ЗҚАИ-ның ескертпесі!
Осы бұйрық 01.07.2021 бастап қолданысқа енгізіледі.
"Техникалық реттеу туралы" Қазақстан Республикасы Заңының 7-бабы 1-тармағының 5) және 6) тармақшаларына сәйкес БҰЙЫРАМЫН:
1. Мыналар:
1) Осы бұйрыққа 1-қосымшаға сәйкес Көлік құралдарын жасаушыларға халықаралық сәйкестендіру кодтарын беру қағидалары;
2) Осы бұйрыққа 2-қосымшаға сәйкес Көлік құралын жасаушыға халықаралық сәйкестендіру кодын беру туралы куәліктің нысаны бекітілсін.
2. Мыналардың:
1) "Көлік құралын жасаушыға халықаралық сәйкестендіру кодын беру туралы куәліктің нысанын бекіту туралы" Қазақстан Республикасы Инвестициялар және даму министрінің 2018 жылғы 14 желтоқсандағы № 877 бұйрығының (Нормативтік құқықтық актілерді мемлекеттік тіркеу тізілімінде № 18011 болып тіркелген);
2) "Көлік құралдарын жасаушыларға халықаралық сәйкестендіру кодын беру қағидаларын бекіту туралы" Қазақстан Республикасы Инвестициялар және даму министрінің 2018 жылғы 26 желтоқсандағы № 920 бұйрығының (Нормативтік құқықтық актілерді мемлекеттік тіркеу тізілімінде № 18062 болып тіркелген) күші жойылды деп танылсын.
3. Қазақстан Республикасы Сауда және интеграция министрлігінің Техникалық реттеу және метрология комитеті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Сауда және интеграция министрлігінің интернет-ресурсында орналастыруды қамтамасыз етсін.
4. Осы бұйрықтың орындалуын бақылау жетекшілік ететін Қазақстан Республикасының Сауда және интеграция вице-министріне жүктелсін.
5. Осы бұйрық 2021 жылдың 1 шілдеден бастап қолданысқа енгізіледі және ресми жариялануы тиіс.
| Қазақстан Республикасының | |
| сауда және интеграция министрі | Б. Сұлтанов |
| Қазақстан Республикасының сауда және интеграция министрінің 2021 жылғы 27 мамырдағы № 368-НҚ бұйрығына 1–қосымша |
Көлік құралдарын жасаушыларға халықаралық сәйкестендіру кодтарын беру қағидалары
1-тарау. Жалпы ережелер
1. Осы Көлік құралдарын жасаушыларға халықаралық сәйкетендіру кодын беру қағидалары (бұдан әрі – Қағидалар) "Техникалық реттеу туралы" Қазақстан Республикасы Заңының 7-бабы 1-тармағының 5) және 6) тармақшаларына сәйкес әзірленді және көлік құралдарын жасаушыларға халықаралық сәйкестендіру кодтарын беру тәртібін анықтайды.
2. Көлік құралдарын жасаушыларға халықаралық сәйкестендіру кодтарын беру көлік құралдарын дайындаушыларды сәйкестендіруді белгілеу мақсатында жүзеге асырылады.
