"Қазақстан Республикасы Үкіметінің 2014 жылғы 24 қыркүйектегі № 1011 қаулысымен бекітілген Қазақстан Республикасы Ұтық экономика министрлігі туралы ереженің 16-тармағының 238) тармақшасына сәйкес БҰЙЫРАМЫН:
Ескерту. Кіріспе жаңа редакцияда - ҚР Ұлттық экономика министрінің 24.05.2021 № 52 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.1. Қоса беріліп отырған Қазақстан Республикасының Үкіметі мен халықаралық қаржы ұйымдары арасындағы әріптестік туралы негіздемелік келісімдер шеңберінде халықаралық қаржы ұйымдарымен бірлесіп жүзеге асырылатын Қазақстан Республикасының орнықты дамуы мен өсуіне жәрдемдесу жөніндегі жобаларды іріктеу және үйлестіру қағидалары бекітілсін.
2. Стратегиялық жоспарлау және талдау департаменті заңнамада белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты Қазақстан Республикасы Ұлттық экономика министрлігінің ресми интернет-ресурсында орналастыруды;
3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Ұлттық экономика министрлігінің Заң департаментіне ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ұлттық экономика вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Ұлттық экономика министрі |
Р. Даленов |
"КЕЛІСІЛДІ"
Қазақстан Республикасының
Қаржы министрлігі
| Қазақстан Республикасы Ұлттық экономика министрінің 2020 жылғы 10 наурыздағы № 14 бұйрығымен бекітілген |
Қазақстан Республикасының Үкіметі мен халықаралық қаржы ұйымдары арасындағы әріптестік туралы негіздемелік келісімдер шеңберінде халықаралық қаржы ұйымдарымен бірлесіп жүзеге асырылатын Қазақстан Республикасының орнықты дамуы мен өсуіне жәрдемдесу жөніндегі жобаларды іріктеу және үйлестіру қағидалары
1-тарау. Жалпы ережелер
1. Осы Қазақстан Республикасының Үкіметі мен халықаралық қаржы ұйымдары арасындағы әріптестік туралы негіздемелік келісімдер шеңберінде халықаралық қаржы ұйымдарымен бірлесіп жүзеге асырылатын Қазақстан Республикасының орнықты дамуына және өсуіне жәрдемдесу жөніндегі жобаларды іріктеу және үйлестіру қағидалары (бұдан әрі – Қағидалар) – Қазақстан Республикасы Үкіметінің 2014 жылғы 24 қыркүйектегі № 1011 қаулысымен бекітілген Қазақстан Республикасы Ұлттық экономика министрлігі туралы ереженің 16-тармағының 238) тармақшасына сәйкес әзірленді және Қазақстан Республикасының Үкіметі мен халықаралық қаржы ұйымдары арасындағы әріптестік туралы негіздемелік келісімдер шеңберінде халықаралық қаржы ұйымдарымен бірлесіп жүзеге асырылатын Қазақстан Республикасының орнықты дамуына және өсуіне жәрдемдесу жөніндегі жобаларды іріктеу және үйлестіру тәртібін айқындайды.
Ескерту. 1-тармақ жаңа редакцияда - ҚР Ұлттық экономика министрінің 24.05.2021 № 52 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.2. Осы Қағидаларда мынадай ұғымдар пайдаланылады:
1) әріптестік туралы негіздемелік келісімдер (бұдан әрі – негіздемелік келісімдер) – Қазақстан Республикасының Үкіметі мен халықаралық қаржы ұйымдары арасында жасалған әріптестік туралы негіздемелік келісімдер;
2) бюджеттік бағдарламалар әкімшісі – бюджеттік бағдарламаларды жоспарлауға, негіздеуге, іске асыруға және нәтижелеріне қол жеткізуге жауапты мемлекеттік орган;
3) бюджеттік инвестициялар – әлеуметтік-экономикалық тұрақтылықты қамтамасыз ету үшін жедел шаралар қабылдауға бағытталған активтерді қоспағанда, бюджеттік инвестициялық жобаларды іске асыру арқылы мемлекет активтерін құруға және (немесе) дамытуға, сондай-ақ заңды тұлғалардың жарғылық капиталдарын қалыптастыруға және (немесе) ұлғайтуға бағытталған республикалық немесе жергілікті бюджеттен қаржыландыру;
4) грант – халықаралық қаржы ұйымдарының Қазақстан Республикасының мемлекеттік ұйымдарына беретін өтеусіз қаржылық немесе техникалық көмегі;
5) грант туралы келісім – орталық уәкілетті орган мен Қазақстан Республикасында техникалық көмекті қаржыландыруға арналған халықаралық қаржы ұйымдары арасындағы техникалық ынтымақтастық шотын құру туралы келісім;
6) квазимемлекеттік сектор субъектілерінің жобалары – әріптестік туралы негіздемелік келісімдерді іске асыру шеңберінде квазимемлекеттік сектор субъектілерінің қарыз алуы есебінен іске асырылуы жоспарланған жобалар;
