Азаматтық қорғаныс іс-шараларын ұйымдастыру және жүргізу қағидаларын бекіту туралы

"Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына және Қазақстан Республикасы Үкіметінің 2020 жылғы 23 қазандағы № 701 қаулысымен бекітілген Қазақстан Республикасы Төтенше жағдайлар министрлігі туралы ереженің 16-тармағының 58) тармақшасына сәйкес БҰЙЫРАМЫН:

Ескерту. Кіріспе жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

1. Қоса беріліп отырған Азаматтық қорғаныс іс-шараларын ұйымдастыру және жүргізу қағидалары бекітілсін.

2. Қазақстан Республикасының Ішкі істер министрлігінің Төтенше жағдайлар комитеті (В.В. Петров) заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты мемлекеттік тіркегеннен кейін күнтізбелік он күн ішінде оны мерзімді баспа басылымдарында және "Әділет" ақпараттық-құқықтық жүйесінде ресми жариялауға жолдауды;

3) осы бұйрықты Қазақстан Республикасы Ішкі істер министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау Қазақстан Республикасы Ішкі істер министрінің орынбасары В.К. Божкоға жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Министр

Қ. Қасымов

Қазақстан Республикасы
Ішкі істер министрінің
2015 жылғы 6 наурыздағы
№ 190 бұйрығымен бекітілген

Азаматтық қорғаныс іс-шараларын ұйымдастыру және жүргізу қағидалары

1-тарау. Жалпы ережелер

Ескерту. 1-тараудың тақырыбы жаңа редакцияда – ҚР Ішкі істер министрінің 09.04.2019 № 283 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1. Осы Азаматтық қорғаныс іс-шараларын ұйымдастыру және жүргізу қағидалары (бұдан әрі – Қағидалар) "Азаматтық қорғау туралы" Қазақстан Республикасының Заңына сәйкес әзірленді және азаматтық қорғаудың аумақтық-салалық қағидаттарына сәйкес азаматтық қорғаныс іс-шараларын ұйымдастыру және өткізу тәртібін айқындайды.

2. Азаматтық қорғанысты жүргізуге дайындық "Азаматтық қорғау туралы" Қазақстан Республикасы Заңының 21-бабында айқындалған азаматтық қорғаныс іс-шараларын алдын ала орындау болып табылады.

3. Қазақстан Республикасында азаматтық қорғаныс жөніндегі іс-шаралар мына деңгейлер бойынша:

республикалық – еліміздің барлық аумағында;

аумақтық – тиісті әкімшілік-аумақтық бірліктерде;

объектілік – азаматтық қорғаныс бойынша санаттарға жатқызылған ұйымдарда ұйымдастырылады және жүргізіледі.

Салалық кіші жүйесінде азаматтық қорғаныс жөніндегі іс-шаралар тиісті орталық атқарушы органдарымен ұйымдастырылады және өткізіледі.

4. Азаматтық қорғаныс іс-шараларының ұйымдастырылуына және жүргізілуіне әдістемелік басшылық ету азаматтық қорғау саласындағы уәкілетті органына (бұдан әрі – уәкілетті орган) жүктеледі.

Ескерту. 4-тармақ жаңа редакцияда - ҚР Төтенше жағдайлар министрінің 21.01.2021 № 24 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
5. Алып тасталды - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

6. Жыл сайын тиісті жылғы 1-10 қараша аралығында ағымдағы жылы азаматтық қорғаныс іс-шараларының орындалуы туралы есептерді (бұдан әрі - есеп) осы Қағидаларға 1-қосымшаға сәйкес нысандарға бойынша (Мәліметтерді таратылуы шектелген қызметтік ақпаратқа жатқызу және онымен жұмыс істеу қағидаларына сәйкес растайтын материалдарды қоса бере отырып):

базасында облыстардың, астананың, республикалық маңызы бар қалалардың азаматтық қорғау қызметтері құрылған ұйымдар уәкілетті органның аумақтық бөлімшелеріне;

азаматтық қорғаныс бойынша санаттарға жатқызылған және олардың базасында облыстық маңызы бар қалалар мен аудандардың азаматтық қорғау қызметтері құрылған ұйымдар уәкілетті органның аумақтық бөлімшелерінің аудандық және қалалық төтенше жағдайлар басқармаларына (бөлімдеріне) ұсынылады.

Ескерту. 6-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.
6-1. Алып тасталды - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

2-тарау. Азаматтық қорғанысқа басшылық ету және басқару

Ескерту. 2-тараудың тақырыбы жаңа редакцияда – ҚР Ішкі істер министрінің 09.04.2019 № 283 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

7. Азаматтық қорғанысқа басшылық етуді Қазақстан Республикасының Премьер-Министрі – Қазақстан Республикасының Азаматтық қорғаныс бастығы жүзеге асырады.

8. Лауазымы бойынша уәкілетті органның басшысы Қазақстан Республикасының Азаматтық қорғанысы бастығының орынбасары болып табылады және бейбіт уақытта азаматтық қорғанысты басқарады.

9. Орталық атқарушы органдарда және ұйымдарда азаматтық қорғанысқа басшылық етуді лауазымы бойынша азаматтық қорғаныстың тиісті бастықтары болып табылатын, олардың бірінші басшылары жүзеге асырады.

10. Қазақстан Республикасының әкімшілік-аумақтық бірліктерінде азаматтық қорғанысқа басшылық етуді лауазымы бойынша тиісті әкімшілік-аумақтық бірліктерінің азаматтық қорғаныс бастықтары болып табылатын әкімдер жүзеге асырады.

11. Уәкілетті органның аумақтық бөлімшелерінің басшылары лауазымы бойынша әкімшілік-аумақтық бірліктерінің тиісті азаматтық қорғаныс бастықтарының орынбасарлары болып табылады.

Ескерту. 11-тармақ жаңа редакцияда - ҚР Төтенше жағдайлар министрінің 21.01.2021 № 24 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

12. Азаматтық қорғаныс іс-шараларының орындалуын қамтамасыз ету мыналарға:

1) уәкілетті органына және оның аумақтық бөлімшелеріне;

2) облыстардың, республикалық маңызы бар қалалардың, астананың орталық және жергілікті атқарушы органдарында азаматтық қорғанысты ұйымдастыру және жүргізу жөніндегі құрылымдық бөлімшелерге;

3) тікелей бірінші басшыға бағынатын азаматтық қорғаныс бойынша санаттарға жатқызылған ұйымдардағы және базасында азаматтық қорғау қызметі құрылған ұйымдардағы азаматтық қорғанысты ұйымдастыру және жүргізу жөніндегі құрылымдық бөлімшелерге немесе жекелеген жұмыскерлерге жүктеледі.

Ескерту. 12-тармақ жаңа редакцияда - ҚР Төтенше жағдайлар министрінің м.а. 12.08.2022 № 22 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

13. Орталық және жергілікті атқарушы органдар, азаматтық қорғаныс бойынша санаттарға жатқызылған ұйымдар азаматтық қорғанысты ұйымдастыру мен жүргізу жөніндегі бөлімшелердің (қызметкерлердің) жасақталуын (тағайындалуын) жүзеге асырады, олардың функционалдық міндеттері мен штаттық кестесін әзірлейді және бекітеді.

3-тарау. Азаматтық қорғаныс жоспары

Ескерту. 3-тараудың тақырыбы жаңа редакцияда – ҚР Ішкі істер министрінің 09.04.2019 № 283 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

14. Азаматтық қорғаныс жоспары бейбіт және соғыс уақытындағы азаматтық қорғаныс іс-шараларының көлемін, ұйымдастырылуын, орындау тәртібін, мерзімдерін айқындайды.

15. Азаматтық қорғаныс жоспарының құрылымын уәкілетті орган айқындайды.