3. Қағидаларда мынадай ұғымдар пайдаланылады:
1) көлік құралдарын жасаушыларға халықаралық сәйкестендіру кодтарын беру – Қазақстан Республикасының аумағында қызметін жүзеге асыратын көлік құралын жасаушы заңды тұлғаға немесе дара кәсіпкер ретінде тіркелген жеке тұлғаға жекелеген таным белгілерін бекітіп беру;
2) көлік құралын жасаушыға халықаралық сәйкестендіру кодын беру туралы куәлік – Қазақстан Республикасының аумағында қызметін жүзеге асыратын көлік құралын жасаушы заңды тұлғаға немесе дара кәсіпкер ретінде тіркелген жеке тұлғаға халықаралық сәйкестендіру кодының берілгенін растайтын құжат;
3) көлік құралының сәйкестендіру нөмірі – көлік құралын жасаушысымен берілетін белгілердің құрылымды құрастырылымы;
4) техникалық реттеудің ақпараттық жүйесі (бұдан әрі - ақпараттық жүйе) – техникалық реттеу, өлшем бірлігін қамтамасыз етудің мемлекеттік жүйесі, ұлттық стандарттау жүйесінің тізілімдеріндегі және Еуразиялық экономикалық одақтың сәйкестікті бағалау туралы берілген немесе қабылданған құжаттарының бірыңғай тізілімдеріндегі мәліметтер мен ақпараттарды сақтауға, өңдеуге, іздеуге, таратуға, беруге және ұсынуға арналған автоматтандырылған ақпараттық жүйе;
5) техникалық хатшылық – көлік құралының типін мақұлдауды, шасси типін мақұлдауды ресімдеудің дұрыстығы мен негізділігін тексеру, көлік құралы конструкциясының қауіпсіздігі туралы берілген куәліктер жөніндегі мәліметтерді жинау және көлік құралдарын жасаушыларға халықаралық сәйкестендіру кодтарын беру жөніндегі қызметті жүзеге асыруға уәкілетті орган айқындайтын ұйым.
2-тарау. Көлік құралдарын жасаушыларға халықаралық сәйкестендіру кодтарын беру тәртібі
4. Көлік құралын жасаушының халықаралық сәйкестендіру коды көлік құралын жасаушыны сәйкестендіру мақсатында берілетін көлік құралының сәйкестендіру нөмірінің бірінші бөлімінде орналасады және үш символдан тұрады.
Көлік құралын жасаушының халықаралық сәйкестендіру коды көлік құралын жасаушының елін айқындау мақсатында пайдаланылады. Көлік құралын жасаушының халықаралық сәйкестендіру кодының бірінші және екінші позициялары символдарының комбинациясын Стандарттау жөніндегі халықаралық ұйымның өкілеттігі бойынша әрекет ететін халықаралық қоғамдық ұйым:
Америка Құрама штаттарының Автокөлік инженерлерінің қоғамы (Society of Automotive Engineers) береді.
5. Көлік құралын жасаушыға берілген көлік құралын жасаушының халықаралық сәйкестендіру коды басқа дайындаушыға отыз жыл ішінде қайта берілмейді.
6. Көлік құралын жасаушысының халықаралық сәйкестендіру кодының үшінші ұстанымы алфавиттік немесе сандық символдарымен толтырылады және техникалық хатшылықпен осы Қағидаларға 1-қосымшаға сәйкес нысан бойынша Куәлікті алуға арналған өтінімнің (бұдан әрі - алуға өтінім) негізінде беріледі.
7. Көлік құралы жасаушысының халықаралық сәйкестендіру кодының ұстанымдарына қойылатын ерекше талаптар:
1) көлік құралы жасаушысының халықаралық сәйкестендіру кодында тек араб цифрлары мен латынның бас әріптері пайдаланылады:
1 2 3 4 5 6 7 8 9 0;
A B C D E F G H J K L M N P R S T U V W X Y Z;
көлік құралы жасаушысының халықаралық сәйкестендіру кодын белгілеуде мынадай латын әріптерін пайдалануға жол берілмейді:
I, O, Q.
2) жылына кемінде 500 көлік құралын шығаратын жасаушыны белгілеу үшін көлік құралы жасаушысының халықаралық сәйкестендіру кодының үшінші таңбасы ретінде 9 санын пайдаланады.
Бұл жағдайда техникалық хатшылық көлік құралы сәйкестендіру нөмірінің он екінші, он үшінші және он төртінші таңбаларын береді.
