"Қазақстан Республикасындағы жергiлiктi мемлекеттiк басқару және өзiн-өзi басқару туралы" 2001 жылғы 23 қаңтардағы Қазақстан Республикасы Заңының 37-бабына, "Агроөнеркәсіптік кешенді және ауылдық аумақтарды дамытуды мемлекеттік реттеу туралы" 2005 жылғы 8 шілдедегі Қазақстан Республикасы Заңы 7-бабы 2-тармағының 17-10-тармақшасына сәйкес Нұр-Сұлтан қаласының әкімдігі ҚАУЛЫ ЕТЕДІ:
1. Нұр-Сұлтан қаласындағы әлеуметтік маңызы бар азық-түлік тауарларына бағаларды тұрақтандыру тетіктерін іске асыру қағидалары бекітілсін.
2. "Нұр-Сұлтан қаласының Инвестициялар және кәсіпкерлікті дамыту басқармасы" мемлекеттік мекемесінің басшысы Қазақстан Республикасының заңнамасында белгіленген тәртіпте:
1) осы қаулының аумақтық әділет органында мемлекеттік тіркелуін;
2) осы қаулы ресми жарияланғаннан кейін Нұр-Сұлтан қаласы әкімдігінің интернет-ресурсында орналастырылуын;
3) осы қаулы мемлекеттік тіркелгеннен кейін он жұмыс күн ішінде аумақтық әділет органына осы тармақтың 1), 2) тармақшаларымен көзделген іс-шаралардың орындалуы туралы мәліметтерді ұсынуды қамтамасыз етсін.
3. Осы қаулының орындалуын бақылау Нұр-Сұлтан қаласы әкімінің орынбасары М.Е. Бектұроваға жүктелсін.
4. Осы қаулы әділет органдарында мемлекеттік тіркелген күннен бастап күшіне енеді және алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Әкім | А. Кульгинов |
| Нұр-Сұлтан қаласы әкімдігінің 2019 жылғы 19 қыркүйектегі № 502-1244 қаулысымен бекітілген |
Нұр-Сұлтан қаласындағы әлеуметтік маңызы бар азық-түлік тауарларына бағаларды тұрақтандыру тетіктерін іске асыру қағидалары
1. Жалпы ережелер
1. Нұр-Сұлтан қаласындағы әлеуметтік маңызы бар азық-түлік тауарларына бағаларды тұрақтандыру тетіктерін іске асыру қағидалары (бұдан әрі – Қағида) Әлеуметтік маңызы бар азық-түлік тауарларына бағаларды тұрақтандыру тетіктерін іске асырудың үлгілік қағидаларына сәйкес әзірленіп, Қазақстан Республикасы Ауыл шаруашылығы министрінің 2019 жылғы 29 шілдедегі № 280 бұйрығымен (Қазақстан Республикасы Нормативтік құқықтық актілерінің мемлекеттік тіркеу тізілімінде № 19123 болып тіркелген) және Қазақстан Республикасының өзге нормативтік құқықтық актілерімен бекітілген.
2. Ереже әлеуметтік маңызы бар азық-түлік тауарларына бағаны тұрақтандыру тетіктерін енгізудің жалпы тәртібін анықтайды.