16. Азаматтық қорғаныс жоспары:

республикалық деңгейде – уәкілетті органы;

салалық кіші жүйеде – орталық атқарушы органның азаматтық қорғанысты ұйымдастыру және жүргізу жөніндегі тиісті құрылымдық бөлімшесі мен аумақтық деңгейде оның аумақтық бөлімшелері;

аумақтық деңгейде – уәкілетті органның аумақтық бөлімшесі жергілікті атқарушы органдармен, сондай-ақ жергілікті бюджет есебінен қаржыландырылатын және соғыс уақытында жұмысты жалғастыратын атқарушы органдармен бірлесіп;

объектілік деңгейде – азаматтық қорғаныс бойынша санаттарға жатқызылған және базасында азаматтық қорғау қызметі құрылған ұйымдар әзірлейді.

Ескерту. 16-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

17. Орталық атқарушы органның азаматтық қорғаныс жоспарына жетекшілік ететін салада жүргізілетін азаматтық қорғаныс іс-шаралары кіреді.

18. Оның базасында азаматтық қорғау қызметі құрылған ұйым азаматтық қорғаныс жоспарында азаматтық қорғаудың арнайы іс-шараларын орындау бойынша іс-қимылдарды да көрсетеді.

19. Азаматтық қорғаныс жоспарлары тиісті азаматтық қорғаныс бастықтарымен бекітіледі және жоспарланатын жылғы 1 қаңтардағы жағдай бойынша жыл сайын түзетіледі.

Азаматтық қорғаныс жоспарын түзету үшін қажетті ақпаратты орталық және жергілікті атқарушы органдар, орталық атқарушы органдардың аумақтық бөлімшелері уәкілетті органның және оның аумақтық бөлімшелерінің сұрау салуы бойынша береді.

Ескерту. 19-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

20. Азаматтық қорғаныс жоспарларын қайта жасау тиісті азаматтық қорғаныс бастықтарының тиісті өкімдері негізінде бес жылда бір реттен жиі емес жүзеге асырылады.

Ескерту. 20-тармақ жаңа редакцияда - ҚР Төтенше жағдайлар министрінің м.а. 12.08.2022 № 22 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

21. Азаматтық қорғаныс жоспарларына құпиялық белгі:

орталық атқарушы органдар үшін – құпия;

азаматтық қорғаныс бойынша топтарға жатқызылған облыстар, қалалар үшін – құпия;

азаматтық қорғаныс бойынша топтарға жатқызылмаған қалалық және ауылдық аудандар, қалалар үшін – "қызмет бабында пайдалану үшін";

азаматтық қорғаныс бойынша санаттарға жатқызылған және базасында азаматтық қорғау қызметі құрылған ұйымдар үшін – мемлекеттік құпиялар саласындағы Қазақстан Республикасының заңнамасына сәйкес ұйым басшысының шешімі бойынша құпиялық белгісі белгіленеді.

Ескерту. 21-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

4-тарау. Азаматтық қорғау қызметтері және күштері

Ескерту. 4-тараудың тақырыбы жаңа редакцияда – ҚР Ішкі істер министрінің 09.04.2019 № 283 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

22. Азаматтық қорғау қызметтері бейбіт және соғыс уақытында азаматтық қорғаудың арнайы іс-шараларын орындауға, халықты төтенше жағдайлар зардаптарынан, қазіргі заманғы зақымдаушы құралдардың зақымдау факторларынан қорғауды қамтамасыз етуге арналған.

23. Азаматтық қорғау қызметтері республикалық, облыстық, аудандық, қалалық деңгейлерде құрылады.

Жергілікті атқарушы орган тиісті әкімшілік-аумақтық бірліктің уәкілетті органының аумақтық бөлімшесімен бірлесіп, базасында тиісті шешіммен облыстық, аудандық және қалалық азаматтық қорғау қызметтерін құратын ұйымдарды айқындайды. Қажет болған жағдайда қызметтердің құрамына бірнеше ұйым кіреді.

Ескерту. 23-тармақ жаңа редакцияда - ҚР Төтенше жағдайлар министрінің м.а. 12.08.2022 № 22 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

24. "Азаматтық қорғау туралы" Қазақстан Республикасы Заңының 8-бабына сәйкес азаматтық қорғау қызметтерінің тізбесі:

республикалық деңгейде – Қазақстан Республикасының Үкіметі;

аумақтық деңгейде – тиісті әкімшілік-аумақтық бірліктер әкімдерінің шешімі айқындайды.

Ескерту. 24-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

25. Азаматтық қорғау қызметтерінің бастықтары:

республикалық қызметтерде – базасында қызметтер құрылған министрліктер мен ведомстволардың бірінші басшылары;

облыстық, аудандық, қалалық қызметтерде – қолданыстағы басқару құрылымынан шыға отырып, базасында қызметтер құрылған ұйымдардың бірінші басшылары болып табылады.

26. Азаматтық қорғау қызметтері тиісті азаматтық қорғаныстың бастықтарына тікелей бағынады.

27. Облыстық, аудандық, қалалық қызметтер туралы ережені азаматтық қорғаудың тиісті бастықтары бекітеді.

28. Азаматтық қорғау қызметінің құрылымын олардың басшылары айқындайды.

29. Азаматтық қорғау қызметтері өздерінің қызметінде азаматтық қорғаныстың тиісті деңгейлердегі жоспарларын басшылыққа алады.

Ескерту. 29-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

30. Азаматтық қорғау қызметтерінің негізгі міндеттері:

халықты қорғау және төтенше жағдайлар салдарының, қазіргі заманғы зақымдаушы құралдардың зақымдау факторларының залалын азайту жөніндегі азаматтық қорғау іс-шараларын жоспарлау және қамтамасыз ету;

авариялық-құтқару және кезек күттірмейтін жұмыстарды ұйымдастыруды және өткізуді қамтамасыз ету, зардап шеккен халыққа көмек көрсету;

азаматтық қорғау құралымдарын құру және даярлау, мақсаты бойынша жұмыстарды жүргізу үшін оларды әзірлікте ұстау;

бағыныстағы органдар мен күштерді басқаруды ұйымдастыру, оларды қажетті материалдық-техникалық құралдармен қамтамасыз ету;

азаматтық қорғаудың басқару, халықты төтенше жағдайлар қаупі және оның туындауы туралы, қазіргі заманғы зақымдаушы құралдарды қолдану туралы құлақтандыру және хабарлау жүйелерін құруды және әзірлікте ұстауды қамтамасыз ету;

радиоактивті, химиялық және бактериологиялық (биологиялық) залалдануды (ластануды) тұрақты қадағалауды және бақылауды ұйымдастыру;

тиісті басқару органдарымен және әскери қолбасшылықтың, ішкі істер органдарының күштерімен өзара іс-қимылды ұйымдастыру және қолдау;

бағынысты ұйымдардың эвакуациялау іс-шараларына басшылық ету, қауіпсіз аймақта орналастыру аудандарын алдын ала дайындау бойынша шаралар қабылдау;

азаматтық қорғаныс жоспарларын және төтенше жағдайларды жою жөніндегі іс-қимылдар жоспарларын әзірлеу, ведомстволық бағынысты буындардағы жоспарлауға басшылық ету;

авариялық-құтқару және кезек күттірмейтін жұмыстарды жүргізуге шешімдер қабылдау үшін тиісті азаматтық қорғаныс бастықтарына ұсыныстар дайындау;

тиісті азаматтық қорғаныс бастықтары алға қойған міндеттерді орындау кезінде бағынысты қызметтердің күштері мен құралдарына басшылық ету;

төтенше жағдайлардың туындау қаупін азайту, салалар мен ұйымдар жұмысының тұрақтылығын арттыру жөніндегі іс-шараларды әзірлеуге және іске асыруға басшылық ету;

қызметтердің құзыреті шегінде азаматтық қорғаныс іс-шараларының барлық кешеніне тікелей басшылық етуді жүзеге асыру болып табылады.

31. Азаматтық қорғау күштері азаматтық қорғаныс әскери бөлімдерінен, авариялық-құтқару қызметтері мен құралымдарынан, өртке қарсы қызметтің мемлекеттік және мемлекеттік емес бөлімшелерінен, азаматтық қорғау құралымдарынан, уәкілетті орган авиациясынан, ахуалды қадағалау, бақылау және болжау қызметтерінен тұрады.

