгі мерзімге тоқтатыла тұруы мүмкін.

      266. Тасымалдаушыға берілген рұқсат құжаттарының қолданылуы:
      1) тасымалдаушы жазбаша өтініш берген;
      2) жергілікті атқарушы органдар жазбаша дәлелді өтініш берген;
      3) осы Ереженің талаптарын бірнеше рет өрескел бұзушылықтар немесе сақтамау айғақтары байқалған;
      4) тасымалдаушылар мен автовокзалдардың (автостанциялардың) әкімшілігі заңнамаға және осы Ережеге сәйкес жасайтын шарттардың көшірмелерін белгіленген мерзімдерде ұсынбаған;
      5) егер тасымалдаушы Министрліктің келісімінсіз және жергілікті атқарушы органдармен келіспей, маршрут бойынша автобустардың қозғалыс кестесі мен схемасына өзгерістер енгізген;
      6) егер тасымалдаушы маршрутта жолаушыларды тасымалдауды рұқсат құжаттарын алған күннен бастап айлық мерзім өтісімен орындамаған;
      7) егер тасымалдаушы рұқсат құжаттарының қолданылу кезеңінде 15 күнтізбелік күн бойы маршрутта жолаушыларды тасымалдауды орындамаған жағдайда, тоқтатылуы мүмкін.
      Ескерту: 266-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

8-тарау. Жолаушылардың және багаждың
халықаралық тұрақты автомобиль тасымалдары &1 Жалпы ережелер

267. Жолаушылардың және багаждың халықаралық тұрақты автомобиль тасымалдарының маршруттары бойынша жол жүру тәртібі Қазақстан Республикасы бекіткен халықаралық шарттармен реттелмеген бөлігінде осы Ережемен регламенттеледі және жолаушылардың және багаждың халықаралық тұрақты автомобиль тасымалдарының маршруттары бойынша жол жүру тәртібіне сәйкес келеді.

268. <*>
Ескерту: 268-тармақ алынып тасталды - ҚР Көлік және коммуникация министрінің 2009.10.12 N 427 (қолданысқа енгізілу тәртібін 3-тармақтан қараңыз) Бұйрығымен

&2 Жолаушылардың және багаждың тұрақты халықаралық
автомобиль тасымалдарын ұйымдастыру тәртібі

269. Жолаушылардың және багаждың халықаралық автомобиль тасымалдарын ұйымдастыру үшін тасымалдаушы халықаралық қатынаста жолаушылардың және багаждың тұрақты автомобиль тасымалдарын жүзеге асыру шешімін тасымалдауды жүзеге асыру болжанып отырған басқа мемлекеттегі әріптесімен келіседі және онымен тиісті шарт жасасады.

      270. Министрлік растаған маршрут бойынша қозғалыс схемалары мен ол бойынша қозғалыс кестелерін, жолаушыларды және багажды тасымалдауға арналған тарифтерді және жолаушылардың және багаждың тұрақты халықаралық автомобиль тасымалдарын жүзеге асыруға рұқсатты (12-қосымша) (бұдан әрі - халықаралық тасымалдарға арналған рұқсат құжаттары) алу үшін, сондай-ақ рұқсат құжаттарының қолданылу мерзімін ұзарту үшін тасымалдаушы Министрлікке жеке папкаға ресімделген мынадай құжаттарды:
      1) шетелдік тасымалдаушымен бірлескен қызмет туралы шартты;
      2) заңды тұлғаның немесе өз қызметін заңды тұлғаны құрмай жүзеге асыратын кәсіпкердің мемлекеттік тіркелу туралы куәлігінің нотариалды түрде куәландырылған көшірмесін;
      3) алынып тасталды
      4) автокөлік құралдары иелерінің азаматтық-құқықтық жауапкершілігін міндетті сақтандыру шарттарының және тасымалдаушының жолаушылар алдындағы азаматтық-құқықтық жауапкершілігін міндетті сақтандыру сақтандыру полисінің немесе шарттарының көшірмесін;
      5) әрбір бірлікке арналған техникалық паспорттардың және алдыңғы тоқсан үшін мемлекеттік техникалық тексеруден өткені туралы куәліктердің көшірмелері қоса берілген, маршрутта пайдалануға көзделетін жылжымалы құрам туралы мағлұматтарды (автобустардың саны және үлгісі (класы);
      6) алынып тасталды
      7) жылжымалы құрамды техникалық жарамды күйде күтіп ұстау, алдын алу медициналық тексеруді жүзеге асыратын лицензиясы бар медицина қызметкерлермен шарттарының көшірмесін орындау бойынша жұмыстардың қажетті кешенін жүргізу мүмкіндігін растайтын құжаттардың көшірмелерін;
      8) маршрут бойынша автобустардың жөнелтілу, келу және тұру уақыттары, сондай-ақ барлық аялдама пункттері мен мемлекеттердің шекаралары арқылы өткізу пункттері бойынша қашықтықтар көрсетілген қозғалыс кестелерін;
      9) автовокзалдарды (автобекеттерді), мемлекеттік шекара арқылы өткізу автомобиль пункттерін, автобустар қозғалысының қауіпті учаскелері мен жылдамдық режимі көрсетілген маршрут схемасын;
      10) осы маршрутқа қызмет көрсететін тасымалдаушылар тіркелген мемлекеттердің ұлттық валютасындағы халықаралық тұрақты маршруттың аялдама пункттері бойынша жолаушыларды және багажды тасымалдауға ұсынылатын тарифтерді;
      11) автобус жүргізушілерінің ауысым уақыты мен орны көрсетілген барлық тұрақты маршрут бойындағы еңбек және демалыс режимінің кестесі қоса берілген өтінімді ұсынады.
      Осы тармақтың 8)-11) тармақшаларында көрсетілген тұрақты маршрутқа қызмет көрсету туралы шарт жасасқан қазақстандық және шетелдік тасымалдаушылар қол қойған және олардың мөрлерімен расталған құжаттар 4 данада ұсынылады.
      Ескерту: 270-тармаққа өзгерту енгізілді - ҚР Көлік және коммуникация министрлігінің 2006.12.05 N 319 (қолданысқа енгізілу тәртібін 4-тармақтан қараңыз), 2008.12.10 N 539 (қолданысқа енгізілу тәртібін 3-тармақтан қараңыз) Бұйрықтарымен .

271. Қажетті құжаттар бар жолаушылардың және багаждың халықаралық тұрақты автомобиль тасымалдарын жүзеге асыруға арналған рұқсат құжаттарының қолданылу мерзімін ұзартуға өтінім Министрлікке рұқсат құжаттарының белгіленген қолданылу мерзімі аяқталғанға дейін 3 айдан кешіктірмей ұсынылады.

272. Министрлік өтінім тіркелген сәттен бастап 15 жұмыс күні ішінде, өтінімге қоса берілген құжаттардың толық пакеті болған жағдайда, аумағы бойынша маршрут өтетін мемлекеттердің құзыретті органдарына, егер Қазақстан Республикасы қатысушы болып табылатын халықаралық шарттарда өзгеше көзделмесе, осы Ереженің 270-тармағының 1)-3), 7)-10) тармақшаларында көрсетілген құжаттар қоса берілген маршрут ашуға рұқсат алу туралы өтінішті жібереді.

273. Аумағы бойынша маршрут өтетін шет мемлекеттердің құзыретті органдарынан тиісті рұқсаттарды алынғаннан кейін тасымалдаушыға жолаушылардың және багаждың тұрақты халықаралық автомобиль тасымалдарын жүзеге асыруға арналған рұқсат құжаты және Министрлік бекіткен маршрут бойынша қозғалыс схемасы және ол бойынша қозғалыс кестесі, жолаушыларды және багажды тасымалдауға тарифтер және жүргізушілердің еңбегі мен демалыс режимінің кестесі беріледі.

274. Өтінімге қоса берілген құжаттардың көшірмесі бір данада Министрлікте тізілім жүргізу үшін қалдырылады.

275. Рұқсат құжаттары берілген күннен бастап 30 күнтізбелік күн ішінде тасымалдаушы Министрлікке тасымалдаушылар мен автовокзалдардың (автостанциялардың) әкімшілігі осы Ережеге және өзге де нормативтік құқықтық кесімдерге сәйкес жасасқан шарттардың көшірмелерін ұсынады.
Ескерту: 275-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

276. Тасымалдаушылар маршруттағы әрбір автобуста рұқсаттардың, сондай-ақ Министрлік бекіткен қозғалыс кестесінің, маршрут схемасының, тарифтердің және жүргізушілердің еңбегі мен демалыс режимі кестесінің түпнұсқалары болуын қамтамасыз етеді.

277. Маршрутты, аялдама пункттерін, қозғалыс кестесін өзгертуді, сондай-ақ маршрутты жабуды Министрлік тасымалдаушының немесе жергілікті атқарушы органдардың өтінішінің негізінде аумағы бойынша маршрут өтетін мемлекеттердің құзыретті органдарымен алдын ала келісім бойынша жүргізеді.

278. Өтінімдерді және тұрақты маршрут бойынша жолаушылар тасымалдауды жүзеге асыруға құжаттарды ресімдеу бойынша ұсыныстар дайындау, қосымша рейстерді орындау, автобустардың қозғалыс кестесін және жолаушыларды тасымалдау тарифтерін өзгерту кезінде халықаралық автобус маршруттарының қалыптасқан желісі, тасымалдаушыда автобустардың тасымалдауды орындау үшін қажетті санының болуы, ал қолданылу мерзімдерін ұзарту кезінде сонымен қатар онда және оның шетелдік әріптесінде (тасымалдаушыда) тасымалдау ережелерін бұзушылықтар, қызмет көрсету сапасына жолаушылар шағымдарының болмауы (болуы) және рейстердің орындалу кезеңділігін сақтау ескеріледі.

      279. Тасымалдаушыға жолаушылардың және багаждың тұрақты автомобиль тасымалдарын жүзеге асыруға рұқсат құжаттарын беруден мынадай жағдайларда:
      1) осы Ереженің 270-тармағына сәйкес өтінімге қоса берілген құжаттар толық көлемде емес немесе жалған мәліметтер болса;
      2) өтініш берілген қозғалыс кестесі бойынша маршрутта белгіленген тәртіппен жолаушылардың және багаждың тұрақты автомобиль тасымалдары жүзеге асырылып жатса;
      3) алынып тасталды
      4) тасымалдауды жүзеге асыруға болжанып отырған жылжымалы құрамның Қазақстан Республикасының заңнамасында белгіленген талаптарға сәйкессіз, сондай-ақ автобустарды рейс алдындағы (ауысым алдындағы) техникалық тексеруді, сондай-ақ жүргізушілерді (ауысым алдындағы) медициналық тексеруді жүргізу мүмкіндігі болмаса;
      5) тасымалдаушы (тасымалдаушылар) жағынан осы Ережені бірнеше рет бұзушылықтардың айғақтары орын алса;
      6) аумағы арқылы өтініш берілген маршрут өтетін мемлекеттің құзыретті органының келісімі алынбаса бас тартылады.
      Ескерту: 279-тармаққа өзгерту енгізілді - ҚР Көлік және коммуникация министрлігінің 2006.12.05 N 319 (қолданысқа енгізілу тәртібін 4-тармақтан қараңыз), 2008.12.10 N 539 (қолданысқа енгізілу тәртібін 3-тармақтан қараңыз) Бұйрықтарымен .

280. Дәлелді бас тарту жазбаша нысанда өтініш берушіге және де қажет жағдайда, шетелдік тасымалдаушы тіркелген мемлекеттің құзыретті органына жіберіледі.

      281. Тасымалдаушыға берілген рұқсат құжатының қолданылуы:
      1) тасымалдаушы Министрлікке тасымалдауды болжамды тоқтату күніне дейін 3 айдан кешіктірмей жазбаша өтініш берген;
      2) жергілікті атқарушы органдар жазбаша дәлелді өтініш берген;
      3) осы Ереженің талаптарын бұзу немесе сақтамау айғақтары байқалған;
      4) егер тасымалдаушы аумағы бойынша маршрут өтетін мемлекеттердің құзыретті органдары белгілеген тұрақты маршруттарды пайдалану шарттарын қамтамасыз етпесе;
      5) аумақтары бойынша тұрақты маршрут өтетін шет мемлекеттердің құзыретті органдарының жазбаша өтініші бойынша алты айға дейінгі мерзімге тоқтата тұрылуы мүмкін.

      282. Тасымалдаушыға берілген рұқсат құжатының қолданылуы:
      1) тасымалдаушы Министрлікке тасымалдауды болжамды тоқтату күніне дейін 3 айдан кешіктірмей жазбаша өтініш берген;
      2) жергілікті атқарушы органдар жазбаша өтініш берген;
      3) тасымалдаушы өз еркімен, Министрліктің келісімінсіз маршрут бойынша автобустардың қозғалыс кестесі мен схемасына өзгерістер енгізген;
      4) аумақтары бойынша тұрақты маршрут өтетін шет мемлекеттердің құзыретті органдарының жазбаша өтініші бойынша;
      5) тасымалдаушылар мен автовокзалдардың (автостанциялардың) әкімшілігі заңнамаға және осы Ережеге және өзге де нормативтік құқықтық кесімдерге сәйкес жасайтын шарттардың көшірмелерін белгіленген мерзімдерде ұсынбаған;
      6) егер тасымалдаушы рұқсат құжаттарын алған күннен бастап айлық мерзім өткен бойда маршрутта жолаушылар тасымалдауды орындамаса;
      7) егер маршрутта жолаушылар тасымалдауды тасымалдаушы рұқсат құжаттарының қолданылу кезеңінде 15 күнтізбелік күн бойы орындамаса;
      8) осы Ереженің талаптарын бірнеше рет бұзған немесе сақтамаған айғақтар байқалған жағдайда тоқтатылады.
      Ескерту: 282-тармаққа өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

&3 Халықаралық қатынаста жол жүру
және багажды алып жүру төлемі

283. Халықаралық қатынаста жол жүру үшін жол жүру құжаттарын (билеттерін) алу тәртібі осы Ережеде белгіленген қалааралық қатынаста билеттер алу тәртібіне сәйкес.

284. Халықаралық қатынаста жол жүру және багажды алып жүру төлемі, жол жүру құжаттары (билеттері) сатып алынған мемлекеттің валютасымен жүргізіледі.

285. Багажды сақтау және беру тәртібі, аумағында оны сақтау және беру жүргізілетін мемлекеттің заңнамасымен реттеледі. Z000038

9-тарау. Жолаушылардың және багаждың бір жолғы және
тапсырыс сипатындағы тұрақты емес тасымалдары

Ескерту: 9-тараудың атауына өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрықтарымен .

&1 Жалпы ережелер

286. Жолаушылардың және багаждың тұрақты емес автомобиль тасымалдау жол желісі және тиісті автокөлік құралдары үшін рұқсат етілген жол құрылыстары бойынша ғана жүзеге асырылуы мүмкін. Тасымалдауды жүзеге асыру алдында тасымалдаушы болжанып отырған тасымалдау маршрутындағы жолдар мен жол құрылыстардың жай-күйін, оның ішінде жол органдары мен жол полициясы органдарына сұрау салу түрінде алдын ала зерттеуді жүргізеді.

287. Жолаушылардың және багаждың тұрақты емес автомобиль тасымалдарын ұйымдастыру кезінде тасымалдаушы автокөлік құралында жүргізушінің рейс алдындағы (ауысым алдындағы) медициналық тексеруден және автокөлік құралының рейс алдындағы техникалық тексеруден өткені туралы белгілер бар борт журналының болуын қамтамасыз етеді.

288. Жолаушыларды және багажды тұрақты емес тасымалдау, осы қызметке белгіленген тәртіппен жіберілген және осы Ереженің талаптарына сәйкес келетін автокөлік құралдарымен жүзеге асырылады.