7) Қазақстанды дамыту жөніндегі ынтымақтастық бағдарламасы – халықаралық қаржылық ұйымдарымен жобалардың индикативтік тізбесін қамтитын, Қазақстан Республикасының Үкіметі мен халықаралық қаржы ұйымдары арасындағы әріптестік туралы негіздемелік келісімдерді іске асыру жөніндегі үйлестіру кеңесінің хаттамалық шешімімен мақұлданған негіздемелік келісімдерді іске асыру шеңберіндегі Қазақстан Республикасын дамыту жөніндегі ынтымақтастық бағдарламасы;
8) қарыз шарты - қарыз алушы қарыз қаражатын соған байланысты алатын және қарыз берушінің алдында оны қайтару және сыйақы, сондай-ақ қарызға байланысты басқа да төлемдер төлеу жөніндегі міндеттемені мойнына алатын келісім;
9) мемлекеттік-жекешелік әріптестік жобалары (бұдан әрі – МЖӘ жобалары) – "Мемлекеттік-жекешелік әріптестік туралы" 2015 жылғы 31 қазандағы Қазақстан Республикасының Заңына және бюджет заңнамасына сәйкес шектеулі уақыт кезеңі ішінде іске асырылатын және аяқталған сипатқа ие, мемлекеттік-жекешелік әріптестікті жүзеге асыру жөніндегі дәйекті іс-шаралар жиынтығы;
10) мемлекеттік кепілдік – Қазақстан Республикасының қарыз алушы резиденті одан тиесілі соманы белгіленген мерзімде төлемеген жағдайда Қазақстан Республикасы Үкіметінің қарыз берушінің алдындағы берешекті толық немесе ішінара өтеу міндеттемесі;
11) ниет-хат – халықаралық қаржы ұйымдарының әріптестік туралы негіздемелік келісімдер шеңберінде келісілген шарттарда жобаны іске асыру үшін қарыздық, кредиттік және (немесе) гранттық қаржыландыруды ұсыну мүмкіндігі туралы хаты;
12) Үйлестіру кеңесі – Қазақстан Республикасы Үкіметінің 2014 жылғы 9 маусымдағы № 632 қаулысына сәйкес құрылған Қазақстан Республикасының Үкіметі мен халықаралық қаржы ұйымдары арасындағы әріптестік туралы негіздемелік келісімдерді іске асыру жөніндегі үйлестіру кеңесі;
13) үшжақты келісімдер – республикалық бюджеттік бағдарламалар әкімшілерінің жергілікті атқарушы органдармен және халықаралық қаржы ұйымдарымен жасасатын квазимемлекеттік сектор субъектілеріне қарыздар беру есебінен қаржыландырылатын жобаларды іске асыру туралы келісімдері;
14) техникалық ынтымақтастық шоты туралы келісім – орталық уәкілетті орган мен Қазақстан Республикасында техникалық көмекті қаржыландыруға арналған халықаралық қаржы ұйымдары арасындағы техникалық ынтымақтастық шотын құру туралы келісім;
15) халықаралық қаржы ұйымы (бұдан әрі – ХҚҰ) – Қазақстан Республикасының Үкіметіне сыртқы қарыз және (немесе) грант түрінде, заңды тұлғаларға қарыз және/немесе кредит, кредиттік желілер, грант, техникалық көмек түрінде қаржылық немесе техникалық көмек көрсетуді жүзеге асыратын халықаралық қаржы ұйымы.
2-тарау. Қазақстан Республикасының Үкіметі мен халықаралық қаржы ұйымдары арасындағы әріптестік туралы негіздемелік келісімдер шеңберінде халықаралық қаржы ұйымдарымен бірлесіп жүзеге асырылатын Қазақстан Республикасының орнықты дамуы мен өсуіне жәрдемдесу жөніндегі жобаларды іріктеу тәртібі
3. Әріптестік туралы негіздемелік келісімдер шеңберінде ХҚҰ-мен бірлесіп іске асырылуы жоспарланатын жобалар оларды іске асырудың орындылығын айқындау үшін Үйлестіру кеңесінің мақұлдауына шығарылуға тиіс.
4. Жобаны Үйлестіру кеңесінің қарауына шығару үшін:
ХҚҰ-дан ниет-хат;
Қазақстан Республикасы Премьер-Министрінің 2014 жылғы 16 маусымдағы № 84-ө өкіміне сәйкес құрылған Қазақстан Республикасының Үкіметі мен ХҚҰ арасындағы әріптестік туралы негіздемелік келісімдерді іске асыру жөніндегі салалық жұмыс тобының (бұдан әрі – Салалық жұмыс тобы) оң хаттамалық мақұлдауы;
уәкілетті органның бұйрығына сәйкес құрылған Қазақстан Республикасының Үкіметі мен ХҚҰ арасындағы әріптестік туралы негіздемелік келісімдер шеңберінде жобаларды іріктеуді үйлестіру жөніндегі жұмыс тобының (бұдан әрі – Жобаларды іріктеуді үйлестіру жөніндегі жұмыс тобы) оң хаттамалық шешімі негіз болып табылады.
5. Мемлекеттік жоспарлау жөніндегі орталық уәкілетті орган салалық жұмыс тобы мен жобаларды іріктеуді үйлестіру жөніндегі жұмыс тобы мақұлдаған жобаларды Үйлестіру кеңесінің отырысына шығаруды қамтамасыз етеді.
5-1. Үйлестіру кеңесінің отырысы осы Қағидалардың 4-тармағына сәйкес қосымшаларымен бірге еркін нысанда тиісті өтінімдер болған кезде, сондай-ақ Үйлестіру кеңесі шеңберінде қолданыстағы жобаларды іске асыру мәселелерін қарау қажет болған кезде айына кемінде бір рет өткізіледі.