32. Азаматтық қорғау құралымдары бейбіт және соғыс уақытында авариялық-құтқару және кезек күттірмейтін жұмыстарды жүргізуге арналған.

33. Әзірлікке келтірудің барынша ықтимал уақыты: құтқару, инженерлік құралымдар және азаматтық қорғау қызметтері құралымдары, оның ішінде шұғыл ден қою жасағының құрамына кіретін құралымдар үшін – 4 сағаттан аспайды, қалған барлық құралымдар үшін – 6 сағаттан аспайды.

34. Ахуалды қадағалау, бақылау және болжау қызметтерін базасында бейбіт және соғыс уақытында ауыз судың, тағамдық және жем-шөп шикізатының, азық-түліктің, қоршаған ортаның (ауаның, топырақтың, судың, өсімдіктің) радиоактивті, химиялық, биологиялық зақымдануын (ластануын) уақтылы табуға және индикациялауға арналған азаматтық қорғанысты қадағалау және зертханалық бақылау желісі құрылады.

Ескерту. 34-тармақ жаңа редакцияда - ҚР Төтенше жағдайлар министрінің м.а. 12.08.2022 № 22 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

35. Азаматтық қорғанысты қадағалау және зертханалық бақылау желісіне жалпы басшылық етуді және іс-қимылды үйлестіруді уәкілетті орган жүзеге асырады.

Ескерту. 35-тармақ жаңа редакцияда - ҚР Төтенше жағдайлар министрінің 21.01.2021 № 24 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

36. Азаматтық қорғанысты қадағалау және зертханалық бақылау желісі құрамына кіретін ведомстволық бағынысты мекемелер мен ұйымдарға тікелей басшылық етуді салалық министрліктер мен ведомстволар жүзеге асырады.

37. Күштер топтамалары белгілі бір жүйеге жинақталған және тиісті түрде өрістетілген (орналастырылған) азаматтық қорғау күштерін, сондай-ақ төтенше жағдайлар және қазіргі заманғы зақымдаушы құралдарды қолдану аймақтарында авариялық-құтқару және кезек күттірмейтін жұмыстарды жүргізу үшін, сондай-ақ азаматтық қорғаудың басқа да міндеттерін шешу үшін тартылған Қазақстан Республикасының Қарулы Күштері, басқа да әскерлері мен әскери құрылымдарын көрсетеді.

38. Күштер топтары бейбіт уақытта құрылады, оларды толық өрістету азаматтық қорғау мемлекеттік жүйесін бейбіт уақыттан соғыс уақытына ауыстыру кезеңінде аяқталады. Күштер топтарын құру азаматтық қорғаныс жоспарларында көзделеді.

39. Облыстар, қалалар, аудандар азаматтық қорғау күштері топтарының құрамы қазіргі заманғы зақымдаушы құралдарды пайдалану арқылы соғыс қақтығыстарын жүргізу жағдайларында алдағы авариялық-құтқару және кезек күттірмейтін жұмыстар мен басқа да шешілетін міндеттер тізбесін және көлімін есепке ала отырып, тиісті азаматтық қорғаныс бастықтарының қарамағындағы бар күштер мен құралдарға сүйене отырып айқындалады.

40. Азаматтық қорғау күштерінің топтамалары бірінші, екінші эшелон мен резервтен тұрады. Ахуал жағдайлары бойынша немесе күштер топтамаларының күштері аз болған кезде бір эшелоннан тұрады.

41. Күштер топтарының бірінші эшелоны қарсылас шабуыл жасаған сәтте қаладағы өндірістік қызметті жалғастырып жатқан объектілерде, сондай-ақ адамдар болуы мүмкін басқа да орындарда авариялық-құтқару және кезек күттірмейтін жұмыстарды өрістетуге және жүргізуге арналған. Бірінші эшелон құрамына азаматтық қорғаныстың әскери бөлімдері, азаматтық қорғаныс бойынша топтарға жатқызылған қалалардың және өндірістік қызметті жалғастырып жатқан объектілердің авариялық-құтқару құралымдары кіреді. Ахуалға байланысты бірінші эшелонға, сондай-ақ азаматтық қорғаныс бойынша топтарға жатқызылған қалалардың маңында орналасқан аудандардың азаматтық қорғау күштері де кіреді.

Ескерту. 41-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

42. Екінші эшелон күшті ұлғайтуға және авариялық-құтқару және кезек күттірмейтін жұмыстар шебін кеңейтуге, сондай-ақ бірінші эшелонның ауыстыруды талап ететін азаматтық қорғау бөлімдері (бөлімшелері) мен күштеріне арналған. Оның құрамына азаматтық қорғаныс әскери бөлімдері мен әскери қолбасшылық бөлген әскери бөлімдер, бірінші эшелон құрамына кірмеген азаматтық қорғау күштері, оның ішінде азаматтық қорғау күштерін тарта отырып, азаматтық қорғаныс топтарына жататын қалалардың маңында орналасқан аудандардың (ауылдық), кейіннен шалғай аудандардың (ауылдық) азаматтық қорғаныс күштері енгізіледі.

43. Сол немесе басқа эшелон құрамына кіретін азаматтық қорғаныс күштері жұмыстар аймағында қалыптасқан ахуалды (оның ішінде радиациялық) есепке ала отырып, олардың ұйымдастырушылық құрылымының тұтастығын сақтаумен ауысымдар бойынша бөлінеді. Ауысымдар құрамына өз мақсаттары бойынша авариялық-құтқару және кезек күттірмейтін жұмыстардың барлық кешенін жүргізуге қабілетті әртүрлі күштер мен құралдар енгізілуі тиіс.

44. Резерв кенеттен туындаған міндеттерді шешуге және бірінші және екінші эшелонның азаматтық қорғау күштерін ауыстыруға арналған.

Резерв құрамына эшелондар құрамына кірмеген азаматтық қорғау құралымдары, шалғай аудандардың (ауылдық) азаматтық қорғаныс күштері, сондай-ақ қойылған міндеттерді орындағаннан кейін зақымдау ошақтарынан шығарылған күштер мен құралдар енгізіледі.

5-тарау. Эвакуациялық іс-шаралар

Ескерту. 5-тараудың тақырыбы жаңа редакцияда – ҚР Ішкі істер министрінің 09.04.2019 № 283 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

45. Азаматтық қорғаныс бастықтары Қазақстан Республикасының азаматтық қорғаныс бастығының өкімі бойынша ведомстволық бағынысты аумақта эвакуациялау іс-шараларын жүргізеді.

46. Халықты таратуды және эвакуациялауды жоспарлау мен жүргізуді тікелей жүзеге асыру үшін эвакуациялық органдар құрылады:

эвакуациялық комиссиялар (орталық және жергілікті атқарушы органдарда, азаматтық қорғаныс бойынша санаттарға жатқызылған ұйымдарда);

эвакуациялық қабылдау комиссиялары (эвакуацияланатын және таратылатын халықты қабылдау мен орналастыруды жүзеге асыратын ауылдық аудандарда, қалаларда);

эвакуациялық жинау пункттері (бұдан әрі - ЭЖП);

эвакуациялаудың аралық пункттері (бұдан әрі - ЭАП);

эвакуациялық қабылдау пункттері (бұдан әрі - ЭҚП);

зардап шеккен халықты қабылдау пункттері (баспанасыз қалған, санитариялық шығындар, қайтарылмайтын шығындар) (бұдан әрі - ЗШХҚП).

Ескерту. 46-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

47. Эвакуациялау (эвакуациялау қабылдау) комиссияларының құрамы мен ережесін тиісті азаматтық қорғаныс бастығы бекітеді.

Тиісті әкімшілік-аумақтық бірліктің эвакуациялау (эвакуациялау қабылдау) комиссиясының құрамын азаматтық қорғау саласындағы уәкілетті органның аумақтық бөлімшесі жергілікті атқарушы органның, орталық атқарушы органдардың аумақтық бөлімшелерінің және ұйымдардың келісім бойынша айқындайды.