289. Жолаушылардың және багаждың тұрақты емес автомобиль тасымалдарын жүзеге асыру кезінде аялдама пункттері жолаушылардың қауіпсіз отырғызылуы мен түсірілуін қамтамасыз етуі және жолаушылардың және багаждың тұрақты автомобиль тасымалдары маршруттарының аялдама пункттерімен сәйкес келмеуі тиіс.
Жолаушылардың және багаждың тұрақты емес автомобиль тасымалдарын жүзеге асыру кезінде пайдаланылатын автобустардың, шағын автобустардың жолаушылардың және багаждың тұрақты автомобиль тасымалдары маршруттарының аялдама пункттерінде аялдама жасауына, сондай-ақ оларда жолаушыларды отырғызуға және түсіруге рұқсат етілмейді.

290. Халықаралық қатынаста жолаушылардың және багаждың тұрақты емес автомобиль тасымалдарын Қазақстан Республикасының заңнамасына және Қазақстан Республикасы қатысушы болып табылатын халықаралық шарттарға сәйкес белгіленген тәртіппен осы қызметке жіберілген тасымалдаушылар жүзеге асырады.

291. Жолаушылардың және багаждың тұрақты емес автомобиль тасымалдары кезінде жолаушыларды автобустағы отыратын орындардың санынан асатын мөлшерде тасымалдауға және өлшемі 60х40х20 см және салмағы 35 кг артық қол жүгін тасымалдауға жол берілмейді.
Өлшемі осы тармақта көрсетілген өлшемдерден асатын жолаушылардың мүлігі автокөлік құралдарының багаж бөлімшесінде немесе автобусқа, шағын автобусқа еріп жүретін багаж автомобилінде тасымалданады.

292. Жолаушылардың және багаждың тұрақты емес автомобиль тасымалдары кезінде жол жүру және багажды алып жүру төлемін жолаушылар тасымалдаушыға (жүргізушіге) шарттың талаптарына сәйкес төлейді.

&2 Жолаушылардың және багаждың бір реттік
сипаты бар тасымалдарын ұйымдастыру
және жүзеге асыру тәртібі

293. Жолаушылардың және багаждың бір реттік сипаты бар тасымалдарын әдетте, бір ғана жолаушылар тобын тасымалдың бастапқы пунктінен соңғы пунктіне жеткізу және осы пункттердің арасында не көрсетілген бағыттардың бірінде жолаушыларды отырғызбай және түсірмей кері әкету мақсатында жүзеге асырылады.

294. Жолаушыларды және багажды бір реттік сипаты бар тасымалдау кезінде тасымалдаушы Жол парағын (13-қосымша) толтырады.

&3 Жолаушыларды және багажды тапсырыс берілген автобустармен, шағын автобустармен және жеңіл автомобильдермен тасымалдауды ұйымдастыру және жүзеге асыру тәртібі

      295. Жолаушыларды және багажды тапсырыс берілген автобустармен, шағын автобустармен және жеңіл автомобильдермен тасымалдаудың жүйелік сипаты бар және әдетте азаматтарды жұмыс, оқу орындарына жеткізу мақсатында, сондай-ақ туристік және экскурсиялық тасымалдарды жүзеге асыру үшін жүзеге асырылады.
     295-1. Туристік және экскурсиялық ұйымдардың өтінімдері бойынша тапсырыспен тасымалдауды жүзеге асырған кезде тасымалдаушы жол парағын (13-қосымша) толтырады.
     Ескерту: 295-1-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .
      295-2. Тәрбиелеу және білім беру мекемелерінің өтінімдері бойынша балаларды тапсырыс бойынша тасымалдауды жүзеге асыру тәртібі осы Ереженің 11-тарауында көзделген тәртіп бойынша жүзеге асырылады.
     Ескерту: 295-2-тармақпен толықтырылды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

296. Жолаушыларды және багажды тапсырыс берілген автобустармен тасымалдау қызметке тапсырыс беруші мен тасымалдаушының арасындағы жазбаша шарттың талаптарына сәйкес жүзеге асырылады, оның көшірмесі автокөлік құралында болуы тиіс.

10-тарау. Жолаушыларды және багажды таксимен тасымалдау &1 Жалпы ережелер

297. Жолаушыларды және багажды таксимен тасымалдау осы Ереженің 36-38-тармақтарының талаптарына сәйкес жабдықталған жеңіл автомобильдермен, тасымалдаушы мен елді мекендердің жергілікті атқарушы органдарының арасындағы жасасқан жолаушыларды және багажды таксимен тасымалдауды ұйымдастыру туралы шарттың негізінде жүзеге асырылады.
Ескерту: 297-тармақ жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

298. Жергілікті атқарушы органдар жолаушыларды және багажды таксимен тасымалдауды ұйымдастыру бойынша қызметті жолаушыларды және багажды таксимен тасымалдауды жүзеге асыратын автокөлік құралдары санының ұсынылатын нормативтерін басшылыққа ала отырып, елді мекендердің тұрғындар санын және ауданын (14-қосымша), такси тұрақтарының ұйымдастырылуы мен жабдықталуын ескере отырып жүзеге асырады.
Ескерту: 298-тармаққа өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

298-1. <*>
Ескерту: 298-1-тармақ алынып тасталды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

298-2. <*>
Ескерту: 298-2-тармақ алынып тасталды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

      298-3. Такси тасымалдарын жүзеге асыру үшін кемінде төрт бүйірлік есігі бар өнімді топтап шығаруы жеңіл автомобильдерді қолдану рұқсат етіледі.
      Арнаулы басқаруы бар автокөлік құралдарын такси тасымалдары үшін қолдану, соның ішінде барлығы қолмен, сондай-ақ басқару рулі оң жақтағы рұқсат етілмейді.
      Ескерту: 298-3-тармақпен толықтырылды - ҚР Көлік және коммуникация министрлігінің 2006.12.05 N 319 (қолданысқа енгізілу тәртібін 4-тармақтан қараңыз), 2008.12.10 N 539 (қолданысқа енгізілу тәртібін 3-тармақтан қараңыз) Бұйрықтарымен .

&2 Таксимен тасымалдауды жүзеге асыру тәртібі

299. Жолаушылардың таксиге отыруы және одан түсуі көше-жол желісінің учаскелерінде арнайы жабдықталған такси тұрақтарында, автомобильдердің тоқтауына жол қозғалысы ережелерінде рұқсат етілген жерлерде және жолаушылардың тапсырысы бойынша такси берілетін орындарда жүргізіледі.

300. Жабдықталған такси тұрақтарында жолаушылар кезек тәртібімен таксиге отырады. Таксиге кезектен тыс отыру құқығын мүгедектер, зейнеткерлер, жүкті әйелдер, мектеп жасына дейінгі балалары бар жолаушылар пайдаланады.

      301. Жүріп келе жатқан таксиді, егер:
      1) онда бос орындардың жеткілікті саны болса;
      2) таксидегі жолаушы осылай тоқтауға келісім берсе, қол көтеріп тоқтатуға болады.

302. Жолаушы бос таксиге отыру кезінде жүргізушіге жүру маршрутын көрсетеді. Егер жолаушы өз бетімен оңтайлы жүру маршрутын анықтай алмай, тек қана сапардың соңғы пунктін атайтын болса, онда жүргізуші жолаушыны барынша қысқа жолмен баратын орнына жеткізуі тиіс.

303. Таксиге отыру және одан шығу толық тоқтағаннан кейін және автомобильдің оң жағынан ғана жүзеге асырылады.

304. Жолаушының тасымалдау шартын бұзбай таксиден түсуі мүмкін. Бұл ретте жүргізуші таксидің жолаушыны күтіп тұрып қалған барлық алдын ала келісілген мерзім үшін ақша кепілін талап етуі мүмкін.
Егер жолаушы оны күтіп тұрған такси-автомобильге алдын ала келісілген уақыт ішінде қайтып келмесе, тасымалдау шарты тоқтатылды деп есептеледі.

&3 Тапсырыстар бойынша таксидің жұмысы

305. Такси беруге тапсырыстар қабылдауды тасымалдаушы орталықтандырылған түрде диспетчерлік қызмет арқылы қол жеткізімді байланыс құралдары бойынша ұйымдастырады. Такси беруге тапсырыстың құнын жолаушы сапар аяқталған соң жолаушылардың және багаждың тасымалдарын ұйымдастыру туралы шарт бойынша белгіленген тарифке сәйкес төлейді.

306. Таксиге тапсырыс берген жолаушыға, жіберілген автомобильдің нөмірі, тапсырыстың шамамен алғандағы құны және беру уақыты телефон бойынша хабарланады.

307. Мерзімді тапсырыстар қабылданған сәттен бастап белгіленген уақыты аралығында орындалуы тиіс.

308. Алдын ала тапсырыс кезінде жүргізуші таксидің тапсырыста көрсетілген уақытқа берілуін қамтамасыз етуі тиіс.

&4 Таксимен жол жүру төлемі

309. Таксимен жол жүру төлемін жолаушы өзі жүріп өткен қашықтық үшін қолданылып жүрген тарифке сәйкес сапар аяқталған және багаж түсірілген соң төлейді. Жүргізушімен есеп айырысу қолма-қол ақшамен жасалады. Аяқталған сапар үшін төлем туралы түбіртектер мен анықтамалар жолаушыларға берілмейді.

310. Егер таксимен тасымалдау процесінде, оның қозғалысын жалғастыру жүргізушіге қатыссыз жағдайлар бойынша мүмкін болмайтын жағдай туындаса, онда тасымалдау шарты мерзімінен бұрын үзілген деп есептеледі және жолаушы жүрілген қашықтықты төлемеуге құқылы.

&5 Қол жүгін, ұсақ жануарларды және багажды таксимен тасымалдау

311. Жалпы салмағы автомобильдің техникалық құжатында көзделгеннен аспайтын багажды таксидің багаж бөлімшесінде және тек багаж бөлімшесінің қақпағы жабық жағдайда ғана тасымалдауға рұқсат етіледі.

312. Багажды тиеу мен түсіруді таксидің жүргізушісі жүзеге асырады.

313. Таксидің салонында есік ойықтары арқылы еркін өтетін, салонның қаптамасы мен жабдығын бүлдірмейтін және ластамайтын, жүргізушіге автомобильді басқаруға кедергі болмайтын және артқы жақты көру айнасымен байқауды шектемейтін түрлі заттар мен бұйымдарды тасымалдауға рұқсат етіледі.

314. Таксиде ұсақ жануарлар мен құстарды себеттермен, торлармен немесе түбі тұтас сумкалармен тасымалдауға рұқсат етіледі.
Таксиде иттерді тасымалдауға тек мұндай тасымалға жүргізуші мен басқа жолаушылар келісетін болса ғана рұқсат етіледі.

&6 Такси тұрақтары

315. Таксидің тұрақтары барлық жолаушылар жиналатын ірі пункттерде (әуежай, вокзалдар, ірі сауда және мәдениет орталықтары) ұйымдастырылады.

316. Такси тұрақтары басқа автомобильдердің тұрақтарынан жол таңбасының арнайы шектеу сызықтарымен бөлінеді және жергілікті атқарушы органдардың жол полициясы органдарымен келісімі бойынша белгіленген көгілдір түсті "Т" ("Такси") деген айыру белгісі бар және арнайы белбеумен белгіленеді.

317. Такси тұрақтары тәуліктің қараңғы мезгілінде жарықтандырылуы тиіс.

318. Такси тұрағына бөтен автомобильдерді қоюға рұқсат етілмейді.

11-тарау. Ұйымдастырылған балалар топтарын тасымалдау

Ескерту: 11-тарау жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

$ 1. Жалпы ережелер

      319. Осы тараудың ережелері оқу, демалу, туристік-экскурсиялық іс-шаралар, спорттық, мәдени-ағартушылық және басқа да іс-шаралар орындарына балаларды жеткізу үшін (бұдан әрі – балаларды тасымалдау) бөлінген автобустармен үлкендерсіз (осы Ереженің талаптарына сәйкес тағайындалған еріп жүретін тұлғалардан басқасы) сегіз және одан артық балалардың топтарын арнайы тасымалдауды ұйымдастыру мен жүзеге асыруды регламенттейді.
      320. Балаларды жаппай тасымалдау көлік лектеріндегі қозғалыспен ұйымдастырылған екі және одан артық автобустардың топтарымен жүзеге асырылатын балаларды тасымалдау болып танылады.
      321. Балаларды тасымалдау осы Ереженің талаптарына сәйкес жабдықталған автобустармен, шағын автобустармен және әрбір балаға отыратын жеке орын беріле отырып жүзеге асырылады.
      322. Балаларды тасымалдау бойынша қызмет көрсетуге тапсырыс беруші (бұдан әрі – тапсырыс беруші) балаларды арнайы тасымалдауды ұйымдастыруға жауапты заңды немесе жеке тұлғалар болуы мүмкін.
      323. Тапсырыс беруші сондай-ақ оларға ұқсас қызмет көрсету мүмкіндігі ұсынылған жағдайда тасымалдаушының функцияларын дербес орындауы мүмкін.
      Бұл жағдайда тапсырыс беруші осы Ереженің тасымалдаушыларға қатысты талаптарын орындайды.
      324. Балалардың ұйымдастырылған топтарын тасымалдауды қамтамасыз ететін тасымалдаушы "Жүргізушілердің еңбегі мен демалысын ұйымдастыру ережесін, автокөлік құралдарын еңбек және демалыс режимін тіркеудің бақылау құрылғыларымен (тахографтармен) жарақтандыру бойынша талаптарды бекіту туралы" Қазақстан Республикасы Көлік және коммуникациялар министрлігінің 2004 жылғы 19 қаңтардағы N 16-І бұйрығымен бекітілген, нормативтік құқықтық актілерін мемлекеттік тіркеу тізілімінде N 2708 нөмірмен тіркелінген талаптарына сәйкес, сондай-ақ мынадай жағдайларды ескере отырып:
      маршруттар бойынша ұзақтығы 12 сағатқа дейін бір жүргізушімен, 12 сағаттан жоғары екі жүргізушімен;
      маршруттар бойынша ұзақтығы 16 сағаттан артық жүргізушілердің және жолаушылардың кем дегенде 8 сағат толыққанды демалу үшін (қонақ үйлерде, кемпингілерде және т.б.) жағдайларды қамтамасыз етуді ескере отырып, жүргізушілердің жұмысын ұйымдастырады.
      325. Автомобиль көлігімен балаларды тасымалдау (экскурсиялық және туристіктен басқа) жолда 4 сағаттан артық болған кезінде және басқа көлік түрімен балаларды жеткізуді ұйымдастыру мүмкін болмаған жағдайда ғана жүзеге асырылады.
      326. Тапсырыс берушінің талабы бойынша қала маңындағы аймаққа немесе қалааралық қатынаста балалардың бір жолғы тасымалдауын жүзеге асыратын тасымалдаушы техникалық жай-күйін кезектен тыс тексеру үшін жол полициясы бөлімшелеріне автобусты жол жүру қарсаңында көрсетеді.
      327. Мектепке дейінгі жастағы балаларды жолда 4 сағаттан артық болған кезінде автомобиль көлігімен тасымалдау ұсынылмайды.
      328. Балаларды жаппай тасымалдауды және балаларды алыс қашықтықтарға тасымалдауды тасымалдаушы, балаларды оқытушылар немесе арнайы тағайындалған ересек адамдар (ең көбі 15 балаға бір ересек адам) алып барған жағдайда ғана орындауы мүмкін.
      329. Балалардың ұйымдастырылған топтарын тасымалдауларына жеті жастан кіші емес балалар рұқсат етіледі.
      Жеті жасқа толмаған балалар білім беру мекемесі жұмысшыларының, сондай-ақ ата-анасымен және Қазақстан Республикасының заңнамасына сәйкес оларды ауыстыратын тұлғалармен жеке алып жүруі кезінде ғана жол жүруге рұқсат етілуі мүмкін.
      330. Балаларды жаппай тасымалдау кезінде тасымалдаушы Жол полициясы органдарын, маршруттағы қозғалысты қадағалауды күшейту және екі және одан артық автобустардың лектеріне жол полициясының арнайы автокөлік құралдарының еріп жүруі туралы мәселені шешу бойынша шаралар қабылдау үшін хабардар етеді.
      331. Автобустарда жол жүруге мынадай балаларға және ересек еріп жүрушілерге рұқсат етілмейді:
      1) қауіпсіздік шараларын бұзуға әкеп соғатын, толқыған жай-күйінде;
      2) алкоголь, есірткі, психотропты және улағыш заттардың әсері болғанда.