8. Көлік құралын жасаушы Куәлік алу үшін техникалық хатшылыққа ақпараттық жүйеде мынадай құжаттарды жібереді:
1) өндіріс көлемін (жылына 500-ге дейін немесе 500 және одан астам көлік құралдары), бизнес-сәйкестендіру нөмірін және жасаушының толық атауын, заңды және нақты мекенжайын, мемлекеттік, орыс және ағылшын тілдеріндегі деректемелерін көрсете отырып, алуға арналған өтінімді;
2) құрылтай құжаттары;
3) жасауға жоспарланған көлік құралының техникалық сипаттамасы, оның ішінде:
көлік құралының атауы мен қолдану мақсаты;
базаның және жолтабанның ауқымды өлшемдерін көрсете отырып, көлік құралының А4 форматындағы кескінінің сызбасы (жанынан, алдынан, артынан және үстінен);
көлік құралының жалпы техникалық сипаттамасы.
9. Техникалық хатшылық осы Қағидалардың 8-тармағында көрсетіліп, ұсынылған құжаттарды техникалық хатшылыққа келіп түскен күннен бастап күнтізбелік отыз күн ішінде қарайды.
10. Құжаттарды қарау нәтижелері бойынша көлік құралын жасаушыға Заңның 7-бабы 1-тармағының 6) тармақшасына сәйкес техникалық реттеу саласындағы уәкілетті орган бекіткен нысан бойынша Куәлік беріледі.
11. Егер жасаушының атауы, мекенжайы, жылдық өндіріс көлемі өзгерген жағдайда Куәлік ақпараттық жүйеде қайта ресімдеуге жатады.
12. Куәлікті қайта ресімдеу үшін көлік құралын жасаушы осы Қағидалардың 8-тармағында айқындалған тәртіппен осы Қағидаларға 2-қосымшаға сәйкес нысаны бойынша Куәлікті қайта ресімдеуге өтінім береді.
13. Куәлікті қайта ресімдеу осы Қағидалардың 9-тармағында белгіленген мерзімде жүргізіледі.
| Көлік құралдарын жасаушыларға халықаралық сәйкестендіру кодтарын беру қағидаларына 1-қосымша |
|
| нысан |
Көлік құралын жасаушыға халықаралық сәйкестендіру кодын беру туралы куәлікті алу үшін өтінім
_________________________________________________________________
(жеке сәйкестендіру нөмірі, жеке тұлғаның тегі, аты, әкесінің аты (бар болған жағдайда)) (бизнес-сәйкестендіру нөмірі, заңды тұлғаның толық атауы)
_________________________________________________________________
заңды және нақты мекенжайы,
_________________________________________________________________
мемлекеттік, орыс және ағылшын тілдерінде
_________________________________________________________________
Өндіріс көлемі жылына 500-ге дейін немесе 500 және одан астам көлік құралдарымен көлік құралын жасаушыға халықаралық сәйкестендіру кодын беру туралы куәлікті беруді сұрайды.
Қоса берілетін құжаттар:
1) құрылтай құжаттары;
2) жасауға жоспарланған көлік құралының техникалық сипаттамасы, оның ішінде:
көлік құралының атауы мен қолдану мақсаты;
базаның және жолтабанның ауқымды өлшемдерін көрсете отырып, көлік құралының А4 форматындағы кескінінің сызбасы (жанынан, алдынан, артынан және үстінен);
көлік құралының жалпы техникалық сипаттамасы.
________________________________________________________________
"__" ________ 20__ жылы
Жеке тұлғаның немесе заңды тұлға басшысының тегі, аты, әкесінің аты (бар болған жағдайда), электрондық цифрлық қолтаңба
| Көлік құралдарын жасаушыларға халықаралық сәйкестендіру кодтарын беру қағидаларына 2-қосымша |
|
| нысан |
Көлік құралын жасаушыға халықаралық сәйкестендіру кодын беру туралы куәлікті қайта рәсімдеу үшін өтінім
_______________________________________________________________
(жеке сәйкестендіру нөмірі, жеке тұлғаның тегі, аты, әкесінің аты (бар болған жағдайда)) (заңды тұлғаның толық атауы) (бизнес-сәйкестендіру нөмірі, заңды тұлғаның толық атауы)
____________________________________________________________________
заңды және нақты мекенжайы,
____________________________________________________________________
мемлекеттік, орыс және ағылшын тілдерінде
____________________________________________________________________
Өндіріс көлемі жылына 500-ге дейін немесе 500 және одан астам көлік құралдарымен көлік құралын жасаушыға халықаралық сәйкестендіру кодын беру туралы куәлікті қайта рәсімдеуді сұрайды.