Эвакуациялау комиссияларының төрағалары болып орталық (жергілікті) атқарушы орган, азаматтық қорғаныс бойынша санатқа жатқызылған ұйым басшысы орынбасарларының бірі, ал эвакуациялық қабылдау комиссияларының төрағалары – жергілікті атқарушы органдар басшыларының орынбасарлары тағайындалады.

Эвакуациялық комиссия әкімшілігінің үлгі құрылымы осы Қағидаларға 1-1-қосымшада айқындалған.

Эвакуациялық қабылдау комиссиясы әкімшілігінің үлгі құрылымы осы Қағидаларға 1-2-қосымшада айқындалған.

Ескерту. 47-тармақ жаңа редакцияда – ҚР Ішкі істер министрінің 09.04.2019 № 283 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен; өзгеріс енгізілді - ҚР Төтенше жағдайлар министрінің 21.01.2021 № 24 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

48. ЭЖП эвакуацияланатындарды жинауға және тіркеуге және оларды отырғызу пункттері мен қозғалыстың бастапқы пункттеріне жіберуге арналған. ЭЖП әкімшілігі алдын ала жергілікті атқарушы органдардың қаулыларымен, ұйымдар бойынша бұйрықтармен тағайындалады. ЭЖП өз қызметінде эвакуациялық комиссияларға бағынады.

Әр ЭЖП реттік нөмір беріледі. Барлық ЭЖП міндетті түрде тиісті эвакуациялық комиссиялармен, жаяу эвакуациялау бағыттарының бастапқы пункттерімен, отырғызу пункттерімен және эвакуацияланатындарды тасымалдауды жүзеге асыратын көлік органдарымен тікелей байланыспен қамтамасыз етіледі. Қажет болған жағдайда ЭЖП халыққа газқағарларды беру пункттері құрылады.

ЭЖП әкімшілігінің үлгі құрылымы осы Қағидаларға 1-3-қосымшада айқындалған.

Ескерту. 48-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

48-1. Егер тұрақты орналасу аудандары бір тәуліктен астам уақыт көшетін жерде, ықтимал қираулардан тыс аймақтарда, жол қатынастарының жанында орналасса, онда ЭАП ашылады. Олар эвакуацияланатын халықтың қысқа уақытқа орналасуына (демалуына), оларды қайта тіркеуге, қажет болған кезде дозиметриялық, химияға қарсы бақылауға, адамдарды санитариялық өңдеуге және оларды қауіпсіз аймақта орналастыру орындарына жіберуге арналған.

ЭАП әкімшілігінің үлгі құрылымы осы Қағидаларға 1-4-қосымшада айқындалған.

Ескерту. Қағидалар 48-1-тармақпен толықтырылды - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

48-2. ЭҚП түсіру пункттерінде өрістетіледі және эвакуацияланатындарды қабылдау және оларды орналастыру орындарына жіберу үшін арналған.

ЭҚП әкімшілігінің үлгі құрылымы осы Қағидаларға 1-5-қосымшада айқындалған.

Ескерту. Қағидалар 48-2-тармақпен толықтырылды - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

48-3. ЗШХҚП төтенше жағдайлар түріне қарай төтенше жағдайлар салдарларын жою кезеңінде зардап шеккен халықты тікелей қоныстандыруды ұйымдастыруға арналған.

ЗШХҚП орналастырылатын халықтың өмірі мен денсаулығына қауіп төндірмейтін ғимараттар (медициналық ұйымдар, санаторийлер, демалыс үйлері, балалардың сауықтыру лагерлері, қонақ үйлер, білім беру мекемелері, адамдар көп болатын объектілер) бөлінеді.

ЗШХҚП саны және қабылдаушы халықтың көлемі бойынша есептеуді уәкілетті органның аумақтық бөлімшелері төтенше жағдайларды жою жөніндегі іс-қимыл жоспарларын әзірлеу кезінде жүзеге асырады.

ЗШХҚП әкімшілігінің штатын, құрылымын, функционалдық міндеттерін және құрамын қабылдаушы халықтың санына қарай ЗШХҚП басшысы айқындайды.

ЗШХҚП өз қызметінде төтенше жағдайлардың алдын алу және жою жөніндегі комиссияға бағынады.

ЗШХҚП аумақтық деңгейде төтенше жағдайлардың алдын алу және оларды жою жөніндегі комиссия төрағасының немесе төтенше жағдайды жою басшысының өкімі бойынша төтенше жағдайлардың туындау немесе туындау қаупі төнген кезде бейбіт уақытта өрістетіледі.

Өкімді ала отырып, ЗШХҚП басшысы ЗШХҚП зардап шеккен халықты қабылдау және орналастыру бойынша жұмысын дереу ұйымдастырады.

Өкімді алғаннан кейінгі алғашқы үш сағатта жергілікті атқарушы орган мүлікті ЗШХҚП жеткізуді қамтамасыз етеді.

ЗШХҚП аумақтық деңгейде төтенше жағдайлардың алдын алу және оларды жою жөніндегі комиссия төрағасының немесе төтенше жағдайды жою басшысының ерекше өкіміне дейін халықты қабылдауды және орналастыруды қамтамасыз етеді.

ЗШХҚП әкімшілігінің үлгі құрылымы осы Қағидаларға 1-6-қосымшада айқындалған.

Ескерту. Қағидалар 48-3-тармақпен толықтырылды - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

49. ЭЖП, ЭАП, ЭҚП мына құжаттар:

1) пунктің лауазымдық тұлғалардың міндеттері;

2) пунктің жеке құрамының тізімі, құлақтандыру тәртібі (мекенжайы, телефон нөмірлері);

3) пунктті ұйымдастыру және жеке құрамды тағайындау туралы жергілікті атқарушы органдардың шешімінен үзінді;

4) пункттан жіберілетін ұйымдар, эвакуациялық комиссиялар (қалалық, аудандық), көлікке отырғызу пункттері телефондарының тізімі;

5) пункттің аумағындағы ұйымдар тізімі және оларды жіберу мерзімдері;

6) пункттің аумағының және олардың мақсаты бойынша үй-жайлар схемасы (жоспары);

7) пунктке бекітілген жақын арадағы қорғау құрылыстарының тізбесі (ЭЖП және ЭҚП);

8) эвакуациялық жинау пунктіне қызмет көрсететін автоколонналардың келу және оларды жіберу кестесі;

9) тасымалдауға өтінім үлгісі;

10) эвакуациялау куәлігінің үлгісі мен оны беру туралы ақпарат (ЭЖП және ЭҚП) әзірленеді.

Ескерту. 49-тармақ жаңа редакцияда – ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

50. ЭЖП, ЭАП және ЭҚП құрылымын және санын эвакуацияланатын (келіп жатқан) халықтың санын және оны қамтамасыз етумен байланысты іс-шаралардың көлемін есепке ала отырып, эвакуациялық (эвакуациялық қабылдау) комиссиялардың төрағалары бекітеді.

Ескерту. 50-тармақ жаңа редакцияда – ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

50-1. Эвакуацияланатын халықты қабылдау, орналастыру үшін қосарланған мақсаттағы объектілер пайдаланылады.

Қосарланған мақсаттағы объектілерге ЭЖП, ЭАП, ЭҚП, ЗШХҚП ретінде пайдаланылатын әлеуметтік саладағы, адамдар жаппай болатын объектілер жатады.

Қосарланған мақсаттағы объектілер тізбесін эвакуациялық (эвакуациялық қабылдау) комиссиялары анықтайды және тиісті әкімшілік-аумақтық бірліктер әкімдерінің шешімімен бекітіледі.