3. Қағидада мынадай ұғымдар пайдаланылады:
1) Нұр-Сұлтан қаласындағы азық-түлiк тауарларының өңірлік тұрақтандыру қоры (бұдан әрі − өңірлік тұрақтандыру қоры) – астананың аграрлық азық-түлік нарығына реттеушілік әсер ету және азық-түлiк қауiпсiздiгiн қамтамасыз ету үшiн құрылған азық-түлiк тауарларының жедел қоры;
2) өңірлік тұрақтандыру қорын жаңарту – азық-түлік тауарларының сақталу мерзімі аяқталғанға дейін оларды өткізу немесе жаңа сақталу мерзімімен немесе келесі жылдың жаңа өнімінен дәл сондай көлемдегі азық-түлік тауарларын кейін жеткізе отырып, азық-түлік тауарларының сақталу мерзімі аяқталғанға дейін оларды қайтару;
3) өңірлік тұрақтандыру қорын пайдалану – тауар интервенцияларын жүргізу және өңірлік тұрақтандыру қорын жаңарту мақсатында өңірлік тұрақтандыру қорынан азық-түлік тауарларын өткізу;
4) өңірлік тұрақтандыру қорын қалыптастыру – сатып алу интервенциялары, өңірлік тұрақтандыру қорына азық-түлік тауарларын орналастыру және сақтау;
5) әлеуметтік маңызы бар азық-түлік тауарлары (ӘМАТ) – тізбесі Қазақстан Республикасы Үкіметінің қаулысымен бекітілетін, олардың есебінен адамның физиологиялық қажеттіліктері қанағаттандырылатын азық-түлік тауарлары;
6) мамандандырылған ұйымдар – тізбесі Қазақстан Республикасы Үкіметінің қаулысымен бекітілетін ӘМАТ-қа шекті бағаларды белгілеу жөніндегі шараларды қоспағанда, оларға бағаларды тұрақтандыру тетіктерін іске асыратын ұйымдар;
7) кәсіпкерлік субъектілер – кәсіпкерлік қызметті жүзеге асыратын азаматтар, оралмандар және мемлекеттік емес коммерциялық заңды тұлғалар (жеке кәсіпкерлік субъектілері), мемлекеттік кәсіпорындар (мемлекеттік кәсіпкерлік субъектілері).
8) сатып алу интервенциялары – астананың аумағында бағалар төмендеген кезде мамандырылған ұйымдардың азық-түлік тауарларын сатып алуы жөніндегі іс-шаралары;
9) тауарлық интервенция – бағалар өскен кезде ішкі нарықты тұрақтандыру мақсатында өткізілетін аймақтық тұрақтандыру қорынан ішкі нарықта азық-түлік өнімдерін сату шаралары;
4. ӘМАТ-та бағаларды тұрақтандыру тетіктерінің тиімді және уақтылы қолданылуын қамтамасыз ету мақсатында Нұр-Сұлтан қаласының әкімі ӘМАТ-та бағаларды тұрақтандыру тетіктерін іске асыруды қамтамасыз ету жөніндегі комиссияны (бұдан әрі – Комиссия) құрады және оның құрамын бекітеді.
5. Комиссияның құзыретіне мыналар жатады:
1) Нұр-Сұлтан қаласында ӘМАТ-қа тұрақтандыру тетіктерін іске асыру туралы шешім қабылдау;
2) өңірліктұрақтандыру қорын құру мен пайдалану тетігін іске асыру мақсатында, өңірліктұрақтандыру қорына сатып алынатын азық-түлік тауарлар тізбесі мен олар бойынша шекті сауда үстемені анықтау;
3) қарыз беруге кәсіпкерлік субъектісін анықтау;
4) ӘМАТ-ға шекті сауда үстемесін анықтау бойынша мамандандырылған ұйымдардың ұсыныстарын қарау.
6. Әкімнің орынбасары Комиссияның төрағасы болып табылады, Нұр-Сұлтан қаласы әкімдігінің (бұдан әрі - Әкімдік) құрылымдық бөлімшелерінің қызметкерлері, сондай-ақ жеке кәсіпкерлік субъектілері бірлестіктерінің және қоғамдық ұйымдардың өкілдері Комиссия мүшелері болып табылады. Комиссия өз қызметін тұрақты негізде жүзеге асырады.
7. Комиссияның сандық құрамы тақ және кемінде тоғыз адамнан болуы тиіс. Бұл ретте Комиссия мүшелерінің үштен екісі жеке кәсіпкерлік субъектілері бірлестіктерінің және қоғамдық ұйымдардың өкілдері болуы тиіс. Комиссия хатшысы оның мүшесі болып табылмайды.