Ескерту. Қағида 5-1-тармақпен толықтырылды - ҚР Ұлттық экономика министрінің 24.05.2021 № 52 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.6. ХҚҰ-мен бірлесіп іске асыру жоспарланған жобаны іріктеу кезінде мынадай факторлар ескеріледі:
1) жобаның Қазақстан Республикасының 2050 жылға дейінгі даму стратегиясында, Қазақстанның әлемнің ең дамыған 30 мемлекетінің қатарына кіру тұжырымдамасында, Қазақстанның 2025 жылға дейінгі Стратегиялық даму жоспарының ережелерінде және мемлекеттік бағдарламаларда көрсетілген бағыттарға сәйкес келуі;
2) елдің анағұрлым маңызды, өзекті әлеуметтік-экономикалық міндеттерін шешу;
3) әлеуметтік-экономикалық әсер (жаңа жұмыс орындарын құру, жалпы ішкі өнімнің өсуіне әсер ету);
4) экономиканың орнықты даму мақсаттарына қол жеткізу;
5) инфрақұрылымды дамыту;
6) тауарларды, жұмыстарды немесе көрсетілетін қызметтерді сатып алу туралы шарттардың жалпы тиісті құнының кемінде 65% құрайтын тауарларды, жұмыстарды немесе көрсетілетін қызметтерді сатып алу кезіндегі жергілікті қамту үлесі;
7) ағымдағы нарықтық конъюнктура мөлшерінен аспайтын проценттік мөлшерлемелер мен комиссиялар мөлшерлері;
8) проценттік мөлшерлеме мен қарыз валютасын айырбастау мүмкіндігі;
9) ұлттық валютада қаржыландыру құралдары артықшылықпен қарауға жатады;
10) қарызды мерзімінен бұрын өтеу мүмкіндігі;
11) қарыз қаражатын жою мүмкіндігі;
12) қарызды ұзақ мерзімді кезеңге тарту мүмкіндігі;
13) Қазақстан Республикасы Үкіметінің 2018 жылғы 20 сәуірдегі № 210 қаулысымен бекітілген Квазимемлекеттік сектордың сыртқы және ішкі қарыздарына мониторинг жүргізу және бақылау қағидаларының 12-тармағына сәйкес қарыз алудың болжамды көлемін ескере отырып, белгіленген борыш индикаторларын сақтау.
7. Республикалық бюджеттік бағдарламалар әкімшісі негіздемелік келісімдерді іске асыру шеңберінде ХҚҰ-мен бірлесіп жүзеге асырылатын, Үйлестіру кеңесінде мақұлданған жобаларды Қазақстан Республикасының бюджет заңнамасында белгiленген тәртiппен республикалық бюджет қаражаты есебiнен бірлесіп қаржыландыруды қамтамасыз етеді.
8. Жобаларды іріктеу және үйлестіру тетіктері:
1) мемлекеттік сыртқы қарыз алу жағдайында Қазақстан Республикасы Қаржы министрінің 2014 жылғы 4 желтоқсандағы № 540 бұйрығымен (Қазақстан Республикасының нормативтік құқықтық актілерді мемлекеттік тіркеу тізілімінде № 9934 болып тіркелген) бекітілген Бюджеттің атқарылуы және оған кассалық қызмет көрсету ережесінде (бұдан әрі – Бюджеттің атқарылуы және оған кассалық қызмет көрсету ережесі) көзделген тәртіппен ХҚҰ-мен қарыз шартын жасасады;
2) грант тартылған жағдайда, Қазақстан Республикасының 2008 жылғы 4 желтоқсандағы Бюджет кодексінің (бұдан әрі - Кодекс) 10-бөлімінде көзделген тәртіппен грант туралы келісім жасалады;
3) құрылтайшысы, қатысушысы немесе акционері жергілікті атқарушы органдар болып табылатын квазимемлекеттік сектор субъектілері қарыз тартқан жағдайда осы Қағидалардың 13-тармағында белгіленген тәртіппен үшжақты келісімдер жасалады;
4) Қазақстан Республикасының қарыз алушы резиденті мемлекет кепілдігімен мемлекеттік емес қарыз тартқан жағдайда, тетігі мен тәртібі Кодекстің 45-тарауына сәйкес реттеледі.
9. Квазимемлекеттік сектор субъектілерінің жобалары дайындалуға және сүйемелденуге тиіс, ол техникалық-экономикалық зерттеу әзірлеу, ХҚҰ ішкі тәртібіне сәйкес жобаларды сүйемелдеу үшін қажетті тендерлік рәсімдер жүргізу, корпоративтік даму бағдарламасын дайындау және енгізу бойынша консультативтік көмек көрсету жөніндегі іс-шараларды қамтиды.
10. Квазимемлекеттік сектор субъектілерінің жобаларын дайындау және сүйемелдеу мүдделі мемлекеттік органдар қарайтын ХҚО-дан қаржыландырылуы мақұлданған өтінімдердің негізінде жүзеге асырылады. Қаржыландыруға өтінімдер беру ХҚҰ-дан ниет-хат алынғаннан кейін жүзеге асырылады.
11. Квазимемлекеттік сектор субъектілерінің жобаларын дайындауға және сүйемелдеуге өтінімдер беру жобаны Үйлестіру кеңесі мақұлдағаннан кейін жүзеге асырылады.
Квазимемлекеттік сектор субъектісінің жобасын Үйлестіру кеңесі мақұлдаған жағдайда тараптардың келісуі бойынша ХҚҰ-ның жобаларды дайындауға және сүйемелдеуге арналған шығындарын өтеу Қазақстан Республикасының Үкіметі мен ХҚҰ техникалық ынтымақтастық шотынан жүргізіледі.