Қоса берілетін құжаттар:
1) құрылтай құжаттары;
2) жасауға жоспарланған көлік құралының техникалық сипаттамасы,
оның ішінде:
көлік құралының атауы мен қолдану мақсаты;
базаның және жолтабанның ауқымды өлшемдерін көрсете отырып, көлік құралының А4 форматындағы кескінінің сызбасы (жанынан, алдынан, артынан және үстінен);
көлік құралының жалпы техникалық сипаттамасы.
_______________________________________________________________
"__" ________ 20__ жылы
Жеке тұлғаның немесе заңды тұлға басшысының тегі, аты, әкесінің аты (бар болған жағдайда), электрондық цифрлық қолтаңба
| Қазақстан Республикасының сауда және интеграция министрінің 2021 жылғы 27 мамырдағы № 368-НҚ бұйрығына 2–қосымша |
|
| нысан |
Қазақстан Республикасының Сауда және интеграция министрлігі Техникалық реттеу және метрология комитеті "Қазақстан стандарттау және метрология институты" шаруашылық жүргізу құқығындағы республикалық мемлекеттік кәсіпорны
QR-код (1)
Көлік құралын жасаушыға халықаралық сәйкестендіру кодын беру туралы
КУӘЛІК
Берілген күні 20___ жылғы "____" ________ (2)
____________________ (3)
ЖАСАУШЫ (4)
көлік құралын жасаушыға халықаралық сәйкестендіру
коды (WMI)* берілді (5)
Басшының лауазымы | QR-код (7) |
Тегі, аты, әкесінің аты |
Ескертпе:
Осы құжат 2003 жылғы 7 қаңтардағы "Электрондық құжат және электрондық цифрлық қолтаңба туралы" Қазақстан Республикасының Заңының 7-бабының 1-тармағына сәйкес қағаз жеткізгіштегі құжатпен бірдей. Электрондық құжаттың түпнұсқалығын интернет желісі арқылы тексере аласыз.
* World manufacturer identifier (WMI) - жасаушының халықаралық сәйкестендіру коды.
Ресімдеуге түсініктеме:
Куәлік техникалық хатшылықпен электрондық түрде ресімделеді және мемлекеттік техникалық реттеу жүйесінің деректер тізілімінде тіркеледі.
Куәлікті толтыру кезінде мынадай мәліметтер көрсетіледі:
1-жол – ақпараттық жүйе кездейсоқ тәртіппен автоматты түрде генерациялайтын Куәліктің бірегей сәйкестендіру нөмірінің QR-коды он төрт символдан тұрады және мынадай белгілері бар:
1) алғашқы екі символ – халықаралық стандарттау жөніндегі ұйымның ISO кодына сәйкес Қазақстан Республикасының литерлік коды (екі латын бас әрпі – KZ);
2) үшіншіден он төртінші таңбаға дейін – бірегей әріптік-сандық код.
2-жол – Куәліктің берілген күні;
3-жол – Куәліктің бірегей сәйкестендіру нөмірі;
4-жол – бизнес-сәйкестендіру нөмірі / жеке сәйкестендіру нөмірі, жасаушының атауы, жасаушының заңды мекенжайы (елі, облысы (қаласы), ауданы, мекенжайы);
5-жол – берілген WMI коды;
6-жол – Куәлік берген басшының лауазымы;
7-жол – Куәлікті берген басшының (QR-код түрінде) электрондық цифрлық қолтаңбасы;
8-жол – Куәлікті берген басшының тегі, аты, әкесінің аты (бар болған жағдайда).