$ 2. Балалардың тасымалдауына тапсырыс берушінің әрекеті

      332. Автобустармен балаларды тасымалдауды балаларды тасымалдау бойынша қызмет көрсетуге тапсырыс берушінің жазбаша өтінімдері негізінде тасымалдаушылар жүзеге асырады.
      333. Өтінімде балаларды тасымалдау күні (күндері), уақыты, олардың саны мен жасы, жол жүру маршруты (бастапқы, соңғы және аралық пунктілер), отырғызу және түсіру орындары, тегі, аты, әкесінің аты және балалардың тасымалдауын ұйымдастыруға жауаптының лауазымы және әрбір автобус бойынша еріп жүретін ересек көрсетіледі.
      Тапсырыс беруші меншікті көлігін тапсырылған автобустарға қосымша бөлу жағдайында тасымалдауға арналған көлік бірлігінің бөлінетін саны көрсетіледі.
      Өтінімге тапсырыс беруші ұйымның бастығы немесе оның орынбасары қол қояды.
      334. Тапсырыс беруші тасымалдауды орындау алдында бұйрықпен балалардың тасымалдарын ұйымдастыру туралы шешімді ресімдейді, онда лауазымды тұлғалардың, топтар бастықтарының, бірге еріп жүрушілердің міндеттері, маршруты, мезгілдері, дайындау және жол жүруді өткізу тәртібі, балалардың қауіпсіздігін қамтамасыз ету жөніндегі іс-шаралар регламенттелінеді.
      335. Балаларды жаппай тасымалдауды жүзеге асыруға арналған өтінімдер тасымалдаудың басталуына дейін 3 тәуліктен кешіктірілмей беріледі.
      336. Балаларды жаппай тасымалдауды орындау алдында тапсырыс беруші 3 тәуліктен кешіктірмей тасымалдаудың бастапқы белгіленген мерзіміне дейін жол полициясының аумақтық бөлімшелеріне жол қозғалысы қауіпсіздігін қамтамасыз етуге және мынадай көрсеткіштерді көрсете отырып, жол полициясының арнайы автомобильдерімен автобустардың еріп жүруі туралы мәселелерді шешу үшін ресми өтінім ұсынады:
      1) даталар және қозғалыс маршруты;
      2) санитарлық заңнаманың талаптарына сәйкес жабдықталған маршруттың бақылау пункттерінен өту уақытын, аялдама және демалу орындарын анықтау енгізілетін жүргізушілердің еңбек және демалыс режимінің талаптарына жауап беретін қозғалыс кестесі;
      3) медициналық көмек көрсету, ауруханалар және басқа пункттердің көрсетілуімен қозғалыс жолының сызбасы;
      4) белгіленген жағдайда медициналық еріп жүруді растау;
      5) автобустың (автобустардың) маркалары және мемлекеттік нөмірлері, білім беру аумақтық органдарымен бекітілген балалардың және оларға еріп жүретін тұлғалардың тізімін қоса бере отырып, балалардың тасымалдарын орындайтын жүргізушілердің аты-жөндері.
      337. Балаларды жаппай тасымалдауды орындау алдында қосымша тапсырыс беруші:
      1) автомобиль көлігімен балаларды тасымалдау кезінде қауіпсіздік шаралары, ауырған және зақымданған кезде алғашқы дәрігерлік көмек көрсету әдістері бойынша арнайы нұсқаулықпен – топтардың және еріп жүрушілердің жетекшілерін дайындауды ұйымдастырады;
      2) мүмкіндік бойынша топтардың және еріп жүрушілердің жетекшілерін ұялы телефонмен қамтамасыз ету шараларын қабылдайды, тапсырыс берушінің әкімшілік өкілдерімен байланыс, жол жүру және жол жүруде туындаған ойда болмаған мәселелерді келісу барысы туралы баяндамалар мерзімдерінің тәртібін белгілейді;
      3) топтардың және еріп жүрушілердің жетекшілерін маршрут жүретін аудандардың "жедел көмек көрсету", құтқару қызметтерінің, жол полициялары және полиция бөлімдерінің телефон нөмірлерімен қамтамасыз етеді және балаларға және олардың қауіпсіздігін қамтамасыз ету үшін көмек көрсету қажет болған жағдайда оларға жүгіну тәртібін анықтау;
      4) балаларды қоса алғанда, барлық жол жүру қатысушыларының ұялы телефондарының нөмірлері тізімін құрайды және осы тізіммен барлық ересек еріп жүрушілерді қамтамасыз етеді;
      5) жол жүруге тілек білдіруші балалардың іріктеуін және олардың ата-аналарынан жазбаша түрде келісімін алуын қамтамасыз етеді;
      6) жол жүруге жіберілгендер санынан денсаулық жағдайы бойынша жақпайтын балаларды табу және алып тастау бойынша балалардың медициналық тексеруін ұйымдастырады;
      7) Қазақстан Республикасы Үкіметінің 1997 жылғы 25 қарашадағы N 1650 қаулысымен бекітілген Қазақстан Республикасы жол қозғалысы ережесінің "4. Жаяу жүргіншілердің міндеттері" және "5. Жолаушылардың міндеттері" деген тарауларын, сондай-ақ қауіпсіздік және автокөлікпен жол жүру кезіндегі ереженің шараларын балаларға оқытуды қамтамасыз ету;
      8) жол жүруге дайындық кезінде балалар және олардың ата-аналары тиісті климаттық және жол киімі жағдайларына, аяқ киіміне, жеке гигиена құралдарына назар аударады;
      9) балалардың тобына созылмалы ауруы бар балалар енгізілген жағдайда ескеріп, жол жүру уақытында дәрігер белгілеген қажетті дәрілердің, дәрілік құралдардың және тану материалдарының қажетті жиынтығымен дәрі қобдишасының әрбір автобуста бар болуын қамтамасыз етеді;
      10) мүдделі тұлғалардың қатысуымен жол жүрудің ұзақтығы үш сағаттан артық кезінде балаларды сынбайтын ыдыстармен және тамақ өнімдерінің жиынтығымен (жолда тамақтық сапаларын кепілді сақтайтын, тамақтық улануды болдырмайтын құрғақ жарналармен) қамтамасыз етуді ұйымдастырады;
      11) ұзақтығы бір күннен артық жол жүру кезінде қоғамдық тамақтану мекемелерінде (асханаларда, кафелерде) ыстық тамақты күн сайын үш мезгіл қабылдауды, сондай-ақ мамандандырылған мекемелерде (қонақ үйлерде, кемпингілерде және т.б.) қонуды қамтамасыз етеді;
      12) қалааралық тасымалдар кезінде маршруттан ауытқуын болдырмайтын және қозғалыс басы 6.00-ден ерте емес және соңғысы немесе қону аялдамасы 22.00-ден кешіктірмей көздейтін тасымалдаушымен бірлесіп тасымалдау кестесін жасайды;
      13) маршрутты немесе қозғалыс графигін өзгерту мүмкіндігін, ал қажет болған жағдайда және метеорологиялық және жолдардың жағдайлары нашарлаған кезде, балалардың тасымалдарын алып тастау үшін егер бұл жағдайлар тасымалдау қауіпсіздігіне қатер туғызатын болса маршрутты қысқартуды көздейді (көз көрерлік, тұман, қар басу, жаңбыр, тайғақ, сондай-ақ дауыл және басқа апат жағдайлары кезінде);
      14) жол жүрудің алдында балаларға маршрутты, аралық және соңғы пункттердің атауын, тамақтану, демалу, түнеу үшін аралық аялдамалардың шамамен алған уақытын хабарлайды, қауіпсіздік шаралары және мінез-құлық ережелері, өздерінің ұялы телефондарының нөмірлері және топтан қалып қойған кезде іс-қимыл тәртібі туралы хабарлайды.

$ 3. Балаларды тасымалдауды жүзеге асыруға автобустарды дайындау

      338. Балаларды тасымалдау үшін бөлінген автобустардың техникалық жай-күйі, техникалық қызмет көрсету өткізудің көлемдері мен мерзімдері, жабдықтары Қазақстан Республикасының заңнамасымен белгіленген талаптарға жауап беруі тиіс.
      339. Балаларды тасымалдауға арналған автобустардың кемінде екі есіктерінің болуы және мыналармен:
      1) автобустың алдында және артында орнатылуы тиіс "Балаларды тасымалдау" деген төрт бұрыш айыратын белгімен;
      2) сары түсті жылтыр шағын маягымен;
      3) әрқайсысының сыйымдылығы кемінде екі литр болатын оңай алынатын өрт сөндіргіштермен (біреуі - жүргізушінің кабинасында, басқасы – автобустың жолаушылар салонында);
      4) екі алғашқы көмек дәрі қобдишаларымен (автомобильді);
      5) екі жылжуға қарсы тіректермен;
      6) авариялық тоқтау белгісімен;
      7) колоннада жол жүргенде – автобустың алдыңғы терезесінде қозғалыс бағытымен оң жағында орнатылатын, автобустың колоннадағы орны көрсетілген ақпараттық кестемен;
      8) санитарлық паспортымен жабдықталған болуы тиіс.
      340. Автобуспен тасымалданатын балалар мен ересектердің жалпы саны осы көлік құралы үшін белгіленген және отыру үшін жабдықталған орындардың санынан аспауы тиіс.
      341. Балаларды тасымалдауды бастамастан бұрын осы талаптарға сәйкес болуын тасымалдаушы пайдаланатын көлік құралдарының техникалық жай-күйі үшін жауапкершілік жүктелген лауазымды тұлға тексеруі тиіс (бас инженер, техникалық бақылау бөлімінің бастығы, өзге де жауапты тұлғалар).
      Соның ішінде, автобустан авариялық шығулардың және оларды қимылға келтіретін құрылғылардың, есіктерді басқару сымдарының, төбедегі желдетпе люктердің қақпақтарын ашу тетіктерінің, салонды желдету және жылыту жүйелерінің, есіктер жұмысының сигнал берулері мен аялдаманы талап ету сигналының, дыбыс сигналының дұрыстығы; орындықтардың, тұтқалардың, ілме басқыштардың, желдеткіштердің жай-күй мен бекітілуі, өрт сөндіргіштердің бар болуы және бекітілуі, дәрігерлік дәрі қобдишасының жинақылығы тексерілуі тиіс.
      Террорлық актілердің алдын алу мақсатында бөтен заттардың бар болуына автобустарды мұқият тексеру жүргізіледі.
      Тексеруді жүзеге асыратын лауазымды тұлға автобустың техникалық жарамдылығы және балаларды тасымалдауға дайындығы жөнінде жолпарақта немесе өзге ресми құжатта белгі қояды.
      342. Балаларды жаппай тасымалдау үшін екі және одан көп автобустар бөлінген жағдайда тексеру жол полициясы қызметкерлерінің қатысуымен жүзеге асырылады.
      Тікелей рейс алдында автобустардың техникалық жай-күйін бақылау және оның нәтижелерін тіркеу белгіленген тәртіппен қатаң сәйкестікте жүзеге асырылады.
      343. Балаларды тасымалдауға бөлінген автобустарда орындықтардың орналасуы жол жүрген кезде оларды алып жүретін ересектерге өздерінің орындарынан балалардың мінез-құлқын бақылауға мүмкіндік беруі тиіс.

$ 4. Балаларды тасымалдауды ұйымдастыру

      344. Егер балалар тасымалы кезінде бірнеше тасымалдаушыға тиесілі автобустар пайдаланылатын болса, онда қозғалыс қауіпсіздігі және көлік құралдарын пайдалану үшін жауапты тұлғалар тасымалдаушылардың тасымалдауды ұйымдастыру мен жүзеге асырудың барлық кезеңдеріндегі өзара іс-қимыл тәртібін белгілейді.
      345. Балалардың топтарын 22.00-ден бастап 06.00 сағатқа дейін автобустармен тасымалдау, сондай-ақ көрінім жеткіліксіз жағдайда (тұман, қар жауған, жаңбыр және басқалар) тыйым салынады. Тәуліктің 22.00 сағатынан бастап 06.00 сағатына дейін теміржол вокзалдарына және әуежайларға және олардан, сондай-ақ жақын арадағы демалыс орнына (қонатын жерге) дейін жолда кідіріп қалған кезде балаларды тасымалдауға рұқсат етіледі.
      Тасымалдау қауіпсіздігіне қатер төндіретін жол және метеорологиялық жағдайлардың қолайсыз өзгеруі кезінде, автобустардың қозғалысын уақытша тоқтату туралы қолданыстағы нормативтік құжаттарда көзделген жағдайда тасымалдаушы рейсті алып тастауға және бұл туралы тапсырыс берушіге дереу хабарлауға тиіс.
      346. Тәуліктің жарық мезгілінде балаларды автобуспен тасымалдау фаралардың жақын қосылған жарығымен жүзеге асырылады.
      347. Оқу орындарына тасымалдауды ұйымдастыру кезінде тасымалдаушы жергілікті атқарушы органдармен және оқу орындарының әкімшілігімен бірлесіп маршруттарды және балаларды отырғызудың және түсірудің ұтымды орындарын белгілейді.
      348. Автобусты күтіп тұрған балаларға арналған алаңшалар, олардың жүріс бөлігіне шығуын болдырмайтындай жеткілікті үлкен болуы тиіс.
      Алаңдарда жайластырылған өту жолдары болуы және жолаушыларды және багажды автомобильмен тұрақты тасымалдау маршруттарының аялдама пункттерінен бөлек орналасуы тиіс.
      Егер балаларды тасымалдау тәуліктің қараңғы мезгілінде жүзеге асырылса, онда алаңшалардың жасанды жарығы болуы тиіс.
      Күзгі-қысқы кезеңде алаңдар қардан, мұздан, кірден тазартылуы тиіс.
      349. Балаларды оқу орындарына тасымалдауға Тапсырыс беруші балаларды отырғызу және түсіру орындарының жай-күйін тұрақты түрде (айына кемінде бір рет) тексереді.
      350. Автобустардың қозғалыс кестесін тасымалдаушы мен тапсырыс беруші келіседі.
      Жол жағдайларының қолайсыз өзгеруі кезінде, басқа жағдайлар кезінде (қозғалысқа шек қою, уақытша кедергілердің көрінуі, бұл жағдайда жүргізуші кестеге сәйкес жылдамдықты жоғарылатпай жүре алмайды), кесте жылдамдықты төмендету жағына (қозғалыс уақыттарының артуына) түзетілген болуы тиіс. Кестенің өзгеруі туралы тасымалдаушы тапсырыс берушіге хабарлауы тиіс, ол балаларды дер кезінде хабарландыру бойынша шаралар қабылдайды.
      351. Балаларды тапсырыспен тасымалдауды ұйымдастыру кезінде елді мекендерді жалғастыратын маршруттар бойынша тасымалдаушы:
      автомобиль жолдарының, балаларды отырғызу және түсіру пункттерінің жағдайын комиссиялық тексеру үшін облыстың жергілікті атқарушы органдарына жүгінеді;
      балалардың тасымалдарын жүзеге асыратын автобустардың өту уақытын көрсете отырып, арнайы аялдау орындарын маршруттарда белгілейді.
      352. Балаларды теміржол өткелдері арқылы өтетін тапсырыспен тасымалдауды ұйымдастыру оларды кешенді тексеруді және қарамағында темір жол өткелдері бар ұйымдардың бастықтарымен маршрут қозғалысын келісуді қамтуы тиіс.
      353. Реттелмеген теміржол өткелдері арқылы балалардың тапсырыстық тасымалдарын ұйымдастыруға рұқсат етілмейді.
      354. Балаларды жаппай тасымалдауды жүзеге асыру кезінде тасымалдаушы тапсырыс берушіден патрульдік автомобильді лектерге ілесіп жүруге бөлу туралы жол полициясы органдарының міндетті белгілеу бар жазбаша өтінімді талап етуге тиіс. Аталған белгісінсіз автобустар тапсырыс берушіге ұсынылмайды. Өз кезегінде тасымалдаушы балаларды жаппай тасымалдауды жүзеге асыру кезінде, сондай-ақ маршруттың қозғалысын бақылауды күшейту бойынша шаралар қолдану үшін жол полициясы органдарын хабардар етеді.
      355. Балаларды жаппай тасымалдауға және алыс жерлерге балаларды тасымалдауға дайындық кезінде тасымалдаушы тапсырыс берушімен бірлесіп балалардың жиналу пунктінде және келу пунктінде автобустардың аялдауы үшін алаңшалардың болуын; отырғызу алаңшаларының болуын тексереді. Отырғызу және түсіру орындары автобус тұрағынан кемінде 30 м қашықтықта орналасуы тиіс.
      356. Балаларды жаппай тасымалдау үшін автобустарды бөлу кезінде тасымалдаушы лектердің үлкенін тағайындауға (үш және одан да көп автобус кезінде – көлік құралдарының қозғалыс қауіпсіздігіне немесе пайдалануға жауапты тұлғалардың санынан, ал екі автобус кезінде – осы автобустардың жүргізушілерінің санынан; үлкені болып тағайындалған жүргізушінің автобустарда кемінде 5 жыл жұмыс өтілі болуы тиіс) тиіс.
      357. Балаларды тасымалдау маршрутының рұқсат етілген ұзақтығы жүргізушінің жұмыс ауысымы ұзақтығының нормативтерін сақтауын, қозғалыстың қауіпсіз жылдамдық режимін сақтауын негізге ала отырып, сондай-ақ тәуліктің күндізгі уақытында балаларды тасымалдауды жүзеге асыру талаптарын ескере отырып белгіленеді.
      358. Автобустың салонында багажды орналастыруға рұқсат етілмейді. Автобуста багаж бөлімдері болмаған кезде багажды тасымалдау жүк немесе басқа қосымша көлік құралдарының көмегімен қамтамасыз етіледі.