12. Жобалар бойынша көрсетілетін қызметтердің негізділігін есептеу ХҚҰ-ның ішкі рәсімдеріне сәйкес жүзеге асырылады.
13. Бюджеттік бағдарламалар әкімшісі жобаны Үйлестіру кеңесі мақұлдағаннан кейін үшжақты келісімге қол қоюға бастама жасайды, Қазақстан Республикасы Ұлттық экономика министрінің 2014 жылғы 5 желтоқсандағы № 129 бұйрығымен (Қазақстан Республикасының Нормативтік құқықтық актілерді мемлекеттік тіркеу тізілімінде № 9938 болып тіркелген) (бұдан әрі – Бюджеттік инвестициялар жөніндегі қағидалар) бекітілген Мемлекеттік инвестициялық жобаның инвестициялық ұсынысын әзірлеу немесе түзету, оған қажетті сараптамаларды жүргізу, сондай-ақ бюджеттік инвестицияларды жоспарлау, қарау, іріктеу, іске асырылуын мониторингілеу және бағалау және бюджеттік кредиттеудiң орындылығын айқындау қағидаларында белгіленген тәртіппен квазимемлекеттік сектор субъектілерінің қарыз алу жобалары бойынша қажетті құжаттаманы әзірлейді және бюджеттік өтінімді квазимемлекеттік сектор субъектілерінің жарғылық капиталын ұлғайтуға нысаналы даму трансферттері түрінде квазимемлекеттік сектор субъектілерінің қарыз алуы жөніндегі жобаларын бірлесіп қаржыландыруға, кейіннен Қазақстан Республикасының бюджет заңнамасында белгіленген тәртіппен республикалық бюджет комиссиясының қарауына шығару үшін бюджеттік жоспарлау жөніндегі уәкілетті органға жібереді.
Бұл ретте, қаржылық-экономикалық негіздемеде көзделген бюджеттік инвестициялардың нәтижелеріне қол жеткізуді квазимемлекеттік сектор субъектілері үшжақты келісімде және квазимемлекеттік сектор субъектілері мен ХҚҰ арасындағы қарыз шартында көрсетілген талаптарға сәйкес қамтамасыз етеді. ХҚҰ-ның ішкі сатып алу қағидаларына сәйкес ашық конкурстық сауда-саттық нәтижелері бойынша жасалған мердігерлік шарттар бойынша мердігерлердің шоттарын төлеу кезінде мердігер жасаған сметалық есеп пайдаланылады.
14. МЖӘ жобалары, оның ішінде концессиялық жобалар Қазақстан Республикасының Үкіметі әріптестік туралы негіздемелік келісімдер жасасқан ХҚҰ тарту арқылы дайындалуға тиіс.
Бұл ретте МЖӘ жобаларын, оның ішінде концессиялық жобаларды дайындау ХҚҰ ішкі рәсімдеріне сәйкес (оның ішінде олар тартқан консультанттар) жүзеге асырылады.
15. МЖӘ жобаларын, оның ішінде концессиялық жобаларды дайындау бойынша көрсетілетін қызметтер конкурстық құжаттамаларды, МЖӘ шарттарының жобаларын немесе концессия шарттарының жобаларын не олардың жекелеген бөліктерін әзірлеуді, тиісті конкурстық өтінімде қамтылған, ұсынылған концессиялық өтінімдерді тәуелсіз бағалауды, конкурстық өтінімдерді, сапа көрсеткіштерінің негізінде басқару келісімшарттарын әзірлеуді, коммерциялық жабу кезеңін (МЖӘ шартын немесе концессия шартын жасасу) және қаржылық жабу кезеңін (кредиттік шарттарды немесе ұқсас құжаттарды жасасу) қоса алғанда, конкурсқа қатысушымен келіссөздер жүргізу процесінде консультациялық қызметтер көрсетуді қамтиды.
16. Бюджеттік инвестициялар жөніндегі қағидаларға сәйкес МЖӘ жобаларын, оның ішінде концессиялық жобаларды дайындау үшін ХҚҰ-ның ниет-хаты және мемлекеттік жоспарлау жөніндегі уәкілетті органның мемлекеттік инвестициялық жобаның инвестициялық ұсынысына оң экономикалық қорытындысы негіз болып табылады.
17. МЖӘ-нің республикалық және жергілікті жобаларын дайындау тараптардың келісуі бойынша ХҚҰ-ның инфрақұрылымдық жобаларын дайындау бойынша ХҚҰ қорының қаражаты есебінен жүзеге асырылады.
18. Қазақстан Республикасының заңнамасына және ХҚҰ ішкі рәсімдеріне сәйкес, ХҚҰ-ның МЖӘ жобаларын, оның ішінде концессиялық жобаларды дайындау және сүйемелдеу бойынша шығыстары тараптардың келісуі бойынша конкурстық құжаттамаға және МЖӘ немесе концессия шартының жобасына жеке әріптес (концессионер) тарапынан төлем туралы ережені қосу арқылы жеке әріптес (концессионер) тарапынан өтелуге тиіс.