      Ескерту. 5-тарау 50-1-тармақпен толықтырылды – ҚР Ішкі істер министрінің 09.04.2019 № 283 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрықтарымен.
      50-2. Алып тасталды - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.
      50-3. Алып тасталды - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

51. Эвакуациялық іс-шараларды жоспарлау үшін негізгі бастапқы деректер:

1) қалаларда және қауіпсіз аймақта тұратын халық, жұмылдыру ұйғарымы бар әскери қызметшілер және Қазақстан Республикасының Қарулы Күштеріне шақырылуға жататын адамдар саны;

2) жұмысшылар мен қызметшілердің жалпы санын, сондай-ақ ең көп жұмыс істейтін ауысым санын және ауысым жұмысының уақытын көрсете отырып, соғыс уақытында азаматтық қорғаныс бойынша топтарға жатқызылған қалаларда өз қызметін жалғастырып жатқан ұйымдар тізбесі;

3) жұмысшылардың, қызметшілер мен олардың отбасылары мүшелерінің санын көрсете отырып, соғыс уақытында өз қызметін қауіпсіз аймаққа көшіретін ұйымдар тізбесі;

4) білім алушылар, сондай-ақ оқытушылық құрам мен қызмет көрсететін персонал санын көрсете отырып, оқу орындарының, мектепке дейінгі мекемелердің саны;

5) азаматтық қорғаныс бойынша топтарға жатқызылған қалалардың айналасындағы ықтимал қатты қираулар аймақтары, осы аймақтарда тұрып жатқан халық саны;

6) таратылатын және эвакуацияланатын халықты орналастыруға тыйым салынған аудандар мен пункттер;

7) таратылатын және эвакуацияланатын халықты орналастыру бойынша аудандар мен қалалардың мүмкіндіктері;

8) халықты орналастыру аудандарында қорғау құрылыстарының (паналайтын жерлердің, радиацияға қарсы жасырын паналардың, тау-кен қазбаларының, қарапайым жасырын паналардың), сондай-ақ сумен жабдықтау көздерінің болуы;

9) эвакуацияланатын халықтың жеке көлігін есепке ала отырып, эвакуациялық тасымалдауға тартылатын көлік мүмкіндігі;

10) ықтимал жағдайды есепке ала отырып, көлік ағынын реттеу мүмкіндігі;

11) жол желісі, оның жай-күйі және өткізу қабілеті;

12) жаяу тәртіппен халықты эвакуациялауға арналған бағдарлардың болуы және практикалық пайдалану мүмкіндігі;

13) тарату мен эвакуациялау туралы халықты құлақтандыруға, сондай-ақ эвакуациялау іс-шараларына басшылық етуге арналған байланыс құралдары мен жүйелері;

14) халықты тарату мен эвакуациялауды жүргізуге әсер ететін жергілікті жағдайлар мен маусымдық климаттық ерекшеліктер;

15) көрші облыстардан келетін халық саны және олардың келу мерзімдері болып табылады.

Ескерту. 51-тармақ жаңа редакцияда - ҚР Төтенше жағдайлар министрінің м.а. 12.08.2022 № 22 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

52. Халық есебі мына негізгі топтар бойынша жүргізіледі:

1) бірінші топ – соғыс уақытында қалада (азаматтық қорғаныс бойынша топқа жатқызылған) жұмыс істеуді жалғастыратын, сондай-ақ оның тіршілігін қамтамасыз ететін ұйымдардың жұмысшылары мен қызметшілері;

2) екінші топ – соғыс уақытында өз қызметін қауіпсіз аймаққа көшірген ұйымдардың жұмысшылары мен қызметшілері, министрліктер мен агенттіктер орталық аппараттарының қызметкерлері;

3) үшінші топ – педагогикалық қызметкерлер, мектепке дейінгі және жалпы білім беру ұйымдарын қоспағанда, білім беру ұйымдарының студенттер мен оқушылары, оларға қызмет көрсететін персонал; мүгедекттігі бар адамдар мен қарттар үйлерінде тұратын зейнеткерлер, оларға қызмет көрсететін персонал;

4) төртінші топ – 1 және 3-топтарға жатпайтын барлық халық.

Ескерту. 52-тармаққа өзгеріс енгізілді - ҚР Төтенше жағдайлар министрінің м.а. 12.08.2022 № 22 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

53. Азаматтық қорғаныс жоспарының "Эвакуациялау іс-шаралары" бөлімінде:

1) санатталған қалалардан және төтенше жағдайлар аймақтарынан таратылатын және эвакуацияланатын халық саны;

2) қауіпсіз аймақта халықты орналастыру аудандары;

3) тарату және эвакуациялау мерзімдері (басталуы және аяқталуы);

4) көлікпен халықты әкетуді ұйымдастыру;

5) жаяу тәртіппен халықты шығаруды ұйымдастыру;

6) қауіпсіз аймақта халықты қабылдау және орналастыру жөніндегі іс-шаралар;

7) жасырын паналарды дайындау, жеке қорғану құралдарымен қамтамасыз ету тәртібі мен мерзімі және қауіпсіз аймақта таратылатын және эвакуацияланатын халықты қамтамасыз ету жөніндегі қорғау іс-шаралары;

8) төтенше жағдайлар аймақтарынан халықты эвакуациялау тәртібі мен мерзімдері;

9) санитариялық-эпидемияға қарсы және емдеу-эвакуациялау іс-шаралары;

10) тарату мен эвакуациялауды басқаруды ұйымдастыру, құлақтандыру тәртібі көрсетіледі.

Ескерту. 53-тармаққа өзгеріс енгізілді - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

54. Азаматтық қорғаныс бойынша топқа жатқызылған қаланың (қалалық ауданның) азаматтық қорғаныс жоспарының "Эвакуациялау іс-шаралары" бөлімінде:

1) әр қалалық аудан, ұйым, пәтер иелерінің кооперативі бойынша тарату мен эвакуациялауға жататын халық саны;

2) қауіпсіз аймақта халықты орналастыру аудандары мен пункттері;

3) тарату мен эвакуациялау мерзімдері (басталуы және аяқталуы);

4) тарату мен эвакуациялаудың басталуы және мерзімдері туралы жергілікті атқарушы органдар мен ұйымдардың басшыларын, сондай-ақ жұмысшыларды, қызметшілерді және қалған халықты құлақтандыру тәртібі;

5) эвакуациялық органдар құрамы және оларды әзірлікке келтіру мерзімдері;

6) жаяу тәртіппен шығарылатын және көліктің барлық түрлерімен апарылатын халық саны;

7) халықты шығару және әкету бағыттары; бастапқы пункттері, аялдайтын орындар, реттеу пункттері, жаяу тәртіппен эвакуациялаудың әр бағдарындағы ЭАП;

8) халық көлікпен әкету және жаяу тәртіппен шығару кезектілігі;

9) ЭЖП;

10) халықты көлікке отырғызу пункттері;

11) оны қауіпсіз аймақта түсіру пункттері;

12) халықты қауіпсіз аймақта қабылдауды және орналастыруды ұйымдастыру жөніндегі іс-шаралар;

13) жасырын паналарды дайындау, жеке қорғану құралдарымен қамтамасыз ету тәртібі мен мерзімі және қауіпсіз аймақта таратылатын және эвакуацияланатын халықты қамтамасыз ету жөніндегі іс-шаралар;

14) ЭАП және түсіру пункттерінен оны орналастыру орнына дейін халықты тасымалдау үшін аудандар көліктерін пайдалану;

15) эвакуациялық іс-шараларды өткізу кезінде қадағалауды, басқару мен байланысты ұйымдастыру;

16) қауіпсіз аймақтағы орналастыру аудандарынан қалаға және кері объектілерге жұмысшылар ауысымын тасымалдау тәртібі көрсетіледі.

Ескерту. 54-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

55. Эвакуациялық комиссиялар таратылатын және эвакуацияланатын халықты қауіпсіз аймаққа орналастыру азаматтық қорғаныс жоспарының картографиялық бөлігінде эвакуациялық іс шараларды, тарату және эвакуациялау бойынша деректері бар қалалар жоспарларын, халықты әкету және оны жаяу тәртіппен шығару есептерін, қауіпсіз аймақта халықты қамтамасыз ету бойынша есептерді әзірлейді.