$ 5. Балаларды алып жүруге және балалармен сабақ өткізуге жауапты тұлғаны дайындау

      359. Тапсырыс беруші балаларды тасымалдайтын әрбір автобусқа балалармен оларды жеткізу орнына дейін алып жүретін, тапсырыс беруші-ұйым қызметкерлерінің немесе ата-аналарының ішінен жауаптыларды белгілейді (мектепке, өзге білім беру ұйымдарына балаларды тұрақты тасымалдауды жүзеге асырған кезде жауапты ретінде еріп жүрушілер үшін арнайы нұсқама алған жоғары сынып оқушыларын (16 жастан жоғары) белгілеуге жол беріледі).
      360. Бір мекен-жайға екі және одан көп автобустар бөлінген жағдайда тапсырыс беруші әрбір автобусқа еріп жүрушілерден басқа бүкіл балаларды тасымалдауды ұйымдастыруға жауаптыны белгілейді.
      361. Үш және одан көп автобустардан тұратын лектермен балаларды қалааралық тасымалдаған кезде тапсырыс беруші лектермен дәрігерлік қызметкердің еріп жүруін қамтамасыз етеді.
      362. Балаларды алып жүруі үшін тапсырыс беруші белгілеген тұлғалар балаларды автобуспен тасымалдау қауіпсіздігін қамтамасыз ету бойынша арнайы нұсқама алады.
      363. Нұсқаманы жол қозғалысы қауіпсіздігін қамтамасыз етуге немесе тасымалдаушыға тиесілі көлік құралдарын пайдалануға жауапты тұлға жүргізеді.
      Нұсқаманың өткізілуі туралы белгі және нұсқама алған тұлғаның қолы нұсқаманы есепке алу туралы арнайы журналға қойылады. Ілесіп жүрушілер нұсқаманы өтпесе, автобустар тапсырыс берушіге ұсынылмайды.
      364. Нұсқаманы өту кезінде мынадай тәртіп егжей-тегжейлі жазылады:
      1) автобустардың отырғызу орындарына берілуі, балаларды отырғызу және түсіру ережелері;
      2) автобуста қол жүгін орналастыру және багажды тасымалдау;
      3) автобус салонында болғанда, балалардың жиналу, отырғызу және түсіру орындарында өздерін ұстауы;
      4) ілесіп жүрушілердің жүргізушімен өзара іс-қимылы;
      5) салондағы жабдықтарды: желдеткіш люктерді, аялдауды талап ету сигналдарын, желдеткіштерді пайдалану;
      6) автобустың аялдауы кезінде балаларды бақылау.
      365. Нұсқаманы өткізу кезінде төтенше жағдайлармен байланысты мәселелер қосымша көрініс табады (мәжбүрлі аялдау, автобустың сынуы, ЖКО, терроршылардың автобусты басып алуы), соның ішінде:
      1) жолаушыларды эвакуациялау тәртібі;
      2) автобустан апаттық шығуларды пайдалану және құрылғыларды қолдану, оларды іске келтіру тәртібі;
      3) өрт сөндіргіштерді, алғашқы көмек көрсету дәрі қобдишасын пайдалану ережелері.
      366. Балаларды жаппай тасымалдау кезінде тапсырыс беруші ілесіп жүрушілерге алғашқы медициналық көмек көрсету мәселелері бойынша нұсқаманы медициналық қызметкердің жүргізуін қамтамасыз етеді.
      367. Балалардың тұрақты тасымалдарын жүзеге асыру кезінде тапсырыс беруші мынадай мәселелер кіретін, арнайы бағдарлама бойынша балалармен тұрақты сабақтар өткізуді ұйымдастырады:
      1) жиналу орындарында және автобусты күту уақытында қауіпсіздік тәртібінің ережелері туралы;
      2) отырғызу және автобустан түсіру тәртібі туралы;
      3) автобустың қозғалу уақытындағы және аялдауы кезіндегі тәртіп ережелері туралы;
      4) тасымалдау кезінде қауіпті немесе төтенше жағдайлар туындағандағы тәртіп туралы;
      5) зардап шеккендерге алғашқы көмек көрсету тәсілдері туралы (ересек балалармен сабақ өткізу кезінде).
      Сабақты өткізу кезінде жол қозғалысы процесінде және тасымалдау уақытында туындайтын іс жүзіндегі жағдайларды талқылау үшін көрнекті құралдарды пайдалану көзделуі тиіс.

$ 6. Балалардың тасымалдарын жүзеге асыратын жүргізушілерге, олардың еңбектерін ұйымдастыруға қойылатын талаптар. Жүргізушілерді рейске дайындау және рұқсат беру

      368. Балаларды тасымалдау үшін мынадай жүргізушілерге рұқсат етіледі:
      1) жасы жиырма бес жастан кем емес, тиісті санаттағы жүргізуші куәлігі және жүргізушінің бес жылдан кем емес жұмыс өтілі бар;
      2) автобустың жүргізушісі ретіндегі кемінде соңғы үш жыл үздіксіз жұмыс өтілі бар;
      3) соңғы жылдары еңбек тәртібін және қозғалысы ережесін өрескел бұзбаған.
      Балаларды тасымалдауға жіберген ұйымдағы жүргізушінің жұмыс өтілі бір жылдан кем болмауы тиіс.
      Сыйымдылығы 41 орынды автобустармен балаларды тасымалдауға тағайындалған, сондай-ақ қалааралық қатынастағы балаларды басқа да тасымалдаудағы жүргізушілердің автобустардағы жұмыс өтілі кемінде 5 жыл болуы тиіс.
      369. Балаларды тасымалдауды жүзеге асыратын ұйымдарда балаларды тасымалдауға рұқсат етілуі тиіс өзіндік кәсіби сипаттамалары бойынша жүргізушілердің тізімі құрылуы тиіс, көрсетілген тізім жыл сайын жаңартылады және тиісті бұйрықпен бекітіледі.
      370. Тасымалдаушының рейс алдындағы медициналық тексеруді өтпеген жүргізушілердің жол жүруіне рұқсат етуіне тыйым салынады.
      371. Балаларды кез келген тасымалдаумен айналысатын жүргізушілердің жұмыс ауысымының ұзақтығы 12 сағаттан аспауы тиіс.
      Балалар тасымалын жүзеге асыру алдындағы жүргізушінің ауысым арасындағы демалу ұзақтығы демалу алдындағы жұмыс күнінің (ауысым) жұмыс уақытынан кемінде екі есе ұзақтау болуы тиіс.
      Егер қозғалыс режимі жүргізушінің 12 сағаттан асатын жұмыс уақытының ұзақтығын көздесе, рейске екі жүргізуші жіберіледі. Бұл ретте автобус жүргізушінің демалуына арналған ұйықтайтын орынмен жабдықталуы тиіс.
      372. Балаларды тұрақты және маусымдық тасымалдау алдында, сондай-ақ бір реттік тасымалдауды жүзеге асыру алдында жол жүру қауіпсіздігіне немесе көлік құралдарын пайдалануға жауапты лауазымдық тұлғалар (тасымалдау жөніндегі директордың орынбасары, қозғалыс қауіпсіздігі жөніндегі директордың орынбасары, автолектің бастығы, өзге де жауапты тұлғалар), жүргізушілермен маршруттағы қозғалыс және жұмыс тәртібі, шарттары және ерекшеліктері туралы арнайы нұсқама жүргізеді. Тұрақты тасымалдауды жүзеге асыру процесінде, егер оларды бір және сол ғана маршрут бойынша бір және сол жүргізуші жүргізсе (соның ішінде және жалпы қолданыстағы автобустардың қозғалыс кестесіне қосымша бөлінетін арнайы мектеп рейстерін жүзеге асыру кезінде), жол-көлік оқиғаларының болғаны, жол-климаттық жағдайлардың және маршрутта қозғалыс режимдерінің өзгеруі және басқалар туралы ақпарат алған жағдайда, айына бір рет арнайы нұсқама жүргізіледі.
      373. Арнайы нұсқамаға мынадай деректер кіруі тиіс:
      1) осы ұсынымдарға сәйкес балаларды автобустармен тасымалдау тәртібі туралы;
      2) маршруттағы жол жағдайының жай-күйі, қозғалыстың ерекшеліктері және жылдамдық режимдері туралы;
      3) маршруттағы жол-көлік оқиғаларының қауіпті учаскелері және шоғырлану орындары, маршрутта орналасқан қауіптілігі жоғары орындардан жүріп өту тәртібі туралы (теміржол өткелдері, жолөткелдері, көпірлер және т.б.), соның ішінде жүргізушіге берілген маршруттың сұлбасын пайдалана отырып, нақты жағымсыз жол-климаттық жағдайларда қауіпсіздігі жоғары сипатталған қозғалыс учаскелері туралы;
      4) лектің үлкенімен өзара іс-қимыл тәртібі және лектегі қозғалыс тәртібі туралы (жаппай тасымалдау кезінде);
      5) балаларды тасымалдауды орындау кезінде автобус бойынша жүргізушілердің және еріп жүрушілердің өзара әрекеттесуі және жауапкершілік аясын бөлу тәртібі туралы;
      6) туристерге және экскурсанттарға қызмет көрсету ережелері туралы (туристік-экскурсиялық тасымалдау кезінде);
      7) қауіпті жол жағдайлары туындаған кездегі, маршрутта жол-климаттық жағдайлар кенеттен нашарлаған кездегі, автобустың техникалық бұзылуы туындаған кездегі, жолда жүргізушінің және жолаушылардың денсаулық жағдайы нашарлаған кездегі, қылмыстық элементтер автобусты басып алуға әрекет жасаған немесе басып алған кездегі іс-әрекеттер;
      8) ЖКО қаупі немесе туындаған кезінде жүргізушінің іс-әрекеті туралы (соның ішінде автобустан жолаушыларды шұғыл эвакуациялау тәртібі, зардап шеккендерге бірінші көмек көрсету);
      9) желідегі жұмыс кезінде қауіпсіздік техникасы мен өрт қауіпсіздігі ережелерін сақтау және автобуста өрт туындаған кездегі іс-әрекеттер туралы;
      10) жол қозғалыс ережелерін бұзғаны, жолаушылардың өмірі және денсаулығы үшін жүргізушінің жауапкершілігі туралы.
      Арнайы нұсқаманы жүргізгені және нұсқаманы өткен жүргізушінің қолы туралы белгі нұсқаманы есепке алу журналында тіркеледі. Жүргізуші бір жолғы тасымалдауды жүзеге асырған кезде жүргізушінің нұсқаманы өткені туралы белгі арнайы журналдан басқа жол жүру парағында да жасалады.
      374. Балаларды тасымалдау кезінде автобустың жүргізушісіне мыналарға тыйым салынады:
      1) сағатына 60 км артық жылдамдықпен жүруге;
      2) жүру маршрутын өзгертуге;
      3) балалар бар автобус салонында қол жүгі мен балалардың жеке заттарынан басқа кез келген жүкті, багажды немесе мүкәммалды тасымалдауға;
      4) автобуста балалар болған кезінде, соның ішінде балаларды отырғызу және түсіру кезінде автобус салонынан шығуға;
      5) автомобиль легінде жүру кезінде алда жүрген автобусты басып озуға;
      6) автобуспен артқа қарай қозғалысты жүзеге асыруға;
      7) егер ол көлік құралының өздігінен қозғалуын немесе оны жүргізуші жоқ болғанда пайдалануын болдырмау шараларын қолданбаса, өз орнын тастап кетуге немесе көлік құралын қалдыруға.

