Еуразиялық экономикалық одақтың Кеден кодексінің 11-бабының 17-тармағына сәйкес Еуразиялық экономикалық комиссия Алқасы шешті:
1. Қосымшаға сәйкес Еуразиялық экономикалық комиссия Алқасының шешімдеріне өзгерістер енгізілсін.
2. Осы Шешім 2021 жылғы 1 сәуірден бастап күшіне енеді.
|
Еуразиялық экономикалық комиссия Алқасы Төрағасының міндетін уақытша атқарушы |
В. Назаренко |
| Еуразиялық экономикалық комиссия Алқасының 2020 жылғы 20 қазандағы № 128 шешіміне ҚОСЫМША |
Еуразиялық экономикалық комиссия Алқасының шешімдеріне енгізілетін ӨЗГЕРІСТЕР
1. Еуразиялық экономикалық комиссия Алқасының 2018 жылғы 10 сәуірдегі № 51 шешімімен бекітілген Еуразиялық экономикалық одақтың кедендік аумағына су көлігімен әкелу болжанатын тауарлар туралы алдын ала ақпаратты ұсыну тәртібінде:
а) 5-тармақтың "д" тармақшасы "кейінгі келу" деген сөздерден кейін "(болған жағдайда)" деген сөздермен толықтырылсын;
б) 6-тармақта:
"б" тармақша мынадай редакцияда жазылсын:
"б) алдын ала ақпарат Одақтың кедендік аумағында мүше мемлекеттің халықтың санитариялық-эпидемиологиялық саламаттығы саласындағы уәкілетті органының халықаралық тасымалдың көлік құралдары мен адамдарға санитариялық-эпидемиологиялық қадағалау (бақылау) жүргізуге қатысты бөлігінде шешім қабылдауын талап ететін кедендік операцияларды жасау үшін берілген жағдайда:
осы Тәртіптің 5-тармағында көрсетілген мәліметтер;
теңіз медициналық-санитариялық декларациясына сәйкес ұсынылатын мәліметтер не портта еркін практикаға рұқсат ету (шектеу) туралы және халықаралық тасымалдау көлік құралын санитариялық айлақта (санитариялық рейдте) орналастыру қажеттілігі (қажеттіліктің болмауы) туралы мәліметтер;";
"г" тармақша "(Еуразиялық экономикалық комиссияның транзиттік декларацияны толтыру тәртібін белгілейтін актісінің ережелерін ескере отырып)" деген сөздермен толықтырылсын;
в) 10-тармақ мынадай мазмұндағы "е" тармақшамен толықтырылсын:
"е) кеме мүше мемлекеттің ішкі теңіз суларында, аумақтық теңізінде, айрықша экономикалық аймағында және құрлықтық шельфінде алынған (ауланған) және (немесе) өндірілген теңіз кәсібі өнімін жеткізуді жүзеге асырғанда.";
г) 14-тармақ "құжаттау" деген сөзден кейін "жалпы" деген сөзбен толықтырылсын.
2. Еуразиялық экономикалық комиссия Алқасының 2018 жылғы 17 сәуірдегі № 56 шешімімен бекітілген Еуразиялық экономикалық одақтың кедендік аумағына автомобиль көлігімен әкелу болжанатын тауарлар туралы алдын ала ақпаратты ұсыну тәртібінде:
а) 4-тармақ мынадай редакцияда жазылсын:
"4. Алдын ала ақпарат тауарлар Одақтың кедендік аумағына келгенге дейін, бірақ кеден органына тауарлардың Одақтың кедендік аумағына келуі туралы хабарлауға дейін 2 сағаттан кешіктірмей ұсынылады.";
б) 5-тармақ мынадай мазмұндағы "э" және "ю" тармақшалармен толықтырылсын:
"э) көлік құралының (тартқыштың) типі мен моделі, тіркеменің (тіркемелердің) және (немесе) жартылай тіркеменің типі, маркасы және моделі (бар болған жағдайда);
ю) жүргізушінің тегі, аты, әкесінің аты (бар болған жағдайда).";
в) 6-тармақта:
үшінші абзацта ", Қырғыз Республикасы және Ресей Федерациясы" деген сөздер "және Қырғыз Республикасы" деген сөздермен ауыстырылсын;
мынадай мазмұндағы абзацпен толықтырылсын:
"Ресей Федерациясы үшін Кодекстің 11-бабының 2-тармағы 1-тармақшасында көзделген мақсаттарда ұсынылатын алдын ала ақпарат осы Тәртіптің 5-тармағының "а" – "ф" және "щ" – "ю" тармақшаларында көзделген мәліметтерді қамтиды.";
г) 7-тармақта:
"б" тармақша мынадай редакцияда жазылсын:
"б) алдын ала ақпарат Кодекстің 88-бабына сәйкес келу туралы хабарламаға байланысты кедендік операцияларды жасау үшін ұсынылған жағдайда – осы Тәртіптің 5-тармағының "а" – "ж" және "л" – "х" тармақшаларында көзделген мәліметтер;";
мынадай мазмұндағы "б1" тармақшамен толықтырылсын:
"б1) алдын ала ақпарат Кодекстің 278-бабының 4-тармағына сәйкес халықаралық тасымалдау көлік құралын декларациялаумен байланысты кедендік операцияларды жасау үшін ұсынылған жағдайда – осы Тәртіптің "а" – "д" және "з" – "к", "о", "с", "э" және "ю" тармақшаларында көзделген мәліметтер;";
"в" тармақша "(Еуразиялық экономикалық комиссияның транзиттік декларацияны толтыру тәртібін белгілейтін актісінің ережелерін ескере отырып)" деген сөздермен толықтырылсын;
д) 15-тармақ "құжаттандыру" деген сөзден кейін "жалпы" деген сөзбен толықтырылсын.