Ескерту. 55-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

56. Жаяу тәртіпте марш ұйымдастыру үшін қозғалыс бағыттары белгіленеді. Қозғалыс бағыттары әскери тасымалдаулардан бос жолдар бойынша өтеді. Әр қала үшін бағыттар саны жергілікті жағдайларға, жолдардың болуына, сондай-ақ таратылатын және эвакуацияланатын халықтың санына байланысты болады.

57. Жаяу қозғалыс бағыттарында реттеу пункттері, аялдайтын орын аудандары мен ЭАП белгіленеді, ол жерлерде медициналық пункттер, жылыну мен тамақтандыру пункттері құрылады.

Аялдайтын орын аудандары мүмкіндігінше халықтың демалуы мен тіршілігін қамтамасыз етуге арналған орындардың болуын есепке ала отырып, таңдалуы тиіс. Соғыс уақытына аялдайтын орындарда халықты паналату үшін аялдайтын орындарда қарапайым жасырын паналар әзірленеді, жарықтық бүркеніш және демалу бойынша іс-шаралар қамтамасыз етіледі.

Егер тұрақты орналастыру аудандары тәуліктен артық жүретін қашықтықта болса ЭАП құрылады. Олар келетін халықты өмір сүру үшін ең аз қажетті жағдайлармен (тамақтандыру, сумен жабдықтау, медициналық қызмет көрсету) қамтамасыз етеді.

Ескерту. 57-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

58. Таратылатын және эвакуацияланатын халықтың жаяу тәртіптегі қозғалысы кезінде ұйымшылдықты және тәртіпті қамтамасыз ету мақсатында жаяу лектердің, ал автомобиль көлігімен тасымалдау кезінде автомобиль лектерінің бастықтары тағайындалады.

59. Жаяу лектердің қозғалысын ұйымдастыру үшін жаяу эвакуациялау бағыттарының бастықтары тағайындалады.

60. Жаяу эвакуациялау бағыттары бастықтарының жанында қажетті байланыс және құлақтандыру құралдары бар басқару топтары құрылады. Бағыттар бастықтарына азаматтық қорғау күштерінің топтары құрамынан қоғамдық тәртіпті сақтау және барлау жүргізу үшін күштер мен құралдар беріледі.

61. Жаяу лектер саны 500-ден 1000 адамға дейін құрылады.

Лектер қозғалысының жылдамдығы сағатына 4-5 шақырым, лектер арасындағы арақашықтық – 500 метрге дейін жоспарланады. Тәуліктік өту шамасы – 30-40 шақырым.

Демалуға арналған аялдау ұзақтығы: аз – 30-45 минут, көп – 2-4 сағат болып белгіленеді. Аз аялдау әрбір 2-2,5 сағат қозғалыс арасында, көп аялдау – тәуліктік өтудің екінші жартысының басында болды.

62. Эвакуациялау бағыттары үшін мыналар:

1) лектер тізбесі, олардың құрамы мен нөмірленуі;

2) қозғалыс бағыты;

3) лектердің бастапқы пункті, реттеу пункті және олардың өту уақыты, аялдайтын орын аудандары мен ұзақтығы;

4) ЭАП немесе халықты орналастыру аудандары және оларға лектердің келу уақыты;

5) қосып берілген көлігі бар медициналық пункт және жылыну пункттері;

6) қадағалау бекеті;

7) бағытта және жоғары тұрған бастықпен байланысты ұстау тәртібі;

8) соғыс уақытында бағытта, аялдайтын орындарда және ЭАП халықты паналату үшін пайдаланылатын жасырын паналар мен жер қатпарлары;

9) басқару және құлақтандыру сигналдары көрсетіле отырып, схема әзірленеді.

Ескерту. 62-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

63. Лектер бастықтарына марш схемаларынан үзінділер беріледі, онда:

1) лектің нөмірі мен құрамы;

2) қозғалыс бағыты;

3) бастапқы пункт, реттеу пункттері және оларды өту уақыты;

4) аялдайтын орын аудандары мен ұзақтығы;

5) ЭАП немесе халықты орналастыру ауданы және лектің оларға келу уақыты;

6) соғыс уақытында бағытта, аялдайтын орындарда және ЭАП халықты паналату үшін пайдаланылатын жасырын паналар мен жер қатпарлары;

7) медициналық пункттер және жылыну пункттері;

8) қадағалау бекеттері;

9) бағыт бастығымен байланысты ұстау тәртібі;

10) басқару және құлақтандыру сигналдары көрсетіледі.

Ескерту. 63-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

64. Таратылатын және эвакуацияланатын халықты қауіпсіз аймаққа қабылдауды, орналастыру мен қамтамасыз етуді ауылдық аудандардың эвакуациялық қабылдау комиссиялары бір адамға 2,5 шаршы метр есебімен жоспарлайды.

65. Эвакуацияланатын халықты қабылдау және орналастыру үшін ауылдық ауданның азаматтық қорғаныс жоспарының "Эвакуациялау іс-шаралары" бөлімінде:

1) келетін ұйымдардың саны мен атауы және жұмысшылар, қызметшілер және олардың отбасы мүшелерін көрсете отырып, оларды елді мекендерге (қалалар көшелеріне) бөлу;

2) өз қызметтерін қаладан қауіпсіз аймаққа ауыстырған ұйымдарды орналастыру үшін жоспарланған өндірістік, қызметтік, әкімшілік, мәдени-тұрмыстық және басқа да ғимараттар мен құрылыстар;

3) таратылатын және эвакуацияланатын халықты түсіру пункттері;

4) ЭҚП, оларды орналастыру және әкімшілік құрамы, оларды әзірлікке келтіру мерзімдері мен тәртібі;

5) ЭҚП келіп жатқан халықты жеке-жеке орналастыру орындарына жеткізу тәртібі мен мерзімдері; тасымалдауға арналған көлік құралдары (кім және қанша бөлген, бөлу уақыты);

6) таратылатын және эвакуацияланатын халыққа орындар дайындау, оларды тамақ өнімдерімен және бірінші кезектегі қажетті заттармен қамтамасыз ету, медициналық қызмет көрсетуді және келіп жатқан халықты қамтамасыз ету бойынша басқа да іс-шараларды ұйымдастыру тәртібі мен мерзімдері;

7) жергілікті атқарушы органдар, эвакуациялау органдары басшыларын, кәсіпорындар, ұйымдар, мекемелер басшыларын эвакуациялау іс-шараларының басталуы, түсіру пункттеріне адамдардың келу уақыты туралы құлақтандыру тәртібі;

8) радиациялық және химиялық қадағалауды ұйымдастыру, таратылатын және эвакуацияланатын халықты аумақтарға (азаматтық қорғаныс тобына жатпайтын қаланың) қабылдау және орналастыру кезеңіндегі басқару және ақпарат көрсетіледі.

Ескерту. 65-тармаққа өзгеріс енгізілді - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

6-тарау. Азаматтық қорғаныстың инженерлік-техникалық іс-шаралары

Ескерту. 6-тараудың тақырыбы жаңа редакцияда – ҚР Төтенше жағдайлар министрінің м.а. 12.08.2022 № 22 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

66. Азаматтық қорғаныстың инженерлік-техникалық іс-шаралары:

Қазақстан Республикасының аумағын ұйымдастырудың бас схемасын, аумақтық дамудың өңіраралық схемаларын, аумақтардың қала құрылысын жоспарлаудың кешенді схемаларын жасаған кезде;

елді мекендердің бас жоспарларын жасаған кезде;

аумақтарды, елді мекендерді, өнеркәсіптік аймақтарды аудандық жоспарлау және салу схемалары мен жобаларын жасаған кезде;

ұйымдарды салу, кеңейту, реконструкциялау және техникалық қайта жарақтандыру жобаларында;

кәсіпорындарды, ғимараттарды және құрылыстарды салуға арналған жобалау-сметалық құжаттаманы әзірлеу, келісу, бекіту кезінде әзірленеді.

67. Бөлімді әзірлеуге арналған бастапқы деректер мен техникалық талаптарды жобалау ұйымының қатысуымен жобаға тапсырыс беруші әзірлейді.