$ 7. Аялдама және отырғызу орнына автобустарды бер

      375. Жиналу орнына келген бойдан жүргізуші тапсырыс берушінің осы ереженің 338 және 339-тармақтарында көрсетілген тасымалдау шарттарын нақты қамтамасыз етуін тексереді. Егер автобус бойынша еріп жүрушілер жоқ болса немесе еріп жүрушілер мен балалардың нақты саны автобустағы отырғызу орны санынан асып кетсе, балаларды тасымалдау жүзеге асырылмайды.
      376. Бір мекен-жайға екі және одан артық автобустар бөлінген жағдайда лектердің аға жетекшісі автобустардың олардың тұрақтауы үшін бөлінген алаңшада орналасуын қамтамасыз етуге тиіс.
      Автобустардың тұрақтау орындарында және отырғызу (түсіру) орындарында автобустарды беру кезінде балаларды тасымалдауға қатысы жоқ көлік құралдары, сондай-ақ шығарып салушылар (күтіп алушылар) және бөтен тұлғалар болмауы тиіс.
     377. Тұрақтау және отырғызу (түсіру) орындарында тұрған автобустар қол тежегішімен тоқтатылған, ауыстыруы қосылған және қозғалтқышы істемей тұруы тиіс.
      378. Автобустар тұрақтау орындарында тұрған кезде жүргізушілерге олардан алыстап кетуге тыйым салынады.
      379. Балаларды тасымалдауды жүзеге асыратын жүргізушілер балаларды отырғызу (түсіру) және бағыт бойынша қозғалу кезінде автобус бойынша еріп жүрушілердің нұсқауларын орындауға тиіс, егер олар Жол қозғалысы ережелеріне, осы Ереже талаптарына, жол қозғалысы қауіпсіздігінің өзге де талаптарына қайшы келмесе және егер осы нұсқаулар еріп жүрушілердің құзыреті аясына кіретін болса (балалардың тәртібі, олардың денсаулығы және қауіпсіздігі).
      380. Еріп жүрушілер автобусқа отырғызу және одан түсіру, автобус қозғалысы кезінде, аялдау уақытында балалар арасында тиісті тәртіпті қамтамасыз етуге тиіс.
      381. Еріп жүрушілер балаларды автобусқа отырғызуға дейін:
      1) балалардың қауіпсіз орынға жиналуын қамтамасыз етуі тиіс. Жиналу орны отырғызу орнынан 15 метрден аз емес қашықтықта орналасуы;
      2) келген балаларды қолда бар тізім бойынша салыстыруы және іс-жүзінде келген балаларды тізімде белгілеуі;
      3) балалардың қол жүгі мен багажының өлшемі, буып-түйілуі және құрамы автобустарды пайдалану ережелерінің және автобустармен жолаушыларды және жүктерді тасымалдау ережелерінің талаптарына сәйкес келуін тексеруі;
      4) багаждың автобустың багаж бөлігіне немесе балалардың багажын тасымалдауға арналған арнайы көлік құралына тиелуін ұйымдастыруы;
      5) автобусқа отырғызу және автобустан түсіру тәртібі туралы, сондай-ақ автобустың қозғалуы және аялдауы (тоқтауы) уақытындағы тәртіп ережелері туралы, хал-жағдайы нашарлаған жағдайдағы, сапар барысында қауіпті және төтенше жағдай пайда болған кездегі тәртіп ережелері туралы мәселелерді міндетті түрде қоса отырып балаларға нұсқама жүргізуді (бір жолғы және маусымдық тасымалдар кезінде) өткізуі тиіс.
      382. Отырғызу платформасында (аялдамада) балалар бір жерде топпен орналасады және мыналарды болмайды:
      1) топ басшысының, ересек еріп жүрушінің рұқсатынсыз кетуге, жаяу жолдың, жолдың жағасы, отырғызу платформасы бойынша жан-жаққа тарап кетуге;
      2) отырғызу платформасында (аялдамада) тұрған басқа адамдарға кедергі және ыңғайсыздық жасауға;
      3) жүгіруге, бірін-бірі итеруге, қимыл ойындарын, соның ішінде доптармен және басқа да заттармен ойнауға тыйым салынады;
      4) жақындап келе жатқан көлік құралы толық аялдағанға дейін отырғызу платформасының, жаяу жолдың, жолдың жағасының шетіне жақын келуге;
      5) үрленген және басқа жеңіл ойыншықтарды, доптарды және өзге де жеңіл заттарды қолда алып жүруге (ұстауға), қағаз ақшаларды санауға, құжаттарды және желдің әсерінен жолға ұшып кетуі мүмкін және балалардың кенеттен жолдың жүру бөлігіне шығып кетуіне әкеп соқтыруы мүмкін басқа жеңіл заттарды алып шығаруға және қарауға.
      383. Лектердің аға жетекшісі отырғызу алаңшасына автобустардың берілуін ұйымдастырады. Автобустар отырғызу (түсіру) орнына бір-бірлеп беріледі. Автобустың жүргізушісі отырғызу (түсіру) орындарына қозғалысты тек қана осы орыннан жолаушыларды отырғызу (түсіру) аяқталған кезекті автобусты жөнелткеннен кейін ғана бастауы тиіс. Отырғызу (түсіру) орнына келгеннен соң, жүргізуші жол қозғалысы ережесінің 7.3-тармағының талаптарын орындауы тиіс.
      384. Жүргізушіге балаларды отырғызу (түсіру) уақытында автобустың кабинасынан шығуға болмайды.
      385. Балаларды автобусқа отырғызу еріп жүрушінің басшылығымен және жүргізушінің бақылауымен (жаппай тасымалдаған кезде одан басқа тасымалдауды ұйымдастыруға жауаптының байқауымен) автобус толық тоқтағаннан кейін отырғызу алаңында жүргізіледі.
      Көлік құралы жақындаған кезде еріп жүрушілер балалардың оның алдынан жүгіріп шығуына, жүру бөлігінің шетінде топтануына жол бермейді.
      386. Еріп жүрушілер балаларды отырғызу орнына ұйымдасқан тәртіпте (кіші балаларды – екі-екіден сапқа тұрғызып) жеткізеді. Отырғызу автобустың алдыңғы есігі арқылы жүргізіледі.
      Отырғызған кезде жеке заттар баланың бір қолына сыйуы тиіс, басқа қолымен ол баспалдақпен салонға көтерілген кезде тұтқадан ұстауы тиіс.
      387. Отырғызған кезде еріп жүрушілер балалардың:
      1) жолдың жүру бөлігіне шығуына;
      2) итерісуіне, төбелесуіне;
      3) салонға иықтарындағы рюкзактармен және сумкалармен кіруіне (тепе-теңдікті жоғалту, өзге жолаушылардың беттері мен көздерін жарақаттану қаупін болдырмау үшін оларды отырғызудың алдында шешу қажет);
      4) өту жолдары мен шығатын есіктерді жеке заттармен бөгеуге;
      5) жоғарғы сөрелерге ауыр және орнықсыз заттарды қоюға жол бермейді.
      388. Еріп жүруші автобусқа кезекпен кіретін балаларды қолжүгінің қауіпсіз орналасуына көңіл бөле отырып отырғызады.
      389. Қол жүгі автобуста жолаушылардың қауіпсіздігіне қауіп-қатер төндірмейтіндей және жүргізушінің қарау ауқымын шектемейтіндей болып орналастырылуы тиіс.
      Қол жүгі автобустың салонында орналастырылған кезде мынадай талаптар сақталуы тиіс:
      1) егер автобуста сөрелер болса, онда оларда тек жеңіл (салмағы 1 кг аспайтын), сынбайтын, үшкір дөңестері жоқ және ұзындығы 60 см аспайтын бұйымдар мен заттар ғана орналастырылады;
      2) заттар сөрелерде автобустың қозғалысы, күрт бұрылғанда, тежегенде және т.с.с. кезінде олардың құлауын болдырмайтындай етіп орналастырылуы (бекітілуі) тиіс.
      390. Барлық балаларды және қол жүгін автобуста орналастырғаннан кейін еріп жүрушілер осы Ереженің талаптарына сәйкес:
      1) балаларды санап шығуы;
      2) олардың барлығы отыруға арналған орындарда орналасқанын және жеке заттарын қауіпсіздік шараларын сақтай отырып орналастырғандығын тексеруі;
      3) жүргізушіден медициналық дәрі қобдишасының, өрт сөндіргіштің орналасқан жерін және оларды, авариялық люктерді қолдану тәртібі мен оларды ашу әдісін, есіктерді авариялық ашу батырмаларын және оларды пайдалану тәртібін, көлік құралының ерекшеліктерімен анықталатын өзге де қауіпсіздік шараларын нақтылауы, және де балаларға нұсқау беруі;
      4) жүргізушіні отырғызу аяқталғаны туралы хабардар етуі және автобуста оларға арналған орындарды алуы тиіс.
      Еріп жүруші отырғызу (түсіру) аяқталғаны туралы хабар бергеннен және автобус есіктері толық жабылғаннан кейін жүргізушіге отырғызу (түсіру) орнынан автобус қозғалысын бастауға рұқсат етіледі.

$ 8. Автобустардың маршруттағы қозғалыс және аялдау (тұрақтау) тәртібі

      391. Балаларды тәуліктің қараңғы мезгілінде тасымалдаған жағдайда фаралардың жақын немесе алыс жарығымен қоса тұманға қарсы фаралар пайдаланылуы мүмкін.
      392. Лекпен қозғалған кезде автобустар олардың арасында қауіпсіз интервалды сақтай отырып, қатаң белгіленген тәртіпте қозғалуы тиіс (Жол жүру ережесінің 9.10-тармағына сәйкес).
      393. Лектің аға жетекшісі әрбір жүргізушінің Жол жүру ережесінің және осы Ереженің талаптарын сақтай отырып, лектің қозғалуын қамтамасыз етуге тиіс. Балаларды екі автобуспен тасымалдаған кезде лектің аға жетекшісі бірінші автобуста, балаларды үш және одан көп автобустармен тасымалдаған кезде – соңғы автобуста орналасады.
      394. Балаларды тасымалдаған кезде қозғалыс жылдамдығын жүргізуші жол, метеорология және өзге де жағдайларға байланысты таңдайды (Жол жүру ережесінің 10.1-тармағына сәйкес), бұл ретте автобус қозғалысының жылдамдығы барлық жағдайда 60 км/сағ аспауы тиіс.
      Балаларды лекпен тасымалдайтын автобустардың қозғалысы кезінде қозғалыс жылдамдығын лекке еріп жүретін жол полициясының қызметкері таңдайды, бірақ барлық жағдайда ол 40 км/сағ аспауы тиіс.
      Автобусты басқару кезінде жүргізуші күрт тежеуге жол бермей автобус жүрісінің бірқалыптылығына ерекше көңіл бөлуі тиіс.
      Автобустар легінің темір жол өткелінен өту қауіпсіздігін оған еріп жүретін жол полициясы қызметкерлері қамтамасыз етеді.
      395. Балаларды тасымалдаған кезде жүргізушіге:
      1) автобус қозғалысының белгіленген маршрутынан ауытқуға және белгіленген жылдамдық режимдерін бұзуға;
      2) қозғалыс барысында автобусты басқарудан алаңдауға (сөйлесуге, тамақ ішуге, кабинада қатты музыка қосуға);
      3) тасуға тыйым салынған нәрселерді, заттарды және материалдарды автобуста алып жүруге;
      4) топырақ жолдарға шығып кетуге және олармен жүруге (балаларды ауылшаруашылық жұмыстарына және демалыс орындарына, сондай-ақ жолды жөндеу және қайта жаңғырту жұмыстарын жүргізу кезінде тасымалдаған жағдайдан басқа) тыйым салынады.
      396. Автобустың қозғалысы барысында еріп жүрушілер мүмкіндігінше автобустың әрбір есігінің жанында орналасуы тиіс. Егер автобуста бір еріп жүруші болса, ол автобустың алдыңғы есігінің жанында орналасуы тиіс.
      Медицина қызметкерлері және балалар тасымалын ұйымдастыруға жауаптылар (жаппай тасымалдау кезінде) соңғы автобуста орналасуы тиіс.
      397. Сапар кезінде еріп жүрушілер балалардың:
      1) салонда тұруына және жүруіне;
      2) есіктер мен терезелерге жантаюына;
      3) жоғарғы сөрелерге ауыр және орнықсыз заттарды қоюына;
      4) қол жүгін өту жолдарына және кіреберістегі (шыға берістегі) алаңдарда орналастыруына;
      5) терезе ойықтарынан бастарын шығаруына;
      6) терезеден қоқысты және қандай болса да өзге заттарды тастауға;
      7) жазатайым жағдайдың алдын алуға бағытталған жолаушылардың денсаулығы мен өміріне қауіп төндіретін ахуал туралы хабарламалардан басқа жүргізушіні көлік құралын басқарудан алаңдатуына;
      8) жолаушылардың денсаулығы мен өміріне қауіп төндірмейтін жағдайларда авариялық жабдықтарды пайдалануына;
      9) есіктерді ашуына;
      10) төбелесуіне, итерісуіне, қимыл ойындарын ойнауға;
      11) шылым шегуге, сіріңке, оттық жағуға;
      12) спирттік ішімдіктерді ішуіне, есірткі, психотропты және улы заттарды қабылдауына жол бермейді.
      398. Еріп жүрушілер мыналарды қамтамасыз етеді:
      1) барлық оқушылардың қозғалыс, аялдау, тамақтану, түнеу кезінде жеке гигиена ережелерін сақтау;
      2) су ішу режимін сақтау;
      3) әрбір топта дәрігерге дейінгі көмек көрсетуге қажетті дәрігерлік және тану құралдарының жиынтығымен жабдықталған медициналық дәрі қобдишасы болуын;
      4) балалардың хал-жағдайын әрдайым қадағалауын, қажет болған жағдайда ауырғандар мен жарақаттанғандарға дәрігерге дейінгі көмек көрсетуін;
      5) сапардың ұзақтығы бір тәуліктен асқан кезде аялдамаларда мамандандырылған қоғамдық тамақтану мекемелерінде (асханаларда, дәмханаларда және т.б.) балалардың толыққанды үш мезгіл ыстық тағаммен тамақтануын;
      6) түнеу орындарына келген кезде мамандандырылған мекемелерде (қонақ үйлерде, кемпингтерде және т.б.) балаларға берілген орындардың тексерілуін және олардың санитарлық-эпидемиологиялық нормаларға және қауіпсіздік талаптарына сәйкес келуін тексеру;
      7) оқушылардың сегіз сағаттан кем емес күн сайынғы толыққанды түнгі демалуын (ұйықтауын).
      399. Бүкіл маршрут бойы балалар автобусқа алғашқы отырғызу кезінде оларға бөлінген орындарды алуы тиіс. Автобустың қозғалыс барысында және аялдамадан (тұрақтан) кейін еріп жүрушінің рұқсатынсыз орыннан орынға отырғызуға тыйым салынады.
      400. Автобус салонындағы терезелер (желдеткіштер) жабық болуы тиіс. Салонды желдету қажет болған жағдайда және тек еріп жүрушінің рұқсатымен ғана төбедегі желдету люктері ашылады.
      401. Қалааралық және қала маңы балалар тасымалдарын (соның ішінде туристік-экскурсиялық) жүзеге асыратын автобустардың графигінде (кестесінде) әрбір 1,5-2 сағат жүрген сайын ұзақтығы 10 минут және әрбір 4 сағат жүрген сайын ұзақтығы 30 минут тұрақтаулар көзделуі тиіс (соңғысын жүргізушінің түскі асымен сәйкес келтіруге рұқсат беріледі).
      402. Тасымалданатын балалардың қалыпты жағдайы мен денсаулығын қамтамасыз етуге байланысты қажеттілік болған кезде автобустың жүргізушісі еріп жүрушінің нұсқауымен жол жүру барысында жоспарланбаған аялдамалар жасауға тиіс.
      Аялдама және тұрақ орындарын таңдағанда жүргізуші Жол жүру ережесінің 12.1-12.7-тармақтарының талаптарын басшылыққа алуы тиіс. Автобустың аялдауы (тұрақтауы) кезінде балаларды отырғызу және түсіру орындары, мүмкіндігінше, қарқынды қозғалысы бар жол учаскелерінде орналаспауы тиіс. Аталған талапты орындау мүмкін болмаған жағдайда балаларды автобусқа отырғызу және одан түсіру кезінде авариялық сигнал беру іске қосылуы тиіс.
      Тәуліктің қараңғы мезгілінде, сондай-ақ жеткіліксіз көру жағдайында аялдама (тұрақтау) жасаған кезде Жол жүру ережесінің 19.3-тармағына сәйкес сыртқы жарық құралдарын пайдаланған жөн.
      403. Еріп жүрушілер қауіпсіздік шараларын сақтау қажеттігі, топтың артында қалып қоюына жол берілмейтіндігі және егер бала қалып қойған жағдайда іс-қимыл тәртібі туралы балаларға ескерте отырып, әрбір аялдаманың алдында тұрақтау уақытын хабарлайды.
      404. Тұрақтау (аялдау) кезінде балаларды автобустан шығару алдыңғы есіктер арқылы жүзеге асырылады. Автобустан бірінші болып еріп жүрушілер шығады. Тұрақтау (аялдау) кезінде еріп жүрушілер: біреуі – автобустың алдыңғы бөлігінде, екіншісі – автобустың артында тұруы және балалардың түсуін және содан кейін балалардың жолдың жүру бөлігіне жүгіріп шықпауын бақылау қажет.
      Балалар автобусқа оралғаннан кейін еріп жүрушілер балалардың өз орындарында орналасқандығына көз жеткізеді, содан кейін ғана жүргізушіге сапарды жалғастыру мүмкіндігі туралы хабарлауы тиіс.
      405. Маршрут бойынша автобустың қозғалысы мына жағдайларда тоқтатылуы тиіс:
      1) автобуста Жол жүру ережесіне сәйкес қозғалыс немесе оларды пайдалану тыйым салынған техникалық ақаулар пайда болғанда;
      2) жол-метеорологиялық жағдайлар өзгергенде және қолданыстағы нормативтік құжаттарға сәйкес автобустар қозғалысына тыйым салынған тасымалдаудың қауіпсіздігіне қауіп төндіретін өзге де жағдайларда (көк тайғақ, тұман, жолдардың бұзылуы, жүретін жолдың маңында авариялар болу және т.б.);
      3) жол жүргенде бала жарақат алғанда, кенеттен ауырғанда, қан кеткенде, талғанда және т.б.;
      4) жүргізушінің хал-жағдайы нашарлағанда.
      406. Техникалық ақауға байланысты автобусты мәжбүрлі тоқтатқан кезде жүргізуші:
      өзге көлік құралдарына кедергі жасамайтындай етіп автобусты тоқтатуға, авариялық сигнал беруді қосуға және елді мекенде автобустан 15 метрден және елді мекеннің сыртында – 30 метрден кем емес қашықтықта автобустың артында авариялық аялдау белгісін қоюға;
      осы Ереженің барлық талаптарын сақтай отырып, қозғалысты одан әрі жалғастыруға мүмкіндігі туғанға дейін балаларды автобустан шығаруға, еріп жүрушілердің бақылауында оларды қауіпсіз жерге апаруға тиіс.
      407. Бала құсқан кезде еріп жүруші жүргізушіге автобусты тоқтату жөнінде белгі беру, мүмкіндігінше себебін анықтап (тербелу немесе тамақтан улану), алғашқы дәрігерге дейінгі көмек көрсету қажет. Тамақтан уланғанда – асқазанды шаю, тербелгенде – жалбыз қосқан таблетка беру, салонның алдыңғы бөлігіндегі орындыққа отырғызу, құсықты жинау үшін полиэтилен пакетпен қамтамасыз ету қажет. Егер баланың хал-жағдайы жақсармаса, науқасқа дәрігерлік көмек көрсету үшін дәрігерлік мекеме бар ең жақын аялдама пунктіне жеткізу керек.
      408. Жол жүргенде бала жарақат алғанда, кенеттен ауырғанда, қан кеткенде, талғанда және т.б. жағдайда автобустың жүргізісуші, топ жетекшісі және еріп жүрушілер балаға білікті дәрігерлік көмек көрсету үшін оны жақын орналасқан дәрігерлік пунктіге (мекемеге, ауруханаға) дереу жеткізу шараларын қабылдау қажет.
      409. Жолда қозғалысты мәжбүрлі тоқтатудың барлық жағдайларында тасымалдаушыға қозғалысты мәжбүрлі тоқтату туралы ақпарат беріледі, ол тасымалдауды онан әрі жүзеге асыру бойынша оған байланысты барлық шаралар қабылдауға (автобусты ауыстыру немесе жөндеу, жүргізушіні ауыстыру), ал жол-метеорологиялық жағдайлар бойынша қозғалысты тоқтатқан жағдайда – жолаушылар үшін күтудің қолайлы және қауіпсіз жағдайларын қамтамасыз етуге тиіс.
      410. Жол-көлік оқиғасы болған жағдайда жүргізуші және еріп жүрушілер көлік құралынан балаларды олардың жеке заттарын шығармай жедел эвакуациялау қажет.
      411. Көлік құралында өрт пайда болған жағдайда еріп жүрушілер:
      1) өрт жөнінде жүргізушіге белгі беруге;
      2) көлік құралы тоқтағанға дейін балаларды өрт көзінен мүмкіндігінше алысырақ апаруға және оны салонда бар өрт сөндіргішпен және қол астындағы заттармен сөндіруге кірісуге;
      3) тоқтағаннан кейін балаларды және барлық жолаушыларды көлік құралы жарылған кезде жарақаттарды болғызбайтын қауіпсіз қашықтыққа жеке заттарсыз жедел шығаруға тиіс.
      412. Жол-көлік оқиғасы және өрт кезінде балаларды көлік құралынан эвакуациялағаннан кейін еріп жүрушілер және жүргізуші:
      1) зардап шеккендерге алғашқы дәрігерлік көмек көрсетуге және оларды жақын орналасқан дәрігерлік мекемеге жеткізуге;
      2) жол-көлік оқиғасы немесе өрт орнына жол полициясы және егер қажет болса "жедел көмек" қызметкерлерін, құтқарушыларды, өртке қарсы қызметтің мамандарын шақыру шараларын қабылдауға;
      3) зардап шекпеген баларды олардың қауіпсіздігіне қауіп төнбейтін орынға жинап, оларды тыныштандыруға, қажет болған жағдайда денсаулығы әлсіреген, жүрек-тамыр және асқынуы стреске әкеп соғуы мүмкін өзге де аурулары бар балалардың дәрігер белгіленген дәрілерді қабылдауын қамтамасыз етуге;
      4) өртті сөндіруді аяқтағаннан кейін, сондай-ақ жол-көлік оқиғасы орнында қауіп болмаған кезде жол полициясы қызметкерлерінің келісімі бойынша топ жетекшілерінің және ересек еріп жүрушілердің күшімен мүмкіндігінше балаларды тартпай жеке заттарды жинап, оларды балаларға беруге;
      5) балаларды онан әрі тасымалдау мүмкіндіктерін және маршрутын анықтауға;
      6) қажет болғанда орынға келіп жеткен жол полициясының қызметкерлеріне балаларды тасымалдауды ұйымдастыруға көмек көрсету туралы өтініш жасауға;
      7) телефон арқылы оқиға және балалардың хал-жағдайы туралы тапсырыс берушінің әкімшілігіне хабарлауға, оның көмегімен медициналық мекемелерге жіберілген балалардың заңды өкілдеріне олардың орналасқан жері және хал-жағдайы туралы, сондай-ақ зардап шекпеген балалардың заңды өкілдеріне олардың орналасқан жері және топтың онан әрі жүру маршруты туралы жедел хабарлауын қамтамасыз етуге тиіс.