3-тарау. Қазақстан Республикасының Үкіметі мен халықаралық қаржы ұйымдары арасындағы әріптестік туралы негіздемелік келісімдер шеңберінде халықаралық қаржы ұйымдарымен бірлесіп жүзеге асырылатын Қазақстан Республикасының орнықты дамуы мен өсуіне жәрдемдесу жөніндегі жобаларды үйлестіру тәртібі
19. Мемлекеттік жоспарлау жөніндегі орталық уәкілетті орган негіздемелік келісімдер шеңберінде жобалардың іске асырылуын үйлестіруді жүзеге асырады, бұл ретте:
негіздемелік келісімдер шеңберінде жобалар бойынша келіспеушіліктер туындаған жағдайда проблемалық мәселелерді Жобаларды іріктеуді үйлестіру жөніндегі жұмыс тобында немесе Үйлестіру кеңесінің отырыстарында қарауды қамтамасыз етеді;
жобаларды іске асыру шеңберінде МҚҰ өкілдерінің мемлекеттік органдармен ақпараттық өзара іс-қимылын жүзеге асырады;
Жобаларды іріктеуді үйлестіру жөніндегі жұмыс тобында және/немесе Үйлестіру кеңесінің отырыстарында қаражатты қарыз санаттары бойынша қайта бөлуді, қарызды жабу күнін ұзартуды, қарыз қаражатының күшін жоюды, жобаның мерзімінен бұрын жабылуын, жобаларды қайта құрылымдауды және жобаларды іске асыру барысында туындайтын өзге де мәселелерді қоса алғанда, үкіметтік сыртқы қарыздар есебінен қаржыландырылатын қолданыстағы жобаларды іске асыру мәселелерін қарауды қамтамасыз етеді.
Ескерту. 19-тармақ жаңа редакцияда - ҚР Ұлттық экономика министрінің 24.05.2021 № 52 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.20. Егер квазимемлекеттік сектор субъектілерінің қарыз алуы жөніндегі жобаларды iске асыру барысында іс-шараларды, техникалық-технологиялық шешімдерді өзгертуге және (немесе) толықтыруға, тікелей және түпкілікті нәтижелер көрсеткіштерін төмендетуге, жобаны іске асыруға көзделген шығыстарды ұлғайтуға әкеліп соғатын бюджеттiк инвестициялардың белгiленген қаржы-экономикалық параметрлерiн өзгерту қажеттiгi туындаса, ХҚҰ-мен келісу бойынша Кодексте, сондай-ақ осы Қағидалардың 21 және 22-тармақтарында айқындалған тәртіппен бюджеттік инвестициялардың қаржы-экономикалық негіздемесін түзету жүргізіледі.
21. Белгіленген қаржы-экономикалық параметрлерді түзету бойынша бірінші кезең:
1) жергілікті бюджеттік бағдарламалар әкімшісінің бюджеттік инвестициялардың қаржы-экономикалық негіздемесін түзету бойынша инвестициялық ұсынысты әзірлеуі және оны мемлекеттік жоспарлау жөніндегі жергілікті уәкілетті органға мынадай құжаттар топтамасымен ұсынуы:
Бюджеттік инвестициялар жөніндегі қағидаларға 16-қосымшаға сәйкес нысан бойынша салыстырма кесте қоса берілген, іс-шаралардың болжанатын өзгерістері және (немесе) толықтырулары, бюджеттік инвестициялардың қаржы-экономикалық негіздемесіне техникалық-технологиялық шешімдер, бекітілген іс-шараларға көзделген шығыстардың ұлғаюына әкеліп соғатын мән-жайлар мен себептер көрсетілген жергілікті бюджеттік бағдарламалар әкімшісінің өтінім-хаты;
бұрын оң экономикалық қорытынды алынған бюджеттік инвестицияларды бекiту туралы жергілікті бюджеттік бағдарламалар әкімшісі бұйрығының көшірмесі;
бұрын ұсынылған бюджеттік инвестицияларға берілген мемлекеттiк жоспарлау жөнiндегi жергілікті уәкiлеттi органның экономикалық қорытындысының көшірмесі;
сараптамалар қорытындылары мен бюджеттік инвестициялардың бекітілген қаржы-экономикалық негіздемесінің көшірмелері;
мемлекеттік сатып алуларды жүргізудің нәтижесінде үнемделген соманы (егер үнемдеу болған жағдайда) көрсете отырып, бюджеттік инвестициялардың қаржы-экономикалық негіздемесінің іс-шараларын, оның ішінде жобалау-сметалық құжаттаманы әзірлеуден бастап құрылыс қызметін болжайтын жобалар бойынша іс-шараларды іске асыру шеңберінде жасалған шарттар туралы ақпарат;
жобаны іске асыру басталғаннан бастап әрбір жыл үшін бюджеттен бюджеттік инвестициялардың қаржы-экономикалық негіздемесінің іс-шараларын қаржыландыру бойынша ақпарат. Бұл ақпаратта әрбір жылдың жоспарлы және нақты мәндері туралы мәліметтер, игерілмеу болған жағдайда оның себептері көрсетіле отырып беріледі;
жобаның қымбаттауына әкеліп соғатын себептер (мердігерлердің жергілікті бюджеттік бағдарламалар әкімшілерін шартта көрсетілген бағаны (сметаны) өсірудің қажеттігі туралы уақтылы ескерткенін растайтын хаттарының көшірмелерін қоса бере отырып) туралы мәліметтер;
жобаның қымбаттауы олардың кінәсінан орын алған ұйымдар не жеке тұлғалар жөніндегі мәліметтер, сондай-ақ осындай ұйымға не жеке тұлғаға қатысты қабылданған шаралар;