Тапсырыс берушінің сұрау салуы бойынша уәкілетті органның аумақтық бөлімшелері жобаның жоспарланған ауданының жай-күйі туралы бастапқы деректер, сондай-ақ бөлім мазмұны бойынша ұсыныстар береді.

Жобаның аяқталуы туралы ақпаратты тапсырыс беруші уәкілетті органның аумақтық бөлімшелеріне ұсынады.

Ескерту. 67-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

7-тарау. Азаматтық қорғаныс объектілері мен мүлкі

Ескерту. 7-тараудың тақырыбы жаңа редакцияда – ҚР Төтенше жағдайлар министрінің м.а. 12.08.2022 № 22 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

68. Азаматтық қорғаныс объектілеріне: басқару пункттері, жеке тұрған және қосып салынған паналайтын жерлер, радиацияға қарсы жасырын паналар, азаматтық қорғаныс мүлкін сақтауға арналған қойма үй-жайлары жатады.

Азаматтық қорғаныс мүлкіне: жеке қорғану құралдары, радиациялық, химиялық барлау және дозиметрлік бақылау аспаптары, жеке медициналық қорғану құралдары, байланыс және құлақтандыру құралдары және басқа да материалдық-техникалық құралдар жатады.

69. Азаматтық қорғаныс іс-шараларын қамтамасыз ету үшін азаматтық қорғаудың басқару органдарында азаматтық қорғаныс мүлкінің запастары құрылады.

70. Мемлекеттік меншік болып табылатын және азаматтық қорғаныс іс-шараларын қамтамасыз ету мен жұмылдыру тапсырмаларын орындауға арналған азаматтық қорғаныс объектілері мен мүлкі иеліктен шығаруға жатпайды.

71. Мемлекеттік органдардың азаматтық қорғанысының қорғаныш құрылыстары мемлекеттік бюджет қаражаты есебінен күтіп-ұсталады.

Азаматтық қорғаныс бойынша санаттарға жатқызылған, сондай-ақ жұмылдыру тапсырысы бар ұйымдардың азаматтық қорғаныстың қорғаныш құрылыстары ұйымдардың қаражаты есебінен күтіп-ұсталады. Азаматтық қорғаныстың қорғаныш құрылыстары неғұрлым көп жұмыс істейтін ауысымға есептеледі және азаматтық қорғау мақсатында пайдаланылады.

Азаматтық қорғаныстың объектілері мен мүлкі бар заңды тұлға қайта ұйымдастырылған немесе таратылған жағдайда, азаматтық қорғаныстың объектілері мен мүлкін әзірлікте ұстап тұру және нысаналы пайдалану жөніндегі міндеттер, сондай-ақ оларды құру мен жинақтау жөніндегі тапсырмалар азаматтық қорғаныс объектілер мен мүлкінің жаңа меншік иелеріне немесе коммуналдық меншікке өтеді.

Ескерту. 71-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

72. Қазақстан Республикасының аумағында азаматтық қорғаныстың объектілерін құру және пайдалану тәртібі "Азаматтық қорғаныс объектілерін құру және пайдалану қағидаларын бекіту туралы" Қазақстан Республикасы Үкіметінің 2014 жылғы 19 желтоқсандағы № 1357 қаулысымен айқындалған.

Ескерту. 72-тармақ жаңа редакцияда - ҚР Төтенше жағдайлар министрінің м.а. 12.08.2022 № 22 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

72-1. Азаматтық қорғаныс мүлкін сатып алу, құру және пайдалану Қазақстан Республикасы Ішкі істер министрінің 2015 жылғы 8 маусымдағы № 510 (Нормативтік құқықтық актілерді мемлекеттік тіркеу тізілімінде № 11587 болып тіркелген) бұйрығымен бекітілген Азаматтық қорғаныс мүлкін сатып алу, құру және пайдалану қағидаларына сәйкес жүзеге асырылады.

Ескерту. Қағидалар 72-1-тармақпен толықтырылды - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

73. Азаматтық қорғаныс бойынша санаттарға жатқызылған ұйымдар жыл сайын азаматтық қорғау саласындағы уәкілетті орган белгілеген әдістемелік ұсынымдарға сәйкес азаматтық қорғаныс объектілеріне кешенді тексеру жүргізеді.

74. Азаматтық қорғаныстың қорғаныш құрылыстарын тексеру кезінде мынадай құжаттаманың:

осы Қағидаларға 2-қосымшаға сәйкес нысан бойынша паналайтын жерлер (радиацияға қарсы жасырын паналар) паспорты;

жылжымайтын мүлік объектісі кадастрлық паспорты;

осы Қағидаларға 3-қосымшаға сәйкес нысан бойынша азаматтық қорғаныстың қорғаныш құрылысын тексеру журналы;

осы Қағидаларға 4-қосымшаға сәйкес нысан бойынша паналайтын жердегі (радиацияға қарсы жасырын панадағы) микроклиматтың және ауадағы газ құрамының көрсеткіштерін тіркеу журналы;

азаматтық қорғаныстың қорғаныш құрылысының жоспары;

азаматтық қорғаныстың қорғаныш құрылысын әзірлікке келтіру жоспары;

азаматтық қорғаныстың қорғаныш құрылыстарындағы жабдықтар, құрал-саймандардың және мүліктің тізбесі;

басқару органдары телефондарының тізімі;

азаматтық қорғаныстың қорғаныш құрылысына қызмет көрсету жөніндегі топтың жеке құрамының тізімі;

тіршілікті қамтамасыз ету жүйелерін (желдету, сумен жабдықтау мен кәріз, қорғаныш құрылыстарын электрмен жабдықтау) пайдалану схемасы;

азаматтық қорғаныстың қорғаныш құрылысының дизельді электр станциясына, сүзу-желдету жабдығына (болған жағдайда) қызмет көрсету жөніндегі нұсқаулықтар болуы қажет.

Ескерту. 74-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

75. Азаматтық қорғаныстың қорғаныш құрылыстарын кешенді тексерудің нәтижелері азаматтық қорғаныс объектісін тексеру журналына енгізіледі және уәкілетті органның аумақтық бөлімшелеріне тиісті жылдың 1 желтоқсанына дейін жіберіледі.

Ескерту. 75-тармақ жаңа редакцияда - ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

Азаматтық қорғаныс
іс-шараларын ұйымдастыру
және жүргізу қағидаларына
1-қосымша

Облыстардың, республикалық маңызы бар қалалардың және астананың, ауданның (облыстық маңызы бар қаланың) азаматтық қорғау қызметтерімен ұсынылатын әкімшілік деректерді жинауға арналған нысан

Ескерту. 1-қосымша жаңа редакцияда – ҚР Төтенше жағдайлар министрінің 23.09.2024 № 362 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

Ұсынылады: базасында облыстардың, астананың, республикалық маңызы бар қалалардың азаматтық қорғау қызметтері құрылған ұйымдар уәкілетті органның аумақтық бөлімшелеріне, базасында облыстық маңызы бар қалалар мен аудандардың азаматтық қорғау қызметтері құрылған ұйымдар уәкілетті органның аумақтық бөлімшелерінің аудандық және қалалық төтенше жағдайлар басқармаларына (бөлімдеріне).

Әкімшілік деректер нысаны интернет-ресурста орналастырылған: www.gov.kz/memleket/entities/kgovch.

Әкімшілік деректер нысанының атауы: облыстардың, республикалық маңызы бар қалалардың және астананың, ауданның (облыстық маңызы бар қаланың) азаматтық қорғау қызметтерінің азаматтық қорғаныс іс-шараларын орындауы туралы есеп.

Индекс: 2-(АҚ).

Кезеңділігі: жылдық

Есепті кезең: 20__ жыл

Ақпаратты ұсынатын тұлғалар тобы: базасында облыстардың, республикалық маңызы бар қалалардың және астананың, ауданның (облыстық маңызы бар қаланың) азаматтық қорғау қызметтері құрылған ұйымдар.

Әкімшілік деректер нысанының ұсыну мерзімі: жыл сайын есепті кезеңнің 1-10 қазан (қоса алғанда).