$ 9. Маршруттың соңғы пунктіне келу және балаларды түсіру

      413. Маршруттың соңғы пунктіне келгенде автобустар тұрақтау үшін бөлінген орындарға қойылады, ол жерден түсіру орнына бір-бірден келеді.
      414. Түсірген кезде еріп жүрушілер балалардың:
      1) есікке қарай қозғалғанда төбелесуіне, итерісуіне;
      2) баспалдақтардан секіруіне;
      3) көлік құралын жолдың жүргінші бөлігінен айналып өтуіне, оған шығуына;
      4) жүргінші бөліктің маңында қимыл ойындар ойнауына жол бермейді.
      Автобустан шыққанда әрбір бала жеке заттарын (сөмкелерін, пакеттерін және т.б.) бір қолымен көтеріп, ал екінші қолымен баспалдақтардан түскенде тұтқадан ұстауы тиіс. Тепе-теңдікті жоғалтпау және өзге жолаушыларды жарақаттандырмау үшін иықпен көтеріп жүретін рюкзактар мен сөмкелерді оқушылар иықтан шешіп, қолдарына алулары тиіс.
      415. Түсіргеннен кейін еріп жүрушілер:
      1) жеткізу орнына келген балаларды санап шығуға;
      2) ұйымдасқан түрде оларды түсіру орнынан және автобустардың тұрақтау алаңшаларынан еріп жүру;
      3) түсіру орнынан жаяу жүрген кезде олардың Жол жүру ережесімен жаяу жүргіншілерге қойылатын талаптардың сақталуын қамтамасыз етуі тиіс.
      416. Балалардың қалааралық және қала маңы тасымалдарын орындаған кезде автобустың жүргізушісі (немесе лектің аға жетекшісі) маршруттың соңғы пунктіне келген бойдан ол туралы тасымалдаушыға хабарлауға тиіс.
      Маршруттың соңғы пунктіне келу үшін жүру графигі белгілеген уақыттан кейін бір сағат ішінде мұндай хабарлама болмаған жағдайда тасымалдаушы автобустың (автобустардың) орналасқан жерін анықтау бойынша шаралар қабылдауға тиіс.
      417. Жол қозғалысын ұйымдастыру бойынша, автомобиль жолдарының, көшелердің, темір жол өткелдерінің, паромдық өткелдердің, олардың жайластыру жөнінде жол қозғалысының қауіпсіздігіне қауіп төндіретін қандайда бір ескертулер (кемшіліктер) болған кезде жүргізуші тасымалдаушының диспетчеріне хабарлауға тиіс.

$ 10. Балаларды маршруттық көлікпен тасымалдау

      418. Маршруттық автокөлікпен ұйымдастырылған балалар топтарының сапары кезінде жоғарыда атап көрсетілген қауіпсіздік шараларымен қатар еріп жүрушілер бірқатар қосымша талаптардың сақталуын қамтамасыз етуге тиіс:
      1) адамдарды тасымалдауға арналған тек арнайы маршруттық автобустарды, троллейбустарды, микроавтобустарды (маршруттық таксилерді) пайдаланады, адамдарды тасымалдауға рұқсат қағаздарды жоқ маршруттыққа кірмейтін жолай немесе жүргізушілері мұндай тасымалдарға рұқсат алмаған көлік құралдарын пайдаланбау;
      2) сапардың алдында балаларға оның маршрутын хабарлау, топ жүретін көлік құралдары маршруттарының нөмірлерін, егер жүру кезінде қайта отырғызу жоспарланған болса аялдамалардың (автобус станцияларының) және соңғы пунктінің атауларын көрсету;
      3) балалармен ұялы телефондарының нөмірлерімен алмасу және негізгі топтан қалып қойған оқушылардың іс-қимыл тәртібін белгілеу;
      4) Жол жүру ережесімен белгіленген жаяу жүргіншілер мен жолаушылардың міндеттері, аялдамаларда (автобус станцияларында) автокөлік құралдарын күту, отырғызу, өту және түсіру кезінде қауіпсіздік шаралары туралы ескерту;
      5) маршруттық автокөлікке отырғызу алдында балалар одан түсетін жолаушыларға кедергі жасамауын қамтамасыз ету;
      6) маршруттық көлік құралына отырғызу кезінде балалардың салонда қауіпсіз орналасуын, олардың қауіпсіздік шаралары мен тәртіп ережелерін сақтауын қамтамасыз ету;
      7) қалааралық маршруттық автобусқа багажы бар балаларды отырғызу алдында салонды бөгеуі мүмкін ортақ және жеке ірі көлемді, басқа да заттарды багаж бөлімшесіне өткізуді ұйымдастырады;
      8) балалар салоннан шыға алатын, сондай-ақ топты түсіру қажет аялдамаларға (автобус станцияларына) жақындағаны жөнінде балаларға алдын ала ескерту;
      9) балалар салоннан шыққан аялдамалардан кейін, сондай-ақ қайта отырғызу үшін автокөлік құралынан шыққаннан кейін балалардың ешқайсысы қалып қоймағанына көз жеткізе отырып, топтың құрамын тексеру.

12-тарау. Қорытынды ережелер

Ескерту: 12-тарау жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

$ 1. Осы Ереженің сақталуын бақылау

419. Осы Ереженің сақталуын мемлекеттік бақылау Қазақстан Республикасының заңнамасына сәйкес жүзеге асырылады.

Ескерту: 1-қосымша жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

Жол жүру құжаттарының (билеттерінің) және
багаж түбіртектерінің нысандары

1. Қалалық қатынаста жол жүруге арналған жол жүру құжаттарының (билеттерінің) нысаны:
1) Жолаушылар жол жүруге арналған бір реттік бақылау билеті билеттің жазулары көк түспен жазылады:

___________ қаласы Сериясы ______
N 0000000
Ұзақ пайдаланылатын жол жүру билеті
_______________ жарамды
0000 теңге
_________________ негізінде
_______________ берілді

2. Қала маңындағы қатынаста жолаушылар жол жүруге арналған жол жүру құжаттарының (билеттерінің) нысаны:
1) жолаушылар жол жүруге арналған билет - ашық түсті ұсақ торкөзді арнайы билет қағазында қара түсті жазулармен ресімделеді (көлемін және торкөз түсін автовокзалдар мен автостанциялар белгілейді):

                          кемінде 45 мм
                  ----------------------------
                 |          Автобус           |
                 |Қала маңындағы қатынаста    |
                 |жолаушылар жол жүруге       |
                 |арналған билет              |
                 |   Сериясы ____ N 0000000   |
                 |сапар күні ____________     |
                 |сапар уақыты ____________   | кемінде 40 мм
                 |                            |
                 |жөнелту пункті ____________ |
                 |бару пункті ____________    |
                 |Жол жүру құны 00,00 теңге   |
                  ----------------------------
      2) кондуктор (жүргізуші) маршруттың аралық пунктінде отырғызу кезінде беретін тарифтер сеткасына сәйкес сомаға қосымша түбіршектері бар жолаушылар жол жүруге арналған билет - билеттің жазулары қара түспен жазылады:

Билет Түбіршегі Толық балалар (қажет емесі сызылып тасталсын) сапар күні _______ жөнелту уақыты ___ сағ.____мин. ____________ -дан ___________ дейін Рейс нөмірі ______ Орын нөмірі ______ Жол жүру құны_____ теңге Сериясы __________ N 0000000 Билеттің берілген күні _____________	9	8	7	6	5	4	3	2	1
	90	80	70	60	50	40	30	20	10
	900	800	700	600	500	400	300	200	100
	9000	8000	7000	6000	5000	4000	3000	2000	1000

Жалғасы

Қалааралық қатынаста жолаушылар
жол жүруге арналған билет
Толық
балалар (қажет емесі сызылып тасталсын)

сапар күні ___________________
жөнелту уақыты ___сағ. ___мин.
__________ -дан
_________ дейін

Рейс нөмірі ________________
Орын нөмірі ________________
Жол жүру құны _________теңге

Сериясы ____ N 0000000

Билеттің берілген күні ________

А
В
Т
О
Б
У
С

Жол жүру құнын кондуктор (жүргізуші) жолаушы үшін тарифтер сеткасына сәйкес сомаға кеседі.
3) қала маңындағы, қалааралық облысішілік, қалааралық облысаралық және халықаралық қатынастардағы багаж түбіртектерінің нысаны - ашық түсті ұсақ торкөзді арнайы билет қағазында қара түсті жазулармен ресімделеді (көлемін және торкөз түсін автовокзалдар мен автостанциялар белгілейді):

                                     Қазақстан Республикасы Көлік
                                   және коммуникациялар министрінің
                                         міндетін атқарушының
                                       2004 жылғы 10 мамырдағы
                                    N 113-І бұйрығымен бекітілген
                                      Жолаушыларды және багажды
                                         автомобиль көлігімен
                                         тасымалдау ережесіне
                                              2-қосымша

Борт журналы

Автокөлік құралының
тіркеу N _________________

Жолаушы орындарының саны ______

Тасымалдаушының аты және тегі
немесе тасымалдаушының атауы

___________________________________________________________________
Кү.|Жүр.|Мар. |Жүру маршруты |    Жүргізушінің рейс алдын.|Маршрут
ні |гі. |шрут |АКҚ рейс ал.   |дағы (ауысым алдындағы) ме. |бойынша
   |зу. |бо. |дындағы (ауы. |дициналық тексеруден өтуі   |қоз.
   |ші. |йынша|сым алдындағы) |----------------------------|ғалыс
   |лер |жол |техникалық     |Медициналық   |Жүргізушінің |жағ.
   |    |пара.|тексеруден өтуі|тексеруді кім |шығуына рұқ. |дайлары
   |    |ғының|---------------|және қайда    |сат бердім   |
   |    |не. |Техни.|АКҚ шығ.|жүргізді      |(медициналық |
   |    |месе |калық |уына    |              |қызметкердің |
   |    |қыз. |тексе.|рұқсат |              |    қолы)    |
   |    |мет |руді |бердім |              |             |
   |    |көр. |кім   |(меха. |              |             |
   |    |сету |және |никтің |              |             |
   |    |шар. |қайда |қолы)   |              |             |
   |    |тының|жүр. |        |              |             |
   |    | N-і |гізді |        |              |             |
___________________________________________________________________
___________________________________________________________________
___________________________________________________________________

N _______ Жол қағазы

20___ жылғы _____________ айына

      Жүргізуші _____________________
                _____________________
                _____________________

___________________________________________________________________
Кү.|АКҚ |Шығу|АКҚ рейс ал. |Мар.|Авто.| Шығу   |Қай.| Қайту |Ав.
ні |мар.|ке. |дындағы (ауы. |шрут|бусты| уақыты |тқан|уақыты |то.
   |касы|зін.|сым алдындағы)|бо. |қа. |---------|кез.|-------|бус.
   |және|дегі|тех. тексеру. |йын.|был. |Нақ.|Кес.|дегі|На.|Ке.|ты
   |тір.|спи.|ден және жүр. |ша |дадым|ты |те |спи.|қты|сте|тап.
   |кеу |до. |гізушінің мед.|қоз.|(жүр.|    |бо. |до. |   |бо.|сыр.
   |нө. |мет.|тексеруден    |ға. |гізу.|    |йын.|мет.|   |йы.|дым
   |мірі|рдің|өткені туралы |лыс |шінің|    |ша |рдің|   |нша|(жүр.
   |    |көр.|   белгілер   |жағ.|қолы)|    |    |көр.|   |   |гі.
   |    |се. |--------------|дай.|     |    |    |се. |   |   |зу.
   |    |туі |Жүргі.|АКҚ шы.|лары|     |    |    |туі |   |   |ші.
   |    |    |зуші. |ғуына |    |     |    |    |    |   |   |нің
   |    |    |нің   |рұқсат |    |     |    |    |    |   |   |қо.
   |    |    |шығ. |бердім |    |     |    |    |    |   |   |лы)
   |    |    |уына |(меха. |    |     |    |    |    |   |   |
   |    |    |рұқсат|никтің |    |     |    |    |    |   |   |
   |    |    |бердім| қолы) |    |     |    |    |    |   |   |
   |    |    |(мед. |       |    |     |    |    |    |   |   |
   |    |    |қыз. |       |    |     |    |    |    |   |   |
   |    |    |мет. |       |    |     |    |    |    |   |   |
   |    |    |кердің|       |    |     |    |    |    |   |   |
   |    |    |қолы) |       |    |     |    |    |    |   |   |
___________________________________________________________________