8. ӘМАТ-та бағаларды тұрақтандыру тетіктерін іске асыру үшін әкімдік ӘМАТ-та бағаларды тұрақтандыру тетіктерін іске асыратын мамандандырылған ұйымдардан қызметтерді сатып алуды жүзеге асырады.
9. Комиссияны құруды және жұмысын ұйымдастыруды "Нұр-Сұлтан қаласының Инвестициялар және кәсіпкерлікті дамыту басқармасы" мемлекеттік мекемесі (бұдан әрі − Басқарма) қамтамасыз етеді.
10. Әкімдік ай сайын айдың 20-на дейін Қазақстан Республикасының ауыл шаруашылығы және ұлттық экономика министрліктеріне ӘМАТ бағаларды тұрақтандыру тетіктерін іске асыру барысы туралы ақпарат ұсынады.
2. Әлеуметтік маңызы бар азық-түлік тауарларына бағаларды тұрақтандыру бойынша тетіктерді іске асыру тәртібі
11. ӘМАТ нарығын тұрақтандыру мақсатында әкімдік ӘМАТ бағаларын тұрақтандырудың:
1) өңірлік тұрақтандыру қорының қызметі;
2) кәсіпкерлік субъектілеріне қарыз беру тетіктерін іске асырады.
3. Өңірлік тұрақтандыру қорлары қызметінің тәртібі
12. Өңірлік тұрақтандыру қорларының қызметі өңірлік тұрақтандыру қорларын қалыптастыру және пайдалану жолымен жүзеге асырылады.
13. Өңірлік тұрақтандыру қорын қалыптастыру мен пайдалану жөніндегі тетікті іске асыру мақсатында Комиссия сұраныс пен ұсыныстың өңірлік теңгерімінің (өндіріс көлемі, азық-түлік тауарларымен қамтамасыз етілуі, олардың тауарларының жылжытылуы, қорлардың болуы), егіс алаңдары (жоспарлы), егіннің болжамды шығымы, өткен күнтізбелік жыл ішінде қалыптасқан бағалар туралы мәліметтердің, сондай-ақ өзге де мәліметтер негізінде өңірлік тұрақтандыру қорына сатып алынатын ӘМАТ тізбесін, сондай-ақ шекті сауда үстемесін айқындайды.
14. Өңірлік тұрақтандыру қорына сатып алуға қажетті ӘМАТ тізбесі "Әлеуметтік маңызы бар азық-түлік тауарларының тізбесін бекіту туралы" Қазақстан Республикасы Үкіметінің 2010 жылғы 1 наурыздағы № 145 қаулысымен бекітілген тізімнен қалыптастырылады.
15. Мамандандырылған ұйым жүзеге асыратын ӘМАТ шекті сауда үстемесі "Әлеуметтік маңызы бар азық-түлік тауарларына бөлшек сауда бағаларының шекті мәндерін және оларға бөлшек сауда бағаларының шекті рұқсат етілген мөлшерін белгілеу қағидаларын бекіту туралы" Қазақстан Республикасы Ұлттық экономика министрінің міндетін атқарушының 2015 жылғы 30 наурыздағы № 282 бұйрығына (Қазақстан Республикасы Нормативтік құқықтық актілерінің мемлекеттік тіркеу тізілімінде № 11245 болып тіркелген) сәйкес әкімдік бекіткен ӘМАТ бөлшек сауда бағаларының шекті мәндерінен 10% немесе одан төмен бағаларды ұстауды есепке ала отырып қалыптастырылады.
16. Комиссия әкімге сатып алынатын азық-түлік тауарларының бекітілген тізбесін және олар бойынша шекті сауда үстемесін бекіту туралы ұсынымдар енгізеді.
17. Ұсыным хаттама түрінде жасалады және отырыс өткізілген күні Комиссия мүшелері оған қол қояды.
18. Әкімдік Комиссияның ұсынымдары негізінде сатып алынатын азық-түлік тауарларының тізбесін және шекті сауда үстемесін бекітеді.