тиісті жергілікті атқарушы органның, оның ішінде квазимемлекеттік сектор субъектілерінің қарыз алуы жөніндегі жобалардың құнын ұлғайтудың негізділігі мен анықтығын растайтын салалық қорытынды;
уәкілетті органның "Мемлекеттік аудит және қаржылық бақылау туралы" 2015 жылғы 12 қарашадағы Қазақстан Республикасының Заңына сәйкес бюджет қаражатының мақсатты пайдаланылуы тұрғысынан ішкі мемлекеттік аудит жөніндегі актісі;
егер жоба бойынша бюджеттік инвестициялардың қаржы-экономикалық негіздемесін іске асыру шеңберінде бөлінген барлық бюджет қаражатын қамтитын қаржыландыру басталған болса, бұзушылықтардың жоқ екені туралы ішкі мемлекеттік аудит жөніндегі уәкілетті органның ескіру мерзімі құжаттарды ұсынған күннен бастап 6 (алты) айдан аспайтын актісі;
бюджеттік инвестициялардың бекітілген қаржы-экономикалық негіздемесінде көрсетілген көрсеткіштерге қол жеткізу не қол жеткізбеу туралы, оның ішінде қол жеткізбеу себептерін көрсете отырып, бөлінген бюджет қаражатын толық игерген кездегі ақпарат;
құжаттарды ұсынған күнге дейін 1 (бір) айдан ерте емес түсірілген, объектінің нақты жай-күйі туралы толық көрініс беретін фото немесе бейнетүсірілім материалдары;
2) мемлекеттік жоспарлау жөніндегі жергілікті уәкілетті органның осы тармақтың 1) тармақшасында көзделген құжаттар топтамасын қарауы және бюджеттік инвестициялардың қаржы-экономикалық негіздемесін түзету бойынша инвестициялық ұсынысқа экономикалық қорытынды дайындауы;
3) мемлекеттік жоспарлау жөніндегі жергілікті уәкілетті органның дайындалған экономикалық қорытындыны облыстың, республикалық маңызы бар қаланың, астананың, ауданның (облыстық маңызы бар қаланың) бюджеттік инвестициялардың қаржы-экономикалық негіздемесін түзетудің орындылығын айқындау жөніндегі тиісті бюджет комиссиясының (бұдан әрі – тиісті бюджет комиссиясы) қарауына енгізуі;
4) тиісті бюджет комиссиясының оң шешімі алынған кезде жергілікті бюджеттік бағдарламалар әкімшісінің Бюджеттік инвестициялар жөніндегі қағидаларға сәйкес кейін экономикалық және салалық сараптамалар, сондай-ақ егер жобада объектілер құрылысы болжанған жағдайда, "Қазақстан Республикасындағы сәулет, қала құрылысы және құрылыс қызметі туралы" 2001 жылғы 16 шілдедегі Қазақстан Республикасының Заңына сәйкес кешенді ведомстводан тыс сараптаманы жүргізумен бюджеттік инвестициялардың қаржы-экономикалық негіздемесіне тиісті түзетулерді енгізуі.
22. Түзетілген қаржы-экономикалық негіздемелерді мақұлдау бойынша екінші кезең:
1) жергілікті бюджеттік бағдарламалар әкімшісінің бюджеттік инвестициялардың түзетілген қаржы-экономикалық негіздемесін мемлекеттік жоспарлау жөніндегі жергілікті уәкілетті органға бюджеттік инвестицияларға экономикалық қорытынды дайындау үшін ұсынуы;
2) жергілікті бюджеттік бағдарламалар әкімшісінің тиісті орталық немесе жергілікті атқарушы органға мемлекеттік органның бірінші басшысы – жергілікті бюджеттік бағдарламалар әкімшісінің не оны алмастыратын адамның не квазимемлекеттік сектор субъектілерінің қарыз алуы жөніндегі әрбір жоба бойынша жеке уәкілетті адамның, мемлекеттік органның бірінші басшысы – жергілікті бюджеттік бағдарламалар әкімшісінің қолы қойылған мынадай құжаттар топтамасын ұсынуы:
Бюджеттік инвестициялар жөніндегі қағидаларға 16-қосымшаға сәйкес нысан бойынша салыстырма кестені қоса бере отырып, іс-шаралардың болжанатын өзгерістері және (немесе) толықтырулары, бюджеттік инвестициялардың қаржы-экономикалық негіздемесіне техникалық-технологиялық шешімдер, бекітілген іс-шараларға көзделген шығыстардың ұлғаюына әкеліп соғатын мән-жайлар мен себептер көрсетілген өтінім-хат;
бұрын оң экономикалық қорытынды алынған бюджеттік инвестицияларды бекiту туралы жергілікті бюджеттік бағдарламалар әкімшісі бұйрығының көшірмесі;
бұрын ұсынылған бюджеттік инвестицияларға берілген мемлекеттiк жоспарлау жөнiндегi жергілікті уәкiлеттi органның экономикалық қорытындысының көшірмесі;
сараптамалар қорытындылары мен бюджеттік инвестициялардың бекітілген қаржы-экономикалық негіздемесінің көшірмелері;
бюджеттік инвестициялардың түзетiлген қаржы-экономикалық негіздемесі;