                                         Жолаушыларды және багажды
                                            автомобиль көлігімен
                                            тасымалдау ережесіне
                                                  4-қосымша

Ескерту: 4-қосымша жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

1. Жолаушылардың және багаждың қала маңындағы, қалааралық
     облысішілік және елді мекендерді: кенттерді, ауылдарды
(селоларды) аудан немесе облыс орталықтарымен, республикалық
     маңызы бар қалалармен (астанамен) жалғастыратын тұрақты
    автомобиль тасымалдарының маршруттарына қызмет көрсетуге
           конкурстық ұсыныстарды бағалау шкаласы

Р/с N	Көрсеткіш	Баллдар саны
Р/с N	Көрсеткіш	Ұсынылған автобустардың үлесі 30%-дан аз	Ұсынылған автобустардың үлесі 30%-дан 60%-ға дейін	Ұсынылған автобустардың үлесі 60%-дан артық
1.*	Автобустарды, шағын автобустарды пайдалану мерзімі 5 жылға дейін 5-тен 9 жылға дейін 9-дан 12 жылға дейін 12 жылдан артық	+4 +3 +2 +1	+8 +4 +3 +0	+10 +5 +3 +0
1.*	Пайдалану мерзімі 3 жылға дейінгі автобустар, шағын автобустар болғанда (қосымша)	+0,2 (әрбір автобус үшін)
2.	Тасымалдаушының жолаушы тасымалдары саласындағы жұмыс тәжірибесі 3 жылға дейін 3-тен 8 жылға дейін 8 жылдан артық	+1 +3 +4
3.	Өндірістік-техникалық базаның болуы	меншікті	жалға алынған	шарт негізінде қызмет көрсету
	Өндірістік корпус - ТҚ кешені (аймақ, учаске) - ТЖ кешені: - посттар - өндірістік учаскелер және цехтар	+2 +2 +2	+1 +1 +1	+0,5 +0,5 +0,5
	Қоймалық үй-жайлар	+1	+0,5	+0,2
	Автотұрақ, соның ішінде: - ашық; - жабық	+1 +2	+0,7 +1	+0,3 +0,5
	Жинау-жуу кешені: - қолмен жуу алаңшасы (посты); - механикаландырылған жууға арналған ғимарат (үй-жай)	+0,7 +1	+0,5 +0,7	+0,2 +0,5
	Бақылау-техникалық пункті	+0,5	+0,3	+0,2
	Әкімшілік ғимараты (үй-жайы) - соның ішінде медпункт үй-жайы	+0,3 +0,5	+0,1 +0,3	0 +0,2
	Тұрмыстық корпустар және жұмыс істеушілерге қызмет көрсетуге арналған үй-жайлар	+0,3	+0,1	0
4.	Автобустарды, шағын автобустарды ауыстыру бойынша шаралардың жүйесі - резервтік жылжымалы құрам жоқ, ауыстыру жүргізілмейді; -резервтік жылжымалы құрам бар ауыстыру жүргізіледі	-2 +2
5.**	Жолаушылар тасымалы шарттарын жақсартатын қосымша ұсыныстар: - жол үстінде видео түсірілу мүмкіндігі; - кресло-арбашаларды пайдаланатын мүгедектерді тасымалдау үшін бейімделген жылжымалы құрамның болуы	+0,5 +0,05 әрбір автобус үшін

     * Әрбір автобус (резервтің есебінсіз) пайдалану мерзімі бойынша бағаланады, баллдар автобустардың санына соммаланады және бөлінеді, яғни орташа балл шығарылады.
      ** Комиссияның қарауына "Жолаушылар тасымалы шарттарын жақсартатын қосымша ұсыныстар" деген 5-бағанға 0,3 баллға дейінгі бағалаумен қосымша өлшемдер енгізілуі мүмкін немесе тасымалдаушылардың жол үстіндегі сервистік қызметтер бойынша қосымша ұсыныстары қосымша 0,1 балл бойынша бағалаумен ескерілуі мүмкін.
      2. Жолаушылардың және багаждың қалалық тұрақты автомобиль тасымалдарының маршруттарына қызмет көрсетуге конкурстық ұсыныстарды бағалау шкаласы

Р/с N	Көрсеткіш	Баллдар саны
Р/с N	Көрсеткіш	Ұсынылған автобустардың үлесі 30%-дан аз	Ұсынылған автобустардың үлесі 30%-дан 60%-ға дейін	Ұсынылған автобустардың үлесі 60%-дан артық
1.*	Автобустарды, шағын автобустарды пайдалану мерзімі: 5 жылға дейін 5-тен 9 жылға дейін 9-дан 12 жылға дейін 12 жылдан артық	+4 +3 +2 +1	+8 +4 +3 +0	+10 +5 +3 +0
1.*	Пайдалану мерзімі 3 жылға дейінгі автобустар, шағын автобустар болғанда (қосымша)	+0,2 (әрбір автобус үшін)
2.	Тасымалдаушының жолаушы тасымалдары саласындағы жұмыс тәжірибесі: 3 жылға дейін 3-тен 8 жылға дейін 8 жылдан артық	+1 +3 +4
3.	Өндірістік-техникалық базаның болуы	меншікті	жалға алынған	шарт негізінде қызмет көрсету
	Өндірістік корпус - ТҚ кешені (аймақ, учаске); - ТЖ кешені: - посттар - өндірістік учаскелер және цехтар	+2 +2 +2	+1 +1 +1	+0,5 +0,5 +0,5
	Қоймалық үй-жайлар	+1	+0,5	+0,2
	Автотұрақ, соның ішінде: - ашық; - жабық	+1 +2	+0,7 +1	+0,3 +0,5
	Жинау-жуу кешені - қолмен жуу алаңшасы (посты); - механикаландырылған жууға арналған ғимарат (үй-жай)	+0,7 +1	+0,5 +0,7	+0,2 +0,5
	Бақылау-техникалық пункті	+0,5	+0,3	+0,2
	Әкімшілік ғимараты (үй-жайы) - соның ішінде медпункт үй-жайы	+0,3 +0,5	+0,1 +0,3	0 +0,2
	Тұрмыстық корпустар және жұмыс істеушілерге қызмет көрсетуге арналған үй-жайлар	+0,3	+0,1	0
4.	Автобустарды, шағын автобустарды ауыстыру бойынша шаралардың жүйесі: - резервтік жылжымалы құрам жоқ, ауыстыру жүргізілмейді; -резервтік жылжымалы құрам бар ауыстыру жүргізіледі	-2 +2
5.**	Жолаушылар тасымалы шарттарын жақсартатын қосымша ұсыныстар: - жол үстінде видео түсірілу мүмкіндігі; - кресло-арбашаларды пайдаланатын мүгедектерді тасымалдау үшін бейімделген жылжымалы құрамның болуы ...	+0,5 +0,05 әрбір автобус үшін

* Әрбір автобус (резервтің есебінсіз) пайдалану мерзімі бойынша бағаланады, баллдар автобустардың санына соммаланады және бөлінеді, яғни орташа балл шығарылады.
** Комиссияның қарауына "Жолаушылар тасымалы шарттарын жақсартатын қосымша ұсыныстар" деген 5-бағанға 0,3 баллға дейінгі бағалаумен қосымша өлшемдер енгізілуі мүмкін немесе тасымалдаушылардың жол үстіндегі сервистік қызметтер бойынша қосымша ұсыныстары қосымша 0,1 балл бойынша бағалаумен ескерілуі мүмкін.

Ескерту: 5-қосымшаға өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

______ жылғы "____" ___________ конкурсқа шығарылатын
жолаушылардың және багаждың қалааралық, облысішілік, қалалық,
қала маңындағы және елді мекендерді: кенттерді, ауылдарды
(селоларды) аудан немесе облыс орталықтарымен, республикалық
маңызы бар қалалармен (астанамен) жалғастыратын тұрақты
автомобиль тасымалдары маршруттарының негізгі сипаттамалары

Пакеттің (маршруттың) N	Маршруттың атауы	Ұзақтығы (км)	Қозғалыс аралығы (мин)		Маршруттағы жұмыс уақыты		Автобустардың, шағын автобустардың (резервтің есебінсіз) қажетті саны*
							Кесте бойынша		Резервті ескере отырып, барлығы	Паспорттық сыйымдылығы
			Жұмыс күндері	Демалыс күндері	Жұмыс күндері	Демалыс күндері	Жұмыс күндері	Демалыс күндері
1	2	3	4	5	6	7	8	9	10	11

Ескерту : * - Автобустардың, шағын автобустардың қажетті саны
маршруттағы жолаушылар легін және автобустардың, шағын автобустардың
паспорттық сыйымдылығын ескере отырып есептеледі.

                                      Қазақстан Республикасы Көлік
                                    және коммуникациялар министрінің
                                    міндетін атқарушының 2004 жылғы
                                     10 мамырдағы N 113-І бұйрығымен
                                               бекітілген
                                        Жолаушыларды және багажды
                                     автомобиль көлігімен тасымалдау
                                               ережесіне
                                               6-қосымша

Ескерту: 6-қосымшаға өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

______ жылғы "__"________ конкурсқа шығарылатын жолаушылардың және
багаждың қалааралық, облысішілік, қалалық, қала маңындағы және елді
мекендерді: кенттерді, ауылдарды (селоларды) аудан немесе облыс
орталықтарымен, республикалық маңызы бар қалалармен (астанамен)
жалғастыратын тұрақты автомобиль тасымалдарының маршруттарына қызмет
көрсетуге конкурстық ұсыныстарды толтыруға арналған нысан

      1. Қатысушы ұсынатын маршрутта (маршруттарда) жұмыс істеуге
арналған жылжымалы құрам:
___________________________________________________________________
Пакет.|Авто.|Мем.|Шы. |Жа. |Соңғы|Мен.|   Паспорттық сыйымдылығы
тің |бус. |ле. |ға. |сау.|тех. |шік |----------------------------
(мар. |тың, |кет.|рыл.|шы |тек. |түрі| Отыратын   | Барлық орын
шрут. |шағын|тік |ған |за. |серу.|    |орындар саны |
тың) N|авто.|нө. |жылы|уыт |ден |    |             |
      |бус. |мірі|    |    |өткен|    |             |
      |тың |    |    |    | күні|    |             |
      |үл. |    |    |    |     |    |             |
      |гісі |    |    |    |     |    |             |
      |мен |    |    |    |     |    |             |
      |класы|    |    |    |     |    |             |
___________________________________________________________________
   1     2     3    4     5    6    7         8             9
___________________________________________________________________

      2. Жолаушы тасымалдау саласындағы тасымалдаушының біліктілік
деңгейі мен жұмыс тәжірибесі:
      3. Жылжымалы құрамды сақтауға, техникалық қызмет көрсетуге
және жөндеуге арналған өндірістік-техникалық базаның (меншікті,
жалға алынған немесе қызмет көрсету шарт бойынша жүргізілетін
болады) болуы, соның ішінде ТҚ және ТЖ кешендері бар өндірістік
корпустардың, қоймалық үй-жайлардың, автотұрақтардың, жинау-жуу
кешендердің, бақылау-техникалық пункттердің, әкімшілік ғимарат.
тардың және тұрмыстық корпустардың болуы туралы мәлімет.
      4. Автобустарды, шағын автобустарды маршрут бойынша қозғалыс
кезінде оларда ақаулықтар туындаған жағдайда ауыстыру жөніндегі
шаралар жүйесі (пайдаланылатын немесе ұсынылатын):
      5. Жолаушылар тасымалы жағдайын жақсартатын қосымша ұсыныстар:

Жолаушылардың және багаждың қалааралық, облысішілік, қалалық,
қала маңындағы және елді мекендерді: кенттерді, ауылдарды
(селоларды) аудан немесе облыс орталықтарымен, республикалық
маңызы бар қалалармен (астанамен) жалғастыратын тұрақты
автомобиль тасымалдарының маршруттарына қызмет көрсету құқығына
арналған конкурсқа қатысушы туралы ақпарат

      1. Қатысушының көлік компаниясының атауы, заңды мекен-жайы:
__________________________________________________________________
__________________________________________________________________
__________________________________________________________________
      2. Қызмет көрсететін банктің есеп шоты мен мекен-жайы:
__________________________________________________________________
__________________________________________________________________
      3. Ұсынылатын тариф
__________________________________________________________________
__________________________________________________________________
__________________________________________________________________

Т.А.Ә аты ________________________________________________________

Лауазымы _________________________________________________________

Толтырылған күні 200__ жылғы "____" _____________

Конкурстық ұсыныстардағы ұсынылған мағлұматтар
шын, жалған (қажет емесі сызылып тасталсын)
______________________________________________
______________________________________________
(тексеру жүргізген конкурс алдындағы
комиссия мүшелерінің қолдары)

Ескерту: 8-қосымшаға өзгерту енгізілді - ҚР Көлік және коммуникация министрлігінің 2006 жылғы 5 желтоқсандағы N 319 (қолданысқа енгізілу тәртібін 4-тармақтан қараңыз) бұйрығымен .

    Жолаушылардың және багаждың тұрақты қалааралық, облысішілік,
     қалалық, қала маңындағы және елді мекендерді: кенттерді,
      ауылдарды (селоларды) аудан немесе облыс орталықтарымен,
   республикалық маңызы бар қалалармен (астанамен) жалғастыратын
       автомобиль тасымалдарының маршруттарына қызмет көрсету
             құқығына арналған конкурсты өткізу туралы
                        Хабарландыру

      1. ________________қаласы (облысы) Әкімінің аппараты
200__ жылғы ______________ ________________________________
мекен-жайы бойынша жолаушылардың және багаждың қалааралық,
облысішілік, қалалық, қала маңындағы және елді мекендерді:
кентерді, ауылдарды (селоларды) аудан немесе облыс орталықтарымен,
республикалық маңызы бар қалалармен (астанамен) жалғастыратын
тұрақты автомобиль тасымалдарының маршруттарына қызмет көрсету
құқығына арналған конкурсты өткізу туралы хабарлайды.
      2. Конкурсқа мынадай маршруттардың пакеттері (маршруттар)
шығарылады:
__________________________________________________________________
__________________________________________________________________
__________________________________________________________________
      3. Конкурсқа меншік нысанына қарамастан, меншік құқығында
немесе өзге де заңды негіздерде пайдаланымдық мерзімі _____ жылдан
аспайтын және _______________ (қосымша талаптар) автокөлік
құралдарын иеленуші кез келген тұлғалар қатысуға құқылы.
      4. Конкурсқа қатысуға тілек білдірушілер қала (облыс)
Әкімінің аппаратына конкурстық құжаттардың жиынтығын алуға жазбаша
өтінімді ______________________________________________ мекен-жайы
бойынша ұсынуы тиіс.
      5. Конкурстық құжаттар жиынтығының құны:
__________________________________________ (сома жазбаша) құрайды.
      6. Конкурстық құжаттарды алуға өтінімдерді қабылдаудың және
Конкурсқа қатысуға өтінімдерді қабылдаудың соңғы мерзімі: 200____
жылғы "____" _____________.
      7. 200____ жылғы _____________ конкурстық Комиссия конкурсты
өткізу мәселелері жөніндегі конкурс алдындағы конференцияны өткізеді.
      8. Анықтама алу үшін телефондар: _____________________.