19. Өңірлік тұрақтандыру қорын қалыптастыру кезінде азық-түлік тауарларын тікелей тауар өндірушілерден және (немесе) ауыл шаруашылығы тауарын өндірушілерден сатып алу жүзеге асырылады.
20. Өңірлік тұрақтандыру қорына сатып алынатын азық-түлiк тауарлары "Тамақ өнімдерінің қауіпсіздігі туралы" 2007 жылғы 21 шілдедегі Қазақстан Республикасының Заңына сәйкес тамақ өнімдерін сақтау, тасымалдау және өткізу кезінде оның қауіпсіздігіне қойылатын талаптарға сәйкес болуы тиіс.
21. Мамандандырылған ұйым статистикалық деректер және басқа да көздер негізінде өңірдің азық-түлік тауарларының ішкі нарығына және агроөнеркәсіптік кешен өнімдерінің нарықтарына тұрақты негізде талдау (өндіріс көлемі және азық-түлік тауарларымен қамтамасыз етілуі, тауарларының жылжытылуы, қорлардың, бағалардың болуы) жүргізеді, өңірлік тұрақтандыру қорына сатып алынатын азық-түлік тауарларының көлемін айқындайды және сатып алу интервенциялары туралы шешімді қабылдайды.
22. Өңірлік тұрақтандыру қорын пайдалануды тауар интервенцияларын жүргізу және азық-түлік тауарларын жаңарту жолымен мамандандырылған ұйым жүзеге асырады.
23. Мамандандырылған ұйым ӘМАТ-қа бөлшек сауда бағаларының шекті мәндері ұлғайған жағдайда 2 (екі) жұмыс күнінен кешіктірмей тауар интервенцияларын жүргізу туралы шешім қабылдайды.
24. Мамандандырылған ұйым өңірлік тұрақтандыру қорын уақтылы жаңарту мақсатында тұрақты негізде өңірлік тұрақтандыру қорының азық-түлік тауарларының сақталу мерзімдерін қамтамасыз етеді.
25. Өңірлік тұрақтандыру қорын жаңарту азық-түлік тауарларының сақталу мерзімі аяқталғанға дейін өңірдік тұрақтандыру қорынан азық-түлік тауарларын өткізу немесе кейін дәл сондай көлемдегі жаңа сақталу мерзімімен немесе келесі жылғы жаңа шығымнан азық-түлік тауарларын жеткізе отырып, азық-түлік тауарларының сақталу мерзімі аяқталғанға дейін азық түлік тауарларын қайтару жолымен жүзеге асырылады.
26. Өңірлік тұрақтандыру қорының азық-түлік тауарларын тауар интервенциялары, азық-түлік тауарларын жаңарту үшін мамандандырылған ұйымдар өздерінің өткізу нүктелері және (немесе) азық-түлік тауарларын өткізетін сауда объектілері арқылы, сондай-ақ өңдеу кәсіпорындары шекті сауда үстемесі шегінде ӘМАТ өндіру үшін өткізуді жүзеге асырады.
27. Бұл ретте өңдеу кәсіпорны өндірген дайын азық-түлік тауарының бағасы әкімдік бекіткен шекті рұқсат етілген бөлшек сауда бағасынан аспайды және мамандандырылған ұйымның өңдеу кәсіпорнымен жасасқан өткізу туралы шартында көрсетілуі тиіс.
28. Әкімдігімен бірлесіп тауар интервенцияларын жүзеге асыратын сауда объектілерінің орналасқан жері туралы ақпаратты бұқаралық ақпарат құралдары, әкімдіктің және мамандандырылған ұйымның ресми сайттары арқылы халыққа жеткізу бойынша ақпараттық жұмыс жүргізеді.
4. Кәсіпкерлік субъектілеріне қарыз беру тәртібі
29. Әкімдік ӘМАТ-қа бағаларды тұрақтандыру мақсатында мамандандырылған ұйымға кейін кәсіпкерлік субъектілеріне беру үшін қарыз береді. Қарыз беру қарыз шартын жасау жолымен қайтарымдылық, оралымдылық, қамтамасыз етілу және ақылы шарттарымен жүзеге асырылады.