мемлекеттік сатып алуларды жүргізудің нәтижесінде үнемделген соманы (үнемдеу болған жағдайда) көрсете отырып, бюджеттік инвестициялардың қаржы-экономикалық негіздемесін, оның ішінде жобалау-сметалық құжаттаманы әзірлеуден бастап құрылыс қызметін болжайтын жобалар бойынша іс-шараларды іске асыру шеңберінде жасалған шарттар туралы ақпарат;
іске асыру басталғаннан бастап әрбір жыл үшін бюджеттен бюджеттік инвестициялардың қаржы-экономикалық негіздемесінің іс-шараларын қаржыландыру бойынша ақпарат. Бұл ақпаратта әрбір жылдың жоспарлы және нақты мәндері туралы мәліметтер, игерілмеу болған жағдайда, оның себептері көрсетіле отырып беріледі;
қымбаттауға әкеліп соғатын себептер (мердігерлердің жергілікті бюджеттік бағдарламалар әкімшілерін шартта көрсетілген бағаны (сметаны) өсірудің қажеттігі туралы уақтылы ескерткенін растайтын хаттарының көшірмелерін қоса бере отырып) туралы мәліметтер;
қымбаттау олардың кінәсінан орын алған ұйымдар не жеке тұлғалар жөніндегі мәліметтер, сондай-ақ осындай ұйымға не жеке тұлғаға қатысты қабылданған шаралар;
мемлекеттік жоспарлау жөніндегі жергілікті уәкілетті органның түзетілген қаржы-экономикалық негіздеме бойынша бюджеттік инвестицияларға экономикалық қорытындысы;
тиісті жергілікті атқарушы органның салалық қорытындысы, оның ішінде квазимемлекеттік сектор субъектілерінің қарыз алуы жөніндегі жобалардың құнын ұлғайтудың негізділігі мен анықтығын растайтын салалық қорытындысы;
бюджеттік инвестициялардың қаржы-экономикалық негіздемесінде көрсетілген іс-шараларды іске асыруды аяқтау үшін талап етілетін болжанатын қосымша бюджет шығыстарының негіздемесі;
"Мемлекеттік аудит және қаржылық бақылау туралы" 2015 жылғы 12 қарашадағы Қазақстан Республикасының Заңына сәйкес бюджет қаражатының мақсатты пайдаланылуы тұрғысынан мемлекеттік аудит жөніндегі уәкілетті органның актісі;
егер жоба бойынша бюджеттік инвестициялардың қаржы-экономикалық негіздемесін іске асыру шеңберінде бөлінген барлық бюджет қаражатын қамтитын қаржыландыру басталған болса, бұзушылықтардың жоқ екені туралы ішкі мемлекеттік аудит жөніндегі уәкілетті органның ескіру мерзімі құжаттарды ұсынған күннен бастап 6 (алты) айдан аспайтын актісі;
тиісті бюджет комиссиясының бюджеттік инвестициялардың қаржы-экономикалық негіздемесін түзетудің орындылығы туралы шешімінің көшірмесі;
бюджеттік инвестициялардың бекітілген қаржы-экономикалық негіздемесінде көрсетілген көрсеткіштерге қол жеткізу не қол жеткізбеу туралы, оның ішінде қол жеткізбеу себептерін көрсете отырып, бөлінген бюджет қаражатын толық игерген кездегі ақпарат;
құжаттарды ұсынған күнге дейін 1 (бір) айдан ерте емес түсірілген объектінің нақты жай-күйі туралы толық көрініс беретін фото немесе бейнетүсірілім материалдары;
3) тиісті орталық немесе жергілікті атқарушы органның осы тармақтың 2) тармақшасында көзделген құжаттар топтамасын қарауы және оларды бюджеттік жоспарлау жөніндегі орталық немесе жергілікті уәкілетті органға тиісті бюджет комиссиясына шығару үшін енгізуі;
4) тиісті бюджет комиссиясының бюджеттік инвестициялардың түзетілген қаржы-экономикалық негіздемесі бойынша квазимемлекеттік сектор субъектілерінің қарыз алуы жөніндегі жобаны қаржыландырудың орындылығы туралы оң шешімін алған кезде жергілікті бюджеттік бағдарламалар әкімшісінің бюджеттік инвестициялардың түзетілген қаржы-экономикалық негіздемесін бекітуі.
23. Егер бюджеттік инвестициялардың қаржы-экономикалық негіздемесін түзету қосымша қаражатты қажет етсе, онда бірлесіп қаржыландыру жергілікті бюджет қаражаты есебінен жүзеге асырылады.
Жергілікті бюджетте қаражат жеткіліксіз болған кезде, жергілікті бюджеттік бағдарламалар әкімшісі тиісті орталық мемлекеттік органға осы Қағидалардың 22-тармағында көрсетілген есептеулер мен құжаттар қоса берілген негіздеме ұсынады. Бюджеттік инвестициялардың түзетілген қаржы-экономикалық негіздемесі бойынша квазимемлекеттік сектор субъектілерінің қарыз алу жөніндегі жобасын қаржыландыру республикалық бюджет комиссиясының оң шешімі алынған кезде жүзеге асырылады.
24. Бюджеттік инвестициялардың қаржы-экономикалық негіздемесін түзету кезінде, қажет болған жағдайда, жергілікті бюджеттік бағдарламалардың әкімшісі республикалық бюджеттік бағдарламалар әкімшісімен және ХҚҰ-мен бірлесіп, республикалық және жергілікті бюджеттерден тартылған қарыз қаражатының және бірлесіп қаржыландырудың пропорциясын түзету бөлігінде үшжақты келісімге өзгерістер енгізеді.