Ескерту: 9-қосымшаға өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

    ______ жылғы "____"____________ конкурсқа шығарылатын
жолаушылардың және багаждың қалааралық, облысішілік, қалалық,
қала маңындағы және елді мекендерді: кенттерді, ауылдарды
(селоларды) аудан немесе облыс орталықтарымен, республикалық
   маңызы бар қалалармен (астанамен) жалғастыратын тұрақты
автомобиль тасымалдарының маршруттарына қызмет көрсету бойынша
             конкурстық ұсыныстарды бағалау парағы

Конкурстық комиссия мүшесінің Т.А.Ә. аты ___________________

Күні 200__жылғы "___"_____________ Қолы _________________

Ескерту: 10-қосымша жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

        Жолаушылардың және багаждың тұрақты автомобиль
       тасымалдарының маршруттарына қызмет көрсету құқығына
                            арналған
                    Куәлік Сериясы ХХХ N 000000

_____________________________________________________________ берілді
                (мемлекеттік органның атауы)
__________________________________________________________________
          (куәлік берген тұлғаның Т.А.Ә. аты және лауазымы)
                                                            М.О.

Тасымалдаушылар қызмет көрсететін маршруттар:

Маршруттардың атауы	Қызмет көрсету кезеңі	Қызмет көрсету мерзімі

Маршруттар осы Куәліктің қосымшасында көрсетілген автобустармен қызмет көрсетеді.

Тасымалдаушы туралы деректер:
Атауы
Мекен-жайы	Тел.____________ Факс ___________
Басшының Т.А.Ә. аты
Тасымалдауды ұйымдастыру үшін жауапты тұлғаның Т.А.Ә. аты	Тел.____________ Факс ___________

Куәліктің берілген күні	_____ жылғы “____”___________________
Куәлік жарамды	_____ жылғы “____”___________________

      1. Уәкілетті орган бекіткен қозғалыс кестелері, қозғалыс маршруттарының схемалары, тариф сеткалары (түпнұсқалары) Куәлікке қоса берілуі тиіс.
      2. Осы Куәлік тасымалдаушыны автомобиль көлігімен жолаушыларды және багажды тасымалдау ережелерін және жол қозғалысы қауіпсіздігінің талаптарын орындау бойынша міндеттерден босатпайды.
      3. Осы Куәлікті үшінші тұлғаға беруге рұқсат етілмейді.

Жолаушылардың және багаждың тұрақты автомобиль тасымалдарының
маршруттарына қызмет көрсету құқығына арналған
Куәлік Сериясы ХХХ N 000000 қосымша

_____________________________________________________________берілді
              (мемлекеттік органның атауы)
__________________________________________________________________
        (куәлік берген тұлғаның Т.А.Ә. аты және лауазымы)
                                                            М.О.

Автобустар туралы мағлұматтар:
Автобустардың (шағын автобустардың) үлгісі мен класы	Мем. нөмірі	Шығарылған жылы	Автобустардың (шағын автобустардың) үлгісі мен класы	Мем. нөмірі	Шығарылған жылы

Ескерту: 10-қосымша алынып тасталды - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

Ескерту: 12-қосымша жаңа редакцияда - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

     Жолаушылардың және багаждың тұрақты халықаралық
      автомобиль тасымалдарын жүзеге асыруға арналған
                Рұқсат Сериясы ХХХ N 000000

____________________________________________________________берілді
             (мемлекеттік органның атауы)
__________________________________________________________________
         (рұқсат берген тұлғаның Т.А.Ә. аты және лауазымы)
                                                              М.О.

Тасымалдаушылар қызмет көрсететін маршруттар:

Маршруттардың атауы	Қызмет көрсету кезеңі	Қызмет көрсету мерзімі

Маршруттар осы Рұқсаттың қосымшасында көрсетілген автобустармен қызмет көрсетеді.

Тасымалдаушы туралы деректер:
Атауы
Мекен-жайы	Тел.____________ Факс ___________
Басшының Т.А.Ә. аты
Тасымалдауды ұйымдастыру үшін жауапты тұлғаның Т.А.Ә. аты	Тел.____________ Факс ___________

Куәліктің берілген күні	_____ жылғы “____”___________________
Куәлік жарамды	_____ жылғы “____”___________________

      1. Уәкілетті орган бекіткен қозғалыс кестелері, қозғалыс маршруттарының схемалары, тариф сеткалары (түпнұсқалары) Рұқсатқа қоса берілуі тиіс.
      2. Осы Рұқсат тасымалдаушыны автомобиль көлігімен жолаушыларды және багажды тасымалдау ережелерін және жол қозғалысы қауіпсіздігінің талаптарын орындау бойынша міндеттерден босатпайды.
      3. Осы Куәлікті үшінші тұлғаға беруге рұқсат етілмейді.

Жолаушылардың және багаждың тұрақты автомобиль тасымалдарының
маршруттарына қызмет көрсету құқығына арналған
Рұқсат Сериясы ХХХ N 000000 қосымша

_____________________________________________________________берілді
              (мемлекеттік органның атауы)
__________________________________________________________________
        (рұқсат берген тұлғаның Т.А.Ә. аты және лауазымы)
                                                            М.О.

Автобустар туралы мағлұматтар:
Автобустардың (шағын автобустардың) үлгісі мен класы	Мем. нөмірі	Шығарылған жылы	Автобустардың (шағын автобустардың) үлгісі мен класы	Мем. нөмірі	Шығарылған жылы

                          Жол парағы
                           N ___________
       (күнтізбелік жылда бір жолғы сипаты бар жолаушылардың
         және багаждың тұрақты емес автомобиль тасымалдарын
          жүзеге асыру кезінде есеп бойынша пайдаланылатын)

__________________________________________________________________
Көлік құралының тіркеу N _______ Жолаушы орындарының саны

Тасымалдаушының аты және тегі
немесе тасымалдаушының атауы

Жауапты тұлғаның (жүргізушінің,
кондуктордың) аты және тегі

Маршрут

Бастапқы пункттен 200 __ жылғы "___" ___________________
шыққан күні

Соңғы пункттен 200 __ жылғы "___" ___________________
шыққан күні

Төлем сомасы _____________________________теңге

Жол парағын толтыру күні Тасымалдаушының қолы, мөр

Күтпеген өзгерістер:
__________________________________________________________________
Көліктік бақылау органдарының     |       |       |       |
мөрлері мен белгілері(халықаралық |       |       |       |
жолаушылар тасымалдарын жүзеге    |       |       |       |
асыру кезінде)                    |       |       |       |
__________________________________________________________________

                                                    Екінші жағы
__________________________________________________________________
                            Жолаушылар тізімі
__________________________________________________________________
1                      36                       71
2                      37                       72
3                      38                       73
4                      39                       74
5                      40                       75
6                      41                       76
7                      42                       77
8                      43                       78
9                      44                       79
10                     45                       80
11                     46                       81
12                     47                       82
13                     48                       83
14                     49                       84
15                     50                       85
16                     51                       86
17                     52                       87
18                     53                       88
19                     54                       89
20                     55                       90
21                     56                       91
22                     57                       92
23                     58                       93
24                     59                       94
25                     60                       95
26                     61                       96
27                     62                       97
28                     63                       98
29                     64                       99
30                     65                       100
31                     66                       101
32                     67                       102
33                     68                       103
34                     69                       104
35                     70                       105
__________________________________________________________________

Жауапты тұлғаның (жүргізушінің, кондуктордың) қолы _______________
20__ жылғы "___" _______

Ескерту: 14-қосымшаға өзгерту енгізілді - ҚР Көлік және коммуникация министрлігінің 2008.12.10 N 539 (қолданысқа енгізілу тәртібін 3-тармақтан қараңыз) Бұйрығымен .

   Жолаушыларды және багажды таксимен тасымалдауды,
   тұрғындар саны мен елді мекендердің ауданын ескере
отырып, жүзеге асыратын автокөлік құралдары санының
                   ұсынылатын нормативтері

__________________________________________________________________
     Елді мекендер       | Жолаушыларды және багажды таксимен
     тұрғындарының       |тасымалдауды жүзеге асыратын автокөлік
          саны           |           құралдарының саны
                         |----------------------------------------
                         |   елді мекеннің   | елді мекеннің
                         |   1000 тұрғынына | 1 км ²ауданына
__________________________________________________________________
1 млн. артық                   1,35                  4,6
501 мыңнан 1 млн. дейін        1,25                  4,3
251 мыңнан 500 мыңға дейін     1,15                  3,2
101 мыңнан 250 мыңға дейін     1,00                  1,8
100 мыңнан аз                  0,40                  1,5
__________________________________________________________________

Ескерту : жолаушыларды және багажды таксимен тасымалдауды
жүзеге асыратын автокөлік құралдарының саны ең үлкен көрсеткіш
бойынша белгіленеді.

Жолаушыларды және багажды автомобиль көлігімен тасымалдау ережесін бекіту туралы

Жолаушыларды және багажды автомобиль көлігімен тасымалдау ережесі 1-тарау. Жалпы ережелер

&1 Ережеде пайдаланылатын негізгі ұғымдар

&2 Жолаушылардың және багаждың автомобиль тасымалдарын жүзеге асырудың жалпы қағидаттары

&3 Автокөлік құралдарына қойылатын талаптар

&4 Жолаушылардың және багаждың тұрақты автомобиль тасымалдары маршруттарын ашу және тізілімін жүргізу

&5 Аялдама пункттерін жарақтандыруға және орналастыруға қойылатын талаптар

2-тарау. Автовокзалдар мен автобекеттерге қойылатын талаптар және олардың жұмыс істеу тәртібі &1 Жалпы ережелер

$ 1-1. Кассалық пункттер

&2 Жол жүру құжаттарын (билеттерін) сату тәртібі, жол жүру құжаттарын (билеттерін) және олардың құнын қайтару тәртібі және шарттары

&3 Жолаушыларды ақпараттық қамтамасыз ету

&4 Жолаушыларды отырғызу және түсіру пункттерін безендіру мен күтіп ұстауға қойылатын талаптар

&5 Багажды қабылдау, сақтау және беру тәртібі

3-тарау. Автобустардың қозғалысына диспетчерлік басшылық ету &1 Автобустар қозғалысына диспетчерлік басшылық етуді ұйымдастыру

&2 Диспетчерлік пункттердің жұмысын ұйымдастыру

&2 Конкурстық комиссия

&3 Конкурстық құжаттаманың жиынтығы

&4 Конкурстық ұсыныстардың мазмұны

&5 Конкурстарды ұйымдастыру және өткізу

5-тарау. Жолаушылардың және багаждың қалалық және қала маңындағы тұрақты автомобиль тасымалдары &1 Жалпы ережелер

&2 Жолаушылардың және багаждың қалалық және қала маңындағы тұрақты автомобиль тасымалдарының маршруттарына қызмет көрсету режимдері

&3 Жолаушылардың және багаждың қалалық және қала маңындағы тұрақты автомобиль тасымалдарын жүзеге асыру тәртібі

&4 Қол жүгі мен багажды алып жүру

&5 Қалалық және қала маңындағы қатынастағы жол жүру және багажды алып жүру төлемі

&4 Қол жүгі мен багажды алып жүру

&5 Багаж автомобильдерімен багаж тасымалдау

&2 Жолаушылардың және багаждың қалааралық облысаралық қатынасындағы тұрақты автомобиль тасымалдарының маршруттары бойынша қозғалыс кестелерін келісу тәртібі

&3 Жолаушылардың және багаждың тұрақты қалааралық облысаралық автомобиль тасымалдарын ұйымдастыру тәртібі

8-тарау. Жолаушылардың және багаждың халықаралық тұрақты автомобиль тасымалдары &1 Жалпы ережелер

&2 Жолаушылардың және багаждың тұрақты халықаралық автомобиль тасымалдарын ұйымдастыру тәртібі

&3 Халықаралық қатынаста жол жүру және багажды алып жүру төлемі

9-тарау. Жолаушылардың және багаждың бір жолғы және тапсырыс сипатындағы тұрақты емес тасымалдары

&1 Жалпы ережелер

&2 Жолаушылардың және багаждың бір реттік сипаты бар тасымалдарын ұйымдастыру және жүзеге асыру тәртібі

10-тарау. Жолаушыларды және багажды таксимен тасымалдау &1 Жалпы ережелер

&2 Таксимен тасымалдауды жүзеге асыру тәртібі

&3 Тапсырыстар бойынша таксидің жұмысы

&4 Таксимен жол жүру төлемі

&5 Қол жүгін, ұсақ жануарларды және багажды таксимен тасымалдау

&6 Такси тұрақтары

11-тарау. Ұйымдастырылған балалар топтарын тасымалдау

$ 1. Жалпы ережелер

$ 2. Балалардың тасымалдауына тапсырыс берушінің әрекеті

$ 3. Балаларды тасымалдауды жүзеге асыруға автобустарды дайындау

$ 4. Балаларды тасымалдауды ұйымдастыру

$ 5. Балаларды алып жүруге және балалармен сабақ өткізуге жауапты тұлғаны дайындау

$ 7. Аялдама және отырғызу орнына автобустарды бер

$ 8. Автобустардың маршруттағы қозғалыс және аялдау (тұрақтау) тәртібі

$ 10. Балаларды маршруттық көлікпен тасымалдау

12-тарау. Қорытынды ережелер

$ 1. Осы Ереженің сақталуын бақылау

Базаның жай-күйі

Құқықтық ақпараттық қызметі

Қолдау қызметі

Соңғы құжаттар

Кеңінен таралған құжаттар

Жолаушыларды және багажды автомобиль
көлігімен тасымалдау ережесі 1-тарау. Жалпы ережелер

&2 Жолаушылардың және багаждың автомобиль
тасымалдарын жүзеге асырудың жалпы қағидаттары

&4 Жолаушылардың және багаждың тұрақты
автомобиль тасымалдары маршруттарын ашу
және тізілімін жүргізу

&5 Аялдама пункттерін жарақтандыруға
және орналастыруға қойылатын талаптар

2-тарау. Автовокзалдар мен автобекеттерге
қойылатын талаптар және олардың жұмыс істеу тәртібі &1 Жалпы ережелер

&2 Жол жүру құжаттарын (билеттерін) сату
тәртібі, жол жүру құжаттарын (билеттерін) және
олардың құнын қайтару тәртібі және шарттары

&4 Жолаушыларды отырғызу және түсіру пункттерін
безендіру мен күтіп ұстауға қойылатын талаптар

3-тарау. Автобустардың қозғалысына
диспетчерлік басшылық ету &1 Автобустар қозғалысына диспетчерлік
басшылық етуді ұйымдастыру

5-тарау. Жолаушылардың және багаждың қалалық
және қала маңындағы тұрақты автомобиль тасымалдары &1 Жалпы ережелер

&2 Жолаушылардың және багаждың қалалық және
қала маңындағы тұрақты автомобиль тасымалдарының
маршруттарына қызмет көрсету режимдері

&3 Жолаушылардың және багаждың қалалық және
қала маңындағы тұрақты автомобиль тасымалдарын
жүзеге асыру тәртібі

&5 Қалалық және қала маңындағы қатынастағы
жол жүру және багажды алып жүру төлемі

&2 Жолаушылардың және багаждың қалааралық
облысаралық қатынасындағы тұрақты автомобиль
тасымалдарының маршруттары бойынша қозғалыс
кестелерін келісу тәртібі

&3 Жолаушылардың және багаждың тұрақты
қалааралық облысаралық автомобиль тасымалдарын
ұйымдастыру тәртібі

8-тарау. Жолаушылардың және багаждың
халықаралық тұрақты автомобиль тасымалдары &1 Жалпы ережелер

&2 Жолаушылардың және багаждың тұрақты халықаралық
автомобиль тасымалдарын ұйымдастыру тәртібі

&3 Халықаралық қатынаста жол жүру
және багажды алып жүру төлемі

9-тарау. Жолаушылардың және багаждың бір жолғы және
тапсырыс сипатындағы тұрақты емес тасымалдары

&2 Жолаушылардың және багаждың бір реттік
сипаты бар тасымалдарын ұйымдастыру
және жүзеге асыру тәртібі