30. Қарыз кәсіпкерлік субъектісіне мамандандырылған ұйыммен жасалған келісімге сәйкес өз міндеттемелерін орындау үшін беріледі.
31. Комиссия несие беру үшін кәсіпкерлік субъектіні кәсіпкерлік субъектілеріне қойылатын талаптарға (өлшемдерге) сәйкес анықтайды.
32. Кәсіпкерлік субъектілеріне қойылатын талаптар (өлшемшарттар):
1) Қойма ғимараттары мен арнайы жабдықтары бар басқа үй-жайлардан тұратын, азық-түлік өнімдерін тиісті түрде сақтауға және азық-түлік тауарларымен сатып алу және басқа да операцияларды жүргізуге арналған және ӘМАТ бағасының өсуін тежеуге бағытталған шаралар кешенін жасауға мүмкіндік беретін, сауда-логистикалық инфрақұрылымға иелік ететін немесе жалдайтын кәсіпкерлік субъектісі;
2) өтінішті қарау кезінде кәсіпкерлік субъектісі банкроттыққа ұшырамауы, қызметін тоқтата тұруы болмауы керек;
3) өтінішті қарау кезінде кәсіпкерлік субъектісі өнім берушілердің жосықсыз ұйымдарының тізімінде болмауы керек.
33. Несие алуға талаптанатынкәсіпкерлік субъектісі мамандандырылған ұйымдармен немесе жергілікті атқарушы органмен үлестес тұлға болмауы керек.
34. Комиссия қарыз беру туралы мәселені қарау үшін кәсіпкерлік субъектісі мынадай ақпаратты енгізеді:
1) қарыз сомасы, сонымен қатар шығын бойынша қажетті есеп көрсетілген өтінім, азық-түлік тауарларының, қарызды қайтару мерзімі көрсетілген ұсынылатын тізбесі;
2) кредиторлық және дебиторлық берешекті, негізгі құралдардың тізбесін ашып көрсету арқылы өткен қаржы жылының қаржылық есебі;
3) кәсіпкерлік субъектісі Жарғысының нотариалды куәландырылған көшірмесі;
4) мемлекеттік тіркеу (қайта тіркеу) туралы анықтама;
5) бірінші басшыны тағайындау (сайлау) туралы құжаттың нотариалды куәландырылған көшірмесі (заңды тұлғалар үшін);
6) бірінші басшыны қоспағанда, мүдделерді білдіретін тұлғаға (тұлғаларға) өтінімге қол қою құқығына сенімхат;
7) кепілге берілетін мүлік объектілеріне мүлікті бағалау туралы есептер;
8) салық және бюджетке міндетті төлемдер, жалақы бойынша берешек және әлеуметтік аударымдар бойынша берешектің болмауы туралы мәліметтер.
35. Кәсіпкерлік субъектісі міндетті түрде мамандандырылған ұйымның қарызын қайтару бойынша міндеттемелерінің орындалуын қамтамасыз етуді ұсынады. Міндеттемелерінің орындалуын қамтамасыз ету мынадай түрде беріледі: кепіл және/немесе банктік кепілдендіру және/немесе сақтандыру шарты және/немесе үшінші тұлғалардың кепілдік/кепілгерлігі. Міндеттемелерінің орындалуын қамтамасыз ету Қазақстан Республикасының заңнамасында көзделген жазбаша нысанда рәсімделеді.
36. Несие беру шарттары мамандандырылған ұйым мен шаруашылық жүргізуші субъектінің арасында жасалған қарыз шартында белгіленеді.
37. Әкімдік бөлетін бюджеттік қаражат қаржыландыру көзі болып табылады.
38. Қарыз мерзімі өткен берешекті қайта қаржыландыруға берілмейді.
39. Қарыз тек ұлттық валютада беріледі.