3. Еуразиялық экономикалық комиссия Алқасының 2018 жылғы 17 сәуірдегі № 57 шешімімен бекітілген Еуразиялық экономикалық одақтың кедендік аумағына теміржол көлігімен әкелу болжанатын тауарлар туралы алдын ала ақпаратты ұсыну тәртібінде:
а) 4-тармақтың бірінші абзацы мынадай мазмұндағы абзацтармен толықтырылсын:
"4. Алдын ала ақпарат тауарлар Одақтың кедендік аумағына келгенге дейін, бірақ кеден органына тауарлардың Одақтың кедендік аумағына келуі туралы хабарлауға дейін 2 сағаттан кешіктірмей ұсынылады.
Алдын ала ақпарат осы Тәртіптің 12-тармағына сәйкес оны кейін түзетуге тәуелсіз кеден органы тіркеген сәттен бастап ұсынылды деп есептеледі.";
б) 6-тармақта:
"а" тармақша мынадай редакцияда жазылсын:
"а) алдын ала ақпарат Кодекстің 88-бабына сәйкес тауарлардың Одақтың кедендік аумағына келуі туралы хабарлаумен байланысты кедендік операцияларды жасау үшін ұсынылған жағдайда:
Армения Республикасы үшін:
осы Тәртіптің 5-тармағында көрсетілген мәліметтер;
кемінде алғашқы 6 белгі деңгейінде ЕАЭО СЭҚ ТН сәйкес тауарлардың кодтары;
тауарлар қаптамаларының түрлері;
Беларусь Республикасы, Қазақстан Республикасы, Қырғыз Республикасы, Ресей Федерациясы үшін – осы Тәртіптің 5-тармағында көрсетілген мәліметтер;";
"б" тармақша мынадай мазмұндағы абзацпен толықтырылсын:
"халықаралық тасымалдау көлік құралының типі;";
"ж" тармақшада "Кеден одағы Комиссиясының 2010 жылғы 18 маусымдағы № 289 шешімімен бекітілген Транзиттік декларацияны толтыру тәртібі туралы нұсқаулықтың" деген сөздер "Еуразиялық экономикалық комиссияның транзиттік декларацияны толтыру тәртібін белгілейтін актісінің" деген сөздермен ауыстырылсын;
в) 15-тармақ "құжаттандыру" деген сөзден кейін "жалпы" деген сөзбен толықтырылсын.
4. Еуразиялық экономикалық комиссия Алқасының 2018 жылғы 24 сәуірдегі № 62 шешімімен бекітілген Еуразиялық экономикалық одақтың кедендік аумағына әуе көлігімен әкелу болжанатын тауарлар туралы алдын ала ақпаратты ұсыну тәртібінде:
а) 4-тармақтың бірінші абзацы мынадай редакцияда жазылсын:
"4. Алдын ала ақпарат тауарлар Одақтың кедендік аумағына келгенге дейін, бірақ кеден органына тауарлардың Одақтың кедендік аумағына келуі туралы хабарлауға дейін 2 сағаттан кешіктірмей ұсынылады.";
б) 5-тармақ мынадай мазмұндағы "ж" тармақшамен толықтырылсын:
"ж) Ресей Федерациясы үшін – Одаққа мүше мемлекеттің (бұдан әрі – мүше мемлекет) үшінші тараппен (бар болған жағдайда) халықаралық шартына сәйкес белгіленген тауарлар мен көлік құралдарын сәйкестендіргіш.";
в) 6-тармақта:
"а" тармақшаның сегізінші абзацында "Одаққа мүше мемлекеттің (бұдан әрі – мүше мемлекет)" деген сөздер "мүше мемлекеттің" деген сөздермен ауыстырылсын;
"б" тармақша мынадай мазмұндағы абзацтармен толықтырылсын:
"халықаралық тасымалдау көлік құралының типі;
халықаралық тасымалдау көлік құралының маркасы (бар болған жағдайда);
халықаралық тасымалдау көлік құралының моделі (бар болған жағдайда);";
"в" тармақшасының бірінші абзацы мынадай редакцияда жазылсын:
"алдын ала ақпарат мүше мемлекеттің халықтың санитариялық-эпидемиологиялық саламаттығы саласындағы уәкілетті органының Одақтың кедендік шекарасында халықаралық тасымалдау көлік құралдарын және адамдарды санитариялық-эпидемиологиялық қадағалауға (бақылауға) қатысты бөлігінде шешім қабылдауын талап ететін кедендік операцияларды жасау үшін ұсынылған жағдайда:";
"д" тармақша "(Еуразиялық экономикалық комиссияның транзиттік декларацияны толтыру тәртібін белгілейтін актісінің ережелерін ескере отырып)" деген сөздермен толықтырылсын.