р/с №	Азаматтық қорғаныс іс-шаралары	Бар / орындалды	Жоқ / орындалмаған
А	1	2	3
1	Тиісті деңгейдегі азаматтық қорғаныс бастығы бекіткен азаматтық қорғаныс жоспарының болуы
2	Азаматтық қорғаныстың тиісті бастығы бекіткен объектілік сипаттағы төтенше жағдайларды және олардың салдарларын жою жөніндегі іс-қимылдар жоспарының болуы
3	Азаматтық қорғаныс мүлкі қорларының талап етілетін санының болуы және әзірлікте ұстап тұру
4	Ұйымда азаматтық қорғаудың объектілік құралымдарын құру туралы құқықтық актінің болуы
5	Азаматтық қорғау құралымының әрбір мүшесіне тыныс алу органдарын қорғау құралдарының болуы
6	Азаматтық қорғаныстың іс-шараларын ұйымдастыруды және жүргізуді жүзеге асыратын адамдардың уәкілетті органның аумақтық бөлімшелерінде оқытудан өткені туралы сертификаттарының болуы
7	Азаматтық қорғаныстың іс-шараларын ұйымдастыруды және жүргізуді жүзеге асыратын лауазымды тұлғалардың азаматтық қорғау саласындағы уәкілетті органның оқу орындарында даярлықтан немесе қайта даярлаудан өткені туралы сертификаттардың болуы
8	Азаматтық қорғаудың негізгі құралымдарының, оның ішінде шұғыл ден қою жасағының құрамына кіретін және авариялық-құтқару жұмыстары мен кезек күттірмейтін жұмыстарды жүргізуді қамтамасыз ететін құралымдардың әзірлігі

Атауы __________________________________________________________

Бизнес-сәйкестендiру нөмiрi _______________________________________

Мекенжайы _____________________________________________________

Телефоны _______________________________________________________

Қызмет саласы ___________________________________________________

Кәсіпкерлік санаты _______________________________________________

Электрондық почта мекенжайы _____________________________________

Орындаушы ___________________________________ __________________

тегі, аты және әкесінің аты (бар болған жағдайда), қолы, телефоны

Басшы немесе оның міндетін атқарушы адам

_________________________________________________ _______________

тегі, аты және әкесінің аты (бар болған жағдайда) қолы

Облыстардың, республикалық
маңызы бар қалалардың және
астананың, ауданның (облыстық
маңызы бар қаланың) азаматтық
қорғау қызметтерімен
ұсынылатын әкімшілік
деректерді жинауға
арналған нысанына
қосымша

"Облыстардың, республикалық маңызы бар қалалардың және астананың, ауданның (облыстық маңызы бар қаланың) азаматтық қорғау қызметтерінің азаматтық қорғаныс іс-шараларын орындауы туралы есеп" әкімшілік деректерді жинауға арналған нысанды толтыру бойынша түсініктеме

1. 1-8-жолдарда "Бар/орындалды" немесе "Жоқ/орындалмаған" деген белгі қойылуы тиіс.

2. 2-бағанда тиісті жолдың азаматтық қорғаныс іс-шарасы болған/орындалған жағдайда "бар/орындалды" қойылады.

3. 3-бағанда тиісті жолдың азаматтық қорғаныс іс-шарасы болмаған/орындалмаған жағдайда "жоқ/орындалмаған" қойылады.

4. Бір жолда "Бар/орындалды" және "Жоқ/орындалмаған" толтыруға жол берілмейді.

5. 1-8-жолдар міндетті түрде толтырылады.

6. 1, 2, 4, 6, 7 жолдарды "Бар/орындалды" толтыру кезінде жоспарлардың, құқықтық актілердің, сертификаттардың көшірмелерін қоса беру қажет.

Азаматтық қорғаныс бойынша санатқа жатқызылған ұйымдарымен ұсынылатын әкімшілік деректерді жинауға арналған нысан

Ұсынылады: уәкілетті органның аумақтық бөлімшелерінің аудандық және қалалық төтенше жағдайлар басқармаларына (бөлімдеріне).

Әкімшілік деректер нысаны интернет-ресурста орналастырылған: www.gov.kz/memleket/entities/kgovch.

Әкімшілік деректер нысанының атауы: Азаматтық қорғаныс бойынша санатқа жатқызылған ұйымдардың азаматтық қорғаныс іс-шараларының орындауы туралы есеп.

Индекс: 3-(АҚ).

Кезеңділігі: жылдық

Есепті кезең: 20__ жыл

Ақпаратты ұсынатын тұлғалар тобы: азаматтық қорғаныс бойынша санатқа жатқызылған ұйымдары.

Әкімшілік деректер нысанының ұсыну мерзімі: жыл сайын есепті кезеңнің 1-10 қазан (қоса алғанда).

р/с №	Азаматтық қорғаныс іс-шаралары	Бар / орындалды	Жоқ / орындалмаған
А	1	2	3
1	Азаматтық қорғанысты ұйымдастыру және жүргізу жөніндегі құрылымдық бөлімшені немесе жекелеген қызметкерлерді құру туралы құқықтық актінің (бұйрық, қаулы, шешім) болуы
2	Тиісті деңгейдегі азаматтық қорғаныс бастығымен бекітілген азаматтық қорғаныс жоспарының болуы
3	Азаматтық қорғаныстың тиісті бастығы бекіткен объектілік сипаттағы төтенше жағдайларды және олардың салдарларын жою жөніндегі іс-қимылдар жоспарының болуы
4	Эвакуациялық комиссия құру туралы құқықтық актінің болуы (бұйрық, қаулы, шешім)
5	Эвакуациялық (эвакуациялық қабылдау) комиссияның құрамын және ережесін бекіту туралы тиісті құжаттың (бұйрық, қаулы, шешім) болуы
6	Азаматтық қорғаныс мүлкі қорларының талап етілетін санының болуы және әзірлікте ұстап тұру
7	Ұйымда азаматтық қорғаудың объектілік құралымдарын құру туралы ұйым басшысының құқықтық актісінің болуы
8	Азаматтық қорғау құралымының әрбір мүшесіне тыныс алу органдарын қорғау құралдарының болуы
9	Азаматтық қорғаныстың іс-шараларын ұйымдастыруды және жүргізуді жүзеге асыратын адамдардың уәкілетті органның аумақтық бөлімшелерінде оқытудан өткені туралы сертификаттардың болуы
10	Талап етілетін, жарамды құлақтандыру жүйесінің, оның ішінде локалды құлақтандыру жүйесінің болуы
11	Азаматтық қорғау бойынша сабақтар өткізуге арналған құралдар жиынтығының және азаматтық қорғау бойынша бұрыштың болуы
12	Әрбір әкімшілік және өндірістік ғимаратта көп бейінді кабинеттің немесе бір-бірден азаматтық қорғау бұрышының болуы
13	Ұйым басшысы бекіткен оқу топтары, сабақ жетекшілері тізімінің және сабақ өткізу кестесінің болуы
14	Азаматтық қорғау саласында өткізілген сабақтарды есепке алу журналының болуы
15	Ұйым қызметкерлерінің азаматтық қорғау саласында оқытудан өткені туралы анықтамаларының болуы
16	Азаматтық қорғау саласындағы уәкілетті органның аумақтық бөлімшелеріне ұйымдастырушылық құжаттардың көшірмелерін қоса бере отырып, азаматтық қорғау саласында оқу-жаттығулар мен жаттығуларды өткізу туралы ұсынылған ақпараттың болуы
17	Азаматтық қорғаудың негізгі құралымдарының, оның ішінде шұғыл ден қою жасағының құрамына кіретін және авариялық-құтқару жұмыстары мен кезек күттірмейтін жұмыстарды жүргізуді қамтамасыз ететін құралымдардың әзірлігі
18	Азаматтық қорғаныстың қорғаныш құрылыстары қорының болуы, оларды жұмысқа әзірлікте ұстау
19	Азаматтық қорғаныс мүлкін сақтауға арналған қойма үй-жайларының болуы