25. 2015-2017 жылдары бекітілген жобаларды іске асыру үшін Ұлттық қордан нысаналы трансферт қаражаты есебінен қаржыландырылатын жобалар бойынша бюджеттік инвестициялардың қаржы-экономикалық негіздемесін Қазақстан Республикасы Үкіметінің "Әріптестік туралы негіздемелік келісімдер шеңберінде халықаралық қаржы ұйымдарымен бірлесіп жүзеге асырылатын Қазақстан Республикасының орнықты дамуына және өсуіне жәрдемдесу жөніндегі жобаларды іске асыруға Қазақстан Республикасының Ұлттық қорынан бөлінетін нысаналы трансферт қаражатын бөлу және пайдалану қағидалары туралы" 2015 жылғы 15 сәуірдегі № 241, "Әріптестік туралы негіздемелік келісімдер шеңберінде халықаралық қаржы ұйымдарымен бірлесіп жүзеге асырылатын Қазақстан Республикасының орнықты дамуына және өсуіне жәрдемдесу жөніндегі жобаларды іске асыруға Қазақстан Республикасының Ұлттық қорынан берілетін нысаналы трансферт қаражатын бөлу және пайдалану қағидалары туралы" 2016 жылғы 28 маусымдағы № 374, "Әріптестік туралы негіздемелік келісімдер шеңберінде халықаралық қаржы ұйымдарымен бірлесіп жүзеге асырылатын Қазақстан Республикасының орнықты дамуына және өсуіне жәрдемдесу жөніндегі жобаларды іске асыруға Қазақстан Республикасының Ұлттық қорынан берілетін нысаналы трансферт қаражатын бөлу және пайдалану қағидалары туралы" 2017 жылғы 20 сәуірдегі № 211 қаулыларымен бекітілген Әріптестік туралы негіздемелік келісімдер шеңберінде халықаралық қаржы ұйымдарымен бірлесіп жүзеге асырылатын Қазақстан Республикасының орнықты дамуына және өсуіне жәрдемдесу жөніндегі жобаларды іске асыруға Қазақстан Республикасының Ұлттық қорынан берілетін нысаналы трансферт қаражатын бөлу және пайдалану қағидаларға сәйкес түзету осы Қағидалардың 21 және 22-тармақтарына сәйкес қаржыландыру арқылы жүзеге асырылады.
26. ХҚҰ толық немесе ішінара қаржыландыратын жобалар бойынша тауарларды, жұмыстарды, көрсетілетін қызметтерді сатып алу Қазақстан Республикасы ратификациялаған халықаралық шартта өзге қағидалар белгіленген жағдайларды қоспағанда, Қазақстан Республикасының мемлекеттік сатып алу туралы заңнамасына сәйкес жүргізіледі.
Қарыз қаражаты есебінен тауарлар, жұмыстар және көрсетілетін қызметтерді сатып алу бойынша конкурстар өткізу тәртібі Бюджеттің атқарылуы және оған кассалық қызмет көрсету ережесінің 5-параграфына сәйкес айқындалады.
27. Жергілікті атқарушы органдар тиісті орталық мемлекеттік органға тоқсан сайын есепті тоқсаннан кейінгі айдың 5-күніне дейін негіздемелік келісімдер шеңберінде іске асырылатын жобалардың іске асырылу барысы туралы есеп ұсынады.
Есепке жергілікті атқарушы органның бірінші басшысы немесе бірінші басшысының орынбасары қол қояды және ол мынадай ақпаратты қамтиды:
1) бекітілген жоспарға/кестеге немесе институционалдық жобаның ТЭН / қаржы-экономикалық құжаттамасына (бұдан әрі - ҚЭҚ) сәйкес негіздемелік келісімдер (нәтижелерге қол жеткізу кезеңдері) шеңберінде іске асырылатын жобалардың нақты орындалуы туралы;
2) нәтижеге қол жеткізілмеген жағдайда, оларға қол жеткізілмеу себептері туралы;
3) жобаны іске асырудан түсетін әлеуметтік-экономикалық пайдалар туралы есеп.
28. Республикалық бюджеттік бағдарламалар әкімшісі мемлекеттік жоспарлау жөніндегі орталық уәкілетті органға тоқсан сайын есепті тоқсаннан кейінгі айдың 15-күніне дейін негіздемелік келісімдер шеңберінде іске асырылатын жобаларды іске асыру барысы туралы жиынтық есепті ұсынады.
Есепке орталық мемлекеттік органның бірінші басшысы немесе бірінші басшысының орынбасары қол қояды және ол мынадай ақпаратты қамтиды:
1) бекітілген жоспарға / кестеге немесе ТЭН/ ҚЭҚ сәйкес негіздемелік келісімдер (нәтижелерге қол жеткізу кезеңдері) шеңберінде іске асырылатын жобалардың нақты орындалуы туралы;
2) нәтижелерге қол жеткізілмеген жағдайда, оларға қол жеткізілмеу себептері туралы;
3) жобаны іске асырудан түсетін әлеуметтік-экономикалық пайдалар туралы есеп.
29. Мемлекеттік жоспарлау жөніндегі орталық уәкілетті орган Қағидалардың 28-тармағына сәйкес республикалық бюджеттік бағдарламалар әкімшісі ұсынған жиынтық есепті қабылдайды және қажет болған жағдайда оны Үйлестіру кеңесінің қарауына шығарады.
